ᱯᱷᱨᱟᱝᱠᱞᱤᱱ ᱰᱮᱞᱟᱱᱳ ᱨᱩᱡᱽᱵᱷᱮᱞᱴ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱯᱷᱨᱟᱝᱠᱞᱤᱱ ᱰᱤ ᱨᱩᱡᱽᱵᱷᱮᱞᱴ

ᱯᱷᱨᱟᱝᱠᱞᱤᱱ ᱰᱮᱞᱟᱱᱳ ᱨᱩᱡᱽᱵᱷᱮᱞᱴ ᱥᱮ ᱯᱷᱨᱟᱝᱠᱞᱤᱱ ᱰᱤ ᱨᱩᱡᱽᱵᱷᱮᱞᱴ ᱠᱷᱟᱴᱚᱛᱮ ᱫᱚ ᱮᱯᱷ-ᱰᱤ-ᱟᱨ ᱦᱚᱸ ᱠᱚ ᱢᱮᱛᱟᱭᱟ (᱓᱐ ᱡᱟᱱᱩᱣᱟᱨᱤ ᱑᱘᱘᱒ – ᱑᱒ ᱮᱯᱨᱤᱞ ᱑᱙᱔᱕)᱾ ᱱᱩᱭ ᱫᱚ ᱟᱢᱮᱨᱤᱠᱟ ᱤᱣᱱᱟᱭᱴᱮᱴ ᱮᱥᱴᱮᱴᱥ ᱨᱮᱱ ᱓᱒ ᱟᱱᱟᱝ ᱯᱨᱥᱤᱰᱮᱱᱴ ᱠᱟᱱᱟᱭ᱾ ᱵᱟᱨ ᱥᱮᱞ ᱥᱟᱭ ᱛᱟᱞᱟ ᱫᱷᱟᱹᱨᱛᱤᱨᱮ ᱡᱚᱠᱷᱚᱱ ᱨᱮᱝᱜᱮᱡ ᱟᱨ ᱞᱟᱹᱲᱦᱟᱹᱭ ᱛᱮ ᱫᱟᱢ ᱫᱟᱥᱮᱨ ᱟᱠᱟᱱᱟ᱾ ᱚᱱᱟ ᱚᱠᱛᱮ ᱜᱚᱴᱟ ᱫᱷᱟᱹᱨᱛᱤ ᱨᱮᱱ ᱟᱹᱭᱩᱨᱤᱡ ᱞᱮᱠᱟ ᱛᱮ ᱨᱩᱡᱽᱵᱷᱮᱞᱴ ᱫᱚᱭ ᱩᱯᱮᱞᱮᱱᱟ᱾ ᱢᱤᱫᱴᱮᱱ ᱟᱢᱮᱨᱤᱠᱟᱨᱮᱱ ᱯᱨᱮᱥᱤᱰᱮᱱᱴ ᱵᱟᱨᱫᱷᱟᱣ ᱜᱮ ᱫᱟᱭᱤᱛᱛᱚᱭ ᱦᱟᱛᱟᱣ ᱫᱟᱲᱮᱭᱟᱜᱼᱟ᱾ ᱢᱮᱱᱠᱷᱟᱱ ᱯᱷᱨᱟᱝᱠᱞᱤᱱ ᱰᱤ ᱨᱩᱡᱽᱵᱷᱮᱞᱴ ᱫᱚ ᱚᱱᱟ ᱠᱷᱚᱱᱮ ᱫᱚᱥᱨᱟ ᱜᱮᱭᱟ᱾ ᱩᱱᱤᱜᱤ ᱢᱤᱫ ᱦᱚᱲ ᱚᱠᱚᱭ ᱫᱚ ᱯᱮ ᱫᱷᱟᱣ ᱟᱢᱮᱨᱤᱠᱟ ᱨᱮᱱ ᱯᱨᱮᱥᱤᱰᱮᱱ ᱮ ᱦᱩᱭ ᱞᱮᱱᱟ᱾ ᱫᱚᱱᱟ ᱫᱚ ᱵᱟᱝ ᱯᱳᱱ ᱫᱷᱟᱣ ᱞᱟᱹᱜᱤᱫ ᱦᱚᱸᱭ ᱵᱟᱪᱷᱟᱣ ᱞᱮᱱᱟ᱾ ᱢᱮᱱᱠᱷᱟᱱ ᱦᱚᱲᱢᱚ ᱨᱩᱣᱟ ᱠᱟᱨᱚᱢᱛᱮ ᱵᱟᱭ ᱛᱟᱦᱮᱸ ᱫᱟᱲᱮᱭᱟᱫᱟ᱾

᱑᱙᱓᱓ ᱥᱮᱨᱢᱟ ᱨᱮ ᱨᱩᱡᱽᱵᱷᱮᱞ ᱡᱚᱠᱷᱚᱱ ᱯᱩᱭᱞᱩ ᱫᱷᱟᱣ ᱟᱢᱮᱨᱤᱠᱟ ᱨᱮᱱ ᱯᱨᱮᱥᱤᱰᱮᱱᱴ ᱮ ᱦᱩᱭᱮᱱᱟ, ᱩᱱ ᱡᱚᱠᱷᱚᱡ ᱟᱢᱮᱨᱤᱠᱟ ᱨᱮᱱᱟᱜ ᱫᱚ ᱟᱹᱰᱤ ᱱᱟᱪᱟᱨ ᱫᱚᱥᱟ ᱛᱟᱦᱮ ᱠᱟᱱᱟ᱾ ᱠᱟᱹᱢᱤ ᱵᱮᱜᱚᱨ ᱦᱚᱲ ᱟᱹᱰᱤ ᱟᱭᱢᱟ ᱠᱚ ᱛᱟᱦᱮ ᱠᱟᱱᱟ᱾ ᱚᱱᱟ ᱚᱠᱛᱮ ᱨᱩᱡᱽᱵᱷᱮᱞᱴ ᱟᱭᱢᱟ ᱞᱮᱠᱟᱱ ᱦᱩᱠᱩᱢ ᱮᱢ ᱠᱟᱛᱮᱜ ᱱᱟᱪᱟᱨ ᱚᱵᱚᱥᱛᱷᱟ ᱠᱷᱚᱱ ᱩᱛᱱᱟᱹᱣ ᱨᱮᱱᱟᱜ ᱮ ᱠᱩᱨᱩᱢᱩᱴᱩ ᱠᱮᱫᱟ᱾ ᱟᱢᱮᱨᱤᱠᱟ ᱨᱮᱱ ᱯᱨᱮᱥᱤᱰᱮᱱᱴ ᱵᱟᱪᱷᱟᱣᱚᱜ ᱑᱑ ᱥᱮᱨᱢᱟ ᱞᱟᱦᱟᱨᱮ ᱩᱱᱤ ᱫᱚ ᱯᱳᱞᱤᱭᱳ ᱨᱩᱣᱟᱹ ᱧᱟᱢ ᱞᱤᱫᱤᱭᱟ᱾ᱚᱱᱟᱛᱮ ᱰᱟᱱᱰᱟ ᱞᱟᱛᱟᱨ ᱫᱚ ᱡᱟᱭᱡᱩᱜᱽ ᱜᱤ ᱚᱵᱚᱥᱮᱱ ᱛᱟᱭᱟ᱾ ᱢᱮᱱᱠᱷᱟᱱ ᱩᱱᱟᱹᱜ ᱢᱟᱨᱟᱜ ᱜᱷᱚᱴᱚᱱᱟ ᱛᱟᱭᱚᱢ ᱦᱚᱸ ᱩᱱᱤ ᱫᱚ ᱵᱟᱭ ᱛᱷᱤᱨ ᱛᱟᱦᱮ ᱞᱮᱱᱟ᱾ ᱰᱤᱨ ᱜᱟᱱ ᱢᱟᱨᱠᱤᱱ ᱯᱨᱮᱥᱤᱰᱮᱱᱴ ᱠᱚᱣᱟᱜ ᱜᱮ ᱵᱟᱞᱮ ᱩᱢᱮᱨ ᱫᱚ ᱯᱟᱨᱚᱢ ᱟᱠᱟᱱᱟ ᱨᱮᱝᱜᱮᱡ ᱛᱟᱞᱟᱛᱮ᱾ ᱨᱩᱡᱽᱵᱷᱮᱞᱴ ᱫᱚ ᱚᱱᱟ ᱠᱷᱚᱱ ᱫᱚᱥᱨᱟ ᱜᱮᱭ ᱛᱟᱦᱮ ᱠᱟᱱᱟ᱾ ᱑᱘᱘᱒ ᱥᱮᱨᱢᱟ ᱨᱮᱱᱟᱜ ᱓᱐ ᱡᱟᱱᱩᱣᱟᱨᱤ ᱱᱤᱣ ᱤᱭᱚᱨᱠ ᱨᱮᱱᱟᱜ ᱦᱟᱭᱤᱰ ᱯᱟᱨᱠ ᱨᱮ ᱢᱤᱫ ᱠᱤᱥᱟᱸᱲ ᱚᱲᱟᱜ ᱨᱮᱭ ᱡᱟᱱᱟᱢ ᱞᱮᱱᱟ ᱨᱩᱡᱽᱵᱷᱮᱞᱴ᱾ ᱦᱟᱨᱟ ᱣᱟᱠᱟᱱᱟᱭ ᱵᱟᱵᱟᱣᱟᱜ ᱚᱲᱟᱜ ᱫᱤᱥᱟᱹᱢ ᱤᱥᱯᱨᱤᱝ ᱩᱰ ᱮᱥᱴᱮᱴ ᱨᱮ᱾ ᱟᱡ ᱵᱟᱵᱟᱣᱟᱜ ᱧᱤᱛᱩᱢ ᱫᱚ ᱡᱮᱢᱥ ᱨᱩᱡᱽᱵᱷᱮᱞᱴ ᱟᱨ ᱜᱚᱜᱚᱣᱟᱜ ᱧᱤᱛᱩᱢ ᱫᱚ ᱥᱟᱨᱟ ᱮᱱ ᱰᱤᱞᱟᱱᱳ᱾ ᱜᱚᱜᱚ ᱵᱟᱵᱟ ᱨᱮᱱ ᱢᱤᱫ ᱴᱮᱱ ᱜᱤ ᱜᱤᱫᱽᱨᱟᱹᱭ ᱛᱟᱦᱮ ᱠᱟᱱᱟ ᱨᱩᱡᱽᱵᱷᱮᱞᱴ ᱫᱚ᱾ ᱑᱒ ᱥᱮᱨᱢᱟ ᱟᱢᱮᱨᱤᱠᱟ ᱨᱮᱱ ᱯᱨᱮᱥᱤᱰᱮᱱᱴ ᱞᱮᱠᱟᱛᱮ ᱫᱟᱭᱤᱛᱛᱚ ᱭᱮ ᱯᱟᱞᱚᱱ ᱟᱠᱟᱫᱟ᱾ ᱫᱟᱭᱤᱛᱛᱚ ᱵᱟᱹᱜᱤ ᱛᱟᱭᱚᱢ ᱦᱚᱸ ᱫᱤᱥᱟᱹᱢ ᱞᱟᱹᱜᱤᱫ ᱟᱭᱢᱟᱭ ᱠᱟᱹᱢᱤ ᱟᱠᱟᱫᱟ᱾ ᱡᱟᱹᱛᱤ ᱜᱟᱫᱮᱞ(UN) ᱛᱤᱝᱜᱩ ᱨᱮᱦᱚᱸ ᱨᱩᱡᱽᱵᱷᱮᱞᱴ ᱣᱟᱜ ᱮᱱᱮᱢ ᱢᱮᱱᱟᱜᱼᱟ᱾ ᱟᱭᱢᱟ ᱦᱚᱲ ᱜᱮ ᱟᱵᱨᱟᱦᱟᱢ ᱞᱤᱝᱠᱚᱱ ᱟᱨ ᱡᱚᱨᱡᱽ ᱚᱣᱟᱥᱤᱝᱴᱚᱱ ᱥᱟᱶ ᱨᱩᱡᱽᱵᱷᱮᱞᱴ ᱦᱚᱸ ᱟᱢᱮᱨᱤᱠᱟ ᱨᱮᱱ ᱛᱩᱠᱷᱟᱹᱲ ᱨᱟᱡᱽᱱᱤᱛᱤᱵᱤᱫᱽ ᱢᱮᱱᱛᱮ ᱠᱚ ᱞᱮᱠᱷᱟᱭᱮᱭᱟ᱾

ᱯᱷᱮᱰᱮᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]