ᱮᱰᱚᱞᱯᱷ ᱦᱤᱴᱞᱟᱨ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱦᱤᱴᱞᱟᱨ ᱮᱰᱚᱞᱯᱷ

ᱮᱰᱚᱞᱯᱷ ᱦᱤᱴᱞᱟᱨ (᱒᱐ ᱮᱯᱨᱤᱞ ᱑᱘᱘᱙ - ᱓᱐ ᱮᱯᱨᱤᱞ ᱑᱙᱔᱕) ᱢᱤᱫ ᱧᱩᱛᱩᱢᱟᱱ ᱡᱚᱨᱢᱟᱱ ᱨᱟᱡᱽᱱᱮᱛᱟ ᱟᱨ ᱰᱤᱠᱴᱮᱴᱚᱨ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ "National Socialist German workers party " (Nationalsozialistische deutsche Arbeiterpartei, NSDAP) ᱨᱮᱱᱤᱡ ᱱᱮᱛᱟᱭ ᱛᱟᱦᱮᱸ ᱠᱟᱟᱱᱟ ᱾ ᱱᱚᱣᱟ ᱯᱟᱨᱴᱤ ᱫᱚ ᱵᱟ.ᱲᱛᱤ ᱞᱮᱠᱟᱛᱮ "ᱱᱟᱡᱤ ᱯᱟᱨᱴᱤ" ᱛᱮ ᱵᱟᱰᱟᱭᱚᱜᱼᱟ ᱾ ᱑᱙᱓᱓ ᱥᱟᱞ ᱠᱷᱚᱱ ᱑᱙᱔᱕ ᱫᱷᱟ.ᱵᱤᱡ ᱩᱱᱤ ᱫᱚ ᱡᱚᱨᱢᱟᱱᱤ ᱨᱤᱱᱦᱤᱡ ᱨᱩᱞᱚᱨ ᱮ ᱛᱟᱦᱮᱸ ᱠᱟᱱᱟ ᱾ ᱦᱤᱴᱞᱟᱨ ᱜᱮ ᱫᱚᱥᱟᱨ ᱡᱮᱜᱮᱛ ᱞᱟ.ᱲᱦᱟ.ᱭ ᱞᱟ.ᱜᱤᱫ ᱡᱚᱛᱚ ᱠᱷᱚᱱ ᱵᱟ.ᱲᱛᱤ ᱫᱩᱥᱤ ᱢᱮᱱᱛᱮ ᱠᱚ ᱢᱟᱱᱟᱣ ᱮᱭᱟ ᱾ ᱫᱚᱥᱟᱨ ᱡᱮᱜᱮᱛ ᱞᱟ.ᱲᱦᱟ.ᱭ ᱩᱱ ᱡᱚᱦᱚᱜ ᱦᱩᱭ ᱮᱱᱟ ᱡᱟᱦᱟᱸ ᱛᱤᱱ ᱡᱚᱦᱚᱜ ᱩᱱᱤᱭᱟᱜ ᱵᱷᱮᱡᱟᱛᱮ ᱱᱟᱛᱥᱤ ᱥᱮᱱᱟ ᱫᱚ ᱯᱳᱞᱟᱸᱰ ᱠᱚ ᱡᱟᱨᱯᱟ ᱠᱮᱜᱼᱟ ᱾ ᱯᱷᱨᱟᱱᱥ ᱟᱨ ᱵᱨᱤᱴᱮᱱ ᱫᱚ ᱯᱳᱞᱟᱸᱰ ᱫᱩᱜ ᱮ ᱨᱮᱭᱟᱜ ᱠᱤᱨᱤᱭᱟ.ᱭ ᱦᱟᱛᱟᱣ ᱞᱮᱜᱼᱟ ᱟᱨ ᱠᱟᱛᱷᱟ ᱮᱢ ᱟᱠᱟᱫ ᱞᱮᱠᱟᱛᱮ ᱩᱱᱠᱤᱱ ᱫᱚ ᱱᱟᱡᱤ ᱡᱚᱨᱢᱟᱱᱤ ᱵᱤᱨᱩᱫᱷ ᱨᱮ ᱞᱟ.ᱰᱷᱟ.ᱭ ᱠᱤᱱ ᱴᱷᱟ.ᱣᱠᱟ. ᱜᱚᱫ ᱠᱟᱫᱼᱟ ᱾

ᱡᱤᱭᱚᱱ ᱪᱩᱨᱤᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱮᱰᱚᱞᱯᱷ ᱦᱤᱴᱞᱟᱨ ᱟᱜ ᱡᱟᱱᱟᱢ ᱫᱚ ᱚᱥᱴᱨᱮᱞᱤᱭᱟ. ᱨᱮᱭᱟᱜ ᱵᱟᱱ ᱧᱩᱛᱩᱢ ᱴᱷᱟᱶᱨᱮ ᱒᱐ ᱮᱯᱨᱤᱞ ᱑᱘᱘᱙ ᱥᱟᱞᱮᱨᱮ ᱦᱩᱭ ᱞᱮᱱᱟ ᱾ ᱩᱱᱤᱭᱟᱜ ᱮᱛᱚᱦᱚᱵ ᱥᱮᱪᱮᱫ ᱫᱚ ᱞᱤᱸᱡᱽ ᱧᱩᱛᱩᱢᱟᱱ ᱴᱷᱟᱶ ᱨᱮ ᱦᱩᱭ ᱞᱮᱱᱟ ᱾ ᱡᱟᱱᱟᱢ ᱵᱟᱵᱟᱦᱟᱜ ᱜᱩᱨ ᱛᱟᱭᱚᱢ ᱑᱗ ᱵᱚᱨᱥᱚ ᱵᱚᱭᱚᱥ ᱨᱮ ᱩᱱᱤ ᱫᱚ ᱵᱤᱭᱱᱟᱭ ᱪᱟᱞᱟᱣ ᱮᱱᱟ ᱾ ᱵᱟᱰᱚᱦᱤ ᱟᱥᱲᱟᱨᱮ ᱵᱚᱞᱚᱱ ᱞᱟ.ᱜᱤᱫ ᱵᱟᱭ ᱡᱤᱛᱠᱟ.ᱨ ᱫᱟᱲᱮᱭᱟᱫ ᱠᱷᱟ.ᱛᱤᱨ ᱩᱱᱤ ᱯᱚᱥᱴᱠᱟᱨᱰ ᱨᱮ ᱪᱤᱛᱟ.ᱨ ᱵᱮᱱᱟᱣ ᱠᱟᱛᱮ ᱟᱡᱟᱜ ᱠᱟ.ᱢᱤᱭ ᱯᱩᱨᱟ.ᱣ ᱮᱫ ᱛᱟᱦᱮᱸᱫ ᱾ ᱤᱱᱟ. ᱚᱠᱛᱚ ᱠᱷᱚᱱ ᱩᱱᱤ ᱫᱚ ᱠᱚᱢᱭᱩᱱᱤᱥᱴ ᱟᱨ ᱡᱤᱣᱥ ᱫᱚ ᱦᱤᱨᱠᱟ. ᱟᱠᱚᱭ ᱮᱛᱚᱦᱚᱵ ᱠᱮᱜᱼᱟ ᱾ ᱛᱤᱱ ᱡᱚᱦᱚᱜ ᱯᱩᱭᱞᱩ ᱡᱮᱜᱮᱛ ᱞᱟ.ᱰᱷᱟ.ᱭ ᱮᱛᱚᱦᱚᱵ ᱮᱱᱟ ᱩᱱ ᱡᱚᱦᱚᱜ ᱩᱱᱤ ᱫᱚ ᱯᱟᱭᱠᱚ ᱨᱮᱭ ᱥᱮᱞᱮᱫ ᱮᱱᱟ ᱾ ᱟᱨ ᱩᱱᱤ ᱫᱚ ᱯᱷᱨᱟᱱᱥ ᱨᱮ ᱟ.ᱰᱤ ᱜᱟᱱ ᱞᱟ.ᱰᱷᱟ.ᱭ ᱨᱮ ᱫᱟᱣ ᱮ ᱦᱟᱛᱟᱣ ᱠᱮᱜᱼᱟ ᱾ ᱑᱙᱑᱘ ᱥᱟᱞᱮᱨᱮ ᱞᱟ.ᱰᱷᱟ.ᱭ ᱨᱮᱭ ᱜᱷᱟ.ᱞ ᱮᱱ ᱠᱷᱟ.ᱛᱤᱨ ᱩᱱᱤ ᱰᱟᱠᱛᱚᱨ ᱠᱷᱟᱱᱟ ᱨᱮᱭ ᱛᱟᱦᱮᱸ ᱮᱱᱟ ᱾ ᱡᱚᱨᱢᱟᱱᱤᱭᱟᱜ ᱦᱟᱨᱟᱣ ᱧᱮᱞᱛᱮ ᱩᱱᱤ ᱟ.ᱰᱤ ᱫᱩᱠ ᱮ ᱵᱩᱡᱷᱟ.ᱣ ᱠᱮᱜᱼᱟ ᱾

᱑᱙᱑᱘ ᱥᱟᱞᱮᱨᱮ ᱩᱱᱤ ᱫᱚ ᱱᱟᱡᱤ ᱯᱟᱨᱴᱤᱭ ᱛᱷᱟᱯᱚᱱ ᱠᱮᱜᱼᱟ ᱾ ᱱᱚᱣᱟ ᱨᱮᱭᱟᱜ ᱦᱩᱫᱤᱥ ᱫᱚ ᱛᱟᱦᱮᱸ ᱠᱟᱱᱟ ᱠᱚᱢᱭᱩᱱᱤᱥᱴᱥ ᱟᱨ ᱡᱤᱣᱥ ᱠᱷᱚᱱ ᱡᱚᱛᱚ ᱚᱫᱷᱤᱠᱟᱨ ᱨᱮᱡ ᱪᱟᱵᱟ ᱠᱚ ᱨᱮᱭᱟᱜ ᱾ ᱱᱚᱣᱟ ᱨᱤᱱ ᱥᱚᱦᱮᱛ ᱠᱚ ᱴᱷᱮᱱ ᱫᱤᱥᱚᱢ ᱞᱟ.ᱜᱤᱫ ᱫᱩᱞᱟ.ᱲ ᱴᱩᱥᱟ.ᱣ ᱟᱛᱮ ᱯᱮᱨᱮᱡ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱯᱟᱨᱴᱤ ᱫᱚ ᱡᱤᱣᱥ ᱠᱚᱜᱮ ᱯᱩᱭᱞᱩ ᱡᱮᱜᱮᱛ ᱞᱟ.ᱰᱷᱟ.ᱭ ᱫᱚᱠᱚ ᱦᱟᱨᱟᱣ ᱟᱠᱟᱱ ᱠᱚ ᱨᱮᱭᱟᱜ ᱠᱚ ᱫᱳᱥ ᱠᱮᱫᱮᱭᱟ ᱾ ᱠᱟ.ᱣᱰᱤ ᱨᱮᱭᱟᱜ ᱦᱟᱞᱚᱛ ᱵᱟ.ᱲᱤᱡ ᱮᱱ ᱠᱷᱟ.ᱛᱤᱨ ᱛᱤᱱ ᱡᱚᱦᱚᱜ ᱱᱟᱡᱤ ᱫᱚᱞ ᱱᱮᱛᱟ ᱦᱤᱴᱞᱟᱨ ᱟᱡᱟᱜ ᱢᱟ.ᱱ ᱜᱟᱞᱚᱪ ᱨᱮ ᱚᱱᱟ ᱱᱟᱯᱟᱭ ᱨᱩᱣᱟ.ᱲ ᱨᱮᱭᱟᱜ ᱟᱸᱥ ᱮ ᱮᱢᱟᱫ ᱠᱚᱣᱟ ᱩᱱ ᱡᱚᱦᱚᱜ ᱟ.ᱰᱤᱜᱟᱱ ᱡᱚᱨᱢᱟᱱ ᱱᱚᱣᱟ ᱫᱚᱞ ᱨᱤᱱ ᱥᱚᱦᱮᱛ ᱠᱚ ᱵᱮᱱᱟᱣ ᱮᱱᱟ ᱾ ᱦᱤᱴᱞᱚᱨ ᱫᱚ ᱚᱛ ᱥᱩᱥᱟ.ᱨ ᱞᱟ.ᱜᱤᱫ, ᱵᱷᱟᱨᱥᱟᱭᱞᱤᱥ ᱥᱚᱱᱫᱷᱤ ᱢᱩᱪᱟ.ᱫᱽ ᱨᱮᱭᱟᱜ, ᱟᱨ ᱢᱤᱫ ᱦᱟᱯᱲᱟᱜ ᱡᱚᱨᱢᱟᱱ ᱥᱟᱢᱨᱟᱡᱽ ᱛᱷᱟᱯᱚᱱ ᱨᱮᱭᱟᱜ ᱡᱚᱥ ᱦᱚᱲ ᱥᱟᱢᱟᱝ ᱨᱮᱭ ᱫᱚᱦᱚ ᱠᱮᱜᱼᱟ ᱡᱟᱦᱟᱸ ᱠᱷᱟ.ᱛᱤᱨ ᱡᱚᱨᱢᱟᱱ ᱦᱚᱲ ᱠᱩᱥᱤ ᱨᱮᱠᱚ ᱛᱟᱦᱮᱸ ᱫᱟᱲᱮᱭᱟᱜᱼᱟ᱾ ᱱᱚᱝᱠᱟᱛᱮ ᱑᱙᱒᱒ ᱥᱟᱞᱮᱨᱮ ᱦᱤᱴᱞᱟᱨ ᱫᱚ ᱢᱤᱫ ᱵᱤᱨ ᱵᱷᱟᱱᱴᱟ ᱜᱮᱭ ᱵᱮᱱᱟᱣ ᱮᱱᱟ ᱾ ᱩᱱᱤ ᱥᱣᱟᱥᱴᱤᱠ ᱫᱚ ᱟᱡᱟᱜ ᱜᱟᱫᱮᱞ ᱨᱮᱭᱟᱜ ᱪᱤᱱᱦᱟ.ᱭ ᱵᱮᱱᱟᱣ ᱠᱮᱜᱼᱟ ᱾ ᱡᱟᱦᱟᱸ ᱫᱚ ᱦᱤᱱᱫᱩ ᱠᱚᱣᱟᱜ ᱥᱟ.ᱜᱩᱱ ᱪᱤᱱᱦᱟ. ᱠᱟᱱᱟ ᱾ ᱵᱮᱣᱨᱟ ᱥᱟᱠᱟᱢ ᱦᱚᱛᱮᱛᱮ ᱦᱤᱴᱞᱟᱨ ᱫᱚ ᱟᱡᱟᱜ ᱜᱟᱫᱮᱞ ᱨᱮᱭᱟᱜ ᱴᱷᱟ.ᱣᱠᱟ.ᱱ ᱦᱚᱲ ᱴᱷᱮᱱ ᱮ ᱥᱮᱴᱮᱨ ᱠᱮᱜᱼᱟ ᱾ ᱑᱙᱒᱔ ᱥᱟᱞᱮᱨᱮ ᱦᱤᱴᱞᱟᱨ ᱫᱚ ᱡᱚᱨᱢᱟᱱ ᱥᱚᱨᱠᱟᱨ ᱛᱩᱫ ᱠᱟᱛᱮ ᱪᱟᱯᱟᱫ ᱜᱤᱰᱤ ᱨᱮᱭᱟᱜ ᱮ ᱠᱩᱨᱩᱢᱩᱴᱩ ᱠᱮᱜᱼᱟ ᱾ ᱱᱚᱣᱟ ᱨᱮ ᱩᱱᱤ ᱵᱟᱭ ᱡᱤᱛᱠᱟ.ᱨ ᱞᱮᱱᱟ ᱟᱨ ᱦᱟ.ᱲᱤ ᱠᱟᱛᱮ ᱡᱤᱦᱚᱞ ᱠᱷᱟᱱᱟ ᱨᱮᱠᱚ ᱥᱟᱸᱵᱟᱣ ᱠᱮᱫᱮᱭᱟ ᱾ ᱚᱸᱰᱮ ᱜᱮ ᱩᱱᱤ ᱫᱚ mein kampf (my conflict) ᱧᱩᱜᱩᱢᱟᱱ ᱟᱡᱟᱜ ᱡᱤᱭᱚᱱ ᱠᱟᱛᱷᱟᱭ ᱚᱞ ᱠᱮᱜᱼᱟ ᱾

ᱟᱨ ᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Führermuseum - Wikipedia

List of Adolf Hitler's personal staff - Wikipedia

Hitler and Mannerheim recording - Wikipedia

Julius Schaub - Wikipedia

Karl Mayr - Wikipedia

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Adolf Hitler's medical care

Leicestershire County Council | Serving the people of Leicestershire

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Internet Archive - Wikipedia

Adolf Hitler OSS-CIA

Adolf Hitler

Adolf Hitler

World War 2 Pictures In Color :: WWII Movies in Color :: Hitler and his officers

BBC Radio 4 - In Our Time, Hitler in History