ᱫᱟᱜ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱫᱟᱜ ᱴᱷᱚᱯ ᱧᱩᱨ ᱛᱮ ᱦᱮᱞᱠᱟᱣ ᱫᱟᱜ

ᱫᱟᱜ ᱫᱚ ᱢᱤᱫ ᱥᱟᱯᱷᱟ ᱟᱨ ᱵᱤᱱ ᱨᱚᱝ ᱟᱱ ᱜᱩᱱᱩᱱ ᱡᱤᱱᱤᱥ ᱠᱟᱱᱟ ᱾ ᱱᱚᱶᱟ ᱫᱚ ᱜᱟᱰᱟ, ᱯᱩᱠᱷᱨᱤ, ᱥᱟᱹᱢᱩᱸᱫᱽ ᱮᱢᱟᱱ ᱠᱚ ᱨᱮ ᱧᱮᱞᱚᱜ-ᱟ ᱾ ᱫᱷᱟᱹᱨᱛᱤ ᱨᱮ ᱗᱑.᱔% ᱫᱟᱜ ᱯᱮᱨᱮᱡ ᱢᱮᱱᱟᱜ-ᱟ ᱾ ᱥᱮᱨᱢᱟ ᱨᱮᱱᱟᱜ ᱨᱤᱢᱤᱞ ᱠᱷᱚᱱ ᱡᱟᱹᱲᱤ ᱞᱮᱠᱟᱛᱮ ᱚᱛ ᱨᱮ ᱧᱩᱨᱩᱜ-ᱟ ᱾ ᱫᱟᱜ ᱰᱮᱦᱮᱨ ᱨᱮᱭᱟᱲ ᱞᱮᱱᱠᱷᱟᱱ ᱵᱚᱨᱚᱯ ᱛᱮᱭᱟᱨᱚᱜ-ᱟ ᱾ ᱫᱟᱜ ᱫᱚ ᱞᱚᱞᱚ ᱞᱮᱱᱠᱷᱟᱱ ᱵᱷᱟᱯ ᱛᱮᱭᱟᱨᱚᱜ-ᱟ ᱾ ᱡᱤᱭᱚᱱ ᱨᱮ ᱫᱟᱜ ᱫᱚ ᱟᱹᱰᱤ ᱞᱟᱹᱠᱛᱤᱭᱟᱱᱟ ᱾ ᱢᱮᱱᱠᱷᱟᱱ ᱵᱟᱰᱟᱭᱚᱜ-ᱟ ᱒᱐᱒᱕ ᱥᱟᱞᱮ ᱥᱮᱫ ᱛᱚ ᱡᱚᱛᱚ ᱦᱚᱲ ᱞᱟᱹᱠᱛᱤ ᱞᱮᱠᱟ ᱫᱟᱜ ᱫᱚ ᱵᱟᱠᱚ ᱧᱟᱢᱟ ᱾ ᱫᱟᱜ ᱫᱚ ᱚᱱᱠᱟᱱ ᱡᱤᱱᱤᱥ ᱠᱟᱱᱟ ᱡᱟᱦᱟᱸ ᱫᱚ ᱯᱮ ᱞᱮᱠᱟᱛᱮ ᱛᱟᱦᱮᱸᱱᱟ, ᱚᱱᱟ ᱠᱚ ᱫᱚ :- ᱫᱟᱜ, ᱵᱚᱨᱚᱯ, ᱵᱷᱟᱯ ᱾

ᱫᱟᱜ ᱨᱮᱱᱟᱜ ᱵᱮᱵᱷᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱴᱤᱲᱚᱜ ᱴᱚᱲᱚᱜ ᱫᱟᱜ ᱧᱩᱨᱩᱜ ᱠᱟᱱᱟ

ᱢᱟᱹᱱᱢᱤ ᱠᱷᱚᱱ ᱮᱦᱚᱵ ᱠᱟᱛᱮ ᱫᱟᱨᱮ ᱱᱟᱹᱬᱤ ᱡᱤᱵᱽ ᱡᱤᱭᱟᱹᱞᱤ ᱡᱚᱛᱚ ᱡᱤᱣᱤᱭᱟᱱ ᱠᱚ ᱵᱟᱧᱪᱟᱣᱜ ᱞᱟᱹᱜᱤᱫ ᱫᱟᱜ ᱮᱠᱟᱞ ᱠᱚ ᱞᱟᱹᱠᱛᱤᱜ-ᱟ ᱾ ᱚᱱᱟᱛᱮ ᱠᱚ ᱢᱮᱱᱟ ᱫᱟᱜ ᱵᱟᱹᱱᱩᱜ, ᱡᱤᱵᱚᱱ ᱵᱟᱹᱱᱩᱜ ᱾ ᱫᱟᱜ ᱫᱚ ᱦᱚᱲᱢᱚ ᱨᱚ ᱜᱩᱱᱩᱱ ᱞᱮᱠᱟᱛᱮ ᱢᱟᱭᱟᱢ ᱨᱮᱱᱟᱜ ᱢᱩᱬ ᱦᱟᱹᱴᱤᱧ ᱞᱮᱠᱟᱱᱟᱜ ᱠᱟᱱᱟ ᱾ ᱫᱟᱜ ᱫᱚ ᱦᱚᱲᱢᱚ ᱠᱷᱚᱱ ᱩᱫᱽᱜᱟᱹᱨ ᱞᱮᱠᱟᱛᱮ ᱚᱰᱚᱠ ᱠᱟᱛᱮ ᱦᱚᱲᱢᱚᱭ ᱨᱮᱭᱟᱲᱟ ᱾ ᱫᱟᱜ ᱫᱚ ᱩᱢ ᱟᱹᱨᱩᱵ ᱪᱟᱥᱵᱟᱥ ᱮᱢᱟᱱ ᱠᱚᱨᱮ ᱦᱚᱸ ᱵᱚᱱ ᱵᱮᱵᱷᱟᱨ ᱜᱮᱭᱟ ᱾ ᱢᱟᱹᱱᱢᱤᱭᱟᱜ ᱦᱚᱲᱢᱚ ᱨᱮ  ᱖᱐%-᱗᱐% ᱜᱟᱱ ᱫᱟᱜ ᱜᱮ ᱛᱟᱦᱮᱸᱱᱟ ᱾ ᱫᱟᱜ ᱜᱮ ᱪᱩᱰᱩ ᱫᱟᱜ-ᱮ ᱛᱟᱭᱟᱨᱟ ᱾ ᱪᱩᱰᱩ ᱫᱟᱜ ᱫᱚ ᱦᱚᱧᱢᱚ ᱨᱮᱱᱟᱜ ᱵᱟᱹᱲᱤᱡᱟᱜ ᱠᱚᱜ ᱫᱟᱜ ᱟᱠᱟᱨ ᱛᱮ ᱚᱰᱚᱠ ᱜᱤᱰᱤᱭᱟᱭ ᱾ ᱩᱞᱤᱫᱟᱜ ᱫᱚ ᱡᱚᱢᱟᱜ ᱠᱚᱭ ᱦᱚᱡᱚᱢ ᱚᱪᱚᱭᱟ ᱾ ᱡᱚ ᱮᱢᱟᱱ ᱠᱚ ᱨᱮ ᱦᱚᱸ ᱫᱟᱜ ᱫᱚ ᱛᱟᱦᱮᱸᱱ ᱜᱮᱭᱟ ᱾ ᱫᱚᱨᱭᱟ ᱫᱟᱜ ᱫᱚ ᱠᱷᱟᱨᱟ ᱜᱮ ᱵᱩᱞᱩᱝ ᱜᱮ ᱵᱩᱡᱷᱟᱹᱣ-ᱟ ᱾ ᱡᱷᱟᱨᱱᱟ, ᱢᱩᱰᱩ, ᱠᱩᱧ, ᱯᱩᱠᱷᱨᱤ ᱫᱟᱜ ᱫᱚ ᱥᱤᱵᱤᱞᱟ ᱾ ᱫᱷᱟᱹᱨᱛᱤ ᱨᱮ ᱓ % ᱜᱮ ᱥᱤᱵᱤᱞ ᱫᱟᱜ ᱢᱮᱱᱟᱜ-ᱟ ᱟᱡ ᱡᱚᱛᱚ ᱵᱩᱞᱩᱝ ᱫᱟᱜ ᱾

ᱫᱟᱜ ᱨᱮᱱᱟᱜ ᱜᱚᱲᱦᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱤᱫ ᱯᱤᱞᱪᱩ ᱫᱟᱜ ᱵᱟᱨᱭᱟ ᱦᱟᱭᱰᱨᱚᱡᱮᱱ ᱟᱨ ᱢᱤᱫ ᱚᱠᱥᱤᱡᱮᱱ ᱛᱮ ᱵᱮᱱᱟᱣᱟᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱜᱩᱱᱩᱱ ᱥᱩᱛᱩᱨ ᱫᱚ H2O | ᱢᱟᱹᱱᱢᱤ ᱡᱚᱢ ᱵᱮᱜᱚᱨ ᱢᱤᱫ ᱦᱟᱯᱛᱟ ᱜᱟᱱᱮ ᱛᱟᱦᱮᱸ ᱫᱟᱲᱮ.ᱟᱜ-ᱟ ᱢᱮᱱᱠᱷᱟᱱ ᱫᱟᱜ ᱵᱮᱜᱚᱨ ᱫᱚ ᱵᱟᱹᱨᱥᱤᱧ ᱠᱷᱚᱱ ᱯᱮ ᱫᱤᱱ ᱜᱮᱭ ᱵᱟᱧᱪᱟᱣ ᱫᱟᱲᱮᱭᱟᱜ-ᱟ ᱾ ᱚᱱᱟᱛᱮ ᱠᱚ ᱢᱮᱱᱟ ᱫᱟᱜ ᱜᱮ ᱡᱤᱵᱚᱱ

ᱵᱟᱨᱦᱮ ᱡᱚᱱᱚᱲᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]