ᱩᱛᱛᱚᱢ ᱠᱩᱢᱟᱨ
| ᱩᱛᱛᱚᱢ ᱠᱩᱢᱟᱨ | |
|---|---|
| ᱨᱮᱫ:Mahanayak Uttam-kumar.jpg | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱚᱨᱩᱱ ᱠᱩᱢᱟᱨ ᱪᱮᱟᱨᱡᱤ ᱓ ᱥᱮᱯᱴᱮᱢᱵᱚᱨ ᱑᱙᱒᱖ ᱟᱦᱤᱨᱤᱛᱚᱞᱟ, ᱠᱳᱞᱠᱟᱛᱟ, ᱵᱮᱝᱜᱚᱞ, ᱵᱨᱤᱴᱤᱥ ᱥᱤᱧᱚᱛ |
| ᱜᱩᱨ | ᱒᱔ ᱡᱩᱞᱟᱭ ᱑᱙᱘᱐ (᱕᱓ ᱵᱚᱭᱚᱥ) ᱵᱷᱚᱵᱱᱤᱯᱩᱨ, ᱠᱚᱞᱠᱟᱴᱟ, ᱯᱚᱥᱪᱤᱢᱵᱚᱝᱜᱚ, ᱥᱤᱧᱚᱛ |
| ᱮᱴᱟᱜ ᱧᱩᱛᱩᱢ | "ᱢᱚᱦᱟᱱᱟᱭᱚᱠ", "ᱜᱩᱨᱩ"[᱑] |
| ᱠᱟᱹᱢᱤ | ᱮᱠᱚᱨ |
| ᱠᱟᱹᱢᱤ ᱚᱠᱛᱚ | ᱑᱙᱔᱘ - ᱑᱙᱘᱐ |
| ᱧᱩᱢᱦᱟᱞᱟᱝ ᱠᱟᱹᱢᱤ | ᱯᱷᱤᱞᱢᱳᱜᱨᱟᱯᱷᱤ |
| ᱡᱤᱭᱚᱱ ᱥᱚᱦᱮᱫ | Gauri Debi (m. 1948–1980) |
| ᱦᱚᱯᱚᱱ | ᱑ |
| ᱯᱮᱲᱟ ᱥᱟᱹᱜᱟᱹᱭᱟᱱᱠᱚ | ᱛᱚᱨᱩᱱ ᱠᱩᱢᱟᱨ (ᱵᱚᱭᱦᱟ) |
ᱩᱛᱛᱚᱢ ᱠᱩᱢᱟᱨ (᱓ ᱥᱮᱯᱴᱨᱢᱵᱚᱨ ᱑᱙᱒᱖ - ᱒᱔ ᱡᱩᱞᱟᱭ ᱑᱙᱘᱐) ᱟᱜ ᱟᱥᱚᱞ ᱧᱩᱛᱩᱢ ᱛᱟᱭ ᱫᱚ ᱚᱨᱩᱱ ᱠᱩᱢᱟᱨ ᱪᱚᱴ-ᱴᱚᱯᱟᱫᱷᱟᱭ᱾ ᱩᱱᱤ ᱫᱚ ᱥᱤᱧᱚᱛᱤᱭᱟ. ᱨᱮᱱ ᱢᱤᱫ ᱧᱩᱛᱩᱢᱟᱱ ᱵᱟᱸᱜᱟᱞᱤ ᱥᱤᱱᱮᱢᱟ ᱚᱵᱷᱤᱱᱮᱛᱟ, ᱪᱤᱛᱨᱚ ᱯᱨᱚᱡᱳᱡᱚᱠ ᱟᱨ ᱯᱚᱨᱤᱪᱟᱞᱚᱠ ᱮ ᱛᱟᱦᱮᱸ ᱠᱟᱱᱟ᱾[᱒][᱓] ᱵᱟᱸᱜᱟᱞᱤ ᱥᱤᱱᱮᱢᱟ ᱡᱚᱜᱚᱛ ᱨᱮ ᱩᱱᱤ ᱫᱚ 'ᱢᱚᱦᱟᱱᱟᱭᱚᱠ' ᱧᱩᱛᱩᱢ ᱛᱮ ᱠᱚ ᱩᱨᱩᱢ ᱮ ᱠᱟᱱ ᱛᱟᱦᱮᱸ ᱠᱟᱱᱟ᱾[᱔] ᱥᱤᱱᱮᱢᱟ ᱨᱮ ᱚᱵᱷᱤᱱᱚᱭ ᱵᱮᱜᱚᱨ ᱦᱚᱸ ᱢᱮᱞᱳᱰᱤ ᱠᱚᱨᱮ ᱦᱚᱸ ᱟᱭᱢᱟ ᱜᱟᱱ ᱮ ᱚᱵᱷᱤᱱᱚᱭ ᱟᱠᱟᱫᱟ᱾
ᱯᱳᱭᱞᱳ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱠᱳᱞᱠᱟᱛᱟ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱠᱳᱞᱠᱟᱛᱟ ᱨᱮᱱᱟᱜ ᱥᱟᱩᱛᱷ ᱥᱟᱵᱟᱨᱵᱟᱱ ᱥᱠᱩᱞ ᱠᱷᱚᱱ ᱢᱮᱴᱨᱤᱠ ᱮ ᱯᱟᱥ ᱟᱠᱟᱫᱟ ᱟᱨ ᱛᱟᱭᱚᱢ ᱛᱮ ᱫᱚ ᱜᱳᱭᱮᱱᱠᱟ ᱠᱚᱞᱮᱡ ᱨᱮᱭ ᱥᱮᱞᱮᱫ ᱞᱮᱱᱟ᱾ ᱠᱳᱞᱠᱟᱛᱟ ᱯᱳᱨᱴ ᱨᱮ ᱪᱟᱠᱨᱤ ᱟᱛᱮᱫ ᱠᱟᱢᱤ ᱡᱤᱭᱚᱱ ᱮ ᱮᱛᱚᱦᱚᱵ ᱞᱮᱫ ᱨᱮ ᱦᱚᱸ ᱠᱚᱞᱮᱡ ᱫᱚ ᱵᱟᱭ ᱯᱩᱨᱟᱣ.ᱣ ᱫᱟᱲᱮ ᱟᱠᱟᱫᱟ᱾[᱔] ᱢᱤᱫ ᱥᱟᱫᱷᱟᱨᱟᱱ ᱢᱚᱫᱷᱚᱵᱤᱛ-ᱛᱚ ᱯᱚᱨᱤᱵᱟᱨ ᱠᱷᱚᱱ ᱦᱮᱡ ᱠᱟᱛᱮᱫ ᱥᱤᱱᱮᱢᱟ ᱨᱮ ᱧᱩᱛᱩᱢ ᱦᱟᱢᱮᱴ ᱞᱟ.ᱜᱤᱫ ᱛᱮ ᱟᱭᱢᱟ ᱜᱟᱱ ᱯᱚᱨᱤᱥᱨᱚᱢ ᱦᱳᱭ ᱞᱮᱱ ᱛᱟᱭᱟ᱾
ᱠᱟ.ᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱱᱮᱢᱟ ᱨᱮ ᱚᱵᱷᱤᱱᱚᱭ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱛᱛᱚᱢ ᱠᱩᱢᱟᱨ ᱟᱜ ᱯᱳᱭᱞᱳ ᱳᱰᱳᱠ ᱞᱮᱱ ᱥᱤᱱᱮᱢᱟ ᱫᱚ ᱫᱨᱤᱥᱴᱤ ᱫᱟᱱ᱾ ᱱᱚᱣᱟ ᱥᱤᱱᱮᱢᱟ ᱨᱮᱱ ᱯᱚᱨᱤᱪᱟᱞᱚᱠ ᱫᱚᱭ ᱛᱟᱦᱮᱸ ᱠᱟᱱᱟ ᱱᱤᱛᱤᱱ ᱵᱚᱥᱩ᱾ ᱱᱚᱣᱟ ᱢᱟᱲᱟᱝ ᱛᱮ ᱢᱟᱭᱟᱰᱳᱨ ᱥᱤᱱᱮᱢᱟ ᱨᱮ ᱚᱵᱷᱤᱱᱚᱭ ᱞᱮᱫᱟᱭ᱾ ᱢᱮᱱᱠᱷᱟᱱ ᱚᱱᱟ ᱫᱚ ᱵᱟᱝ ᱢᱩᱠᱛᱤᱭᱟᱠᱟᱱᱟ᱾[᱔] ᱵᱚᱥᱩ ᱯᱚᱨᱤᱵᱟᱨ ᱨᱮ ᱩᱱᱤ ᱜᱮ ᱯᱳᱭᱞᱳ ᱛᱮ ᱡᱚᱛᱚ ᱦᱚᱲ ᱟᱜ ᱢᱮᱫ ᱮ ᱟᱠᱚᱨᱥᱚᱱ ᱞᱮᱫᱟ᱾ ᱱᱚᱣᱟ ᱛᱟᱭᱚᱢ ᱫᱟᱲᱮ ᱪᱩᱣᱟᱛ-ᱛᱚᱨ ᱢᱩᱠᱛᱤ ᱛᱟᱭᱚᱢ ᱥᱤᱱᱮᱢᱟ ᱨᱮ ᱧᱩᱛᱩᱢᱟᱱ ᱴᱟᱶ ᱮ ᱦᱟᱢᱮᱴ ᱞᱮᱫᱟ᱾ ᱫᱟᱲᱮ ᱪᱩᱣᱟᱛ-ᱛᱚᱨ ᱥᱤᱱᱮᱢᱟ ᱨᱮ ᱯᱳᱭᱞᱳ ᱛᱮ ᱩᱱᱤ ᱫᱚ ᱥᱩᱪᱤᱛᱨᱟ ᱥᱮᱱ ᱥᱟᱶ ᱛᱮᱭ ᱚᱵᱷᱤᱱᱚᱭ ᱞᱮᱫᱟ᱾ ᱱᱚᱣᱟ ᱥᱤᱱᱮᱢᱟ ᱥᱟᱶ ᱛᱮᱜᱮ ᱩᱱᱠᱤᱱᱟᱜ ᱚᱵᱷᱤᱱᱚᱭ ᱫᱚ ᱟ.ᱰᱤ ᱧᱩᱛᱩᱢ ᱮᱱᱟ᱾ ᱩᱛᱛᱚᱢ ᱟᱨ ᱥᱩᱪᱤᱛᱨᱟ ᱫᱚ ᱵᱟᱸᱜᱞᱟ ᱥᱤᱱᱮᱢᱟ ᱨᱮ ᱢᱚᱲᱮ ᱜᱮᱞ ᱛᱩᱨᱩᱭ ᱜᱮᱞ ᱫᱚᱥᱚᱠ ᱨᱮ ᱫᱚ ᱟᱭᱢᱟ ᱜᱟᱱ ᱥᱤᱱᱤᱢᱮ ᱨᱮ ᱢᱤᱫ ᱥᱟᱶ ᱛᱮ ᱠᱤᱱ ᱚᱵᱷᱤᱱᱚᱭ ᱟᱠᱟᱫᱟ᱾ ᱱᱚᱣᱟ ᱠᱚ ᱢᱩᱫ ᱨᱮ ᱧᱩᱛᱩᱢᱟᱜ ᱠᱚ ᱫᱟ ᱦᱟᱨᱟᱱᱳ ᱥᱩᱨ, ᱯᱚᱛᱷᱮ ᱦᱚᱞᱚ ᱫᱮᱨᱤ, ᱥᱚᱯᱛᱚᱯᱚᱫᱤ, ᱪᱟᱣᱟ ᱯᱟᱣᱟ, ᱵᱤᱯᱟᱥᱟ, ᱡᱤᱵᱚᱱ ᱛᱨᱤᱥᱱᱟ ᱮᱵᱚᱝ ᱥᱟᱜᱚᱨᱤᱠᱟ᱾
ᱩᱛᱛᱚᱢ ᱠᱩᱢᱟᱨ ᱫᱚ ᱵᱟᱸᱜᱞᱟ ᱥᱤᱱᱮᱢᱟ ᱠᱚ ᱠᱚᱨᱟᱣ ᱥᱟᱶ ᱥᱟᱶ ᱛᱮ ᱟᱭᱢᱟ ᱜᱟᱱ ᱦᱤᱱᱫᱤ ᱥᱤᱱᱮᱢᱟ ᱨᱮ ᱦᱚᱸᱭ ᱚᱵᱷᱤᱱᱚᱭ ᱟᱠᱟᱫᱟᱭ᱾ ᱩᱱᱤ ᱚᱵᱷᱤᱱᱚᱭ ᱟᱜ ᱦᱤᱱᱫᱤ ᱥᱤᱱᱮᱢᱟ ᱠᱚ ᱢᱩᱫ ᱨᱮ - ᱪᱷᱳᱴᱤᱥᱤ ᱢᱩᱞᱟᱠᱟᱛ, ᱚᱢᱟᱱᱩᱥ ᱟᱨ ᱟᱱᱚᱱ-ᱫᱚ ᱟᱥᱨᱚᱢ ᱟ.ᱰᱤ ᱜᱮ ᱧᱩᱛᱩᱢᱟ᱾ ᱩᱱᱤ ᱥᱚᱛ-ᱛᱚᱡᱤᱛ ᱨᱟᱭ ᱟᱜ ᱯᱚᱨᱤᱪᱟᱞᱚᱱᱟ ᱛᱮ ᱵᱟᱨᱭᱟ ᱥᱤᱱᱮᱢᱟᱭ ᱠᱚᱨᱟᱣ ᱞᱮᱫᱟ᱾ ᱢᱤᱫ ᱫᱚ ᱱᱟᱭᱚᱠ ᱟᱨ ᱢᱤᱫ ᱫᱚ ᱪᱤᱲᱤᱭᱟᱠᱷᱟᱱᱟ᱾ ᱪᱤᱲᱤᱭᱟᱠᱷᱟᱱᱟ ᱥᱤᱱᱮᱢᱟ ᱨᱮ ᱩᱱᱤ ᱫᱚ ᱵᱳᱢᱠᱮᱥ ᱵᱚᱠᱥᱤ ᱧᱩᱛᱩᱢ ᱛᱮᱭ ᱚᱵᱷᱤᱱᱚᱭ ᱞᱮᱫᱟ᱾ ᱨᱳᱢᱟᱱᱴᱤᱠ ᱥᱤᱱᱮᱢᱟ ᱵᱮᱜᱚᱨ ᱦᱚᱸ ᱟᱭᱢᱟ ᱜᱟᱱ ᱜᱮ ᱮᱴᱟᱜ ᱞᱮᱠᱟᱱ ᱧᱚᱜ ᱟᱜ ᱥᱤᱱᱮᱢᱟ ᱨᱮ ᱦᱚᱸᱭ ᱚᱵᱷᱤᱱᱚᱭ ᱟᱠᱟᱫᱟᱭ᱾ ᱥᱚᱛ-ᱛᱚᱡᱤᱛ ᱨᱟᱭ ᱟᱡ ᱱᱤᱡᱮ ᱜᱮ ᱩᱛᱛᱚᱢ ᱠᱩᱢᱟᱨ ᱮ ᱦᱚᱦᱚ ᱟᱫᱮ ᱛᱟᱦᱮᱸ ᱠᱟᱱᱟ ᱱᱟᱭᱚᱠ ᱥᱤᱱᱮᱢᱟ ᱨᱮ ᱚᱵᱷᱤᱱᱚᱭ ᱞᱟ.ᱜᱤᱫ ᱛᱮ᱾
ᱥᱟ.ᱠᱷᱭᱟ.ᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Uttam Kumar IMDB biography". imdb.com. IMDB. Retrieved 3 November 2018.
- ↑ "Of fond memories", The Telegraph, 24 July 2003, retrieved 15 August 2010
- ↑ Dasgupta, Priyanka (24 July 2010), "Star struck for Uttam?", The Times of India, archived from the original on 14 August 2013, retrieved 15 August 2010
- ↑ ᱔.᱐ ᱔.᱑ ᱔.᱒ ᱪᱷᱟᱸᱪ:ওয়েব উদ্ধৃতি