ᱫᱩᱨᱜᱟᱹ ᱯᱩᱡᱟᱹ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱫᱩᱨᱜᱟᱹ ᱯᱩᱡᱟᱹ
Durga Puja
ᱢᱟᱱᱟᱣᱠᱩ Bengali, Odia, Maithils and Assamese communities as a socio-cultural and religious festival
ᱞᱮᱠᱟᱱHindu
ᱢᱟᱱᱟᱣ ᱠᱟᱹᱢᱤᱠᱩWorshipping Hindu deities, family and other social gatherings, shopping and gift-giving, feasting, pandal visiting, and cultural events
ObservancesCeremonial worship of goddess Durga
ᱮᱦᱚᱵOn the sixth day of Ashwin shukla paksha[᱑]
ᱢᱩᱪᱟᱹᱫOn the tenth day of Ashwin shukla paksha[᱑]
ᱢᱟᱹᱦᱤᱛAshvin Shukla Pratipada, Ashvin Shukla Dwitiya, Ashvin Shukla Tritiya, Ashvin Shukla Chaturthi, Ashvin Shukla Panchami, Ashvin Shukla Shashthi, Ashvin Shukla Saptami, Ashvin Shukla Ashtami, Ashvin Shukla Navami, Ashvin Shukla Dashamiᱪᱷᱟᱸᱪ:Infobox holiday/wd
ᱛᱤᱱᱟᱹ ᱢᱟᱦᱟᱸ ᱛᱟᱭᱚᱢAnnual
ᱥᱟᱹᱜᱟᱹᱭ  ᱢᱮᱱᱟᱜᱼᱟMahalaya, Navratri, Dussehra

ᱫᱩᱨᱜᱟᱹ ᱯᱩᱡᱟᱹ ᱫᱚ ᱦᱤᱱᱫᱩ ᱫᱤᱵᱤ ᱫᱩᱨᱜᱟᱹ ᱟᱜ ᱯᱩᱡᱟᱹ ᱵᱟᱠᱷᱨᱟ ᱢᱤᱫᱴᱮᱱ ᱯᱚᱨᱚᱵ ᱞᱮᱠᱟᱱ ᱯᱩᱡᱟᱹ ᱠᱟᱱᱟ᱾ ᱫᱩᱨᱜᱟᱹ ᱯᱩᱡᱟᱹ ᱫᱚ ᱜᱚᱴᱟ ᱦᱤᱱᱫᱩ ᱫᱷᱚᱨᱚᱢ ᱨᱮᱱ ᱥᱟᱱᱟᱢ ᱜᱮ ᱠᱩ ᱢᱟᱱᱟᱣᱟ᱾ ᱟᱫᱚ ᱵᱟᱝᱜᱟᱞᱤ ᱦᱤᱱᱫᱩ ᱵᱷᱤᱛᱨᱤ ᱨᱮ ᱱᱚᱣᱟ ᱯᱩᱡᱟᱹ ᱫᱚ ᱯᱚᱨᱚᱵᱽ ᱞᱮᱠᱟ ᱜᱮᱠᱩ ᱢᱟᱱᱟᱣᱟ᱾ ᱵᱟᱝᱞᱟ ᱟᱥᱤᱱ ᱥᱮ ᱪᱳᱭᱛᱨᱳ ᱪᱟᱸᱫᱚ ᱨᱮᱱᱟᱜ ᱥᱩᱠᱞᱚ ᱯᱚᱠᱠᱷᱚ ᱨᱮ ᱫᱩᱨᱜᱟᱹ ᱯᱩᱡᱟᱹ ᱫᱚ ᱦᱩᱭᱩᱜᱼᱟ᱾ ᱟᱥᱤᱱ ᱪᱟᱸᱫᱚ ᱨᱮᱱᱟᱜ ᱫᱩᱨᱜᱟᱹ ᱯᱩᱡᱟᱹ ᱫᱚ ᱥᱟᱨᱚᱫᱤᱭᱳ ᱫᱩᱨᱜᱟᱹ ᱯᱩᱡᱟᱹ ᱟᱨ ᱪᱳᱭᱛᱨᱳ ᱪᱟᱸᱫᱚ ᱨᱮᱱᱟᱜ ᱯᱩᱡᱟᱹ ᱫᱚ ᱵᱟᱥᱚᱱᱛᱤ ᱫᱩᱨᱜᱟᱹ ᱯᱩᱡᱟᱹ ᱠᱚ ᱢᱮᱛᱟᱜᱼᱟ᱾ ᱟᱫᱚ ᱥᱟᱨᱚᱫᱤᱭᱳ ᱫᱩᱨᱜᱟᱹ ᱯᱩᱡᱟᱹ ᱜᱮ ᱡᱟᱹᱥᱛᱤ ᱫᱚ ᱧᱩᱛᱩᱢᱟᱱ ᱠᱟᱱᱟ᱾

ᱫᱩᱨᱜᱟᱹ ᱯᱩᱡᱟᱹ ᱫᱚ ᱥᱤᱧᱚᱛ, ᱵᱟᱝᱞᱟᱫᱮᱥ, ᱱᱮᱯᱟᱞ ᱥᱚᱦᱚᱠᱟᱨᱮ ᱫᱷᱟᱹᱨᱛᱤ ᱨᱮᱱᱟᱜ ᱟᱭᱢᱟ ᱫᱤᱥᱟᱹᱢ ᱨᱮᱜᱮ ᱦᱩᱭ ᱵᱟᱲᱟᱜᱼᱟ᱾

ᱠᱟᱹᱦᱱᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱨᱚᱢᱢᱚᱵᱳᱭᱵᱳᱨᱛᱳ ᱯᱩᱨᱟᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱨᱚᱢᱢᱚᱵᱳᱭᱵᱳᱨᱛᱳ ᱯᱩᱨᱟᱱ ᱞᱮᱠᱟᱛᱮ ᱠᱨᱤᱥᱱᱚ ᱜᱮ ᱫᱩᱨᱜᱟᱹ ᱯᱩᱡᱟᱹ ᱫᱚᱭ ᱮᱛᱦᱚᱵ ᱞᱮᱫᱟ᱾ ᱵᱨᱚᱢᱢᱚᱵᱳᱭᱵᱳᱨᱛᱳ ᱯᱩᱨᱟᱱ ᱨᱮ ᱢᱮᱱ ᱟᱠᱟᱱᱟ ᱡᱮ: "ᱫᱷᱟᱹᱨᱛᱤ ᱨᱮᱱᱟᱜ ᱮᱛᱦᱚᱵ ᱡᱩᱜᱽ ᱨᱮ ᱠᱨᱤᱥᱱᱚ ᱵᱳᱭᱠᱩᱱᱴᱷᱚ ᱨᱮᱱᱟᱜ ᱟᱫᱤ ᱵᱨᱤᱱᱫᱟᱵᱚᱱ ᱨᱮᱱᱟᱜ ᱢᱚᱥᱟᱨᱢᱚᱱᱰᱚᱞ ᱨᱮ ᱯᱟᱹᱦᱤᱞ ᱫᱷᱟᱣ ᱫᱩᱨᱜᱟᱹ ᱯᱩᱡᱟᱹ ᱞᱮᱫᱟᱭ᱾ ᱤᱱᱟᱹ ᱛᱟᱭᱚᱢ ᱢᱚᱫᱷᱩ ᱟᱨ ᱠᱳᱭᱴᱳᱵᱷ ᱧᱩᱛᱩᱢᱟᱱ ᱵᱟᱨᱮᱭᱟ ᱚᱥᱩᱨ ᱟᱜ ᱵᱚᱛᱚᱨ ᱛᱮ ᱵᱨᱚᱢᱢᱟ ᱫᱚᱥᱟᱨ ᱫᱷᱟᱣ ᱫᱩᱨᱜᱟᱹ ᱯᱩᱡᱟᱹ ᱞᱮᱫᱟᱭ᱾ ᱛᱨᱤᱯᱩᱨ ᱧᱩᱛᱩᱢᱟᱱ ᱢᱤᱫᱴᱮᱱ ᱚᱥᱩᱨ ᱥᱟᱶᱛᱮ ᱞᱟᱹᱲᱦᱟᱹᱭ ᱚᱠᱛᱚᱨᱮ ᱥᱤᱵᱽ ᱛᱮᱥᱟᱨ ᱫᱩᱨᱜᱟᱹ ᱯᱩᱡᱟᱹ ᱞᱮᱫᱟᱭ᱾ ᱫᱩᱨᱵᱟᱥᱟ ᱢᱩᱱᱤ ᱟᱜ ᱚᱵᱷᱤᱥᱟᱯ ᱠᱟᱨᱚᱱ ᱛᱮ ᱞᱚᱠᱠᱷᱤ ᱟᱫ ᱛᱟᱭᱚᱢ ᱫᱮᱵᱨᱟᱡᱽ ᱤᱱᱫᱨᱚ ᱯᱩᱱ ᱟᱜ ᱫᱩᱨᱜᱟᱹ ᱯᱩᱡᱟᱹ ᱞᱮᱫᱟᱭ᱾ ᱚᱱᱟ ᱛᱟᱭᱚᱢ ᱠᱷᱚᱱ ᱜᱮ ᱫᱷᱟᱹᱨᱛᱤᱨᱮ ᱢᱩᱱᱤ ᱨᱤᱥᱤ, ᱥᱤᱫᱫᱷᱚ ᱯᱩᱨᱩᱥ, ᱫᱮᱵᱚᱛᱟ ᱟᱨ ᱢᱟᱹᱱᱢᱤ ᱠᱚ ᱱᱟᱱᱟ ᱫᱤᱥᱟᱹᱢ ᱨᱮ ᱫᱩᱨᱜᱟᱹ ᱯᱩᱡᱟᱹ ᱠᱚ ᱮᱛᱦᱚᱵ ᱞᱮᱫᱟ᱾

ᱢᱚᱦᱤᱥᱟᱥᱩᱨ ᱠᱟᱹᱦᱱᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱦᱤᱥᱟᱥᱩᱨᱢᱚᱨᱫᱤᱱᱤ ᱫᱩᱨᱜᱟᱹ

ᱥᱨᱤ ᱥᱨᱤ ᱪᱚᱱᱰᱤ ᱨᱮ ᱫᱤᱵᱤ ᱫᱩᱨᱜᱟᱹ ᱟᱜ ᱡᱟᱸᱦᱟᱸ ᱠᱟᱹᱦᱱᱤ ᱠᱚ ᱞᱟᱹᱭ ᱟᱠᱟᱱᱟ ᱚᱱᱟ ᱵᱷᱤᱛᱨᱤᱨᱮ ᱢᱚᱦᱤᱥᱟᱥᱩᱨ ᱜᱚᱪ ᱠᱟᱹᱦᱱᱤ ᱜᱮ ᱡᱚᱛᱚᱠᱷᱚᱡ ᱯᱟᱥᱱᱟᱣ ᱟᱨ ᱵᱟᱰᱟᱭᱡᱚᱝ ᱠᱟᱹᱦᱱᱤ ᱠᱟᱱᱟ᱾ ᱱᱚᱣᱟ ᱠᱟᱹᱦᱱᱤ ᱞᱮᱠᱟᱛᱮ: ᱯᱩᱨᱟ ᱠᱟᱞ ᱨᱮ ᱢᱚᱦᱤᱥᱟᱥᱩᱨ ᱥᱟᱶᱛᱮ ᱞᱟᱹᱲᱦᱟᱹᱭ ᱨᱮ ᱫᱮᱵᱚᱛᱟ ᱠᱩᱞ ᱠᱚ ᱦᱟᱨᱟᱣ ᱚᱪᱚᱭᱮᱱ ᱠᱷᱟᱹᱛᱤᱨ ᱥᱚᱨᱚᱜᱽ ᱯᱩᱨᱤ ᱨᱮᱱᱟᱜ ᱫᱚᱠᱷᱚᱞ ᱠᱚ ᱟᱫ ᱠᱮᱫᱟ᱾ ᱢᱚᱦᱤᱥᱟᱥᱩᱨ ᱥᱚᱨᱚᱜᱽ ᱯᱩᱨᱤ ᱫᱚᱠᱷᱚᱞ ᱠᱟᱛᱮ ᱟᱡ ᱞᱮᱠᱟ ᱪᱟᱞᱟᱣᱮ ᱫᱷᱩᱨᱟᱹᱣ ᱮᱱᱟ᱾ ᱩᱱ ᱡᱚᱠᱷᱚᱡ ᱫᱮᱵᱚᱛᱚ ᱠᱩ ᱵᱨᱚᱢᱢᱟ ᱴᱷᱮᱱ ᱠᱩ ᱪᱟᱞᱟᱣ ᱞᱮᱱᱟ᱾ ᱤᱱᱟᱹ ᱛᱟᱭᱚᱢ ᱥᱤᱵᱽ ᱟᱨ ᱱᱟᱨᱟᱭᱚᱱ ᱴᱷᱮᱱ ᱠᱩ ᱪᱟᱞᱟᱣ ᱮᱱᱟ᱾ ᱫᱮᱵᱚᱛᱟ ᱴᱷᱮᱱ ᱢᱚᱦᱤᱥᱟᱥᱩᱨ ᱟᱜ ᱠᱚᱪᱞᱚᱱ ᱨᱮᱱᱟᱜ ᱠᱟᱹᱦᱱᱤ ᱠᱚ ᱠᱩ ᱞᱟᱹᱭ ᱥᱚᱫᱚᱨ ᱠᱮᱫᱟ᱾ ᱡᱚᱛᱚ ᱫᱮᱵᱚᱛᱟ ᱢᱤᱞᱮ ᱠᱩ ᱜᱟᱞᱢᱟᱨᱟᱣ ᱴᱷᱤᱠ ᱠᱮᱫᱟ ᱡᱮ ᱢᱚᱦᱤᱥᱟᱥᱩᱨ ᱫᱚ ᱜᱚᱡᱮ ᱞᱟᱜᱟᱜᱼᱟ᱾ ᱡᱚᱛᱚ ᱫᱮᱵᱚᱛᱟ ᱠᱳᱣᱟᱜ ᱫᱟᱲᱮᱛᱮ ᱦᱤᱢᱟᱞᱚᱭ ᱨᱮᱭ ᱛᱟᱸᱦᱮᱸᱠᱟᱱ ᱨᱤᱥᱤ ᱠᱟᱛᱛᱟᱭᱚᱱᱟᱜ ᱟᱥᱨᱚᱢ ᱨᱮᱭ ᱢᱤᱫᱴᱮᱱ ᱟᱭᱳ ᱦᱚᱲᱮ ᱵᱩᱥᱟᱹᱬ ᱮᱱᱟ᱾ ᱩᱱᱤ ᱜᱮ ᱫᱤᱵᱤ ᱫᱩᱨᱜᱟᱹ ᱫᱚ᱾ ᱟᱥᱤᱱ ᱪᱟᱸᱫᱚ ᱨᱮᱱᱟᱜ ᱯᱩᱱ ᱟᱜ ᱛᱤᱛᱷᱤ ᱨᱮ ᱫᱤᱵᱤ ᱫᱚᱭ ᱦᱮᱡ ᱞᱮᱱᱟ᱾ ᱨᱤᱥᱤ ᱠᱟᱛᱛᱟᱭᱚᱱ ᱥᱩᱠᱞᱟ ᱥᱚᱯᱛᱚᱢᱤ, ᱚᱥᱴᱚᱢᱤ ᱟᱨ ᱱᱚᱵᱚᱢᱤ ᱫᱤᱵᱤ ᱫᱩᱨᱜᱟᱹᱭ ᱯᱩᱡᱟᱹᱣᱫᱤ ᱛᱟᱸᱦᱮᱸᱱᱟ᱾ ᱟᱨ ᱫᱚᱥᱚᱢᱤ ᱦᱤᱞᱟᱹᱠ ᱫᱤᱵᱤ ᱫᱩᱨᱜᱟᱹ ᱢᱚᱦᱤᱥᱟᱥᱩᱨᱮ ᱜᱚᱡ ᱞᱤᱫᱤᱭᱟ᱾

ᱯᱩᱡᱟᱹ ᱵᱟᱸᱠᱷᱮᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱱᱟᱛᱚᱱ ᱫᱷᱚᱨᱚᱢ ᱨᱮᱱᱟᱜ ᱡᱟᱸᱦᱟᱸᱱᱟᱜ ᱯᱩᱡᱟᱹ ᱨᱮᱜᱮ ᱥᱚᱝᱥᱠᱨᱤᱛᱚ ᱵᱟᱸᱠᱷᱮᱲ ᱠᱚ ᱫᱚ ᱟᱹᱰᱤ ᱡᱟᱹᱨᱩᱲᱟᱱ ᱜᱮᱭᱟ᱾ ᱫᱩᱨᱜᱟᱹ ᱯᱩᱡᱟᱹ ᱨᱮᱱᱟᱜ ᱵᱟᱸᱠᱷᱮᱲ ᱠᱚᱫᱚ ᱥᱨᱤ ᱥᱨᱤ ᱪᱚᱱᱰᱤ ᱠᱷᱚᱱ ᱜᱮ ᱠᱚ ᱵᱟᱸᱠᱷᱮᱲᱟ᱾ ᱰᱷᱟᱠ-ᱰᱷᱳᱞ, ᱠᱷᱳᱞ ᱠᱚᱨᱛᱟᱞ, ᱟᱨᱚᱨ ᱵᱟᱹᱛᱤ ᱠᱚ ᱥᱟᱶᱛᱮ ᱱᱚᱣᱟᱠᱚ ᱵᱟᱸᱠᱷᱮᱲ ᱫᱚ ᱟᱹᱰᱤ ᱢᱚᱡᱽ ᱜᱮ ᱵᱩᱡᱷᱟᱹᱜᱼᱟ᱾ ᱫᱤᱵᱤ ᱫᱩᱨᱜᱟᱹ ᱴᱷᱮᱱ ᱵᱟᱦᱟ ᱮᱢ ᱚᱠᱛᱚ ᱨᱮᱭᱟᱜ ᱢᱟᱱᱛᱟᱨ:

ᱫᱤᱵᱤ ᱫᱩᱨᱜᱟᱹ ᱯᱨᱚᱱᱟᱢ ᱢᱟᱱᱛᱟᱨ:

ᱢᱟᱱᱮ: ᱦᱮ ᱫᱤᱵᱤ ᱥᱚᱨᱵᱚᱢᱚᱝᱜᱚᱞᱟ, ᱥᱤᱵᱟ, ᱥᱚᱠᱚᱞ ᱠᱟᱨᱡᱚ ᱥᱟᱫᱷᱤᱠᱟ, ᱥᱚᱨᱚᱱᱡᱳᱜᱜᱳ, ᱜᱳᱣᱨᱤ ᱛᱨᱤᱱᱚᱭᱚᱱᱤ, ᱱᱟᱨᱟᱭᱚᱱᱤ ᱛᱳᱢᱟᱠᱮ ᱱᱚᱢᱚᱥᱠᱟᱨ᱾

ᱢᱩᱨᱛᱤ ᱠᱟᱛᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱪᱚᱨᱟᱪᱚᱨ ᱫᱤᱵᱤ ᱫᱩᱨᱜᱟᱹ ᱟᱜ ᱡᱟᱸᱦᱟᱸ ᱢᱩᱨᱛᱤ ᱧᱮᱞᱚᱜᱼᱟ ᱚᱱᱟ ᱫᱚ ᱫᱤᱵᱤ ᱫᱩᱨᱜᱟᱹ ᱟᱜ ᱜᱚᱴᱟ ᱜᱷᱟᱨᱚᱸᱡ ᱨᱮᱱᱟᱜ ᱢᱩᱨᱛᱤ ᱠᱟᱱᱟ᱾ ᱱᱚᱣᱟ ᱢᱩᱨᱛᱤ ᱛᱟᱞᱟ ᱨᱮ ᱫᱤᱵᱤ ᱫᱩᱨᱜᱟᱹ ᱫᱚ ᱠᱩᱞ ᱪᱮᱛᱟᱱᱮ ᱫᱩᱲᱩᱯ ᱠᱚᱜᱼᱟ᱾ ᱩᱱᱤᱭᱟᱜ ᱵᱚᱦᱚ ᱪᱮᱛᱟᱱ ᱨᱮ ᱥᱤᱵᱽ ᱟᱜ ᱢᱮᱛᱦᱟ᱾ ᱡᱚᱡᱚᱢ ᱟᱲᱮ ᱨᱮ ᱞᱚᱠᱠᱷᱤ ᱫᱤᱵᱤ ᱟᱨ ᱜᱚᱱᱮᱥ, ᱞᱮᱸᱜᱟ ᱟᱲᱮ ᱥᱚᱨᱚᱥᱚᱛᱤ ᱟᱨ ᱠᱟᱨᱛᱤᱠ᱾ ᱠᱳᱞᱠᱟᱛᱟ ᱨᱮ ᱥᱟᱵᱚᱨᱱᱚ ᱨᱟᱭ ᱪᱳᱣᱫᱷᱩᱨᱤ ᱜᱷᱟᱸᱨᱚᱡ ᱑᱖᱑᱐ ᱥᱮᱨᱢᱟ ᱨᱮ ᱫᱤᱵᱤ ᱫᱩᱨᱜᱟᱹ ᱟᱜ ᱱᱚᱝᱠᱟᱱ ᱢᱩᱨᱛᱤ ᱠᱚ ᱪᱟᱹᱞᱩ ᱞᱮᱫᱟ᱾

ᱞᱮᱜᱽ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱚᱱᱰᱤ ᱯᱟᱴᱷ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱦᱟᱞᱚᱭᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱦᱟᱞᱚᱭᱟ ᱥᱮ ᱯᱤᱛᱨᱤ ᱯᱚᱠᱠᱚ ᱟᱜ ᱫᱤᱱ ᱠᱷᱚᱱ ᱫᱩᱨᱜᱟᱹ ᱯᱩᱡᱟᱹ ᱫᱚ ᱮᱛᱦᱚᱵᱚᱜᱼᱟ᱾ ᱱᱚᱣᱟ ᱢᱟᱦᱟᱸ ᱨᱮᱫᱚ ᱯᱤᱛᱨᱤ ᱯᱚᱠᱠᱚ ᱟᱜ ᱢᱩᱪᱟᱹᱫ ᱟᱨ ᱫᱤᱵᱤ ᱯᱚᱠᱠᱷᱚ ᱟᱜ ᱮᱛᱦᱚᱵ ᱦᱩᱭᱩᱜᱼᱟ᱾ ᱱᱚᱣᱟ ᱢᱚᱦᱟᱞᱚᱭᱟ ᱛᱤᱛᱷᱤ ᱨᱮ ᱡᱟᱸᱦᱟᱸᱤᱭ ᱨᱮᱱ ᱜᱚᱜᱚ-ᱵᱟᱵᱟ ᱥᱮ ᱟᱹᱜᱤᱞ ᱦᱟᱯᱲᱟᱢᱠᱚ ᱠᱚ ᱵᱚᱸᱜᱟ ᱛᱟᱞᱟᱣ ᱟᱠᱟᱱ ᱩᱝᱠᱩ ᱠᱚ ᱫᱤᱥᱟᱹ ᱠᱳᱣᱟ ᱟᱨ ᱩᱝᱠᱩ ᱧᱩᱛᱩᱢ ᱛᱮ ᱜᱟᱰᱟ ᱥᱮ ᱯᱩᱠᱷᱨᱤ ᱨᱮ ᱵᱟᱦᱟ ᱠᱚ ᱵᱚᱦᱮᱞᱟ᱾ ᱥᱚᱱᱟᱛᱚᱱ ᱫᱷᱚᱨᱚᱢ ᱞᱮᱠᱟᱛᱮ ᱱᱚᱣᱟ ᱢᱟᱦᱟᱸ ᱨᱮ ᱜᱩᱨ ᱟᱠᱟᱱ ᱟᱛᱢᱟ ᱠᱚ ᱫᱚ ᱫᱷᱟᱹᱨᱛᱤ ᱨᱮᱠᱩ ᱨᱩᱣᱟᱹᱲ ᱦᱤᱡᱩᱜᱼᱟ ᱟᱨ ᱢᱤᱫ ᱡᱟᱜᱟ ᱨᱮᱠᱚ ᱧᱟᱯᱟᱢᱚᱜᱼᱟ᱾ ᱩᱝᱠᱩ ᱟᱜ ᱚᱱᱟ ᱧᱟᱯᱟᱢ ᱫᱚ ᱢᱚᱦᱟᱞᱚᱭ ᱠᱩ ᱢᱮᱛᱟᱜᱼᱟ᱾ ᱚᱱᱟ ᱢᱚᱦᱟᱞᱚᱭ ᱠᱷᱟᱱ ᱜᱮ ᱢᱚᱦᱟᱞᱚᱭᱟ᱾

ᱫᱩᱨᱜᱟᱹ ᱥᱚᱥᱴᱷᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱢᱟᱦᱟᱸ ᱨᱮ ᱫᱚ ᱫᱤᱵᱤ ᱟᱜ ᱵᱳᱫᱷᱳᱱ ᱦᱩᱭᱜᱼᱟ᱾

ᱥᱚᱯᱛᱚᱢᱤ ᱯᱩᱡᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱵᱚᱯᱚᱛᱨᱤᱠᱟ ᱨᱮᱱᱟᱜ ᱟᱨᱮ ᱜᱚᱴᱟᱝ ᱱᱟᱹᱲᱤ ᱫᱚ ᱫᱤᱵᱤ ᱟᱜ ᱟᱨᱮ ᱜᱚᱴᱟᱝ ᱫᱟᱲᱮ ᱨᱮᱱᱟᱜ ᱨᱩᱯ ᱠᱟᱱᱟ᱾ ᱥᱚᱯᱛᱚᱢᱤ ᱦᱤᱞᱟᱹᱜ ᱫᱚ ᱴᱷᱟᱹᱠᱩᱨ ᱚᱱᱟ ᱱᱚᱵᱚᱯᱚᱛᱨᱤᱠᱟ ᱱᱤᱭᱟᱹ ᱜᱟᱰᱟ ᱥᱮ ᱯᱩᱠᱷᱨᱤ ᱨᱮᱭ ᱪᱟᱞᱟᱜᱼᱟ ᱟᱨᱮ ᱰᱟᱹᱵᱨᱟᱹ ᱚᱪᱚᱭᱼᱟ᱾ ᱚᱱᱟ ᱛᱟᱭᱚᱢ ᱱᱟᱣᱟ ᱥᱟᱹᱲᱤᱛᱮ ᱱᱚᱵᱚᱯᱚᱛᱨᱤᱠᱟ ᱵᱟᱸᱫᱮ ᱠᱟᱛᱮ ᱫᱤᱵᱤ ᱢᱩᱨᱛᱤ ᱴᱷᱮᱱ ᱠᱩ ᱨᱩᱣᱟᱹᱲ ᱟᱹᱜᱩᱭᱟ᱾ ᱤᱱᱟᱹ ᱛᱟᱭᱚᱢ ᱫᱩᱨᱜᱟᱹ ᱟᱜ ᱡᱚᱡᱚᱢ ᱟᱲᱮ ᱨᱮᱠᱚ ᱛᱷᱟᱯᱚᱱᱟ᱾ ᱟᱫᱚ ᱚᱱᱟ ᱠᱷᱚᱱ ᱜᱮ ᱯᱩᱡᱟᱹ ᱨᱮᱱ ᱢᱩᱬᱩᱛ ᱫᱚ ᱮᱛᱦᱚᱵ ᱮᱱᱟ ᱢᱮᱱᱛᱮ ᱠᱚ ᱞᱮᱠᱷᱟᱭᱟ᱾

ᱚᱥᱴᱚᱢᱤ ᱯᱩᱡᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱥᱴᱚᱢᱤ ᱦᱤᱞᱟᱹᱜ ᱫᱚ ᱟᱹᱰᱤ ᱜᱮ ᱡᱟᱹᱨᱩᱲᱟᱱ ᱠᱟᱱᱟ᱾ ᱱᱚᱣᱟ ᱢᱟᱦᱟᱸ ᱨᱮᱜᱮ ᱢᱟᱹᱱᱢᱤ ᱫᱚ ᱫᱤᱵᱤ ᱫᱩᱨᱜᱟᱹ ᱴᱷᱮᱱ ᱠᱚ ᱠᱚᱭ ᱡᱚᱝᱟ᱾ ᱤᱱ ᱦᱤᱞᱟᱹᱜ ᱜᱮ ᱫᱤᱵᱤ ᱫᱚ ᱪᱟᱢᱩᱱᱰᱟ ᱢᱮᱱᱛᱮ ᱠᱩ ᱯᱩᱡᱟᱹᱣᱭᱟ᱾ ᱱᱚᱣᱟ ᱫᱤᱱ ᱫᱚ ᱠᱚᱸᱰᱦᱟ, ᱠᱟᱭᱨᱟ ᱵᱚᱞᱤ ᱦᱚᱸ ᱠᱩ ᱮᱢᱟ᱾ ᱟᱨ ᱠᱩᱢᱟᱨᱤ ᱯᱩᱡᱟ ᱦᱚᱸ ᱤᱱ ᱦᱤᱞᱟᱹᱜ ᱜᱮ ᱦᱩᱭᱩᱜᱼᱟ᱾ ᱥᱳᱱᱫᱷᱤ ᱯᱩᱡᱟᱹ ᱦᱚᱸ ᱤᱱ ᱦᱤᱞᱟᱹᱜ ᱜᱮ ᱦᱩᱭᱩᱜᱼᱟ᱾

ᱱᱚᱵᱚᱢᱤ ᱯᱩᱡᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱚᱥᱚᱢᱤ ᱯᱩᱡᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱚᱥᱚᱢᱤ ᱦᱤᱞᱟᱹᱜ ᱫᱚ ᱯᱩᱡᱟᱹ ᱵᱟᱲᱟ ᱠᱟᱛᱮ ᱫᱟᱜ ᱨᱮ ᱫᱤᱵᱤ ᱠᱚ ᱵᱷᱟᱥᱟᱱ ᱜᱚᱞ ᱠᱟᱭᱟ᱾ ᱱᱚᱣᱟ ᱥᱟᱶ ᱥᱟᱶ ᱫᱤᱵᱤ ᱫᱩᱨᱜᱟᱹ ᱟᱡ ᱵᱟᱵᱟ ᱛᱟᱹᱠᱩ ᱴᱷᱮᱱᱮ ᱨᱩᱣᱟᱹᱲ ᱪᱟᱞᱟᱜᱼᱟ ᱢᱮᱱᱛᱮ ᱠᱩ ᱞᱟᱹᱭᱟ᱾

ᱯᱩᱡᱟᱹ ᱢᱟᱱᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱝᱞᱟ ᱥᱚᱨᱚᱛ ᱨᱤᱛᱩ ᱚᱠᱛᱚᱨᱮ ᱡᱟᱸᱦᱟᱸ ᱫᱩᱨᱜᱟᱹ ᱯᱩᱡᱟᱹ ᱦᱩᱭᱩᱜᱼᱟ ᱚᱱᱟᱜᱮ ᱦᱤᱱᱫᱩ ᱠᱳᱣᱟᱜ ᱞᱟᱹᱴᱩ ᱡᱚᱢᱡᱚᱢᱟᱴ ᱯᱩᱡᱟᱹ ᱠᱟᱱ ᱛᱟᱠᱩᱣᱟ᱾ ᱫᱩᱨᱜᱟᱹ ᱯᱩᱡᱟᱹ ᱵᱚᱥᱟᱱᱛᱚ ᱨᱤᱛᱩ ᱨᱮ ᱦᱩᱭᱩᱜ ᱨᱮᱦᱚᱸ ᱨᱟᱢ ᱫᱚ ᱥᱚᱨᱚᱛ ᱨᱤᱛᱩ ᱨᱮᱜᱮᱭ ᱯᱩᱡᱟᱹ ᱞᱮᱫᱟ᱾ ᱡᱟᱸᱦᱟᱸ ᱚᱠᱟᱞᱵᱳᱫᱷᱳᱱ ᱠᱚ ᱢᱮᱱᱟ᱾ ᱯᱩᱡᱟᱹ ᱚᱠᱛᱚᱨᱮ ᱢᱤᱫ ᱢᱚᱸᱰᱚᱯ ᱠᱷᱚᱱ ᱟᱨ ᱢᱤᱫᱴᱮᱱ ᱢᱚᱸᱰᱚᱯ ᱦᱤᱱᱫᱩ ᱠᱚ ᱫᱩ ᱠᱚ ᱫᱟᱬᱟᱵᱟᱲᱟᱭᱟ᱾ ᱵᱟᱝᱞᱟᱫᱮᱥ, ᱥᱤᱧᱚᱛ ᱥᱟᱶ ᱫᱷᱟᱹᱨᱛᱤ ᱨᱮᱱᱟᱜ ᱡᱟᱸᱦᱟᱸ ᱡᱟᱸᱦᱟᱸ ᱨᱮᱜᱮ ᱦᱤᱱᱫᱩ ᱫᱷᱚᱨᱚᱢ ᱨᱮᱱ ᱢᱟᱹᱱᱢᱤ ᱠᱚ ᱢᱮᱱᱟᱜ ᱠᱳᱣᱟ ᱚᱸᱰᱮᱜᱮ ᱫᱤᱵᱤ ᱫᱩᱨᱜᱟᱹ ᱯᱩᱡᱟᱹ ᱫᱚ ᱟᱹᱰᱤ ᱫᱷᱩᱢᱫᱷᱟᱢ ᱛᱮᱠᱩ ᱢᱟᱱᱟᱣ ᱟᱹᱜᱩᱭᱫᱟ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱑.᱐ ᱑.᱑ Durga Puja Tithi.