Jump to content

ᱫᱩᱞᱟᱹᱲ ᱵᱟᱯᱞᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱫᱩᱞᱟᱹᱲ ᱵᱟᱯᱞᱟ ᱥᱮ "ᱞᱟᱵᱽ ᱢᱮᱨᱤᱡᱽ" ᱟᱹᱲᱟᱹ ᱫᱚ ᱮᱛᱚᱢ ᱮᱥᱤᱭᱟ; ᱟᱥᱚᱠᱟᱭ ᱛᱮ ᱥᱤᱧᱚᱛ, ᱯᱟᱠᱤᱥᱛᱟᱱ, ᱵᱟᱝᱞᱟᱫᱮᱥ ᱟᱨ ᱥᱨᱤᱞᱚᱝᱠᱟ ᱮᱢᱟᱱ ᱠᱚ ᱫᱤᱥᱚᱢ ᱨᱮ ᱵᱟᱹᱲᱛᱤ ᱵᱮᱣᱦᱟᱨᱚᱜ ᱠᱟᱱᱟ[᱑][᱒][᱓] | ᱱᱤᱭᱟᱹ ᱥᱟᱶᱛᱮ ᱢᱤᱫ ᱡᱚᱲᱟ ᱠᱚᱲᱟ-ᱠᱩᱲᱤ ᱫᱩᱞᱟᱹᱲ ᱨᱮ ᱮᱝᱜᱟᱛ ᱟᱯᱟᱛ ᱟᱜ ᱵᱤᱱᱟᱹ ᱟᱝᱜᱚᱪ ᱧᱟᱢ ᱟᱨ ᱵᱟᱝ ᱧᱟᱢ ᱞᱮ ᱨᱮᱦᱚᱸ ᱦᱚᱭᱚᱜ ᱠᱟᱱ ᱵᱟᱯᱞᱟ ᱜᱮ ᱫᱩᱞᱟᱹᱲ ᱵᱟᱯᱞᱟ ᱠᱚ ᱢᱮᱛᱟᱣᱟᱜ ᱠᱟᱱᱟ᱾ ᱟᱥᱚᱠᱟᱭ ᱛᱮ ᱫᱩᱞᱟᱹᱲ ᱵᱟᱯᱞᱟ ᱨᱮᱱᱟᱜ ᱡᱟᱦᱸᱟᱱ ᱱᱤᱴ ᱩᱱᱩᱨᱩᱢ ᱵᱟᱹᱱᱩᱜᱼᱟ᱾ ᱥᱚᱫᱷᱟᱨᱚᱱ ᱛᱮ ᱫᱩᱞᱟᱹᱲ ᱵᱟᱯᱞᱟ ᱢᱮᱱᱞᱮ ᱠᱷᱟᱱ ᱱᱚᱣᱟ ᱜᱮ ᱵᱩᱡᱷᱟᱹᱣᱚᱜᱼᱟ ᱡᱮ, ᱵᱟᱯᱞᱟ ᱠᱟᱱ ᱠᱚᱲᱟ ᱠᱩᱲᱤ ᱠᱤᱱ ᱫᱚ ᱱᱚᱣᱟ ᱵᱟᱯᱞᱟ ᱨᱮ ᱟᱹᱠᱤᱱᱟᱜ ᱠᱩᱥᱤ ᱨᱟᱹᱡᱤ ᱛᱮ ᱜᱮ ᱠᱤᱱ ᱵᱟᱯᱞᱟᱜ ᱠᱟᱱᱟ[᱑]

BRIDE FEELING JOY AND LOVE IN MARRIAGE MOMENTS

ᱤᱭᱚᱨᱳᱯ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱢᱮᱨᱤᱠᱟᱱ ᱱᱟᱜᱟᱢᱤᱭᱟᱹ ᱢᱟᱱᱚᱛᱟᱱ ᱥᱴᱤᱯᱷᱟᱱ ᱠᱚᱧᱡᱽ ᱦᱚᱛᱮ ᱛᱮ ᱚᱞ ᱥᱚᱫᱚᱨ ᱟᱠᱟᱱ ᱱᱟᱜᱟᱢ ᱯᱚᱛᱚᱵ ᱚᱠᱟ ᱫᱚ ᱒᱐᱐᱕ ᱥᱮᱨᱢᱟ ᱨᱮ ᱪᱷᱟᱯᱟ ᱥᱚᱫᱚᱨ ᱞᱮᱱ A History: From Obedience to Intimacy, or How Love Conquered Marriage ᱧᱩᱛᱩᱢᱟᱱ ᱯᱚᱛᱚᱵ ᱨᱮ ᱫᱩᱞᱟᱹᱲ ᱵᱟᱯᱞᱟ ᱤᱫᱤ ᱠᱟᱛᱮᱭᱮ ᱚᱞ ᱞᱮᱫᱟ᱾ ᱩᱱᱤ ᱫᱚ ᱯᱚᱛᱚᱵ ᱨᱮᱭᱮ ᱚᱞ ᱟᱠᱟᱫᱟ, ᱜᱚᱴᱟ ᱫᱷᱟᱹᱨᱛᱤ ᱨᱮ ᱵᱟᱝ ᱨᱮᱦᱚᱸ ᱫᱩᱞᱟᱹᱲ ᱟᱨ ᱱᱤᱡᱟᱹ ᱫᱟᱹᱭᱤᱠ ᱛᱮ ᱥᱟᱹᱜᱟᱹᱭ ᱨᱮ ᱛᱚᱱᱚᱞᱚᱜ ᱫᱚ ᱜᱮᱞ ᱯᱚᱱ ᱥᱟᱭ ᱥᱮᱨᱢᱟ ᱠᱷᱚᱱ ᱜᱮ ᱮᱛᱚᱦᱚᱜ ᱟᱠᱟᱱᱟ᱾ ᱜᱮᱞ ᱮᱭᱟᱭ ᱥᱟᱭ ᱥᱮᱨᱢᱟ ᱠᱷᱚᱱ ᱜᱮ ᱱᱤᱭᱟᱹ ᱫᱩᱞᱟᱹᱲ ᱵᱟᱞᱯᱟ ᱫᱚ ᱵᱟᱹᱲᱛᱤ ᱤᱫᱤᱭᱮᱱᱟ[᱔] |

Heloïse et d'Abélard

ᱵᱷᱤᱠᱴᱚᱨᱤᱭᱟᱱ ᱡᱩᱜᱲ ᱨᱮ ᱵᱷᱤᱠᱴᱚᱨᱤᱭᱟ ᱟᱨ ᱨᱟᱡᱽ ᱠᱩᱢᱟᱨ ᱮᱞᱵᱟᱨᱴ ᱟᱜ ᱫᱩᱞᱟᱹᱲ ᱵᱟᱯᱞᱟ ᱜᱮ ᱵᱽᱨᱤᱴᱤᱥ ᱱᱮ-ᱦᱚᱲ ᱠᱚ ᱛᱟᱞᱟ ᱨᱮ ᱫᱩᱞᱟᱹᱲ ᱵᱟᱯᱞᱟ ᱫᱚ ᱵᱟᱹᱲᱛᱤ ᱠᱚ ᱠᱩᱥᱤᱭᱟᱫᱟ, ᱪᱮᱫᱟᱜ ᱥᱮ ᱩᱱ ᱚᱠᱛᱮ ᱜᱮ ᱫᱩᱞᱟᱹᱲ ᱵᱟᱯᱞᱟ ᱨᱮᱭᱟᱜ ᱨᱟᱠᱟᱵᱚᱜ ᱱᱟᱝ ᱫᱚ ᱛᱟᱦᱮᱸᱠᱟᱱᱟ᱾

ᱥᱤᱧᱚᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱧᱚᱛ ᱫᱤᱥᱚᱢ ᱨᱮ ᱫᱩᱞᱟᱹᱲ ᱵᱟᱯᱞᱟ ᱢᱮᱱᱞᱮ ᱠᱷᱟᱱ ᱡᱩᱣᱟᱹᱱ ᱠᱚᱲᱟ ᱠᱩᱲᱤ ᱨᱮᱱ ᱟᱯᱟ-ᱵᱟᱨᱤᱭᱟᱜ ᱵᱤᱱ ᱥᱚᱞᱦᱟ ᱥᱮ ᱠᱩᱥᱤ ᱨᱟᱹᱡᱤ ᱛᱮ, ᱵᱟᱯᱞᱟᱜ ᱠᱟᱱ ᱠᱚᱲᱟ ᱠᱩᱲᱤ ᱟᱹᱠᱤᱱᱟᱜ ᱠᱩᱥᱤ ᱨᱟᱹᱡᱤ ᱛᱮ ᱵᱟᱯᱞᱟ ᱜᱮ ᱫᱩᱞᱟᱹᱲ ᱵᱟᱞᱯᱟ ᱫᱚᱠᱚ ᱢᱮᱛᱟᱣᱟᱜ ᱠᱟᱱᱟ᱾ ᱱᱚᱝᱠᱟᱱ ᱵᱟᱯᱞᱟ ᱨᱮ ᱫᱚ ᱡᱟᱹᱛ-ᱯᱟᱹᱛ, ᱫᱷᱚᱨᱚᱢ-ᱠᱚᱨᱚᱢ, ᱨᱮᱝᱜᱮᱡ-ᱠᱤᱥᱟᱹᱬ ᱨᱮᱭᱟᱜ ᱡᱟᱦᱟᱱ ᱵᱟᱪᱷᱟᱣ ᱵᱮᱜᱟᱨ ᱵᱟᱝ ᱛᱟᱦᱮᱸᱱᱟ᱾

᱑᱙᱗᱐ ᱜᱮᱞᱟᱱᱟᱜ ᱥᱮᱨᱢᱟ ᱠᱚᱨᱮ ᱱᱟᱝᱜᱽᱨᱟᱦᱟ ᱠᱚᱨᱮ ᱫᱩᱞᱟᱹᱲ ᱵᱟᱯᱞᱟ ᱨᱮᱭᱟᱜ ᱦᱩᱫᱤᱥ ᱵᱩᱱᱫᱤᱥ ᱫᱚ ᱵᱟᱹᱲᱛᱤ ᱤᱫᱤ ᱞᱮᱱᱟ᱾ ᱯᱟᱹᱦᱤᱞ ᱚᱠᱛᱮ ᱨᱮ ᱫᱚ ᱢᱤᱫ ᱡᱟᱹᱛ ᱛᱟᱞᱟ ᱨᱮ ᱜᱮ ᱫᱩᱞᱟᱹᱲ ᱵᱟᱯᱞᱟ ᱫᱚ ᱮᱛᱚᱦᱚᱵ ᱞᱮᱱᱟ᱾ ᱫᱩᱞᱟᱹᱲ ᱵᱟᱯᱞᱟ ᱟᱨ ᱮᱨᱮᱧᱡᱽ ᱢᱮᱨᱤᱡᱽ ᱥᱮ ᱵᱟᱭᱵᱟᱨ ᱵᱟᱯᱞᱟ ᱛᱟᱞᱟ ᱨᱮᱭᱟᱜ ᱥᱤᱢᱟᱹᱱᱟ ᱫᱚ ᱵᱟᱹᱲᱛᱤ ᱤᱫᱤᱭᱮᱱᱟ᱾ ᱱᱟᱦᱟᱜ ᱫᱚ "ᱞᱟᱵᱽ ᱮᱨᱮᱧᱡᱽ ᱢᱮᱨᱤᱡᱽ" ᱥᱮ ᱫᱩᱞᱟᱹᱲ ᱨᱟᱭᱵᱟᱨ ᱵᱟᱯᱞᱟ ᱢᱮᱱᱛᱮ ᱢᱤᱫ ᱱᱟᱣᱟ ᱛᱷᱚᱠ ᱨᱮᱭᱟᱜ ᱵᱟᱯᱞᱟ ᱯᱚᱨᱛᱚᱱ ᱟᱠᱟᱱᱟ, ᱚᱠᱟ ᱨᱮ ᱫᱚ ᱠᱚᱲᱟ ᱠᱩᱲᱤ ᱟᱹᱠᱤᱱ ᱛᱮ ᱧᱮᱯᱮᱞ ᱩᱯᱨᱩᱢ-ᱫᱩᱯᱩᱞᱟᱹᱲ ᱠᱟᱛᱮ ᱛᱟᱭᱱᱚᱢ ᱛᱮ ᱩᱱᱠᱤᱱᱟᱜ ᱜᱷᱟᱨᱚᱧᱡᱽ ᱨᱮᱱ ᱠᱚ ᱫᱚ ᱨᱟᱭᱵᱟᱨᱤᱭᱟᱹ ᱦᱚᱛᱮ ᱛᱮ ᱵᱟᱯᱞᱟ ᱨᱮᱭᱟᱜ ᱠᱟᱹᱢᱤ ᱦᱚᱨᱟ ᱢᱟᱲᱟᱝ ᱥᱮᱡ ᱠᱚ ᱤᱫᱤᱭᱮᱫᱟ, ᱱᱤᱭᱟᱹ ᱵᱟᱯᱞᱟ ᱨᱮ ᱫᱚ "ᱫᱩᱞᱟᱹᱲ" ᱟᱨ "ᱨᱟᱭᱵᱟᱨ" ᱵᱟᱱᱟᱨ ᱨᱮᱭᱟᱜ ᱜᱩᱱ ᱜᱮ ᱢᱮᱱᱟᱜ ᱟᱠᱟᱫᱟ᱾

ᱯᱟᱠᱤᱥᱛᱟᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱟᱠᱤᱥᱛᱟᱱ ᱨᱮ ᱫᱚ ᱥᱟᱶᱛᱟ ᱦᱚᱛᱮ ᱛᱮ ᱜᱮ ᱵᱟᱯᱞᱟ ᱫᱚ ᱠᱚ ᱜᱚᱴᱟᱭ ᱨᱮᱭᱟᱜ ᱟᱹᱱ-ᱟᱹᱨᱤ ᱢᱮᱱᱟᱜᱼᱟ᱾ ᱚᱱᱟ ᱫᱤᱥᱚᱢ ᱨᱮ ᱫᱩᱞᱟᱹᱲ ᱵᱟᱯᱞᱟᱜ ᱫᱚ ᱟᱹᱰᱤ ᱨᱟᱱ ᱞᱮᱠᱟ ᱜᱮ ᱦᱚᱭᱚᱜᱼᱟ᱾ ᱡᱟᱣ ᱥᱮᱨᱢᱟ ᱜᱮ ᱚᱱᱟ ᱫᱤᱥᱚᱢ ᱨᱮ ᱫᱚ ᱚᱱᱳᱨ ᱠᱤᱞᱤᱝ ᱞᱮᱠᱟᱱ ᱜᱷᱚᱴᱱᱟ ᱠᱚ ᱦᱚᱭᱚᱜᱼᱟ᱾ ᱱᱤᱭᱟᱹ ᱥᱟᱛᱷᱟᱢ ᱨᱮ ᱧᱮᱞ ᱟᱹᱜᱩ ᱦᱮᱡ ᱟᱠᱟᱱᱟ ᱰᱷᱮᱨ ᱠᱟᱭ ᱛᱮᱜᱮ ᱠᱩᱲᱤ ᱦᱚᱯᱚᱱ ᱜᱮ ᱠᱚ ᱜᱚᱡ ᱠᱚᱣᱟ᱾ ᱮᱱ ᱨᱮᱦᱚᱸ ᱟᱫᱚᱢ ᱟᱫᱚᱢ ᱡᱟᱭᱜᱟ ᱨᱮ ᱫᱚ ᱠᱚᱲᱟ ᱠᱩᱲᱤ ᱵᱟᱱᱟ ᱦᱚᱲ ᱜᱮ ᱠᱚ ᱜᱚᱡ ᱵᱟᱲᱟ ᱟᱠᱟᱫ ᱠᱚᱣᱟ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱑.᱐ ᱑.᱑ Mr Henrike Donner (28 December 2012). Domestic Goddesses: Maternity, Globalization and Middle-class Identity in Contemporary India. Ashgate Publishing, Ltd. pp. 80, 86. ISBN 978-1-4094-9145-3. Retrieved 31 January 2015.
  2. "Glitz and tradition at Sri Lanka society wedding". BBC News. 13 April 2011. Retrieved 31 January 2015. Society is becoming more Westernised, too: this is a love marriage, not one arranged by the family.
  3. "Pakistan police to protect Afghan runaway couple". BBC News. 23 July 2012. Retrieved 31 January 2015. The couple say that they entered Pakistan illegally about three weeks ago and had a secret love marriage.
  4. "The Malleable Estate: Is marriage more joyful than ever?". Slate. 17 May 2005. Retrieved 31 January 2015.