ᱚᱫᱟᱢ

ᱣᱤᱠᱤᱯᱤᱰᱤᱭᱟ ᱠᱷᱚᱱ
(ᱩᱫᱟᱢ/ᱚᱫᱟᱢ ᱠᱷᱚᱱ ᱟᱹᱪᱩᱨ ᱦᱮᱡᱠᱟᱱᱟ)
Jump to navigation Jump to search

 

ᱚᱫᱟᱢ

ᱩᱫᱟᱢ/ᱚᱫᱟᱢ (ᱤᱝᱨᱟ.ᱡᱤ: otter) ᱫᱚ ᱢᱤᱫ ᱞᱮᱠᱟᱱ ᱯᱟᱭᱨᱟᱜ ᱟᱨ ᱜᱷᱩᱴᱩ ᱨᱮ ᱴᱩᱱᱰᱟ.ᱝᱼᱚᱜ ᱡᱟᱱᱣᱟᱨ ᱠᱟᱱᱟ ᱠᱚ৷ ᱱᱩᱠᱚ ᱫᱚ ᱜᱟ.ᱰᱭᱟ , ᱱᱟ.ᱭ ᱱᱟᱞᱟ , ᱜᱟᱰᱟ ᱢᱩᱸᱰᱩ ᱚᱱᱠᱟᱱ ᱫᱟᱜ ᱛᱟᱦᱮᱱ ᱴᱷᱟ.ᱭ ᱨᱮᱜᱮ ᱠᱚ ᱛᱟᱦᱮᱱᱟ ৷ ᱫᱟᱜ ᱥᱩᱨ ᱨᱮᱭᱟᱜ ᱫᱷᱤᱨᱤ ᱵᱷᱩᱜᱟ.ᱜ , ᱫᱟᱨᱮ ᱨᱮᱦᱮᱫ ᱞᱟᱛᱟᱨ ᱮᱢᱟᱱ ᱠᱚᱨᱮ ᱠᱚ ᱧᱟᱢᱚᱜ-ᱟ৷ ᱱᱩᱠᱚ ᱫᱚ ᱫᱟᱜ ᱨᱮᱜᱮ ᱠᱚ ᱯᱟᱭᱨᱟ ᱵᱟᱲᱟᱭ ᱨᱮᱦᱚᱸ ᱚᱛ ᱨᱮ ᱦᱚᱸ ᱠᱚ ᱫᱟᱲᱟᱱ ᱜᱮᱭᱟ ৷ ᱩᱫᱟᱢ ᱞᱮᱠᱟ ᱚᱛ ᱨᱮ ᱛᱟᱦᱮᱱ ᱡᱟᱱᱣᱟᱨ ᱢᱩᱫᱽ ᱨᱮ ᱮᱴᱟᱜ ᱡᱟᱱᱣᱟᱨ ᱞᱮᱠᱟ ᱫᱟᱜ ᱨᱮ ᱤᱱᱟ.ᱜ ᱵᱟᱠᱚ ᱫᱟᱲ ᱠᱮᱭᱟ৷ ᱩᱫᱟᱢ ᱟᱜ ᱟᱥᱚᱞ ᱡᱚᱢᱟᱜ ᱫᱚ ᱦᱟᱹᱠᱩ ᱠᱟᱱᱟ ᱠᱚ ৷ᱦᱟᱹᱠᱩ ᱥᱟᱥᱟᱵ ᱨᱮ ᱟ.ᱰᱤ ᱜᱟ.ᱠᱷᱩᱲ (ᱢᱟᱹᱦᱤᱨ) ᱜᱮᱭᱟ ᱠᱚ৷ ᱢᱤᱫᱴᱮᱱ ᱡᱟ.ᱲ ᱨᱮᱵᱚᱱ ᱟᱸᱡᱚᱢ ᱟᱠᱟᱫ ᱜᱮᱭᱟ ᱜᱟᱰᱟ ᱯᱟᱨᱚᱢᱚᱜ ᱡᱚᱠᱷᱮᱡ ᱢᱤᱫ ᱦᱚᱲᱟᱜ ᱢᱟᱞᱟ ᱧᱩᱨ ᱮᱱ ᱛᱟᱭᱟ , ᱚᱱᱟ ᱢᱟᱞᱟ ᱢᱤᱫ ᱴᱮᱱ ᱦᱟᱹᱠᱩᱭ ᱡᱚᱢ ᱠᱮᱫᱼᱟ ᱛᱟᱭᱚᱢ ᱛᱮ ᱩᱱᱤ ᱩᱫᱟᱢ ᱪᱮᱫ ᱞᱮᱠᱟ ᱡᱚᱛᱚ ᱦᱟᱹᱠᱚ ᱣᱟᱜ ᱞᱟᱡ-ᱮ ᱜᱮᱨ ᱵᱚᱜᱚᱡ ᱞᱮᱫ ᱛᱟᱠᱚᱣᱟ ? ᱩᱫᱟᱢ ᱫᱚ ᱚᱥᱴᱨᱮᱞᱤᱭᱟ ᱫᱤᱥᱚᱢ ᱪᱷᱟᱰᱟ ᱡᱟᱛᱮ ᱜᱚᱴᱟ ᱫᱷᱟ.ᱨᱛᱤ ᱨᱮ ᱜᱮ ᱠᱚ ᱧᱟᱢᱚᱜ-ᱟ ৷ ᱥᱤᱧᱚᱛ ᱨᱮᱦᱚᱸ ᱟᱭᱢᱟ ᱛᱷᱚᱠ ᱨᱮᱱ ᱢᱮᱱᱟᱜ ᱠᱚᱣᱟ৷ ᱩᱫᱟᱢ ᱡᱟᱦᱟᱸ ᱞᱮᱠᱟᱱ ᱦᱚᱲ ᱴᱷᱮᱱ ᱫᱚ ᱵᱟᱠᱚ ᱥᱚᱫᱚᱨᱚᱜ-ᱟ |

 

ᱛᱟᱦᱮᱱ ᱴᱷᱟ:ᱭ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱫᱟᱢ ᱫᱚ ᱟᱥᱚᱠᱟᱭ ᱛᱮ ᱦᱟᱥᱟ ᱨᱮ ᱵᱷᱩᱜᱟ.ᱜ ᱠᱟᱛᱮ ᱠᱚ ᱛᱟᱦᱮᱱᱟ ৷ ᱱᱚᱣᱟ ᱵᱷᱩᱜᱟ.ᱜ ᱨᱮᱭᱟᱜ ᱢᱤᱫ ᱴᱮᱱ ᱱᱤᱭᱚᱢ ᱢᱮᱱᱟᱜ-ᱟ৷ ᱢᱤᱫ ᱱᱟᱠᱷᱟ ᱵᱷᱩᱜᱟ.ᱜ ᱫᱚ ᱫᱟᱜ ᱥᱮᱡ ᱥᱮᱱᱚᱜ-ᱟ ᱟᱨ ᱢᱤᱫᱴᱮᱡ ᱫᱚ ᱜᱷᱩᱴᱩ ᱨᱮ ᱯᱷᱩᱴᱩᱠ ᱞᱮᱠᱟ ᱛᱟᱦᱮᱱᱟ ৷ᱚᱫᱟᱢ ᱢᱤᱫ ᱴᱷᱟ:ᱭ ᱨᱮᱜᱮ ᱠᱚ ᱛᱟᱦᱮᱱᱟ ᱢᱮᱱ ᱠᱷᱟᱱ ᱡᱚᱢᱟᱜ ᱨᱮᱱᱟᱜ ᱚᱠᱩᱞᱟ.ᱱ ᱦᱩᱭ ᱞᱮᱱ ᱠᱷᱟᱱ ᱴᱷᱟ:ᱭ ᱠᱚ ᱵᱚᱫᱚᱞᱟ৷ ᱚᱫᱟᱢ ᱟᱜ ᱟᱥᱚᱞ ᱡᱚᱢᱟᱜ ᱦᱩᱭᱩᱜ ᱠᱟᱱᱟ ᱦᱟᱹᱠᱩ , ᱦᱟᱹᱠᱩ ᱥᱮᱸᱫᱽᱨᱟ ᱢᱤᱫ ᱧᱤᱫᱟ. ᱨᱮ 10 -15 ᱢᱟᱹᱭᱤᱞ ᱦᱟ.ᱵᱤᱡ ᱠᱚ ᱫᱟᱲᱟᱱᱼᱟ৷ ᱚᱲᱟᱜ ᱥᱩᱨ ᱨᱮ ᱱᱟ.ᱭ - ᱱᱟᱞᱟ ᱛᱟᱦᱮᱱ ᱠᱷᱟᱱ ᱟᱞᱜᱟ ᱛᱮ ᱵᱚᱦᱮᱞ ᱫᱟᱲᱮ ᱟᱠᱚᱣᱟ ৷ ᱚᱫᱟᱢ ᱟᱜ ᱜᱟ.ᱫᱤ ᱥᱮᱸᱫᱽᱨᱟ ᱧᱟᱢ ᱟ.ᱰᱤ ᱟᱞᱜᱟ ᱜᱮᱭᱟ ৷ ᱟᱥᱚᱠᱟᱭ ᱛᱮ ᱢᱮᱫ ᱴᱷᱟ:ᱭ ᱨᱮᱜᱮ ᱠᱚ ᱤᱡᱼᱟ৷ ᱟᱨ ᱱᱚᱣᱟ ᱤᱡ ᱠᱚᱫᱚ ᱵᱷᱩᱜᱟ.ᱜ ᱪᱮᱛᱟᱱ ᱨᱮ ᱰᱷᱤᱯᱤ ᱠᱚᱜ-ᱟ ᱟᱨ ᱦᱚᱸ ᱦᱟᱹᱠᱩ ᱡᱚᱢ ᱚᱠᱛᱮ ᱦᱟᱹᱠᱩ ᱣᱟᱜ ᱢᱚᱪᱟ ᱠᱷᱚᱱ ᱦᱤᱨᱤᱡ ᱧᱩᱨᱩᱜ ᱡᱟᱝ, ᱪᱩᱯᱤ ᱮᱢᱟᱱ ᱛᱟᱦᱮᱱᱟ৷

 

ᱡᱤᱭᱚᱱ ᱪᱟᱨᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱫᱟᱢ ᱫᱚ ᱢᱤᱫ ᱛᱚᱣᱟ ᱧᱩ ᱛᱮ ᱦᱟᱨᱟᱜ ᱡᱟᱱᱣᱟᱨ ᱠᱟᱱᱟ ᱠᱚ ৷ ᱚᱫᱟᱢ ᱠᱚᱫᱚ ᱞᱚᱞᱚ ᱫᱤᱱ ᱨᱮ ᱵᱟ.ᱲᱛᱤ ᱠᱚ ᱧᱟᱯᱟᱢ ᱚᱜ-ᱟ , ᱮᱴᱟᱜ ᱫᱤᱱ ᱨᱮᱦᱚᱸ ᱧᱟᱯᱟᱢ ᱫᱚᱠᱚ ᱧᱟᱯᱟᱢᱚᱜ ᱜᱮᱭᱟᱠᱚ ৷ ᱱᱩᱠᱩ ᱫᱚ ᱫᱟᱜ ᱞᱟᱛᱟᱛ ᱨᱮᱠᱚ ᱧᱟᱯᱟᱢᱚᱜ-ᱟ ᱟᱨ ᱵᱟᱨᱭᱟ ᱠᱷᱚᱱ ᱯᱚᱱᱭᱟ ᱦᱟ.ᱵᱤᱡ ᱠᱚ ᱦᱚᱯᱚᱱ ᱠᱚᱣᱟ ৷ ᱡᱟᱱᱟᱢ ᱚᱠᱛᱮ ᱨᱮ ᱚᱫᱟᱢ ᱦᱚᱯᱚᱱ ᱰᱟᱴᱟ ᱵᱟᱝ ᱡᱟᱱᱟᱢ ᱛᱚᱨᱟ ᱠᱚᱣᱟ ᱟᱨ ᱢᱮᱫ ᱦᱚᱸ ᱵᱩᱥᱟᱹᱲ ᱵᱟᱝ ᱛᱟᱦᱮᱱ ᱛᱟᱠᱚᱣᱟ ৷ ᱢᱤᱫ ᱪᱟᱸᱫᱚ ᱛᱟᱭᱱᱚᱢ ᱢᱮᱫ ᱵᱩᱥᱟᱹᱲᱚᱜ ᱮᱦᱚᱵᱚᱜ ᱛᱟᱠᱚᱣᱟ৷ ᱱᱚᱝᱠᱟ ᱜᱮ ᱮᱸᱜᱟᱛᱟᱜ ᱟᱹᱭᱩᱨ ᱨᱮᱠᱚ ᱦᱟᱨᱟ ᱵᱩᱨᱩᱜ-ᱟ ᱫᱟᱜ ᱟᱨ ᱚᱛ ᱵᱟᱨ ᱡᱟᱭᱜᱟ ᱨᱮᱜᱮ ᱠᱚ ᱤᱛᱩ ᱠᱚᱣᱟ ৷ ᱯᱮ ᱪᱟᱸᱫᱚ ᱛᱟᱭᱱᱚᱢ ᱠᱷᱚᱱ ᱦᱚᱯᱚᱱ ᱠᱚ ᱫᱟᱜ ᱯᱟᱭᱨᱟᱜ ᱠᱚ ᱮᱦᱚᱵᱚᱜ-ᱟ ৷ ᱯᱩᱭᱞᱩ ᱨᱮ ᱫᱟᱜ ᱨᱮ ᱠᱚ ᱴᱷᱮᱞᱟᱣ ᱜᱚᱫ ᱠᱟᱠᱚᱣᱟ ᱟᱨ ᱮᱸᱜᱟᱛ ᱛᱮᱫ ᱫᱚ ᱢᱚᱪᱟ ᱨᱮ ᱦᱟᱹᱠᱩ ᱜᱮᱨ ᱠᱟᱛᱮ ᱫᱟᱜ ᱵᱷᱤᱛᱨᱤ ᱠᱚ ᱵᱚᱞᱚᱱᱟ৷ ᱮᱸᱜᱟᱛ ᱟᱜ ᱢᱚᱪᱟ ᱠᱷᱚᱱ ᱦᱟᱹᱠᱩ ᱨᱮᱨᱮᱡ ᱞᱟ.ᱜᱤᱫ ᱫᱟᱜ ᱨᱮ ᱵᱚᱞᱚᱱ ᱚᱠᱛᱮ ᱜᱮ ᱯᱟᱭᱨᱟᱜ ᱠᱚ ᱪᱮᱫ ᱠᱚᱣᱟ ৷ ᱱᱚᱝᱠᱟ ᱜᱮ ᱵᱟᱨ - ᱯᱮ ᱥᱮᱨᱢᱟ ᱛᱟᱭᱱᱚᱢ ᱦᱚᱯᱚᱱ ᱠᱚᱠᱚ ᱥᱮᱬᱟᱜ-ᱟ ᱟᱨ ᱡᱤᱵᱚᱱ ᱡᱩᱨᱤ ᱠᱚ ᱧᱟᱢ ᱡᱚᱝᱟ ৷