ᱯᱟᱹᱪᱷᱞᱟᱹ ᱴᱚᱴᱷᱟ ᱜᱚᱲᱚ ᱯᱷᱟᱱᱰ
 | ᱱᱚᱶᱟ ᱚᱱᱚᱞ ᱫᱚ ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱢᱚᱬᱮ ᱥᱮᱨᱢᱟ ᱯᱩᱨᱟᱹᱣ ᱥᱟᱯᱟᱲᱟᱣ ᱒᱐᱒᱓ ᱨᱮ ᱥᱟᱯᱲᱟᱣ ᱟᱠᱟᱱᱟ ᱾ |
ᱯᱟᱹᱪᱷᱞᱟᱹ ᱴᱚᱴᱷᱟ ᱜᱚᱲᱚ ᱯᱷᱟᱱᱰ (BRGF) ᱫᱚ ᱥᱤᱧᱚᱛ ᱥᱚᱨᱠᱟᱨᱟᱜ ᱢᱤᱫ ᱯᱨᱚᱜᱨᱟᱢ ᱠᱟᱱᱟ ᱡᱟᱦᱟᱸ ᱫᱚ "ᱩᱛᱱᱟᱹᱣ ᱨᱮ ᱴᱚᱴᱷᱟᱠᱤᱭᱟᱹ ᱵᱷᱮᱯᱮᱜᱮᱫ ᱠᱚ ᱧᱮᱞ ᱥᱟᱢᱴᱟᱣ" ᱞᱟᱹᱜᱤᱫ ᱛᱮ ᱵᱮᱱᱟᱣ ᱟᱠᱟᱱᱟ᱾[᱑] ᱱᱚᱣᱟ ᱯᱨᱚᱜᱨᱟᱢ ᱫᱚ ᱑᱙ ᱯᱷᱮᱵᱽᱨᱩᱣᱟᱨᱤ ᱒᱐᱐᱗ ᱨᱮ ᱥᱤᱧᱚᱛ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱢᱚᱱᱢᱚᱦᱚᱱ ᱥᱤᱝ ᱟᱥᱟᱢ ᱨᱮᱱᱟᱜ ᱵᱚᱨᱯᱮᱴᱟ ᱨᱮ ᱮᱛᱚᱦᱚᱵ ᱞᱮᱫ ᱛᱟᱦᱮᱸᱫ᱾[᱑]
ᱵᱤᱹᱟᱨᱹᱡᱤᱹᱮᱯᱷᱹ ᱯᱨᱚᱜᱨᱟᱢ ᱨᱮ ᱒᱗ ᱯᱚᱱᱚᱛ ᱨᱮ ᱒᱕᱐ ᱦᱚᱱᱚᱛ ᱠᱚ ᱥᱮᱞᱮᱫ ᱟᱠᱟᱱᱟ, ᱚᱱᱟ ᱢᱩᱸᱫᱽ ᱠᱷᱚᱱ ᱒᱓᱒ ᱦᱚᱱᱚᱛ ᱫᱚ ᱯᱚᱧᱪᱟᱭᱮᱛ ᱟᱨ ᱢᱤᱣᱱᱤᱥᱤᱯᱟᱞᱤᱴᱤ ᱠᱚ ᱥᱟᱶ ᱡᱩᱲᱟᱹᱭ ᱟᱠᱟᱱ ᱥᱚᱢᱵᱤᱫᱷᱟᱱ ᱨᱮᱭᱟᱜ ᱯᱟᱨᱴ ᱙ ᱟᱨ ᱙-ᱮᱹ ᱨᱮᱭᱟᱜ ᱠᱟᱹᱢᱤᱦᱚᱨᱟ ᱨᱮ ᱦᱤᱡᱩᱜ ᱠᱟᱱᱟ᱾ ᱮᱴᱟᱜ ᱑᱘ ᱜᱚᱴᱟᱝ ᱦᱚᱱᱚᱛ ᱫᱚ ᱮᱴᱟᱜ ᱛᱷᱟᱹᱱᱤᱛ ᱥᱚᱨᱠᱟᱨ ᱜᱚᱲᱦᱚᱱ ᱞᱮᱠᱟᱛᱮ ᱚᱴᱚᱱᱚᱢᱟᱥ ᱰᱤᱥᱴᱨᱤᱠᱴ ᱟᱨ ᱨᱤᱡᱚᱱᱮᱞ ᱠᱟᱣᱩᱱᱥᱤᱞ ᱞᱮᱠᱟᱛᱮ ᱥᱚᱝᱵᱤᱫᱷᱟᱱ ᱨᱮᱱᱟᱜ ᱖ ᱟᱱᱟᱜ ᱚᱱᱩᱥᱩᱪᱤ ᱞᱮᱠᱟᱛᱮ ᱟᱨ ᱱᱟᱜᱟᱞᱮᱱᱰ ᱟᱨ ᱢᱟᱱᱤᱯᱩᱨ ᱯᱚᱱᱚᱛ ᱨᱮᱫᱚ ᱵᱩᱨᱩ ᱴᱚᱴᱷᱟ ᱠᱚ ᱥᱮᱞᱮᱫ ᱢᱮᱱᱟᱜᱼᱟ᱾[᱒]
ᱱᱚᱣᱟ ᱯᱨᱚᱜᱨᱟᱢ ᱨᱮ ᱡᱚᱛᱚ ᱦᱚᱱᱚᱛ ᱠᱚ ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱮᱴᱠᱮᱴᱚᱬᱮ ᱠᱚ ᱵᱟᱰᱟᱭ ᱧᱟᱢ ᱞᱟᱹᱜᱤᱫ ᱢᱤᱫ ᱠᱷᱚᱸᱫᱽᱨᱚᱱ ᱠᱚᱨᱟᱣ ᱦᱩᱭᱩᱜᱼᱟ ᱟᱨ ᱚᱱᱟ ᱮᱴᱠᱮᱴᱚᱬᱮ ᱠᱚ ᱥᱚᱞᱦᱮ ᱞᱟᱹᱜᱤᱫ ᱢᱤᱫ ᱯᱞᱟᱱ ᱵᱮᱱᱟᱣ ᱦᱩᱭᱩᱜᱼᱟ᱾ ᱒᱐᱐᱖-᱒᱐᱐᱗ ᱥᱮᱨᱢᱟ ᱨᱮ ᱱᱚᱣᱟ ᱯᱨᱚᱜᱨᱟᱢ ᱫᱚ ᱑᱙.᱒᱕ ᱵᱤᱞᱤᱭᱚᱱ ᱨᱩᱯᱤ ᱛᱮ ᱯᱷᱟᱱᱰ ᱮ ᱧᱟᱢ ᱞᱮᱫᱟ᱾[᱓]
ᱡᱚᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱟᱹᱪᱷᱞᱟᱹ ᱴᱚᱴᱷᱟ ᱜᱚᱲᱚ ᱯᱷᱟᱱᱰ ᱫᱚ ᱴᱷᱟᱹᱣᱠᱟᱹ ᱟᱠᱟᱱ ᱯᱟᱹᱪᱷᱞᱟᱹ ᱦᱚᱱᱚᱛ ᱠᱚ ᱪᱟᱞᱟᱜ ᱠᱟᱱ ᱩᱛᱱᱟᱹᱣ ᱟᱱᱟᱜ ᱠᱟᱹᱢᱤᱦᱚᱨᱟ ᱛᱟᱞᱟ ᱛᱮ ᱩᱛᱱᱟᱹᱣ ᱟᱨ ᱵᱚᱫᱚᱞ ᱟᱹᱜᱩ ᱠᱟᱛᱮ ᱠᱟᱹᱣᱰᱤᱭᱟᱹᱨᱤ ᱜᱚᱲᱚ ᱮᱢ ᱠᱟᱛᱮ ᱩᱛᱱᱟᱹᱣ ᱨᱮᱭᱟᱜ ᱵᱷᱮᱯᱮᱜᱮᱫ ᱥᱟᱦᱟᱭ ᱞᱟᱹᱜᱤᱫ ᱰᱤᱡᱟᱭᱤᱱ ᱟᱠᱟᱱᱟ, ᱡᱟᱦᱟ ᱛᱮ:
- ᱴᱚᱴᱷᱟᱠᱤᱭᱟᱹ ᱥᱩᱵᱤᱫᱷᱟ ᱟᱨ ᱮᱴᱟᱜ ᱩᱛᱱᱟᱹᱣ ᱨᱮᱭᱟᱜ ᱞᱟᱹᱠᱛᱤ ᱠᱚᱨᱮ ᱱᱟᱯᱟᱭ ᱛᱮ ᱵᱟᱝ ᱦᱟᱛᱟᱣ ᱟᱠᱟᱱ ᱜᱷᱚᱴᱚᱱ ᱠᱚ ᱯᱩᱨᱟᱹᱣ ᱦᱚᱪᱚ,
- ᱱᱚᱣᱟ ᱡᱚᱥ ᱨᱮ, ᱯᱚᱧᱪᱟᱭᱮᱛ ᱟᱨ ᱢᱤᱣᱱᱤᱥᱤᱯᱟᱞᱤᱴᱤ ᱛᱷᱚᱠ ᱨᱮᱭᱟᱜ ᱥᱟᱥᱚᱱ ᱠᱚ ᱟᱨᱦᱚᱸ ᱥᱩᱜᱩᱲ ᱥᱟᱺᱦᱤᱡ ᱵᱟᱲᱦᱟᱣ ᱠᱟᱛᱮ, ᱩᱛᱱᱟᱹᱣ ᱟᱱᱟᱜ, ᱠᱟᱹᱢᱤ ᱜᱚᱴᱟᱭ, ᱠᱟᱹᱢᱤ ᱯᱩᱨᱟᱹᱣ ᱟᱨ ᱧᱮᱞ ᱵᱤᱰᱟᱹᱣ ᱞᱟᱹᱜᱤᱫ ᱛᱷᱟᱹᱱᱤᱛ ᱟᱹᱱᱟᱹᱭᱠᱟᱹᱣ ᱠᱚ ᱡᱷᱟᱞᱠᱟᱣ,
- ᱛᱷᱟᱹᱱᱤᱛ ᱥᱚᱝᱥᱛᱷᱟᱱ ᱠᱚ ᱟᱠᱚᱣᱟᱜ ᱯᱞᱟᱱᱤᱝ ᱟᱨ ᱯᱞᱟᱱᱤᱝ ᱥᱟᱹᱨᱤ ᱚᱪᱚ ᱟᱨ ᱧᱮᱞ ᱵᱤᱰᱟᱹᱣ ᱞᱟᱹᱜᱤᱫ ᱜᱟᱹᱠᱷᱩᱲᱤᱭᱟᱹ ᱠᱚᱣᱟᱜ ᱜᱚᱲᱚ ᱮᱢ,
- ᱯᱚᱧᱪᱟᱭᱚᱛ ᱠᱚ ᱞᱟᱹᱜᱤᱫ ᱛᱮ ᱮᱢ ᱟᱠᱟᱱ ᱠᱟᱹᱢᱤᱦᱚᱨᱟ ᱠᱚ ᱯᱩᱨᱟᱹᱣ ᱟᱨ ᱯᱩᱨᱟᱹᱣ ᱨᱮᱭᱟᱜ ᱥᱩᱪᱚᱱᱟ ᱟᱨ ᱞᱟᱹᱠᱛᱤᱭᱟᱱ ᱴᱚᱴᱷᱟᱠᱤᱭᱟᱹ ᱠᱟᱹᱢᱤᱦᱚᱨᱟ ᱠᱚ ᱠᱷᱟᱹᱛᱤᱨ ᱥᱩᱪᱚᱱᱟ ᱟᱨ ᱥᱚᱢᱯᱚᱠᱛᱟ ᱨᱮᱭᱟᱜ ᱜᱷᱚᱴᱚᱠ ᱠᱚ ᱯᱩᱨᱟᱹᱣ᱾
ᱵᱤ.ᱟᱨ.ᱡᱤ.ᱮᱯᱷ ᱩᱛᱱᱟᱹᱣ ᱜᱚᱲᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱷᱮᱜᱟᱨ ᱵᱷᱮᱜᱟᱨ ᱯᱚᱱᱚᱛ ᱠᱷᱚᱱ ᱧᱟᱢ ᱟᱠᱟᱱ ᱦᱚᱱᱥᱛ ᱯᱞᱟᱱ ᱠᱚᱫᱚ ᱱᱚᱣᱟ ᱠᱚ ᱞᱟᱹᱭ ᱟᱠᱟᱫᱟ ᱡᱮ ᱦᱚᱱᱥᱛ ᱠᱚ ᱞᱟᱹᱜᱤᱫ ᱮᱢ ᱟᱠᱟᱱ ᱵᱷᱮᱜᱟᱨ ᱵᱷᱮᱜᱟᱨ ᱯᱨᱚᱥᱟᱥᱚᱱᱤᱠ ᱵᱷᱟᱹᱞᱟᱹᱭ ᱠᱚ ᱯᱩᱨᱟᱹᱣ ᱞᱟᱹᱜᱤᱫ ᱡᱤᱞᱟ ᱠᱚᱨᱮ ᱧᱩ ᱫᱟᱜ, ᱡᱚᱲᱟᱣ, ᱦᱚᱲᱢᱚ ᱥᱟᱶᱟᱨ, ᱥᱮᱪᱮᱫ, ᱥᱟᱶᱛᱟ ᱥᱮᱠᱴᱚᱨ, ᱵᱤᱡᱽᱞᱤ ᱮᱢᱟᱱ ᱠᱚᱨᱮ ᱵᱮᱵᱷᱟᱨᱚᱜ ᱠᱟᱱᱟ᱾ ᱱᱚᱣᱟ ᱠᱟᱹᱢᱤ ᱨᱮ ᱟᱥᱲᱟ ᱚᱲᱟᱜ/ᱠᱞᱟᱥ ᱠᱷᱟᱸᱫᱟ, ᱦᱚᱲᱢᱚ ᱥᱟᱶᱟᱨ ᱥᱟᱵ-ᱥᱮᱱᱴᱟᱨ ᱠᱚ, ᱧᱩ ᱫᱟᱜ ᱥᱩᱵᱤᱫᱷᱟᱹ, ᱥᱟᱯᱷᱟᱜ ᱥᱩᱵᱤᱫᱷᱟᱹ, ᱟᱝᱜᱚᱣᱟᱲᱤ ᱵᱤᱞᱰᱤᱝ ᱠᱚ, ᱯᱚᱧᱪᱟᱪᱟᱭᱚᱛ ᱵᱤᱞᱰᱤᱝ ᱠᱚ, ᱫᱟᱜᱚᱜ ᱨᱮᱭᱟᱜ ᱴᱮᱠᱝᱠ/ ᱪᱮᱱᱮᱞ ᱠᱚ, ᱰᱟᱦᱟᱨ ᱢᱟᱨᱥᱟᱞ, ᱞᱤᱸᱠ ᱨᱳᱰ ᱠᱚ, ᱠᱟᱞᱵᱷᱮᱴᱟᱨ ᱠᱚ, ᱦᱟᱥᱟ ᱟᱨ ᱫᱟᱜ ᱨᱟᱠᱷᱟ ᱫᱚᱦᱚ ᱮᱢᱟᱱ ᱠᱚ ᱵᱮᱱᱟᱣ ᱥᱮᱞᱮᱫ ᱢᱮᱱᱟᱜᱼᱟ᱾
ᱜᱚᱲᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱤ.ᱟᱨ.ᱡᱤ.ᱯᱤ.ᱮᱯᱷ ᱫᱚ ᱡᱟᱹᱛᱤᱭᱟᱹᱨᱤ ᱫᱟᱲᱮ ᱵᱮᱱᱟᱣ ᱠᱟᱹᱢᱤᱦᱚᱨᱟ ᱯᱷᱨᱮᱢᱣᱟᱨᱠ (ᱮᱱ.ᱥᱤ.ᱵᱤ.ᱡᱤ.ᱮᱯᱷ) ᱮ ᱟᱸᱜᱚᱪ ᱟᱠᱟᱫᱟ᱾ ᱡᱟᱦᱟᱸ ᱫᱚ ᱛᱷᱟᱹᱱᱤᱛ ᱵᱮᱵᱟᱥᱛᱷᱟ ᱠᱮᱴᱮᱡ ᱞᱟᱹᱜᱤᱫ ᱮ ᱩᱭᱦᱟᱹᱨᱟ᱾ ᱡᱟᱦᱟᱸ ᱨᱮ ᱯᱚᱨᱤᱠᱟᱴᱷᱟᱢᱳ ᱚᱱᱟ ᱥᱟᱶᱛᱮ ᱵᱟᱪᱷᱟᱣ ᱟᱠᱟᱱ ᱥᱚᱦᱮᱫ, ᱠᱟᱹᱢᱤᱭᱟᱹ ᱟᱨ ᱯᱤ.ᱟᱨ.ᱟᱭ ᱨᱮᱱ ᱮᱴᱟᱜ ᱥᱴᱮᱠᱦᱳᱞᱰᱟᱨ ᱠᱚᱣᱟᱜ ᱠᱟᱹᱢᱤ ᱫᱟᱲᱮ ᱰᱷᱮᱨ ᱞᱟᱹᱜᱤᱫ ᱥᱚᱯᱷᱣᱮᱨ ᱜᱚᱲᱚ ᱟᱨ ᱱᱚᱣᱟ ᱛᱮ ᱮᱛᱚᱦᱚᱵ ᱛᱷᱚᱠ ᱨᱮᱭᱟᱜ ᱫᱤᱥᱩᱣᱟᱹᱨᱤ ᱩᱛᱱᱟᱹᱣᱚᱜᱼᱟ᱾ ᱜᱚᱲᱚ ᱯᱷᱟᱱᱰ ᱨᱮᱭᱟᱜ ᱵᱮᱵᱚᱦᱟᱨ ᱫᱚ ᱫᱤᱥᱩᱣᱟᱹᱨᱤ ᱞᱮᱠᱟᱛᱮ ᱦᱩᱭᱩᱜᱼᱟ ᱟᱨ ᱵᱟᱡᱮᱴ ᱨᱮᱭᱟᱜ ᱮᱢᱚᱜ ᱨᱮ ᱡᱟᱦᱟᱱ ᱨᱟᱡᱽᱟᱹᱨᱤ ᱫᱚ ᱵᱟᱝ ᱦᱩᱭᱩᱜᱼᱟ᱾
ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ ᱑.᱐ ᱑.᱑ "Backward Regions Grant Fund". Press Information Bureau, Government of India. January 2012. Retrieved 2 November 2014.
- ↑ Kishore Chandra Deo (12 December 2013). "Backward Region Grant Fund for all Arunachal districts". The Times of India. Retrieved 2 November 2014.
- ↑ "About Backward Regions Grant Fund [BRGF]". Backwards Regions Grant Fund Scheme Monitoring System. Ministry of Panchayati Raj, Government of India. Archived from the original on 11 February 2014. Retrieved 2 November 2014.