ᱱᱤᱞ ᱜᱟᱰᱟ
ᱱᱤᱞ ᱜᱟᱰᱟ ᱥᱮ ᱞᱤᱞ ᱜᱟᱰᱟ ᱫᱚ ᱟᱯᱷᱨᱤᱠᱟ ᱨᱮᱱᱟᱜ ᱜᱟᱰᱟ ᱠᱟᱱᱟ ᱾ ᱱᱚᱶᱟ ᱫᱚ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱡᱤᱞᱤᱧ ᱜᱟᱰᱟ ᱠᱟᱱᱟ, ᱢᱮᱱᱠᱷᱟᱱ ᱮᱴᱟᱜ ᱜᱟᱰᱟ ᱠᱚᱨᱮ ᱠᱷᱚᱱ ᱫᱚ ᱠᱚᱢ ᱜᱮ ᱫᱟᱜᱼᱮ ᱞᱤᱸᱡᱤᱱᱟ ᱾ ᱱᱚᱶᱟ ᱜᱟᱰᱟ ᱨᱮᱱᱟᱜ ᱡᱤᱞᱤᱧ ᱫᱚ ᱖,᱖᱕᱐ ᱠᱤᱞᱚᱢᱤᱴᱚᱨ ᱜᱟᱱ ᱾ ᱱᱚᱶᱟ ᱫᱚ ᱟᱞᱮᱠᱡᱟᱱᱰᱨᱤᱭᱟ ᱥᱮᱫ ᱛᱮ ᱢᱮᱰᱤᱴᱮᱨᱟᱱᱤᱭᱟᱱ ᱥᱟᱹᱢᱩᱸᱫᱽ ᱨᱮ ᱞᱤᱸᱡᱤ ᱟᱬᱜᱚᱱ ᱠᱟᱱᱟ ᱾ ᱱᱚᱶᱟ ᱫᱚ ᱤᱝᱞᱤᱥ ᱛᱮ "ᱱᱤᱞᱮ" ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ, ᱡᱟᱦᱟᱸ ᱫᱚ ᱜᱨᱤᱠ ᱟᱹᱲᱟᱹ ᱱᱮᱭᱞᱚᱥ (Νεῖλος) ᱠᱷᱚᱱ ᱦᱮᱡ ᱟᱠᱟᱱᱟ ᱾
ᱯᱩᱸᱰ ᱱᱤᱞ ᱜᱟᱰᱟ ᱫᱚ ᱩᱜᱟᱱᱰᱟ ᱨᱮᱱᱟᱜ ᱵᱷᱤᱠᱴᱚᱨᱤᱭᱟ ᱞᱮᱠ ᱠᱷᱚᱱ ᱞᱤᱸᱻᱡᱤᱜ ᱠᱟᱱᱟ ᱟᱨ ᱱᱚᱶᱟ ᱫᱚ ᱥᱩᱫᱟᱱ ᱥᱮᱫ ᱛᱮ ᱠᱷᱟᱨᱛᱚᱶᱢ ᱥᱮᱴᱮᱨᱚᱜ ᱠᱟᱱᱟ ᱾ ᱞᱤᱞ ᱱᱤᱞ ᱜᱟᱰᱟ (Blue Nile) ᱫᱚ ᱤᱛᱷᱤᱯᱤᱭᱟ ᱥᱮᱫ ᱛᱮ ᱟᱨᱟᱜ ᱜᱟᱰᱟ ᱨᱮ ᱧᱩᱨᱩᱜ ᱠᱟᱱᱟ ᱾ ᱥᱩᱨᱥᱩᱯᱩᱨ ᱓᱐᱐ ᱢᱤᱞᱤᱭᱚᱱ ᱠᱭᱩᱵᱤᱠ ᱢᱤᱴᱚᱨ ᱜᱟᱱ ᱫᱟᱜ ᱫᱤᱱᱟᱹᱢ ᱜᱮ ᱱᱤᱞ ᱜᱟᱰᱟ ᱛᱮ ᱞᱤᱸᱡᱤᱜ ᱠᱟᱱᱟ ᱾
ᱱᱤᱞ ᱜᱟᱰᱟ ᱫᱚ ᱟᱹᱰᱤ ᱞᱟᱹᱠᱛᱤᱭᱟᱱᱟ, ᱡᱟᱦᱟᱸ ᱫᱤᱥᱚᱢ ᱥᱮᱫ ᱠᱚᱛᱮ ᱱᱚᱶᱟ ᱞᱤᱸᱡᱤᱜ ᱠᱟᱱᱟ ᱾ ᱱᱤᱞ ᱜᱟᱰᱟ ᱨᱮ ᱟᱭᱢᱟ ᱰᱷᱚᱝᱜᱟ ᱠᱚ ᱢᱮᱱᱟᱜᱼᱟ ᱪᱮᱫᱟᱜ ᱥᱮ ᱦᱮᱡᱥᱮᱱ (transport) ᱞᱟᱹᱜᱤᱫ ᱟᱹᱰᱤ ᱟᱞᱜᱟ ᱜᱮᱭᱟ ᱾ ᱚᱱᱟ ᱠᱷᱟᱹᱛᱤᱨ ᱛᱮ ᱤᱡᱤᱯᱴ ᱨᱮᱱᱟᱜ ᱟᱭᱢᱟ ᱱᱟᱜᱟᱨ ᱜᱟᱰᱟ ᱥᱩᱨ ᱨᱮ ᱵᱮᱨᱮᱫ ᱟᱠᱟᱱᱟ ᱾ ᱯᱭᱨᱟᱢᱤᱰ ᱠᱚᱦᱚᱸ ᱱᱤᱞᱮ ᱜᱟᱰᱟ ᱥᱩᱨ ᱨᱮ ᱢᱮᱱᱟᱜᱼᱟ ᱾ ᱱᱤᱞ ᱜᱟᱰᱟ ᱨᱮᱱᱟᱜ ᱵᱟᱹᱲᱛᱤᱜᱟᱱ ᱫᱟᱜ ᱜᱮ ᱪᱟᱥᱵᱟᱥ ᱥᱟᱶᱛᱮ ᱟᱭᱢᱟ ᱮᱴᱟᱜ ᱠᱟᱹᱢᱤ ᱨᱮᱦᱚᱸ ᱞᱟᱜᱟᱶᱜ ᱠᱟᱱᱟ ᱾ ᱱᱤᱞᱮ ᱜᱟᱰᱟ ᱫᱚ ᱢᱟᱨᱮ ᱤᱡᱤᱯᱴ ᱫᱤᱥᱚᱢ ᱞᱟᱹᱜᱤᱫ ᱟᱹᱰᱤ ᱞᱟᱹᱠᱛᱤᱭᱟᱱ ᱜᱟᱰᱟ ᱠᱟᱱᱟ ᱾ ᱥᱮᱫᱟᱭ ᱫᱚ ᱱᱤᱞᱮ ᱜᱟᱰᱟ ᱨᱮ ᱡᱟᱶ ᱥᱮᱨᱢᱟ ᱜᱮ ᱵᱟᱱ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱟᱨ ᱫᱟᱜ ᱵᱟᱝ ᱛᱮ ᱪᱟᱥᱵᱟᱥ ᱵᱩᱰᱟᱹᱶᱜ ᱠᱟᱱ ᱛᱟᱦᱮᱸᱫ ᱾ ᱢᱟᱨᱮ ᱤᱡᱤᱯᱴ ᱨᱤᱱ ᱦᱚᱲ ᱫᱚ ᱯᱮᱯᱤᱨᱩᱥ (papyrus) ᱠᱚ ᱧᱟᱢ ᱞᱮᱫᱼᱟ ᱱᱤᱞᱮ ᱜᱟᱰᱟ ᱠᱷᱚᱱ ᱦᱮᱭᱨᱚᱜᱞᱤᱯᱥ (hieroglyphs) ᱛᱮᱭᱟᱨ ᱞᱟᱹᱜᱤᱫ ᱾
ᱟᱹᱲᱟᱹ ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱤᱞᱮ ᱟᱹᱲᱟᱹ ᱫᱚ ᱜᱨᱤᱠ ᱟᱹᱲᱟᱹ ᱱᱮᱭᱞᱚᱥ (ὁ Νεῖλος) ᱠᱷᱚᱱ ᱦᱮᱡ ᱟᱠᱟᱱᱟ ᱾[᱑] ᱱᱮᱭᱞᱚᱥ ᱫᱚ ᱜᱟᱰᱟ "ᱵᱷᱮᱞᱞᱤ" ᱠᱷᱚᱱ ᱦᱮᱡ ᱟᱠᱟᱱᱟ ᱾ ᱢᱟᱨᱮ ᱤᱡᱤᱯᱴᱤᱭᱟᱱ ᱯᱟᱹᱨᱥᱤ ᱛᱮ ᱱᱤᱞᱮ ᱫᱚ ᱢᱟᱦᱟᱸᱱ ᱜᱟᱰᱟ ᱢᱮᱱᱛᱮ ᱵᱩᱡᱷᱟᱹᱣᱜᱼᱟ, ᱡᱟᱦᱟᱸ ᱫᱚ ᱦᱮᱭᱨᱚᱜᱞᱤᱯᱥ ᱛᱮ ᱠᱚ ᱩᱫᱩᱜᱟ ᱾ [᱒]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Spelling of Greek taken from the Pocket Oxford Classical Greek Dictionary, 2002, ISBN 978-0-19-860512-6, p. 362
- ↑ What did the ancient Egyptians call the Nile river? Open Egyptology. (Accessed 17 October 2006)
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- A Struggle Over the Nile – slideshow by The New York Times
- Thesis Analyzing Nile River Negotiations