ᱯᱩᱥ ᱢᱤᱞᱟ
| ᱯᱩᱥ ᱢᱤᱞᱟ | |
|---|---|
 ᱯᱩᱥ ᱢᱤᱞᱟ ᱨᱮᱭᱟᱜ ᱵᱟᱡᱟᱨ, ᱒᱐᱑᱒ | |
| ᱛᱷᱟᱯᱚᱱ | ᱑᱘᱙᱔ |
| ᱛᱷᱟᱯᱚᱱᱤᱭᱟᱹ | ᱴᱷᱟᱠᱩᱨᱵᱟᱲᱤ |
| ᱞᱮᱠᱟᱱ | ᱞᱟᱠᱪᱟᱨ |
| ᱴᱷᱟᱶ | ᱥᱟᱱᱛᱤᱱᱤᱠᱮᱛᱚᱱ |
| ᱫᱚᱦᱚᱲᱟ | ᱥᱮᱨᱢᱟᱠᱤᱭᱟᱹ |
| ᱢᱤᱞᱟ ᱮᱛᱚᱦᱚᱵ | ᱗ ᱯᱩᱥ (᱒᱑/᱒᱒/᱒᱓ ᱰᱤᱥᱮᱢᱵᱚᱨ) |
| ᱡᱤᱞᱤᱧ | ᱓ ᱢᱟᱦᱟᱸ |
| ᱯᱮᱲᱟ | ᱱᱮᱼᱦᱚᱲ |
| ᱧᱮᱞ ᱡᱚᱝ | ᱵᱟᱣᱩᱞ ᱥᱮᱨᱮᱧ |
ᱯᱩᱥ ᱢᱤᱞᱟ (ᱵᱟᱝᱞᱟ: পৌষ মেলা), ᱥᱟᱱᱛᱤᱱᱤᱠᱮᱛᱚᱱ ᱢᱤᱞᱟ ᱧᱩᱛᱩᱢ ᱛᱮᱦᱚᱸ ᱵᱟᱲᱟᱭᱚᱜᱼᱟ, ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱵᱤᱨᱵᱷᱩᱢ ᱦᱚᱱᱚᱛ ᱨᱮᱭᱟᱜ ᱥᱟᱱᱛᱤᱱᱤᱠᱮᱛᱚᱱ ᱨᱮ ᱦᱩᱭᱩᱜ ᱢᱤᱫ ᱥᱮᱨᱢᱟᱠᱤᱭᱟᱹ ᱢᱤᱞᱟ ᱟᱨ ᱵᱚᱨᱚᱵᱽ ᱠᱟᱱᱟ᱾ ᱡᱟᱣ ᱥᱮᱨᱢᱟ ᱜᱮ ᱱᱚᱣᱟ ᱢᱤᱞᱟ ᱫᱚ ᱵᱟᱝᱞᱟ ᱯᱳᱥ ᱪᱟᱸᱫᱚ ᱨᱮᱭᱟᱜ ᱗ ᱢᱟᱹᱦᱤᱛ ᱨᱮ ᱦᱩᱭᱩᱜᱼᱟ ᱟᱨ ᱯᱮ ᱢᱟᱦᱟᱸ ᱦᱟᱹᱵᱤᱫ ᱛᱟᱦᱮᱸᱱᱟ, ᱛᱚᱵᱮ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱟᱹᱱᱟᱹᱨᱤ ᱞᱮᱠᱟᱛᱮ ᱫᱳᱠᱟᱱ ᱟᱠᱟᱫ ᱦᱚᱲ ᱠᱚᱫᱚ ᱜᱚᱴᱟ ᱯᱳᱥ ᱪᱟᱸᱫᱚ ᱜᱮᱠᱚ ᱛᱟᱦᱮᱸ ᱫᱟᱲᱮᱭᱟᱜᱼᱟ᱾ ᱒᱐᱑᱗ ᱠᱷᱚᱱ ᱱᱚᱣᱟ ᱢᱤᱞᱟ ᱛᱩᱨᱩᱭ ᱢᱟᱦᱟᱸ ᱦᱟᱹᱵᱤᱫ ᱦᱩᱭᱩᱜ ᱠᱟᱱᱟ᱾ ᱱᱚᱣᱟ ᱢᱤᱞᱟ ᱨᱮ ᱦᱩᱭᱩᱜ ᱵᱟᱝᱞᱟ ᱦᱚᱲ ᱥᱮᱨᱮᱧ (ᱵᱟᱣᱩᱞ, ᱠᱤᱨᱛᱚᱱ ᱟᱨ ᱠᱚᱵᱤᱜᱟᱱ) ᱜᱮ ᱱᱚᱣᱟ ᱢᱤᱞᱟ ᱨᱮᱭᱟᱜ ᱢᱩᱬ ᱪᱩᱨᱤᱛ ᱠᱟᱱᱟ᱾[᱑]
ᱢᱟᱨᱮ ᱠᱟᱛᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱑ ᱰᱤᱥᱮᱢᱵᱚᱨ ᱑᱘᱔᱓ ᱥᱮᱨᱢᱟ ᱨᱮ (ᱵᱟᱝᱞᱟ ᱯᱟᱹᱧᱡᱤ ᱞᱮᱠᱟᱛᱮ ᱗ ᱯᱳᱥ ᱑᱒᱕᱐) ᱫᱮᱵᱮᱱᱫᱽᱫᱨᱚᱱᱟᱛᱷ ᱴᱷᱟᱠᱩᱨ ᱟᱡ ᱨᱮᱱ ᱵᱟᱨᱜᱮᱞ ᱜᱚᱴᱟᱱ ᱪᱮᱞᱟ ᱥᱟᱶᱛᱮ ᱨᱟᱢᱪᱚᱸᱫᱽᱨᱚ ᱵᱤᱫᱽᱫᱟᱵᱟᱜᱤᱥ ᱴᱷᱮᱱ ᱠᱷᱚᱱ ᱵᱽᱨᱟᱦᱢᱚ ᱫᱷᱚᱨᱚᱢ ᱠᱚ ᱦᱟᱛᱟᱣ ᱞᱮᱫᱟ᱾ ᱱᱚᱣᱟ ᱜᱮ ᱥᱟᱱᱛᱤᱱᱤᱠᱮᱛᱚᱱ ᱨᱮ ᱯᱩᱥ ᱢᱤᱞᱟ ᱨᱮᱭᱟᱜ ᱮᱛᱚᱦᱚᱵ ᱠᱟᱱᱟ᱾[᱒]
᱒᱑ ᱰᱤᱥᱮᱢᱵᱚᱨ ᱑᱘᱙᱑ ᱥᱮᱨᱢᱟ ᱨᱮ (ᱵᱟᱝᱞᱟ ᱯᱟᱹᱧᱡᱤ ᱞᱮᱠᱟᱛᱮ ᱗ ᱯᱳᱥ ᱑᱒᱙᱘) ᱥᱟᱱᱛᱤᱱᱤᱠᱮᱛᱚᱱ ᱨᱮ ᱢᱤᱫ ᱵᱽᱨᱟᱦᱢᱚ ᱢᱚᱱᱫᱤᱨ ᱛᱷᱟᱯᱚᱱ ᱦᱩᱭ ᱞᱮᱱᱟ᱾ ᱑᱘᱙᱔ ᱥᱮᱨᱢᱟ ᱨᱮ ᱵᱽᱨᱟᱦᱢᱚ ᱢᱚᱱᱫᱤᱨ ᱛᱷᱟᱯᱚᱱ ᱩᱱᱩᱭᱦᱟᱹᱨ ᱛᱮ ᱢᱚᱱᱫᱤᱨ ᱨᱮᱭᱟᱜ ᱛᱟᱭᱚᱢ ᱥᱮᱫ ᱢᱤᱫ ᱴᱟᱺᱰᱤ ᱨᱮ ᱦᱩᱰᱤᱝ ᱢᱤᱞᱟ ᱥᱟᱯᱲᱟᱣ ᱞᱮᱱᱟ᱾ ᱱᱤᱛ ᱥᱟᱱᱛᱤᱱᱤᱠᱮᱛᱚᱱ ᱨᱮᱭᱟᱜ ᱚᱱᱟ ᱯᱩᱥ ᱢᱤᱞᱟ ᱠᱷᱟᱹᱞᱤ ᱵᱤᱨᱵᱷᱩᱢ ᱦᱚᱱᱚᱛ ᱨᱮᱱ ᱦᱚᱲ ᱴᱷᱮᱱ ᱫᱚ ᱵᱟᱝ, ᱮᱴᱟᱜ ᱴᱚᱴᱷᱟ ᱠᱚᱨᱮᱱ ᱧᱮᱧᱮᱞᱤᱭᱟᱹ ᱠᱚᱴᱷᱮᱱ ᱦᱚᱸ ᱧᱮᱞ ᱨᱮᱭᱟᱜ ᱴᱷᱟᱶ ᱞᱮᱠᱟᱛᱮ ᱵᱟᱲᱟᱭᱚᱜ ᱠᱟᱱᱟ᱾[᱓]
᱑᱘᱙᱔ ᱥᱮᱨᱢᱟ ᱠᱷᱚᱱ ᱱᱚᱣᱟ ᱯᱩᱥ ᱢᱤᱞᱟ ᱫᱚ ᱡᱚᱛᱚ ᱥᱮᱨᱢᱟ ᱜᱮ ᱦᱩᱭ ᱦᱤᱡᱩᱜ ᱠᱟᱱᱟ᱾ ᱛᱚᱵᱮ ᱱᱟᱜᱟᱢ ᱨᱮ ᱯᱮ ᱫᱷᱟᱣ ᱱᱚᱣᱟ ᱢᱤᱞᱟ ᱛᱷᱩᱠᱩᱢ ᱛᱟᱦᱮᱸ ᱠᱟᱱᱟ, ᱑᱙᱔᱓ ᱥᱮᱨᱢᱟ ᱨᱮᱭᱟᱜ ᱵᱮᱝᱜᱚᱞ ᱨᱮ ᱟᱠᱟᱞ, ᱠᱚᱞᱠᱟᱛᱟ ᱫᱟᱝᱜᱟ ᱟᱨ ᱠᱳᱵᱷᱤᱰᱼ᱑᱙ ᱨᱮᱭᱟᱜ ᱡᱮᱜᱮᱛ ᱫᱳᱹᱨᱞᱚᱭ ᱚᱠᱛᱚ ᱨᱮ᱾[᱔]
ᱥᱮᱫᱟᱭ ᱫᱚ ᱵᱽᱨᱟᱦᱢᱚ ᱢᱚᱱᱫᱤᱨ (ᱠᱟᱸᱪ ᱢᱚᱱᱫᱤᱨ ᱧᱩᱛᱩᱢ ᱛᱮᱦᱚᱸ ᱵᱟᱲᱟᱭᱚᱜᱼᱟ) ᱨᱮᱭᱟᱜ ᱠᱚᱸᱭᱮ ᱱᱟᱠᱷᱟ ᱴᱟᱺᱰᱤ ᱨᱮ ᱢᱤᱞᱟ ᱦᱩᱭᱩᱜ ᱠᱟᱱ ᱛᱟᱦᱮᱸᱱᱟ᱾ ᱩᱱ ᱚᱠᱛᱚ ᱟᱹᱭᱩᱵ ᱥᱮᱫ ᱵᱚᱸᱜᱟᱭ ᱛᱟᱭᱚᱢ ᱡᱮᱨᱮᱫ ᱦᱩᱭᱩᱜ ᱠᱟᱱ ᱛᱟᱦᱮᱸᱱᱟ᱾ ᱢᱤᱞᱟ ᱨᱮᱭᱟᱜ ᱥᱟᱭᱤᱡᱽ ᱞᱟᱹᱴᱩ ᱤᱫᱤᱭᱮᱱ ᱠᱷᱟᱱ, ᱚᱱᱟ ᱫᱚ ᱥᱟᱱᱛᱤᱱᱤᱠᱮᱛᱚᱱ ᱨᱮᱭᱟᱜ ᱯᱩᱨᱵᱚᱯᱚᱞᱞᱤ ᱨᱮᱭᱟᱜ ᱴᱟᱺᱰᱤ ᱨᱮ ᱩᱪᱟᱹᱲ ᱤᱫᱤ ᱦᱩᱭᱟᱠᱟᱱᱟ᱾
ᱩᱰᱟᱹᱣ ᱥᱟᱹᱜᱩᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱗ ᱯᱳᱥ (᱒᱓ ᱰᱤᱥᱮᱢᱵᱚᱨ ᱟᱸᱰᱮᱯᱟᱥᱮ ᱢᱟᱹᱦᱤᱛ ᱨᱮ) ᱢᱟᱹᱦᱤᱛ ᱨᱮ ᱯᱩᱥ ᱢᱤᱞᱟ ᱫᱚ ᱮᱛᱚᱦᱚᱵᱚᱜᱼᱟ᱾ ᱥᱮᱛᱟᱜ ᱛᱚᱨᱟ ᱥᱟᱱᱟᱭ ᱥᱟᱸᱰᱮ ᱟᱸᱡᱚᱢ ᱛᱮ ᱥᱟᱱᱛᱤᱱᱤᱠᱮᱛᱚᱱ ᱨᱮᱭᱟᱜ ᱠᱟᱹᱢᱤᱦᱚᱨᱟ ᱮᱦᱚᱵᱚᱜᱼᱟ᱾ ᱵᱳᱭᱛᱟᱞᱤᱠ ᱫᱚᱞ ᱥᱮᱨᱮᱧ ᱥᱮᱨᱮᱧ ᱛᱮ ᱟᱥᱨᱚᱢ ᱠᱚ ᱫᱟᱬᱟ ᱟᱹᱪᱩᱨᱟ᱾ ᱚᱱᱟ ᱛᱟᱭᱚᱢ ᱪᱷᱟᱛᱤᱢᱵᱩᱴᱟᱹ ᱨᱮ ᱩᱯᱟᱥᱚᱱᱟ ᱥᱟᱯᱲᱟᱣ ᱦᱩᱭᱩᱜᱼᱟ᱾ ᱚᱱᱟ ᱛᱟᱭᱚᱢ ᱚᱸᱰᱮ ᱢᱮᱱᱟᱜ ᱠᱚ ᱥᱟᱱᱟᱢ ᱦᱚᱲ ᱥᱮᱨᱮᱧ ᱥᱮᱨᱮᱧ ᱛᱮ ᱩᱛᱛᱚᱨᱟᱭᱚᱱ ᱨᱮᱠᱚ ᱥᱮᱴᱮᱨᱚᱜᱼᱟ᱾[᱒]
ᱮᱴᱟᱜ ᱢᱟᱦᱟᱸᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱩᱥ ᱢᱤᱞᱟ ᱨᱮ ᱵᱟᱝᱞᱟ ᱦᱚᱲ ᱥᱮᱨᱮᱧ (ᱞᱳᱠᱥᱚᱝᱜᱤᱛ), ᱡᱟᱹᱥᱛᱤ ᱠᱟᱭᱛᱮ ᱵᱟᱣᱩᱞ ᱥᱮᱨᱮᱧ ᱥᱟᱯᱲᱟᱣ ᱦᱩᱭᱩᱜᱼᱟ᱾ ᱦᱚᱲ ᱥᱮᱨᱮᱧ ᱥᱟᱶᱛᱮ ᱦᱚᱲ ᱮᱱᱮᱡ ᱟᱨ ᱟᱹᱫᱤᱵᱟᱹᱥᱤ ᱠᱷᱮᱞᱚᱸᱰ ᱠᱚ ᱥᱟᱯᱲᱟᱣ ᱦᱩᱭᱩᱜᱼᱟ᱾ ᱱᱚᱣᱟ ᱢᱤᱞᱟ ᱨᱮ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱭᱟᱜ ᱥᱟᱱᱟᱢ ᱴᱚᱴᱷᱟ ᱨᱮᱭᱟᱜ ᱞᱟᱭᱼᱞᱟᱠᱪᱟᱨ ᱟᱨ ᱟᱹᱨᱤᱪᱟᱹᱞᱤ ᱠᱚ ᱩᱫᱩᱜ ᱥᱚᱫᱚᱨ ᱦᱩᱭᱩᱜ ᱠᱟᱱᱟ᱾ ᱥᱟᱱᱛᱤᱱᱤᱠᱮᱛᱚᱱ ᱨᱮᱱ ᱯᱟᱹᱴᱷᱩᱣᱟᱹ ᱠᱚᱫᱚ ᱱᱟᱱᱟᱼᱦᱩᱱᱟᱹᱨ ᱮᱱᱮᱡᱼᱥᱮᱨᱮᱧ, ᱜᱟᱭᱟᱱ ᱠᱟᱹᱦᱱᱤ ᱠᱚᱠᱚ ᱩᱫᱩᱜ ᱥᱚᱫᱚᱨᱟ᱾ ᱢᱤᱞᱟ ᱨᱮᱭᱟᱜ ᱡᱚᱛᱚ ᱢᱟᱦᱟᱸ ᱦᱤᱞᱳᱜ ᱜᱮ ᱵᱷᱮᱜᱟᱨ ᱵᱷᱮᱜᱟᱨ ᱠᱟᱹᱢᱤᱦᱚᱨᱟ ᱠᱚ ᱥᱟᱯᱲᱟᱣ ᱦᱩᱭᱩᱜᱼᱟ᱾ ᱢᱤᱞᱟ ᱨᱮᱭᱟᱜ ᱢᱩᱪᱟᱹᱫ ᱢᱟᱦᱟᱸ ᱫᱚ ᱥᱟᱱᱛᱤᱱᱤᱠᱮᱛᱚᱱ ᱥᱟᱶ ᱡᱚᱯᱲᱟᱣ ᱢᱟᱹᱱᱢᱤ ᱠᱚ ᱞᱟᱹᱜᱤᱫ ᱟᱞᱟᱭ ᱛᱟᱦᱮᱸᱱᱟ᱾
ᱢᱤᱞᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱤᱞᱟ ᱨᱮ ᱑,᱕᱐᱐ ᱜᱟᱱ ᱥᱴᱚᱞ ᱵᱟᱹᱭᱥᱟᱹᱜᱼᱟ᱾[᱕] ᱯᱮ ᱢᱟᱦᱟᱸ ᱨᱮᱭᱟᱜ ᱢᱤᱞᱟ ᱨᱮ ᱧᱮᱧᱮᱞᱤᱭᱟᱹ ᱦᱚᱲ ᱠᱚᱣᱟᱜ ᱮᱞ ᱟᱢᱫᱟᱡᱽ ᱑᱐,᱐᱐᱐᱾[᱖] ᱥᱚᱨᱠᱟᱨᱤ ᱦᱤᱥᱟᱹᱵᱽ ᱞᱮᱠᱟᱛᱮ, ᱥᱟᱱᱛᱤᱱᱤᱠᱮᱛᱚᱱ ᱨᱮ ᱜᱷᱩᱸᱴ (ᱮᱵᱷᱟᱨᱮᱡᱽ) ᱓,᱕᱐᱐ ᱧᱮᱧᱮᱞᱤᱭᱟᱹ ᱫᱤᱱᱟᱹᱢ ᱠᱚ ᱦᱤᱡᱩᱜᱼᱟ᱾ ᱢᱮᱱᱠᱷᱟᱱ ᱯᱩᱥ ᱯᱚᱨᱚᱵᱽ, ᱵᱚᱥᱚᱱᱛᱚ ᱩᱫᱽᱥᱚᱵᱽ, ᱨᱚᱵᱤᱫᱽᱨᱚᱯᱚᱠᱠᱷᱚ ᱟᱨ ᱱᱟᱣᱟ ᱥᱮᱨᱢᱟ ᱫᱤᱥᱟᱹ ᱛᱮ ᱥᱟᱱᱛᱤᱱᱤᱠᱮᱛᱚᱱ ᱨᱮ ᱔᱐,᱐᱐᱐ ᱥᱮ ᱚᱱᱟ ᱠᱷᱚᱱ ᱦᱚᱸ ᱡᱟᱹᱥᱛᱤ ᱧᱮᱧᱮᱞᱤᱭᱟᱹ ᱠᱚᱠᱚ ᱦᱤᱡᱩᱜᱼᱟ᱾ ᱛᱚᱵᱮ ᱥᱟᱱᱛᱤᱱᱤᱠᱮᱛᱚᱱ ᱨᱮ ᱘᱕ ᱜᱚᱴᱟᱱ ᱧᱮᱧᱮᱞᱤᱭᱟᱹ ᱠᱚᱣᱟᱜ ᱡᱤᱨᱟᱹᱣ ᱴᱷᱟᱶ (ᱞᱚᱡᱽ) ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱑,᱖᱕᱐ ᱜᱟᱱ ᱦᱚᱲ ᱠᱚ ᱡᱤᱨᱟᱹᱣ ᱫᱟᱲᱮᱭᱟᱜᱼᱟ, ᱚᱱᱟ ᱛᱮ ᱥᱟᱱᱟᱢ ᱦᱚᱲ ᱥᱟᱱᱛᱤᱱᱤᱠᱮᱛᱚᱱ ᱨᱮ ᱵᱟᱝ ᱠᱚ ᱛᱟᱦᱮᱸ ᱫᱟᱲᱮᱭᱟᱜᱼᱟ᱾ ᱮᱱᱛᱮᱨᱮᱦᱚᱸ ᱱᱚᱸᱰᱮ ᱵᱟᱨᱼᱯᱮ ᱢᱟᱦᱟᱸ ᱞᱟᱹᱜᱤᱫ ᱚᱲᱟᱜ ᱵᱷᱟᱲᱟ ᱛᱮ ᱧᱟᱢᱚᱜ ᱜᱮᱭᱟ᱾[᱗]
ᱛᱷᱟᱱᱤᱛ ᱪᱷᱟᱯᱟ ᱞᱩᱜᱽᱲᱤ ᱛᱤ ᱛᱮ ᱵᱟᱱᱟᱣ ᱡᱤᱱᱤᱥ ᱠᱚ ᱱᱚᱣᱟ ᱢᱤᱞᱟ ᱨᱮ ᱧᱟᱢᱚᱜᱼᱟ᱾ ᱱᱚᱣᱟ ᱠᱚ ᱜᱷᱟᱨᱚᱸᱡᱤᱭᱟᱹ ᱡᱤᱱᱤᱥ ᱪᱷᱟᱲᱟ, ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱠᱷᱮᱞᱱᱟ, ᱡᱚᱢᱼᱧᱩ ᱥᱴᱚᱞ ᱠᱚᱦᱚᱸ ᱧᱟᱢᱚᱜᱼᱟ᱾
ᱪᱤᱛᱟᱹᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱨᱦᱚᱸ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱯᱩᱥ ᱢᱤᱞᱟ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
ᱥᱟᱱᱛᱤᱱᱤᱠᱮᱛᱚᱱ ᱴᱨᱟᱵᱷᱮᱞ ᱵᱟᱵᱚᱫᱽ ᱠᱟᱛᱷᱟ ᱣᱤᱠᱤᱦᱤᱨᱤ (Wikivoyage) ᱨᱮ
ᱥᱟᱹᱠᱷᱟᱹᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Poush Mela". West Bengal Tourism. Archived from the original on 22 February 2001. Retrieved 2009-02-14.
- ↑ ᱒.᱐ ᱒.᱑ Basak, Tapan Kumar, Rabindranath-Santiniketan-Sriniketan (An Introduction), p. 36, B.B.Publication
- ↑ Ghosh, Swapan Kumar, Santiniketan-Visva Bharati – Birbhumer Srestha Tirtha, Paschim Banga, February 2006, (in Bengali), Birbhum special issue, p. 250, Information and Culture department, Govt. of West Bengal
- ↑ Patrika, Anandabazar (Nov 9, 2020). "Poush Mela of Santiniketan will not be organized".
- ↑ "Poush Mela to start from Dec 23". Financial Express, 22 December 2007. Archived from the original on 23 December 2007. Retrieved 2009-02-14.
- ↑ "Poush Mela in Santiniketan". Indian Tourism. Retrieved 2009-02-14.
- ↑ "Santiniketan-Bolpur". Retrieved 2009-03-05.