ᱜᱷᱟᱴᱥᱤᱞᱟᱹ

ᱜᱷᱟᱴᱥᱤᱞᱟᱹ
ᱜᱷᱟᱴᱥᱤᱞᱟᱹ
ᱱᱚᱜᱚᱨ
	ᱜᱷᱟᱴᱥᱤᱞᱟᱹ ᱥᱴᱮᱥᱚᱱ
	ᱜᱷᱟᱴᱥᱤᱞᱟᱹ ᱜᱷᱟᱴᱥᱤᱞᱟᱹ, ᱡᱷᱟᱨᱠᱷᱚᱸᱰ ᱜᱷᱟᱴᱥᱤᱞᱟᱹ ᱜᱷᱟᱴᱥᱤᱞᱟᱹ (Jharkhand)
	ᱠᱳᱣᱚᱨᱰᱤᱱᱮᱴᱥ: 22°40′N 86°17′E / 22.66°N 86.29°ECoordinates: 22°40′N 86°17′E / 22.66°N 86.29°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱡᱷᱟᱨᱠᱷᱚᱸᱰ
ᱦᱚᱱᱚᱛ	ᱥᱟᱢᱟᱝ ᱥᱤᱝᱵᱷᱩᱢ
ᱩᱥᱩᱞ	103 ᱢᱤᱴᱚᱨ (338 ᱯᱷᱩᱴ)
ᱦᱚᱲ ᱮᱞ (᱒᱐᱐᱑)
• ᱜᱩᱴ	᱑᱖᱒,᱕᱙᱔
ᱦᱚᱦᱚ ᱧᱩᱛᱩᱢ	ᱜᱷᱟᱴᱥᱤᱞᱟᱹ
ᱯᱟᱹᱨᱥᱤ
• ᱥᱚᱨᱠᱟᱨᱤ ᱯᱟᱹᱨᱥᱤ	ᱥᱟᱱᱛᱟᱲᱤ, ᱦᱤᱱᱫᱤ
ᱚᱠᱛᱚ ᱴᱚᱴᱷᱟ	ᱭᱩ.ᱴᱤ.ᱥᱤ+᱐᱕:᱓᱐ (IST)
PIN	᱘᱓᱒᱓᱐᱓ - ᱘᱓᱒᱑᱐᱓
ᱜᱟᱹᱰᱤ ᱨᱮᱡᱤᱥᱴᱨᱮᱥᱚᱱ	JH-05
UN/LOCODE	IN
ᱣᱮᱵᱽᱥᱟᱭᱤᱴ	www.ghatshila.me

ᱜᱷᱟᱴᱥᱤᱞᱟᱹ ᱫᱚ ᱥᱟᱢᱟᱝ ᱥᱤᱝᱵᱷᱩᱢ ᱨᱮ ᱢᱮᱱᱟᱜ ᱢᱤᱫ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱫᱚ ᱡᱟᱢᱥᱮᱫᱽᱯᱩᱨ ᱠᱷᱚᱱ ᱔᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱥᱚᱦᱚᱨ ᱫᱚ ᱥᱚᱵᱚᱨᱱᱟᱠᱟ ᱜᱟᱰᱟ ᱫᱷᱟᱨᱮ ᱨᱮ ᱢᱮᱱᱟᱜᱼᱟ, ᱟᱨ ᱱᱚᱣᱟ ᱫᱚ ᱢᱤᱫ ᱵᱤᱨ ᱴᱚᱴᱷᱟ ᱨᱮ ᱢᱮᱱᱟᱜᱼᱟ ᱾ ᱱᱚᱸᱰᱮ ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱨᱮᱱᱟᱜ ᱢᱩᱬ ᱰᱟᱦᱟᱨ ᱨᱮ ᱢᱤᱫ ᱨᱮᱞᱣᱮ ᱥᱴᱮᱥᱚᱱ ᱥᱮᱞᱮᱫ ᱟᱠᱟᱱᱟ ᱾ ᱜᱷᱟᱴᱥᱤᱞᱟᱹ ᱫᱚ ᱢᱟᱲᱟᱝ ᱫᱷᱟᱞᱵᱷᱩᱢ ᱯᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱛᱟᱦᱮᱸ ᱠᱟᱱᱟ ᱾

ᱱᱟᱜᱟᱢ

ᱦᱚᱲ ᱮᱞ

ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱜᱷᱟᱴᱥᱤᱞᱟᱹ ᱨᱤᱱ ᱥᱚᱦᱚᱨ ᱦᱚᱲ ᱮᱞ ᱑᱒᱙,᱙᱐᱕ ᱦᱚᱲ ᱢᱮᱱᱟᱜ ᱠᱚᱣᱟ ᱟᱨ ᱫᱮᱦᱟᱛ ᱦᱚᱲ ᱮᱞ ᱫᱚ ᱘᱙,᱒᱘᱑ ᱦᱚᱲ ᱢᱮᱱᱟᱜ ᱠᱚᱣᱟ ᱾ ᱱᱚᱣᱟ ᱕᱓% ᱠᱚᱲᱟ ᱟᱨ ᱔᱗% ᱛᱤᱨᱞᱟᱹ ᱢᱮᱱᱟᱜ ᱠᱚᱣᱟ ᱾ ᱜᱷᱟᱴᱥᱤᱞᱟᱹ ᱨᱮᱱᱟᱜ ᱥᱮᱪᱮᱫ ᱫᱚᱨ ᱫᱚ ᱗᱓% ᱢᱮᱱᱟᱜᱼᱟ, ᱱᱚᱣᱟ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱥᱮᱪᱮᱫ ᱫᱚᱨ ᱕᱙.᱕% ᱠᱷᱚᱱ ᱫᱚ ᱠᱚ ᱵᱟᱹᱲᱛᱤ ᱢᱮᱱᱟᱜ ᱠᱚᱣᱟ ᱾ ᱠᱚᱲᱟ ᱟᱜ ᱥᱮᱪᱮᱫ ᱗᱙% ᱢᱮᱱᱟᱜ ᱠᱚᱣᱟ, ᱟᱨ ᱛᱤᱨᱞᱟᱹ ᱟᱜ ᱥᱮᱪᱮᱫ ᱖᱕% ᱢᱮᱱᱟᱜ ᱠᱚᱣᱟ ᱾ ᱜᱷᱟᱴᱥᱤᱞᱟᱹ ᱨᱮ, ᱑᱑% ᱦᱚᱲ ᱮᱞ ᱖ ᱥᱟᱞ ᱠᱷᱚᱱ ᱠᱚᱢ ᱩᱢᱚᱨ ᱠᱚ ᱢᱮᱱᱟᱜ ᱠᱚᱣᱟ ᱾

ᱚᱛᱱᱚᱜ

ᱜᱷᱟᱴᱥᱤᱞᱟᱹ ᱫᱚ 22°36′N 86°29′E / 22.60°N 86.48°E / 22.60; 86.48 ᱨᱮ ᱢᱮᱱᱟᱜᱼᱟ ᱾^[᱒] ᱱᱚᱣᱟ ᱨᱮᱱᱟᱜ ᱩᱥᱩᱞ ᱑᱐᱓ ᱢᱤᱴᱚᱨ (᱓᱓᱘ ᱯᱷᱤᱴ) ᱢᱮᱱᱟᱜᱼᱟ ᱾

ᱜᱷᱟᱴᱥᱤᱞᱟᱹ, ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱡᱟᱢᱥᱮᱫᱽᱯᱩᱨ ᱠᱷᱚᱱ ᱔᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ, ᱥᱚᱵᱚᱨᱱᱟᱠᱷᱟ ᱜᱟᱰᱟ ᱫᱷᱟᱨᱮ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱥᱟᱢᱟᱝ ᱥᱤᱝᱵᱷᱩᱢ ᱦᱚᱱᱚᱛ ᱨᱮ ᱢᱮᱱᱟᱜᱼᱟ ᱾

ᱯᱟᱹᱨᱥᱤ

ᱜᱷᱟᱴᱥᱤᱞᱟᱹ ᱫᱚ ᱢᱩᱬ ᱞᱮᱠᱟᱛᱮ ᱡᱷᱟᱨᱠᱷᱚᱸᱰ ᱟᱨ ᱯᱚᱪᱷᱤᱢ ᱵᱟᱸᱜᱽᱞᱟ ᱥᱤᱢᱟᱹ ᱨᱮ ᱢᱮᱱᱟᱜᱼᱟ ᱾ ᱚᱱᱟ ᱞᱟᱹᱜᱤᱫ ᱛᱮ ᱢᱩᱬ ᱞᱮᱠᱟᱛᱮ ᱨᱚᱨᱚᱲ ᱞᱟᱹᱜᱤᱫ ᱯᱟᱹᱨᱥᱤ ᱠᱚ ᱫᱚ ᱥᱟᱱᱛᱟᱲᱤ, ᱠᱩᱲᱢᱟᱞᱤ, ᱵᱟᱝᱞᱟ, ᱦᱳ, ᱟᱨ ᱦᱤᱱᱫᱤ ᱯᱟᱹᱨᱥᱤ ᱢᱮᱱᱟᱜᱼᱟ ᱾ ᱟᱨᱦᱚᱸ ᱮᱴᱟᱜ ᱯᱟᱹᱨᱥᱤ ᱛᱮ ᱦᱚᱸ ᱠᱚ ᱨᱚᱲᱟ ᱾

ᱰᱟᱦᱟᱨ ᱦᱚᱨ

ᱜᱷᱟᱴᱥᱤᱞᱟ ᱫᱚ ᱨᱮᱞ ᱟᱨ ᱥᱚᱲᱚᱠ ᱰᱟᱦᱟᱨ ᱨᱮᱱᱟᱜ ᱛᱟᱞᱟᱢᱟᱞᱟ ᱠᱷᱚᱱ ᱵᱤᱦᱟᱨ ᱟᱨ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱢᱩᱬ ᱥᱴᱮᱥᱚᱱ ᱠᱷᱚᱱ ᱡᱩᱲᱟᱹᱣ ᱟᱠᱟᱱᱟ ᱾ ᱡᱟᱢᱥᱮᱫᱽᱯᱩᱨ ᱱᱚᱶᱟ ᱥᱚᱦᱚᱨ ᱠᱷᱚᱱ ᱯᱟᱪᱮ ᱨᱮ ᱔᱕ ᱠᱤᱞᱚᱢᱤᱴᱚᱨ (ᱥᱚᱲᱚᱠ ᱰᱟᱦᱟᱨ ᱠᱷᱚᱱ) ᱟᱨ ᱓᱗ ᱠᱤᱞᱚᱢᱤᱴᱚᱨ (ᱨᱮᱞ ᱰᱟᱦᱟᱨ ᱛᱮᱫᱚ) ᱥᱟᱺᱜᱤᱧ ᱨᱮ ᱢᱮᱱᱟᱜ ᱾ ᱠᱷᱚᱲᱚᱜᱽᱯᱩᱨ ᱠᱷᱚᱱ ᱯᱟᱪᱮ ᱥᱮᱫ ᱥᱮᱱᱚᱜ ᱞᱟᱜᱤᱫ ᱛᱮᱫᱚ ᱨᱮᱞ ᱜᱟᱹᱰᱤ ᱡᱟᱢᱥᱮᱫᱽᱯᱩᱨ ᱥᱮᱫ ᱥᱮᱱᱚᱜᱼᱟ, ᱱᱚᱸᱰᱮ ᱢᱤᱫ ᱛᱤᱸᱜᱩᱱ ᱞᱟᱹᱜᱤᱫ ᱥᱴᱮᱥᱚᱱ ᱦᱚᱸ ᱢᱮᱱᱟᱜᱼᱟ ᱾ ᱜᱷᱟᱴᱥᱤᱞᱟᱹ ᱟᱨ ᱠᱷᱚᱲᱚᱜᱽᱯᱩᱨ ᱨᱮᱱᱟᱜ ᱛᱟᱞᱟᱢᱟᱞᱟ ᱨᱮᱱᱟᱜ ᱥᱟᱺᱜᱤᱧ ᱫᱚ ᱙᱘ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱾

ᱨᱮᱞᱜᱟᱹᱰᱤ ᱦᱚᱨ

ᱱᱚᱶᱟ ᱫᱚ ᱦᱟᱵᱽᱲᱟᱼᱢᱩᱢᱵᱟᱹᱭ ᱨᱮᱞ ᱴᱨᱮᱠ ᱠᱷᱚᱲᱚᱜᱽᱯᱩᱨᱼᱴᱟᱴᱟᱱᱚᱜᱚᱨ ᱥᱮᱠᱥᱟᱱ ᱨᱮ ᱢᱤᱫ ᱡᱤᱞᱤᱧ ᱜᱟᱹᱰᱤ ᱥᱴᱮᱥᱚᱱ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱦᱟᱵᱽᱲᱟ ᱠᱷᱚᱱ ᱒᱑᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱴᱨᱮᱱ ᱫᱚ ᱱᱚᱸᱰᱮ ᱛᱤᱸᱜᱩᱱᱟ ᱾ ᱚᱱᱟ ᱫᱚ ᱤᱥᱯᱟᱨᱴ ᱮᱠᱥᱯᱨᱮᱥ (ᱴᱨᱮᱱ ᱱᱚᱢᱵᱚᱨ ᱑᱒᱗᱘᱑/᱑᱒᱗᱘᱒), ᱠᱩᱨᱞᱟᱼᱦᱟᱣᱲᱟ ᱼ (ᱴᱷᱮᱱ ᱱᱚᱢᱵᱚᱨ ᱑᱘᱐᱓᱐/᱑᱘᱐᱒᱙), ᱤᱥᱴᱤᱞ ᱮᱠᱥᱯᱨᱮᱥ (ᱴᱨᱮᱱ ᱱᱚᱢᱵᱚᱨ ᱑᱒᱘᱑᱓/᱑᱒᱘᱑᱔) ᱾ ᱱᱚᱶᱟ ᱥᱤᱧᱚᱛ ᱨᱮ ᱯᱮᱭᱟ ᱢᱟᱦᱟᱱᱚᱜᱚᱨ ᱠᱷᱚᱱ ᱡᱩᱲᱟᱹᱣ ᱟᱠᱟᱱᱟ, ᱡᱮᱞᱮᱠᱟ ᱢᱩᱢᱵᱟᱭ (ᱵᱚᱢᱵᱮ ᱮᱠᱥᱯᱨᱮᱥ ᱵᱚᱵᱚᱥᱛᱟ), ᱠᱚᱞᱠᱟᱛᱟ (ᱥᱮᱛᱟᱜ ᱖ ᱴᱟᱲᱟᱝ ᱠᱷᱚᱱ ᱮᱦᱚᱵᱚᱜᱼᱟ ᱟᱨᱦᱚᱸ ᱴᱨᱮᱱ ᱥᱟᱢᱝᱮᱥᱣᱟᱨᱤ ᱮᱠᱥᱯᱨᱮᱥ ᱛᱮ ᱑.᱑᱕ ᱴᱟᱲᱟᱝ ᱠᱷᱚᱱ ᱛᱟᱞᱟ ᱧᱤᱫᱟᱹ ᱫᱷᱟᱹᱨᱤᱡ) ᱟᱨ ᱫᱤᱞᱞᱤ (ᱱᱤᱞᱟᱸᱪᱚᱞ ᱮᱠᱥᱯᱨᱮᱥ, ᱯᱩᱨᱩᱥᱛᱟᱢ ᱮᱠᱥᱯᱨᱮᱥ ᱛᱮ) ᱮᱠᱥᱯᱨᱮᱥ ᱟᱨ ᱩᱛᱠᱚᱞ ᱮᱠᱥᱯᱨᱮᱥ) ᱾ ᱡᱟᱢᱥᱮᱫᱽᱯᱩᱨ ᱟᱨ ᱠᱷᱚᱲᱚᱜᱽᱯᱩᱨ ᱫᱚ ᱜᱷᱟᱴᱥᱤᱞᱟᱹ ᱠᱷᱚᱱ ᱡᱚᱲᱟᱣ ᱟᱜ ᱟᱨᱦᱚᱸ ᱞᱚᱠᱟᱞ ᱴᱨᱮᱱ ᱯᱮᱥᱮᱝᱡᱚᱨ ᱴᱨᱮᱱ ᱢᱮᱱᱟᱜ ᱾

ᱜᱷᱟᱴᱥᱤᱞᱟᱹ ᱨᱮ ᱛᱤᱸᱜᱩᱱ ᱱᱟᱣᱟ ᱴᱨᱮᱱ

ᱯᱩᱨᱩᱥᱚᱛᱟᱢ ᱥᱩᱯᱟᱨᱯᱷᱟᱥᱴ ᱮᱠᱥᱯᱨᱮᱥ ᱼ ᱕:᱕᱔ ᱮ.ᱮᱢ. (ᱥᱮᱴᱮᱨᱚᱜᱼᱟ)

ᱦᱟᱵᱽᱲᱟ ᱵᱟᱲᱵᱤᱞ ᱡᱚᱱᱥᱟᱛᱟᱵᱟᱫᱤ ᱮᱠᱥᱯᱨᱮᱥ ᱼ ᱙:᱑᱓ ᱮ.ᱮᱢ. (ᱥᱮᱴᱮᱨᱚᱜᱼᱟ)

ᱜᱷᱟᱴᱥᱤᱞᱟᱹ ᱦᱟᱵᱽᱲᱟ ᱞᱚᱠᱟᱞ ᱼ ᱒:᱐᱕ ᱮ.ᱮᱢ. (ᱢᱮᱱᱟᱜᱼᱟ) ᱾

ᱥᱚᱲᱚᱠ ᱰᱟᱦᱟᱨ

ᱱᱚᱶᱟ ᱫᱚ ᱠᱚᱞᱠᱟᱛᱟ ᱠᱷᱚᱱ ᱒᱔᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱠᱚᱞᱠᱟᱛᱟ ᱠᱷᱚᱱ ᱥᱮᱱᱚᱜ ᱞᱟᱹᱜᱤᱫ ᱮᱦᱚᱵ NH 6 ᱛᱮ ᱵᱟᱦᱨᱟᱜᱚᱰᱟ ᱠᱷᱚᱱ ᱥᱮᱱᱚᱜ ᱦᱩᱭᱩᱜ ᱟᱨ ᱡᱟᱢᱥᱮᱫᱽᱯᱩᱨ ᱞᱟᱹᱜᱤᱫ ᱫᱚ ᱥᱚᱲᱚᱠ ᱛᱮ ᱥᱮᱱᱚᱜ ᱦᱩᱭᱩᱜᱼᱟ ᱾ ᱠᱷᱚᱲᱚᱜᱽᱯᱩᱨ ᱟᱨ ᱡᱟᱢᱥᱮᱫᱽᱯᱩᱨ ᱨᱮᱭᱟᱜ ᱛᱟᱞᱟ ᱛᱮ ᱥᱮᱱᱚᱜ ᱞᱟᱹᱜᱤᱫ ᱵᱟᱥ ᱜᱷᱟᱴᱥᱤᱞᱟ ᱠᱷᱚᱱ ᱟᱪᱩᱨᱚᱜᱼᱟ ᱾ ᱵᱷᱩᱵᱽᱱᱮᱥᱚᱨ ᱪᱮ ᱠᱚᱞᱠᱟᱛᱟ ᱠᱷᱚᱱ ᱡᱟᱢᱥᱮᱫᱽᱯᱩᱨ ᱪᱮ ᱨᱟᱺᱪᱤ ᱥᱮᱱᱚᱜ ᱞᱟᱹᱜᱤᱫ ᱵᱟᱥ ᱜᱷᱟᱴᱥᱤᱞᱟᱹ ᱠᱷᱚᱱ ᱥᱮᱱᱚᱜᱼᱟ ᱾ ᱥᱚᱲᱚᱠ ᱰᱟᱦᱟᱨ ᱠᱷᱚᱱ ᱫᱚ ᱡᱟᱢᱥᱮᱫᱽᱯᱩᱨ ᱔᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱜᱷᱟᱴᱥᱤᱞᱟᱹ ᱠᱷᱚᱱ ᱡᱟᱢᱥᱮᱫᱽᱯᱩᱨ ᱫᱚ ᱡᱚᱲᱟᱣ ᱞᱟᱹᱜᱤᱫ ᱵᱟᱥ ᱫᱤᱱ ᱥᱮᱛᱟᱜ ᱨᱮ ᱖ ᱴᱟᱲᱟᱝ ᱠᱷᱚᱱ ᱛᱟᱨᱟᱥᱤᱧ ᱕ ᱴᱟᱲᱟᱝ ᱫᱷᱟᱹᱨᱤᱡ ᱥᱮᱱᱚᱜᱼᱟ ᱾ ᱡᱟᱢᱥᱮᱫᱽᱯᱩᱨ ᱠᱷᱚᱱ ᱜᱷᱟᱴᱥᱤᱞᱟ ᱡᱚᱲᱟᱣ ᱟᱠᱟᱱᱟ ᱵᱟᱨᱭᱟ ᱰᱟᱦᱟᱨ ᱢᱮᱱᱟᱜᱼᱟ, ᱢᱤᱫ ᱰᱟᱦᱟᱨ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱓᱓ (NH 33) ᱠᱷᱚᱱ ᱟᱨ ᱮᱴᱟᱜ ᱰᱟᱦᱟᱨ ᱡᱟᱫᱩᱜᱚᱰᱟ ᱠᱷᱚᱱ ᱥᱮᱱᱚᱜᱼᱟ ᱾

ᱢᱮᱰᱤᱭᱟ

ᱨᱚᱲᱭᱚᱢ ᱥᱴᱮᱥᱚᱱ: 100.1 MHz (ᱟᱠᱟᱥᱵᱟᱱᱤ ᱜᱷᱟᱴᱥᱤᱞᱟᱹ)

ᱧᱮᱧᱮᱞ ᱴᱷᱟᱶ

ᱧᱮᱧᱮᱞ ᱴᱷᱟᱶ ᱞᱟᱹᱜᱤᱫ ᱧᱮᱞ ᱟᱹᱰᱤᱜᱟᱱ ᱴᱷᱟᱶ ᱢᱮᱱᱟᱜᱼᱟ:

ᱵᱩᱨᱩᱰᱤᱦ ᱰᱮᱢ
ᱫᱷᱟᱨᱟᱜᱤᱨᱤ ᱡᱷᱟᱨᱱᱟ
ᱢᱚᱣᱩᱵᱷᱟᱱᱰᱟᱨ ᱨᱮ ᱥᱚᱵᱚᱨᱱᱟᱠᱟ ᱜᱟᱰᱟ
ᱯᱷᱩᱞᱰᱩᱸᱜᱽᱨᱤ ᱨᱮ ᱯᱷᱩᱞᱰᱩᱸᱜᱽᱨᱤ ᱵᱩᱨᱩ
ᱧᱩᱛᱩᱢᱟᱱ ᱵᱟᱸᱜᱟᱞᱤ ᱚᱱᱚᱞᱤᱭᱟᱹ ᱵᱤᱵᱷᱩᱛᱤ ᱵᱷᱩᱥᱟᱬ ᱵᱟᱱᱫᱷᱚᱯᱟᱫᱷᱭᱟᱭ ᱟᱜ ᱫᱟᱦᱤᱜᱚᱰᱟ ᱨᱮ ᱠᱚᱞᱮᱡᱽ ᱟᱨ ᱵᱤᱨᱫᱟᱹᱜᱟᱲ ᱰᱟᱦᱟᱨ ᱴᱷᱮᱫ ᱞᱟᱤᱵᱨᱮᱨᱤ
ᱨᱟᱡᱽᱯᱚᱱᱚᱛ ᱨᱮ ᱨᱟᱡᱽᱵᱟᱲᱤ
ᱫᱟᱦᱤᱜᱚᱰᱟ ᱨᱮ ᱨᱟᱢᱠᱨᱤᱥᱱᱟ ᱢᱟᱛᱷ
ᱛᱟᱢᱩᱠᱯᱟᱞ ᱨᱮ ᱥᱤᱵᱽᱫᱟᱥ ᱜᱷᱚᱥ ᱪᱤᱞᱰᱨᱮᱱ ᱯᱟᱨᱠ
ᱥᱚᱵᱚᱨᱱᱟᱠᱟ ᱜᱟᱰᱟ ᱴᱷᱮᱱ ᱦᱩᱰᱤᱧ ᱯᱚᱞ

ᱥᱮᱪᱮᱫ

ᱟᱥᱲᱟ

ᱛᱟᱞᱢᱟ ᱟᱥᱲᱟ ᱥᱩᱨᱫᱷᱟᱹ, ᱜᱷᱟᱴᱥᱤᱞᱟᱹ
ᱥᱮᱱᱴ ᱱᱚᱱᱫᱚᱞᱟᱞ ᱥᱢᱨᱤᱛᱤ ᱵᱷᱤᱫᱽᱭᱟ ᱢᱚᱱᱫᱤᱨ
ᱥᱴ. ᱡᱚᱥᱮᱯᱷ'ᱥ ᱠᱚᱱᱣᱮᱱᱴ ᱟᱥᱲᱟ, ᱛᱩᱢᱟᱱᱰᱩᱸᱜᱽᱨᱤ, ᱢᱚᱥᱟᱵᱩᱱᱤ
ᱥᱴ. ᱡᱚᱥᱮᱯᱷ'ᱥ ᱠᱚᱱᱣᱮᱱᱴ ᱟᱥᱲᱟ (ᱠᱟᱥᱤᱫᱟᱜ)
ᱜᱭᱟᱱᱫᱤᱯ ᱯᱟᱵᱽᱞᱤᱠ ᱟᱥᱲᱟ
ᱤᱨᱵᱷᱟᱭᱤᱱ ᱮᱰᱣᱮᱱᱴᱤᱠ ᱟᱥᱲᱟ, ᱰᱟᱦᱤᱜᱚᱰᱟ
ᱡᱮ.ᱥᱤ. ᱟᱥᱲᱟ, ᱵᱤᱨᱫᱟᱹᱜᱟᱲ ᱰᱟᱦᱟᱨ
ᱥᱚᱨᱚᱥᱣᱟᱛᱤ ᱥᱤᱥᱩ ᱵᱤᱫᱽᱭᱟᱢᱚᱱᱫᱤᱨ
ᱥᱨᱤ ᱥᱨᱤ ᱵᱤᱫᱽᱭᱟᱢᱚᱱᱫᱤᱨ, ᱠᱟᱹᱥᱤᱫᱟᱜ
ᱢᱟᱨᱣᱟᱰᱤ ᱩᱱᱩᱥᱩᱞ ᱟᱥᱲᱟ
ᱮᱥ.ᱴᱤ. ᱯᱟᱣᱩᱞ ᱟᱥᱲᱟ
ᱞᱚᱨᱮᱛᱚ ᱠᱚᱱᱣᱮᱱᱴ ᱯᱟᱵᱽᱞᱤᱠ ᱟᱥᱲᱟ

ᱵᱤᱨᱫᱟᱹᱜᱟᱲ

ᱜᱷᱟᱴᱥᱤᱞᱟᱹ ᱢᱟᱨᱟᱝ ᱵᱤᱨᱫᱟᱹᱜᱟᱲ
ᱜᱷᱟᱴᱥᱤᱞᱟᱹ ᱛᱤᱨᱞᱟᱹ ᱵᱤᱨᱫᱟᱹᱜᱟᱲ, ᱠᱟᱹᱥᱤᱫᱟᱦ

ᱥᱟᱹᱠᱷᱭᱟᱹᱛ

↑ "Cities having population 1 lakh and above" (PDF). Census of India, Government of India. Retrieved 2 November 2011.
↑ "Maps, Weather, and Airports for Ghatsila, India". www.fallingrain.com. Archived from the original on 2019-09-05. Retrieved 2020-10-13.

ᱵᱟᱦᱨᱮ ᱡᱚᱱᱚᱲ

ᱜᱷᱟᱴᱥᱤᱞᱟᱹ ᱴᱨᱟᱵᱷᱮᱞ ᱵᱟᱵᱚᱫᱽ ᱠᱟᱛᱷᱟ ᱣᱤᱠᱤᱦᱤᱨᱤ (Wikivoyage) ᱨᱮ

[pop-1] "Cities having population 1 lakh and above" (PDF). Census of India, Government of India. Retrieved 2 November 2011.

[2] "Maps, Weather, and Airports for Ghatsila, India". www.fallingrain.com. Archived from the original on 2019-09-05. Retrieved 2020-10-13.

[᱑]

[᱒]