ᱰᱤᱢᱤᱛᱨᱤ ᱢᱮᱱᱰᱤᱞᱤᱵᱷ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱫᱤᱢᱤᱛᱨᱤ ᱢᱮᱱᱰᱮᱞᱤᱯᱷ

ᱫᱤᱢᱤᱛᱨᱤ ᱤᱶᱟᱱᱳᱵᱷᱤᱪ ᱢᱮᱱᱰᱮᱞᱤᱯᱷ(ᱨᱩᱥ ᱯᱟᱹᱨᱥᱤ ᱛᱮ Дми́трий Ива́нович Менделе́ев)(᱘ ᱯᱷᱮᱵᱨᱩᱣᱟᱨᱤ ᱑᱘᱓᱔ – ᱒ ᱯᱷᱮᱵᱨᱩᱣᱟᱨᱤ ᱑᱙᱐᱗) ᱫᱚ ᱨᱟᱥᱤᱭᱟ ᱨᱮᱱ ᱢᱤᱫ Chemists ᱟᱨ inventor ᱠᱟᱱᱟᱭ᱾

ᱡᱟᱱᱟᱢ ᱟᱨ ᱵᱟᱞᱮ ᱩᱢᱮᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱮᱱᱰᱮᱞᱤᱯᱷ ᱣᱟᱜ ᱡᱟᱱᱟᱢ ᱫᱚ ᱘ ᱯᱷᱮᱵᱨᱩᱣᱟᱨᱤ ᱑᱘᱓᱔ ᱥᱮᱨᱢᱟᱨᱮ ᱥᱟᱭᱵᱮᱨᱤᱭᱟ ᱨᱮᱱᱟᱜ ᱛᱚᱵᱚᱞᱚᱥᱠᱚ ᱨᱮᱱᱟᱜ ᱵᱷᱟᱨᱠᱷᱤᱱᱤ ᱟᱨᱮᱢᱡᱤᱭᱮᱱᱤ ᱟᱛᱚ ᱨᱮ᱾ ᱟᱡ ᱵᱟᱵᱟᱣᱟᱜ ᱧᱤᱛᱩᱢ ᱫᱚ ᱤᱵᱷᱟᱱ ᱯᱟᱵᱷᱚᱞᱳᱵᱷᱤᱪ ᱢᱮᱱᱰᱮᱞᱤᱯᱷ ᱟᱨ ᱜᱚᱜᱚᱣᱟᱜ ᱧᱤᱛᱩᱢ ᱫᱚ ᱢᱟᱨᱤᱭᱟ ᱫᱤᱢᱤᱛᱨᱤᱭᱮᱵᱷᱱᱟ ᱢᱮᱱᱰᱮᱞᱤᱵᱷᱟ᱾ ᱜᱚᱲᱚᱢ ᱦᱟᱲᱟᱢ ᱯᱟᱵᱷᱮᱞ ᱢᱮᱠᱥᱤᱢᱳᱵᱷᱤᱪ ᱫᱚ ᱨᱟᱥᱤᱭᱟ ᱨᱮᱱ ᱚᱨᱛᱷᱚᱰᱳᱠᱥ ᱪᱟᱨᱪ ᱨᱮᱱ ᱫᱷᱚᱨᱚᱢ ᱜᱩᱨᱩᱭ ᱛᱟᱦᱮ ᱠᱟᱱᱟ᱾ ᱤᱵᱷᱟᱱᱳᱵᱷᱤᱪ ᱟᱭᱟᱜ ᱢᱚᱡᱽ ᱧᱤᱛᱩᱢ ᱫᱚᱭ ᱧᱟᱢ ᱟᱠᱟᱫᱟ ᱫᱷᱚᱨᱚᱢ ᱥᱮᱪᱮᱫ ᱚᱠᱛᱮ᱾ ᱩᱱᱤ ᱫᱚ ᱢᱫ ᱚᱨᱛᱷᱚᱰᱳᱠᱥ ᱠᱷᱨᱤᱥᱴᱟᱱᱮ ᱛᱟᱦᱮ ᱠᱟᱱᱟ ᱚᱠᱟ ᱫᱚ ᱩᱱᱤ ᱵᱟᱭ ᱠᱩᱥᱤᱭᱟᱜ ᱠᱟᱱ ᱛᱟᱦᱮᱱᱟ᱾ᱛᱟᱭᱚᱢ ᱫᱟᱨᱟᱢ ᱩᱱᱤ ᱫᱚ ᱫᱷᱚᱨᱚᱢᱮ ᱵᱟᱹᱜᱤᱭᱟᱫᱟ ᱟᱨ ᱢᱤᱫ ᱥᱤᱨᱡᱟᱹᱱᱤᱭᱟ ᱯᱟᱹᱛᱤᱭᱟᱹᱣ ᱨᱮᱭ ᱯᱟᱹᱛᱤᱭᱟᱹᱣ ᱮᱱᱟ᱾

ᱟᱢᱫᱟᱡᱚᱜ ᱠᱟᱱᱟ ᱢᱮᱱᱰᱮᱞᱤᱯᱷ ᱨᱮᱱ ᱫᱚ ᱑᱔ ᱠᱷᱚᱱ ᱑᱗ ᱜᱚᱴᱟᱝ ᱵᱚᱭᱦᱟ ᱢᱤᱥᱤ ᱠᱚ ᱛᱟᱦᱮ ᱠᱟᱱᱟ᱾ ᱩᱱᱠᱩ ᱢᱩᱫᱽ ᱨᱮ ᱢᱮᱱᱰᱮᱞᱤᱯᱷ ᱫᱚ ᱦᱩᱰᱤᱧ ᱩᱪᱟᱹᱨᱤᱡ ᱠᱟᱱᱟᱭ᱾ ᱟᱡ ᱵᱟᱵᱟ ᱫᱚ Fine Arts, philoshophy ᱟᱨ political science ᱨᱮᱱ ᱢᱟᱪᱮᱫ ᱮ ᱛᱟᱦᱮ ᱠᱟᱱᱟ᱾ ᱟᱡ ᱵᱟᱵᱟ ᱫᱚ ᱛᱟᱞᱟ ᱩᱢᱮᱞ ᱨᱮᱜᱮᱭ ᱠᱟᱬᱟ ᱮᱱᱟ ᱟᱨ ᱟᱭᱟᱜ ᱠᱟᱹᱢᱤ ᱦᱚᱸᱭ ᱟᱫ ᱠᱮᱫᱟ᱾ ᱟᱡ ᱜᱚᱜᱚ ᱛᱤ ᱨᱮ ᱜᱤ ᱜᱷᱟᱨᱚᱡ ᱫᱚ ᱯᱟᱲᱟᱣ ᱮᱱᱟ᱾ ᱩᱱᱤ ᱫᱚ glass factory ᱨᱮ ᱠᱟᱹᱢᱤᱭᱮ ᱧᱟᱢ ᱡᱚᱝ ᱟᱱᱟ᱾ ᱢᱮᱱᱰᱮᱞᱤᱯᱷ ᱫᱚ ᱜᱮᱞ ᱯᱮ ᱩᱢᱮᱞ ᱨᱮ ᱟᱡ ᱵᱟᱵᱟᱭ ᱜᱚᱡ ᱵᱟᱹᱜᱤᱭᱟᱫᱮᱭᱟ᱾ ᱟᱡ ᱜᱚᱜᱚ ᱣᱟᱜ ᱜᱞᱟᱥ ᱯᱷᱮᱠᱴᱚᱨᱤ ᱨᱮᱭ ᱞᱚ ᱜᱚᱡ ᱮᱱᱟ᱾ ᱢᱮᱱᱰᱮᱞᱤᱯᱷ ᱫᱚ ᱛᱚᱵᱚᱞᱚᱥᱠ ᱨᱮᱱᱟᱜ ᱡᱤᱢᱱᱮᱥᱤᱭᱟᱢ ᱤᱥᱠᱩᱞ ᱨᱮᱭ ᱵᱷᱚᱨᱛᱤᱭᱮᱱᱟ᱾

᱑᱘᱔᱙ ᱥᱮᱨᱢᱟ ᱨᱮ ᱟᱡ ᱜᱚᱜᱚ ᱢᱟᱨᱟᱝ ᱥᱮᱪᱮᱫ ᱞᱟᱹᱜᱤᱫ ᱥᱟᱭᱵᱮᱨᱤᱭᱟ ᱠᱷᱚᱱ ᱢᱚᱥᱠᱳ ᱛᱮᱭ ᱤᱫᱤ ᱠᱤᱫᱤᱭᱟ ᱢᱮᱱᱰᱮᱞᱤᱯᱷ᱾ ᱢᱚᱥᱠᱳ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱫᱚ ᱢᱮᱱᱰᱮᱞᱤᱯᱷ ᱢᱟᱪᱮᱫᱤᱭᱟᱹ ᱞᱮᱠᱟ ᱛᱮ ᱵᱟᱠᱚ ᱦᱟᱛᱟᱣ ᱞᱤᱫᱤᱭᱟ᱾ ᱩᱱᱤ ᱫᱚ ᱥᱮᱱᱴ ᱯᱤᱴᱟᱨᱥᱵᱟᱜᱽ ᱵᱤᱨᱫᱟᱹᱜᱟᱲ ᱨᱮᱭ ᱵᱷᱚᱨᱛᱤᱭᱮᱱᱟ᱾ ᱟᱭᱟᱜ ᱜᱷᱟᱨᱚᱡ ᱨᱮᱱ ᱡᱚᱛᱚ ᱦᱚᱲ ᱥᱮᱱᱴ ᱯᱤᱴᱟᱨᱥᱵᱟᱜᱽ ᱨᱮ ᱛᱟᱦᱮᱱ ᱠᱚ ᱦᱮᱡ ᱮᱱᱟ᱾ graduate ᱢᱩᱪᱟᱹᱫ ᱛᱟᱭᱚᱢ ᱠᱷᱩᱜ ᱨᱩᱣᱟᱹ(tb) ᱧᱟᱢ ᱠᱤᱫᱤᱭᱟ᱾ ᱚᱱᱟᱛᱮ ᱠᱨᱤᱢᱤᱱ ᱯᱮᱱᱤᱱᱥᱩᱞᱟ ᱛᱮᱭ ᱥᱮᱱ ᱮᱱᱟ᱾ ᱚᱱᱟ ᱫᱚ ᱦᱮᱱᱫᱮ ᱜᱟᱰᱟ ᱫᱟᱹᱠᱷᱤᱱ ᱛᱟᱦᱮ ᱠᱟᱱᱟ᱾ ᱚᱱᱰᱮ ᱛᱟᱦᱮᱱ ᱚᱠᱛᱮ ᱩᱱᱤ ᱫᱚ ᱢᱤᱫ ᱵᱤᱨᱫᱟᱹᱜᱟᱲ ᱨᱮ ᱥᱟᱭᱮᱱᱥ ᱨᱮᱱ ᱢᱟᱪᱮᱫ ᱠᱟᱹᱢᱤ ᱛᱷᱚᱲᱟ ᱢᱟᱦᱟᱭ ᱠᱟᱹᱢᱤ ᱠᱮᱫᱟ᱾᱑᱘᱕᱗ ᱥᱮᱨᱢᱟ ᱨᱩᱣᱟᱹ ᱠᱷᱚᱱ ᱯᱷᱟᱨᱱᱟᱣ ᱠᱟᱛᱮᱜ ᱥᱮᱱᱴ ᱯᱤᱴᱟᱨᱥᱵᱟᱜᱽ ᱮ ᱨᱩᱣᱟᱲᱮᱱᱟ᱾

ᱯᱷᱮᱰᱮᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]