ᱵᱷᱟᱨᱚᱛ ᱡᱟᱠᱟᱛ ᱢᱟᱹᱡᱷᱤ ᱯᱟᱨᱜᱟᱱᱟ ᱢᱚᱦᱚᱞ
ᱵᱷᱟᱨᱚᱛ ᱡᱟᱠᱟᱛ ᱢᱟᱹᱡᱷᱤ ᱯᱟᱨᱜᱟᱱᱟ ᱢᱚᱦᱚᱞ | |
| ᱠᱷᱟᱴᱚ ᱛᱮ | ᱵᱷᱟ.ᱡᱟ.ᱢᱟ.ᱯᱟ.ᱢᱚ |
|---|---|
| ᱚᱠᱟᱞᱮᱠᱟᱱ | ᱟᱹᱨᱤᱪᱟᱞᱤ ᱥᱟᱶᱛᱟᱠᱤᱭᱟᱹ ᱜᱟᱶᱛᱟ |
| ᱨᱮᱜᱤᱥᱴᱨᱮᱥᱚᱱ ᱱᱟᱢᱵᱟᱨ | S0022799 of 2021-22 |
| ᱦᱮᱰᱠᱳᱣᱟᱨᱴᱟᱨᱥ | ᱜᱷᱟᱴᱥᱤᱞᱟᱹ, ᱥᱟᱢᱟᱝ ᱥᱤᱝᱵᱷᱩᱢ ᱦᱚᱱᱚᱛ, ᱡᱷᱟᱨᱠᱷᱚᱸᱰ, ᱘᱓᱒᱓᱐᱓,  ᱥᱤᱧᱚᱛ |
| ᱥᱮᱵᱟ | ᱥᱟᱶᱛᱟ ᱥᱮᱪᱮᱫ ᱩᱛᱱᱟᱹᱣ, ᱥᱟᱶᱛᱟ ᱧᱮᱛᱮᱞ ᱩᱛᱱᱟᱹᱣ, ᱥᱟᱶᱛᱟ ᱠᱟᱹᱣᱰᱤᱭᱟᱹᱨᱤ ᱩᱛᱱᱟᱹᱣ |
ᱚᱯᱷᱤᱥᱤᱭᱟᱞ ᱯᱟᱹᱨᱥᱤ | ᱥᱟᱱᱛᱟᱲᱤ |
ᱫᱤᱥᱚᱢ ᱡᱚᱜᱽ ᱯᱟᱨᱜᱟᱱᱟ, ᱥᱤᱧᱚᱛ | ᱵᱟᱹᱭᱡᱩ ᱢᱩᱨᱢᱩ |
ᱫᱤᱥᱚᱢ ᱜᱚᱰᱮᱛ, ᱥᱤᱧᱚᱛ | ᱛᱚᱥᱤᱞᱫᱟᱨ ᱦᱮᱢᱵᱽᱨᱚᱢ |
| ᱣᱮᱵᱽᱥᱟᱭᱤᱴ | bjmpm |
ᱵᱷᱟᱨᱚᱛ ᱫᱤᱥᱚᱢ ᱨᱮᱱ ᱡᱚᱛᱚ ᱢᱟᱹᱡᱷᱤ, ᱡᱚᱛᱚ ᱯᱟᱨᱜᱟᱱᱟ, ᱡᱚᱛᱚ ᱱᱟᱭᱠᱮ, ᱡᱚᱛᱚ ᱜᱚᱰᱮᱛ ᱢᱤᱫᱴᱟᱝ ᱪᱟᱛᱚᱢ ᱞᱟᱛᱟᱨ ᱛᱮ ᱟᱹᱜᱩ ᱠᱚ ᱫᱤᱥᱟᱹ ᱫᱚᱦᱚ ᱠᱟᱛᱮ ᱵᱷᱟᱨᱚᱛ ᱡᱟᱠᱟᱛ ᱢᱟᱹᱡᱷᱤ ᱯᱟᱨᱜᱟᱱᱟ ᱢᱚᱦᱚᱞ ᱫᱚ ᱵᱮᱨᱮᱫ ᱟᱠᱟᱱᱟ ᱾ ᱱᱚᱶᱟᱫᱚ ᱗/᱘ ᱰᱤᱥᱮᱢᱵᱚᱨ ᱪᱟᱸᱫᱚ ᱒᱐᱑᱓ ᱥᱮᱥᱟᱭ ᱨᱮ ᱵᱮᱨᱮᱫ ᱟᱠᱟᱱᱟ ᱾ ᱱᱚᱶᱟ ᱜᱟᱶᱛᱟ ᱥᱟᱶᱛᱟ ᱨᱮᱭᱟᱜ ᱟᱹᱰᱤ ᱜᱟᱱ ᱵᱩᱜᱤ ᱵᱟᱹᱲᱤᱡ ᱠᱟᱹᱢᱤ ᱠᱚᱭ ᱧᱮᱞ ᱥᱚᱡᱷᱮᱭᱮᱜ-ᱟ ᱟᱨ ᱥᱚᱨᱠᱟᱨ ᱪᱮᱫ ᱞᱮᱠᱟᱛᱮ ᱢᱟᱹᱡᱷᱤ ᱯᱟᱨᱜᱟᱱᱟ ᱵᱮᱵᱚᱥᱛᱷᱟ ᱥᱤᱠᱨᱩᱛᱤ ᱮᱢᱟᱜ ᱟᱭ ᱚᱱᱟ ᱨᱮᱦᱚᱸ ᱱᱚᱶᱟ ᱜᱟᱶᱛᱟ ᱪᱷᱩᱴᱟᱹᱣ ᱢᱮᱱᱟᱭ ᱾ ᱦᱟᱹᱞᱤ ᱜᱮ ᱱᱚᱶᱟ ᱜᱟᱶᱛᱟ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮ ᱠᱮ ᱡᱤ ᱠᱷᱚᱱ ᱯᱤ ᱡᱤ ᱥᱟᱱᱛᱟᱲᱤ ᱛᱮ ᱚᱞᱚᱜ ᱪᱟᱹᱞᱩᱜ ᱢᱟ ᱫᱟᱹᱵᱤ ᱠᱟᱛᱮ ᱨᱮᱞ ᱟᱨ ᱥᱚᱲᱚᱠ ᱠᱚ ᱡᱟᱢ ᱞᱮᱜ-ᱟ ᱾ ᱢᱟᱺᱱ ᱱᱤᱛᱭᱟᱱᱚᱱᱫᱚ ᱦᱮᱢᱵᱨᱚᱢ ᱫᱚ ᱫᱤᱥᱚᱢ ᱯᱟᱨᱜᱟᱱᱟ ᱢᱮᱱᱛᱮ ᱱᱚᱶᱟ ᱜᱟᱶᱛᱟᱭ ᱪᱷᱟᱹᱴᱭᱟᱹᱨ ᱟᱠᱟᱫᱮᱭᱟ ᱟᱨ ᱜᱚᱴᱟ ᱫᱤᱥᱚᱢ ᱦᱚᱲ ᱦᱚᱸ ᱩᱱᱤ ᱫᱤᱥᱚᱢ ᱯᱟᱨᱜᱟᱱᱟ ᱢᱮᱱᱛᱮ ᱠᱚ ᱢᱟᱱᱟᱣ ᱮ ᱠᱟᱱᱟ ᱾[᱑]
ᱥᱮᱞᱮᱫ ᱴᱚᱴᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱟᱨᱚᱛ ᱡᱟᱠᱟᱛ ᱢᱚᱡᱷᱤ ᱯᱟᱨᱜᱟᱱᱟ ᱢᱚᱦᱚᱞ ᱫᱚ ᱵᱤᱦᱟᱨ, ᱳᱰᱤᱥᱟ, ᱡᱷᱟᱨᱠᱷᱚᱸᱰ, ᱯᱚᱪᱷᱤᱢ ᱵᱟᱝᱞᱟ, ᱟᱥᱟᱢ, ᱥᱤᱧᱚᱛ ᱟᱨ ᱵᱟᱝᱞᱟᱫᱮᱥ, ᱱᱮᱯᱟᱞ, ᱚᱥᱴᱨᱮᱞᱤᱭᱟ, ᱟᱢᱮᱨᱤᱠᱟ ᱨᱮᱭᱟᱜ ᱟᱭᱢᱟ ᱴᱚᱴᱷᱟ ᱨᱮ ᱧᱩᱛᱩᱢᱟᱱ ᱛᱟᱦᱮᱸ ᱠᱟᱱᱟ ᱾[᱒] ᱢᱚᱡᱷᱤ ᱟᱹᱲᱟᱹ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ 'ᱜᱟᱲ ᱨᱤᱱᱤᱡ ᱢᱩᱲᱩᱛ' ᱾ ᱯᱟᱨᱜᱟᱱᱟ ᱫᱚ ᱥᱟᱱᱛᱟᱞ ᱦᱚᱲ ᱠᱚᱣᱟᱜ ᱟᱹᱛᱩ ᱨᱮᱱᱟᱜ ᱢᱤᱫ ᱦᱮᱰ ᱯᱳᱥᱴ ᱦᱚᱸ ᱠᱟᱱᱟ ᱾ ᱥᱟᱱᱛᱟᱲᱤ ᱱᱤᱩᱡᱽ ᱰᱮᱥᱠ ᱺ ᱡᱮᱜᱮᱛ ᱡᱟᱠᱟᱛ ᱨᱮ ᱟᱫᱤᱵᱟᱥᱤ ᱟᱹᱛᱩ ᱟᱨ ᱥᱟᱶᱛᱟ ᱨᱮᱱ 'ᱢᱚᱡᱷᱤ', 'ᱜᱳᱰᱮᱴ', 'ᱱᱟᱭᱠᱮ', 'ᱯᱟᱨᱜᱟᱱᱟ' ᱟᱨ 'ᱯᱟᱨᱟᱱᱤᱠ' ᱡᱚᱛᱚ ᱦᱚᱲᱟᱜ ᱜᱩᱴ ᱠᱟᱱᱟ ᱱᱚᱶᱟ।
ᱵᱟᱰᱟᱭᱡᱚᱝ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱟᱨᱚᱛ ᱡᱟᱠᱟᱛ ᱢᱟᱹᱡᱷᱤ ᱯᱟᱨᱜᱟᱱᱟ ᱢᱚᱦᱚᱞ ᱫᱚ ᱥᱤᱧᱚᱛ ᱨᱤᱱ ᱥᱟᱱᱛᱟᱲ ᱠᱚ ᱡᱩᱢᱤᱫ ᱠᱚ ᱞᱟᱹᱜᱤᱫ ᱟᱨ ᱥᱟᱱᱛᱟᱲ ᱥᱮᱨᱣᱟ ᱠᱚ ᱵᱟᱰᱟᱭ ᱦᱚᱪᱚ ᱠᱚ ᱞᱟᱹᱜᱤᱫ ᱥᱟᱱᱛᱟᱲ ᱠᱚᱣᱟᱜ ᱥᱮᱫᱟᱭ ᱥᱮᱨᱣᱟ ᱟᱹᱨᱤᱪᱟᱹᱞᱤ ᱧᱩᱛᱩᱢᱟᱱ ᱢᱤᱫ ᱜᱚᱲᱚ ᱯᱚᱛᱚᱵ ᱮ ᱵᱮᱱᱟᱣ ᱟᱠᱟᱫ-ᱟ ᱾ ᱚᱱᱟᱨᱮ ᱟᱨᱮ ᱜᱚᱴᱟᱝ ᱫᱷᱟᱯ ᱢᱮᱱᱟᱜ-ᱟ ᱾ ᱟᱨᱮ ᱜᱚᱴᱟᱝ ᱫᱷᱟᱯ ᱨᱮ ᱥᱟᱱᱛᱟᱲᱟᱜ ᱥᱟᱱᱟᱢ ᱥᱮᱨᱣᱟ ᱠᱟᱛᱷᱟ , ᱠᱟᱹᱢᱤ ᱟᱨ ᱯᱚᱫ ᱟᱱ ᱦᱚᱲ ᱠᱚᱣᱟᱜ ᱠᱟᱛᱷᱟ ᱚᱞ ᱢᱮᱱᱟᱜ-ᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "BJMPM Protest in Salboni: শালবনীতে মমতার সফরের আগে অবরোধ ভারত জাকাত মাঝি পরগনা মহলের". etvbharat.com (in Bengali). Archived from the original on 8 Jun 2023. Retrieved 8 Jun 2023.
- ↑ "Disom Kumut (Central Committee)". www.bjmpm.com. Archived from the original on 8 Jun 2023. Retrieved 8 Jun 2023.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱩᱬᱩᱛ ᱣᱮᱵᱽᱥᱟᱭᱤᱴ Archived ᱒᱐᱒᱓-᱐᱖-᱐᱘ at the Wayback Machine.