ᱱᱤᱛᱭᱟᱱᱚᱱᱫᱚ ᱦᱮᱢᱵᱨᱚᱢ
| ᱱᱤᱛᱭᱟᱱᱚᱱᱫᱚ ᱦᱮᱢᱵᱨᱚᱢ Nityananda Hembram | |
|---|---|
 ᱑᱑ ᱟᱱᱟᱜ ᱯᱷᱟᱹᱜᱩᱱ ᱵᱩᱱᱤᱭᱟᱹᱫᱽ ᱢᱟᱦᱟᱸ ᱨᱮ ᱢᱟᱹᱱ ᱮ ᱟᱛᱟᱝ ᱮᱫᱟ ᱱᱤᱛᱭᱟᱱᱚᱱᱫᱚ ᱦᱮᱢᱵᱨᱚᱢ | |
| ᱢᱩᱬ ᱧᱩᱛᱩᱢ | ᱱᱤᱛᱭᱟᱱᱚᱱᱫᱚ ᱦᱮᱢᱵᱨᱚᱢ |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑ ᱡᱟᱱᱩᱣᱟᱨᱤ ᱑᱙᱓᱕ ᱥᱤᱞᱫᱟᱹ ᱥᱩᱨ ᱥᱭᱟᱢᱯᱩᱨ ᱟᱹᱛᱩ, ᱯᱟᱪᱮ ᱢᱮᱫᱤᱱᱤᱯᱩᱨ ᱦᱚᱱᱚᱛ ᱱᱤᱛ (ᱡᱷᱟᱲᱜᱨᱟᱢ ᱦᱚᱱᱚᱛ), ᱯᱚᱪᱷᱤᱢ ᱵᱟᱝᱞᱟ |
| ᱜᱩᱨ | ᱑᱑ ᱡᱩᱞᱟᱭ ᱒᱐᱒᱓ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱥᱮᱪᱮᱫ | ᱤᱱᱰᱤᱭᱟᱱ ᱤᱱᱥᱴᱤᱴᱤᱭᱩᱰ ᱚᱯᱷ ᱴᱮᱠᱱᱚᱞᱚᱡᱤ ᱠᱷᱚᱲᱚᱜᱽᱯᱩᱨ, ᱠᱮᱞᱤᱯᱷᱳᱨᱱᱤᱭᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ (ᱟᱢᱮᱨᱤᱠᱟ) |
| ᱠᱟᱹᱢᱤ | ᱟᱨᱠᱤᱴᱮᱠᱪᱟᱨ, ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ᱟᱨ ᱚᱱᱚᱞᱤᱭᱟᱹ |
| ᱮᱢᱤᱡ | ᱢᱩᱬᱩᱛ ᱟᱨᱠᱤᱴᱮᱠᱪᱟᱨ, ᱵᱷᱟᱨᱚᱛ ᱥᱚᱨᱠᱟᱨ |
| ᱜᱟᱶᱛᱟ | ᱵᱷᱟᱨᱚᱛ ᱡᱟᱠᱟᱛ ᱢᱟᱹᱡᱷᱤ ᱯᱟᱨᱜᱟᱱᱟ ᱢᱚᱦᱚᱞ |
| ᱧᱩᱢᱱᱟᱢ | ᱫᱤᱥᱚᱢ ᱯᱟᱨᱜᱟᱱᱟ |
| ᱦᱚᱯᱚᱱ | ᱥᱚᱱᱛᱳᱥ ᱠᱩᱢᱟᱨ ᱦᱮᱢᱵᱨᱚᱢ (ᱠᱚᱲᱟ) |
| ᱟᱯᱟᱛ ᱮᱸᱜᱟᱛ |
|
| ᱥᱤᱨᱯᱷᱟᱹ | ᱨᱟᱢᱫᱟᱥ ᱴᱩᱰᱩ ᱨᱮᱥᱠᱟ ᱥᱤᱨᱯᱷᱟᱹ, ᱒᱐᱑᱒ |
| ᱣᱮᱵᱽᱥᱟᱭᱤᱴ | https://www.bjmpm.com/ |
ᱱᱤᱛᱭᱟᱱᱚᱱᱫᱚ ᱦᱮᱢᱵᱨᱚᱢ ᱫᱚ ᱥᱟᱱᱛᱟᱲ ᱠᱚᱨᱮᱱ ᱟᱹᱭᱩᱨᱤᱭᱟᱹ ᱟᱨ ᱵᱷᱟᱨᱚᱛ ᱡᱟᱠᱟᱛ ᱢᱟᱹᱡᱷᱤ ᱯᱟᱨᱜᱟᱱᱟ ᱢᱚᱦᱚᱞ ᱨᱮᱱ ᱫᱤᱥᱚᱢ ᱯᱟᱨᱜᱟᱱᱟ ᱮ ᱛᱟᱦᱮᱸ ᱠᱟᱱᱟ᱾ ᱱᱩᱭ ᱜᱮ ᱯᱩᱭᱞᱩ ᱵᱤᱫᱮᱥ ᱯᱷᱮᱨᱚᱛ ᱥᱟᱱᱛᱟᱲ ᱞᱮᱠᱛᱮᱭ ᱩᱨᱩᱢᱚᱜᱼᱟ᱾
ᱮᱛᱚᱦᱚᱵ ᱟᱨ ᱟᱯᱱᱟᱨᱟᱜ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱤᱛᱭᱟᱱᱚᱱᱫᱚ ᱦᱮᱢᱵᱨᱚᱢ ᱫᱚ ᱑ ᱡᱟᱱᱩᱣᱟᱨᱤ ᱑᱙᱓᱕ ᱥᱮᱨᱢᱟ ᱨᱮ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱩᱱᱚᱠᱛᱚ ᱯᱟᱪᱮ ᱢᱮᱫᱤᱱᱤᱯᱩᱨ ᱦᱚᱱᱚᱛ ᱱᱤᱛ (ᱡᱷᱟᱲᱜᱨᱟᱢ ᱦᱚᱱᱚᱛ) ᱨᱮᱭᱟᱜ ᱥᱤᱞᱫᱟᱹ ᱥᱩᱨ ᱥᱭᱟᱢᱯᱩᱨ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱯᱟᱛ ᱧᱩᱛᱩᱢ ᱫᱚ ᱠᱟᱞᱤᱨᱟᱢ ᱦᱮᱢᱵᱽᱨᱚᱢ ᱟᱨ ᱟᱭᱳ ᱫᱚ ᱥᱩᱨᱯᱟ ᱦᱮᱢᱵᱽᱨᱚᱢ᱾[᱑] ᱟᱡ ᱨᱮᱱ ᱠᱚᱲᱟ ᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ ᱥᱚᱱᱛᱳᱥ ᱠᱩᱢᱟᱨ ᱦᱮᱢᱵᱽᱨᱚᱢ᱾
ᱚᱞᱚᱜ ᱯᱟᱲᱦᱟᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱖᱐ ᱥᱮᱨᱢᱟ ᱨᱮ ᱤᱱᱰᱤᱭᱟᱱ ᱤᱱᱥᱴᱤᱴᱤᱭᱩᱰ ᱚᱯᱷ ᱴᱮᱠᱱᱚᱞᱚᱡᱤ ᱠᱷᱚᱲᱚᱜᱽᱯᱩᱨ ᱠᱷᱚᱱ ᱟᱨᱠᱤᱴᱮᱠᱪᱟᱨ ᱨᱮ ᱢᱟᱹᱱᱟᱱ (ᱚᱱᱟᱨᱥ) ᱮ ᱯᱟᱲᱦᱟᱣ ᱞᱮᱫᱟ᱾ ᱠᱮᱞᱤᱯᱷᱳᱨᱱᱤᱭᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱵᱤ.ᱮᱥᱥᱤ ᱟᱨ ᱟᱨᱠᱤᱴᱮᱠᱪᱟᱨ ᱨᱮ ᱢᱟᱥᱴᱟᱨᱥ ᱮ ᱠᱚᱨᱟᱣ ᱞᱮᱫᱟ᱾ ᱦᱮᱢᱵᱨᱚᱢ ᱜᱚᱢᱠᱮ ᱫᱚ ᱥᱤᱧᱚᱛ ᱨᱮᱭᱟᱜ ᱟᱨᱠᱤᱴᱮᱠᱪᱟᱨ ᱢᱟᱱᱰᱣᱟ ᱨᱮᱱ ᱥᱚᱦᱮᱫ ᱦᱚᱸᱭ ᱛᱟᱦᱮᱸ ᱠᱟᱱᱟ᱾
ᱠᱟᱹᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱚᱞᱚᱜ ᱯᱟᱲᱦᱟᱜ ᱯᱩᱨᱟᱹᱣ ᱛᱟᱭᱚᱢ ᱩᱱᱤ ᱫᱚ ᱵᱷᱟᱨᱚᱛ ᱥᱚᱨᱠᱟᱨᱟᱜ ᱴᱷᱮᱱ ᱟᱨᱠᱤᱴᱮᱠᱪᱟᱨ ᱞᱮᱠᱟᱛᱮ ᱠᱟᱹᱢᱤ ᱮ ᱮᱦᱚᱵ ᱠᱮᱫᱟ᱾ ᱵᱷᱟᱨᱚᱛ ᱥᱚᱨᱠᱟᱨᱟᱜ ᱫᱩᱜᱼᱫᱟᱨᱟᱢ ᱢᱚᱱᱛᱨᱤ ᱢᱟᱰᱮᱨ ᱟᱜ ᱛᱟᱹᱨᱤ ᱨᱮ ᱩᱱᱤ ᱫᱚ ᱡᱟᱹᱥᱛᱤ ᱠᱟᱭᱛᱮ ᱟᱱᱫᱟᱢᱟᱱ ᱨᱮᱭᱟᱜ ᱥᱚᱦᱚᱨ ᱠᱚᱨᱮᱭ ᱠᱟᱹᱢᱤ ᱟᱠᱟᱫᱟ᱾ ᱑᱙᱙᱒ ᱨᱮ ᱩᱱᱤ ᱫᱚ ᱢᱩᱬᱩᱛ ᱟᱨᱠᱤᱴᱮᱠᱪᱟᱨ ᱞᱮᱠᱟᱛᱮ ᱠᱟᱹᱢᱤ ᱠᱷᱚᱱ ᱡᱤᱨᱟᱹᱣ ᱮ ᱦᱟᱛᱟᱣ ᱠᱮᱫᱟ᱾
ᱚᱱᱚᱞᱤᱭᱟᱹ ᱞᱮᱠᱟᱛᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱤᱛᱭᱟᱱᱚᱱᱫᱚ ᱦᱮᱢᱵᱨᱚᱢ ᱫᱚ ᱥᱟᱱᱛᱟᱲᱤ, ᱵᱟᱝᱞᱟ ᱟᱨ ᱤᱝᱞᱤᱥ ᱯᱮᱭᱟ ᱯᱟᱹᱨᱥᱤ ᱛᱮ ᱥᱟᱱᱛᱟᱲ ᱟᱨ ᱥᱟᱱᱛᱟᱲ ᱥᱟᱶ ᱡᱚᱯᱲᱟᱣ ᱱᱟᱱᱟᱼᱦᱩᱱᱟᱹᱨ ᱯᱩᱛᱷᱤ ᱮ ᱚᱞ ᱟᱠᱟᱫᱟ᱾ ᱯᱩᱛᱷᱤ ᱠᱚᱫᱚ ᱦᱩᱭᱩᱜ ᱠᱟᱱᱟᱺ[᱒]
- Austric Civilisation of India (ᱯᱩᱭᱞᱩ ᱨᱟᱫᱟ ᱑᱙᱘᱒, ᱫᱚᱥᱟᱨ ᱨᱟᱫᱟ ᱒᱐᱐᱕ ᱟᱨ ᱛᱮᱥᱟᱨ ᱨᱟᱫᱟ ᱒᱐᱑᱔)
- ᱢᱟᱹᱡᱷᱤ ᱠᱚᱣᱟᱜ ᱠᱟᱹᱢᱤᱦᱚᱨᱟ (ᱯᱩᱭᱞᱩ ᱨᱟᱫᱟ ᱒᱐᱐᱒, ᱫᱚᱥᱟᱨ ᱨᱟᱫᱟ ᱒᱐᱐᱕)
- ᱡᱩᱣᱟᱹᱱ ᱠᱚᱣᱟᱜ ᱠᱟᱹᱢᱤᱦᱚᱨᱟ (ᱢᱟᱨᱪ ᱒᱐᱑᱒)
- ᱠᱷᱮᱨᱣᱟᱞ ᱟᱹᱨᱤ ᱪᱟᱹᱞᱤ ᱨᱮᱭᱟᱜ ᱛᱮᱛᱮᱫ (ᱯᱩᱭᱞᱩ ᱨᱟᱫᱟ ᱒᱐᱐᱒ ᱟᱨ ᱫᱚᱥᱟᱨ ᱨᱟᱫᱟ ᱒᱐᱑᱒)
- ᱱᱟᱦᱟᱜ ᱱᱟᱝ ᱨᱮ ᱠᱷᱮᱨᱣᱟᱞ ᱥᱟᱶᱛᱟ (᱒᱐᱑᱒)
- Ancient History of India it's origin & Development (2012)
- Present Adivasi Problems to their moral and Social Subjgation (ᱥᱟᱱᱛᱟᱲ ᱛᱮ, ᱒᱐᱑᱔)
- A Relegion with particulars Emphasis on protection of nature Based on Karam Binti (᱒᱐᱑᱕)
- ᱥᱮᱫᱟᱭ ᱠᱟᱹᱦᱱᱤ (᱒᱐᱑᱔)
- ᱢᱟᱨᱮᱜ ᱟᱨ ᱱᱟᱦᱟᱜ ᱠᱟᱹᱦᱱᱤ (᱒᱐᱑᱖)
- ᱥᱚᱛᱷᱟᱱᱱᱮᱥᱤ (ᱵᱟᱝᱞᱟ ᱛᱮ, ᱒᱐᱑᱔)
- ᱟᱛᱛᱚᱥᱩᱫᱷᱤ (ᱵᱟᱝᱞᱟ ᱛᱮ, ᱒᱐᱑᱕)
- ᱠᱷᱮᱨᱣᱟᱞ ᱠᱚᱣᱟᱜ ᱡᱩᱢᱤᱫᱚᱜ ᱦᱚᱨᱟ (ᱥᱟᱱᱛᱟᱲᱤ ᱟᱨ ᱤᱝᱞᱤᱥ ᱛᱮ, ᱒᱐᱑᱕)
- ᱠᱷᱚᱸᱲ the Zero-spiritual Philosophy of Adivasi and comment on Vedanta on the basis of Barma (ᱤᱝᱞᱤᱥ ᱛᱮ, ᱒᱐᱑᱘)
ᱜᱟᱶᱛᱟ ᱟᱨ ᱥᱮᱢᱞᱮᱫ ᱥᱟᱶ ᱡᱚᱯᱲᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱤᱛᱭᱟᱱᱚᱱᱫᱚ ᱦᱮᱢᱵᱨᱚᱢ ᱫᱚ ᱑᱙᱗᱔ ᱠᱷᱚᱱ ᱑᱙᱙᱒ ᱫᱷᱟᱹᱵᱤᱡ ᱟᱹᱫᱤᱵᱟᱹᱥᱤ ᱥᱟᱶᱛᱟ ᱥᱮᱪᱮᱫ ᱞᱟᱠᱪᱟᱨ ᱥᱮᱢᱞᱮᱫ (ᱟᱥᱮᱠᱟ), ᱯᱚᱯᱷᱤᱢ ᱵᱟᱝᱞᱟ ᱨᱮᱱ ᱢᱤᱫ ᱥᱚᱦᱮᱫ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱟ ᱟᱨ ᱒᱐᱐᱓ ᱫᱷᱟᱹᱵᱤᱡ ᱵᱷᱟᱥᱟ ᱢᱳᱨᱪᱟ ᱨᱮ ᱦᱚᱸᱭ ᱛᱟᱦᱮᱸ ᱠᱟᱱᱟ᱾
᱑᱙᱙᱒ ᱨᱮ ᱵᱷᱟᱨᱚᱛ ᱡᱟᱠᱟᱛ ᱢᱟᱹᱡᱷᱤ ᱢᱟᱱᱰᱣᱟ ᱨᱮᱱ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ ᱟᱨ ᱑᱙᱙᱖ ᱨᱮ ᱫᱤᱥᱚᱢ ᱢᱟᱹᱡᱷᱤ ᱞᱮᱠᱟᱛᱮᱭ ᱵᱟᱪᱷᱟᱣ ᱞᱮᱱᱟ ᱟᱨ ᱒᱐᱑᱓ ᱫᱷᱟᱹᱵᱤᱡ ᱵᱷᱟᱨᱚᱛ ᱡᱟᱠᱟᱛ ᱢᱟᱹᱡᱷᱤ ᱯᱟᱨᱜᱟᱱᱟ ᱢᱚᱦᱚᱞ ᱥᱟᱶ ᱥᱮᱞᱮᱫᱚᱜ ᱢᱟᱲᱟᱝ ᱦᱟᱹᱵᱤᱡ ᱚᱱᱟ ᱦᱩᱫᱟᱹ ᱨᱮᱜᱮᱭ ᱛᱟᱦᱮᱸ ᱠᱟᱱᱟ, ᱰᱤᱥᱮᱢᱵᱚᱨ ᱒᱐᱑᱓ ᱨᱮ ᱵᱷᱟᱨᱚᱛ ᱡᱟᱠᱟᱛ ᱢᱟᱹᱡᱷᱤ ᱯᱟᱨᱜᱟᱱᱟ ᱢᱚᱦᱚᱞ ᱨᱮᱱ ᱫᱤᱥᱚᱢ ᱯᱟᱨᱜᱟᱱᱟ ᱞᱮᱠᱟᱛᱮᱭ ᱵᱟᱪᱷᱟᱣ ᱞᱮᱱᱟ᱾
ᱥᱤᱨᱯᱷᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ᱟᱨ ᱟᱹᱫᱤᱵᱟᱹᱥᱤ ᱥᱟᱱᱛᱟᱲ ᱠᱚᱣᱟᱜ ᱠᱟᱛᱷᱟ ᱟᱡᱟᱜ ᱯᱩᱛᱷᱤ ᱛᱟᱞᱟᱛᱮ ᱥᱟᱵ ᱨᱟᱠᱟᱵᱽ ᱞᱟᱹᱜᱤᱫ ᱩᱱᱤ ᱫᱚ ᱟᱹᱰᱤ ᱜᱟᱱ ᱥᱤᱨᱯᱷᱟᱹ ᱟᱨ ᱢᱟᱹᱱ ᱠᱚ ᱪᱟᱞ ᱟᱠᱟᱫᱮᱭᱟ᱾
- ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ, ᱯᱚᱪᱷᱤᱢ ᱵᱟᱝᱞᱟ ᱯᱟᱦᱴᱟ ᱠᱷᱚᱱ ᱒᱐᱑᱒ ᱥᱮᱨᱢᱟ ᱨᱮ ᱨᱟᱢᱫᱟᱥ ᱴᱩᱰᱩ ᱨᱮᱥᱠᱟ ᱥᱤᱨᱯᱷᱟᱹ
- ᱯᱚᱪᱷᱤᱢ ᱵᱟᱝᱞᱟ ᱥᱟᱱᱛᱟᱲᱤ ᱢᱟᱪᱮᱫ ᱜᱟᱶᱛᱟ ᱯᱟᱦᱴᱟ ᱥᱮᱫ ᱠᱷᱚᱱ ᱒᱐᱑᱔ ᱥᱮᱨᱢᱟ ᱨᱮ ᱡᱤᱭᱚᱱ ᱵᱷᱩᱨ ᱢᱟᱹᱱ᱾[᱓]
ᱵᱚᱸᱜᱟ ᱛᱟᱞᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱱᱛᱟᱲ ᱥᱟᱶᱛᱟ ᱨᱮᱱ ᱡᱩᱭᱩᱜ ᱤᱯᱤᱞ ᱢᱟᱱᱚᱛᱟᱱ ᱱᱤᱛᱭᱟᱱᱚᱱᱫᱚ ᱦᱮᱢᱵᱨᱚᱢ ᱫᱚ ᱑᱑ ᱡᱩᱞᱟᱭ ᱒᱐᱒᱓ ᱥᱮᱨᱢᱟ ᱨᱮᱭ ᱵᱚᱸᱜᱟ ᱛᱟᱞᱟᱭᱮᱱᱟ᱾ ᱟᱡᱟᱜ ᱜᱩᱨ ᱢᱟᱦᱟᱸ ᱨᱮ ᱯᱚᱪᱷᱤᱢ ᱵᱟᱝᱞᱟ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱢᱚᱢᱚᱛᱟ ᱵᱟᱱᱟᱨᱡᱤ ᱫᱩᱠᱷ ᱮ ᱥᱚᱫᱚᱨ ᱟᱠᱟᱫᱟ᱾[᱔]
ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱵᱷᱟᱨᱚᱛ ᱡᱟᱠᱟᱛ ᱢᱟᱹᱡᱷᱤ ᱯᱟᱨᱜᱟᱱᱟ ᱢᱚᱦᱚᱞ ᱣᱮᱵᱽᱥᱟᱭᱤᱴ ᱨᱮ ᱱᱤᱛᱭᱟᱱᱚᱱᱫᱚ ᱦᱮᱢᱵᱨᱚᱢ ᱵᱟᱵᱚᱛ Archived ᱒᱐᱒᱓-᱑᱐-᱓᱑ at the Wayback Machine.
ᱥᱟᱹᱠᱷᱟᱹᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ Foundation special issue (April 2018). "Mr. NITYANANDA HEMBRAM, DISOM PARGANA". ᱯᱷᱟᱹᱜᱩᱱ.
{{cite news}}:|access-date=requires|url=(help) - ↑ Foundation special issue (April 2018). "Mr. NITYANANDA HEMBRAM, DISOM PARGANA". ᱯᱷᱟᱹᱜᱩᱱ.
{{cite news}}:|access-date=requires|url=(help) - ↑ Foundation special issue (April 2018). "Mr. NITYANANDA HEMBRAM, DISOM PARGANA". ᱯᱷᱟᱹᱜᱩᱱ.
{{cite news}}:|access-date=requires|url=(help) - ↑ "Mamata mourns demise of adivasi leader disham pargana nityananda hembram". United News of India. UNI. Retrieved 12 July 2023.