ᱵᱮᱵᱷᱟᱨᱤᱭᱟᱹ:Fagu Baskey/sandbox/ᱟᱛᱨᱮ ᱚᱞ

ᱥᱟᱶᱦᱮᱫ ᱨᱮᱭᱟᱜ ᱟᱹᱰᱤ ᱜᱟᱱ ᱛᱷᱚᱠ ᱠᱷᱚᱱᱟᱜ ᱚᱱᱚᱬᱦᱮᱸ ᱜᱮ ᱯᱟᱞᱮ ᱥᱚᱨᱮᱥ ᱛᱷᱚᱠ ᱫᱚ ᱾ ᱟᱹᱰᱤ ᱜᱟᱱ ᱚᱱᱚᱞᱤᱭᱟᱹ ᱜᱮ ᱚᱱᱚᱬᱦᱮᱸ ᱚᱞ ᱠᱟᱛᱮ ᱜᱮ ᱚᱱᱚᱞᱤᱭᱟᱹ ᱡᱤᱭᱚᱱ ᱠᱚ ᱮᱦᱚᱵᱽ ᱞᱮᱠᱟ ᱤᱧ ᱦᱚᱸ ᱱᱚᱜᱼᱚᱭ 'ᱡᱟᱹᱦᱤᱨᱟᱹᱝᱜᱤ' ᱚᱱᱚᱬᱦᱮᱸ ᱯᱩᱛᱷᱤ ᱦᱚᱛᱮ ᱛᱮᱜᱮ ᱚᱱᱚᱞᱤᱭᱟᱹ ᱠᱚᱣᱟᱜ ᱜᱟᱫᱮᱞ ᱨᱮ ᱥᱚᱲᱚ ᱵᱚᱞᱚᱱ ᱤᱧ ᱨᱤᱠᱟᱹ ᱟᱠᱟᱫᱟ ᱾ ** ᱚᱱᱚᱬᱦᱮᱸ ᱨᱮᱭᱟᱜ ᱦᱚᱲᱢᱚ ᱜᱚᱲᱦᱚᱱ ᱚᱝᱥᱟᱨ ᱱᱚᱶᱟ ᱫᱚ ᱵᱟᱨ ᱴᱷᱮᱱ ᱵᱚ ᱦᱟᱹᱴᱤᱧ ᱠᱮᱭᱟ ᱾ ᱯᱩᱭᱞᱩ'ᱟᱜ ᱫᱚ 'ᱨᱤᱛᱤ ᱥᱟᱶᱦᱮᱫ' ᱟᱨ ᱫᱚᱥᱟᱨᱟᱜ ᱫᱚ 'ᱯᱷᱩᱨᱜᱟᱹᱞ ᱥᱟᱶᱦᱮᱫ' ᱾ ᱯᱩᱭᱞᱩ ᱛᱷᱚᱠᱟᱜ ᱚᱱᱚᱬᱦᱮᱸ ᱠᱚᱫᱚ ᱢᱤᱫᱴᱟᱝ ᱨᱟᱭ ᱨᱤᱛ ᱢᱟᱱᱟᱣ ᱵᱟᱛᱟᱣ ᱠᱟᱛᱮ ᱚᱞ ᱠᱚᱜ ᱡᱷᱚᱜ ᱫᱚᱥᱟᱨ ᱛᱷᱚᱠᱟᱜ ᱚᱱᱚᱬᱦᱮᱸ ᱠᱚᱫᱚ ᱚᱠᱟ ᱨᱟᱭ ᱨᱤᱛ ᱛᱮᱦᱚᱸ ᱵᱟᱝ ᱚᱞ ᱠᱚᱜ-ᱟ, ᱚᱱᱟ ᱫᱚ ᱯᱷᱩᱨᱜᱟᱹᱞ ᱜᱮ ᱛᱟᱦᱮᱸ ᱠᱚᱜ-ᱟ ᱾ ** ᱡᱟᱦᱟᱸ ᱨᱟᱭ ᱨᱤᱛ ᱢᱟᱱᱟᱣ ᱵᱟᱛᱟᱣ ᱠᱟᱛᱮ ᱱᱚᱶᱟ ᱯᱩᱛᱷᱤ ᱨᱮᱭᱟᱜ ᱚᱱᱚᱬᱦᱮᱸ ᱠᱚ ᱚᱞ ᱟᱠᱟᱱᱟ ᱚᱱᱟ ᱫᱚ ᱱᱚᱝᱠᱟ- ** ᱚᱱᱚᱬᱦᱮᱸ ᱨᱮᱭᱟᱜ ᱯᱩᱭᱞᱩ ᱠᱷᱚᱫᱽ ᱫᱚ 'ᱚ' ᱛᱮ, ᱫᱚᱥᱟᱨ ᱠᱷᱚᱫᱽ ᱫᱚ 'ᱛ' ᱛᱮ, ᱛᱮᱥᱟᱨ ᱠᱷᱚᱫᱽ ᱫᱚ 'ᱜ' ᱛᱮ ᱟᱨ ᱯᱩᱱᱟᱜ ᱠᱷᱚᱫᱽ ᱫᱚ 'ᱞ' ᱛᱮ ᱮᱦᱚᱵ ᱟᱠᱟᱱᱟ ᱾ ᱚᱱᱠᱟ ᱜᱮ ᱢᱟᱬᱟᱝ ᱥᱮᱫ ᱞᱟᱦᱟ ᱤᱫᱤᱭᱮᱱ ᱛᱮ ᱢᱩᱪᱟᱹᱫ ᱠᱷᱚᱫᱽ ᱫᱚ 'ᱵ' ᱛᱮ ᱮᱦᱚᱵ ᱟᱠᱟᱱᱟ ('ᱥᱟᱶᱛᱟ ᱜᱟᱸᱰᱟᱨ' ᱵᱮᱜᱚᱨ) ᱾ ᱱᱚᱝᱠᱟᱱ ᱚᱱᱚᱬᱦᱮᱸ ᱠᱚᱫᱚ ᱤᱧ 'ᱚᱵᱚᱱᱚᱬᱦᱮ'ᱧ ᱧᱩᱛᱩᱢ ᱟᱠᱟᱫᱟ, 'ᱚ' ᱨᱮ ᱮᱦᱚᱵ ᱠᱟᱛᱮ 'ᱵ' ᱨᱮ ᱢᱩᱪᱟᱹᱫᱚᱜ ᱠᱟᱱ ᱠᱷᱟᱹᱛᱤᱨ ᱾ ᱝ, ᱣ, ᱬ, ᱭ, ᱲ, ᱳ, ᱶ, ᱷ ᱱᱚᱶᱟᱠᱚ ᱤᱨᱟᱹᱞ ᱜᱚᱴᱟᱝ ᱟᱠᱷᱚᱨ ᱛᱮᱫᱚ ᱟᱹᱲᱟᱹ ᱵᱟᱝ ᱮᱦᱚᱵᱚᱜ ᱠᱟᱱ ᱠᱷᱟᱹᱛᱤᱨ ᱟᱨᱵᱟᱠᱷᱟᱱ ᱠᱷᱩᱵ ᱠᱚᱢ ᱟᱹᱲᱟᱹ ᱮᱦᱚᱵᱚᱜ ᱠᱟᱱ ᱠᱷᱟᱹᱛᱤᱨ ᱱᱚᱶᱟ ᱠᱚ ᱟᱠᱷᱚᱨ ᱛᱮᱫᱚ ᱠᱷᱚᱫᱽ ᱵᱟᱝ ᱮᱦᱚᱵ ᱟᱠᱟᱱᱟ ᱾ ** ᱱᱚᱶᱟ ᱯᱚᱛᱚᱵ ᱨᱮ ᱮᱢ ᱟᱠᱟᱱ ᱡᱚᱛᱚ ᱚᱱᱚᱬᱦᱮᱸ ᱠᱷᱚᱱᱟᱜ ᱥᱟᱶᱛᱟ ᱜᱟᱸᱰᱟᱨ ᱚᱱᱚᱬᱦᱮᱸ ᱫᱚ ᱵᱷᱮᱜᱟᱨ ᱧᱚᱜ ᱜᱮᱭᱟ ᱾ ᱱᱚᱶᱟ ᱚᱱᱚᱬᱦᱮᱸ ᱨᱮᱭᱟᱜ ᱯᱩᱭᱞᱩ ᱠᱷᱚᱫᱽ ᱫᱚ 'ᱵ' ᱛᱮ, ᱫᱚᱥᱟᱨ ᱠᱷᱚᱫᱽ ᱫᱚ 'ᱴ' ᱛᱮ ᱮᱦᱚᱵ ᱠᱟᱛᱮ ᱯᱟᱹᱪᱷᱞᱟᱹ ᱤᱫᱤᱭᱮᱱᱟ 'ᱚ' ᱦᱟᱹᱵᱤᱡ ᱾ 'ᱚ' ᱠᱷᱚᱱ ᱟᱨᱦᱚᱸ 'ᱛ', 'ᱜ' ᱥᱮᱫᱛᱮ ᱞᱟᱦᱟ ᱤᱫᱤᱭᱮᱱ ᱛᱮ ᱢᱩᱪᱟᱹᱫ ᱠᱷᱚᱫᱽ ᱫᱚ 'ᱵ' ᱨᱮ ᱮᱦᱚᱵ ᱟᱠᱟᱱᱟ ᱾ ᱢᱮᱱᱮᱠ 'ᱵ' ᱨᱮ ᱮᱦᱚᱵ ᱠᱟᱛᱮ ᱟᱨᱦᱚᱸ 'ᱵ' ᱨᱮᱜᱮ ᱢᱩᱪᱟᱹᱫᱚᱜ ᱠᱟᱱᱟ ᱟᱨ ᱛᱟᱞᱟ ᱨᱮᱫᱚ 'ᱚ' ᱛᱟᱦᱮᱸᱱ ᱠᱟᱱᱟ ᱾ ᱚᱱᱟᱛᱮ ᱥᱟᱶᱛᱟ ᱜᱟᱸᱰᱟᱨ ᱚᱱᱚᱬᱦᱮᱸ ᱫᱚ 'ᱵᱚᱵᱚᱱᱚᱬᱦᱮᱸ' ᱧᱩᱛᱩᱢ ᱟᱠᱟᱱᱟ ᱾ ** ᱤᱧ ᱫᱚ ᱟᱯᱮᱭᱤᱡ ᱱᱟᱶᱟ ᱚᱱᱚᱬᱦᱤᱭᱟᱹ ᱾ ᱱᱟᱶᱟ ᱨᱟᱹᱱᱩ ᱛᱮ, ᱱᱟᱶᱟ ᱞᱟᱪᱷᱟ ᱨᱮ, ᱱᱟᱶᱟ ᱚᱱᱚᱬᱦᱮᱸ-ᱦᱟᱺᱰᱤ ᱤᱧ ᱫᱚ ᱫᱚᱦᱚ ᱞᱟᱹᱜᱤᱫ ᱤᱧ ᱨᱤᱠᱟᱹ ᱟᱠᱟᱫᱟ ᱾ ᱛᱮᱦᱮᱧ ᱫᱚ ᱚᱱᱟ ᱤᱥᱤᱱ ᱩᱛᱟᱹᱨ ᱟᱠᱟᱱ ᱛᱮ ᱟᱯᱮ ᱥᱟᱢᱟᱝ ᱨᱮᱹᱧ ᱟᱹᱬᱛᱤ ᱮᱫᱟ, ᱢᱟ ᱪᱟᱠᱷᱟ ᱵᱤᱰᱟᱹᱣ ᱯᱮ ᱾ ᱦᱮᱲᱮᱢᱟ ᱥᱮ ᱠᱷᱟᱨᱟ ᱜᱮᱭᱟ, ᱥᱮ ᱡᱚᱡᱚ ᱜᱮᱭᱟ ? ᱞᱟᱹᱭ ᱨᱩᱣᱟᱹᱲᱟᱹᱧ ᱫᱚ ᱢᱚᱴᱷᱮ ᱟᱞᱚ ᱯᱮ ᱦᱤᱲᱤᱧᱟ ᱾

   ᱡᱚᱦᱟᱨ          ᱤᱧ ᱜᱮ 

                 ᱯᱷᱟᱹᱜᱩ ᱵᱟᱥᱠᱮ