ᱫᱤᱥᱣᱟ. ᱢᱟᱦᱟᱸ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱫᱤᱥᱣᱟ. ᱢᱟᱦᱟᱸ

ᱫᱤᱥᱣᱟ. ᱢᱟᱦᱟᱸ

 ᱵᱷᱟᱨᱚᱛ ᱨᱮᱭᱟᱜ ᱫᱤᱥᱣᱟ. ᱢᱟᱦᱟᱸ 
     ᱫᱤᱥᱣᱟ. ᱢᱟᱦᱟᱸ  ᱫᱚ ᱵᱷᱟᱨᱚᱛ ᱨᱮᱭᱟᱜ ᱢᱤᱫ ᱡᱟ.ᱛᱭᱟ.ᱨᱤ ᱯᱟᱨᱟᱵᱽ ᱠᱟᱱᱟ ᱾ ᱡᱟᱦᱟᱸ ᱫᱚ ᱡᱚᱛᱚ ᱥᱮᱨᱢᱟ ᱡᱟᱱᱩᱣᱟ.ᱨᱤ ᱒᱖ ᱦᱤᱞᱚᱜ ᱢᱟᱱᱟᱣ ᱦᱩᱭᱩᱜ ᱠᱟᱱᱟ ᱾ ᱱᱤᱭᱟ. ᱢᱟᱸᱦᱟ ᱦᱤᱞᱚᱜ ᱥᱟᱞ ᱑᱙᱕᱐ ᱨᱮ ᱵᱷᱟᱨᱚᱛ ᱥᱚᱨᱠᱟᱨ ᱚᱫᱷᱤᱱᱤᱭᱚᱢ (ᱮᱠᱴ) ᱑᱙᱓᱕ ᱥᱟᱦᱟ ᱠᱟᱛᱮ ᱵᱷᱟᱨᱚᱛ ᱨᱮᱭᱟᱜ ᱥᱚᱢᱵᱤᱫᱷᱟᱱ ᱮ ᱞᱟ.ᱜᱩ ᱞᱮᱜ-ᱟ ᱾ ᱢᱤᱫ ᱯᱷᱩᱨᱜᱟ.ᱞ ᱫᱤᱥᱣᱟ. ᱨᱟᱡᱽ ᱵᱮᱱᱟᱣ ᱟᱨ ᱫᱤᱥᱚᱢ ᱨᱮ ᱠᱟᱱᱩᱱ ᱟᱜ ᱨᱟᱡᱽ ᱛᱷᱟᱯᱚᱱ ᱞᱟ.ᱜᱤᱫ ᱛᱮ ᱥᱚᱢᱵᱷᱤᱫᱷᱟᱱ ᱫᱚ ᱒᱖ ᱱᱚᱵᱷᱮᱢᱵᱚᱨ ᱑᱙᱔᱙ ᱨᱮ ᱵᱷᱟᱨᱚᱛᱤᱭᱟ. ᱥᱚᱢᱵᱷᱤᱫᱷᱟᱱ ᱥᱚᱵᱷᱟ ᱦᱚᱛᱮᱛᱮ ᱟᱯᱱᱟᱨ ᱞᱮᱱᱟ ᱟᱨ ᱒᱖ ᱡᱟᱱᱩᱣᱟᱨᱤ ᱑᱙᱕᱐ ᱦᱤᱞᱚᱜ democratic government system ᱞᱮᱠᱟᱛᱮ ᱞᱟᱜᱩ ᱦᱩᱭ ᱮᱱᱟ ᱾ ᱒᱖ ᱡᱟᱱᱩᱣᱟᱨᱤ ᱫᱚ ᱚᱱᱟ ᱠᱷᱟ.ᱛᱤᱨ ᱵᱟᱪᱷᱚᱱ ᱦᱩᱭ ᱞᱮᱱᱟ ᱪᱮᱫᱟᱜ ᱥᱮ ᱑᱙᱓᱐ ᱨᱮ ᱱᱤᱭᱟ. ᱢᱟᱦᱟᱸ ᱵᱷᱟᱨᱚᱛᱤᱭᱟ. ᱨᱟᱥᱴᱨᱤᱭᱚ ᱠᱚᱝᱜᱽᱨᱮᱥ  (ᱟᱭᱤ. ᱮᱱ. ᱥᱤ.) ᱫᱚ ᱵᱷᱟᱨᱚᱛ ᱯᱩᱨᱟ. ᱥᱣᱚᱨᱟᱡᱽ ᱢᱮᱱᱛᱮᱭ ᱵᱤᱠᱱᱟ.ᱣ ᱞᱮᱜ-ᱟ ᱾ ᱱᱚᱶᱟ ᱫᱚ ᱵᱷᱟᱨᱚᱛ ᱨᱮᱭᱟᱜ ᱯᱮᱭᱟ ᱡᱟ.ᱛᱭᱟ.ᱨᱤ ᱰᱤᱜᱟ. ᱠᱷᱚᱱ ᱢᱤᱫᱴᱟ.ᱝ, ᱟᱨ ᱵᱟᱨᱮᱭᱟ ᱫᱚ ᱯᱷᱩᱨᱜᱟ.ᱞ ᱢᱟᱸᱦᱟ ᱟᱨ ᱜᱟᱺᱫᱷᱤ ᱡᱚᱭᱚᱱᱛᱤ ᱾

ᱢᱟᱱᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱤᱥᱣᱟ. ᱱᱟᱦᱟᱸ ᱫᱚ ᱢᱤᱫ ᱟ.ᱰᱤ ᱢᱟᱨᱟᱝ ᱡᱟ.ᱛᱭᱟ.ᱨᱤ ᱯᱟᱨᱟᱵᱽ ᱠᱟᱱᱟ ᱾ ᱤᱱᱟ. ᱦᱤᱞᱚᱜ ᱦᱤᱢᱟᱲᱚᱭᱚ ᱠᱷᱚᱱ ᱠᱚᱱᱭᱟᱠᱩᱢᱟᱨᱤ ᱫᱷᱟ.ᱵᱤᱡ ᱟ.ᱰᱤ ᱨᱟ.ᱥᱠᱟ. ᱨᱚᱢᱚᱡᱽ ᱥᱟᱶᱛᱮ ᱱᱚᱶᱟ ᱯᱟᱨᱟᱵᱽ ᱢᱟᱱᱟᱣ ᱦᱩᱭᱩᱜ-ᱟ ᱾ ᱵᱟ.ᱲᱛᱤ ᱞᱮᱠᱟᱛᱮ ᱨᱟᱡᱽᱜᱟᱲ ᱫᱤᱞᱞᱤ ᱨᱮ ᱟ.ᱰᱤ ᱡᱚᱢᱚᱠ ᱛᱮ ᱢᱟᱱᱟᱣ ᱦᱩᱭᱩᱜ-ᱟ ᱾ ᱤᱱᱰᱤᱭᱟ ᱜᱮᱴ ᱨᱮ ᱫᱟᱜ. ᱚᱛ, ᱟᱨ ᱦᱚᱭ ᱥᱮᱱᱟ ᱯᱟᱦᱴᱟ ᱠᱷᱚᱱ ᱫᱤᱥᱚᱢ ᱜᱚᱢᱠᱮ ᱥᱟ.ᱜᱩᱱ ᱫᱟᱨᱟᱢ ᱠᱚ ᱪᱟᱞ ᱟᱭᱟ ᱾ ᱱᱚᱶᱟ ᱥᱚᱱᱚᱛ ᱟᱠᱷᱲᱟ ᱥᱟᱨ ,ᱟ.ᱜᱩᱱ ᱚᱪᱚᱭ ᱞᱟ.ᱜᱤᱫ ᱫᱤᱞᱞᱤ ᱟᱨᱵᱟᱝ ᱵᱷᱟᱨᱚᱛ ᱨᱮᱭᱟᱜ ᱟ.ᱰᱤ ᱴᱚᱴᱷᱟ ᱠᱷᱚᱱ ᱜᱮᱥᱟᱭ ᱜᱮᱥᱟᱭ ᱠᱩᱲᱤ ᱠᱚᱲᱟ ᱤᱱᱰᱤᱭᱟ ᱜᱮᱴ ᱴᱷᱮᱱ ᱠᱚ ᱥᱮᱴᱮᱨᱚᱜ-ᱟ ᱾ ᱫᱷᱤᱨ ᱱᱮᱢᱚᱸᱥ ᱵᱟᱧᱪᱟᱣ ᱫᱚᱦᱚᱭ ᱯᱩᱞᱤᱥ ᱟᱨ ᱥᱮᱱᱟ ᱜᱟᱫᱮᱞ ᱯᱟᱦᱴᱟ ᱠᱷᱚᱱ ᱥᱚᱡᱽ ᱥᱟᱯᱲᱟᱣ ᱛᱟᱦᱮᱸ ᱠᱚᱜ-ᱟ ᱾

    ᱥᱮᱛᱟᱜ ᱵᱮᱲᱟ ᱨᱟᱠᱟᱵ ᱥᱟᱶᱛᱮ ᱫᱤᱥᱚᱢ ᱜᱚᱢᱠᱮ ᱢᱤᱫ ᱥᱟᱡᱟᱣ ᱟᱠᱟᱫ ᱜᱟ.ᱰᱤ ᱛᱮ ᱟᱛᱟᱝ ᱫᱟᱨᱟᱢ ᱢᱮᱞᱟᱝᱠᱤ ᱴᱷᱮᱱ ᱠᱤᱱ ᱥᱮᱴᱮᱨᱚᱜ-ᱟ ᱾ ᱟᱡᱟᱜ ᱢᱟᱬᱟᱝ ᱟᱨ ᱛᱟᱭᱚᱢ ᱨᱮ ᱞᱮᱠᱟᱱ ᱞᱮᱠᱟᱱ ᱨᱚᱝ ᱠᱤᱪᱨᱤᱡ ᱦᱚᱨᱚᱜ ᱠᱟᱛᱮ ᱟᱡ ᱫᱩᱜ ᱞᱟ.ᱜᱤᱜ ᱥᱟᱫᱚᱢ ᱜᱟ.ᱰᱤ ᱛᱮᱠᱚ ᱥᱮᱱᱚᱜ-ᱟ ᱾ ᱥᱟ.ᱜᱩᱱ ᱫᱟᱨᱟᱢ ᱢᱮᱞᱟᱝᱠᱤ ᱥᱩᱨ ᱨᱮ ᱢᱚᱱᱛᱨᱤ ᱜᱟᱫᱮᱞ, ᱞᱟᱯᱷᱟᱝ ᱢᱟ.ᱪᱤ ᱜᱚᱢᱠᱮ ᱟᱨ ᱮᱴᱟᱜ ᱢᱟ.ᱱᱟᱱ ᱜᱚᱢᱠᱮ ᱠᱚᱦᱚᱸ ᱚᱸᱰᱮ ᱥᱮᱴᱮᱨ ᱠᱚ ᱛᱟᱦᱮᱸᱱᱟ ᱾ ᱢᱟᱨᱟᱝ ᱢᱚᱱᱛᱨᱤ ᱫᱤᱥᱚᱢ ᱜᱚᱢᱠᱮ ᱥᱟ.ᱜᱩᱱ ᱥᱟᱨᱦᱟᱣ ᱪᱟᱞ ᱠᱟᱛᱮ ᱢᱮᱞᱟᱝᱠᱤ ᱥᱩᱨ ᱛᱮᱭ ᱤᱫᱤ ᱠᱤᱱᱟ ᱾ ᱥᱮᱱᱟ ᱜᱟᱫᱮᱞ ᱠᱚ ᱨᱩ~ ᱚᱨᱚᱝ ᱟᱛᱮ ᱠᱚ ᱥᱟ.ᱜᱩᱱ ᱫᱟᱨᱟᱢ ᱮᱭᱟ ᱾ ᱤᱱᱟ. ᱛᱟᱭᱚᱢ ᱫᱤᱥᱚᱢ ᱜᱚᱢᱠᱮ ᱫᱚ ᱫᱤᱥᱣᱟ. ᱠᱚ ᱞᱟ.ᱜᱤᱫ ᱜᱟᱞᱚᱪ ᱮ ᱥᱚᱫᱚᱨᱟ ᱾

ᱤᱱᱟ. ᱛᱟᱭᱚᱢ ᱫᱤᱥᱚᱢ ᱜᱚᱢᱠᱮ ᱫᱚ ᱡᱤᱭᱟ.ᱛ ᱟᱠᱟᱱ ᱥᱮᱱᱟ ᱠᱚ ᱥᱤᱨᱯᱷᱟ. ᱮᱢ ᱠᱟᱛᱮᱭ ᱢᱟ.ᱱ ᱦᱟᱞᱟᱝ ᱠᱚᱣᱟ ᱾

 ᱫᱟᱜ, ᱚᱛ, ᱟᱨ ᱥᱮᱨᱢᱟ ᱯᱮᱭᱟ ᱴᱷᱟᱶ ᱨᱤᱱ ᱥᱮᱱᱟ ᱞᱮᱠᱟᱱ ᱞᱮᱠᱟᱱ ᱠᱤᱪᱨᱤᱡ ᱦᱚᱨᱚᱜ ᱠᱟᱛᱮ ᱯᱟᱨᱮᱰ ᱠᱚ ᱩᱫᱩᱜ ᱥᱚᱫᱚᱨᱟ ᱾ ᱚᱱᱟ ᱥᱟᱶᱛᱮ ᱦᱟ.ᱛᱤ, ᱥᱟᱫᱚᱢ ᱟᱨ ᱩᱸᱴ ᱪᱮᱛᱟᱱ ᱨᱮ ᱟ.ᱰᱤ ᱞᱮᱠᱟᱱ ᱨᱚᱝ ᱠᱤᱪᱨᱤᱡ ᱦᱚᱨᱚᱜ ᱠᱟᱛᱮ ᱯᱟ.ᱭᱠᱚ ᱠᱚ ᱫᱤᱥᱚᱢ ᱜᱚᱢᱠᱮ ᱠᱚ ᱥᱟ.ᱜᱩᱱ ᱥᱟᱨᱦᱟᱣ ᱮᱭᱟ ᱾ ᱤᱱᱟ. ᱛᱟᱭᱚᱢ ᱟ.ᱰᱤ ᱯᱚᱱᱚᱛ ᱠᱷᱚᱱ ᱥᱮᱴᱮᱨ ᱟᱠᱟᱱ ᱦᱚᱲ ᱠᱚ ᱟ.ᱰᱤ ᱞᱮᱠᱟᱱ ᱟᱯᱱᱟᱨ ᱟᱯᱱᱟᱨᱟᱜ ᱮᱱᱮᱡ ᱥᱮᱨᱮᱧ ᱠᱚ ᱩᱫᱩᱜ ᱥᱚᱫᱚᱨᱟ ᱾ ᱢᱮᱞᱟᱱ ᱢᱚᱴᱚᱨ ᱜᱟ.ᱰᱤ ᱨᱮ ᱦᱚᱲ ᱯᱩᱛᱲᱟ. ᱠᱚ ᱫᱟᱨᱟᱭ ᱛᱮ ᱞᱮᱠᱟᱱ ᱞᱮᱠᱟᱱ ᱵᱟᱰᱚᱦᱤ ᱪᱤᱛᱟ.ᱨ ᱠᱚ ᱩᱫᱩᱜ ᱥᱚᱫᱚᱨᱟ ᱾ 
   ᱢᱩᱪᱟ.ᱫ ᱨᱮ ᱩᱰᱟ.ᱱ ᱥᱮᱱᱟ ᱠᱚ ᱥᱮᱨᱢᱟ ᱦᱚᱨ ᱠᱷᱚᱱ ᱞᱟᱛᱟᱨ ᱛᱮ ᱦᱮᱡ ᱠᱟᱛᱮ ᱫᱤᱥᱚᱢ ᱜᱚᱢᱠᱮ ᱥᱟᱨᱦᱟᱣᱱᱟ ᱠᱚ ᱪᱟᱞ ᱟᱭᱟ ᱾ ᱚᱱᱟ ᱥᱟᱶᱛᱮ ᱤᱱᱰᱤᱭᱟ ᱜᱮᱴ ᱠᱷᱚᱱ ᱛᱟᱲᱟᱢ ᱮᱛᱚᱦᱚᱵ ᱠᱟᱛᱮ ᱫᱤᱜᱽᱵᱷᱟᱜᱽ ᱜᱮᱢᱚᱬ ᱠᱤᱞᱚ ᱢᱤᱴᱚᱨ ᱦᱚᱨ ᱯᱟᱨᱚᱢ ᱠᱟᱛᱮ ᱮᱱᱟᱝ ᱞᱟᱞᱠᱤᱞᱞᱟ ᱨᱮᱠᱚ ᱥᱮᱴᱮᱨᱚᱜ-ᱟ ᱾ ᱱᱚ-ᱚᱭ ᱱᱚᱝᱠᱟ ᱫᱤᱞᱞᱤ ᱨᱮᱫᱚ ᱫᱤᱥᱣᱟ. ᱢᱟᱦᱟᱸ ᱟ.ᱰᱤ ᱨᱟ.ᱥᱠᱟ. ᱨᱚᱢᱚᱡᱽ ᱛᱮ ᱢᱟᱱᱟᱣ ᱵᱟᱛᱟᱣ ᱦᱩᱭᱩᱜ-ᱟ ᱾

ᱛᱚᱨᱟᱣ ᱨᱮᱭᱟᱜ ᱮᱛᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

   ᱡᱟᱱᱩᱣᱟᱨᱤ ᱒᱖ ᱢᱟᱺᱦᱤᱛ ᱫᱚ ᱫᱤᱥᱚᱢ ᱟᱨ ᱡᱟ.ᱛᱤ ᱞᱟ.ᱜᱤᱫ ᱢᱟᱥᱟᱝ ᱢᱟᱦᱟᱸ ᱠᱟᱱᱟ ᱾ ᱱᱚᱶᱟ ᱥᱚᱱᱚᱛ ᱢᱟᱦᱟᱸ ᱨᱮ ᱫᱤᱥᱣᱟ. ᱠᱚ ᱡᱟ.ᱛᱭᱟ.ᱨᱤ ᱪᱤᱨ ᱞᱟᱛᱟᱨ ᱨᱮ ᱫᱤᱥᱚᱢ ᱟᱨ ᱡᱟ.ᱛᱤ ᱨᱮᱭᱟᱜ ᱩᱛᱱᱟ.ᱣ ᱞᱟ.ᱜᱤᱫ ᱠᱤᱨᱤᱭᱟ. ᱠᱚ ᱦᱟᱛᱟᱣᱟ ᱾ ᱯᱷᱩᱨᱜᱟ.ᱞ ᱧᱟᱢ ᱠᱮᱫ ᱛᱟᱭᱚᱢ ᱦᱚᱸ ᱫᱤᱥᱚᱢ ᱨᱮ ᱟ.ᱰᱤᱜᱟᱱ ᱵᱟᱦᱨᱮ ᱵᱟ.ᱭᱨᱤ ᱠᱚ ᱟᱠᱨᱚᱢᱚᱬ ᱟᱠᱟᱜ-ᱟ ᱾ ᱯᱟ.ᱛᱭᱟ.ᱣ ᱨᱮ ᱵᱤᱥ ᱠᱚ ᱠᱷᱟᱫᱽᱞᱮ ᱟᱠᱟᱜ-ᱟ ᱾ ᱯᱟᱨᱚᱢ ᱪᱟᱞᱟᱣᱮᱱ ᱫᱤᱱ ᱨᱮ ᱫᱤᱥᱚᱢ ᱞᱮᱠᱟᱱ ᱞᱮᱠᱟᱱ ᱮᱴᱠᱮᱴᱚᱬᱮᱭ ᱥᱟᱢᱟᱝ ᱟᱠᱟᱜ-ᱟ ᱾ ᱫᱤᱥᱣᱟ. ᱢᱟᱦᱟᱸᱨᱮ ᱟᱵᱚ ᱡᱚᱛᱚ ᱵᱷᱟᱨᱚᱛᱤᱭᱟ. ᱡᱟ.ᱛᱤ, ᱫᱷᱚᱨᱚᱢ, ᱵᱚᱨᱱᱚ ᱢᱩᱪᱟ.ᱫ ᱨᱮ ᱢᱤᱫ ᱟᱲᱟᱝ ᱛᱮᱵᱚ ᱚᱠᱨᱟᱲᱟ ᱾ ᱱᱚᱶᱟ ᱫᱤᱱ ᱨᱮ ᱟᱵᱚ ᱡᱚᱛᱚ ᱫᱤᱥᱚᱢ ᱫᱩᱞᱟ.ᱲ ᱛᱮᱵᱚ ᱵᱩᱞ ᱠᱚᱜ-ᱟ ᱾ ᱫᱤᱥᱚᱢ ᱨᱮᱭᱟᱜ ᱞᱟᱦᱟᱱᱛᱤ ᱫᱤᱥᱣᱟ. ᱠᱚᱣᱟᱜ ᱩᱛᱱᱟ.ᱣ ᱞᱟ.ᱜᱤᱫ ᱡᱩᱢᱤᱫᱚᱜ ᱨᱮᱨᱟᱭ ᱱᱚᱶᱟ ᱢᱟᱦᱟᱸ ᱛᱟᱠ ᱮ ᱮᱢᱚᱜ-ᱟ ᱾

ᱨᱟ.ᱥᱠᱟ. ᱨᱚᱢᱚᱡᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

   ᱱᱚᱶᱟ ᱥᱟ.ᱜᱩᱱ ᱥᱚᱱᱚᱛ ᱢᱟᱦᱟᱸ ᱞᱟ.ᱜᱤᱫ ᱟ.ᱰᱤ ᱞᱮᱠᱟᱱ ᱨᱟ.ᱥᱠᱟ. ᱨᱚᱢᱚᱡᱽ ᱠᱟ.ᱢᱤᱦᱚᱨᱟ ᱥᱟᱡᱟᱣ ᱥᱟᱯᱲᱟᱣ ᱦᱩᱭ ᱠᱚᱜ-ᱟ ᱾ ᱟ.ᱡᱤ ᱴᱚᱴᱷᱟᱨᱮ ᱟ.ᱰᱤ ᱞᱮᱠᱟᱱ ᱮᱱᱮᱡ ᱥᱮᱨᱮᱧ ᱩᱫᱩᱜ ᱥᱚᱫᱚᱨᱟ ᱾ ᱟᱥᱲᱟ ᱵᱤᱨᱫᱟ.ᱜᱟᱲ ᱨᱮ ᱫᱤᱥᱚᱢ ᱫᱩᱞᱟ.ᱲ, ᱥᱟᱶᱛᱟᱨᱤ ᱥᱮᱨᱮᱧ, ᱜᱟᱞᱚᱪ ᱦᱮᱯᱨᱟᱣ, ᱟ.ᱰᱤ ᱞᱮᱠᱟᱱ ᱨᱟ.ᱥᱠᱟ. ᱨᱚᱢᱚᱡᱽ ᱠᱟ.ᱢᱤᱦᱚᱨᱟ ᱥᱟᱯᱲᱟᱣ ᱛᱟᱦᱮᱸᱱᱟ ᱾ 
  ᱱᱚᱶᱟ ᱛᱟᱠ ᱨᱮ ᱟᱥᱲᱟ ᱠᱚᱨᱮ ᱟ.ᱰᱤ ᱞᱮᱠᱟᱱ ᱠᱷᱮᱞᱚᱸᱰ ᱦᱮᱯᱨᱟᱣ ᱦᱚᱸ ᱛᱚᱨᱟᱣ ᱛᱟᱦᱮᱸᱱᱟ ᱾

ᱚᱨᱡᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱮᱴᱟᱫ ᱫᱤᱥᱚᱢ ᱞᱮᱠᱟ ᱜᱮ ᱟᱵᱚ ᱫᱤᱥᱚᱢ ᱨᱮᱦᱚᱸ ᱢᱤᱫᱴᱟ.ᱝ ᱥᱚᱢᱵᱤᱫᱷᱟᱱ ᱢᱮᱱᱟᱜ-ᱟ ᱾ ᱱᱚᱶᱟ ᱥᱚᱢᱵᱤᱫᱷᱟᱱ ᱢᱟᱱᱟᱣ ᱵᱟᱛᱟᱣ ᱠᱟᱛᱮ ᱪᱚᱲᱟᱣᱜ ᱞᱟ.ᱜᱤᱫ ᱫᱤᱥᱣᱟ. ᱱᱚᱶᱟ ᱢᱟᱦᱟᱸ ᱨᱮᱠᱚ ᱱᱤᱭᱟ.ᱢ ᱫᱷᱚᱨᱚᱢᱟ ᱾ ᱯᱷᱩᱨᱜᱟ.ᱞ ᱢᱟᱦᱟᱸ ᱞᱮᱠᱟ ᱜᱮ ᱫᱤᱥᱣᱟ. ᱢᱟᱦᱟᱸ ᱦᱚᱸ ᱡᱟ.ᱛᱭᱟ.ᱨᱤ ᱪᱤᱨ ᱫᱚ ᱡᱟᱦᱟᱸ ᱴᱚᱴᱷᱟ ᱨᱮᱜᱮ ᱵᱮᱵᱷᱟᱨᱚᱜ ᱨᱮᱭᱟᱜ ᱵᱮᱵᱚᱥᱛᱟ ᱢᱮᱱᱟᱜ-ᱟ ᱾ ᱫᱤᱥᱣᱟ. ᱢᱟᱦᱟᱸ ᱫᱚ ᱵᱷᱟᱨᱚᱛ ᱨᱮᱭᱟᱜ ᱢᱤᱫ ᱡᱟ.ᱛᱤᱭᱟ.ᱨᱤ ᱯᱟᱨᱟᱵᱽ ᱠᱟᱱᱟ ᱾ ᱱᱚᱶᱟ ᱫᱚ ᱫᱤᱥᱣᱟ. ᱞᱟ.ᱜᱤᱫ ᱟᱛᱢᱟ ᱟᱞᱟᱭ ᱟᱨ ᱱᱤᱭᱟ.ᱢ ᱫᱷᱚᱨᱚᱢᱚᱜ ᱨᱮᱭᱟᱜ ᱢᱟᱦᱟᱸ ᱾ ᱵᱟ.ᱭᱨᱤ ᱵᱤᱨᱩᱫᱷ ᱨᱮ ᱦᱩᱞ ᱥᱮᱸᱜᱮᱞ ᱥᱟᱞᱜᱟᱣ ᱞᱟ.ᱜᱤᱫ ᱥᱟᱯᱲᱟᱣ ᱛᱟᱦᱮᱸᱱ ᱨᱮᱭᱟᱜ ᱞᱟ.ᱠᱛᱤ ᱢᱮᱱᱟᱜ-ᱟ ᱾ ᱫᱤᱥᱚᱢ ᱨᱮ ᱟ.ᱰᱤ ᱴᱷᱟᱶᱨᱮ ᱵᱟ.ᱲᱤᱡ ᱨᱤᱛ ᱧᱮᱞᱚᱜ ᱠᱟᱱᱟ ᱾ ᱚᱱᱟ ᱵᱟ.ᱲᱤᱡ ᱨᱤᱛ ᱴᱮᱠᱟᱣ ᱫᱚᱦᱚᱭ ᱫᱤᱥᱟ.ᱨᱮ ᱟᱵᱚ ᱡᱚᱛᱚ ᱦᱚᱲ ᱟᱜ ᱟᱺᱜᱤᱵᱷᱟᱨ ᱛᱟᱦᱮᱸ ᱞᱟ.ᱠᱛᱤᱜ ᱠᱟᱱᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.m.wikipedia.org/wiki/Republic_Day_(India)