ᱯᱟᱨᱵᱚᱛᱤ ᱵᱟᱣᱞ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
Parvati Baul at Ruhaniyat mystic music festival, at Purana Qila, Delhi, 2011

ᱯᱟᱨᱵᱚᱛᱤ ᱵᱟᱣᱞ ᱫᱚ ᱢᱤᱫ ᱵᱟᱣᱞ ᱥᱟᱶᱛᱟ ᱟᱹᱨᱤ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ (folk singer), ᱢᱟᱹᱫᱟᱹᱲᱤᱭᱟᱹ ( musician) ᱟᱨ ᱠᱟᱹᱦᱱᱤ ᱞᱟᱹᱞᱟᱹᱭᱤᱡ (storyteller) ᱠᱟᱱᱟᱭ ᱾ ᱱᱩᱭᱟᱜ ᱚᱲᱟᱜ ᱫᱚ ᱵᱮᱝᱚᱞ ᱨᱮ ᱟᱨ ᱥᱤᱧᱚᱛ ᱨᱤᱱᱤᱡ ᱢᱟᱬᱟᱝ ᱫᱷᱟᱹᱲ ᱨᱤᱱᱤᱡ ᱵᱟᱣᱞ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱠᱟᱱᱟᱭ ᱾[᱑] ᱱᱩᱭ ᱫᱚ ᱵᱟᱣᱞ ᱩᱨᱩ ᱥᱚᱱᱟᱛᱚᱱ ᱫᱟᱥ ᱵᱟᱣᱞ ᱟᱨ ᱥᱚᱥᱟᱝᱠᱚ ᱜᱚᱥᱟᱭ ᱵᱟᱣᱞ ᱴᱷᱮᱱ ᱠᱷᱚᱱ ᱵᱟᱣᱞ ᱥᱮᱨᱮᱧ ᱮ ᱥᱮᱪᱮᱫ ᱞᱮᱱ ᱛᱟᱦᱮᱸᱫ ᱾ ᱱᱩᱭ ᱫᱚ ᱑᱙᱙᱕ ᱥᱟᱹᱦᱤᱛ ᱠᱷᱚᱱ ᱥᱤᱧᱚᱛ ᱟᱨ ᱥᱤᱧᱚᱛ ᱵᱟᱨᱦᱮᱸ ᱟᱡᱟᱜ ᱥᱮᱨᱮᱧ ᱮ ᱩᱫᱩᱜ ᱥᱚᱫᱚᱨ ᱟᱠᱟᱫᱼᱟ ᱾

ᱩᱱᱤᱫᱚ ᱢᱤᱫ ᱯᱟᱵᱟ ᱠᱚᱛᱷᱚᱠᱟᱞᱤ ᱜᱽᱞᱚᱵᱷ ᱯᱩᱯᱮᱴ ᱟᱨᱴᱤᱥᱴ (glove puppet artist) ᱨᱚᱵᱤ ᱚᱯᱟᱞᱚᱱ ᱱᱟᱭᱟᱨ (Ravi Gopalan Nair) ᱥᱟᱶ ᱮ ᱵᱟᱯᱞᱟ ᱦᱟᱠᱟᱱᱟ, ᱡᱟᱦᱟᱸ ᱫᱚ ᱠᱮᱨᱚᱲ ᱨᱮᱱᱟᱜ ᱛᱷᱤᱨᱤᱣᱚᱱᱚᱱᱛᱯᱩᱨᱚᱢ ᱨᱮ ᱑᱙᱙᱗ ᱠᱷᱚᱱᱮ ᱛᱟᱦᱮᱸᱱ ᱠᱟᱱᱟ ᱾ ᱚᱸᱰᱮ ᱜᱮ "ᱮᱠᱛᱟᱨᱟ ᱵᱟᱣᱞ ᱥᱟᱝᱜᱤᱛᱷᱟ ᱠᱟᱞᱟᱨᱤ" ᱧᱩᱛᱩᱢᱟᱱ ᱵᱟᱣᱞ ᱟᱥᱲᱟᱭ ᱪᱟᱪᱞᱟᱣ ᱮᱫᱼᱟ ᱾

ᱯᱩᱭᱞᱩ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

PARVATHY AT KOLKATA, 2015

ᱯᱟᱨᱵᱚᱛᱤ ᱵᱟᱣᱞ ᱟᱜ ᱡᱟᱱᱟᱢ ᱧᱩᱛᱩᱢ ᱫᱚ ᱢᱚᱣᱥᱩᱢᱤ ᱯᱚᱨᱤᱭᱟᱞ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱯᱩᱪᱷᱤᱢ ᱵᱮᱝᱜᱚᱞ ᱨᱮᱱᱟᱜ ᱢᱤᱫ ᱵᱮᱝᱜᱚᱞᱤ ᱵᱟᱵᱽᱬᱮ ᱚᱲᱟᱜ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱠᱚᱣᱟᱜ ᱜᱷᱟᱨᱯᱡᱽ ᱫᱚ ᱞᱟᱦᱟ ᱛᱮ ᱥᱟᱢᱟᱝ ᱵᱮᱝᱜᱚᱞ (East Bengal) ᱨᱮ ᱛᱟᱦᱮᱸ ᱠᱟᱱᱟ ᱟᱨ ᱛᱟᱭᱚᱢ ᱛᱮ ᱯᱩᱪᱷᱤᱢ ᱵᱮᱝᱜᱚᱞ ᱠᱚ ᱩᱪᱟᱹᱲ ᱞᱮᱸ ᱛᱟᱦᱮᱸᱫ ᱾ ᱟᱡᱤᱡ ᱟᱯᱟᱛ ᱫᱚ ᱥᱤᱧᱚᱛ ᱨᱮᱹᱞ ᱨᱮ ᱢᱤᱫ ᱤᱧᱡᱤᱱᱤᱭᱟᱹᱨ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱟᱨ ᱥᱤᱧᱚᱛ ᱨᱮᱱᱟᱜ ᱥᱟᱶᱛᱟ ᱟᱹᱨᱤ ᱥᱮᱨᱮᱧ (classical music) ᱥᱮᱨᱮᱧ ᱟᱹᱰᱤ ᱠᱩᱥᱤᱭᱟᱜ ᱛᱟᱦᱮᱸᱫ ᱾ ᱢᱤᱢᱤᱫ ᱚᱠᱛᱚ ᱨᱮ ᱚᱱᱟ ᱥᱮᱨᱮᱧ ᱠᱚ ᱦᱩᱭᱩᱜ ᱠᱟᱱ ᱴᱷᱟᱶ ᱛᱮᱧᱮᱞ ᱞᱟᱹᱜᱤᱫ ᱮ ᱤᱫᱤᱭᱮ ᱠᱟᱱ ᱛᱟᱦᱮᱸᱫ ᱾ ᱟᱡᱤᱡ ᱮᱸᱜᱟᱛ ᱫᱚ ᱢᱤᱫ ᱜᱷᱟᱨᱚᱡᱽ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ ᱟᱨ ᱥᱚᱱᱛ ᱨᱟᱢᱠᱨᱤᱥᱱᱟᱭ ᱵᱳᱸᱜᱟ ᱦᱟᱭ ᱠᱟᱱ ᱛᱟᱦᱮᱸᱫ ᱾ ᱟᱡᱤᱡ ᱟᱯᱟᱛᱟᱜ ᱦᱟᱱᱟ ᱱᱷᱟᱣᱟ ᱴᱷᱟᱶ ᱨᱮ ᱠᱟᱹᱢᱤ ᱛᱟᱦᱮᱸᱱ ᱠᱟᱱ ᱠᱷᱟᱹᱛᱤᱨ, ᱩᱱᱤ ᱫᱚ ᱟᱥᱟᱢ ᱨᱮᱱᱟᱜ ᱠᱚᱪ ᱵᱮᱦᱟᱨ ᱨᱮ ᱦᱟᱨᱟᱵᱩᱨᱩ ᱞᱮᱱ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱯᱩᱪᱷᱤᱢ ᱵᱮᱝᱜᱚᱞ ᱵᱷᱤᱲᱟᱹᱣ ᱨᱮ ᱢᱮᱱᱟᱜᱼᱟ ᱾ ᱩᱱᱤ ᱫᱚ ᱠᱚᱪᱵᱮᱦᱟᱨ ᱨᱮᱱᱟᱜ ᱥᱩᱱᱤᱛᱤ ᱮᱠᱟᱰᱮᱢᱤ ᱠᱷᱚᱱ ᱩᱥᱩᱥᱞ ᱛᱟᱱᱟᱞᱟ ᱵᱤᱱᱤᱰ ᱮ ᱞᱮᱫ ᱛᱟᱦᱮᱸᱫ ᱾[᱒][᱓]

ᱯᱩᱞᱩ ᱫᱚ ᱠᱚᱛᱷᱚᱠ (Kathak) ᱠᱞᱟᱥᱤᱠᱟᱞ ᱮᱱᱮᱡ ᱮ ᱪᱮᱫ ᱮᱱᱟ ᱥᱨᱤᱞᱮᱠᱷᱟ ᱢᱩᱠᱷᱟᱨᱡᱤ ᱴᱷᱮᱱ ᱠᱷᱚᱱ ᱾ ᱚᱱᱟ ᱛᱟᱭᱚᱢ ᱵᱤᱥᱣᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱟᱲ ᱥᱟᱱᱛᱟᱤᱱᱤᱠᱮᱛᱚᱱ ᱠᱷᱚᱱ ᱵᱷᱤᱡᱩᱣᱟᱞ ᱟᱨᱴᱤᱥᱴ (visual artist) ᱜᱮᱭᱟᱱ ᱮ ᱥᱮᱪᱮᱫ ᱞᱮᱱ ᱛᱟᱦᱮᱸᱫ ᱾[᱔] ᱞᱟᱦᱟ ᱛᱮ ᱦᱤᱱᱫᱩᱥᱛᱟᱱᱤ ᱠᱞᱟᱥᱤᱠᱟᱞ ᱥᱮᱨᱮᱧ ᱮ ᱪᱮᱫ ᱞᱮᱱ ᱨᱮᱦᱚᱸ, ᱚᱱᱟ ᱥᱟᱱᱛᱤ ᱱᱤᱠᱮᱛᱚᱱ ᱨᱮᱜᱮ ᱢᱤᱫ ᱠᱟᱬᱟ ᱵᱟᱣᱞ ᱥᱮᱨᱮ ᱥᱤᱠᱟᱹᱨᱤᱭᱟᱹ ᱦᱟᱣ ᱥᱮᱨᱮᱧ ᱧᱮᱞ ᱠᱟᱛᱮ ᱢᱚᱱᱮ ᱴᱟᱱᱟᱣ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱯᱷᱩᱞᱢᱟᱞᱟ ᱴᱷᱮᱱ ᱠᱷᱚᱱ ᱥᱮᱨᱮᱧ ᱮ ᱥᱮᱪᱮᱫ ᱮᱱᱟ ᱟᱨ ᱛᱤᱢᱤᱱ ᱜᱟᱱ ᱵᱟᱣᱞ ᱟᱥᱨᱚᱢ ᱦᱚᱸᱭ ᱦᱤᱨᱤ ᱠᱮᱫᱼᱟ ᱾ ᱚᱱᱟ ᱛᱟᱭᱚᱢ ᱯᱷᱩᱞᱢᱟᱞᱟ ᱮᱴᱟᱜ ᱢᱟᱪᱮᱫ ᱠᱚ ᱧᱟᱢ ᱨᱮᱱᱟᱜ ᱫᱤᱥᱟᱹᱭ ᱮᱢᱟᱫ ᱫᱮᱭᱟ ᱾[᱕][᱖] ᱱᱚᱶᱟ ᱚᱠᱛᱚ ᱨᱮᱜᱮ ᱥᱚᱱᱟᱛᱚᱱ ᱫᱟᱥ ᱵᱟᱣᱞ ᱟᱜ ᱵᱟᱣᱞ ᱮᱱᱮᱡ ᱥᱮᱨᱮᱧ ᱮ ᱧᱮᱞ ᱠᱮᱫᱼᱟ, ᱡᱟᱦᱟᱸᱭ ᱫᱚ ᱘᱐ ᱥᱮᱨᱢᱟ ᱵᱚᱭᱚᱥ ᱟᱱᱤᱡ ᱵᱟᱣᱞ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱯᱩᱪᱷᱤᱢ ᱵᱮᱝᱜᱚᱞ ᱵᱟᱠᱩᱲᱟ ᱨᱤᱱᱤᱡ ᱠᱟᱱ ᱛᱟᱦᱮᱸᱫ ᱮ ᱾ ᱚᱱᱟ ᱛᱟᱭᱚᱢ ᱩᱱᱤ ᱴᱷᱮᱱ ᱠᱷᱚᱱ ᱵᱟᱣᱞ ᱥᱮᱪᱮᱫᱚᱜ ᱞᱟᱹᱜᱤᱫ ᱵᱟᱹᱠᱩᱲᱟ ᱦᱚᱱᱚᱛ, ᱥᱚᱱᱟᱢᱩᱠᱷᱤ ᱨᱮ ᱢᱮᱱᱟᱜ ᱟᱥᱨᱚᱢ ᱛᱮᱭ ᱪᱟᱞᱟᱣᱮᱱᱟ ᱾ ᱚᱱᱟ ᱨᱮᱱᱟᱜ ᱑᱕ ᱫᱤᱱ ᱛᱟᱭᱚᱢ ᱜᱩᱨᱩ ᱫᱤᱠᱷᱭᱟᱹ (diksha) ᱦᱟᱛᱟᱣ ᱠᱮᱫᱼᱟᱭ ᱟᱨ ᱩᱱᱤ ᱴᱷᱮᱱ ᱠᱷᱚᱱ ᱜᱮ ᱯᱩᱭᱞᱩ ᱜᱩᱨᱩ ᱞᱮᱠᱟᱛᱮ ᱥᱮᱪᱮᱫ ᱮ ᱟᱛᱟᱝ ᱞᱮᱫ ᱛᱟᱦᱮᱸᱫ ᱾

  1. ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named cnn
  2. ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named hinduism
  3. ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named hindu05
  4. "Baul is not just music, it's a way of life: Parvathy Baul". The Times of India. 9 ᱯᱷᱮᱵᱽᱨᱩᱣᱟᱨᱤ 2013. Retrieved 30 ᱢᱮ 2014. 
  5. "Blissfully Baul". 27 ᱥᱮᱯᱴᱮᱢᱵᱚᱨ 2006. Retrieved 30 ᱢᱮ 2014. 
  6. Bhawani Cheerath (26 ᱥᱮᱯᱴᱮᱢᱵᱚᱨ 2008). "Baul music charts mental routes". The Hindu. Retrieved 30 ᱢᱮ 2014.