ᱫᱳᱣᱞᱚᱫᱯᱩᱨ ᱩᱯᱚᱡᱮᱞᱟ, ᱠᱩᱥᱴᱤᱭᱟ

ᱫᱳᱣᱞᱚᱫᱯᱩᱨ ᱩᱯᱚᱡᱮᱞᱟ ᱫᱚ ᱵᱟᱝᱞᱟᱫᱮᱥ ᱨᱮ ᱢᱮᱱᱟᱜ ᱠᱩᱥᱴᱤᱭᱟ ᱦᱚᱱᱚᱛ ᱨᱮᱱᱟᱜ ᱢᱤᱫᱴᱟᱝ ᱯᱚᱨᱥᱟᱥᱚᱱᱤᱠ ᱮᱞᱟᱠᱟ ᱠᱟᱱᱟ᱾

ᱱᱟᱜᱟᱢ

ᱫᱳᱣᱞᱚᱛᱯᱩᱨ ᱫᱚ ᱠᱩᱥᱴᱤᱭᱟ ᱦᱚᱱᱚᱛ ᱨᱮᱱᱟᱜ ᱢᱤᱫᱴᱟᱝ ᱩᱯᱚᱡᱮᱞᱟ ᱠᱟᱱᱟ᱾ ᱱᱤᱭᱟᱹ ᱩᱯᱚᱡᱮᱞᱟ ᱨᱮᱱᱟᱜ ᱥᱩᱢᱩᱝ ᱫᱚ ᱔᱖᱑ ᱵᱚᱨᱜᱚᱠᱤᱞᱳᱢᱤᱴᱟᱨ᱾ ᱱᱤᱭᱟᱹ ᱩᱯᱚᱡᱮᱞᱟ ᱨᱮᱱᱟᱜ ᱩᱛᱟᱹᱨ ᱫᱚ ᱵᱟᱜᱷᱟ ᱟᱨ ᱞᱟᱞᱯᱩᱨ, ᱫᱟᱹᱠᱷᱤᱱ ᱫᱚ ᱜᱟᱝᱱᱤ ᱟᱨ ᱢᱤᱨᱯᱩᱨ, ᱯᱩᱨᱩᱵᱽ ᱫᱚ ᱵᱷᱮᱲᱟᱢᱟᱨᱟ ᱟᱨ ᱢᱤᱨᱯᱩᱨ, ᱟᱨ ᱯᱩᱪᱷᱤᱢ ᱫᱚ ᱥᱤᱧᱚᱛ ᱨᱮᱱᱟᱜ ᱯᱩᱪᱷᱤᱢ ᱵᱟᱸᱜᱽᱞᱟ ᱢᱮᱱᱟᱜ-ᱟ᱾

ᱥᱮᱫᱟᱭ ᱠᱟᱛᱷᱟ

᱑᱙᱘᱓ ᱥᱮᱨᱢᱟ ᱫᱳᱣᱞᱚᱫᱯᱩᱨ ᱩᱯᱚᱡᱮᱞᱟ ᱫᱚ ᱛᱷᱟᱱᱟ ᱛᱮᱦᱮᱸ ᱠᱟᱱᱟ᱾ ᱑᱙᱗᱑ ᱥᱮᱨᱢᱟ ᱨᱮᱱᱟᱜ ᱓ ᱰᱤᱥᱮᱢᱵᱚᱨ ᱫᱳᱣᱞᱚᱫᱯᱩᱨ ᱨᱮᱱ ᱢᱩᱠᱛᱤ ᱵᱟᱹᱦᱤᱱᱤ ᱟᱨ ᱯᱟᱠᱤᱥᱛᱷᱟᱱ ᱵᱟᱹᱦᱤᱱᱤ ᱠᱚᱣᱟᱜ ᱞᱟᱹᱲᱦᱟᱹᱭ ᱦᱩᱭ ᱞᱮᱱᱟ᱾ ᱚᱱᱟ ᱨᱮ ᱟᱭᱢᱟ ᱜᱟᱱ ᱦᱚᱲ ᱜᱮ ᱦᱤᱣᱤ ᱠᱚ ᱟᱞᱟᱭ ᱟᱠᱟᱫᱟ᱾ ᱫᱳᱣᱞᱚᱫᱯᱩᱨ ᱩᱯᱚᱡᱮᱞᱟ ᱨᱮ ᱖ ᱜᱚᱴᱟᱝ ᱵᱤᱨ ᱢᱩᱠᱛᱤ ᱵᱟᱹᱦᱤᱱᱤ ᱠᱚᱣᱟᱜ ᱛᱚᱯᱟ ᱢᱮᱱᱟᱜ ᱟᱠᱟᱫᱟ᱾ ᱚᱱᱟ ᱵᱮᱜᱚᱨ ᱦᱚᱸ ᱱᱚᱸᱰᱮ ᱥᱚᱦᱤᱫ ᱟᱠᱟᱱ ᱵᱤᱨ ᱢᱩᱠᱛᱤ ᱵᱟᱹᱦᱤᱱᱤ ᱠᱚᱣᱟᱜ ᱧᱩᱛᱩᱢ ᱛᱮ ᱢᱤᱫ ᱫᱤᱥᱟᱹ ᱜᱟᱲ ᱢᱮᱱᱟᱜ ᱟᱠᱟᱫᱟ᱾ ᱫᱳᱣᱞᱚᱫᱯᱩᱨ ᱩᱯᱚᱡᱮᱞᱟ ᱨᱮ ᱑᱐ ᱜᱚᱴᱟᱝ ᱥᱚᱦᱤᱫ ᱠᱚᱣᱟᱜ ᱧᱩᱛᱩᱢ ᱛᱮ ᱥᱚᱲᱚᱠ ᱢᱮᱱᱟᱜ-ᱟ᱾ ᱥᱮᱨᱯᱩᱨ ᱧᱩᱛᱩᱢᱟᱱ ᱢᱤᱫ ᱡᱟᱜᱟ ᱨᱮ ᱞᱟᱹᱴᱩ ᱞᱟᱹᱲᱦᱟᱹᱭ ᱫᱚ ᱦᱩᱭ ᱞᱮᱱ, ᱟᱨ ᱚᱸᱰᱮ ᱫᱚ ᱯᱟᱠᱤᱥᱛᱟᱱ ᱵᱟᱹᱦᱤᱱᱤ ᱠᱚ ᱱᱚᱛᱚ ᱠᱚ ᱥᱤᱠᱟᱹᱨ ᱞᱮᱱᱟ᱾

ᱱᱟᱸᱭ ᱱᱟᱞᱟᱠᱚ

ᱫᱳᱣᱞᱚᱫᱯᱩᱨ ᱩᱯᱚᱡᱮᱞᱟ ᱨᱮ ᱒ ᱜᱚᱴᱟᱝ ᱜᱟᱰᱟᱠᱚ ᱢᱮᱱᱟᱜ-ᱟ᱾ ᱟᱨ ᱚᱱᱟ ᱠᱤᱱ ᱫᱚ ᱦᱩᱭᱩᱜ ᱠᱟᱱᱟ ᱯᱟᱫᱫᱟ ᱜᱟᱰᱟ ᱟᱨ ᱠᱟᱛᱷᱟ ᱵᱷᱟᱝᱜᱟ ᱜᱟᱰᱟ᱾ ᱚᱱᱟ ᱵᱮᱜᱚᱨ ᱦᱚᱸ ᱦᱤᱥᱱᱟ ᱠᱷᱟᱧᱪᱟ ᱜᱟᱰᱟ ᱧᱩᱛᱩᱢᱟᱱ ᱢᱤᱫ ᱜᱟᱰᱟ ᱫᱳᱣᱞᱚᱫᱯᱩᱨ ᱩᱯᱚᱡᱮᱞᱟ ᱵᱷᱤᱛᱨᱤ ᱛᱮᱜᱮ ᱟᱛᱩ ᱪᱟᱣ ᱟᱠᱟᱱᱟ᱾

ᱯᱟᱹᱨᱥᱤ ᱠᱚ

ᱫᱳᱣᱞᱚᱫᱯᱩᱨ ᱩᱯᱚᱡᱮᱞᱟ ᱨᱮᱱ ᱦᱚᱲᱠᱚ ᱟᱹᱰᱤ ᱢᱚᱡᱽ ᱜᱮᱠᱚ ᱨᱚᱲ ᱨᱚᱯᱚᱲ ᱨᱮᱠᱚ ᱤᱠᱟᱹᱣ ᱟᱠᱟᱱᱟ᱾ ᱟᱨ ᱱᱚᱸᱰᱮ ᱱᱟᱜ ᱯᱟᱹᱨᱥᱤ ᱫᱚ ᱵᱟᱝᱞᱟ ᱥᱟᱫᱷᱩ ᱯᱟᱨᱥᱤ ᱞᱮᱠᱟ᱾

ᱯᱟᱨᱵᱚᱱᱠᱚ

ᱱᱚᱸᱰᱮ ᱫᱚ ᱥᱟᱶ ᱨᱮ ᱤᱫ , ᱯᱩᱡᱟᱹ ᱮᱢᱟᱱ ᱛᱮᱭᱟᱜ ᱯᱟᱨᱵᱚᱱ ᱠᱚ ᱢᱟᱱᱟᱣ ᱵᱟᱛᱟᱣ ᱵᱟᱲᱟᱭᱟ᱾

ᱠᱷᱤᱞᱟᱹᱴ ᱠᱚ

ᱱᱤᱭᱟᱹ ᱩᱯᱚᱡᱮᱞᱟ ᱨᱮᱱ ᱦᱚᱲᱠᱚ ᱮᱢᱟᱱ ᱛᱮᱭᱟᱜ ᱠᱷᱤᱞᱟᱹᱴ ᱠᱚᱨᱮ ᱛᱷᱚᱲᱟ ᱠᱚ ᱛᱟᱭᱚᱢ ᱜᱮᱭᱟ, ᱤᱠᱷᱟᱹᱱ ᱟᱞᱞᱟᱨ ᱫᱚᱨᱜᱟ ᱧᱩᱛᱩᱢᱟᱱ ᱢᱤᱫ ᱡᱟᱜᱟ ᱨᱮ ᱢᱤᱫ ᱮᱴᱮᱰᱤᱭᱟᱢ ᱠᱚ ᱵᱤᱨᱤᱫ ᱟᱠᱟᱫᱟ, ᱟᱸᱥᱚᱜ ᱠᱟᱱᱟ ᱩᱥᱟᱹᱨᱟᱛᱮ ᱵᱮᱱᱟᱣ ᱯᱩᱨᱟᱜ-ᱟ᱾ ᱚᱱᱟ ᱛᱮ ᱱᱤᱭᱟᱹ ᱮᱞᱟᱠᱟ ᱨᱮᱱᱟᱜ ᱠᱷᱤᱞᱟᱹᱴ ᱠᱚ ᱩᱱᱱᱚᱛᱚ-ᱟ ᱢᱮᱱᱛᱮ ᱟᱸᱥ ᱛᱟᱦᱮᱱ ᱠᱟᱱᱟ᱾

ᱯᱚᱨᱥᱚᱱ

᱑᱕᱑ ᱜᱚᱴᱟᱝ ᱢᱳᱣᱡᱟ ᱟᱨ ᱒᱔᱒ ᱜᱚᱴᱟᱝ ᱟᱛᱚ ᱛᱮ ᱱᱤᱭᱟᱹ ᱩᱯᱚᱡᱮᱞᱟ᱾ ᱱᱤᱭᱟᱹ ᱩᱯᱚᱡᱮᱞᱟ ᱨᱮ ᱑᱔ ᱜᱚᱴᱟᱝ ᱤᱭᱩᱱᱤᱭᱚᱱ ᱢᱮᱱᱟᱜ-ᱟ᱾

ᱯᱚᱨᱥᱟᱥᱚᱱᱤᱠ ᱮᱞᱟᱠᱟᱠᱚ

ᱱᱤᱭᱟᱹ ᱩᱯᱚᱡᱮᱞᱟ ᱨᱮᱱᱟᱜ ᱤᱭᱩᱱᱤᱭᱚᱱ ᱠᱚ,

1. ᱟᱫᱟᱵᱟᱲᱤᱭᱟ ᱤᱭᱩᱱᱤᱭᱚᱱ
2. ᱟᱲᱤᱭᱟ ᱤᱭᱩᱱᱤᱭᱚᱱ
3. ᱠᱷᱩᱞᱤᱥᱟᱠᱚᱱᱰᱤ ᱤᱭᱩᱱᱤᱭᱚᱱ
4. ᱪᱤᱞᱢᱟᱨᱤ ᱤᱭᱩᱱᱤᱭᱚᱱ
5. ᱫᱳᱣᱞᱚᱫᱯᱩᱨ ᱤᱭᱩᱱᱤᱭᱚᱱ, ᱫᱳᱣᱞᱚᱫᱯᱩᱨ (ᱠᱩᱥᱴᱤᱭᱟ)
6. ᱯᱤᱭᱟᱨᱟᱯᱩᱨ ᱤᱭᱩᱱᱤᱭᱚᱱ
7. ᱯᱨᱟᱜᱽᱯᱩᱨ ᱤᱭᱩᱱᱤᱭᱚᱱ
8. ᱯᱷᱤᱞᱤᱯᱱᱚᱜᱚᱨ ᱤᱭᱩᱱᱤᱭᱚᱱ
9. ᱵᱳᱣᱟᱞᱤᱭᱟ ᱤᱭᱩᱱᱤᱭᱚᱱ
10. ᱢᱚᱛᱷᱩᱨᱟᱯᱩᱨ ᱤᱭᱩᱱᱤᱭᱚᱱ
11. ᱢᱚᱨᱤᱪᱟ ᱤᱭᱩᱱᱤᱭᱚᱱ
12. ᱨᱟᱢᱠᱨᱤᱥᱱᱚᱯᱩᱨ ᱤᱭᱩᱱᱤᱭᱚᱱ
13. ᱨᱮᱯᱷᱟᱭᱤᱛᱯᱩᱨ ᱤᱭᱩᱱᱤᱭᱚᱱ
14. ᱦᱚᱜᱚᱞᱵᱟᱲᱤᱭᱟ ᱤᱭᱩᱱᱤᱭᱚᱱ

ᱦᱚᱲᱠᱚ

᱒᱐᱐᱑ ᱥᱮᱨᱢᱟ ᱨᱮᱱᱟᱜ ᱞᱮᱠᱷᱟ ᱞᱮᱠᱟᱛᱮ ᱱᱤᱭᱟᱹ ᱩᱯᱚᱡᱮᱞᱟ ᱨᱮ ᱔,᱔᱓,᱙᱖᱐ ᱜᱚᱴᱟᱝ ᱦᱚᱲ ᱢᱮᱱᱟᱜ ᱠᱚᱣᱟ᱾ ᱚᱱᱟ ᱛᱟᱞᱨᱮ ᱕᱑.᱔᱒% ᱠᱚᱲᱟ ᱟᱨ ᱔᱘.᱕᱘% ᱠᱩᱲᱤ᱾

ᱟᱨᱦᱚᱸ ᱧᱮᱞ

• ᱠᱷᱩᱞᱱᱟ ᱠᱷᱚᱸᱰ
• ᱠᱩᱥᱴᱤᱭᱟ ᱦᱚᱱᱚᱛ
• ᱵᱟᱝᱞᱟᱫᱮᱥ ᱨᱮᱱᱟᱜ ᱩᱯᱚᱡᱮᱞᱟᱠᱚ