ᱯᱟ.ᱨᱥᱤ

ᱯᱟ.ᱨᱥᱤ ᱫᱚ ᱢᱚᱱᱮ ᱨᱮᱭᱟᱜ ᱟ.ᱭᱠᱟ.ᱣ ᱥᱮ ᱵᱷᱟᱵ ᱛᱮᱫ ᱯᱷᱚᱴᱮᱞ ᱦᱚᱪᱚᱭ ᱞᱟ.ᱜᱤᱫ ᱨᱚᱲ ᱠᱚᱜᱮ ᱢᱤᱫ ᱛᱮ ᱯᱟ.ᱨᱥᱤ ᱠᱚ ᱢᱮᱛᱟᱜ ᱟ ᱾ ᱢᱤᱢᱤᱫ ᱜᱩᱴ ᱦᱚᱲᱟᱜ ᱯᱟ.ᱨᱥᱤ ᱢᱤᱢᱤᱫ ᱞᱮᱠᱟᱱᱟ ᱾ ᱫᱷᱟ.ᱨᱛᱤ ᱨᱮ ᱟᱭᱢᱟ ᱫᱤᱥᱚᱢ ᱢᱮᱱᱟᱜ ᱟ ᱟᱨ ᱟᱭᱢᱟ ᱢᱟ.ᱱᱢᱤ ᱜᱩᱴ ᱦᱚ ᱢᱮᱱᱟᱜ ᱵᱚᱱᱟ ᱾ ᱱᱟᱱᱟ ᱦᱩᱱᱟ.ᱨ ᱢᱟ.ᱱᱢᱤ ᱜᱩᱴ ᱟᱜ ᱯᱟ.ᱨᱥᱤ ᱦᱚ ᱱᱟᱱᱟ ᱦᱩᱱᱟ.ᱨ ᱢᱮᱱᱟᱜ - ᱟ ᱾ ᱵᱤᱦᱟᱨ, ᱵᱮᱝᱜᱚᱞ,ᱟᱥᱟᱢ ,ᱳᱲᱤᱥᱟ ᱟᱨ ᱡᱷᱟᱲᱠᱷᱚᱱᱰ ᱮᱢᱟᱱ ᱯᱚᱱᱚᱛ ᱨᱮ ᱟᱨ ᱮᱴᱟᱜ ᱫᱤᱥᱚᱢ ᱨᱮ ᱢᱮᱱᱟᱜ ᱵᱚᱱ ᱥᱟᱱᱛᱟᱲᱟᱜ ᱟᱭᱳ ᱯᱟ.ᱨᱥᱤ ᱫᱚ ᱥᱟᱱᱛᱟᱲᱤ ᱠᱟᱱᱟ ᱾ ᱱᱚᱝᱠᱟ ᱜᱮ ᱵᱟᱝᱜᱟᱞᱤᱭᱟ.ᱜ ᱫᱚ ᱵᱟᱝᱞᱟ ,ᱤᱝᱨᱮᱡᱟᱜ ᱫᱚ ᱤᱝᱨᱮᱡᱤ ᱟᱨ ᱛᱟ.ᱢᱤᱞᱟᱜ ᱫᱚ ᱛᱟ.ᱢᱤᱞ ᱜᱮᱛᱟ ᱠᱚ ᱟᱭᱳ ᱯᱟ.ᱨᱥᱤ ᱾

ᱡᱮᱞᱮᱠᱟ

"ᱦᱤᱥᱤ - ᱮ~ᱱᱟ ᱠᱟᱨᱟᱢ ᱰᱟᱨ ,ᱟᱢ ᱫᱟᱨᱡᱤᱞᱤᱝ ᱮᱢ ᱧᱮᱞ ᱟᱠᱟᱫᱟ ᱥᱮ ? ᱰᱩᱢᱱᱤ- ᱵᱟᱝᱱᱟ ᱵᱟᱪᱷᱟ ᱪᱟᱠᱚᱞᱛᱟ.ᱲᱤ ᱪᱷᱟᱛᱟ ᱜᱮ ᱵᱟ.ᱧ ᱧᱮᱞ ᱟᱠᱟᱫᱟ , ᱫᱟᱨᱡᱤᱞᱤᱝ ᱢᱟ ᱟ.ᱰᱤ ᱥᱟ.ᱜᱤᱧ ᱨᱮᱭᱟᱜ ᱠᱟᱛᱷᱟ "

ᱪᱮᱛᱟᱱ ᱨᱮ ᱚᱞᱮᱱ ᱦᱤᱥᱤ ᱟᱨ ᱰᱩᱢᱱᱤ ᱛᱤᱠᱤᱱᱟᱜ ᱛᱷᱩᱛᱤ ᱛᱟᱞᱟ ᱛᱮ ᱩᱱᱠᱤᱱᱟᱜ ᱢᱚᱱᱮ ᱨᱮᱭᱟᱜ ᱟ.ᱭᱠᱟ.ᱣ ᱯᱷᱳᱴᱮᱞ ᱟᱠᱟᱱᱟ ᱾ ᱩᱱᱠᱤᱱ ᱡᱟᱦᱟ ᱯᱟ.ᱨᱥᱤ ᱛᱮ ᱟ.ᱠᱤᱱᱟᱜ ᱵᱷᱟᱵ ᱠᱤᱱ ᱥᱚᱫᱚᱨ ᱠᱮᱫᱟ , ᱚᱱᱟ ᱫᱚ ᱥᱟᱱᱛᱟᱲᱤ ᱯᱟ.ᱨᱥᱤ ᱠᱟᱱᱟ ᱾

ᱮᱛᱚᱦᱚᱵ (Indroduction)

ᱨᱚᱲ(Speech)

ᱢᱚᱱᱮ ᱨᱮᱭᱟᱜ ᱟ.ᱭᱠᱟ.ᱣ ᱥᱮ ᱵᱷᱟᱵ ᱛᱮᱫ ᱯᱷᱳᱴᱮᱞ ᱦᱚᱪᱚᱭ ᱞᱟ.ᱜᱤᱫ ᱞᱩᱛᱩᱨ ᱛᱮ ᱟᱡᱚᱢᱚᱜ ᱢᱚᱪᱟ ᱨᱮᱭᱟᱜ ᱢᱮᱱᱮᱛ ᱟᱱᱟᱜ ᱥᱟᱰᱮ ᱜᱮ ᱨᱚᱲ ᱵᱚ ᱢᱮᱛᱟᱜ-ᱟ ᱾

ᱡᱮᱞᱮᱠᱟ

(1) ᱚ~ᱦ,ᱱᱚᱣᱟ ᱫᱟᱨᱮ ᱵᱩᱴᱟ. ᱦᱮᱢᱟᱞ ᱜᱮ ᱟ.ᱭᱠᱟ.ᱣ ᱮᱱᱟ ᱾ (2) ᱦᱤᱥᱤ ᱟᱨ ᱪᱷᱤᱛᱟ. ᱞᱟ.ᱜᱲᱮ ᱠᱤᱱ ᱮᱱᱮᱡ ᱠᱟᱱᱟ ᱾ ᱱᱚᱣᱟ ᱠᱤᱱ ᱟ.ᱭᱟ.ᱛ ᱛᱟᱞᱟ ᱛᱮ ᱢᱤᱢᱤᱫ ᱴᱟᱝ ᱵᱷᱟᱵ ᱥᱮ ᱟ.ᱭᱠᱟ.ᱣ ᱯᱷᱳᱴᱮᱞ ᱟᱠᱟᱱᱟ ᱾ ᱚᱱᱟ ᱵᱷᱟᱵ ᱯᱷᱚᱴᱮᱞ ᱞᱟ.ᱜᱤᱫ ᱢᱤᱢᱤᱫ ᱴᱟᱝ ᱟ.ᱲᱟ. ᱞᱟᱜᱟᱛ ᱟᱠᱟᱱᱟ ᱾ ᱱᱚᱣᱟ ᱢᱤᱢᱤᱫ ᱴᱟᱝ ᱟ.ᱲᱟ.ᱜᱮ ᱨᱚᱲ ᱵᱚ ᱢᱮᱛᱟᱜ ᱠᱟᱱᱟ ᱾ ᱱᱚᱰᱮ ᱡᱮᱢᱚᱱ - ᱮᱱᱮᱡ,ᱫᱟᱨᱮ ᱵᱩᱴᱟ. ᱮᱢᱟᱱ ᱠᱚ ᱨᱚᱲ ᱥᱮ ᱟ.ᱲᱟ. ᱠᱟᱱᱟ ᱾