ᱱᱟᱨᱟᱭᱚᱱ ᱥᱚᱨᱮᱱ

ᱱᱟᱨᱟᱭᱚᱱ ᱥᱚᱨᱮᱱ (ᱛᱚᱲᱮ ᱥᱩᱛᱟᱹᱢ) ᱥᱮ ᱱᱟᱨᱟᱭᱟᱱ ᱥᱚᱨᱮᱱ ᱥᱮ ᱱᱟᱨᱟᱭᱟᱬ ᱥᱚᱨᱮᱱ ᱥᱮ ᱱᱟᱨᱟᱭᱚᱬ ᱥᱚᱨᱮᱱ ᱥᱟᱱᱛᱟᱲᱤ ᱥᱟᱶᱦᱮᱫ ᱥᱟᱹᱲᱤᱢ ᱨᱤᱱᱤᱡ ᱥᱤᱧ ᱪᱟᱸᱫᱚ ᱧᱩᱛᱩᱢᱟᱱ ᱜᱟᱹᱠᱷᱩᱲ ᱚᱱᱚᱞᱤᱭᱟᱹ ᱟᱨᱵᱟᱝ ᱥᱚᱢᱟᱡᱽ ᱥᱩᱥᱟᱹᱨᱤᱭᱟᱹ ᱢᱟᱹᱱ ᱠᱟᱱᱟᱭ ᱾ ᱟᱡᱟᱜ ᱠᱟᱹᱢᱤ ᱟᱨ ᱚᱞ ᱵᱮᱞ ᱫᱚ ᱡᱚᱛᱚ ᱠᱷᱚᱱ ᱡᱩᱫᱟᱹ ᱜᱮ ᱛᱟᱭᱟ ᱾ ᱟᱡ ᱚᱠᱚᱭ ᱠᱚ ᱠᱩᱥᱤ ᱟᱭ ᱠᱟᱱᱟ ᱥᱮ ᱵᱟᱠᱚ ᱠᱩᱥᱤ ᱟᱭ ᱠᱟᱱᱟ, ᱚᱱᱟ ᱥᱮᱫ ᱫᱚ ᱢᱚᱴᱷᱮ ᱜᱮ ᱵᱟᱭ ᱢᱮᱫ ᱞᱩᱛᱩᱨᱟᱜ ᱠᱟᱱ ᱛᱟᱦᱮᱸᱫ ᱾ ᱥᱟᱶᱦᱮᱫᱤᱭᱟᱹ ᱯᱮᱱᱥᱚᱱ ᱧᱟᱢᱤᱡ (ᱡᱤᱭᱚᱱ ᱵᱷᱩᱨ) ᱯᱟᱹᱦᱤᱞ ᱩᱛᱟᱹᱨ ᱟᱹᱫᱤᱵᱟᱹᱥᱤ ᱫᱚ ᱱᱟᱨᱟᱭᱚᱱ ᱥᱚᱨᱮᱱ ᱜᱮᱭ ᱛᱟᱦᱮᱸ ᱠᱟᱱᱟ ᱾

ᱡᱟᱱᱟᱢ

᱒᱘ ᱚᱠᱴᱳᱵᱚᱨ ᱑᱙᱒᱓ ᱥᱟᱞᱮᱨᱮ ᱩᱱ ᱚᱠᱛᱚ ᱵᱤᱦᱟᱨ ᱯᱚᱱᱚᱛ ᱨᱟᱡᱽᱢᱚᱦᱚᱞ ᱥᱟᱵᱽᱰᱤᱵᱷᱤᱥᱟᱱ, ᱥᱟᱱᱛᱟᱲ ᱯᱟᱨᱜᱟᱱᱟ ᱡᱤᱞᱟᱹ (ᱱᱟᱦᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱯᱟᱠᱩᱲ ᱦᱚᱱᱚᱛ) ᱨᱮᱭᱟᱜ ᱪᱷᱳᱴᱳ ᱟᱥᱤᱞᱟ ᱟᱹᱛᱩᱨᱮᱭ ᱡᱟᱱᱟᱢ ᱞᱮᱱᱟ ᱢᱟᱹᱱ ᱱᱟᱨᱟᱭᱚᱱ ᱥᱚᱨᱮᱱ ᱫᱚ ᱾ ᱟᱡᱤᱡ ᱡᱟᱱᱟᱢ ᱵᱟᱵᱟ ᱫᱚ ᱨᱚᱜᱷᱩᱵᱤᱨ ᱥᱚᱨᱮᱱ ᱟᱨ ᱟᱭᱳ ᱫᱚ ᱥᱤᱛᱟᱹ ᱥᱚᱨᱮᱱ (ᱦᱮᱸᱵᱽᱨᱚᱢ) ᱾ ᱡᱟᱱᱟᱢ ᱛᱟᱨᱟ ᱠᱷᱚᱱ ᱜᱮ ᱥᱤᱧᱚᱛᱤᱭᱟ ᱟᱹᱱ ᱟᱹᱨᱤᱪᱟᱹᱞᱤ ᱨᱮᱭᱟᱜ ᱦᱚᱭ ᱦᱤᱥᱤᱫ ᱮ ᱥᱟᱶᱦᱮᱫ ᱟᱠᱟᱣᱟᱱᱟ ᱾ ᱟᱡ ᱴᱷᱮᱱ ᱮᱴᱟᱜ ᱯᱟᱹᱨᱥᱤ ᱭᱟᱜ ᱫᱷᱚᱨᱚᱢ ᱯᱩᱛᱷᱤ, ᱢᱟᱦᱟ ᱠᱟᱵᱽᱭᱚ ᱠᱚ ᱨᱮᱭᱟᱜ ᱚᱨᱥᱚᱝ ᱯᱟᱲᱟᱣ ᱞᱮᱱᱛᱮ ᱟᱡᱟᱜ ᱚᱞ ᱠᱚᱨᱮ ᱫᱚ ᱚᱱᱟ ᱠᱚ ᱨᱮᱭᱟᱜ ᱡᱷᱚᱞᱚᱠ ᱧᱮᱞ ᱧᱟᱢᱚᱜᱼᱟ ᱾

ᱚᱞᱚᱜ ᱯᱟᱲᱦᱟᱣ

ᱱᱟᱨᱟᱭᱚᱱ ᱥᱚᱨᱮᱱ ᱫᱚ ᱑᱙᱔᱒ ᱥᱟᱞᱮᱨᱮ ᱢᱮᱴᱨᱤᱠ ᱮ ᱯᱟᱥ ᱞᱮᱜᱼᱟ ᱾ ᱩᱱᱤᱭᱟᱜ ᱚᱞᱚᱜ ᱡᱤᱭᱚᱱ ᱫᱚ ᱯᱟᱠᱩᱲ ᱱᱟᱜᱟᱨ ᱨᱮ ᱵᱤᱛᱟᱹᱣ ᱞᱮᱱᱟ ᱾ ᱵᱤ. ᱮ. ᱨᱮ ᱟᱡᱟᱜ ᱚᱱᱚᱨᱥ ᱫᱚ ᱤᱸᱜᱽᱞᱤᱥ ᱛᱟᱦᱮᱸ ᱠᱟᱱᱟ ᱾

ᱚᱞᱼᱵᱮᱞ

ᱱᱟᱨᱟᱭᱚᱱ ᱥᱚᱨᱮᱱ ᱫᱚ ᱛᱤᱱ ᱡᱚᱦᱚᱜ ᱠᱟᱲᱤᱫᱟᱥ ᱱᱮᱢᱚᱨᱤᱭᱟᱞ ᱩᱱᱩᱥᱩᱞ ᱟᱥᱲᱟ ᱨᱮᱭ ᱯᱟᱲᱦᱟᱣᱜ ᱠᱟᱱ ᱛᱟᱦᱮᱸᱫ ᱩᱱ ᱡᱚᱦᱚᱜ ᱛᱤᱱᱟᱹᱝ ᱜᱟᱱ ᱜᱟᱛᱮᱭ ᱧᱟᱢ ᱞᱮᱫ ᱠᱚᱣᱟ ᱾ ᱩᱱᱠᱩ ᱠᱚ ᱢᱩᱸᱫᱽᱨᱮ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱥᱩᱥᱤᱞ ᱡᱟᱨᱡᱮᱥ ᱥᱚᱨᱮᱱ (ᱯᱟᱣᱞ ᱡᱩᱡᱷᱟᱨ ᱥᱚᱨᱮᱱ ᱤᱡ ᱛᱟᱞᱟ ᱵᱚᱭᱦᱟ) ᱩᱱᱤ ᱦᱚᱸ ᱱᱚᱝᱠᱟ ᱜᱮ ᱱᱟᱯᱟᱭ ᱚᱞᱚᱜ ᱥᱮᱫ ᱜᱮᱭ ᱢᱚᱦᱰᱟ ᱞᱮᱱ ᱛᱟᱦᱮᱸᱫ ᱾ ᱩᱱ ᱠᱷᱚᱱ ᱜᱮ ᱱᱚᱝᱠᱟᱱ ᱠᱟᱛᱷᱟ ᱫᱚ ᱠᱤᱱ ᱮᱛᱚᱦᱚᱵ ᱞᱮᱜᱼᱟ ᱟᱨ ᱟᱥᱲᱟ ᱯᱟᱛᱷᱟᱢ ᱠᱚᱨᱮ ᱟᱹᱠᱤᱱᱟᱜ ᱚᱱᱚᱞ ᱠᱚ ᱪᱷᱟᱯᱟ ᱞᱟᱹᱜᱤᱫ ᱠᱤᱱ ᱮᱢ ᱞᱮᱜᱼᱟ ᱾

ᱪᱷᱟᱯᱟ ᱟᱠᱟᱱ ᱯᱩᱛᱷᱤ

1. ᱜᱤᱨᱟᱹ (ᱚᱱᱚᱬᱦᱮᱸ ᱯᱩᱛᱷᱤ) ᱑᱙᱕᱔
2. ᱟᱥᱟᱲ ᱵᱤᱱᱛᱤ (ᱚᱱᱚᱬᱦᱮ ᱯᱩᱛᱷᱤ) ᱑᱙᱗᱗
3. ᱠᱤᱨᱛᱟᱱ ᱠᱟᱞᱤ (ᱚᱱᱚᱬᱦᱮ ᱯᱩᱛᱷᱤ) ᱑᱙᱘᱑
4. ᱢᱟᱭᱟᱡᱟᱞ (ᱥᱟᱥᱟᱯᱲᱟᱣ ᱠᱟᱹᱦᱱᱤ ᱯᱩᱛᱷᱤ)
5. ᱰᱟᱦᱟᱨ ᱫᱷᱩᱲᱤ (ᱠᱟᱹᱦᱱᱤ ᱯᱩᱛᱷᱤ)
6. ᱪᱩᱨᱩᱡ ᱪᱟᱣᱞᱮ (ᱠᱟᱹᱦᱱᱤ ᱯᱩᱛᱷᱤ)
7. ᱵᱤᱱ ᱥᱟᱨ ᱢᱟᱭᱟᱢ (ᱜᱟᱭᱟᱱ ᱯᱩᱛᱷᱤ)
8. ᱪᱟᱢᱯᱟ ᱵᱟᱦᱟ (ᱜᱟᱭᱟᱱ ᱯᱩᱛᱷᱤ)
9. ᱢᱟᱴᱷᱟ ᱥᱩᱲᱟ (ᱜᱟᱢ ᱠᱟᱹᱦᱱᱤ ᱯᱩᱛᱷᱤ)
10. ᱦᱟᱯᱲᱟᱢ ᱠᱟᱛᱷᱟ ᱮᱢᱟᱱ ᱾

ᱯᱟᱛᱷᱟᱢ

ᱱᱟᱨᱟᱭᱚᱱ ᱥᱚᱨᱮᱱ ᱛᱚᱲᱮ ᱥᱩᱛᱟᱹᱢ ᱫᱚ ᱢᱳᱞᱳᱜ ᱧᱩᱛᱩᱢᱟᱱ ᱢᱤᱫ ᱥᱟᱶᱦᱮᱫ ᱯᱟᱛᱷᱟᱢ ᱥᱟᱱᱛᱟᱞ ᱯᱟᱨᱜᱟᱱᱟ ᱨᱮᱭᱟᱜ ᱡᱟᱢᱵᱟᱫᱽ, ᱟᱥᱤᱞᱟ ᱠᱷᱚᱱ ᱮ ᱥᱟᱥᱟᱯᱲᱟᱣᱮᱫ ᱛᱟᱦᱮᱱᱟ᱾

ᱥᱟᱹᱠᱷᱭᱟᱹᱛ

http://www.allindiaaseca.org/books/narayan-soren.html