ᱵᱟᱸᱫᱽᱱᱟ ᱯᱚᱨᱚᱵᱽ

ᱵᱟᱸᱫᱽᱱᱟ
'ᱜᱚᱴᱷ ᱯᱩᱡᱟᱹ' ᱴᱷᱟᱶ ᱨᱮ ᱵᱟᱜᱟᱞ ᱟᱡ ᱮᱱ ᱰᱟᱝᱜᱽᱨᱟ ᱥᱟᱶᱛᱮ
ᱢᱟᱱᱟᱣᱠᱩ	ᱦᱤᱱᱫᱩ ᱟᱨ ᱟᱹᱫᱤᱵᱟᱹᱥᱤ ᱪᱟᱹᱥᱤ
ᱞᱮᱠᱟᱱ	ᱞᱟᱠᱪᱟᱨ, ᱨᱤᱛᱩ
ᱢᱳᱦᱚᱴᱣᱚ	ᱟᱹᱥᱩᱞ ᱰᱟᱝᱜᱽᱨᱟ ᱠᱚ ᱯᱩᱡᱟᱹ
ᱢᱟᱱᱟᱣ ᱠᱟᱹᱢᱤᱠᱩ	ᱫᱷᱚᱨᱚᱢ ᱟᱹᱨᱤᱪᱟᱞᱤ ᱟᱨ ᱵᱷᱚᱡᱽ
Observances	ᱡᱟᱜᱚᱨᱚᱱ ᱜᱚᱴᱷ ᱯᱩᱡᱟᱹ ᱜᱚᱦᱟᱭᱤᱞ ᱯᱩᱡᱟᱹ ᱜᱚᱨᱩ ᱠᱷᱩᱱᱴᱟᱹ ᱵᱩᱫᱷᱤ ᱵᱟᱸᱫᱽᱱᱟ
ᱮᱦᱚᱵ	ᱚᱠᱴᱚᱵᱚᱨ
ᱢᱩᱪᱟᱹᱫ	ᱱᱚᱵᱷᱮᱢᱵᱚᱨ
ᱢᱟᱹᱦᱤᱛ	ᱠᱟᱹᱨᱛᱤᱠ ᱨᱮᱭᱟᱜ ᱟᱢᱟᱵᱟᱹᱥᱤᱭᱟᱹ
ᱛᱤᱱᱟᱹ ᱢᱟᱦᱟᱸ ᱛᱟᱭᱚᱢ	ᱥᱮᱨᱢᱟᱠᱤᱭᱟᱹ
ᱥᱟᱹᱜᱟᱹᱭ  ᱢᱮᱱᱟᱜᱼᱟ	ᱫᱤᱣᱟᱞᱤ, ᱫᱤᱣᱟᱞᱤ (ᱡᱚᱭᱱᱚ ᱫᱷᱚᱨᱚᱢ), ᱵᱚᱱᱫᱤ ᱪᱷᱳᱨ ᱢᱟᱦᱟ, ᱛᱤᱦᱟᱨ, ᱥᱣᱟᱱᱛᱤ, ᱥᱚᱦᱨᱟᱭ

ᱵᱟᱸᱫᱽᱱᱟ (Bāndnā, ᱦᱤᱱᱫᱤ: बांदना) ᱫᱚ ᱠᱩᱲᱢᱟᱞᱤ ᱡᱟᱹᱛᱤ ᱟᱨ ᱮᱴᱟᱜ ᱡᱚᱯᱲᱟᱣ ᱟᱠᱟᱱ ᱡᱟᱹᱛᱤ ᱠᱚᱣᱟᱜ ᱢᱤᱫᱴᱮᱱ ᱠᱟᱹᱣᱰᱤ ᱟᱹᱨᱤᱪᱟᱹᱞᱤ-ᱵᱷᱟᱹᱞᱟᱹᱭ ᱢᱟᱦᱟᱸ ᱠᱟᱱᱟ, ᱡᱟᱦᱟᱸ ᱨᱮ ᱪᱟᱥ ᱯᱚᱨᱚᱵᱽ ᱠᱟᱱᱟ᱾ ᱱᱚᱶᱟ ᱯᱚᱨᱚᱵᱽ ᱫᱚ ᱡᱟᱹᱥᱛᱤ ᱠᱟᱭᱛᱮ ᱡᱷᱟᱨᱠᱷᱚᱸᱰ, ᱯᱚᱪᱷᱤᱢ ᱵᱟᱝᱞᱟ, ᱳᱰᱤᱥᱟ ᱟᱨ ᱟᱥᱟᱢ ᱯᱚᱱᱚᱛ ᱠᱚᱨᱮ ᱠᱚ ᱢᱟᱱᱟᱣᱟ ᱟᱨ ᱠᱟᱹᱨᱛᱤᱠ ᱪᱟᱸᱫᱚ ᱨᱮᱱᱟᱜ ᱟᱢᱟᱵᱟᱥᱤᱭᱟᱹ ᱨᱮ, ᱠᱩᱲᱢᱟᱞᱤ ᱪᱟᱸᱫᱚ ᱞᱮᱠᱟᱛᱮ ᱥᱮᱨᱢᱟ ᱯᱩᱨᱟᱹᱣᱚᱜ ᱨᱮ᱾

ᱢᱤᱫ ᱧᱮᱱᱮᱞ

ᱵᱟᱸᱫᱽᱱᱟ ᱫᱚ ᱴᱚᱴᱷᱟ ᱨᱮᱱ ᱪᱟᱹᱥᱤ ᱜᱷᱟᱨᱚᱸᱡᱽ ᱠᱚᱣᱟᱜ ᱦᱩᱲᱩ ᱮᱨ ᱚᱠᱛᱮ ᱨᱮᱭᱟᱜ ᱯᱚᱨᱚᱵᱽ ᱠᱟᱱᱟ᱾ ᱱᱚᱣᱟ ᱯᱚᱨᱚᱵᱽ ᱫᱚ ᱵᱟᱜᱟᱞ, ᱨᱟᱡᱩᱣᱟᱨ, ᱛᱟᱹᱱᱛᱤ, ᱠᱩᱲᱢᱤ ᱢᱟᱦᱟᱛᱚ ᱟᱨ ᱯᱩᱨᱩᱵᱽ ᱥᱤᱧᱚᱛ ᱨᱮᱱᱟᱜ ᱠᱩᱨᱢᱟᱞᱤ ᱯᱟᱹᱨᱥᱤ ᱨᱚᱲ ᱦᱚᱲ ᱠᱚᱣᱟᱜ ᱦᱤᱱᱫᱩ ᱟᱨ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱯᱚᱨᱚᱵᱽ ᱠᱟᱱᱟ᱾ ᱱᱚᱶᱟ ᱫᱚ ᱟᱭᱢᱟ ᱥᱤᱧᱚᱛᱤᱭᱟᱹ ᱯᱚᱨᱚᱵᱽ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱡᱟᱦᱟᱸ ᱨᱮ ᱰᱟᱹᱜᱽᱨᱤ ᱠᱚ ᱵᱚᱸᱜᱟ ᱠᱚᱣᱟ᱾

ᱟᱹᱨᱤᱪᱟᱞᱤ

ᱵᱟᱸᱫᱽᱱᱟ ᱯᱚᱨᱚᱵᱽ ᱨᱮ ᱨᱟᱪᱟ ᱟᱸᱠ

ᱵᱚᱸᱫᱽᱱᱟ ᱫᱚ ᱮᱭᱟᱭ ᱢᱟᱦᱟᱸ ᱦᱟᱹᱵᱤᱡ ᱦᱩᱭᱩᱜ ᱠᱟᱱᱟ᱾ ᱯᱩᱭᱞᱩ ᱯᱮ ᱢᱟᱦᱟᱸ ᱫᱚ ᱪᱩᱢᱟᱱ, ᱯᱩᱱᱟᱜ ᱢᱟᱦᱟᱸ ᱫᱚ ᱜᱚᱴᱷ ᱯᱩᱡᱟᱹ, ᱢᱚᱬᱮᱭᱟᱭ ᱢᱟᱦᱟᱸ ᱫᱚ ᱜᱳᱨᱤᱭᱟ ᱯᱩᱡᱟᱹ, ᱛᱩᱨᱩᱭᱟᱱ ᱢᱟᱦᱟᱸ ᱫᱚ ᱵᱳᱨᱳᱰ ᱠᱷᱩᱸᱴᱟᱱ ᱟᱨ ᱮᱭᱟᱭ ᱟᱱᱟᱜ ᱢᱟᱦᱟᱸ ᱫᱚ ᱵᱩᱫᱷᱤ ᱵᱟᱸᱫᱽᱱᱟ᱾ ᱯᱩᱭᱞᱩ ᱯᱮ ᱢᱟᱦᱟᱸ ᱨᱮᱱᱟᱜ ᱟᱹᱨᱤᱪᱟᱹᱞᱤ ᱫᱚ ᱜᱚᱴᱷ ᱯᱩᱡᱟᱹ ᱠᱷᱚᱱ ᱢᱚᱬᱮ ᱢᱟᱦᱟᱸ ᱦᱟᱹᱵᱤᱡ ᱦᱚᱸ ᱵᱟᱲᱦᱟᱣ ᱦᱩᱭ ᱫᱟᱲᱮᱭᱟᱜᱼᱟ᱾

ᱥᱮᱫᱟᱭ ᱠᱟᱛᱷᱟ

ᱥᱤᱵᱽ ᱵᱚᱸᱜᱟ (ᱵᱩᱨᱦᱟ ᱵᱟᱵᱟ) ᱫᱚ ᱢᱟᱹᱱᱢᱤ ᱠᱚᱭ ᱵᱮᱱᱟᱣ ᱞᱮᱫ‌ ᱠᱚᱣᱟ, ᱩᱱᱠᱩ ᱫᱚ ᱡᱚᱢᱟᱜ ᱠᱚ ᱮᱢᱟ ᱠᱚᱣᱟ᱾ ᱤᱱᱟᱹ ᱛᱟᱭᱚᱢ, ᱩᱱᱠᱩ ᱟᱹᱰᱤ ᱜᱟᱱ ᱦᱚᱲ ᱠᱚ ᱥᱟᱸᱜᱮᱭᱮᱱᱟ᱾ ᱥᱤᱵᱽ ᱫᱚ ᱟᱠᱚ ᱛᱮ ᱪᱟᱥ ᱠᱟᱛᱮ ᱡᱚᱢᱟᱜ ᱟᱨᱡᱟᱣ ᱮ ᱢᱮᱛᱟᱫ ᱠᱚᱣᱟ᱾ ᱢᱮᱱᱠᱷᱟᱱ ᱪᱟᱥ ᱨᱮᱭᱟᱜ ᱪᱚᱞᱚᱱ ᱵᱟᱝ ᱛᱮ ᱟᱨ ᱴᱮᱠᱱᱚᱞᱚᱡᱤ ᱵᱟᱹᱱᱩᱜ ᱠᱷᱟᱹᱛᱤᱨ, ᱪᱟᱹᱥᱤ ᱠᱚᱣᱟᱜ ᱟᱹᱰᱤ ᱜᱟᱱ ᱮᱴᱠᱮᱴᱚᱬᱮ ᱦᱩᱭᱩᱜ ᱠᱟᱱ ᱛᱟᱦᱮᱸᱫ᱾ ᱱᱩᱠᱩ ᱫᱚ ᱵᱚᱸᱜᱟ ᱴᱷᱮᱱ ᱠᱚ ᱱᱮᱦᱚᱨ ᱠᱮᱫᱟ᱾ ᱥᱤᱵᱽ ᱫᱚ ᱩᱱᱠᱩ ᱞᱟᱹᱜᱤᱫ ᱫᱟᱭᱟ ᱞᱮᱱᱟᱭ ᱟᱨ ᱩᱱᱠᱩ ᱟᱹᱥᱩᱞ ᱡᱟᱱᱣᱟᱨ ᱠᱚᱭ ᱮᱢ ᱠᱮᱫ ᱠᱚᱣᱟ᱾ ᱮᱛᱚᱦᱚᱵ ᱨᱮ, ᱢᱟᱹᱱᱢᱤ ᱟᱨ ᱟᱹᱥᱩᱞ ᱡᱟᱱᱣᱟᱨ ᱛᱟᱞᱟᱨᱮ ᱱᱟᱯᱟᱭ ᱥᱟᱹᱜᱟᱹᱭ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱚᱠᱛᱚ ᱛᱟᱭᱚᱢ, ᱱᱚᱣᱟ ᱫᱚ ᱱᱟᱯᱟᱭ ᱥᱟᱹᱜᱟᱹᱭ ᱵᱟᱹᱲᱤᱡ ᱮᱱᱟ ᱟᱨ ᱟᱹᱥᱩᱞ ᱡᱟᱱᱣᱟᱨ ᱠᱚ ᱥᱟᱶ ᱵᱟᱹᱲᱤᱡ ᱵᱮᱵᱷᱟᱨ ᱮᱦᱚᱵ ᱞᱮᱱᱟ᱾ ᱟᱹᱥᱩᱞ ᱡᱟᱱᱣᱟᱨ ᱠᱚ ᱥᱤᱵᱽ ᱴᱷᱮᱱ ᱠᱚ ᱞᱟᱹᱞᱤᱥ ᱠᱮᱫᱟ᱾ ᱞᱟᱹᱞᱤᱥ ᱨᱮ ᱟᱹᱰᱤ ᱟᱸᱴ ᱠᱷᱟᱴᱟᱣ, ᱠᱟᱹᱢᱤ ᱚᱠᱛᱚ ᱰᱷᱮᱨ, ᱠᱚᱢ ᱡᱚᱢᱟᱜ, ᱵᱟᱹᱲᱤᱡ ᱛᱟᱦᱮᱱ ᱵᱮᱵᱚᱥᱛᱷᱟ, ᱫᱟᱞᱼᱛᱚᱞ, ᱨᱟᱹᱥᱠᱟᱹ ᱨᱮᱭᱟᱜ ᱚᱵᱷᱟᱵᱽ ᱮᱢᱟᱱ ᱠᱚ ᱛᱟᱦᱮ ᱠᱟᱱᱟ᱾ ᱵᱚᱸᱜᱟ ᱩᱱᱠᱩᱭ ᱢᱮᱛᱟᱫ ᱠᱚᱣᱟ ᱩᱱᱤ ᱫᱚ ᱠᱟᱹᱨᱛᱤᱠ ᱨᱮᱭᱟᱜ ᱟᱢᱟᱵᱟᱹᱥᱤᱭᱟᱹ ᱨᱮᱭ ᱦᱤᱨᱤ ᱠᱚᱣᱟ᱾ ᱦᱚᱲ ᱠᱚ ᱞᱟᱹᱞᱤᱥ ᱵᱟᱵᱚᱛ ᱠᱚ ᱵᱟᱲᱟᱭ ᱧᱟᱢ ᱠᱮᱫᱟ᱾ ᱦᱚᱲ ᱠᱚ ᱟᱠᱚᱣᱟᱜ ᱚᱲᱟᱜ ᱫᱩᱣᱟᱹᱨ ᱟᱨ ᱰᱟᱝᱜᱽᱨᱟ ᱜᱚᱲᱟ ᱠᱚ ᱥᱟᱯᱟ ᱠᱮᱫᱟ ᱟᱨ ᱟᱢᱟᱵᱟᱹᱥᱤᱭᱟᱹ ᱦᱤᱞᱳᱜ ᱟᱹᱥᱩᱞ ᱡᱟᱱᱣᱟᱨ ᱠᱚ ᱰᱟᱹᱵᱽᱨᱟᱹ ᱥᱟᱯᱷᱟ ᱦᱩᱭᱩᱜ ᱠᱟᱱᱟ ᱟᱨ ᱩᱱᱠᱩᱣᱟᱜ ᱫᱮᱨᱮᱧ ᱨᱮ ᱥᱩᱱᱩᱢ ᱥᱤᱸᱫᱩᱨ ᱚᱡᱚᱜ ᱦᱩᱭᱩᱜᱼᱟ᱾ ᱫᱚᱥᱟᱨ ᱦᱤᱞᱳᱜ, ᱥᱤᱵᱽ ᱮ ᱧᱮᱞ ᱠᱮᱫᱟ ᱦᱚᱲ ᱠᱚ ᱩᱱᱠᱩᱣᱟᱜ ᱢᱟᱹᱱ ᱨᱮ ᱵᱚᱸᱜᱟ ᱥᱟᱶᱛᱮ ᱜᱚᱲᱟᱭ ᱯᱩᱡᱟᱹ ᱦᱚᱠᱚ ᱠᱚᱨᱟᱣ ᱮᱫᱟ᱾ ᱛᱮᱥᱟᱨ ᱢᱟᱦᱟᱸ ᱨᱮ, ᱩᱱᱤᱭ ᱧᱮᱞ ᱠᱮᱫᱟ ᱟᱹᱥᱩᱞ ᱡᱟᱱᱣᱟᱨ ᱠᱚ ᱨᱟᱹᱥᱠᱟᱹ ᱨᱮᱠᱚ ᱛᱟᱦᱮ ᱠᱟᱱᱟ ᱟᱨ ᱦᱚᱲ ᱥᱟᱶ ᱠᱚ ᱮᱱᱮᱡ ᱠᱟᱱᱟ᱾ ᱨᱩᱣᱟᱹᱲᱚᱜ ᱦᱚᱨ ᱨᱮᱭ ᱧᱮᱞ ᱠᱮᱫᱟ, ᱵᱟᱜᱟᱞ, ᱫᱷᱟᱸᱜᱚᱲ ᱜᱳᱪᱚᱨ ᱨᱮ ᱟᱹᱥᱩᱞ ᱡᱟᱱᱣᱟᱨ ᱥᱟᱶ ᱠᱚ ᱠᱷᱮᱞᱚᱸᱰ ᱠᱟᱱᱟ᱾ ᱱᱚᱣᱟ ᱛᱮ ᱞᱟᱹᱞᱤᱥ ᱫᱚ ᱵᱟᱝ ᱥᱟᱹᱨᱤ ᱞᱮᱱᱟ᱾ ᱛᱟᱭᱚᱢ ᱥᱤᱡᱚᱱ ᱨᱮ ᱟᱹᱥᱩᱞ ᱡᱟᱱᱣᱟᱨ ᱠᱚ ᱟᱨᱦᱚᱸ ᱠᱚᱥᱴᱚ ᱨᱮᱭᱟᱜ ᱠᱚ ᱞᱟᱹᱞᱤᱥ ᱞᱮᱫᱟ, ᱚᱱᱟ ᱦᱤᱞᱳᱜ ᱜᱮ ᱥᱤᱵᱽ ᱫᱚ ᱦᱤᱨᱤ ᱞᱟᱹᱜᱤᱫ ᱠᱚ ᱱᱮᱦᱚᱨ ᱞᱮᱫᱮᱭᱟ᱾ ᱟᱹᱥᱩᱞ ᱡᱟᱱᱣᱟᱨ ᱠᱚ ᱨᱟᱹᱥᱠᱟᱹ ᱟᱨ ᱥᱩᱞᱩᱠ ᱧᱮᱞ ᱠᱟᱛᱮ ᱟᱨᱦᱚᱸᱭ ᱦᱤᱨᱤ ᱠᱮᱫ ᱠᱚᱣᱟ᱾ ᱚᱱᱟ ᱛᱟᱭᱚᱢ ᱠᱷᱚᱱ, ᱥᱮᱨᱣᱟ ᱟᱹᱨᱤᱪᱟᱞᱤ ᱦᱮᱡ ᱤᱫᱤᱭᱮᱱᱟ ᱟᱨ ᱡᱟᱣ ᱥᱮᱨᱢᱟ ᱜᱮ ᱵᱟᱸᱫᱽᱱᱟ ᱢᱟᱱᱟᱣ ᱦᱩᱭᱩᱜ ᱠᱟᱱᱟ᱾

ᱟᱨᱦᱚᱸ ᱧᱮᱞ ᱢᱮ

• ᱥᱚᱦᱨᱟᱭ

ᱟᱨᱦᱚᱸ ᱯᱟᱲᱦᱟᱣ ᱢᱮ

• Kumar, Shaktipada. "Tracing the Cultural Tradition of Jangalmahal through Bandna Parab and Jawa-Karam Parab" (PDF). Retrieved 15 October 2021.{{cite web}}: CS1 maint: url-status (link)
• Behera, Dr. Lipika (2017). "Major Festivals of Mayurbhanj" (PDF). The Researchers' International Research Journal. 3: 37–38. ISSN 2455-1503. Archived from the original (PDF) on 2023-03-23. Retrieved 2023-04-03 – via The Researchers.
• General, India Office of the Registrar (1967). Census of India, 1961 (in ᱟᱝᱜᱽᱨᱮᱡᱤ). Manager of Publications.