ᱱᱚᱨᱮᱱᱫᱨᱚ ᱢᱚᱫᱤ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search


ᱧᱩᱛᱩᱢ ᱱᱚᱨᱮᱱᱫᱨᱚ ᱢᱚᱫᱤ
ᱡᱟᱱᱟᱢ ᱢᱟᱦᱟᱸ ᱑᱗ ᱥᱮᱯᱴᱮᱢᱵᱚᱨ ᱑᱙᱕᱐
ᱟᱯᱟᱛ ᱢᱩᱞᱪᱟᱸᱫᱽ ᱢᱚᱫᱤ
ᱮᱸᱜᱟᱛ ᱦᱤᱨᱟᱵᱮᱱ ᱢᱚᱫᱤ
ᱡᱟᱹᱛᱤᱭᱟᱹᱨᱤ ᱵᱷᱟᱨᱚᱛᱤᱭᱚ
ᱫᱤᱥᱚᱢ ᱵᱷᱟᱨᱚᱛ
ᱫᱷᱚᱨᱚᱢ ᱦᱤᱱᱫᱩ
ᱢᱚᱱᱛᱨᱤ ᱛᱷᱚᱠ ᱢᱟᱨᱟᱝ ᱢᱚᱱᱛᱨᱤ(ᱢᱮ ᱒᱐᱑᱔ ᱠᱷᱚᱱ)
ᱥᱩᱦᱤ
ᱯᱩᱨᱟᱹ ᱧᱩᱛᱩᱢ ᱱᱚᱨᱮᱱᱫᱨᱚ ᱫᱟᱢᱚᱫᱚᱨᱫᱟᱥ ᱢᱚᱫᱤ

ᱱᱚᱨᱮᱱᱫᱨᱚ ᱫᱟᱢᱚᱫᱚᱨᱫᱟᱥ ᱢᱚᱫᱤ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱨᱟᱡᱽᱨᱮᱛᱟ ᱠᱟᱱᱟᱭ ᱡᱟᱦᱟᱸᱭ ᱫᱚ ᱱᱤᱛᱚᱜ ᱵᱷᱟᱨᱚᱛ ᱫᱤᱥᱚᱢ ᱨᱤᱱ ᱢᱟᱨᱟᱝ ᱢᱚᱱᱛᱨᱤ ᱜᱚᱢᱠᱮ ᱞᱮᱠᱟᱛᱮ ᱢᱮᱱᱟᱜ ᱠᱤᱱᱟ ᱢᱮ ᱪᱟᱸᱫᱚ ᱒᱐᱑᱔ ᱠᱷᱚᱱᱟᱜ ᱾ ᱱᱚᱶᱟ ᱠᱷᱚᱱ ᱢᱟᱬᱟᱝ ᱫᱚ ᱜᱩᱡᱽᱨᱟᱴ ᱨᱮ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱱᱩᱠᱤᱱ ᱫᱚ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ(BJP) ᱨᱤᱱ ᱢᱤᱫ ᱠᱟᱹᱢᱤᱭᱟᱹ ᱠᱟᱱᱟ ᱠᱤᱱ ᱥᱟᱶᱛᱮ ᱨᱟᱥᱴᱨᱤᱭᱚ ᱥᱚᱭᱚᱝ ᱥᱮᱵᱚᱠ ᱥᱚᱝᱜᱷᱚ (RSS) ᱨᱤᱱ ᱜᱟᱹᱠᱷᱩᱲ ᱦᱚᱸ ᱾

ᱜᱚᱢᱠᱮ ᱛᱤᱠᱤᱱᱟᱜ ᱡᱟᱱᱟᱢ ᱫᱚ ᱑᱖ ᱥᱮᱯᱴᱮᱢᱵᱚᱨ ᱑᱙᱕᱐ ᱥᱟᱞᱮᱨᱮ ᱢᱤᱫ ᱜᱩᱡᱽᱨᱟᱴᱤ ᱜᱷᱟᱨᱚᱡᱽ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱟᱯᱟᱛ ᱢᱩᱞᱪᱟᱸᱫ ᱢᱚᱫᱤ ᱟᱨ ᱮᱸᱜᱟᱛ ᱦᱤᱨᱟᱵᱮᱱ ᱢᱚᱫᱤ ᱛᱤᱠᱤᱱ ᱨᱤᱱ ᱛᱩᱨᱩᱭ ᱜᱤᱴᱟᱝ ᱦᱚᱯᱚᱱ ᱠᱷᱚᱱ ᱱᱩᱭ ᱫᱚ ᱛᱮᱥᱟᱨᱤᱡ ᱜᱤᱫᱽᱨᱟᱹ ᱾ ᱜᱩᱡᱽᱨᱟᱴ ᱯᱚᱱᱚᱛ ᱨᱮᱱᱟᱜ ᱢᱮᱦᱚᱥᱟᱬᱟ ᱡᱤᱞᱞᱟᱹ ᱵᱚᱰᱱᱚᱜᱚᱨ ᱨᱮ ᱢᱤᱫ ᱛᱟᱞᱟᱢᱟᱞᱟ ᱜᱷᱟᱨᱚᱡᱽ ᱨᱮ ᱟᱹᱠᱤᱱᱟᱜ ᱡᱟᱱᱟᱢ ᱦᱩᱭ ᱞᱮᱱᱟ ᱾ ᱩᱱᱤᱫᱚ ᱦᱩᱰᱤᱧ ᱚᱠᱛᱚ ᱠᱷᱚᱱ ᱜᱮ ᱨᱟᱥᱴᱨᱤᱭᱚ ᱥᱚᱭᱚᱝ ᱥᱮᱵᱚᱠ ᱨᱤᱱᱤᱡ ᱢᱤᱫ ᱠᱟᱹᱢᱩᱭᱟᱹᱭ ᱛᱟᱦᱮ ᱠᱟᱱᱟ ᱾ ᱜᱩᱡᱽᱨᱟᱴ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱨᱟᱡᱽᱟᱹᱨᱤ ᱨᱮ ᱥᱚᱱᱮᱨ ᱞᱮᱫ ᱛᱟᱦᱮᱸᱫ ᱾ ᱡᱩᱣᱟᱹᱱ ᱠᱷᱚᱱ ᱜᱮ ᱚᱠᱷᱤᱲ ᱵᱷᱟᱨᱚᱛᱤᱭᱚ ᱵᱤᱫᱽᱭᱟᱨᱛᱷᱤ ᱯᱚᱨᱤᱥᱚᱫᱽ ᱨᱮ ᱥᱮᱞᱮᱫ ᱠᱟᱛᱮ ᱱᱚᱵᱚ ᱱᱤᱨᱢᱟᱬ ᱵᱷᱨᱚᱥᱴᱟᱪᱟᱨ ᱵᱤᱨᱩᱫᱽ ᱨᱮ ᱟᱲᱟᱝ ᱨᱟᱠᱟᱵᱽ ᱨᱮ ᱥᱮᱞᱮᱫ ᱞᱮᱱᱟ ᱾ ᱑᱙᱘᱗ ᱨᱮ ᱜᱩᱡᱨᱟᱴ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱨᱟᱡᱽᱟᱹᱨᱤ ᱫᱚᱞ ᱨᱮ ᱥᱮᱞᱮᱫ ᱠᱟᱛᱮ ᱨᱟᱡᱽᱟᱹᱨᱤ ᱡᱤᱭᱚᱱ ᱠᱤᱱ ᱮᱦᱚᱵ ᱞᱮᱫ ᱛᱟᱦᱮᱸᱫ ᱚᱱᱟᱛᱟᱭᱚᱢ ᱚᱠᱴᱚᱵᱚᱨ ᱒᱐᱐᱑ ᱥᱟᱞᱮᱨᱮ ᱜᱩᱡᱽᱨᱟᱴ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱯᱟᱦᱴᱟ ᱠᱷᱚᱱ ᱟᱹᱭᱩᱨᱤᱭᱟᱹ ᱞᱮᱠᱟᱛᱮ ᱛᱟᱦᱮᱸᱭᱮᱱᱟᱭ ᱾ ᱩᱱ ᱚᱠᱛᱚ ᱨᱮ ᱱᱟᱪᱟᱨ ᱨᱮ ᱧᱩᱨ ᱞᱮᱱ ᱜᱩᱡᱽᱨᱟᱴ ᱯᱚᱱᱚᱛ ᱟᱡᱟᱜ ᱪᱚᱢᱠᱚᱨᱚᱡ ᱨᱟᱡᱽᱨᱤᱛ ᱛᱮ ᱚᱱᱟ ᱠᱷᱚᱱᱮ ᱚᱣᱟᱨ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱠᱷᱚᱱ ᱜᱚᱴᱟ ᱴᱚᱴᱷᱟ ᱜᱮ ᱟᱡᱟᱜ ᱧᱩᱛᱩᱢ ᱟᱹᱰᱤ ᱦᱩᱞᱟᱹᱪᱟᱢᱠᱟ ᱭᱮᱱᱟ, ᱟᱹᱰᱤ ᱟᱹᱰᱤ ᱦᱚᱲ ᱠᱚ ᱵᱟᱰᱟᱭ ᱠᱮᱫᱮᱭᱟ ᱾ ᱚᱱᱠᱟᱛᱮ ᱨᱟᱡᱽᱟᱹᱨᱤ ᱛᱷᱚᱠ ᱨᱤ ᱟᱹᱰᱤ ᱢᱟᱨᱟᱝ ᱴᱷᱟᱶᱮ ᱟᱢᱮᱴ ᱠᱮᱜ-ᱟ ᱟᱨ ᱢᱟᱨᱟᱝ ᱢᱚᱱᱛᱨᱤ ᱦᱚᱸᱭ ᱵᱮᱱᱟᱣᱮᱱᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Official
Other