ᱪᱚᱱᱫᱽᱨᱚ ᱯᱨᱚᱵᱷᱟ ᱥᱚᱭᱠᱤᱭᱟᱱᱤ

ᱪᱚᱱᱫᱽᱨᱚ ᱯᱨᱚᱵᱷᱟ ᱥᱚᱭᱠᱤᱭᱟᱱᱤ

ᱪᱚᱱᱫᱽᱨᱚ ᱯᱨᱚᱵᱷᱟ ᱥᱚᱭᱠᱤᱭᱟᱱᱤ (ᱤᱝᱨᱟᱹᱡᱤᱺ Chandraprabha Saikiani) (ᱡᱟᱱᱟᱢ: ᱑᱙᱐᱑ - ᱜᱩᱨ: ᱑᱖ ᱢᱟᱨᱪ, ᱑᱙᱗᱒) ᱫᱚ ᱟᱥᱟᱢ ᱨᱮᱱ ᱢᱤᱫᱴᱮᱱ ᱥᱤᱧᱚᱛ ᱯᱷᱩᱜᱟᱹᱞ ᱟᱱᱫᱚᱲᱤᱭᱟᱹᱭ, ᱥᱟᱶᱛᱟ ᱥᱩᱥᱟᱹᱨᱤᱭᱟ ᱟᱨ ᱥᱟᱶᱦᱮᱫ ᱥᱮᱣᱤᱭᱮ ᱛᱟᱦᱮᱸ ᱠᱟᱱᱟ᱾ ᱟᱥᱟᱢᱤᱥ ᱥᱟᱶᱛᱟ ᱨᱮ ᱢᱟᱭᱡᱤᱣ ᱠᱚᱣᱟᱜ ᱢᱟᱱ ᱥᱚᱱᱢᱟᱱ ᱛᱟᱦᱟᱸ ᱢᱚᱨᱡᱟᱫᱟ ᱵᱟᱧᱪᱟᱣ ᱫᱚᱦᱚᱭ ᱞᱟᱹᱜᱤᱫ ᱟᱥᱚᱞ ᱦᱤᱸᱥᱮ ᱫᱚᱦᱚ ᱞᱮᱫᱟ᱾ "ᱟᱥᱟᱢ ᱢᱚᱦᱤᱞᱟ ᱥᱚᱢᱤᱛᱤ" ᱨᱮᱱ ᱢᱤᱫᱴᱮᱱ ᱵᱟᱵᱟᱱᱫᱷᱟᱣᱤ-ᱮ ᱛᱟᱦᱮᱸ ᱠᱟᱱᱟ ᱟᱨ ᱯᱚᱫᱽᱢᱚ ᱥᱨᱤ ᱡᱤᱛᱠᱟᱹᱨᱤᱭᱟ᱾

ᱦᱩᱰᱤᱧ ᱡᱤᱭᱚᱱᱤ

ᱱᱟᱦᱟᱜ ᱩᱱᱤ ᱫᱚ ᱵᱚᱨᱯᱮᱴᱟ ᱦᱚᱱᱳᱴ ᱨᱮᱭᱟᱜ ᱵᱚᱡᱟᱞᱤ ᱴᱚᱴᱷᱟ ᱨᱮᱭᱟᱜ ᱫᱚᱭᱥᱤᱝᱨᱤ ᱟᱹᱛᱩ ᱨᱮ ᱪᱚᱱᱫᱽᱨᱚ ᱯᱨᱚᱵᱷᱟ ᱥᱚᱭᱠᱤᱭᱟᱱᱤ ᱫᱚᱭ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱨᱮᱱ ᱟᱯᱟᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱱᱟᱛᱤᱨᱟᱢ ᱛᱟᱦᱮᱸ ᱠᱟᱱ ᱛᱟᱭᱟ ᱟᱴ ᱮᱝᱴᱟᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱜᱚᱝᱜᱟᱯᱩᱨᱤᱭᱟ ᱛᱟᱦᱮᱸ ᱠᱟᱱ ᱛᱭᱟ᱾ ᱡᱟᱱᱟᱢ ᱛᱟᱭᱚᱢ ᱩᱱᱤᱭᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱛᱟᱭᱟ ᱪᱚᱱᱫᱽᱨᱚ ᱯᱨᱤᱭᱟ᱾ ᱨᱟᱢᱮᱥᱚᱨᱤ ᱫᱚᱭ ᱛᱟᱦᱮᱸ ᱠᱟᱱᱟ ᱪᱚᱱᱫᱽᱨᱚ ᱯᱨᱤᱭᱟ ᱨᱮᱱ ᱢᱤᱥᱨᱟ᱾

ᱥᱮᱪᱮᱫ

ᱵᱟᱱᱟᱨ ᱢᱤᱥᱨᱟ ᱜᱮ ᱵᱷᱟᱞᱩᱠᱤ ᱟᱹᱛᱩ ᱨᱮ ᱛᱟᱦᱮᱸ ᱠᱟᱛᱮ ᱟᱡ ᱦᱚᱯᱚᱱ ᱜᱚᱣᱟᱜ ᱚᱲᱟᱜ ᱯᱟᱹᱦᱤᱞ ᱥᱠᱩᱞ ᱫᱚ ᱠᱤᱱ ᱥᱮᱱ ᱞᱮᱱᱟ᱾ ᱑᱑ ᱥᱮᱨᱢᱟ ᱩᱢᱮᱨ ᱨᱮ ᱮᱜ ᱪᱚᱱᱫᱽᱨᱚ ᱯᱨᱚᱵᱷᱟ ᱨᱩᱯᱟᱹ ᱢᱮᱰᱮᱞ ᱛᱮᱠᱚ ᱢᱟᱱᱚᱛ ᱞᱮᱫ ᱠᱤᱱᱟᱹ᱾ ᱱᱤᱭᱟᱹ ᱛᱟᱭᱱᱚᱢ ᱢᱤᱰᱮᱞ ᱥᱠᱩᱞ ᱯᱟᱲᱦᱟᱣᱚᱜ ᱞᱟᱹᱜᱤᱫ ᱠᱚᱴᱷᱟᱞ ᱢᱟᱨᱤ ᱮᱢ. ᱵᱷᱤ ᱮᱥᱠᱩᱞ ᱨᱮ ᱧᱩᱛᱩᱢ ᱠᱤᱱ ᱚᱞ ᱚᱪᱚ ᱞᱮᱫᱟ᱾ ᱟᱹᱰᱤ ᱡᱷᱟᱹᱞ ᱛᱟᱲᱟᱢ ᱛᱟᱲᱟᱢ ᱛᱮ ᱥᱠᱩᱞ ᱪᱟᱞᱟᱜ ᱦᱚᱭᱚᱜ ᱠᱟᱱ ᱛᱟᱠᱤᱱ ᱛᱟᱟᱦᱮᱸᱱᱟ᱾ ᱩᱱ ᱚᱠᱛᱮ ᱨᱮ ᱥᱠᱩᱞ ᱡᱚᱜᱚ ᱧᱮᱞ ᱛᱚᱫᱟᱨᱚᱛᱤᱡ ᱱᱤᱞ ᱵᱚᱨᱩᱣᱟ ᱟᱨ ᱨᱟᱢᱮᱥᱚᱨᱤ ᱛᱟᱠᱤᱱᱟᱜ ᱯᱟᱲᱟᱦᱟᱣ ᱨᱮᱭᱟᱜ ᱜᱚᱨᱚᱡᱽ ᱧᱮᱞ ᱛᱮ ᱱᱚᱜᱟᱶ ᱢᱤᱥᱚᱱ ᱥᱠᱩᱞ ᱨᱮ ᱯᱟᱲᱦᱟᱣᱚᱜ ᱨᱮᱭᱟᱜ-ᱮ ᱵᱮᱵᱚᱥᱛᱷᱟᱣᱟᱜ ᱠᱤᱱᱟᱹ᱾

ᱱᱚᱜᱟᱶ ᱢᱤᱥᱚᱱ ᱥᱠᱩᱞ ᱨᱮ ᱜᱮ ᱪᱚᱱᱫᱽᱨᱚ ᱯᱨᱤᱭᱟ ᱟᱨ ᱨᱟᱢᱮᱥᱚᱨᱤ ᱫᱚ ᱧᱩᱛᱩᱢ ᱠᱤᱱ ᱯᱷᱮᱨᱟᱣ ᱠᱮᱫᱟ ᱪᱚᱱᱫᱽᱨᱚ ᱯᱨᱚᱵᱷᱟ ᱟᱨ ᱨᱚᱡᱽᱱᱤ ᱯᱨᱚᱵᱷᱟ᱾

ᱠᱟᱹᱢᱤ ᱡᱤᱭᱚᱱ

ᱯᱟᱲᱦᱟᱣ ᱢᱩᱪᱟᱹᱫ ᱠᱟᱛᱮ ᱪᱚᱱᱫᱽᱨᱚ ᱯᱨᱚᱵᱷᱟ ᱫᱚ ᱱᱚᱜᱟᱶ ᱨᱮᱭᱟᱜ ᱢᱤᱫᱴᱮᱱ ᱯᱨᱟᱭᱢᱟᱨᱤ ᱥᱠᱩᱞ ᱨᱮ ᱠᱟᱹᱢᱤᱭᱮ ᱮᱦᱚᱵ ᱠᱮᱫᱟ᱾ ᱱᱤᱭᱟᱹ ᱛᱟᱭᱚᱢ ᱢᱟᱡᱚᱞᱤ ᱨᱮᱭᱟᱜ ᱢᱤᱫᱴᱮᱱ ᱛᱟᱞᱟᱱᱟ ᱥᱠᱩᱞ ᱨᱮᱱ ᱢᱟᱨᱟᱝ ᱢᱟᱪᱮᱛᱟᱱᱤ ᱦᱚᱭ ᱞᱮᱱᱟ᱾

ᱛᱮᱡᱽᱯᱩᱨ ᱨᱮ ᱛᱟᱦᱮᱱ ᱚᱠᱛᱮ ᱨᱮ ᱜᱮ ᱜᱚᱱᱫᱷᱚᱨᱵᱷᱚ ᱥᱮᱨᱣᱟ ᱞᱮᱠᱟ ᱛᱮ ᱪᱚᱱᱫᱽᱨᱚ ᱯᱨᱚᱵᱷᱟ ᱫᱚᱭ ᱵᱟᱯᱞᱟ ᱞᱮᱱᱟ ᱥᱟᱶᱦᱮᱛᱤᱭᱟᱹ ᱰᱚᱱᱰᱤᱱᱟᱛᱷ ᱠᱚᱞᱤᱛᱟ ᱛᱩᱞᱩᱡ᱾ ᱢᱮᱱᱠᱷᱟᱱ ᱥᱚᱢᱟᱡᱽ ᱫᱚ ᱱᱚᱣᱟ ᱵᱟᱯᱞᱟ ᱵᱟᱠᱚ ᱢᱟᱱᱟᱣ ᱵᱟᱛᱟᱣ ᱞᱮᱫᱟ᱾ ᱢᱤᱫᱴᱮᱱ ᱦᱚᱯᱚᱱ ᱚᱛᱩᱞ ᱟᱜ ᱡᱟᱱᱟᱢ ᱛᱟᱭᱚᱢ ᱥᱚᱝᱥᱟᱨ ᱵᱟᱹᱜᱤ ᱠᱟᱛᱮ ᱚᱲᱟᱜ ᱛᱮᱭᱮ ᱨᱩᱣᱟᱹᱲ ᱦᱮᱡ ᱮᱱᱟ ᱟᱨ ᱚᱲᱟᱜ ᱠᱷᱚᱱ ᱯᱚᱱ ᱢᱟᱭᱤᱞ ᱥᱟᱝᱜᱤᱧ ᱠᱟᱞᱡᱤᱨᱟ ᱯᱟᱨᱟ ᱛᱤᱨᱞᱟᱹ ᱯᱨᱟᱭᱢᱟᱨᱤ ᱥᱠᱩᱞ ᱨᱮ ᱠᱟᱹᱢᱤᱭᱮ ᱮᱦᱚᱵ ᱮᱱᱟ᱾ ᱟᱹᱰᱤ ᱥᱟᱝᱜᱤᱧ ᱜᱮ ᱛᱟᱦᱮᱸ ᱠᱟᱱ ᱛᱮ ᱪᱚᱱᱫᱽᱨᱚ ᱯᱨᱚᱵᱷᱟ ᱰᱚ ᱥᱟᱭᱠᱤᱞ ᱛᱮᱭᱮ ᱦᱤᱡᱩᱜ ᱥᱮᱱᱚᱜ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱪᱚᱱᱫᱽᱨᱚ ᱯᱨᱚᱵᱷᱟ ᱥᱚᱭᱠᱤᱭᱟᱱᱤ ᱫᱚ ᱥᱟᱭᱠᱤᱞ ᱪᱟᱞᱟᱣᱤᱡ ᱯᱟᱹᱦᱤᱞ ᱟᱥᱟᱢᱤᱥ ᱢᱟᱭᱡᱤᱣᱮ ᱛᱟᱦᱮᱸ ᱠᱟᱱᱟ᱾

ᱵᱟᱦᱨᱮ ᱡᱚᱱᱚᱲ

• Basavaraj Naikar (2005). Literary Vision. Sarup & Sons. p. 390. ISBN 9788176255660.
• Nirupama Bargohain (Author), Pradipto Bargohain (Translator) (2000). Abhiyatri: One Life Many Rivers. Sahitya Akademi. p. 168. ISBN 978-8126006885. {{cite book}}: |author= has generic name (help)