ᱱᱤᱨᱟᱦᱩᱣᱟ ᱦᱤᱱᱫᱩᱥᱛᱟᱱᱤ

ᱱᱤᱨᱟᱦᱩᱣᱟ ᱦᱤᱸᱫᱩᱥᱛᱟᱱᱤ ᱱᱚᱣᱟ ᱯᱷᱤᱞᱢ ᱒᱐᱑᱔ ᱨᱮ ᱵᱮᱱᱟᱣ ᱟᱠᱟᱱ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱵᱦᱚᱡᱯᱩᱨᱤ ᱯᱟᱹᱨᱥᱤ ᱛᱮ ᱟᱱᱟᱜ ᱮᱠᱥᱟᱱ ᱨᱚᱢᱟᱱᱴᱤᱠ ᱠᱚᱢᱮᱰᱤ ᱯᱦᱤᱞᱢ ᱠᱟᱱᱟ ᱡᱟᱦᱟᱸ ᱫᱚ ᱥᱟᱸᱛᱚᱥ ᱢᱤᱥᱨᱟ ᱦᱚᱛᱮᱛᱮ ᱚᱞᱟᱜ ᱟᱨ ᱥᱟᱛᱤᱥ ᱪᱟᱸᱫ ᱡᱮᱱ ᱦᱚᱛᱮᱛᱮ ᱫᱤᱥᱟᱹ ᱩᱫᱩᱜ ᱨᱮ ᱢᱮᱱᱟᱜ ᱟᱠᱟᱫᱟ᱾ ᱱᱤᱨᱟᱦᱩᱣᱟ ᱤᱱᱴᱟᱨᱴᱮᱱᱢᱮᱱᱴ, ᱨᱟᱦᱩᱞ ᱠᱷᱟᱱ ᱯᱨᱚᱰᱟᱠᱥᱟᱱ ᱟᱨ ᱱᱤᱨᱟᱦᱩᱣᱟ ᱢᱭᱩᱡᱤᱠ ᱦᱚᱛᱮᱛᱮ ᱡᱮᱜᱮᱛ ᱨᱮ ᱦᱟᱴᱤᱝ ᱟᱠᱟᱱᱟ ᱟᱨ ᱵᱮᱱᱟᱣ ᱟᱠᱟᱱᱟ᱾ ᱱᱚᱣᱟ ᱯᱦᱤᱞᱢ ᱨᱤᱱᱤᱡ ᱮᱠᱴᱚᱨ ᱫᱚ ᱫᱤᱱᱮᱥ ᱞᱟᱞ ᱭᱟᱫᱟᱣ ᱟᱨ ᱟᱢᱨᱟᱯᱟᱞᱤ ᱫᱩᱵᱮ ᱠᱤᱱ ᱠᱟᱹᱢᱤ ᱠᱤᱱ ᱠᱚᱨᱟᱣ ᱟᱠᱟᱫᱟ, ᱟᱭᱟᱡᱽ ᱠᱷᱟᱱ, ᱜᱚᱯᱟᱞ ᱨᱟᱭ, ᱠᱤᱨᱟᱱ ᱭᱟᱫᱟᱣ ᱟᱨ ᱥᱟᱶᱛᱮ ᱥᱟᱸᱡᱟᱭ ᱯᱟᱱᱰᱮ ᱱᱩᱠᱩ ᱠᱚᱦᱚᱸ ᱟᱭᱢᱟ ᱟᱠᱚᱣᱟᱜ ᱠᱟᱹᱢᱤ ᱠᱚ ᱠᱟᱹᱢᱤ ᱟᱠᱟᱫᱟ ᱢᱮᱱᱟᱜ ᱠᱚᱣᱟ᱾ᱱᱚᱣᱟ ᱒᱐᱑᱒ ᱨᱟᱱᱟᱜ ᱪᱷᱟᱛᱤᱥᱜᱟᱲᱤ ᱯᱦᱤᱞᱢ “ᱞᱟᱭᱞᱟ ᱴᱤᱯ ᱴᱚᱯ ᱪᱷᱟᱞᱤᱭᱟ ᱟᱸᱜᱩᱴᱷᱟ ᱪᱷᱟᱯ” ᱨᱮᱱᱟᱜ ᱨᱤᱢᱮᱠ ᱠᱟᱱᱟ ᱱᱚᱣᱟ ᱨᱮ ᱠᱟᱨᱟᱱ ᱠᱷᱟᱱ ᱥᱤᱠᱷ ᱪᱤᱛᱟᱸᱵᱨᱮ ᱟᱨ ᱥᱟᱸᱡᱟᱭ ᱢᱟᱦᱟᱱᱟᱸᱫᱽ ᱮᱢᱟᱱ ᱠᱚ ᱯᱟᱯᱟᱴᱤᱭᱟ ᱨᱮᱠᱚ ᱛᱟᱦᱮᱸ ᱠᱟᱱᱟ᱾ ᱥᱟᱹᱣᱩᱱᱰᱴᱨᱮᱠ ᱟᱨ ᱯᱷᱤᱞᱢ ᱥᱠᱚᱨ ᱨᱮ ᱨᱟᱡᱮᱥ ᱦᱚᱛᱮᱛᱮ ᱥᱟᱡᱟᱣ ᱟᱠᱟᱱ ᱛᱟᱦᱮ ᱞᱮᱱᱟ᱾ ᱱᱤᱨᱟᱦᱩᱣᱟ ᱦᱤᱸᱫᱩᱥᱛᱟᱱᱤ ᱑᱑ ᱢᱟᱨᱪ ᱒᱐᱑᱕ ᱨᱮ ᱱᱤᱨᱟᱦᱩᱣᱟ ᱢᱭᱩᱡᱤᱠ ᱣᱟᱨᱞᱰ ᱨᱮᱭᱟᱜ ᱭᱩᱴᱩᱵ ᱨᱮ ᱠᱚ ᱨᱤᱞᱤᱡᱽ ᱞᱮᱫ ᱛᱟᱦᱮᱸᱱᱟ᱾ ᱭᱩᱴᱩᱵ ᱨᱮ ᱦᱚᱲ ᱠᱚ ᱑᱐᱐ ᱢᱤᱞᱤᱭᱟᱱ ᱫᱷᱟᱣ ᱧᱮᱞ ᱞᱮᱫ ᱛᱟᱦᱮᱱᱟ᱾

ᱠᱟᱹᱦᱱᱤ ᱯᱦᱮᱰᱟᱛ

ᱱᱤᱨᱟᱦᱩᱣᱟ ᱭᱟᱫᱟᱣ ᱟᱜ ᱠᱟᱦᱱᱤ ᱟᱹᱛᱩ ᱫᱤᱥᱚᱢ ᱦᱚᱲ ᱟᱜ ᱠᱟᱱᱟ ᱡᱟᱦᱟᱸᱭ ᱫᱚ ᱟᱡ ᱨᱤᱱ ᱱᱤᱡᱮ ᱰᱨᱤᱢ ᱜᱟᱨᱞ ᱯᱟᱱᱛᱮ ᱠᱷᱟᱹᱛᱤᱨ ᱛᱮ ᱩᱱᱤ ᱢᱩᱢᱵᱟᱭ ᱮ ᱥᱮᱱᱚᱜ ᱠᱟᱱᱟ᱾ ᱥᱟᱦᱟᱨ ᱨᱮ ᱛᱟᱦᱮᱸᱱ ᱤᱱᱟ ᱚᱠᱛᱮ ᱩᱱᱤ ᱫᱚ ᱜᱟᱞᱛᱤ ᱛᱮ ᱢᱤᱫ ᱥᱤᱨᱤᱭᱟᱞ ᱠᱤᱞᱟᱨ ᱟᱜ ᱨᱩᱯ ᱨᱮ ᱥᱟᱯᱲᱟᱣ ᱟᱠᱟᱱᱟᱭ ᱟᱨ ᱩᱱᱤ ᱫᱚ ᱯᱷᱟᱥᱤ ᱨᱮᱭᱟᱜ ᱥᱟᱡᱟ ᱠᱚ ᱮᱢᱟᱭ ᱠᱟᱱᱟ᱾ ᱱᱤᱨᱟᱦᱩ ᱫᱚ ᱟᱡᱟᱜ ᱢᱩᱪᱟᱹᱫ ᱤᱪᱷᱟᱹ ᱛᱟᱭ ᱜᱷᱚᱥᱱᱟ ᱠᱮᱫᱟ, ᱡᱮ ᱢᱤᱫᱥᱟᱶ ᱠᱤᱱ ᱡᱩᱨᱤ ᱵᱟᱯᱞᱟ ᱥᱟᱹᱜᱟᱹᱭ ᱞᱟᱹᱜᱤᱫ᱾ ᱢᱤᱫ ᱠᱤᱥᱟᱸᱲ ᱚᱲᱟᱜ ᱨᱤᱱᱤᱡ ᱦᱚᱯᱚᱱ ᱮᱨᱟ ᱥᱚᱱᱟ (ᱟᱢᱨᱟᱯᱟᱞᱤ ᱫᱩᱵᱮ) ᱢᱮᱱᱠᱷᱟᱱ ᱟᱡ ᱵᱟᱵᱟ ᱵᱤᱠᱞᱟᱸᱜᱽ ᱟᱨ ᱨᱩᱣᱟᱹ ᱟᱡᱟᱨ ᱦᱚᱲ ᱩᱱᱤ ᱜᱚᱡᱽ ᱠᱷᱚᱱ ᱢᱟᱬᱟᱝ ᱨᱮ ᱩᱱᱤᱭᱟᱜ ᱵᱟᱯᱞᱟ ᱦᱩᱭᱩᱜ ᱢᱟ ᱞᱮᱛᱟᱲ ᱢᱮᱛᱟᱭ ᱠᱟᱱ ᱛᱟᱦᱮᱸᱱᱟ᱾ ᱩᱱᱤ ᱟᱡ ᱵᱟᱵᱟ ᱟᱜ ᱢᱤᱫ ᱤᱪᱷᱟ ᱛᱟᱦᱮᱞᱮᱱ ᱡᱮᱢᱚᱱ ᱥᱚᱱᱟ ᱢᱟᱹᱭ ᱢᱤᱫᱴᱟᱝ ᱫᱷᱚᱱ ᱥᱚᱢᱯᱚᱛ ᱚᱲᱟᱜ ᱨᱮ ᱥᱩᱠᱷ ᱠᱷᱟᱸᱰᱟᱣ ᱢᱟ᱾ ᱚᱱᱟ ᱠᱷᱟᱹᱛᱤᱨ ᱥᱚᱱᱟ ᱫᱚ ᱱᱤᱨᱟᱦᱩ ᱥᱟᱶ ᱮ ᱵᱟᱯᱞᱟ ᱮᱱᱟ ᱡᱚᱷᱠᱚᱱ ᱴᱤᱣᱤ ᱨᱮ ᱟᱡᱟᱜ ᱢᱩᱪᱟᱹᱫ ᱟᱸᱥ ᱛᱟᱭ ᱠᱚ ᱯᱟᱨᱥᱟᱞᱮᱛ᱾ ᱙ ᱮᱭᱟᱭ ᱢᱟᱦᱟᱸ ᱫᱤᱱ ᱨᱮ ᱩᱱᱤ ᱫᱚ ᱢᱩᱪᱟᱹᱫ ᱫᱤᱱ ᱠᱚ ᱴᱷᱟᱹᱣᱠᱟᱹ ᱮᱱᱟ ᱢᱮᱱᱛᱮ, ᱥᱚᱱᱟ ᱢᱤᱫᱴᱟᱝ ᱟᱡᱟᱜ ᱡᱤᱭᱚᱱ ᱨᱮᱭᱟᱜ ᱟᱭᱢᱟ ᱢᱟᱨᱟᱝ ᱟᱱᱟᱴ ᱵᱟᱰᱟᱭ ᱠᱟᱛᱮ ᱨᱮᱦᱚᱸ ᱩᱱᱤ ᱥᱟᱶ ᱵᱟᱯᱞᱟ ᱨᱮᱱᱟᱝ ᱨᱮᱵᱮᱱ ᱮᱱᱟ᱾ ᱟᱡ ᱠᱩᱠᱢᱩ ᱨᱟᱡᱽ ᱨᱟᱱᱤ ᱯᱨᱚᱯᱚᱡ ᱥᱟᱶᱛᱮ , ᱱᱤᱨᱟᱦᱩ ᱦᱚᱸᱭ ᱨᱟᱹᱡᱤ ᱮᱱᱟ᱾

ᱵᱟᱦᱟᱨᱮ ᱡᱚᱱᱚᱲ

• ᱱᱤᱨᱟᱦᱩᱣᱟ ᱦᱤᱱᱫᱩᱥᱛᱟᱱᱤ ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ