ᱵᱟᱝᱞᱟᱫᱮᱹᱥ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱦᱚᱢᱚᱨ ᱢᱟᱦᱟ

ᱡᱟᱹᱛᱤᱭᱟᱹᱨᱤ ᱦᱚᱢᱚᱨ ᱢᱟᱦᱟ ᱫᱚ ᱵᱟᱝᱞᱟᱫᱤᱥᱟᱹᱢ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱢᱟᱱᱟᱣ ᱢᱟᱦᱟ ᱠᱟᱱᱟ᱾ ᱡᱟᱣ ᱥᱮᱨᱢᱟ ᱜᱤ ᱑᱕ ᱟᱜᱚᱥᱴ ᱵᱟᱝᱞᱟᱫᱮᱹᱥ ᱨᱮᱱ ᱦᱚᱲ ᱠᱚ ᱦᱚᱢᱚᱨᱟᱛᱮ ᱠᱚ ᱢᱟᱱᱟᱣᱟ᱾ ᱱᱤᱭᱟᱹ ᱢᱟᱦᱟ ᱨᱮ ᱫᱚ ᱦᱮᱱᱫᱮ ᱪᱤᱨ ᱠᱚ ᱩᱰᱟᱹᱣᱟ ᱟᱨ ᱡᱟᱹᱛᱤᱭᱟᱹᱨᱤ ᱪᱤᱨ ᱫᱚ ᱟᱫᱷᱟ ᱠᱚ ᱯᱷᱮᱰ ᱫᱚᱦᱚ ᱠᱟᱜᱼᱟ᱾ ᱑᱙᱗᱕ ᱥᱮᱨᱢᱟ ᱨᱮᱱᱟᱜ ᱑᱕ ᱟᱜᱚᱥᱴ ᱢᱟᱹᱦᱤᱛ ᱨᱮ ᱵᱟᱝᱞᱟᱫᱮᱹᱥ ᱟᱨ ᱯᱷᱩᱨᱜᱟᱹᱞ ᱵᱤᱨᱤᱫᱤᱡ ᱥᱮᱹᱠᱷ ᱢᱩᱡᱤᱵᱩᱨ ᱨᱚᱦᱚᱢᱟᱱ ᱟᱡ ᱜᱷᱟᱨᱚᱡ ᱨᱮᱱ ᱦᱚᱱ ᱥᱟᱶ ᱠᱚ ᱜᱚᱡ ᱟᱠᱟᱫᱤᱭᱟ᱾ ᱚᱱᱟ ᱫᱤᱥᱟᱹ ᱛᱮ ᱜᱤ ᱱᱤᱭᱟᱹ ᱢᱟᱦᱟ ᱫᱚ ᱢᱟᱱᱟᱣ ᱦᱟᱹᱡᱩᱜ ᱠᱟᱱᱟ᱾

ᱱᱟᱜᱟᱢ

᱑᱕ ᱟᱜᱚᱥᱴ ᱑᱙᱗᱕ ᱥᱮᱨᱢᱟ ᱨᱮ, ᱯᱷᱩᱨᱜᱟᱹᱞ ᱵᱟᱝᱞᱟᱫᱮᱹᱥ ᱨᱮ ᱵᱤᱨᱤᱫᱤᱡ ᱡᱟᱹᱛ ᱨᱮᱱ ᱵᱟᱵᱟ ᱵᱚᱝᱜᱚᱵᱚᱱᱫᱷᱩ ᱥᱮᱹᱠᱷ ᱢᱩᱡᱤᱵᱩᱨ ᱨᱚᱦᱚᱢᱟᱱ ᱫᱷᱟᱱᱢᱚᱱᱰᱤ ᱨᱮᱱᱟᱜ ᱓᱒ ᱱᱚᱢᱵᱚᱨ ᱨᱮ ᱢᱮᱱᱟᱜ ᱟᱭᱟᱜ ᱚᱲᱟᱜ ᱨᱮ ᱦᱩᱲᱟᱜ ᱛᱟᱲᱟᱢ ᱥᱮᱱᱟᱵᱟᱦᱤᱱᱤ ᱫᱟᱨᱟᱭ ᱛᱮᱭ ᱜᱚᱡ ᱟᱪᱚ ᱮᱱᱟ᱾ ᱤᱱᱦᱤᱞᱟᱹᱜ ᱟᱡ ᱥᱟᱶ ᱟᱡ ᱨᱮᱱ ᱮᱨᱟ ᱵᱮᱜᱚᱢ ᱯᱷᱚᱡᱤᱞᱟᱛᱩᱱᱱᱮᱪᱷᱟ ᱢᱩᱡᱤᱵᱽ ᱦᱚᱸᱭ ᱜᱚᱡ ᱟᱪᱚ ᱞᱮᱱᱟ᱾ ᱚᱱᱟ ᱵᱟᱝ ᱠᱟᱛᱮᱜ ᱦᱚᱸ ᱚᱱᱟ ᱜᱷᱟᱨᱚᱡ ᱨᱮᱱ ᱦᱚᱲ ᱟᱨ ᱮᱢᱟᱱ ᱠᱚ ᱛᱮ ᱑᱖ ᱜᱚᱴᱟᱝ ᱦᱚᱲ ᱠᱩ ᱜᱚᱡ ᱟᱪᱚ ᱞᱮᱱᱟ᱾

᱑᱕ ᱟᱜᱚᱥᱴ ᱠᱩ ᱜᱚᱡ ᱟᱪᱚ ᱟᱠᱟᱱ ᱠᱩ ᱫᱚ ᱠᱩ ᱦᱩᱭᱩᱜ ᱟᱠᱟᱱᱺ ᱦᱚᱯᱚᱱᱛᱮᱫ ᱥᱮᱹᱠᱷ ᱠᱟᱢᱟᱞ, ᱥᱮᱹᱠᱷ ᱡᱟᱢᱟᱞ ᱟᱨ ᱥᱮᱹᱠᱷ ᱨᱟᱥᱮᱹᱞ; ᱠᱤᱢᱤᱱᱛᱮᱫ ᱥᱩᱞᱛᱟᱱᱟ ᱠᱟᱢᱟᱞ ᱟᱨ ᱨᱳᱡᱤ ᱠᱟᱢᱟᱞ; ᱵᱚᱠᱚᱛᱼᱛᱮᱡ ᱥᱮᱹᱠᱷ ᱟᱵᱩ ᱱᱟᱥᱮᱨ, ᱢᱤᱥᱨᱟᱛ ᱡᱟᱶᱟᱭ ᱟᱵᱫᱩᱨ ᱨᱚᱵᱽ ᱥᱮᱨᱱᱤᱭᱟᱵᱟᱛ, ᱵᱷᱟᱹᱜᱱᱟᱹᱛᱼᱛᱮᱡ ᱥᱮᱹᱠᱷ ᱯᱷᱚᱡᱽᱞᱩᱞ ᱦᱚᱠ ᱢᱚᱱᱤ ᱟᱨ ᱩᱱᱤ ᱨᱮᱱ ᱦᱟᱢᱟᱞ ᱛᱟᱦᱮᱠᱟᱱ ᱮᱨᱟ ᱵᱮᱜᱚᱢ ᱟᱨᱡᱩ ᱢᱚᱱᱤ᱾ ᱵᱚᱝᱜᱚᱵᱚᱱᱫᱷᱩ ᱵᱟᱧᱪᱟᱣ ᱞᱟᱹᱜᱤᱫ ᱛᱮᱭ ᱫᱟᱹᱲ ᱟᱹᱜᱩ ᱞᱮᱫᱟ ᱠᱚᱨᱱᱮᱞ ᱡᱟᱢᱤᱞᱼᱩᱫᱫᱤᱱ, ᱩᱱᱤ ᱦᱚᱸ ᱤᱱᱡᱚᱠᱷᱚᱡ ᱮ ᱜᱚᱡ ᱟᱪᱚᱭᱮᱱᱟ᱾ ᱫᱤᱥᱟᱹᱢ ᱵᱟᱨᱦᱮ ᱨᱮ ᱠᱤᱱ ᱛᱟᱦᱮᱱ ᱠᱟᱱ ᱛᱮ ᱥᱮᱹᱠᱷ ᱦᱟᱥᱤᱱᱟ ᱟᱨ ᱩᱱᱨᱮᱱ ᱵᱚᱠᱚᱛ ᱠᱩᱲᱤ ᱥᱮᱹᱠᱷ ᱨᱮᱦᱟᱱᱟ ᱛᱟᱹᱠᱤᱱ ᱫᱚ ᱠᱤᱱ ᱵᱟᱧᱪᱟᱣ ᱮᱱᱟ᱾

ᱡᱟᱣ ᱥᱮᱨᱢᱟ ᱑᱕ ᱟᱜᱚᱥᱴ ᱜᱤ ᱵᱟᱝᱞᱟᱫᱮᱹᱥ ᱨᱮᱱ ᱦᱚᱲ ᱜᱟᱹᱦᱤᱨ ᱦᱚᱢᱚᱨ ᱟᱨ ᱢᱟᱱᱚᱛᱟᱛᱮ ᱵᱚᱝᱜᱚᱵᱚᱱᱫᱷᱩ ᱟᱨ ᱩᱱᱤᱭᱟᱜ ᱜᱷᱟᱨᱚᱡᱽ ᱨᱮᱱ ᱦᱚᱲ ᱫᱤᱥᱟᱹ ᱠᱟᱛᱮᱜ ᱡᱟᱹᱛᱤᱭᱟᱹᱨᱤ ᱦᱚᱢᱚᱨ ᱢᱟᱦᱟ ᱠᱚ ᱢᱟᱱᱟᱣᱟ᱾

ᱠᱟᱹᱢᱤ ᱦᱚᱨᱟ ᱠᱚ

ᱱᱤᱭᱟᱹ ᱢᱟᱦᱟ ᱨᱮ ᱫᱚ ᱥᱚᱨᱠᱟᱨᱤ ᱵᱮᱥᱚᱨᱠᱟᱨᱤ ᱚᱯᱷᱤᱥ ᱚᱲᱟᱜ ᱥᱟᱶᱛᱮ ᱵᱤᱫᱮᱥ ᱨᱮ ᱢᱮᱱᱟᱜ ᱵᱟᱝᱞᱟᱫᱮᱹᱥ ᱨᱮᱱᱟᱜ ᱢᱤᱥᱚᱱ ᱠᱩ ᱨᱮ ᱡᱟᱹᱛᱤᱭᱟᱹᱨᱤ ᱪᱤᱨ ᱫᱚ ᱟᱫᱷᱟ ᱠᱚ ᱯᱷᱮᱰ ᱫᱚᱦᱚ ᱠᱟᱜᱼᱟ᱾ ᱴᱮᱞᱤᱵᱷᱤᱥᱚᱱ ᱠᱩ ᱨᱮ ᱟᱭᱟᱢᱟ ᱞᱮᱠᱟᱱ ᱟᱠᱷᱲᱟ ᱠᱚ ᱥᱟᱡᱟᱣᱟ᱾ ᱢᱩᱠᱷᱤᱭᱟᱹ ᱢᱚᱱᱛᱨᱤ ᱫᱚ ᱫᱷᱟᱱᱢᱚᱱᱰᱤ ᱨᱮ ᱵᱚᱝᱜᱚᱵᱚᱱᱫᱷᱩ ᱣᱟᱜ ᱯᱷᱚᱴᱚ ᱨᱮ ᱵᱟᱦᱟᱭ ᱮᱢᱟ᱾

ᱯᱷᱮᱰᱮᱛ

• https://bn.wikipedia.org/w/index.php?title=%E0%A6%AC%E0%A6%BE%E0%A6%82%E0%A6%B2%E0%A6%BE%E0%A6%A6%E0%A7%87%E0%A6%B6%E0%A7%87%E0%A6%B0_%E0%A6%9C%E0%A6%BE%E0%A6%A4%E0%A7%80%E0%A6%AF%E0%A6%BC_%E0%A6%B6%E0%A7%8B%E0%A6%95_%E0%A6%A6%E0%A6%BF%E0%A6%AC%E0%A6%B8&action=edit&section=3