ᱰᱤᱯᱛᱷᱤᱨᱤᱭᱟ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱰᱤᱯᱛᱷᱤᱨᱤᱭᱟ ᱥᱮ ᱨᱚᱦᱤᱬᱤ (Diphtheria) ᱩᱜᱽᱨᱚ ᱥᱚᱸᱠᱨᱚᱢᱚᱠ ᱨᱚᱜᱽ ᱠᱚ ᱠᱟᱱᱟ, ᱡᱟᱦᱟᱸ ᱒ ᱠᱷᱚᱱ ᱥᱮ ᱑᱐ ᱥᱮᱨᱢᱟ ᱦᱟᱹᱵᱤᱡ ᱨᱤᱱ ᱵᱚᱪᱷᱚᱨ ᱨᱤᱱᱤᱡ ᱠᱚᱲᱟᱠᱚ ᱵᱟᱬᱛᱤ ᱦᱩᱭ ᱟᱠᱚ ᱠᱟᱱᱟ, ᱢᱮᱱᱛᱮᱫᱚ ᱥᱟᱱᱟᱢ ᱦᱚᱲ ᱵᱚᱪᱷᱚᱨ ᱟᱱ ᱠᱚ ᱱᱚᱶᱟ ᱨᱚᱜᱽ ᱦᱩᱭ ᱫᱟᱲᱮ ᱟᱠᱚᱣᱟ᱾ ᱱᱚᱶᱟ ᱨᱮᱱᱟᱜ ᱩᱫᱷᱵᱷᱚᱣ ᱱᱟᱝ (incubation period) ᱵᱟᱨ ᱠᱷᱚᱱ ᱥᱮ ᱯᱩᱱ ᱫᱤᱱ ᱦᱟᱹᱵᱤᱡ ᱛᱟᱦᱮᱱ ᱠᱟᱱᱟ᱾ ᱱᱚᱶᱟ ᱨᱚᱜᱽ ᱵᱟᱬᱛᱤ ᱫᱚ ᱡᱚᱦᱟ ᱨᱮ ᱛᱟᱦᱮᱱ ᱠᱟᱱᱟ ᱟᱨ ᱴᱟᱹᱥᱤᱸᱠ ᱦᱚᱸ ᱟᱠᱨᱟᱸᱛ ᱦᱩᱭᱩᱜ ᱠᱟᱱᱟ᱾ ᱟᱲᱟᱝ ᱨᱟᱦᱟ, ᱱᱟᱸᱰᱨᱤ, ᱢᱮᱫ ᱟᱨ ᱵᱟᱦᱨᱮ ᱡᱟᱱᱱᱮᱸᱫᱽᱨᱤᱭᱚ ᱦᱚᱸ ᱦᱩᱭ ᱫᱟᱲᱮᱭᱟᱜ-ᱟ᱾ ᱥᱟᱹᱨᱤ ᱛᱮᱢᱟ ᱡᱟᱭᱜᱟ ᱨᱚᱜᱽ ᱠᱟᱱᱟ, ᱢᱮᱱᱠᱷᱟᱱ ᱛᱤᱡᱩ ᱮᱢᱟᱱ ᱞᱮᱠᱟᱱ ᱡᱤᱱᱤᱥ ᱠᱚᱨᱮ ᱠᱷᱚᱱ ᱥᱤᱨᱡᱟᱣ ᱟᱠᱟᱱ ᱡᱤᱭᱟᱞᱤ ᱵᱤᱥ ᱟᱜ ᱦᱚᱲᱢᱚ ᱨᱮ ᱣᱭᱟᱯᱛᱮ ᱦᱩᱭ ᱞᱮᱱᱠᱷᱟᱱ ᱴᱚᱠᱥᱤᱢᱟ(Toxemia) ᱨᱮᱱᱟᱜ ᱞᱟᱪᱷᱚᱱ ᱨᱟᱠᱟᱵᱚᱜ ᱠᱟᱱᱟ᱾ ᱡᱮᱚᱨ, ᱵᱟᱝ ᱢᱚᱱ, ᱵᱚᱦᱚᱜ ᱟᱨ ᱦᱚᱲᱢᱚ ᱨᱮ ᱯᱤᱲᱟ ᱮᱢᱟᱱ ᱡᱤᱭᱟᱞᱤ ᱵᱤᱥ ᱨᱮᱱᱟᱜ ᱠᱩᱲᱟᱹᱭ ᱢᱮᱱᱟᱜ-ᱟ᱾ ᱱᱚᱶᱟ ᱨᱮᱱᱟᱜ ᱵᱤᱥᱮᱥ ᱵᱟᱹᱲᱤᱡ ᱯᱨᱚᱵᱷᱟᱣ ᱨᱤᱫᱟᱹᱭ ᱨᱮ ᱯᱟᱲᱟᱜ ᱠᱟᱱᱟ᱾ ᱟᱫᱷᱟᱱ ᱨᱚᱜᱤ ᱠᱚᱴᱷᱮᱱ ᱫᱚ ᱱᱚᱶᱟ ᱠᱟᱨᱚᱱ ᱨᱤᱫᱟᱹᱭ ᱴᱷᱟᱠᱮᱜ (heart failure) ᱠᱷᱚᱱ ᱜᱩᱡᱩᱜ ᱠᱟᱱᱟ ᱠᱚ᱾

ᱠᱟᱨᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

'ᱠᱚᱨᱟᱭᱤᱱ ᱵᱮᱠᱴᱤᱨᱤᱭᱟᱢ ᱰᱤᱯᱛᱷᱤᱨᱤᱭᱟ' ᱱᱚᱢᱚᱠ ᱡᱤᱣᱟᱬᱩ ᱨᱚᱜᱽ ᱨᱮᱱᱟᱜ ᱠᱟᱨᱚᱱ ᱠᱚᱨᱟᱭᱤᱱ ᱵᱮᱠᱴᱤᱨᱤᱭᱟᱢ ᱰᱤᱯᱛᱷᱤᱨᱤ (Coryn bacterium diphtheriae) ᱱᱚᱢᱚᱠ ᱡᱤᱣᱟᱬᱩ ᱠᱚ ᱛᱟᱦᱮᱱ ᱠᱟᱱᱟ᱾ ᱱᱚᱶᱟ ᱨᱮ ᱧᱮᱞᱟᱢ ᱵᱤᱸᱫᱩᱥᱚᱸᱠᱨᱚᱢ ᱠᱷᱚᱱ ᱟᱨ ᱜᱤᱫᱽᱨᱟᱹ ᱦᱚᱛᱮᱛᱮ ᱢᱤᱫ ᱫᱚᱥᱟᱨ ᱨᱮᱱᱟᱜ ᱯᱮᱸᱥᱤᱞ, ᱞᱮᱠᱷᱱᱤ ᱮᱢᱟᱱ ᱥᱚᱢᱟᱱ ᱠᱚ ᱢᱚᱪᱟ ᱨᱮ ᱫᱚᱦᱚ ᱞᱮᱠᱷᱟᱱ ᱡᱚᱦᱟ ᱨᱮᱱᱟᱜ ᱥᱞᱮᱥᱢᱤᱠ ᱠᱚᱞᱟ ᱨᱮ ᱯᱨᱚᱣᱤᱥᱴ ᱦᱩᱭ ᱠᱟᱛᱮ ᱚᱸᱰᱮ ᱨᱚᱜᱽ ᱥᱤᱨᱡᱟᱹᱣᱜ ᱠᱟᱱᱟ, ᱡᱟᱦᱟᱸ ᱠᱷᱟᱹᱛᱤᱨ ᱛᱮ ᱥᱤᱨᱡᱟᱹᱣ ᱟᱠᱟᱱ ᱥᱛᱨᱚᱣ ᱨᱮ ᱯᱷᱟᱭᱵᱽᱨᱤᱱ ᱵᱟᱬᱛᱤ ᱛᱟᱦᱮᱱ ᱞᱮᱱᱠᱷᱟᱱ ᱥᱛᱨᱚᱣ ᱚᱸᱰᱮ ᱡᱷᱤᱞᱞᱤ ᱞᱮᱠᱟ ᱡᱟᱢᱟᱜ ᱠᱟᱱᱟ ᱾ ᱚᱱᱟ ᱨᱮᱱᱟᱜ ᱨᱚᱝ ᱢᱚᱴᱢᱟᱭᱤᱞᱟ ᱞᱮᱠᱟᱜ ᱠᱟᱱᱟ ᱟᱨ ᱚᱱᱟᱨᱮ ᱥᱞᱮᱥᱢᱤᱠ ᱠᱚᱞᱟ ᱨᱮ ᱥᱚᱛᱷᱚᱜ ᱠᱟᱱᱟ᱾ ᱡᱷᱤᱞᱞᱤ ᱞᱟᱛᱟᱨ ᱡᱤᱞ ᱛᱮ ᱥᱟᱴᱟᱣ ᱛᱟᱦᱮᱱ ᱠᱟᱱᱟ ᱟᱨ ᱚᱱᱟ ᱠᱷᱚᱱ ᱪᱷᱟᱰᱟ ᱦᱚᱸ ᱦᱩᱭ ᱫᱟᱲᱮᱭᱟᱜ-ᱟ᱾ ᱱᱚᱶᱟ ᱡᱤᱣᱟᱬᱩ ᱯᱮᱭᱟ ᱞᱮᱠᱟ ᱢᱮᱱᱟᱜ-ᱟ, ᱩᱜᱽᱨᱚ (gravis), ᱢᱚᱫᱷᱭᱚᱢ (intermedians) ᱟᱨ ᱦᱟᱥᱟ (mitis)। ᱢᱟᱬᱟᱝ ᱞᱮᱠᱟᱛᱮ ᱚᱛᱭᱩᱜᱽᱨᱚ, ᱫᱚᱥᱟᱨ ᱩᱜᱽᱨᱚ ᱟᱨ ᱛᱮᱥᱟᱨ ᱦᱟᱥᱟ ᱞᱮᱠᱟᱛᱮ ᱨᱚᱜᱽ ᱥᱤᱨᱡᱟᱹᱣᱜ ᱠᱟᱱᱟ, ᱡᱟᱦᱟᱸ ᱫᱚ ᱚᱠᱟ-ᱚᱠᱟ ᱡᱷᱤᱞᱞᱤ ᱦᱟᱹᱵᱤᱡ ᱵᱟᱝ ᱵᱟᱱᱟᱜ᱾ ᱥᱩᱢᱩᱝ ᱜᱚᱞᱟᱥᱟᱛᱷ ᱨᱮᱱᱟᱜ ᱞᱟᱪᱷᱚᱱ ᱛᱟᱦᱮᱱ ᱠᱟᱱᱟ᱾