ᱰᱳᱜᱽᱨᱟ
ᱰᱳᱜᱽᱨᱟ ᱫᱚ ᱢᱤᱫ ᱤᱱᱫᱳᱼᱟᱨᱡᱚ ᱡᱟᱹᱛᱤᱭᱟᱹᱨᱤ ᱯᱟᱹᱨᱥᱤ ᱠᱟᱱᱟ, ᱡᱟᱦᱟᱸ ᱫᱚ ᱡᱟᱹᱥᱛᱤ ᱠᱟᱭᱛᱮ ᱥᱤᱧᱚᱛᱤᱭᱟᱹ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱡᱟᱹᱢᱢᱩ ᱟᱨ ᱠᱟᱹᱥᱢᱤᱨ ᱟᱨ ᱯᱟᱠᱤᱥᱛᱟᱱ ᱨᱮᱠᱚ ᱨᱚᱲᱼᱟ ᱾ ᱱᱩᱠᱩ ᱫᱚ ᱡᱟᱹᱥᱛᱤ ᱠᱟᱭᱛᱮ ᱡᱟᱹᱢᱢᱩ ᱟᱨ ᱠᱟᱹᱥᱢᱤᱨ ᱨᱮᱱᱟᱜ ᱡᱟᱹᱢᱢᱩ ᱴᱚᱴᱷᱟ ᱨᱮ ᱟᱨ ᱯᱚᱧᱡᱟᱵᱽ ᱟᱨ ᱦᱤᱢᱟᱪᱚᱞ ᱯᱨᱚᱫᱮᱥ ᱨᱮᱱᱟᱜ ᱥᱩᱨ ᱥᱩᱯᱩᱨ ᱴᱚᱴᱷᱟ ᱨᱮ ᱠᱚ ᱛᱟᱦᱮᱸᱱᱟ ᱾ ᱠᱚᱸᱭᱮ-ᱥᱟᱢᱟᱝ ᱯᱟᱠᱤᱥᱛᱟᱱ ᱨᱮᱦᱚᱸ ᱠᱚ ᱛᱟᱦᱮᱸᱱᱟ ᱾ ᱱᱩᱠᱩᱣᱟᱜ ᱱᱟᱜᱟᱢᱤᱭᱟᱹ ᱚᱲᱟᱜ ᱫᱚ ᱰᱩᱜᱽᱜᱟᱨ ᱧᱩᱛᱩᱢ ᱛᱮ ᱵᱟᱰᱟᱭᱚᱜᱼᱟ ᱾
| ᱜᱩᱴ ᱦᱚᱲ ᱮᱞ | |
|---|---|
| 2.5 million (2011)[᱑] | |
| ᱰᱷᱮᱨ ᱧᱚᱜ ᱦᱚᱲ ᱮᱞ ᱢᱮᱱᱟᱜ ᱠᱚ ᱴᱚᱴᱷᱟ | |
| Majority: Jammu Minority: Punjab, Himachal Pradesh, Delhi, Haryana | |
| ᱯᱟᱹᱨᱥᱤ ᱠᱚ | |
| Dogri | |
| ᱫᱷᱚᱨᱚᱢ | |
Predominantly: HinduismMinority:  Islam and  Sikhism | |
| ᱥᱩᱯᱩᱨ ᱥᱟᱹᱜᱟᱹᱭᱟᱱ ᱡᱟᱹᱛ ᱠᱚ | |
| Punjabis, Kangris and other Indo-Aryans |
ᱠᱤᱪᱷᱩ ᱠᱟᱛᱷᱟ ᱑᱙ ᱥᱟᱭᱟᱱᱟᱜ ᱥᱮᱨᱢᱟ ᱠᱷᱚᱱ ᱡᱟᱢᱩ ᱨᱮ ᱡᱟᱢᱣᱟᱞ ᱜᱷᱟᱨᱚᱸᱡᱽ ᱨᱤᱱᱤᱡ ᱰᱳᱜᱽᱨᱟ ᱨᱟᱡᱽᱯᱩᱛ ᱠᱚ ᱥᱟᱥᱚᱱ ᱞᱮᱫ ᱛᱟᱦᱮᱸᱫ, ᱡᱚᱠᱷᱚᱱ ᱜᱩᱞᱚᱵ ᱥᱤᱝ ᱫᱚ ᱨᱚᱧᱡᱤᱛ ᱥᱤᱝ ᱦᱚᱛᱮᱛᱮ ᱡᱟᱢᱩ ᱨᱤᱱᱤᱡ ᱨᱟᱡᱽᱯᱩᱛ ᱞᱮᱠᱟᱛᱮᱭ ᱵᱮᱱᱟᱣ ᱞᱮᱱᱟ, ᱩᱱ ᱚᱠᱛᱚ ᱨᱮ ᱟᱡᱤᱡ ᱵᱚᱭᱦᱟ ᱫᱷᱤᱭᱟᱱ ᱥᱤᱝ ᱫᱚ ᱯᱚᱧᱡᱟᱵᱽ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ, ᱑᱙᱔᱗ ᱥᱮᱨᱢᱟ ᱨᱮᱱᱟᱜ ᱚᱠᱴᱚᱵᱚᱨ ᱦᱟᱹᱵᱤᱡ ᱾ ᱑᱘᱔᱖ ᱥᱟᱞᱮ ᱨᱮ ᱚᱢᱨᱤᱛᱥᱚᱨ ᱨᱮ ᱚᱱᱚᱞ ᱚᱞ ᱠᱟᱛᱮ ᱠᱚᱥᱢᱤᱨ ᱦᱚᱸ ᱠᱚ ᱦᱟᱛᱟᱣ ᱠᱮᱫ-ᱟ ᱾ ᱥᱤᱧᱚᱛᱤᱭᱟᱹ ᱯᱷᱩᱨᱜᱟᱹᱞ ᱨᱮᱱᱟᱜ ᱰᱳᱜᱽᱨᱟ ᱨᱮᱡᱤᱢᱮᱱᱴ ᱨᱮ ᱢᱩᱬᱩᱛ ᱞᱮᱠᱟᱛᱮ ᱦᱤᱢᱟᱪᱚᱞ ᱯᱨᱚᱫᱮᱥ, ᱯᱚᱧᱡᱟᱵᱽ ᱟᱨ ᱡᱟ.ᱢᱢᱩ ᱴᱚᱴᱷᱟ ᱨᱮᱱᱟᱜ ᱰᱳᱜᱽᱨᱟ ᱠᱚ ᱢᱮᱱᱟᱜᱼᱟ ᱾
ᱟᱹᱲᱟᱹ ᱜᱟᱵᱟᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱰᱳᱜᱽᱨᱟ ᱧᱩᱛᱩᱢ ᱫᱚ ᱫᱩᱨᱜᱟᱨᱟ ᱧᱩᱛᱩᱢ ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱫᱚ ᱑᱑ ᱥᱟᱭ ᱥᱮᱨᱢᱟ ᱨᱮ ᱪᱟᱢᱵᱟ ᱨᱮ ᱠᱚᱯᱚᱨ-ᱯᱞᱮᱴ ᱚᱞ ᱨᱮ ᱚᱞ ᱟᱠᱟᱱ ᱢᱤᱫ ᱨᱟᱡᱽᱜᱟᱲ ᱨᱮᱭᱟᱜ ᱧᱩᱛᱩᱢ ᱠᱟᱱᱟ ᱾ ᱚᱞ ᱨᱮ ᱪᱟᱢᱵᱟ ᱨᱟᱡᱟ ᱫᱚ ᱫᱩᱨᱜᱟᱨᱟ (durgāreśwara) ᱟᱜ ᱜᱚᱲᱚ ᱛᱮ ᱠᱤᱨᱟᱥ ᱟᱜ ᱮᱢ ᱟᱠᱟᱱ ᱦᱩᱞ ᱮ ᱧᱮᱞ ᱠᱮᱫᱼᱟ ᱾ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱨᱮ ᱫᱩᱨᱜᱟᱨᱟ ᱧᱩᱛᱩᱢ ᱫᱚ ᱰᱩᱜᱟᱨ (Duggar) ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱱᱚᱣᱟ ᱧᱩᱛᱩᱢ ᱫᱚ ᱰᱳᱜᱨᱟ (Dogra) ᱛᱮ ᱦᱮᱡ ᱮᱱᱟ ᱾ ᱠᱚᱞᱦᱟᱱᱚ ᱨᱟᱡᱟᱛᱟᱨᱚᱝᱜᱤᱱᱤ ᱫᱚ ᱱᱚᱝᱠᱟᱱ ᱧᱩᱛᱩᱢ ᱛᱮ ᱢᱤᱫ ᱨᱟᱡᱽᱜᱟᱲ ᱵᱟᱭ ᱚᱞ ᱟᱠᱟᱫᱟ, ᱢᱮᱱᱠᱷᱟᱱ ᱨᱟᱡᱽᱜᱟᱲ ᱠᱚᱫᱚ ᱟᱠᱚᱣᱟᱜ ᱨᱟᱡᱽᱜᱟᱲ ᱥᱚᱦᱚᱨ (ᱡᱮᱞᱮᱠᱟ ᱵᱚᱞᱞᱚᱯᱩᱨᱟ, ᱱᱟᱦᱟᱜ ᱵᱤᱞᱟᱵᱚᱨ, ᱟᱨᱵᱟᱝ ᱵᱟᱵᱽᱯᱩᱨᱟ, ᱱᱟᱦᱟᱜ ᱵᱟᱵᱚᱨ) ᱛᱮ ᱠᱚ ᱵᱟᱰᱟᱭ ᱫᱟᱲᱮᱭᱟᱜᱼᱟ ᱾ ᱱᱮᱛᱟᱨᱟᱜ ᱚᱠᱛᱚ ᱨᱮ, ᱰᱳᱜᱨᱟ ᱟᱹᱲᱟᱹ ᱫᱚ ᱢᱤᱫ ᱡᱟᱹᱛᱤᱭᱟᱹᱨᱤ ᱮᱱᱮᱡ ᱦᱩᱭ ᱟᱠᱟᱱᱟ, ᱡᱟᱦᱟᱸ ᱫᱚ ᱰᱳᱜᱨᱤ ᱯᱟᱹᱨᱥᱤ ᱨᱚᱲᱼᱮᱫ ᱡᱚᱛᱚ ᱦᱚᱲ ᱠᱚ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜᱼᱟ, ᱟᱠᱚᱣᱟᱜ ᱫᱷᱚᱨᱚᱢ ᱵᱮᱜᱚᱨ ᱾
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱳᱢᱟᱪᱚᱸᱫᱟ ᱦᱟᱱᱫᱟ ᱢᱚᱱᱮᱭᱮᱫᱟ ᱡᱮ ᱫᱩᱨᱜᱟᱨᱟ ᱦᱚᱲ ᱫᱚ ᱨᱟᱡᱚᱥᱛᱷᱟᱱ ᱠᱷᱚᱱ ᱠᱚ ᱦᱮᱡ ᱟᱠᱟᱱᱟ ᱾ ᱱᱩᱠᱩᱣᱟᱜ ᱧᱩᱛᱩᱢ ᱨᱮ ᱫᱩᱨᱜᱽ (ᱜᱚᱲ) ᱨᱮᱱᱟᱜ ᱢᱮᱱᱮᱛ ᱤᱫᱤᱜ ᱠᱟᱱᱟ ᱡᱮ ᱱᱩᱠᱩ ᱫᱚ ᱢᱤᱫ ᱞᱟᱹᱲᱦᱟᱹᱭ ᱦᱚᱲ ᱛᱟᱦᱮ ᱠᱟᱱ ᱛᱟᱠᱚᱣᱟ, ᱡᱟᱦᱟᱸ ᱫᱚ ᱪᱮᱱᱟᱵ ᱟᱨ ᱨᱚᱵᱤ ᱛᱟᱞᱟ ᱨᱮ ᱢᱩᱬᱩᱛ ᱨᱟᱡᱽᱜᱟᱲ ᱠᱚ ᱵᱮᱱᱟᱣ ᱞᱮᱫᱟ, ᱟᱨ ᱥᱩᱴᱞᱩᱡᱽ ᱫᱷᱟᱨᱮ ᱦᱟᱹᱵᱤᱡ ᱦᱚᱸ ᱱᱩᱠᱩᱣᱟᱜ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ ᱾
Archaeologist M. A. ᱥᱴᱟᱭᱤᱱ, ᱱᱚᱣᱟ ᱴᱚᱴᱷᱟ ᱨᱮ ᱜᱮᱞ ᱢᱤᱫ ᱜᱚᱴᱟᱝ ᱰᱳᱜᱽᱨᱟ ᱯᱚᱱᱚᱛ ᱛᱟᱦᱮᱸ ᱠᱟᱱᱟ, ᱚᱱᱟ ᱠᱚ ᱡᱚᱛᱚ ᱫᱚ ᱡᱟᱢᱢᱩ ᱯᱚᱱᱚᱛ ᱨᱮ ᱥᱮᱞᱮᱫ ᱞᱮᱱᱟ, ᱡᱟᱦᱟᱸ ᱫᱚ ᱡᱚᱛᱚ ᱠᱷᱚᱱ ᱢᱟᱨᱟᱝ ᱯᱚᱱᱚᱛ ᱞᱮᱠᱟᱛᱮ ᱵᱮᱱᱟᱣ ᱞᱮᱱᱟ ᱾ ᱡᱟ.ᱢᱢᱩ ᱦᱚᱱᱚᱛ ᱵᱮᱨᱮᱫᱚᱜ ᱢᱟᱬᱟᱝ ᱨᱮ, ᱵᱟᱵᱽᱵᱟᱯᱩᱨᱟ (ᱵᱟᱵᱚᱨ) ᱫᱚ ᱰᱳᱜᱨᱟ ᱠᱚᱣᱟᱜ ᱢᱩᱬᱩᱛ ᱯᱚᱱᱚᱛ ᱛᱟᱦᱮᱸ ᱠᱟᱱᱟ ᱢᱮᱱᱛᱮ ᱵᱟᱰᱟᱭᱚᱜᱼᱟ ᱾ ᱡᱟᱢᱢᱩ ᱠᱷᱚᱱ ᱔᱕ ᱠᱤᱞᱚᱢᱤᱴᱚᱨ ᱯᱩᱨᱩᱵᱽ ᱨᱮ ᱢᱮᱱᱟᱜ ᱵᱟᱵᱚᱨ ᱨᱮ ᱖ ᱜᱚᱴᱟᱝ ᱢᱟᱨᱟᱝ ᱫᱷᱚᱨᱚᱢ ᱨᱮᱱᱟᱜ ᱨᱩᱯ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱢᱤᱫ "ᱯᱷᱩᱨᱟᱹᱣ ᱟᱠᱟᱱ ᱟᱨᱴᱤᱥᱴ ᱠᱟᱹᱢᱤ" ᱨᱮᱱᱟᱜ ᱢᱩᱴᱷᱟᱹᱱ ᱠᱟᱱᱟ ᱾ ᱨᱟᱡᱽᱛᱚᱨᱚᱝᱜᱤᱱᱤ ᱨᱮ ᱵᱟᱵᱽᱵᱟᱯᱩᱨᱟ ᱨᱤᱱᱤᱡ ᱨᱟᱡᱟ ᱵᱚᱡᱽᱨᱚᱫᱷᱚᱨᱟ ᱑᱑᱒ ᱥᱮᱨᱢᱟ ᱨᱮ ᱜᱚᱴᱟ ᱨᱟᱡᱟ ᱠᱚ ᱥᱟᱶ ᱠᱟᱥᱢᱤᱨ ᱨᱤᱱᱤᱡ ᱵᱷᱤᱠᱥᱚᱪᱟᱨᱟ ᱥᱟᱞᱟᱜ ᱵᱚᱸᱜᱟ ᱛᱟᱞᱟᱭᱮᱱᱟᱭ ᱢᱮᱱᱛᱮ ᱚᱞ ᱟᱠᱟᱱᱟ ᱾
ᱟᱹᱨᱤᱪᱟᱹᱞᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱦᱚᱲ ᱮᱱᱮᱡ ᱟᱨ ᱥᱮᱨᱮᱧ
ᱠᱩᱰ, ᱞᱳᱠ ᱫᱮᱵᱚᱛ ᱠᱚᱣᱟᱜ ᱢᱚᱱᱮ ᱨᱮ ᱢᱤᱫ ᱟᱹᱨᱤᱪᱟᱹᱞᱤ ᱮᱱᱮᱡ ᱾ ᱱᱚᱶᱟ ᱮᱱᱮᱡ ᱫᱚ ᱟᱥᱚᱠᱟᱭ ᱛᱮ ᱧᱤᱫᱟ. ᱱᱚᱶᱟ ᱫᱚ ᱟᱞᱜᱟ ᱛᱮ ᱦᱩᱭᱩᱜ-ᱟ ᱟᱨ ᱡᱚᱛᱚ ᱞᱮᱠᱟᱱ ᱩᱢᱮᱨ ᱟᱨ ᱡᱤᱱᱤᱥ ᱨᱮᱱ ᱦᱚᱲ ᱱᱚᱶᱟ ᱨᱮ ᱠᱚ ᱥᱮᱞᱮᱫᱚᱜ-ᱟ ᱾ ᱠᱩᱰ ᱚᱠᱛᱚ ᱨᱮ ᱵᱮᱵᱷᱟᱨᱚᱜ ᱠᱟᱱ ᱥᱮᱨᱮᱧ ᱠᱚᱫᱚ ᱦᱩᱭᱩᱜ ᱠᱟᱱᱟ ᱱᱟᱨᱥᱤᱝᱦᱚ, ᱪᱷᱟᱭᱱᱟ, ᱯᱷᱞᱩᱴ ᱟᱨ ᱰᱨᱟᱢ ᱾ ᱥᱮᱨᱮᱧ ᱨᱮᱱᱟᱜ ᱨᱤᱴᱚᱢ ᱫᱚ ᱥᱮᱞᱮᱫᱤᱭᱟᱹ ᱠᱚᱣᱟᱜ ᱨᱟᱡᱽᱜᱟᱲ ᱠᱚᱭ ᱠᱚᱱᱴᱨᱚᱞᱟ ᱾ ᱱᱚᱶᱟ ᱰᱮᱱᱥ ᱫᱚ ᱡᱷᱚᱛᱚ ᱧᱤᱫᱟᱹ ᱪᱟᱞᱟᱜ ᱠᱟᱱᱟ ᱾ ᱒᱐ ᱠᱷᱚᱱ ᱓᱐ ᱦᱟᱹᱵᱤᱡ ᱥᱮᱞᱮᱫᱤᱭᱟᱹ ᱠᱚᱣᱟᱜ ᱞᱮᱠᱷᱟ ᱾ ᱦᱮᱨᱮᱱ ᱫᱚ ᱢᱤᱫ ᱟᱹᱫᱤᱵᱟᱹᱥᱤ ᱛᱷᱤᱭᱮᱴᱚᱨ ᱯᱷᱚᱨᱢ ᱠᱟᱱᱟ, ᱡᱟᱦᱟᱸ ᱫᱚ ᱞᱳᱦᱨᱤ ᱯᱚᱨᱚᱵ ᱚᱠᱛᱚ ᱨᱮ ᱑᱐-᱑᱕ ᱜᱚᱴᱟᱝ ᱦᱚᱲ ᱠᱚ ᱩᱫᱩᱜ-ᱥᱚᱫᱚᱨᱟ ᱾ ᱱᱚᱶᱟ ᱫᱚ ᱡᱟᱹᱥᱛᱤ ᱠᱟᱭᱛᱮ ᱡᱟ.ᱢᱢᱩ, ᱩᱫᱷᱚᱢᱯᱩᱨ ᱟᱨ ᱨᱟᱢᱱᱚᱜᱚᱨ ᱨᱮᱱᱟᱜ ᱵᱩᱨᱩ ᱴᱚᱴᱷᱟ ᱨᱮ ᱠᱚ ᱪᱟᱞᱟᱜᱼᱟ ᱾ ᱯᱷᱩᱢᱮᱱᱤ ᱟᱨ ᱡᱟᱜᱟᱨᱟᱱᱟ, ᱢᱤᱫ ᱠᱩᱲᱤ ᱦᱚᱯᱚᱱ ᱟᱭᱳ ᱵᱟᱵᱟ ᱟᱜ ᱚᱲᱟᱜ ᱨᱮ ᱢᱤᱫ ᱠᱚᱲᱟ ᱦᱚᱯᱚᱱ ᱮᱱᱮᱡ ᱟᱠᱟᱱ ᱢᱤᱫ ᱰᱮᱱᱥ ᱥᱴᱟᱭᱤᱞ ᱠᱟᱱᱟ ᱾ ᱵᱟᱱᱟᱨ ᱥᱮᱨᱮᱧ ᱫᱚ ᱑᱕-᱒᱐ ᱜᱚᱴᱟᱝ ᱜᱟᱶᱛᱟ ᱨᱮᱱ ᱥᱮᱨᱮᱧᱤᱭᱟ. ᱱᱚᱶᱟ ᱟᱹᱫᱤᱵᱟᱹᱥᱤ ᱰᱮᱱᱥ ᱨᱮ ᱠᱩᱲᱤ ᱦᱚᱯᱚᱱ ᱠᱚᱣᱟᱜ ᱩᱭᱦᱟᱹᱨ ᱟᱨ ᱩᱭᱦᱟᱹᱨ ᱠᱚ ᱩᱫᱩᱜ ᱥᱚᱫᱚᱨ ᱟᱠᱟᱱᱟ ᱾
ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Abstract of Speakers' Strength of Languages and Mother Tongues - 2011" (PDF). censusindia.gov.in. Retrieved 4 ᱡᱟᱱᱩᱣᱟᱨᱤ 2021.