ᱴᱚᱯᱟ
ᱴᱚᱯᱟ ᱛᱮᱫᱚ ᱥᱩᱱᱩᱢ ᱠᱚ ᱞᱮᱱᱟ ᱾ ᱱᱚᱣᱟ ᱫᱚ ᱞᱟᱲ ᱱᱟᱹᱬᱤ ᱛᱮᱠᱚ ᱛᱮᱭᱟᱨ ᱟᱠᱟᱜ-ᱟ ᱾ ᱱᱮᱛᱟᱨ ᱫᱚ ᱱᱚᱣᱟ ᱨᱮᱭᱟᱜ ᱵᱮᱵᱷᱟᱨ ᱢᱩᱪᱟᱹᱫ ᱤᱫᱤ ᱟᱠᱟᱱᱟ ᱾ ᱥᱮᱫᱟᱭ ᱫᱚ ᱱᱚᱣᱟ ᱵᱤᱨ ᱦᱚᱲ ᱵᱮᱱᱟᱣ ᱠᱟᱛᱮ ᱟᱹᱛᱩ ᱥᱮᱫ ᱟᱠᱷᱨᱤᱧ ᱠᱚ ᱟᱹᱜᱩᱭ ᱛᱟᱦᱮᱸᱫ ᱾
ᱥᱩᱱᱩᱢ ᱞᱮᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱩᱱᱩᱢ ᱡᱟᱦᱟᱸ ᱠᱚ ᱞᱮᱱᱟ ᱚᱱᱟ ᱫᱚ ᱞᱮᱱᱚᱜ ᱯᱟᱴᱟ ᱠᱚ ᱢᱮᱛᱟᱜᱼᱟ ᱾ ᱞᱮᱱᱚᱜ ᱯᱟᱴᱟ ᱨᱮᱭᱟᱜ ᱫᱚ ᱪᱮᱛᱟᱱ ᱨᱮ ᱢᱤᱫᱴᱟᱹᱝ ᱯᱟᱴᱟ ᱟᱨ ᱞᱟᱛᱟᱨ ᱨᱮ ᱢᱤᱫᱴᱟᱹᱝ ᱯᱟᱴᱟ ᱛᱟᱦᱮᱸᱱᱟ ᱾ ᱟᱨ ᱞᱮᱝᱜᱟ ᱡᱚᱡᱚᱢ ᱯᱟᱦᱴᱟ ᱨᱮᱦᱚᱸ ᱵᱟᱨᱮᱭᱟ ᱯᱟᱨᱟ ᱛᱟᱦᱮᱸᱱᱟ ᱾ ᱪᱮᱛᱟᱱ ᱟᱨ ᱞᱟᱛᱟᱨ ᱨᱮᱭᱟᱜ ᱯᱟᱴᱟ ᱫᱚ ᱢᱚᱴᱟ ᱢᱚᱴᱟ ᱵᱟᱝᱢᱟ ᱢᱟᱨᱟᱝ ᱢᱟᱨᱟᱝ ᱛᱟᱦᱮᱸ ᱠᱚᱜ ᱡᱷᱚᱜ ᱞᱮᱝᱜᱟ ᱟᱨ ᱡᱚᱡᱚᱢ ᱯᱟᱦᱴᱟ ᱨᱮᱭᱟᱜ ᱠᱟᱴ ᱫᱚ ᱱᱟᱱᱦᱟ ᱜᱮᱭᱟ ᱾ ᱪᱮᱛᱟᱱ ᱟᱜ ᱯᱟᱴᱟ ᱨᱮᱫᱚ ᱵᱟᱨᱮᱭᱟ ᱜᱩᱞᱟᱹᱭ ᱛᱟᱦᱮᱸ ᱠᱚᱜᱼᱟ ᱾ ᱚᱱᱟ ᱵᱷᱩᱜᱟᱹᱜ ᱨᱮ ᱞᱮᱝᱜᱟ ᱟᱨ ᱡᱚᱡᱚᱢ ᱨᱮᱭᱟᱜ ᱠᱟᱴ ᱫᱚ ᱥᱟᱢᱵᱟᱣ ᱠᱚᱜᱼᱟ ᱡᱮᱢᱚᱱ ᱪᱮᱛᱟᱱ ᱯᱟᱴᱟ ᱞᱟᱛᱟᱨ ᱥᱮᱫ ᱚᱛᱟ ᱟᱬᱜᱚ ᱜᱟᱱᱚᱜ ᱢᱟ ᱾ ᱴᱚᱯᱟ ᱨᱮ ᱤᱥᱤᱱ ᱴᱷᱠᱟᱜ ᱠᱟᱲᱮ ᱥᱟᱢᱵᱟᱣ ᱠᱟᱛᱮ ᱞᱮᱝᱜᱟ ᱟᱨ ᱡᱚᱡᱚᱢ ᱯᱟᱦᱴᱟ ᱠᱟᱴ ᱡᱟᱦᱟᱸ ᱫᱚ ᱫᱟᱨᱮ ᱞᱮᱠᱟ ᱞᱟᱛᱟᱨ ᱠᱟᱴ ᱠᱷᱚᱱ ᱨᱟᱠᱟᱵ ᱟᱠᱟᱱᱟ ᱚᱱᱰᱮ ᱴᱚᱯᱟ ᱫᱚᱠᱚ ᱫᱚᱦᱚᱭᱟ ᱾ ᱟᱫᱚ ᱴᱟᱰᱟ ᱛᱮ ᱪᱮᱛᱟᱱ ᱨᱮᱭᱟᱜ ᱠᱟᱴ ᱠᱚ ᱚᱛᱟ ᱟᱬᱜᱚᱭᱟ ᱾ ᱴᱚᱯᱟ ᱫᱚ ᱪᱤᱯᱟᱹᱭ ᱧᱟᱢ ᱞᱮᱠᱷᱟᱱ ᱥᱩᱱᱩᱢ ᱚᱱᱰᱮ ᱠᱷᱚᱱᱟᱜ ᱯᱚᱪᱚᱨ ᱛᱩᱫᱩᱜᱼᱟ ᱾