ᱯᱟᱹᱨᱥᱤ ᱢᱟᱦᱟ
ᱢᱟᱹᱦᱤᱛ ᱒᱒ ᱾ ᱑᱒ ᱾ ᱒᱐᱐᱓ ᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱥᱤᱧᱚᱛ ᱫᱚᱨᱵᱟᱨ ᱨᱮ ᱨᱮᱵᱮᱱᱮ ᱧᱟᱢ ᱠᱮᱫ-ᱟ ᱾ ᱤᱱᱟᱹ ᱦᱤᱞᱚᱜ ᱠᱷᱚᱱ ᱥᱟᱱᱛᱟᱲ ᱡᱟᱹᱛᱤᱭᱟᱜ ᱯᱟᱹᱨᱥᱤ ᱢᱟᱨᱥᱟᱞ ᱡᱩᱞᱩᱜ ᱮᱭᱦᱚᱵ ᱮᱱᱟ ᱾ ᱥᱤᱧᱚᱛ ᱫᱤᱥᱚᱢ ᱥᱟᱶ ᱡᱮᱜᱮᱛ ᱨᱤᱱ ᱥᱟᱱᱛᱟᱲ ᱠᱚ ᱴᱚᱞᱟ ᱴᱚᱞᱟ ᱛᱩᱢᱫᱟᱜ ᱴᱟᱢᱟᱠ ᱜᱷᱩᱲᱤ ᱪᱚᱲᱪᱩᱲᱤ ᱥᱟᱠᱣᱟ ᱠᱚᱨᱛᱟᱞ ᱛᱨᱤᱭᱟᱣ ᱵᱟᱱᱟᱢ ᱥᱟᱠᱣᱟ ᱠᱟᱸᱥᱚᱭ ᱥᱟᱶ ᱮᱱᱮᱡ ᱥᱮᱨᱮᱧ ᱛᱮ ᱫᱷᱟᱹᱨᱛᱤ ᱟᱸᱫᱚᱲ ᱞᱮᱱᱟ᱾ ᱥᱟᱱᱛᱟᱲᱤ, ᱯᱟᱹᱨᱥᱤ ᱢᱟᱦᱟᱸ ᱨᱮᱱᱟᱜ ᱱᱟᱜᱟᱢ ᱟᱨ ᱱᱚᱶᱟ ᱯᱟᱹᱨᱥᱤ ᱢᱟᱦᱟᱸ ᱞᱮᱠᱟᱛᱮ ᱢᱟᱱᱟᱣ ᱢᱟᱱᱚᱛ ᱫᱚ ᱟᱹᱰᱤ ᱨᱟᱹᱥᱠᱟᱹ ᱟᱨ ᱜᱚᱨᱚᱵᱽ ᱥᱟᱛᱞᱟᱜ ᱢᱟᱱᱟᱣᱚᱜ ᱠᱟᱱᱟ ᱾ ᱥᱮᱨᱢᱟ ᱒᱒ ᱰᱤᱥᱚᱢᱵᱚᱨ ᱒᱐᱐᱓ ᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱫᱚ ᱥᱤᱧᱚᱛ ᱥᱚᱢᱵᱤᱫᱷᱟᱱ ᱨᱮ ᱤᱨᱟᱹᱞ ᱫᱷᱟᱯ ᱨᱮ ᱥᱮᱞᱮᱫ ᱚᱪᱚ ᱟᱠᱟᱱᱟ ᱥᱟᱶᱛᱟ ᱨᱤᱱ ᱟᱹᱵᱤ ᱥᱚᱨᱮᱥ ᱟᱱ ᱡᱟᱹᱛᱤ ᱯᱟᱹᱨᱥᱤ ᱥᱟᱶ ᱫᱩᱞᱟᱹᱲ ᱜᱚᱨᱚᱡ ᱟᱱ ᱫᱚᱨᱚᱫᱷᱤᱭᱟ ᱠᱚ ᱦᱚᱛᱮᱛᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱱᱤᱛᱚᱜ ᱯᱟᱹᱨᱥᱤ ᱢᱟᱦᱟᱸ ᱞᱮᱠᱟᱛᱮ ᱢᱟᱱᱟᱣ ᱢᱟᱱᱚᱛᱚᱜ ᱠᱟᱱᱟ ᱾
ᱱᱚᱶᱟ ᱯᱟᱹᱨᱥᱤ ᱦᱟᱨᱟ ᱵᱩᱨᱩ ᱠᱟᱛᱮ ᱡᱤᱣᱤᱫ ᱫᱚᱦᱚᱭ ᱞᱟᱹᱜᱤᱫ ᱚᱞ ᱯᱟᱹᱨᱥᱤ ᱥᱤᱧ ᱪᱟᱸᱫᱚ ᱚᱞ ᱜᱩᱨᱩ ᱜᱚᱝᱠᱮ ᱯᱚᱸᱰᱤᱛ ᱨᱟᱹᱜᱷᱩᱱᱟᱛᱷ ᱜᱚᱝᱠᱮ ᱛᱟᱹᱠᱤᱱ ᱚᱞ ᱪᱤᱠᱤ ᱠᱤᱱ ᱚᱰᱚᱠ ᱠᱮᱫ-ᱟ ᱾ ᱟᱹᱠᱤᱱᱟᱜ ᱥᱟᱫᱷᱟᱣ ᱫᱟᱲᱮ ᱛᱮ ᱵᱤᱫᱩ ᱪᱟᱸᱫᱟᱱ ᱛᱷᱩᱢ ᱫᱟᱲᱮ ᱛᱮ ᱚᱞ ᱪᱤᱠᱤ ᱠᱤᱱ ᱜᱚᱲᱦᱚᱱ ᱠᱮᱫ-ᱟ ᱾
ᱟᱠᱤᱱ ᱫᱚ ᱜᱤᱫᱽᱨᱟ ᱨᱮ ᱯᱩᱭᱞᱩ ᱚᱞᱚᱜ ᱡᱚᱠᱷᱟᱜ ᱠᱷᱚᱱ ᱜᱮ ᱯᱟᱹᱨᱥᱤ ᱨᱮᱱᱟᱜ ᱟᱱᱟᱴ ᱫᱚ ᱠᱤᱱ ᱟᱹᱭᱠᱟᱣ ᱞᱮᱫ-ᱟ ᱾ ᱚᱲᱟᱜ ᱨᱮ ᱡᱟᱱᱟᱢ ᱾