ᱱᱟᱜᱟᱨᱦᱚᱲᱮ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱱᱟᱜᱟᱨᱦᱚᱲᱮ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ
Skyline of {{{official_name}}}
Country  India
State Karnataka
District Kodagu
Established 1988
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ

ᱱᱟᱜᱟᱨᱦᱚᱲᱮ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱵᱟᱝᱢᱟ ᱨᱟᱡᱤᱵᱽᱜᱟᱺᱫᱷᱤ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱥᱤᱧᱚᱛ ᱫᱤᱥᱚᱢ ᱠᱚᱨᱱᱟᱴᱚᱠ ᱯᱚᱱᱚᱛ ᱨᱮᱱᱟᱜ ᱠᱚᱰᱟᱜᱩ ᱦᱚᱱᱚᱛ ᱟᱨ ᱢᱚᱦᱤᱥᱩᱨ ᱦᱚᱱᱚᱛ ᱨᱮ ᱢᱮᱱᱟᱜᱼᱟ ᱾[᱑] ᱱᱚᱶᱟ ᱫᱚ ᱥᱤᱧᱚᱛ ᱨᱮᱱᱟᱜ ᱢᱟᱨᱟᱝ ᱪᱮᱴᱨᱟ ᱨᱟᱠᱷᱟᱵᱤᱨ ᱢᱩᱸᱫᱽ ᱠᱷᱚᱱ ᱢᱤᱫ ᱵᱟᱜᱟᱱ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱟᱜᱟᱨᱦᱚᱲᱮ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱵᱷᱤᱲᱟᱹᱣ ᱨᱮ ᱜᱮ ᱵᱟᱱᱫᱤᱯᱩᱨ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱢᱮᱱᱟᱜᱼᱟ ᱾

᱑᱙᱙᱙ ᱨᱮ ᱱᱟᱜᱟᱨᱦᱚᱲᱮ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱓᱗ ᱟᱱᱟᱜ ᱪᱮᱴᱨᱟ ᱨᱟᱠᱷᱟᱵᱤᱨ ᱨᱮᱱᱟᱜ ᱢᱟᱹᱱ ᱮ ᱧᱟᱢ ᱠᱮᱫᱼᱟ ᱾ ᱱᱚᱶᱟ ᱨᱟᱠᱷᱟᱵᱤᱨ ᱫᱚ ᱱᱤᱞᱜᱤᱨᱤ ᱡᱤᱣᱤᱜᱩᱞᱟᱹᱴᱚᱢ (Nilgiri Biosphere Reserve) ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾ ᱖᱐᱐᱐ ᱜᱟᱺᱴ ᱠᱤᱞᱚᱢᱤᱴᱚᱨ ᱮᱨᱤᱭᱟ ᱛᱮ ᱟᱴᱮᱫ ᱟᱠᱟᱱ ᱯᱚᱥᱪᱤᱢᱜᱷᱟᱴ ᱵᱩᱨᱩᱢᱟᱞᱟ ᱨᱮᱱᱟᱜ ᱱᱤᱞᱜᱤᱨᱤ ᱪᱟᱸᱜᱟ ᱟᱨ ᱱᱟᱜᱟᱨᱦᱚᱲᱮ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ UNESCO ᱢᱤᱫ ᱡᱮᱜᱮᱛ ᱦᱮᱨᱤᱴᱟᱡᱽ ᱴᱷᱟᱶ ᱞᱮᱠᱟᱛᱮ ᱢᱟᱱᱚᱛ ᱞᱟᱹᱜᱤᱫ ᱮ ᱵᱤᱪᱟᱹᱨᱮᱫ ᱛᱟᱦᱮᱸᱫ ᱾[᱒]

ᱱᱚᱶᱟ ᱡᱟᱹᱛᱤᱟᱹᱨᱤ ᱵᱟᱜᱟᱱ ᱫᱚ ᱜᱟᱡᱟᱲ ᱵᱤᱨ ᱫᱟᱨᱮ ᱱᱟᱹᱬᱤ, ᱦᱩᱰᱤᱧ ᱢᱟᱨᱟᱝ ᱜᱟᱰᱟ ᱡᱷᱟᱨᱱᱟ, ᱵᱩᱨᱩ, ᱢᱟᱸᱡᱲᱟ ᱟᱨ ᱡᱷᱚᱨᱚᱱ ᱮᱢᱟᱱ ᱛᱮ ᱥᱟᱡᱟᱣ ᱟᱠᱟᱱ ᱾ ᱪᱮᱴᱨᱟ, ᱵᱤᱨ ᱠᱟᱰᱟ, ᱦᱟᱹᱛᱤ ᱮᱢᱟᱱ ᱠᱚᱣᱟᱜ ᱵᱟᱥᱟ ᱛᱷᱟᱱ ᱠᱟᱱᱟ ᱾


ᱚᱛᱱᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱟᱜᱟᱨᱦᱚᱲᱮ ᱮᱞᱟᱠᱟ ᱨᱮᱵᱟᱜ ᱱᱚᱠᱥᱟ
ᱯᱚᱝᱠᱩᱫᱽᱠᱚᱴᱮ ᱦᱟᱹᱛᱤ ᱵᱟᱥᱟ ᱥᱩᱨ ᱨᱮ ᱢᱤᱫ ᱟᱹᱥᱩᱞ ᱥᱮᱛᱟ

ᱵᱽᱨᱚᱢᱦᱚ ᱜᱤᱨᱤ ᱵᱩᱨᱩ ᱠᱷᱚᱱ ᱠᱚᱧᱮ ᱥᱮᱦᱮᱫ ᱠᱮᱨᱟᱞᱟ ᱦᱟᱹᱵᱤᱡ ᱢᱮᱱᱟᱜ ᱯᱚᱥᱪᱤᱢᱜᱷᱟᱴ ᱵᱩᱨᱩᱢᱟᱞᱟ ᱨᱮᱱᱟᱜ ᱵᱷᱤᱲᱟᱹᱣ ᱨᱮ ᱱᱟᱜᱟᱨᱦᱚᱲᱮ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱢᱮᱱᱟᱜᱼᱟ ᱾ ᱱᱚᱶᱟ ᱵᱟᱜᱟᱱ ᱫᱚ ᱞᱟᱴᱤᱪᱩᱰ (latitudes) 12°15'37.69"N ᱟᱨ ᱞᱚᱝᱜᱤᱪᱩᱰ (longitudes) 76°17'34.4"E ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱖᱔᱓ ᱜᱟᱺᱴ ᱠᱤᱞᱚᱢᱤᱴᱚᱨ ᱮᱨᱤᱭᱟ ᱛᱮ ᱟᱴᱮᱫ ᱟᱠᱟᱱᱟ ᱟᱨ ᱵᱟᱱᱫᱤᱯᱩᱨ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱮᱱᱟᱜ ᱮᱛᱚᱢ-ᱥᱟᱢᱟᱝ ᱥᱮᱦᱮᱫ ᱨᱮ ᱢᱮᱱᱟᱜᱼᱟ ᱾ ᱠᱚᱵᱤᱱᱤ ᱜᱟᱰᱟ ᱪᱮᱛᱟᱱ ᱨᱮ ᱢᱮᱱᱟᱜ ᱰᱮᱢ ᱫᱟᱜ ᱱᱚᱶᱟ ᱵᱟᱨᱭᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚᱭ ᱵᱟᱨ ᱦᱟᱹᱴᱤᱧ ᱟᱠᱟᱫᱼᱟ ᱾ ᱥᱟᱹᱢᱩᱫᱽᱼᱚᱛ ᱠᱷᱚᱱ ᱱᱚᱶᱟ ᱵᱟᱜᱟᱱ ᱫᱚ ᱖᱘᱗ ᱢᱤᱴᱚᱨ ᱠᱷᱚᱱ ᱙᱖᱐ ᱢᱤᱴᱚᱨ ᱩᱥᱩᱞ ᱨᱮ ᱢᱮᱱᱜᱼᱟ ᱾ ᱢᱚᱦᱤᱥᱩᱨ ᱱᱟᱜᱟᱨ ᱠᱷᱚᱱ ᱱᱚᱶᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱕᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱟᱨ ᱠᱚᱨᱱᱟᱴᱚᱠ ᱨᱮᱱᱟᱜ ᱨᱟᱡᱽᱜᱟᱲ ᱵᱮᱜᱟᱞᱩᱨᱩ ᱠᱷᱚᱱ ᱫᱚ ᱒᱒᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱱᱚᱶᱟ ᱨᱟᱠᱷᱟᱵᱤᱨ ᱢᱮᱱᱟᱜᱼᱟ ᱾[᱓]

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱮᱸᱫᱮ ᱪᱮᱴᱨᱟ
ᱪᱮᱴᱨᱟ


ᱱᱟᱜᱟᱨᱟ ᱢᱮᱱᱮᱛ ᱦᱩᱭᱩᱜ ᱟᱠᱟᱱ ᱠᱟᱹᱨᱱᱟᱹᱜᱤ ᱵᱤᱧ ᱟᱨ ᱦᱚᱲᱮ ᱢᱮᱱ ᱫᱚ ᱜᱟᱰᱟ ᱟᱨᱵᱟᱝ ᱱᱟᱞᱟ ᱾ ᱵᱤᱧ ᱞᱮᱠᱟ ᱞᱮᱧ ᱟᱠᱟᱱ ᱱᱟᱜᱟᱨᱦᱚᱲᱮ ᱧᱩᱛᱩᱢᱟᱜ ᱜᱟᱰᱟ ᱚᱱᱠᱟ ᱛᱮ ᱞᱤᱸᱡᱤᱜ ᱠᱟᱱᱛᱮ ᱱᱚᱶᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱦᱚᱸ ᱚᱱᱠᱟ ᱠᱚ ᱧᱩᱢ ᱟᱠᱟᱫᱼᱟ ᱾ ᱱᱚᱶᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱯᱟᱹᱦᱤᱞ ᱢᱚᱦᱤᱥᱩᱨ ᱯᱚᱱᱚᱛ ᱨᱮ ᱠᱚ ᱥᱟᱥᱚᱱᱮᱫ ᱣᱟᱰᱤᱣᱟᱨ ᱨᱟᱡᱽ ᱵᱚᱝᱥᱚ ᱨᱟᱡᱟ ᱠᱚᱣᱟᱜ ᱥᱮᱸᱫᱽᱨᱟ ᱴᱷᱟᱶ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱑᱙᱕᱕ ᱨᱮ ᱱᱚᱶᱟ ᱫᱚ ᱢᱤᱫ ᱨᱟᱠᱷᱟᱵᱤᱨ ᱨᱮᱱᱟᱜ ᱢᱟᱱᱚᱛ ᱮ ᱧᱟᱢ ᱠᱮᱫᱼᱟ ᱟᱨ ᱱᱚᱶᱟ ᱨᱟᱠᱷᱟ ᱵᱤᱨ ᱨᱮᱱᱟᱜ ᱮᱨᱤᱭᱟ ᱵᱟᱹᱲᱛᱤ ᱠᱟᱛᱮ ᱖᱔᱓ᱹ᱓᱙ ᱜᱟᱺᱴ ᱠᱤᱞᱚᱢᱤᱴᱚᱨ ᱚᱥᱟᱨᱵᱤᱥᱟᱹᱨ ᱠᱚ ᱵᱮᱱᱟᱣ ᱠᱟᱫᱼᱟ ᱾ ᱑᱙᱘᱘ ᱨᱮ ᱱᱚᱶᱟ ᱫᱚ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱢᱮᱱᱛᱮ ᱢᱟᱹᱱ ᱠᱚ ᱮᱢᱟᱫᱼᱟ ᱟᱨ ᱪᱮᱴᱨᱟ ᱨᱟᱠᱷᱟ ᱵᱤᱨ ᱢᱮᱱᱛᱮ ᱵᱤᱠᱱᱟᱹᱣ ᱮᱱᱟ ᱾[᱔]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Nagarhole National Park Complete Guide | Nagarhole National Park". Nagarhole National Park (in English). Retrieved 2017-09-30. 
  2. UNESCO,. World Heritage sites, Tentative lists "World Heritage sites, Tentative lists, Western Ghats sub cluster, Nilgiris" Check |url= value (help). Retrieved 20 ᱮᱯᱨᱤᱞ 2007. 
  3. HolidayIQ.com. "Bangalore to Nagarhole - distance, journey time & traveller reviews | HolidayIQ". www.holidayiq.com (in English). Retrieved 2018-02-04. 
  4. "Protected Areas in Karnataka", Protected Area Network, ENVIS, archived from the original on 9 ᱚᱠᱴᱚᱵᱚᱨ 2011, retrieved 27 ᱯᱷᱮᱵᱽᱨᱩᱣᱟᱨᱤ 2012