ᱥᱩᱪᱤᱛᱨᱟ ᱥᱮᱹᱱ
| ᱥᱩᱪᱤᱛᱨᱟ ᱥᱮᱹᱱ | |
|---|---|
| ᱨᱮᱫ:Suchitra Sen.jpg ᱫᱮᱹᱵᱫᱟᱥ ᱥᱤᱱᱮᱢᱟ ᱨᱮ ᱯᱟᱨᱳ ᱪᱚᱨᱤᱛ ᱨᱮ ᱥᱩᱪᱤᱛᱨᱟ ᱥᱮᱹᱱ (᱑᱙᱕᱕) | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱨᱚᱢᱟ ᱫᱟᱥᱜᱩᱯᱛᱚ ᱖ ᱮᱯᱨᱤᱞ ᱑᱙᱓᱑ ᱯᱟᱵᱽᱱᱟ, ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱥᱤᱧᱚᱛ (ᱱᱤᱛᱚᱜ ᱫᱚ ᱥᱤᱨᱟᱡᱽᱜᱚᱸᱡᱽ, ᱵᱟᱝᱞᱟᱫᱮᱥ) |
| ᱜᱩᱨ | ᱑᱗ ᱡᱟᱱᱩᱣᱟᱨᱤ ᱒᱐᱑᱔ (᱘᱒ ᱵᱚᱭᱚᱥ) ᱠᱚᱞᱠᱟᱛᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱠᱷᱮᱞᱚᱰᱟᱹᱱᱤ |
| ᱠᱟᱹᱢᱤ ᱚᱠᱛᱚ | ᱑᱙᱕᱒–᱑᱙᱗᱙ |
| Works | ᱯᱷᱤᱞᱢᱚᱜᱨᱟᱯᱷᱤ |
| ᱡᱤᱭᱚᱱ ᱥᱚᱦᱮᱫ | ᱫᱤᱵᱟᱱᱟᱛᱷ ᱥᱮᱹᱱ (m. 1947; died 1970) |
| ᱦᱚᱯᱚᱱ | ᱢᱩᱱᱢᱩᱱ ᱥᱮᱹᱱ |
| ᱥᱤᱨᱯᱷᱟᱹ | ᱯᱚᱫᱽᱢᱟ ᱥᱨᱤ ᱵᱟᱝᱜᱟ ᱵᱤᱵᱷᱩᱥᱚᱱ |
| ᱥᱩᱦᱤ | |
| ᱨᱮᱫ:Suchitra Sen English signature.jpg | |
ᱥᱩᱪᱤᱛᱨᱟ ᱥᱮᱹᱱ (᱖ ᱮᱯᱨᱤᱞ ᱑᱙᱓᱑ - ᱑᱗ ᱡᱟᱱᱩᱣᱟᱨᱤ ᱒᱐᱑᱔) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱚᱵᱷᱤᱱᱚᱭ ᱠᱷᱮᱞᱚᱰᱟᱹᱱᱤᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱟᱜ ᱡᱟᱱᱟᱢ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱨᱚᱢᱟ ᱫᱟᱥᱜᱩᱯᱛᱚ ᱾ ᱩᱱᱤ ᱫᱚ ᱵᱟᱝᱞᱟ ᱟᱨ ᱦᱤᱱᱫᱤ ᱥᱤᱱᱮᱢᱟ ᱨᱮ ᱚᱵᱷᱤᱱᱚᱭ ᱠᱷᱟᱹᱛᱤᱨ ᱟᱹᱰᱤ ᱧᱩᱛᱩᱢᱮ ᱧᱟᱢ ᱞᱮᱫᱟ ᱾ ᱵᱟᱝᱞᱟ ᱥᱤᱱᱮᱢᱟ ᱨᱮ ᱩᱛᱛᱚᱢ ᱠᱩᱢᱟᱨ ᱟᱜ ᱵᱤᱯᱳᱨᱤᱛ ᱚᱵᱷᱤᱱᱚᱭ ᱠᱟᱛᱮ ᱵᱤᱥᱮᱥ ᱠᱟᱛᱮ ᱩᱱᱤ ᱫᱚ ᱡᱟᱹᱥᱛᱤ ᱧᱩᱛᱩᱢᱮ ᱧᱟᱢ ᱟᱠᱟᱫᱟ ᱾
᱑᱙᱖᱓ ᱥᱮᱨᱢᱟ ᱨᱮ ᱥᱟᱛ ᱯᱟᱠᱮ ᱵᱟᱸᱫᱷᱟ ᱥᱤᱱᱮᱢᱟ ᱨᱮ ᱚᱵᱷᱤᱱᱚᱭ ᱠᱷᱟᱹᱛᱤᱨ ᱢᱚᱥᱠᱳ ᱥᱤᱱᱮᱢᱟ ᱯᱚᱨᱚᱵᱽ ᱨᱮ ᱥᱮᱹᱱ 'ᱥᱤᱞᱵᱷᱟᱨ ᱯᱨᱟᱭᱤᱡᱽ ᱯᱷᱚᱨ ᱵᱮᱥᱴ ᱮᱠᱴᱨᱮᱥ' ᱮ ᱧᱟᱢ ᱞᱮᱫᱟ ᱾ ᱩᱱᱤᱜᱮ ᱯᱟᱹᱦᱤᱞ ᱥᱤᱧᱚᱛ ᱨᱮᱱ ᱚᱵᱷᱤᱱᱚᱭ ᱥᱤᱞᱯᱤ ᱡᱟᱦᱟᱸᱭ ᱯᱟᱹᱦᱤᱞ ᱫᱷᱟᱣ ᱞᱮᱠᱟᱛᱮ ᱡᱮᱜᱮᱛᱟᱹᱨᱤ ᱥᱤᱱᱮᱢᱟ ᱯᱚᱨᱚᱵᱽ ᱨᱮ ᱥᱤᱨᱯᱟᱹᱭ ᱧᱟᱢ ᱟᱠᱟᱫᱟ ᱾ ᱑᱙᱗᱒ ᱥᱮᱨᱢᱟ ᱨᱮ ᱥᱤᱧᱚᱛ ᱥᱚᱨᱠᱟᱨ ᱴᱷᱮᱱ ᱠᱷᱚᱱ ᱥᱩᱪᱤᱛᱨᱟ ᱥᱮᱹᱱ ᱯᱚᱫᱫᱚᱥᱨᱤ ᱥᱤᱨᱯᱟᱹᱭ ᱧᱟᱢ ᱟᱠᱟᱫᱟ ᱾ ᱟᱸᱡᱚᱢ ᱟᱠᱟᱱᱟ ᱡᱮ ᱒᱐᱐᱕ ᱥᱮᱨᱢᱟ ᱨᱮ ᱥᱤᱧᱚᱛ ᱥᱚᱨᱠᱟᱨ ᱩᱱᱤ ᱵᱟᱵᱟᱥᱟᱦᱮᱵᱽ ᱯᱷᱟᱞᱠᱮ ᱥᱤᱨᱯᱟᱹ ᱮᱢᱟᱭ ᱠᱚ ᱢᱮᱱᱞᱮᱫᱟ, ᱟᱫᱚ ᱥᱩᱪᱤᱛᱨᱟ ᱥᱮᱹᱱ ᱡᱟᱹᱥᱛᱤ ᱦᱚᱲ ᱥᱟᱢᱟᱝ ᱨᱮ ᱵᱟᱭ ᱩᱰᱩᱝᱚᱜ ᱠᱷᱟᱹᱛᱤᱨ ᱱᱚᱣᱟ ᱥᱤᱨᱯᱟᱹ ᱵᱟᱭ ᱦᱟᱛᱟᱣ ᱞᱮᱫᱟ ᱾ ᱒᱐᱑᱒ ᱥᱮᱨᱢᱟ ᱨᱮ ᱯᱟᱹᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱟᱜ ᱡᱚᱛᱚ ᱠᱷᱚᱱ ᱞᱟᱹᱴᱩ ᱥᱤᱨᱯᱟᱹ ᱵᱚᱝᱜᱚᱵᱤᱵᱷᱩᱥᱚᱱ ᱠᱚ ᱮᱢᱟᱣ ᱟᱠᱟᱫᱤᱭᱟ ᱾
ᱚᱞ ᱯᱟᱲᱦᱟᱣ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱩᱪᱤᱛᱨᱟ ᱥᱮᱹᱱ ᱟᱜ ᱚᱲᱟᱜ ᱫᱚ ᱱᱮᱛᱟᱨᱟᱜ ᱵᱟᱝᱞᱟᱫᱮᱥ ᱨᱮᱱᱟᱜ ᱥᱤᱨᱟᱡᱽᱜᱚᱸᱡᱽ ᱦᱚᱱᱚᱛ ᱨᱮᱱᱟᱜ ᱵᱮᱞᱠᱩᱪᱤ ᱛᱷᱟᱱᱟᱨᱮ ᱾ ᱟᱡ ᱵᱟᱵᱟ ᱠᱚᱨᱩᱱᱟᱢᱚᱭ ᱫᱟᱥᱜᱩᱯᱛᱚ ᱫᱚ ᱢᱤᱫᱴᱮᱱ ᱵᱤᱨᱫᱟᱹᱜᱟᱲ ᱨᱮᱱ ᱢᱩᱬᱩᱛ ᱢᱟᱪᱮᱫᱮ ᱛᱟᱸᱦᱮᱸᱠᱟᱱᱟ ᱟᱨ ᱟᱡ ᱜᱚᱜᱚ ᱤᱱᱫᱤᱨᱟ ᱫᱮᱵᱤ ᱫᱚ ᱜᱷᱚᱨᱚᱱᱤᱭ ᱛᱟᱦᱮᱸ ᱠᱟᱱᱟ ᱾ ᱥᱩᱪᱤᱛᱨᱟ ᱫᱚ ᱟᱡ ᱜᱚᱜᱚ ᱵᱟᱵᱟ ᱛᱟᱹᱠᱤᱱ ᱨᱮᱱ ᱢᱚᱬᱮ ᱟᱜ ᱜᱤᱫᱽᱨᱟᱹ ᱟᱨ ᱛᱮᱥᱟᱨ ᱟᱜ ᱠᱩᱲᱤ ᱜᱤᱫᱽᱨᱟᱹ ᱾ ᱯᱟᱵᱽᱱᱟ ᱥᱚᱦᱚᱨ ᱨᱮᱜᱮ ᱥᱩᱪᱤᱛᱨᱟ ᱥᱮᱹᱱ ᱫᱚᱭ ᱯᱟᱲᱦᱟᱣ ᱟᱠᱟᱱᱟ ᱾ ᱚᱱᱚᱲᱦᱮᱸ ᱚᱱᱚᱞᱤᱭᱟᱹ ᱨᱚᱡᱚᱱᱤᱠᱟᱱᱛᱚ ᱥᱮᱹᱱ ᱫᱚ ᱟᱡ ᱞᱟᱹᱴᱩᱵᱟᱭ ᱛᱟᱦᱮᱸ ᱠᱟᱱᱟ ᱾
᱑᱙᱔᱗ ᱥᱮᱨᱢᱟ ᱨᱮ ᱠᱤᱥᱟᱺᱲ ᱟᱫᱤᱱᱟᱛᱷ ᱥᱮᱹᱱ ᱨᱮᱱ ᱠᱚᱲᱟ ᱦᱚᱯᱚᱱ ᱫᱤᱵᱟᱱᱟᱛᱷ ᱥᱮᱹᱱ ᱥᱟᱶᱛᱮ ᱥᱩᱪᱤᱛᱨᱟ ᱟᱜ ᱵᱟᱯᱞᱟ ᱦᱩᱭ ᱟᱠᱟᱱᱟ ᱾ ᱩᱱᱠᱤᱱ ᱨᱮᱱ ᱠᱩᱲᱤ ᱜᱤᱫᱽᱨᱟᱹ ᱢᱩᱱᱢᱩᱱ ᱥᱮᱹᱱ ᱦᱚᱸ ᱢᱤᱫᱴᱮᱱ ᱧᱩᱛᱩᱢᱟᱱ ᱠᱷᱮᱞᱚᱰᱟᱹᱱᱤ ᱠᱟᱱᱟᱭ ᱾ ᱑᱙᱕᱒ ᱥᱮᱨᱢᱟ ᱥᱮᱡ ᱥᱩᱪᱷᱤᱛᱨᱟ ᱥᱮᱹᱱ ᱵᱟᱝᱞᱟ ᱥᱤᱱᱮᱢᱟ ᱥᱟᱶᱛᱮᱭ ᱡᱚᱲᱟᱣ ᱞᱮᱱᱟ ᱾
ᱥᱤᱱᱮᱢᱟ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱕᱒ ᱥᱮᱨᱢᱟ ᱨᱮ ᱥᱮᱹᱥ ᱠᱳᱛᱷᱚᱭ ᱥᱤᱱᱮᱢᱟ ᱛᱟᱞᱟᱛᱮ ᱥᱤᱱᱮᱢᱟ ᱨᱮ ᱩᱱᱤᱭᱟᱜ ᱚᱵᱷᱤᱱᱚᱭ ᱮᱛᱦᱚᱵ ᱞᱮᱱ ᱨᱮᱦᱚᱸ ᱚᱱᱟ ᱥᱤᱱᱮᱢᱟ ᱫᱚ ᱢᱩᱠᱛᱤ ᱵᱟᱭ ᱧᱟᱢ ᱞᱮᱫᱟ ᱾
ᱥᱩᱪᱤᱛᱨᱟ ᱥᱮᱹᱱ ᱜᱮ ᱵᱟᱝᱞᱟ ᱥᱤᱱᱮᱢᱟ ᱨᱮᱱ ᱯᱟᱹᱦᱤᱞ ᱠᱷᱮᱞᱚᱰᱟᱹᱱᱤ ᱡᱟᱦᱟᱸᱭ ᱫᱚ ᱡᱮᱜᱮᱛᱟᱹᱨᱤ ᱥᱤᱨᱯᱟᱹᱭ ᱦᱟᱢᱮᱴ ᱞᱮᱫᱟ ᱾ ᱑᱙᱖᱓ ᱥᱮᱨᱢᱟ ᱨᱮ ᱢᱚᱥᱠᱳ ᱥᱤᱱᱮᱢᱟ ᱯᱚᱨᱚᱵᱽ ᱨᱮ ᱩᱱᱤ ᱥᱮᱨᱟ ᱠᱷᱮᱞᱚᱰᱟᱹᱱᱤ ᱟᱜ ᱥᱤᱨᱯᱟᱹᱭ ᱦᱟᱢᱮᱴ ᱞᱮᱫᱟ ᱾ ᱑᱙᱕᱕ ᱥᱮᱨᱢᱟ ᱨᱮ ᱫᱮᱵᱫᱟᱥ ᱥᱤᱱᱮᱢᱟ ᱞᱟᱹᱜᱤᱛ ᱩᱱᱤ ᱥᱮᱨᱟ ᱠᱷᱮᱞᱚᱰᱟᱹᱱᱤ ᱨᱮᱱᱟᱜ ᱥᱤᱨᱯᱟᱹᱣ ᱦᱟᱢᱮᱴ ᱞᱮᱫᱟ, ᱡᱟᱦᱟᱸ ᱫᱚ ᱩᱱᱤᱭᱟᱜ ᱯᱟᱹᱦᱤᱞ ᱦᱤᱱᱫᱤ ᱥᱤᱱᱮᱢᱟ ᱛᱟᱦᱮᱸ ᱠᱟᱱᱛᱟᱭᱟ ᱾
ᱩᱛᱛᱚᱢ ᱠᱩᱢᱟᱨ ᱥᱟᱶᱛᱮ ᱵᱟᱝᱞᱟ ᱥᱤᱱᱮᱢᱟ ᱨᱮ ᱫᱩᱞᱟᱹᱲ ᱨᱮᱱᱟᱜ ᱥᱚᱨᱚᱥᱮ ᱩᱫᱩᱜᱽ ᱟᱠᱟᱫᱟ ᱥᱩᱪᱤᱛᱨᱟ ᱥᱮᱹᱱ, ᱱᱤᱛ ᱫᱷᱟᱹᱵᱤᱡ ᱫᱩᱞᱟᱹᱲᱤᱭᱟᱹ ᱠᱷᱮᱞᱚᱰᱟᱹᱱᱤ ᱦᱤᱥᱟᱹᱵ ᱛᱮ ᱩᱱᱤᱭᱟᱜ ᱚᱵᱷᱤᱱᱚᱭ ᱜᱮ ᱵᱟᱝᱞᱟ ᱥᱤᱱᱮᱢᱟ ᱟᱹᱰᱤᱜᱮ ᱧᱩᱛᱩᱢᱟᱱ ᱠᱟᱱᱟ ᱾
ᱟᱭᱟᱜ ᱚᱵᱷᱤᱱᱚᱭ ᱡᱤᱭᱚᱱ ᱨᱮ ᱥᱩᱪᱤᱛᱨᱟ ᱥᱮᱹᱱ ᱟᱹᱰᱤ ᱵᱷᱟᱜᱮ ᱵᱷᱟᱜᱮ ᱥᱤᱱᱮᱢᱟᱭ ᱮᱢ ᱴᱚᱠᱟᱣ ᱠᱟᱛ ᱵᱚᱱᱟ ᱾ ᱩᱱᱤᱭᱟᱜ ᱚᱵᱷᱤᱱᱚᱭ ᱠᱷᱟᱹᱛᱤᱨ ᱟᱭᱢᱟ ᱥᱤᱱᱮᱢᱟ ᱦᱚᱸ ᱦᱤᱴ ᱟᱨ ᱵᱟᱱᱤᱡᱡᱚ ᱥᱚᱯᱷᱚᱞ ᱦᱚᱸ ᱦᱩᱭ ᱞᱮᱱᱟ ᱾
ᱩᱠᱩ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱗᱘ ᱥᱮᱨᱢᱟ ᱨᱮ ᱩᱱᱤ ᱚᱵᱷᱤᱱᱚᱭ ᱠᱷᱚᱱ ᱚᱵᱚᱥᱚᱨᱮ ᱦᱟᱛᱟᱣ ᱞᱮᱫᱟ ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱢᱟᱹᱱᱢᱤ ᱛᱟᱞᱟ ᱠᱷᱚᱱ ᱩᱠᱩᱨᱮᱭ ᱛᱟᱸᱦᱮᱸᱱᱠᱟᱱ ᱛᱟᱦᱮᱸᱱᱟ ᱟᱨ ᱨᱟᱢᱠᱨᱤᱥᱱᱚ ᱢᱤᱥᱚᱱ ᱟᱜ ᱥᱮᱵᱟ ᱨᱮᱭ ᱛᱟᱦᱮᱸ ᱠᱟᱱᱟ ᱾
ᱜᱚᱪ ᱜᱩᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱔ ᱥᱮᱨᱢᱟ ᱨᱮᱱᱟᱜ ᱑᱗ ᱡᱟᱱᱩᱣᱟᱨᱤ ᱥᱤᱧᱚᱛᱤᱭᱟᱹ ᱚᱠᱛᱚ ᱘ ᱴᱟ ᱒᱕ ᱢᱤᱱᱤᱴ ᱨᱮ ᱠᱚᱞᱠᱟᱛᱟ ᱨᱮᱱᱟᱜ ᱵᱮᱹᱞ ᱵᱷᱤᱣ ᱦᱟᱥᱯᱟᱛᱟᱞ ᱨᱮ ᱦᱟᱨᱴ ᱟᱡᱟᱨ ᱠᱟᱠᱷᱟᱱᱟᱜ ᱛᱮ ᱘᱒ ᱵᱚᱪᱷᱟᱨ ᱵᱚᱭᱚᱥ ᱨᱮᱭ ᱵᱚᱸᱜᱟ ᱛᱟᱞᱟᱭᱱᱟ ᱾ ᱯᱮ ᱦᱟᱯᱛᱟ ᱞᱟᱦᱟᱨᱮ ᱩᱱᱤ ᱫᱚ ᱯᱷᱩᱥᱯᱷᱩᱥ ᱨᱮ ᱥᱚᱢᱚᱥᱥᱟ ᱠᱷᱟᱹᱛᱤᱨ ᱦᱟᱥᱯᱟᱛᱟᱞ ᱨᱮᱠᱚ ᱵᱷᱳᱨᱛᱤ ᱞᱤᱫᱤᱫᱭᱟ ᱾ ᱯᱟᱹᱪᱷᱤᱢ ᱵᱟᱝᱞᱟ ᱨᱮᱱ ᱢᱩᱬᱩᱛ ᱢᱳᱱᱛᱨᱤ ᱢᱚᱢᱚᱛᱟ ᱵᱚᱱᱫᱚᱯᱟᱫᱫᱷᱟᱭ ᱩᱱᱤᱭᱟᱜ ᱜᱩᱨ ᱚᱱᱩᱥᱴᱷᱟᱱ ᱨᱮ ᱥᱮᱨᱮᱧ ᱥᱮᱞᱩᱴ ᱮ ᱮᱢ ᱞᱮᱫᱟ᱾ ᱥᱩᱪᱤᱛᱨᱟ ᱥᱮᱹᱱ ᱟᱜ ᱜᱚᱪ ᱜᱩᱨ ᱨᱮ ᱥᱤᱧᱚᱛ ᱨᱮᱱ ᱨᱟᱥᱴᱨᱚᱯᱚᱛᱤ ᱯᱨᱚᱱᱚᱵᱽ ᱢᱩᱠᱷᱳᱯᱟᱫᱫᱷᱟᱭ, ᱯᱨᱚᱫᱷᱟᱱᱢᱳᱱᱛᱨᱤ ᱢᱚᱱᱢᱳᱦᱳᱱ ᱥᱤᱝ ᱟᱨ ᱵᱷᱟᱨᱛᱤᱭᱳ ᱡᱚᱱᱚᱛᱟ ᱯᱟᱨᱴᱤ ᱨᱮᱱ ᱯᱨᱚᱫᱷᱟᱱᱢᱳᱱᱛᱨᱤ ᱯᱟᱨᱛᱦᱤ ᱱᱚᱨᱮᱱᱫᱨᱚ ᱢᱳᱫᱤ ᱛᱟᱹᱠᱩ ᱜᱚᱪ ᱜᱩᱨ ᱨᱮᱱᱟᱜ ᱠᱷᱚᱵᱚᱨ ᱠᱩ ᱪᱟᱞ ᱞᱮᱫᱟ ᱾
ᱜᱷᱟᱨᱚᱸᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡ ᱨᱮᱱ ᱠᱩᱲᱤ ᱜᱤᱫᱽᱨᱟᱹ ᱢᱩᱱᱢᱩᱱ ᱥᱮᱹᱱ ᱟᱨ ᱜᱚᱲᱚᱢ ᱠᱩᱲᱤ ᱨᱤᱭᱟ ᱥᱮᱹᱱ, ᱨᱟᱭᱢᱟ ᱥᱮᱹᱱ ᱛᱟᱹᱠᱤᱱ ᱦᱚᱸ ᱥᱤᱱᱮᱢᱟ ᱨᱮᱠᱚ ᱚᱵᱷᱤᱱᱚᱭ ᱫᱟ ᱾
ᱥᱤᱱᱮᱢᱟ ᱨᱮᱱᱟᱜ ᱛᱟᱹᱞᱠᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱨᱯᱟᱹᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱥᱮᱨᱢᱟ | ᱥᱤᱨᱯᱟᱹ | ᱨᱮᱥᱟᱞᱴ | ᱥᱤᱱᱮᱢᱟ |
|---|---|---|---|
| ᱑᱙᱖᱓ | ᱛᱮᱥᱟᱨ ᱢᱚᱥᱠᱳ ᱡᱮᱜᱮᱛᱟᱹᱨᱤ ᱥᱤᱱᱮᱢᱟ ᱯᱚᱨᱚᱵᱽ- ᱥᱮᱨᱟ ᱚᱵᱷᱤᱱᱮᱛᱨᱤ | ᱡᱚᱭᱤ | ᱥᱟᱛ ᱯᱟᱠᱮ ᱵᱟᱸᱫᱷᱟ |
| ᱑᱙᱖᱖ | ᱯᱷᱤᱞᱢᱯᱷᱮᱭᱟᱨ ᱥᱮᱨᱟ ᱚᱵᱷᱤᱱᱮᱛᱨᱤ ᱥᱤᱨᱯᱟᱹ | ᱢᱚᱱᱚᱱᱤᱛᱳ | ᱢᱚᱢᱚᱛᱟ |
| ᱑᱙᱗᱒ | ᱯᱚᱫᱫᱚᱥᱨᱤ | ᱥᱤᱱᱮᱢᱟ ᱨᱮ ᱵᱤᱥᱮᱥ ᱮᱱᱮᱢ ᱫᱚᱦᱚ ᱵᱟᱠᱷᱨᱟ | |
| ᱑᱙᱗᱖ | ᱯᱷᱤᱞᱢᱯᱷᱮᱭᱟᱨ ᱥᱮᱨᱟ ᱚᱵᱷᱤᱱᱮᱛᱨᱤ ᱥᱤᱨᱯᱟᱹ | ᱢᱚᱱᱚᱱᱤᱛᱳ | ᱟᱸᱫᱷᱤ |
| ᱒᱐᱑᱒ | ᱵᱚᱝᱜᱚᱵᱤᱵᱷᱩᱥᱚᱱ | ᱥᱤᱱᱮᱢᱟ ᱨᱮ ᱥᱟᱨᱟ ᱡᱤᱭᱚᱱ ᱮᱱᱮᱢ ᱫᱚᱦᱚ ᱵᱟᱠᱷᱨᱟ |