ᱯᱨᱚᱬᱚᱵᱽ ᱢᱩᱠᱷᱟᱨᱡᱤ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱯᱨᱚᱬᱚᱵᱽ ᱢᱩᱠᱷᱟᱨᱡᱤ

ᱯᱨᱚᱬᱚᱵᱽ ᱢᱩᱠᱷᱟᱨᱡᱤ ( ᱡᱟᱱᱟᱢ ᱑᱑ ᱰᱤᱥᱮᱢᱵᱚᱨ ᱑᱙᱓᱑ ) ᱫᱚ ᱵᱷᱟᱨᱚᱛ ᱨᱮᱱᱤᱡ ᱑᱓ ᱟᱱᱤᱡ ᱫᱤᱥᱚᱢ ᱜᱚᱢᱠᱮ ᱞᱮᱠᱟ ᱛᱮ ᱡᱩᱞᱟᱭ ᱒᱐᱑᱒ ᱠᱷᱚᱱ ᱒᱐᱑᱗ ᱦᱟᱹᱵᱤᱡ ᱮ ᱠᱟᱢᱤ ᱞᱮᱜ-ᱟ ᱾ [1] ᱑᱙᱓᱕ ᱥᱟᱞ ᱨᱮ ᱯᱩᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱵᱤᱨᱵᱷᱩᱢᱤ ᱡᱤᱞᱟ ᱨᱮᱭᱟᱜ ᱢᱤᱫ ᱟᱹᱛᱩ ᱨᱮ ᱵᱟᱵᱽᱬᱮ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟ ᱾ ᱟᱡ ᱵᱟᱵᱟ ᱧᱩᱛᱩᱢ ᱫᱚ ᱠᱚᱫᱚᱢ ᱠᱤᱝᱠᱚᱨ ᱢᱩᱠᱷᱟᱨᱡᱤ ᱟᱨ ᱟᱭᱳ ᱧᱩᱛᱩᱢ ᱫᱚ ᱨᱟᱡᱽᱞᱚᱠᱷᱢᱤ[2] ᱯᱨᱚᱱᱚᱵᱽ ᱫᱚ ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱱᱟᱜᱟᱢ ᱟᱨ ᱨᱟᱡᱽᱱᱤᱛᱤ ᱥᱟᱬᱮᱥ ᱨᱮ ᱢᱟᱥᱴᱟᱨ ᱰᱤᱜᱽᱨᱤ ᱟᱢᱮᱴ ᱟᱠᱟᱜ-ᱟ ᱾ ᱚᱱᱟ ᱛᱟᱭᱚᱢ ᱫᱚ ᱠᱚᱞᱠᱟᱛᱟ ᱨᱮ ᱰᱮᱯᱩᱴᱤ ᱟᱠᱟᱶᱱᱴᱟᱱᱴ ᱜᱮᱱᱮᱨᱟᱞ ᱨᱮ ᱠᱤᱨᱟᱱᱤ ᱞᱮᱠᱟᱭ ᱠᱟᱹᱢᱤ ᱞᱮᱜ-ᱟ ᱾ ᱚᱱᱟ ᱛᱟᱭᱚᱢ ᱠᱚᱞᱠᱟᱛᱟ ᱨᱮᱜᱮ ᱢᱮᱱᱟᱜ ᱤᱱᱰᱤᱭᱟᱱ ᱥᱴᱟᱴᱤᱥᱴᱤᱠᱟᱞ ᱤᱱᱥᱴᱤᱴᱩᱴᱮ ᱨᱮ ᱚᱫᱷᱚᱠᱭᱚ ᱞᱮᱠᱟ ᱵᱟᱦᱟᱞ ᱮ ᱧᱟᱢ ᱞᱮᱜ-ᱟ ᱾ ᱚᱱᱟ ᱛᱟᱭᱚᱢ ᱫᱚ ᱥᱟᱢᱵᱟᱰᱤᱠᱚᱛᱟ ᱟᱨ ᱚᱠᱤᱞᱟᱛᱤ ᱠᱟᱹᱢᱤ ᱟᱯᱱᱟᱨ ᱞᱮᱜ-ᱟ ᱾ [3]

ᱜᱷᱟᱨᱚᱸᱡᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱡ ᱵᱟᱵᱟ ᱠᱚᱫᱚᱢ ᱠᱤᱝᱠᱚᱨ ᱫᱚ ᱢᱤᱫ ᱯᱷᱩᱨᱜᱟᱹᱟᱞ ᱦᱩᱞᱜᱟᱹᱨᱤᱭᱟᱹ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱵᱷᱟᱨᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱨᱮᱥ ᱨᱮ ᱥᱮᱞᱮᱰ ᱞᱮᱱᱟ ᱾ ᱑᱙᱕᱒ ᱠᱷᱚᱱᱟᱜ ᱑᱙᱖᱔ ᱦᱟᱹᱵᱤᱡ ᱩᱱᱤ ᱯᱩᱪᱷᱤᱢ ᱵᱟᱝᱜᱟᱞ ᱵᱤᱫᱷᱟᱱ ᱥᱚᱵᱷᱟ ᱠᱷᱚᱱ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱥᱟᱶᱛᱮ ᱩᱱᱤ ᱵᱤᱨᱵᱷᱩᱢ ᱡᱮᱞᱟ ᱨᱮᱱ ᱠᱚᱝᱜᱨᱮᱥ ᱨᱮᱱ ᱯᱟᱨᱥᱮᱴ ᱮ ᱛᱟᱦᱮᱸ ᱠᱟᱱᱟ ᱾ ᱑᱙᱕᱗ ᱥᱟᱞ ᱨᱮ ᱥᱥᱩᱵᱷᱨᱟ ᱢᱩᱠᱷᱟᱨᱡᱤ ᱥᱟᱶᱮ ᱵᱟᱯᱞᱟ ᱮᱱᱟ ᱾ ᱟᱡ ᱨᱮᱱ ᱵᱟᱨᱭᱟ ᱦᱚᱯᱚᱱ ᱤᱱᱫᱨᱚᱡᱤᱛ ᱟᱨ ᱚᱵᱷᱤᱡᱤᱛ ᱢᱮᱱᱟᱜ ᱠᱤᱱᱟ, ᱟᱨ ᱢᱤᱫᱴᱟᱝ ᱦᱚᱯᱚᱱ ᱮᱨᱟ ᱥᱚᱨᱢᱤᱥᱴᱷᱟ ᱢᱮᱱᱟᱭᱟ ᱾ ᱚᱵᱷᱤᱡᱤᱛ ᱫᱚ ᱱᱤᱛ ᱯᱩᱪᱷᱤᱢ ᱵᱟᱝᱜᱟᱞ ᱨᱮ ᱵᱤᱫᱷᱟᱭᱚᱠ ᱢᱮᱱᱟᱭᱟ ᱾ ᱥᱚᱨᱢᱤᱥᱴᱷᱟ ᱫᱚ ᱠᱚᱛᱷᱚᱠ ᱮᱱᱮᱡᱤᱭᱟᱹ ᱠᱟᱱᱟᱭ ᱾ [2][4]


ᱨᱟᱡᱽᱱᱤᱛᱤᱠ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱗᱙ ᱥᱟᱞ ᱨᱮ ᱩᱱᱤ ᱟᱡᱟᱜ ᱨᱟᱡᱽᱱᱤᱛᱤᱠ ᱡᱤᱭᱚᱱ ᱮ ᱮᱦᱚᱵ ᱞᱮᱜ-ᱟ ᱾ ᱚᱱᱟ ᱤᱱᱫᱤᱨᱟ ᱜᱟᱱᱫᱷᱤ ᱟᱡ ᱨᱟᱡᱭᱚᱥᱚᱵᱷᱟ ᱛᱮ ᱵᱟᱪᱷᱚᱱ ᱞᱮᱫᱮᱭᱟᱭ ᱾ ᱩᱱᱤ ᱫᱚ ᱑᱙᱗᱕, ᱑᱙᱘᱑, ᱑᱙᱙᱓ ᱟᱨ ᱑᱙᱙᱙ ᱥᱟᱞ ᱨᱮ ᱦᱚᱸ ᱨᱟᱡᱭᱚᱥᱚᱵᱷᱟ ᱛᱮ ᱵᱟᱪᱷᱚᱱ ᱞᱮᱱᱟᱭ ᱾ ᱑᱙᱗᱓ ᱥᱟᱞ ᱨᱮ ᱤᱱᱫᱤᱨᱟᱶᱟᱜ ᱠᱮᱵᱤᱱᱮᱴ ᱨᱮ ᱩᱱᱤ ᱥᱤᱞᱯᱚ ᱵᱤᱠᱟᱥ ᱩᱯᱚᱢᱚᱱᱛᱨᱤ ᱠᱚ ᱵᱟᱦᱟᱞ ᱞᱮᱫᱮᱭᱟ ᱾ [2] ᱑᱙᱘᱒ ᱠᱷᱚᱱ ᱑᱙᱘᱔ ᱥᱟᱞ ᱦᱟᱹᱵᱤᱡ ᱫᱚ ᱩᱱᱤ ᱠᱟᱹᱶᱰᱤ ᱢᱚᱱᱛᱨᱤ ᱛᱟᱦᱮᱸ ᱠᱟᱱᱟ ᱾ ᱟᱡ ᱩᱫᱮᱞᱟᱜ ᱠᱟᱹᱶᱰᱤ ᱟᱹᱨᱤ ᱠᱷᱟᱹᱛᱤᱨ ᱤᱱᱫᱨᱟ ᱥᱚᱨᱠᱟᱨ ᱟᱱᱛᱚᱨᱡᱟᱛᱤᱠ ᱢᱩᱫᱽᱨᱟ ᱯᱟᱱᱴᱷᱤ ᱨᱮ ᱨᱤᱱ ᱦᱟᱞᱟ ᱦᱩᱭ ᱫᱟᱲᱮᱭᱟᱫ ᱛᱟᱦᱮᱸᱫ ᱾ ᱩᱱ ᱚᱠᱛᱚ ᱨᱮ ᱨᱤᱡᱟᱨᱵᱽ ᱵᱮᱝᱠ ᱨᱮᱱᱤᱡ ᱜᱚᱵᱷᱚᱨᱱᱚᱨ ᱞᱮᱠᱟᱛᱮ ᱰᱨᱹ ᱢᱚᱱᱢᱚᱦᱚᱱ ᱥᱤᱝ ᱵᱟᱦᱟᱞ ᱡᱷᱚᱜ ᱠᱟᱶᱰᱤ ᱢᱚᱱᱛᱨᱤ ᱞᱮᱠᱟᱛᱮ ᱵᱟᱦᱟᱞ ᱥᱟᱠᱟᱢ ᱨᱮ ᱥᱩᱦᱤ ᱞᱮᱜ-ᱟ ᱾

ᱤᱱᱫᱤᱨᱟᱶᱟᱜ ᱜᱩᱨ ᱛᱟᱭᱚᱢ ᱨᱟᱡᱤᱵᱽ ᱜᱟᱹᱱᱫᱷᱤ ᱥᱟᱶ ᱢᱚᱱᱮ ᱵᱟᱭ ᱯᱚᱴᱟᱶ ᱞᱮᱱ ᱠᱷᱟᱛᱤᱨ ᱠᱚᱝᱜᱨᱮᱥ ᱠᱷᱚᱱᱮ ᱥᱟᱦᱟ ᱞᱮᱱᱟ ᱾ ᱚᱱᱟ ᱛᱟᱭᱚᱢ ᱨᱟᱥᱴᱨᱤᱭᱚ ᱥᱚᱢᱟᱡᱽᱵᱟᱫᱤ ᱠᱚᱝᱜᱨᱮᱥ ᱧᱩᱛᱩᱢ ᱛᱮ ᱢᱤᱫᱴᱟᱝ ᱯᱟᱨᱴᱤ ᱵᱮᱱᱟᱶ ᱠᱮᱜ-ᱟ ᱾ ᱛᱤᱱᱟᱝ ᱫᱤᱱ ᱛᱟᱭᱚᱢ ᱨᱟᱹᱡᱤᱵᱽ ᱜᱟᱹᱱᱫᱷᱤ ᱥᱟᱶ ᱢᱚᱱᱮ ᱯᱚᱴᱟᱶ ᱮᱱ ᱠᱷᱟᱹᱛᱤᱨ ᱟᱨᱦᱚᱸ ᱠᱚᱝᱜᱨᱮᱥ ᱨᱮᱭ ᱢᱮᱥᱟ ᱮᱱᱟ ᱾ ᱯᱤᱹᱵᱷᱤᱹ ᱱᱚᱨᱚᱥᱤᱝᱜᱷᱚ ᱚᱠᱛᱚ ᱨᱮ ᱯᱨᱚᱱᱚᱵᱽ ᱫᱚ ᱵᱷᱟᱨᱚᱛᱤᱭᱟᱹ ᱡᱚᱡᱚᱱᱟ ᱠᱚᱢᱤᱥᱚᱱ ᱩᱯᱟᱫᱷᱚᱠᱭᱚ ᱟᱨ ᱠᱮᱵᱤᱱᱮᱴ ᱢᱚᱱᱛᱨᱤ ᱦᱚᱸᱭ ᱦᱩᱭ ᱞᱮᱱᱟ ᱾

ᱢᱚᱱᱛᱨᱤ ᱯᱚᱫᱽ ᱟᱨ ᱥᱚᱢᱢᱟᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱹᱲᱛᱤ ᱯᱚᱲᱦᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. http://www.indianexpress.com/news/pranab-mukherjee-elected-the-new-president-of-india/977854/
  2. 2.0 2.1 2.2 http://india.gov.in/govt/loksabhampbiodata.php?mpcode=4195
  3. http://www.pranabmukherjee.in/
  4. http://www.telegraphindia.com/1110112/jsp/calcutta/story_13426607.jsp