ᱵᱮᱵᱷᱟᱨᱤᱭᱟᱹ:Fagu Baskey/sandbox/ᱟᱹᱲᱟᱹ ᱥᱟᱶ ᱤᱧ ᱯᱮ

ᱦᱟᱭᱠᱩ

ᱦᱚᱲᱮᱡ

ᱯᱩᱸᱰ ᱵᱟᱹᱭᱦᱟᱹᱲ ᱨᱮ ᱦᱮᱸᱫᱮ ᱦᱚᱲᱮᱡ ᱦᱮᱸᱫᱮ ᱵᱟᱹᱭᱦᱟᱹᱲ ᱨᱮ ᱯᱩᱸᱰ ᱦᱚᱲᱮᱡ ᱫᱚᱢᱮ ᱪᱟᱥ ᱢᱮ; ᱥᱤᱠᱤᱛᱚᱜ-ᱟᱢ, ᱟᱹᱥᱩᱞᱚᱜ-ᱟᱢ ᱾

᱒ ᱡᱷᱟᱹᱱᱴᱤᱭ ᱮᱱᱮᱡ

ᱟᱫᱚᱢ ᱠᱚ ᱪᱮᱴᱟᱜᱽ ᱨᱚᱦᱚᱲ ᱦᱟᱨᱛᱟ ᱟᱫᱚᱢ ᱠᱚ ᱜᱩᱰᱟᱹᱣ ᱚᱱᱟ ᱨᱟᱹᱥᱠᱟᱹ ᱛᱮ ᱡᱷᱟᱹᱱᱴᱤ ᱮᱱᱮᱡ ᱮ ᱮᱦᱚᱵᱽ ᱾

᱓ ᱴᱟᱢᱟᱠ ᱥᱟᱰᱮ ᱠᱟᱱ

ᱨᱤᱦᱤᱲ ᱵᱤᱫᱤᱲ ᱴᱟᱢᱟᱠ ᱥᱟᱰᱮ ᱠᱟᱱ ᱮᱱᱮᱡ ᱥᱟᱹᱱᱟᱹᱧ ᱠᱟᱱ ᱨᱩᱨᱩᱭᱤᱡ ᱜᱮ ᱵᱟᱹᱧ ᱧᱮᱧᱟᱢ ᱮ ᱠᱟᱱ ᱾

᱔ ᱤᱛᱟᱹᱫ ᱟᱛᱮ ᱡᱚᱢ

ᱟᱨᱟᱜ ᱜᱮᱭᱟ, ᱯᱩᱸᱰ ᱜᱮᱭᱟ, ᱨᱮᱭᱟᱲ ᱜᱮᱭᱟ ᱠᱤᱨᱤᱧ ᱠᱟᱛᱮᱧ ᱡᱚᱢ ᱠᱮᱫ ᱠᱟᱰᱮᱡ ᱫᱚᱸᱧ ᱤᱛᱟᱹᱫ ᱠᱮᱫ ᱾

᱕ ᱪᱮᱬᱮ ᱵᱤᱞᱤ

ᱚᱠᱟ ᱫᱤᱥᱚᱢ ᱪᱮᱬᱮ ᱪᱚ ᱵᱤᱞᱤ ᱠᱮᱫᱟᱭ ᱫᱟᱨᱮ ᱰᱟᱹᱨ ᱨᱮ ᱛᱤᱭᱩᱜ ᱠᱟᱛᱮᱧ ᱛᱤᱠᱤ ᱠᱮᱫ, ᱡᱚᱡᱚ ᱜᱮ ᱾

᱖ ᱮᱱᱮᱡ

ᱢᱤᱫ ᱦᱚᱲᱮ ᱮᱱᱮᱡ ᱠᱟᱱ ᱢᱚᱬᱮ ᱦᱚᱲ ᱠᱚ ᱠᱚᱭᱚᱜ ᱟᱠᱟᱫ ᱯᱩᱱ ᱦᱚᱲ ᱠᱚ ᱩᱠᱩ ᱟᱠᱟᱱ ᱾

᱗ ᱥᱮᱨᱮᱧ ᱨᱩᱥᱤᱠᱟ

ᱢᱚᱪᱟ ᱵᱟᱹᱱᱩᱜ ᱥᱮᱨᱮᱧ ᱮᱫᱟᱭ ᱡᱤᱣᱤ ᱵᱟᱹᱱᱩᱜ ᱨᱚᱲ ᱠᱟᱱᱟᱭ ᱢᱟᱹᱱᱢᱤ ᱠᱚ ᱟᱛᱮᱱᱮᱫ ᱛᱟᱭ ᱾

᱘ ᱵᱟᱺᱫᱤ

ᱥᱤᱭᱟᱠᱚ, ᱠᱟᱨᱦᱟᱭᱟᱠᱚ ᱪᱮᱫ ᱦᱚᱸ ᱵᱟᱠᱚ ᱮᱨᱟ ᱢᱤᱫᱴᱟᱝ ᱫᱚᱠᱚ ᱵᱟᱺᱫᱤ ᱜᱮᱭᱟ ᱾

᱙ ᱵᱮᱸᱜᱟᱲ ᱵᱟᱯᱷᱟᱣ

ᱛᱮᱦᱮᱧ ᱫᱚ ᱵᱟᱹᱱᱩᱜ-ᱟ ᱛᱟᱦᱮᱸ ᱱᱠᱟᱱᱟ ᱡᱟᱣ ᱪᱟᱹᱨᱱᱤ ᱪᱮᱛᱟᱱ ᱨᱮ ᱵᱮᱸᱜᱟᱲ ᱵᱟᱯᱷᱟᱣ ᱾

᱑᱐ ᱜᱚᱴᱟ ᱦᱚᱲᱢᱚ ᱡᱚᱱᱮ

ᱛᱤᱥᱮᱢ ᱡᱟᱱᱟᱢ ᱞᱮᱱ ᱢᱮᱱᱟᱜ ᱛᱟᱢᱟ ᱥᱮ ᱢᱚᱱᱮ ᱜᱚᱴᱟ ᱦᱚᱲᱢᱚ ᱡᱚᱱᱮ ᱾

᱑᱑ ᱨᱮᱸᱜᱮᱡ ᱠᱤᱥᱟᱹᱬ

ᱪᱟᱥ ᱵᱟᱥ ᱠᱚᱫᱚ ᱵᱟᱹᱱᱩᱜ ᱛᱟᱭ ᱦᱚᱲᱟᱜ ᱫᱷᱚᱱ ᱛᱮᱜᱮ ᱧᱤᱫᱟᱹ ᱨᱮᱸᱜᱮᱡᱚᱜ-ᱟᱭ ᱥᱤᱸᱜᱤ ᱠᱤᱥᱟᱹᱬᱚᱜ-ᱟᱭ ᱾

᱑᱒ ᱵᱟᱭ ᱯᱟᱸᱡᱟ ᱮᱫᱟ

ᱦᱚᱲᱢᱚ ᱨᱮ ᱦᱚᱲ ᱦᱚᱵᱚᱨ ᱠᱟᱛᱮ ᱦᱤᱡᱩᱜ ᱠᱟᱱᱟᱭ, ᱥᱮᱱᱚᱜ ᱠᱟᱱᱟᱭ ᱤᱠᱷᱟᱹᱱ ᱵᱟᱭ ᱯᱟᱸᱡᱟ ᱮᱫᱟ ᱾

᱑᱓ ᱡᱟᱞᱟᱢ

ᱚᱰᱟᱣ ᱞᱮᱫ ᱟᱹᱧ ᱡᱟᱞᱟᱢ ᱦᱟᱹᱠᱩ ᱢᱟ ᱵᱟᱠᱚ ᱯᱟᱲᱟᱣ ᱞᱮᱱ ᱤᱧ ᱜᱮᱧ ᱯᱟᱲᱟᱣ ᱮᱱ ᱾

᱑᱔ ᱦᱚᱞᱚᱝ

ᱪᱟᱠᱷᱟ ᱞᱮᱫᱟᱹᱧ ᱦᱚᱞᱚᱝ ᱦᱟᱭ ᱨᱮ ᱤᱧᱟᱜ ᱯᱚᱥᱟᱜ ᱢᱚᱞᱚᱝ ᱡᱚᱞᱟᱣ ᱮᱱᱟ ᱟᱞᱟᱝ ᱾

᱑᱕ ᱛᱟᱹᱠᱤᱡ ᱮᱱᱟᱹᱧ

ᱡᱷᱤᱡ ᱥᱤᱞᱯᱤᱧ ᱧᱮᱞᱛᱮ ᱦᱚᱨᱚᱵᱚᱨᱚᱸᱧ ᱵᱚᱞᱚᱱ ᱠᱟᱱ ᱛᱟᱹᱠᱤᱡ ᱮᱱᱟᱹᱧ ᱪᱮᱛᱟᱛ ᱨᱮ?

᱑᱖ ᱵᱩᱨᱩᱧ ᱫᱟᱯᱟᱞ ᱠᱮᱫ

ᱢᱤᱫ ᱢᱚᱠᱟ ᱞᱩᱜᱽᱲᱤ ᱛᱮ ᱵᱟᱨᱭᱟ ᱩᱥᱩᱞ ᱵᱩᱨᱩᱧ ᱫᱟᱯᱟᱞ ᱮᱥᱮᱫ ᱠᱮᱫ ᱾

᱑᱗ ᱟᱸᱠ

ᱞᱮᱱ ᱛᱮᱱ ᱚᱪᱚᱜ ᱨᱮᱦᱚᱸᱭ ᱟᱸᱠ ᱠᱟᱥᱟ ᱨᱟᱥᱟ ᱛᱤᱥ ᱨᱮᱦᱚᱸ ᱵᱟᱭ ᱮᱢᱟ ᱠᱚ ᱚᱠᱚᱭ ᱦᱚᱸ ᱾

᱑᱘ ᱦᱚᱭ-ᱫᱟᱜ

ᱪᱩᱠᱟᱹᱜ ᱠᱷᱚᱱ ᱛᱤᱱᱟᱹᱜ ᱞᱚᱜᱚᱱ ᱦᱚᱭ ᱚᱰᱚᱰᱠᱚᱜ-ᱟ; ᱩᱱᱟᱹᱜ ᱞᱚᱜᱚᱱ ᱚᱱᱰᱮ ᱫᱟᱜ ᱵᱚᱞᱚᱱᱟ ᱾

᱑᱙ ᱪᱩᱢᱵᱚᱠ

ᱠᱚᱧᱮ ᱱᱟᱠᱷᱟ ᱪᱩᱢᱵᱚᱠ ᱫᱚ ᱮᱛᱚᱢ ᱱᱟᱠᱷᱟ ᱪᱩᱢᱵᱚᱠ ᱜᱮ ᱚᱨᱟ ᱠᱚᱧᱮ ᱱᱟᱠᱷᱟ ᱫᱚ ᱴᱷᱮᱞᱟᱣᱟ ᱾

᱒᱐ ᱥᱩᱨ-ᱥᱟᱹᱝᱜᱤᱧ

ᱡᱟᱦᱟᱸ ᱡᱟᱱᱟᱢ ᱥᱮᱫ ᱠᱷᱚᱱ ᱥᱩᱨᱟ ᱚᱱᱟ ᱜᱩᱨ ᱠᱷᱚᱱ ᱥᱟᱹᱝᱜᱤᱧᱟ ᱾

᱒᱑ ᱟᱯᱱᱟᱨᱟᱜ ᱠᱟᱹᱢᱤ ᱨᱮ

ᱪᱟᱠᱟ ᱦᱟᱜ ᱠᱟᱹᱢᱤ ᱫᱚ ᱫᱟᱹᱲ ᱡᱚᱝ ᱵᱨᱮᱠ ᱟᱜ ᱠᱟᱹᱢᱤ ᱫᱚ ᱩᱱᱤ ᱚᱨ ᱴᱟᱨᱦᱟᱣᱮ ᱵᱟᱱᱟᱨ ᱜᱮ ᱟᱯᱱᱟᱨᱟᱜ ᱠᱟᱹᱢᱤ ᱨᱮ ᱾

᱒᱒ ᱠᱚᱯᱩᱨ

ᱡᱟᱦᱟᱸ ᱛᱤᱱᱟᱹᱜ ᱯᱚᱴᱚᱢ ᱠᱟᱛᱮᱢ ᱫᱚᱦᱚᱭ ᱨᱮᱦᱚᱸ ᱠᱚᱯᱩᱨ ᱢᱤᱫᱟᱹᱢ ᱚᱴᱟᱝ ᱪᱟᱵᱟᱜ ᱜᱮᱭᱟ ᱾

᱒᱓ ᱫᱷᱩᱯ'ᱟᱜ ᱫᱷᱚᱨᱚᱢ

ᱫᱷᱩᱯ'ᱟᱜ ᱫᱷᱚᱨᱚᱢ ᱫᱚ ᱡᱩᱞᱩᱜ ᱡᱩᱞᱩᱜ ᱛᱩᱞᱩᱡ ᱢᱟᱹᱱᱢᱤ ᱡᱟᱹᱛᱤ ᱥᱟᱸᱫᱷᱟᱲ ᱥᱚ ᱪᱟᱞ ᱟᱠᱚ ᱾

᱒᱔ ᱡᱚᱣᱟᱠᱟᱱ ᱫᱟᱨᱮ

ᱡᱚ ᱵᱟᱹᱱᱩᱜ ᱫᱟᱨᱮ ᱫᱚ ᱵᱟᱝ ᱡᱚᱣᱟᱠᱟᱱ ᱫᱟᱨᱮ ᱜᱮ ᱵᱟᱹᱠᱩᱜ, ᱠᱷᱟᱵᱚᱲ ᱥᱟᱦᱟᱣ ᱦᱩᱭ ᱟᱭ ᱾

᱒᱕ ᱢᱟᱹᱪᱤᱥ ᱠᱷᱟᱹᱰᱤ

ᱢᱟᱹᱪᱤᱥ ᱫᱚ ᱦᱩᱰᱤᱧ ᱨᱮᱦᱚᱸ ᱢᱟᱹᱪᱤᱥ ᱠᱷᱟᱹᱰᱤ ᱢᱮᱱᱟᱜ ᱠᱷᱟᱱ ᱚᱱᱟ ᱫᱚ ᱵᱚᱛᱚᱨᱟᱱ ᱜᱮᱭᱟ ᱾

᱒᱖

ᱥᱟᱹᱝᱜᱤᱧ ᱵᱩᱨᱩ

ᱥᱩᱨ ᱨᱮᱭᱟᱜ ᱫᱚ ᱵᱟᱝ ᱥᱟᱹᱝᱜᱤᱧ ᱨᱮᱭᱟᱜ ᱵᱩᱨᱩ ᱜᱮ ᱪᱚᱨᱚᱠ ᱫᱚ ᱧᱮᱞᱚᱜ-ᱟ ᱾

᱒᱗ ᱮᱸᱜᱟ-ᱵᱩᱥᱟᱹᱜ

ᱯᱩᱸᱰ ᱮᱸᱜᱟ ᱠᱷᱚᱱ ᱦᱮᱸᱫᱮ ᱵᱩᱥᱟᱹᱜ ᱦᱮᱸᱫᱮ ᱮᱸᱜᱟ ᱠᱷᱚᱱ ᱯᱩᱸᱰ ᱵᱩᱥᱟᱹᱜ ᱦᱚᱸᱠᱚ ᱪᱟᱹᱴᱤᱡᱚᱜ ᱜᱮᱭᱟ ᱾

᱒᱘ ᱡᱚᱲᱟᱭ ᱡᱟᱱᱟᱢᱚᱜ

ᱡᱚᱲᱟ ᱢᱟᱬᱟᱝ ᱡᱟᱱᱟᱢᱚᱜ ᱛᱟᱭᱚᱢ ᱛᱮ ᱠᱟᱹᱥᱤ ᱡᱚᱲᱟ ᱦᱚᱸ ᱡᱤᱞᱤᱧᱚᱜ ᱠᱟᱹᱥᱤ ᱦᱚᱸᱭ ᱦᱟᱨᱟᱜ ᱡᱟᱦᱟᱸᱭ ᱚᱲᱟᱜ ᱨᱮ ᱛᱟᱦᱮᱸᱱᱟ ᱩᱱᱤ ᱜᱮ ᱪᱟᱹᱥᱤ ᱾

᱒᱙ ᱦᱟᱹᱛᱤ

ᱪᱟᱭᱞᱚᱢ ᱟᱨ ᱥᱩᱸᱰ ᱵᱮᱜᱚᱨ ᱦᱚᱸ ᱢᱮᱛᱟᱭ ᱟᱠᱚ ᱦᱟᱹᱛᱤ ᱟᱡᱟᱜ ᱞᱟᱡ ᱞᱟᱛᱟᱨ ᱨᱮ ᱟᱥᱨᱟᱜ ᱟᱠᱚ ᱢᱟᱹᱱᱢᱤ ᱡᱟᱹᱛᱤ ᱾

᱓᱐ ᱰᱟᱹᱝᱠᱩ ᱢᱟᱹᱱᱢᱤ

ᱱᱩᱭ ᱫᱚ ᱚᱠᱟ ᱞᱮᱠᱟᱱ ᱰᱟᱹᱝᱠᱩ ᱢᱟᱹᱱᱢᱤ ᱦᱟᱦᱟᱲᱟ ᱟᱡᱟᱜ ᱠᱟᱹᱢᱤ ᱜᱤᱫᱟᱹᱨ ᱨᱮᱫᱚᱭ ᱵᱚᱥᱛᱚᱨ ᱠᱚᱜ ᱦᱟᱨᱟ ᱠᱟᱛᱮ ᱫᱚᱭ ᱯᱩᱸᱜᱟᱹᱲ ᱠᱚᱜ ᱾

᱓᱑ ᱯᱩᱸᱰ ᱰᱩᱝᱜᱽᱨᱤ

ᱟᱡᱟᱜ ᱨᱚᱝ ᱦᱚᱸ ᱯᱩᱸᱰ ᱜᱮ ᱯᱩᱸᱰ ᱰᱩᱝᱜᱽᱨᱤ ᱯᱟᱨᱚᱢᱚᱜ ᱵᱟᱭ ᱫᱤᱞ ᱟᱹᱰᱤ ᱢᱩᱥᱠᱤᱞ! ᱢᱮᱛᱟ ᱠᱚᱣᱟᱭ ᱢᱚᱬᱮ ᱦᱚᱲ, 'ᱯᱩᱸᱰ ᱰᱩᱝᱜᱽᱨᱤ ᱯᱟᱨᱚᱢ ᱠᱟᱹᱧ ᱯᱮ ᱦᱟᱱᱛᱮ ᱫᱚᱸᱧ ᱥᱮᱱᱚᱜ-ᱟ ᱾'

᱓᱒ ᱪᱷᱚᱞᱟ

ᱚᱠᱚᱭ ᱪᱚᱭ ᱮᱨ ᱟᱠᱟᱫ ᱪᱷᱚᱞᱟ ᱛᱮᱦᱮᱧ ᱥᱮ ᱦᱚᱞᱟ! ᱚᱠᱚᱭ ᱦᱚᱸ ᱵᱟᱠᱚ ᱦᱟᱜᱞᱟᱝ ᱠᱟᱱ ᱚᱢᱚᱱ ᱦᱚᱸ ᱵᱟᱭ ᱚᱢᱚᱱᱚᱜ ᱠᱟᱱ ᱾

᱓᱓ ᱟᱯᱮ ᱜᱮᱯᱮ ᱧᱮᱧᱟᱢᱚᱜ

ᱫᱤᱱᱟᱹᱢ ᱯᱮ ᱩᱭᱩᱝᱟᱹᱧ ᱩᱭᱩᱝᱟᱹᱧ ᱪᱮᱫᱟᱜ ᱪᱚᱯᱮ ᱩᱭᱩᱝ ᱤᱧ? ᱤᱧ ᱢᱟ ᱵᱟᱯᱮ ᱧᱮᱧᱟᱢᱤᱧ ᱟᱯᱮ ᱜᱮᱯᱮ ᱧᱮᱧᱟᱢᱚᱜ ᱾

᱓᱔ ᱥᱤᱭᱩᱜ ᱠᱚ

ᱥᱤᱭᱩᱜ ᱵᱤᱫᱟᱹᱞ ᱢᱚᱬᱮ ᱵᱚᱭᱦᱟ ᱠᱟᱨᱦᱟᱭ ᱵᱤᱫᱟᱹᱞ ᱜᱮᱞ ᱵᱚᱭᱦᱟ ᱫᱤᱱ ᱠᱚ ᱥᱤᱭᱩᱜ, ᱫᱤᱱ ᱠᱚ ᱠᱟᱨᱦᱟᱭ ᱪᱮᱫ ᱦᱚᱸ ᱵᱟᱠᱚ ᱪᱟᱥᱟ ᱾

᱓᱕ ᱚᱲᱟᱜ

ᱤᱨᱟᱹᱞ ᱜᱚᱴᱟᱝ ᱥᱮᱱᱮᱨ ᱢᱤᱫᱴᱟᱝ ᱠᱷᱩᱱᱴᱤ ᱚᱠᱚᱭ ᱵᱮᱱᱟᱣ ᱠᱮᱫ ᱱᱚᱝᱠᱟᱱ ᱚᱲᱟᱜ ᱥᱤᱛᱩᱝ ᱡᱟᱹᱯᱩᱫ ᱫᱤᱱ ᱜᱮ ᱞᱚᱲᱟᱜ ᱾

᱓᱖ ᱪᱩᱠᱟᱹᱜ ᱫᱟᱜ

ᱟᱹᱭᱠᱟᱹᱣᱟᱢ ᱟᱹᱰᱤ ᱟᱸᱫᱟᱜ ᱚᱠᱚᱭ ᱮ ᱫᱚᱲᱚᱢ ᱚᱴᱚ ᱟᱠᱟᱫ ᱯᱩᱨ ᱞᱟᱛᱟᱨ ᱨᱮ ᱪᱩᱠᱟᱹᱜ ᱫᱟᱜ ᱾

᱓᱗ ᱯᱟᱨᱣᱟ

ᱨᱟᱡᱽ ᱠᱚᱨᱮᱱ ᱨᱟᱯᱟᱡᱽ ᱠᱚᱨᱮᱱ ᱯᱟᱨᱣᱟ ᱯᱷᱟᱹᱠᱬᱟᱹᱜ ᱰᱷᱟᱞ ᱠᱟᱛᱮ ᱥᱤᱛᱩᱝ, ᱡᱟᱹᱯᱩᱫ, ᱨᱟᱵᱟᱝ ᱠᱷᱚᱱ ᱠᱚ ᱩᱢᱩᱞ ᱟᱠᱟᱫᱤᱧ ᱵᱚᱦᱚᱜ ᱢᱤᱫ ᱠᱟᱛᱮ ᱾

᱓᱘ ᱵᱩᱨᱩ ᱨᱟᱹᱯᱩᱫ

ᱨᱮᱸᱜᱮᱡ ᱛᱮᱧ ᱮᱦᱚᱵ ᱞᱮᱫ ᱵᱩᱨᱩ ᱨᱟᱹᱯᱩᱫ ᱵᱩᱨᱩ ᱦᱚᱸᱧ ᱨᱟᱹᱯᱩᱫ ᱯᱩᱨᱟᱹᱣ ᱠᱮᱫ ᱞᱟᱡ ᱦᱚᱸ ᱵᱤ ᱭᱮᱱ ᱾

᱓᱙ ᱪᱤᱞᱤ ᱡᱟᱱᱣᱟᱨ?

ᱥᱮᱛᱟᱜ ᱯᱩᱱᱭᱟᱹ ᱠᱟᱴᱟ ᱛᱤᱠᱤᱱ ᱵᱟᱨᱭᱟ ᱠᱟᱴᱟ ᱟᱹᱭᱩᱵ ᱯᱮᱭᱟ ᱠᱟᱴᱟ ᱪᱤᱞᱤ ᱡᱟᱣᱟᱨ ᱱᱩᱭ ᱫᱚ ᱵᱮᱴᱟ?

᱔᱐ ᱵᱟᱦᱟ ᱮᱱᱟ ᱠᱷᱟᱹᱡᱟᱹᱲᱤ

ᱚᱢᱚᱱ ᱮᱱᱟ ᱫᱟᱨᱮ ᱵᱟᱦᱟ ᱮᱱᱟ ᱠᱷᱟᱹᱡᱟᱹᱲᱤ ᱯᱷᱩᱴᱟᱹᱣ ᱮᱱᱟ ᱡᱚᱱᱚᱬᱟ ᱟᱛᱟ ᱡᱚ ᱮᱱᱟᱭ ᱵᱤᱧ ᱠᱚᱨᱦᱟ ᱠᱟᱛᱮ ᱡᱚᱢ ᱟᱠᱟᱫᱮᱭᱟᱹᱧ ᱤᱧ ᱾

᱔᱑ ᱠᱚᱸᱦᱰᱟ ᱥᱮ ᱦᱚᱛᱚᱫ?

ᱠᱚᱸᱦᱰᱟ ᱥᱮ ᱦᱚᱛᱚᱫ ᱠᱟᱱᱟ? ᱵᱮᱨᱮᱞ ᱨᱮᱢᱟ ᱞᱩᱛᱩ ᱯᱩᱛᱩ ᱵᱤᱞᱤ ᱠᱟᱛᱮ ᱢᱟ ᱠᱮᱴᱮᱡᱚᱜ ᱜᱮᱫ ᱛᱮᱦᱚᱸ ᱵᱟᱭ ᱥᱮᱴᱮᱡᱚᱜ ᱪᱮᱠᱟᱛᱮᱧ ᱵᱮᱱᱟᱣᱟ ᱩᱛᱩ?

᱔᱒ ᱜᱚᱡ ᱯᱩᱥᱤ

ᱜᱚᱡ ᱯᱩᱥᱤ ᱛᱟᱬᱟᱜ ᱟᱠᱟᱱ ᱦᱟᱹᱠᱩ ᱜᱷᱟᱹᱴᱤ ᱨᱮ ᱵᱟᱝ ᱫᱚ ᱯᱩᱥᱤᱧ ᱫᱟᱞᱮ ᱵᱟᱝ ᱫᱚ ᱦᱟᱹᱠᱩᱧ ᱫᱟᱞᱮ?

᱔᱓ ᱪᱟᱛᱚᱢ

ᱡᱟᱹᱯᱩᱫ ᱨᱤᱛᱩ ᱨᱮ ᱛᱟᱞᱟ ᱯᱩᱲᱭᱟᱹ ᱨᱮ ᱚᱠᱚᱭ ᱡᱟᱯᱮ ᱦᱤᱲᱤᱧ ᱟᱠᱟᱫ ᱪᱟᱛᱚᱢ ᱠᱩᱢᱟᱝ ᱥᱮ ᱦᱟᱛᱚᱢ?

᱔᱔ ᱪᱟᱛᱚᱢ ᱩᱛᱩ

ᱪᱟᱞᱟᱣ ᱞᱮᱱᱟᱹᱧ ᱯᱮᱲᱟ ᱚᱲᱟᱜ ᱪᱟᱛᱚᱢ ᱡᱟᱠᱚ ᱩᱛᱩ ᱟᱫᱤᱧ ᱦᱟᱹᱵᱨᱩᱜ ᱟᱛᱮ ᱡᱚᱢ ᱠᱮᱫᱟᱹᱧ ᱾

᱔᱕ ᱛᱩᱲᱤ ᱵᱟᱦᱟ

ᱛᱤᱥ ᱚᱠᱚᱭ ᱮ ᱮᱨ ᱞᱮᱫ ᱛᱤᱥ ᱫᱚ ᱦᱟᱨᱟ ᱮᱱ ᱩᱱᱟᱹᱜ ᱩᱥᱩᱞ ᱛᱤᱭᱩᱜᱟᱹᱧ ᱢᱮᱱᱛᱮ ᱛᱩᱲᱤ ᱵᱟᱦᱟ ᱛᱤᱻᱧ ᱛᱤᱭᱟᱹᱨ ᱞᱮᱫ ᱵᱟᱹᱧ ᱥᱮᱴᱮᱨ ᱞᱮᱫ ᱾

᱔᱖ ᱨᱟᱯᱟᱡᱽ ᱦᱚᱯᱚᱱ ᱮᱨᱟ

ᱪᱮᱫ ᱪᱚᱭ ᱫᱩᱠ ᱟᱠᱟᱱ ᱪᱮᱫ ᱪᱚᱭ ᱠᱟᱹᱦᱤᱸᱥ ᱟᱠᱟᱱ ᱨᱟᱯᱟᱡᱽ ᱤᱡ ᱦᱚᱯᱚᱱ ᱮᱨᱟ ᱩᱵ ᱟᱲᱟᱜ ᱠᱟᱛᱮ ᱫᱩᱲᱩᱵ ᱟᱠᱟᱱ ᱾

᱔᱗ ᱥᱤᱢ ᱠᱩᱲᱠᱩᱪᱩᱫ

ᱥᱤᱢ ᱠᱚ ᱠᱩᱲᱠᱩᱪᱩᱫᱽ ᱠᱷᱟᱹᱛᱤᱨ ᱫᱚ ᱵᱟᱭ ᱥᱮᱛᱟᱜᱚ-ᱟ; ᱥᱮᱛᱟᱜᱚᱜ ᱵᱟᱰᱟᱭ ᱠᱟᱛᱮ ᱜᱮ ᱥᱤᱢ ᱫᱚᱠᱚ ᱠᱩᱲᱠᱩᱪᱩᱫᱟ ᱾

᱔᱘ ᱩᱥᱩᱞ ᱵᱩᱨᱩ

ᱢᱤᱫ ᱢᱚᱠᱟ ᱞᱩᱜᱽᱲᱤ ᱛᱮ ᱵᱟᱨᱭᱟ ᱩᱥᱩᱞ ᱵᱩᱨᱩᱧ ᱫᱟᱯᱟᱞ ᱮᱥᱮᱫ ᱠᱮᱫ ᱾

᱔᱙ ᱪᱟᱸᱫᱚ ᱦᱟᱹᱥᱩᱨ

ᱪᱟᱸᱫᱚᱭ ᱦᱟᱹᱥᱩᱨ ᱮᱱᱟ ᱢᱮᱱᱛᱮ ᱥᱤᱛᱩᱝ ᱪᱟᱵᱟ ᱩᱛᱟᱹᱨᱮᱱᱟ ᱢᱮᱱᱛᱮ ᱟᱞᱚᱢ ᱵᱷᱟᱹᱵᱤᱭᱟ ᱾

᱕᱐ ᱧᱤᱫᱟᱹ ᱮᱱᱟ

ᱧᱤᱫᱟᱹ ᱮᱱᱟ ᱢᱮᱱᱛᱮ ᱟᱨ ᱛᱤᱥ ᱦᱚᱸ ᱵᱟᱭ ᱟᱸᱜᱟᱜ-ᱟ ᱢᱮᱱᱛᱮ ᱟᱞᱚᱢ ᱢᱚᱱᱮᱭᱟ ᱾

᱕᱑ ᱵᱟᱦᱟ ᱟᱜ ᱡᱟᱱᱟᱢ

ᱵᱟᱦᱟᱣᱟᱜ ᱡᱟᱱᱟᱢ ᱫᱚ ᱵᱷᱟᱶᱟᱨ ᱴᱷᱮᱱ ᱦᱚᱲᱢᱚ ᱟᱞᱟᱭ ᱞᱟᱹᱜᱤᱫ ᱜᱮ ᱾

᱕᱒ ᱫᱟᱜ

ᱦᱟᱭ ᱨᱮ ᱠᱚᱯᱟᱲ ᱤᱧᱟᱜ ᱵᱩᱛᱩᱞ ᱨᱮ ᱧᱮᱞ ᱠᱟᱛᱮ ᱫᱟᱜ ᱧᱩ ᱠᱮᱫᱟᱹᱧ, ᱱᱟᱹᱨᱲᱤ ᱟᱛᱟᱨᱮᱱ ᱾

᱕᱓ ᱪᱤᱞᱤ

ᱪᱤᱞᱤ ᱡᱟᱭ ᱛᱤᱸᱜᱩ ᱟᱠᱟᱱ ᱱᱚᱰᱮ ᱪᱟᱭᱞᱚᱢ ᱤᱧ ᱦᱤᱞᱟᱹᱣ ᱠᱮᱫ ᱛᱟᱭ ᱫᱟᱜ ᱜᱮ ᱩᱞᱟᱹ ᱠᱮᱫ ᱥᱚᱸᱜᱮ ᱾

᱕᱔ ᱵᱟᱞᱟᱭᱟ

ᱢᱤᱫᱴᱟᱝ ᱯᱟᱨᱠᱚᱢ ᱨᱮ ᱵᱟᱞᱟᱭᱟ ᱠᱤᱱ ᱫᱩᱲᱩᱵ ᱟᱠᱟᱱ ᱵᱟᱹᱠᱤᱱ ᱡᱚᱯᱚᱴᱮᱫ ᱠᱟᱱ ᱾

᱕᱕ ᱵᱷᱟᱯ ᱨᱟᱠᱟᱵ ᱠᱟᱱ

ᱥᱮᱸᱜᱮᱞ ᱵᱟᱭ ᱡᱩᱞ ᱟᱠᱟᱱ ᱫᱟᱜ ᱦᱚᱸ ᱵᱟᱭ ᱞᱚᱞᱚ ᱟᱠᱟᱱ ᱤᱠᱷᱟᱹᱱ ᱵᱷᱟᱯ ᱨᱟᱠᱟᱵ ᱠᱟᱱ ᱾

᱕᱖ ᱫᱚᱱ ᱜᱩᱡᱩᱜ

ᱚᱪᱚᱜ ᱯᱮ ᱜᱤᱫᱽᱨᱟᱹ ᱚᱪᱚᱜ ᱯᱮ ᱠᱩᱲᱪᱩᱝ ᱠᱟᱛᱮᱧ ᱫᱚᱱ ᱜᱩᱡᱩᱜ ᱠᱟᱱ ᱫᱟᱨᱮ ᱪᱮᱛᱟᱱ ᱠᱷᱚᱱᱟᱜ ᱾

᱕᱗ ᱟᱢᱟᱜ ᱯᱟᱸᱡᱟ

ᱛᱟᱲᱟᱢ ᱢᱮ ᱛᱟᱲᱟᱢ ᱢᱮ ᱤᱧᱟᱜ ᱜᱚᱴᱟ ᱦᱚᱲᱢᱚ ᱛᱟᱲᱟᱢ ᱯᱩᱨᱟᱹᱣ ᱯᱮ ᱟᱢᱟᱜ ᱯᱟᱸᱡᱟ ᱢᱟᱹᱱᱢᱤ ᱠᱚ ᱩᱭᱩᱝ ᱾

᱕᱘ ᱪᱮᱬᱮ ᱩᱰᱟᱹᱜ ᱠᱟᱱ

ᱪᱮᱬᱮ ᱩᱰᱟᱹᱣ ᱟᱠᱟᱱ ᱵᱷᱚᱸᱻ ᱵᱷᱚᱸᱻᱭ ᱥᱟᱰᱮ ᱚᱪᱚᱭᱮᱫ ᱯᱷᱟᱹᱠᱬᱟᱹᱜ ᱵᱟᱭ ᱦᱤᱞᱟᱹᱣᱮᱫ ᱾

᱕᱙ ᱫᱟᱹᱲ ᱡᱚᱝ ᱠᱟᱱᱟᱭ

ᱞᱚᱞᱚᱜ ᱠᱟᱱᱟᱭ ᱚᱴᱟᱝᱚᱜ ᱠᱟᱱᱟᱭ ᱨᱮᱭᱟᱲᱚᱜ ᱠᱟᱱᱟᱭ ᱧᱩᱨᱩᱜ ᱠᱟᱱᱟᱭ ᱞᱟᱛᱟᱨ ᱥᱮᱫ ᱫᱟᱹᱲ ᱡᱚᱝ ᱠᱟᱱᱟᱭ ᱾

᱖᱐ ᱥᱚᱸᱫᱷᱟᱲ ᱥᱚ ᱮᱢᱚᱜᱤᱡ

ᱵᱚᱦᱚᱜ ᱠᱚ ᱟᱛᱟᱨ ᱟᱠᱟᱣᱟᱫ ᱛᱤᱧ ᱨᱮᱦᱚᱸ ᱦᱚᱲᱢᱚ ᱛᱤᱧ ᱞᱚᱜ ᱠᱟᱱ ᱨᱮᱦᱚᱸ ᱵᱟᱹᱧ ᱵᱟᱹᱜᱤᱭᱟ ᱥᱚᱸᱫᱷᱟᱲ ᱥᱚ ᱮᱢᱚᱜ ᱾

᱖᱑ ᱢᱟᱨᱥᱟᱞ ᱮᱢᱚᱜᱤᱡ

ᱵᱚᱦᱚᱜ ᱨᱮᱠᱚ ᱥᱮᱸᱜᱮᱞ ᱟᱠᱟᱣᱟᱫᱤᱧ ᱦᱚᱲᱢᱚ ᱛᱤᱧ ᱪᱷᱮᱨᱚᱜ ᱠᱟᱱ ᱮᱱᱦᱚᱸ ᱤᱧ ᱢᱟᱨᱥᱟᱞ ᱤᱧ ᱪᱟᱪᱟᱞ ᱠᱟᱱ ᱾

᱖᱒ ᱤᱧ ᱠᱚ ᱩᱢᱩᱞ ᱟᱠᱟᱫᱤᱧ

ᱨᱟᱯᱟᱡᱽ ᱠᱚᱨᱮᱱ ᱯᱟᱨᱣᱟ ᱥᱤᱛᱩᱝ ᱡᱟᱹᱯᱩᱫ ᱥᱟᱦᱟᱣ ᱠᱟᱛᱮ ᱤᱧ ᱠᱚ ᱩᱢᱩᱞ ᱟᱠᱟᱫᱤᱧ ᱾

ᱟᱹᱠᱷᱟᱹᱭᱱᱤ

ᱠᱚᱞᱚᱢ ᱧᱩᱛᱩᱢᱟᱱ ᱟᱹᱠᱷᱟᱹᱭᱱᱤ ᱤᱧ ᱫᱚᱸᱧ ᱥᱟᱵ ᱟᱠᱟᱫ ᱾ ᱑

ᱚᱱᱟ ᱟᱹᱠᱷᱟᱹᱭᱱᱤ ᱛᱮ ᱥᱟᱶᱛᱟ ᱨᱮᱭᱟᱜ ᱵᱟᱹᱲᱤᱡᱟᱜ ᱠᱚᱫᱚ ᱵᱟᱦᱨᱮ ᱥᱮᱫ ᱤᱧ ᱦᱚᱴᱟᱜ ᱜᱤᱰᱤ ᱠᱟᱜ-ᱟ ᱾ ᱒

ᱵᱩᱜᱤᱭᱟᱜ ᱠᱚᱦᱚᱸ ᱡᱩᱫᱤ ᱵᱟᱦᱨᱮ ᱥᱮᱫ ᱨᱮ ᱢᱮᱱᱟᱜ ᱠᱷᱟᱱ ᱚᱱᱟᱠᱚ ᱡᱚᱛᱚ ᱥᱟᱶᱛᱟ ᱵᱷᱤᱛᱨᱤ ᱛᱮᱧ ᱦᱚᱴᱟᱜ ᱠᱷᱟᱹᱲ ᱠᱟᱜ-ᱟ ᱾ ᱓

ᱵᱟᱹᱲᱤᱡ ᱠᱟᱹᱢᱤ ᱠᱟᱛᱮ ᱵᱩᱥᱩᱵ ᱠᱚᱛᱮ ᱟᱞᱚᱢ ᱫᱟᱯᱟᱞ ᱠᱟᱜ-ᱟ, ᱱᱚᱶᱟ ᱱᱚᱱᱚᱞ ᱟᱹᱠᱷᱟᱹᱭᱱᱤ ᱛᱮ ᱚᱱᱟᱠᱚ ᱡᱚᱛᱚᱸᱧ ᱦᱚᱴᱟᱜ ᱥᱚᱫᱚᱨ ᱠᱟᱜ-ᱟ ᱾ ᱔

ᱠᱚᱞᱚᱢ ᱧᱩᱛᱩᱢᱟᱱ ᱟᱹᱠᱷᱟᱹᱭᱱᱤ ᱤᱧ ᱫᱚᱸᱧ ᱥᱟᱵ ᱟᱠᱟᱫ ᱾ ᱕ (᱗᱙)

ᱵᱩᱦᱤ ᱵᱟᱺᱫᱤ

ᱥᱟᱱᱛᱟᱲᱤ ᱥᱟᱶᱦᱮᱫ ᱰᱷᱩᱞᱟᱹ ᱨᱮ ᱵᱩᱦᱤ ᱵᱟᱺᱫᱤ ᱠᱚᱢ ᱜᱮ ᱨᱮᱦᱚᱸ ᱚᱱᱟ ᱜᱮ ᱤᱧ ᱫᱚᱸᱧ ᱠᱮᱥᱚᱢᱟᱜ-ᱟ ᱚᱱᱟ ᱜᱮᱧ ᱠᱚᱭᱚᱜᱟᱜ-ᱟ ᱾

ᱮᱴᱟᱜ ᱥᱟᱶᱛᱟ ᱨᱮᱭᱟᱜ ᱰᱷᱩᱞᱟᱹ ᱯᱮᱨᱮᱡ ᱵᱟᱺᱫᱤ ᱧᱮᱞᱛᱮ ᱚᱱᱛᱮ ᱵᱟᱹᱧ ᱞᱟᱰᱮᱜ-ᱟ ᱾

ᱥᱮᱬᱟ ᱥᱤᱠᱤᱛ ᱦᱚᱲ ᱫᱚ ᱢᱟᱨᱟᱝ ᱢᱟᱨᱟᱝ ᱵᱩᱦᱤ ᱵᱟᱺᱫᱤ ᱨᱟᱠᱟᱵᱟ ᱠᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱰᱷᱩᱞᱟᱹ ᱛᱮ ᱾

ᱤᱧ ᱫᱚ ᱩᱱᱟᱹᱜ ᱵᱟᱹᱧ ᱫᱟᱲᱮᱭᱟᱜ ᱨᱮᱦᱚᱸ ᱢᱤᱫ ᱪᱩᱯᱩᱫ ᱜᱟᱱ ᱨᱮᱦᱚᱸ ᱨᱟᱠᱟᱵ ᱚᱴᱚ ᱠᱟᱜ-ᱟᱹᱧ ᱥᱟᱱᱛᱟᱲᱤ ᱥᱟᱶᱦᱮᱫ ᱰᱷᱩᱞᱟᱹ ᱛᱮ ᱾

ᱦᱚᱱ ᱜᱟᱬᱟ ᱠᱚᱣᱟᱜ ᱦᱟᱛᱟᱝ ᱨᱮᱭᱟᱜ ᱢᱤᱫ ᱠᱚᱬ ᱨᱮᱦᱚᱸ ᱯᱮᱨᱮᱡᱚᱜ-ᱟ ᱤᱱᱟᱹ ᱛᱮ ᱾

ᱨᱟᱡᱟ ᱨᱟᱢ ᱫᱚᱨᱭᱟ ᱨᱮ ᱥᱮᱛᱩ ᱛᱮᱭᱟᱨ ᱡᱷᱚᱜ ᱛᱩᱲᱟᱜ ᱥᱚᱯᱚᱦᱚᱫ ᱤᱱᱟᱹᱜ ᱜᱟᱱ ᱨᱮᱦᱚᱸᱧ ᱠᱟᱹᱢᱤ ᱚᱴᱚ ᱠᱟᱜ-ᱟ ᱟᱵᱚ ᱥᱟᱶᱦᱮᱫ ᱞᱟᱜᱤᱫ ᱾

ᱡᱟᱹᱯᱩᱫ ᱨᱤᱛᱩ ᱟᱨ ᱫᱩᱞᱟᱹᱲ ᱜᱟᱛᱮ

ᱯᱷᱩᱴᱟᱹᱣ ᱟᱠᱟᱱ ᱵᱟᱦᱟ ᱫᱚ ᱫᱩᱞᱟᱹᱲ ᱜᱟᱛᱮᱭᱟᱜ ᱢᱮᱫᱦᱟᱣ ᱚᱱᱰᱮ ᱠᱷᱚᱱ ᱩᱯᱪᱟᱹᱱᱚᱜ ᱠᱟᱱ ᱥᱚᱸᱫᱷᱟᱲ ᱥᱚ ᱫᱚ ᱫᱩᱞᱟᱹᱲ ᱜᱟᱛᱮᱭᱟᱜ ᱯᱟᱭᱰᱚᱨ ᱥᱚ ᱾

᱒ ᱨᱤᱢᱤᱞ ᱛᱮ ᱠᱩᱱᱟᱹᱢᱤ ᱪᱟᱸᱫᱚᱭ ᱮᱥᱮᱫ ᱧᱚᱜ ᱟᱠᱟᱱᱟ ᱟᱢ ᱜᱮᱥᱮ ᱫᱩᱞᱟᱹᱲ ᱜᱟᱛᱮ ᱦᱮᱸᱫᱮ ᱟᱧᱪᱟᱨ ᱛᱮᱢ ᱴᱩᱴᱩᱨᱤ ᱟᱠᱟᱱ ᱛᱮ ᱚᱨᱤᱯᱤᱫ ᱢᱮᱫ ᱛᱮ ᱤᱧᱮᱢ ᱠᱚᱭᱚᱜ ᱟᱠᱟᱫᱤᱧᱟ!

᱓ ᱡᱟᱹᱲᱤ ᱨᱤᱛᱩ, ᱟᱹᱭᱩᱵ ᱚᱠᱛᱚ ᱥᱟᱥᱟᱝ ᱜᱮ ᱧᱮᱞᱚᱜ ᱨᱤᱢᱤᱞ ᱯᱟᱪᱷᱮ ᱚᱱᱟᱫᱚ ᱫᱩᱞᱟᱹᱲ ᱜᱟᱛᱮᱭᱟᱜ ᱩᱨᱢᱟᱹᱞ ᱚᱱᱛᱮ ᱚᱴᱟᱝ ᱟᱠᱟᱱ !

᱔ ᱥᱮᱨᱢᱟ ᱨᱮ ᱡᱚᱠᱷᱚᱱᱤᱧ ᱧᱮᱞ ᱞᱤᱴᱟᱹᱜ ᱢᱚᱱᱮ ᱛᱤᱧ ᱞᱩᱴᱩᱜ ᱞᱩᱴᱩᱜ ᱤᱧ ᱫᱚᱸᱧ ᱩᱭᱦᱟᱹᱨᱚᱜ ᱯᱟᱪᱷᱮ ᱚᱠᱚᱭ ᱤᱧᱤᱧᱡ ᱫᱩᱞᱟᱹᱲ ᱜᱟᱛᱮᱭᱟᱜ ᱨᱚᱝᱜᱤᱱ ᱪᱩᱲᱤ ᱨᱟᱹᱯᱩᱫ ᱠᱟᱛᱮ ᱪᱟᱯᱟᱫ ᱜᱤᱰᱤ ᱟᱠᱟᱫ ᱚᱱᱛᱮ ᱨᱮ ᱾

᱕ ᱱᱚᱶᱟ ᱨᱤᱛᱩ ᱨᱮ ᱯᱩᱸᱰ ᱨᱤᱢᱤᱞ ᱛᱮ ᱵᱩᱨᱩ ᱫᱟᱯᱟᱞ ᱠᱚᱜ ᱱᱚᱝᱠᱟ ᱜᱮ ᱜᱟᱛᱮ ᱟᱢᱮᱢ ᱧᱮᱞᱚᱜ ᱡᱚᱠᱷᱚᱱ ᱯᱩᱸᱰ ᱥᱟᱹᱲᱤᱢ ᱵᱟᱸᱫᱮ ᱠᱚᱜ ᱟᱨᱮᱢ ᱴᱩᱴᱩᱨᱤ ᱮᱥᱮᱫ ᱠᱚᱜ ᱾ (᱘᱑)

ᱫᱩᱠ ᱟᱨ ᱥᱩᱠ

ᱫᱩᱠ ᱫᱚ ᱫᱚᱨᱭᱟ ᱠᱟᱱᱟ ᱚᱱᱟ ᱯᱟᱭᱨᱟ ᱯᱟᱨᱚᱢ ᱢᱮ ᱚᱱᱟᱢ ᱯᱟᱭᱨᱟ ᱯᱟᱨᱚᱢ ᱞᱮᱠᱷᱟᱱ ᱧᱟᱢᱟᱢ ᱥᱩᱠ ᱨᱮᱭᱟᱜ ᱥᱟᱹᱢᱩᱫᱽ ᱾

ᱫᱩᱠ ᱫᱚ ᱵᱩᱨᱩ ᱠᱟᱱᱟ ᱚᱱᱟ ᱛᱟᱲᱟᱢ ᱯᱟᱨᱚᱢ ᱢᱮ ᱚᱱᱟᱢ ᱛᱟᱲᱟᱢ ᱯᱟᱨᱚᱢ ᱞᱮᱠᱷᱟᱱ ᱧᱟᱢᱟᱢ ᱥᱩᱠ ᱧᱩᱛᱩᱢᱟᱱ ᱥᱟᱜᱟᱲ ᱾

ᱫᱩᱠ ᱫᱚ ᱫᱟᱲᱟᱝ ᱠᱟᱱᱟ ᱚᱱᱟ ᱛᱟᱲᱟᱢ ᱯᱟᱨᱚᱢ ᱢᱮ ᱚᱱᱟᱢ ᱛᱟᱲᱟᱢ ᱯᱟᱨᱚᱢ ᱞᱮᱠᱷᱟᱱ ᱧᱟᱢᱟᱢ ᱥᱩᱠ ᱨᱮᱭᱟᱜ ᱥᱚᱢᱟᱱ ᱚᱛ ᱾

ᱫᱩᱠ ᱫᱚ ᱥᱟᱫᱚᱢ ᱪᱮᱛᱟᱱ ᱛᱮ ᱦᱤᱡᱩᱜ-ᱟᱭ ᱥᱩᱠ ᱫᱚ ᱦᱚᱨᱚ ᱪᱮᱛᱟᱱ ᱛᱮ ᱦᱤᱡᱩᱜ-ᱟᱭ ᱤᱠᱷᱟᱹᱱ ᱨᱩᱣᱟᱹᱲ ᱡᱷᱚᱜ ᱫᱚ ᱫᱩᱠ ᱫᱚ ᱦᱚᱨᱚ ᱪᱮᱛᱟᱱ ᱛᱮ ᱨᱩᱣᱟᱹᱲᱟᱭ ᱥᱤᱠ ᱫᱚ ᱥᱟᱫᱚᱢ ᱪᱮᱛᱟᱱ ᱛᱮ ᱨᱩᱣᱟᱹᱲᱟᱭ ᱾

ᱫᱩᱠ ᱫᱚ ᱠᱩᱨᱰᱷᱟᱹ ᱞᱮᱠᱟ ᱦᱟᱢᱟᱞᱟ ᱥᱩᱠ ᱫᱚ ᱛᱩᱞᱟᱹᱢ ᱞᱮᱠᱟ ᱨᱟᱣᱟᱞᱟ ᱫᱩᱠ ᱫᱚ ᱫᱚᱨᱭᱟ ᱞᱮᱠᱟ ᱢᱟᱨᱟᱝ ᱟ ᱥᱩᱠ ᱫᱚ ᱥᱟᱸᱠ ᱞᱮᱠᱟ ᱦᱩᱰᱤᱧᱟ ᱾

ᱫᱚᱨᱭᱟ ᱛᱟᱞᱟ ᱨᱮ ᱥᱟᱸᱠ ᱫᱚ ᱩᱠᱩ ᱠᱟᱛᱮ ᱛᱟᱦᱮᱸ ᱠᱚᱜ-ᱟ ᱫᱩᱠ ᱛᱟᱞᱟ ᱨᱮ ᱥᱩᱠ ᱫᱚ ᱩᱠᱩ ᱠᱟᱛᱮ ᱛᱟᱦᱮᱸ ᱠᱚᱜ-ᱟ ᱾ (᱘᱒)

ᱟᱹᱨᱥᱤ ᱟᱹᱠᱷᱨᱤᱧ

ᱟᱱᱫᱷᱟ ᱫᱩᱱᱤᱭᱟᱹ ᱛᱮ ᱤᱧ ᱫᱚ ᱟᱹᱨᱥᱤ ᱟᱹᱠᱷᱨᱤᱧ ᱤᱧ ᱦᱮᱡ ᱟᱠᱟᱱ ᱾

ᱟᱹᱰᱤ ᱠᱚᱢ ᱦᱚᱲ ᱜᱮ ᱱᱚᱰᱮ ᱠᱚ ᱧᱮᱧᱮᱞᱟ ᱩᱱᱠᱩ ᱜᱮ ᱤᱧ ᱨᱮᱱ ᱜᱚᱨᱦᱟᱠ ᱾

ᱱᱚᱶᱟ ᱫᱚ ᱤᱱᱠᱟᱹᱱ ᱥᱟᱫᱷᱟᱨᱚᱱ ᱟᱹᱨᱥᱤ ᱫᱚ ᱵᱟᱝ ᱠᱟᱱᱟ ᱡᱟᱹᱫᱩ ᱢᱮᱱᱟᱜ-ᱟ ᱱᱚᱶᱟ ᱟᱹᱨᱥᱤ ᱨᱮ ᱟᱱᱫᱷᱟ ᱦᱚᱲ ᱦᱚᱸ ᱡᱩᱫᱤ ᱫᱤᱱᱟᱹᱢ ᱮ ᱩᱭᱩᱝᱟ ᱢᱮᱫ ᱛᱟᱭ ᱢᱟᱨᱥᱟᱞᱚᱜ-ᱟ ᱾

ᱟᱱᱫᱷᱟ ᱠᱚ! ᱢᱟ ᱟᱹᱨᱥᱤ ᱠᱤᱨᱤᱧ ᱜᱚᱫᱽ ᱯᱮ ᱫᱤᱱᱟᱹᱢ ᱱᱚᱶᱟ ᱩᱭᱩᱝ ᱯᱮ ᱵᱟᱹᱭ ᱵᱟᱹᱭ ᱛᱮ ᱢᱮᱫ ᱢᱟᱨᱥᱟᱞᱚᱜ ᱛᱟᱯᱮᱭᱟ ᱫᱤᱥᱚᱢ ᱫᱩᱱᱤᱭᱟᱹ ᱯᱮ ᱧᱮᱧᱟᱢᱟ ᱾ (᱘᱓)

ᱜᱩᱨ ᱜᱮ ᱥᱟᱹᱨᱤᱭᱟ

ᱢᱟᱹᱱᱢᱤ, ᱫᱟᱹᱱᱢᱤ, ᱡᱤᱵᱽ ᱡᱤᱭᱟᱹᱞᱤ ᱵᱚᱨᱚᱣᱟᱜ-ᱟ ᱠᱚ ᱡᱚᱛᱚ ᱜᱮ ᱜᱩᱨ ᱫᱚ ᱚᱠᱚᱭ ᱦᱚᱸ ᱵᱟᱝ ᱦᱤᱡᱩᱜ ᱥᱟᱱᱟ ᱠᱚᱣᱟ ᱱᱚᱶᱟ ᱥᱩᱨ ᱫᱚ ᱾

ᱡᱩᱫᱤ ᱦᱚᱸ ᱩᱱᱠᱩ ᱚᱱᱟ ᱠᱷᱚᱱ ᱵᱟᱠᱚ ᱯᱩᱪᱩᱡᱚᱜ ᱜᱮᱭᱟ ᱾

ᱜᱩᱨ ᱜᱮ ᱥᱟᱹᱨᱤᱭᱟ ᱡᱟᱱᱟᱢ ᱫᱚ ᱵᱟᱭ ᱥᱟᱹᱨᱤᱭᱟ ᱾

ᱡᱟᱱᱟᱢ ᱟᱠᱟᱱ ᱠᱷᱟᱱᱮᱢ ᱱᱤᱦᱟᱹᱛ ᱮᱢ ᱜᱩᱨᱚᱜ ᱜᱮᱭᱟ ᱱᱚᱶᱟ ᱠᱟᱛᱷᱟ ᱫᱚ ᱡᱚᱛᱚ ᱦᱚᱲ ᱠᱚ ᱵᱟᱰᱟᱭᱟ ᱾

ᱤᱠᱷᱟᱹᱱ, ᱜᱩᱨ ᱟᱠᱟᱱ ᱠᱷᱟᱱᱮᱢ ᱡᱟᱱᱟᱢᱚᱜ-ᱟᱢ ᱥᱮ ᱵᱟᱝᱟ ᱚᱠᱚᱭ ᱦᱚᱸ ᱵᱟᱠᱚ ᱞᱟᱹᱭ ᱠᱮᱭᱟ ᱾

ᱚᱛᱚᱭᱮᱵᱽ ᱜᱩᱨ ᱜᱮ ᱥᱟᱹᱨᱤᱭᱟ ᱡᱟᱱᱟᱢ ᱫᱚ ᱵᱟᱭ ᱥᱟᱹᱨᱤᱭᱟ ᱾ (᱘᱔)

ᱜᱩᱨ ᱟᱨ ᱟᱛᱢᱟ

ᱟᱞᱚᱢ ᱵᱚᱨᱚᱣᱟᱜ-ᱟ ᱜᱩᱨ ᱫᱚ, ᱡᱩᱨ ᱫᱚ ᱛᱮᱛᱮᱫ ᱫᱚ-

ᱟᱢ ᱢᱟᱨᱮ ᱫᱤᱞᱚᱝ ᱵᱟᱹᱜᱤ ᱠᱟᱛᱮ ᱱᱟᱶᱟ ᱫᱤᱞᱚᱝ ᱮᱢ ᱦᱚᱨᱚᱜᱽ ᱞᱮᱠᱟ ᱟᱢᱮᱢ ᱜᱩᱨᱚᱜ ᱠᱷᱟᱱ ᱟᱢᱟᱜ ᱟᱛᱢᱟ ᱢᱟᱨᱮ ᱦᱚᱲᱢᱚ ᱵᱟᱹᱜᱤ ᱠᱟᱛᱮ ᱱᱟᱶᱟ ᱦᱚᱲᱢᱚᱭ ᱦᱚᱨᱚᱜᱟ ᱾

ᱛᱤᱡᱩ ᱢᱤᱫᱴᱟᱝ ᱜᱟᱥ ᱵᱟᱹᱜᱤ ᱠᱟᱛᱮ ᱟᱨ ᱢᱤᱫᱴᱟᱝ ᱜᱟᱥ ᱛᱮ ᱩᱪᱟᱹᱲᱚᱜ ᱞᱮᱠᱟ ᱟᱢᱟᱜ ᱟᱛᱢᱟ ᱢᱤᱫᱴᱟᱝ ᱦᱚᱲᱢᱚ ᱵᱟᱹᱜᱤ ᱠᱟᱛᱮ ᱩᱪᱟᱹᱲᱚᱜ-ᱟᱭ ᱟᱨ ᱢᱤᱫᱴᱟᱝ ᱦᱚᱲᱢᱚ ᱛᱮ ᱾

ᱞᱩᱢᱟᱹᱝ ᱛᱮᱫ ᱵᱟᱹᱜᱤ ᱠᱟᱛᱮ ᱯᱟᱹᱛᱱᱤ ᱩᱰᱟᱹᱣ ᱡᱚᱝ ᱞᱮᱠᱟ ᱟᱢᱟᱜ ᱟᱛᱢᱟ ᱦᱚᱲᱢᱚ ᱛᱮᱫ ᱵᱟᱹᱜᱤ ᱠᱟᱛᱮ ᱩᱰᱟᱹᱣ ᱡᱚᱝᱟᱭ ᱟᱨ ᱢᱤᱫᱴᱟᱝ ᱦᱚᱲᱢᱚ ᱨᱮᱭᱟᱜ ᱥᱚᱢᱫᱟᱱ ᱨᱮ ᱾

ᱢᱤᱫᱴᱤᱡ ᱢᱩᱠᱷᱟᱹ ᱚᱪᱚᱜ ᱠᱟᱛᱮ ᱢᱟᱹᱱᱢᱤ ᱮᱴᱟᱜᱟᱜ ᱢᱩᱠᱷᱟᱹᱭ ᱦᱚᱨᱚᱜᱽ ᱞᱮᱠᱟ ᱟᱢᱟᱜ ᱟᱛᱢᱟ ᱟᱹᱫᱷᱩᱲ ᱦᱚᱲᱢᱚ ᱚᱪᱚᱜ ᱠᱟᱛᱮ ᱱᱟᱶᱟ ᱦᱚᱲᱢᱚᱭ ᱦᱚᱨᱚᱜᱟ ᱾

ᱢᱟᱨᱮ ᱠᱷᱚᱞᱚᱥ ᱮ ᱵᱟᱹᱜᱤ ᱞᱮᱠᱷᱟᱱ ᱧᱟᱢᱟᱭ ᱱᱟᱶᱟ ᱠᱷᱚᱞᱚᱥ ᱵᱤᱧ ᱩᱨᱩᱜ ᱡᱷᱚᱜ ᱟᱢᱟᱜ ᱟᱛᱢᱟ ᱢᱟᱨᱮ ᱦᱚᱲᱢᱚᱭ ᱵᱟᱹᱜᱤ ᱞᱮᱠᱷᱟᱱ ᱧᱟᱢᱟᱭ ᱱᱟᱶᱟ ᱦᱚᱲᱢᱚ ᱟᱢ ᱜᱩᱨᱚᱜ ᱡᱷᱚᱜ ᱾

ᱰᱟᱨᱟ ᱥᱟᱶ ᱥᱟᱜᱟᱲ ᱡᱚᱲᱟᱣ ᱟᱠᱟᱱ ᱞᱮᱠᱟ ᱟᱛᱢᱟ ᱥᱟᱶ ᱦᱚᱲᱢᱚ ᱡᱚᱲᱟᱣ ᱟᱠᱟᱱᱟ ᱢᱟᱛᱨᱚ ᱛᱤᱱᱟᱹᱝ ᱫᱤᱱ ᱞᱟᱹᱜᱤᱫ ᱾

ᱦᱮ ᱜᱩᱨ! ᱟᱢ ᱫᱚ ᱤᱧᱟᱜ ᱦᱚᱲᱢᱚ ᱜᱮᱢ ᱱᱟᱥ ᱠᱮᱭᱟ ᱵᱟᱢ ᱱᱟᱥ ᱠᱮᱭᱟ ᱤᱧᱟᱜ ᱧᱩᱛᱩᱢ, ᱤᱧᱟᱜ ᱟᱛᱢᱟ ᱫᱚ ᱾ (᱘᱖)

ᱫᱩᱠ ᱫᱷᱩᱲᱤ

ᱟᱢᱟᱜ ᱦᱚᱲᱢᱚ ᱨᱮ ᱫᱩᱠ ᱫᱷᱩᱲᱤ ᱞᱟᱴᱠᱟᱣ ᱟᱠᱟᱱ ᱠᱷᱟᱹᱛᱤᱨ ᱟᱹᱰᱤ ᱟᱞᱚᱢ ᱟᱹᱲᱤᱥᱚᱜ-ᱟ ᱟᱹᱰᱤ ᱟᱞᱚᱢ ᱠᱟᱹᱦᱤᱸᱥᱚᱜ-ᱟ ᱢᱚᱱᱮ ᱟᱞᱚᱢ ᱢᱚᱥᱚᱫᱟ ᱾

ᱜᱟᱰᱟ ᱥᱮᱱᱚᱜ ᱢᱮ ᱰᱩᱵᱩᱡ ᱦᱤᱡᱩᱜ ᱢᱮ ᱚᱡᱚᱜ ᱠᱟᱜ ᱢᱮ ᱥᱩᱠ ᱨᱮᱭᱟᱜ ᱥᱩᱱᱩᱢ ᱵᱟᱭ ᱞᱟᱴᱷᱟ ᱠᱮᱭᱟ ᱟᱢᱟᱜ ᱦᱚᱲᱢᱚ ᱨᱮ ᱫᱩᱠ ᱫᱷᱩᱲᱤ ᱾ (᱘᱗)

ᱵᱟᱦᱟ

ᱤᱧᱟᱜ ᱱᱚᱶᱟ ᱵᱟᱦᱟ ᱫᱚ ᱡᱟᱭᱡᱩᱜᱽ ᱞᱟᱹᱜᱤᱫ ᱫᱚ ᱵᱟᱝ ᱵᱚᱨᱚᱢ ᱢᱤᱫ ᱰᱚᱸᱰᱮᱠ ᱞᱟᱜᱤᱫ ᱾

ᱱᱚᱶᱟ ᱵᱟᱦᱟ ᱥᱚᱸᱫᱷᱟᱲ ᱥᱚᱭ ᱪᱟᱞ ᱜᱚᱫᱽ ᱢᱟ ᱢᱤᱫ ᱰᱚᱸᱰᱮᱠ ᱨᱮᱦᱚᱸ ᱢᱟᱹᱱᱢᱤᱭᱟᱜ ᱢᱚᱱᱮ ᱦᱩᱞᱟᱹᱥ ᱜᱚᱫᱽ ᱢᱟ ᱾

ᱚᱱᱟ ᱛᱟᱭᱚᱢ ᱫᱚ ᱢᱚᱥᱚᱫ ᱡᱚᱝ ᱨᱮᱦᱚᱸ ᱤᱧᱟᱜ ᱪᱮᱫ ᱫᱩᱠ ᱜᱮ ᱵᱟᱭ ᱛᱟᱦᱮᱸᱱᱟ ᱾

ᱢᱤᱫ ᱰᱚᱸᱰᱮᱠ ᱨᱮᱦᱚᱸ ᱢᱟᱹᱱᱢᱤᱭᱟᱜ ᱢᱚᱱᱮ ᱦᱩᱞᱟᱹᱥ ᱟᱠᱟᱫ ᱠᱷᱟᱹᱛᱤᱨ ᱱᱚᱶᱟ ᱚᱱᱚᱬᱦᱮ ᱵᱟᱦᱟ ᱨᱮᱭᱟᱜ ᱥᱤᱨᱤᱡᱽ ᱫᱚ ᱥᱟᱨᱛᱷᱚᱠ ᱮᱱᱟ ᱢᱮᱱᱛᱮᱧ ᱢᱚᱱᱮᱭᱟ ᱾ (᱘᱘)

ᱚᱜ-ᱚᱞ ᱩᱥᱩᱨ ᱟᱠᱟᱫᱤᱧᱟ

ᱚᱪᱚᱜ ᱯᱮ ᱤᱧ ᱥᱩᱨ ᱠᱷᱚᱱ ᱤᱧ ᱫᱚ ᱚᱜ-ᱚᱞ ᱩᱥᱩᱨ ᱟᱠᱟᱫᱤᱧᱟ ᱾

ᱤᱧ ᱫᱚ ᱚᱠᱟ ᱥᱮᱫ ᱦᱚᱸ ᱵᱟᱹᱧ ᱫᱟᱹᱲᱟ ᱱᱚᱰᱮ ᱜᱮᱧ ᱚᱞᱟ ᱾

ᱤᱧᱟᱜ ᱚᱞ ᱟᱯᱮᱭᱟᱜ ᱦᱚᱲᱢᱚ ᱨᱮ ᱯᱟᱹᱥᱤᱨ ᱞᱮᱱᱠᱷᱟᱱ ᱞᱚᱦᱚᱫᱚᱜ-ᱟ ᱯᱮ, ᱟᱹᱲᱤᱥᱚᱜ-ᱟ ᱯᱮ ᱾

ᱤᱧ ᱥᱩᱨ ᱠᱷᱚᱱ ᱚᱪᱚᱜ ᱯᱮ ᱤᱧ ᱫᱚ ᱚᱜ-ᱚᱞ ᱩᱥᱩᱞ ᱟᱠᱟᱫᱤᱧᱟ ᱾

ᱤᱧᱟᱜ ᱚᱞ ᱟᱯᱮᱭᱟᱜ ᱦᱚᱲᱢᱚ ᱨᱮ ᱯᱟᱹᱥᱤᱨ ᱞᱮᱱᱠᱷᱟᱱ ᱛᱷᱚᱠᱲᱮᱜ-ᱟ ᱯᱮ, ᱥᱚ ᱯᱮᱭᱟ ᱾

ᱤᱧ ᱫᱚ ᱚᱜ-ᱚᱞ ᱩᱥᱩᱨ ᱟᱠᱟᱫᱤᱧᱟ ᱤᱧ ᱫᱚᱸᱧ ᱚᱞ ᱞᱮᱱ ᱱᱟᱝ ᱥᱟᱹᱱᱛᱤᱧ ᱵᱩᱡᱷᱟᱹᱣᱟ ᱾

ᱤᱧᱟᱜ ᱚᱞ ᱠᱚᱨᱮ ᱯᱮ ᱛᱷᱟᱹᱞᱤ ᱮᱢᱟᱱᱚᱜ ᱠᱟᱱ ᱤᱧᱟᱜ ᱫᱚ ᱪᱮᱫ ᱫᱚᱥ ᱜᱮ ᱵᱟᱹᱱᱩᱜ-ᱟ ᱾

ᱤᱧᱟᱜ ᱚᱞ ᱫᱚ ᱵᱟᱭ ᱨᱚᱦᱚᱲᱚᱜ-ᱟ, ᱵᱟᱭ ᱦᱟᱣᱮᱫᱚᱜ-ᱟ ᱡᱟᱭᱡᱩᱜᱽ ᱡᱤᱭᱟᱹᱲ ᱜᱮ ᱛᱟᱦᱮᱸᱱᱟ ᱾ (᱘᱙, ᱙᱐)

ᱠᱷᱮᱞᱚᱸᱰ

ᱡᱚᱛᱚ ᱦᱚᱲ ᱞᱮᱠᱟ ᱜᱮ ᱤᱧ ᱦᱚᱸᱧ ᱠᱷᱮᱞᱚᱸᱰ ᱮᱫᱟ ᱫᱷᱩᱲᱤ ᱫᱷᱟᱹᱨᱛᱤ ᱢᱮᱞᱟᱝᱠᱤ ᱨᱮ ᱾

ᱵᱟᱠᱞᱮ ᱨᱮᱭᱟᱜ ᱤᱧ ᱠᱷᱮᱞᱚᱸᱰ ᱠᱮᱫᱟ ᱞᱟᱸᱫᱟ ᱠᱮᱫ ᱟᱹᱧ, ᱨᱟᱜ ᱠᱮᱫ ᱟᱹᱧ ᱦᱚᱲ ᱪᱮᱛᱟᱱ ᱨᱮᱧ ᱦᱚᱵᱚᱨ ᱮᱱᱟᱹᱧ ᱡᱚᱛᱚ ᱦᱚᱲᱟᱜ ᱫᱩᱞᱟᱹᱲᱤᱧ ᱧᱟᱢ ᱠᱮᱫᱟ ᱟᱭᱳᱣᱟᱜ ᱛᱚᱣᱟᱹᱧ ᱧᱩ ᱠᱮᱫᱟ ᱾

ᱠᱤᱥᱚᱨ ᱨᱮᱭᱟᱜ ᱤᱧ ᱠᱷᱮᱞᱚᱸᱰ ᱠᱮᱫᱟ ᱮᱱᱮᱡ ᱠᱮᱫᱟᱹᱧ, ᱥᱮᱨᱮᱧ ᱠᱮᱫᱟᱹᱧ ᱠᱩᱞᱦᱤ ᱫᱷᱩᱲᱤ ᱨᱮ ᱾

ᱟᱭᱳ ᱵᱟᱵᱟᱭᱤᱡ ᱠᱩᱠᱢᱩᱧ ᱵᱮᱱᱟᱣ ᱮᱱ ᱟᱹᱠᱤᱱ ᱟᱨᱡᱟᱣᱟᱜ ᱤᱧ ᱡᱚᱢ ᱧᱩ ᱠᱮᱫ ᱵᱩᱜᱤ ᱵᱟᱹᱲᱤᱡ ᱵᱟᱹᱧ ᱪᱤᱱᱦᱟᱹᱣ ᱡᱚᱛᱚᱣᱟᱜ ᱤᱧ ᱠᱟᱹᱢᱤ ᱚᱱᱟ ᱟᱹᱱᱩᱡ ᱠᱩᱲᱟᱹᱭ ᱦᱚᱸᱧ ᱧᱟᱢ ᱾

ᱡᱩᱣᱟᱹᱱ ᱨᱮᱭᱟᱜ ᱤᱧ ᱠᱷᱮᱞᱚᱸᱰ ᱠᱮᱫᱟ ᱢᱚᱱᱮ ᱜᱟᱛᱮ ᱞᱟᱹᱜᱤᱫ ᱮᱱ ᱜᱟᱛᱮ ᱥᱟᱶᱤᱧ ᱧᱟᱯᱟᱢ ᱮᱱ ᱵᱟᱦᱟ ᱵᱟᱜᱟᱱ ᱨᱮ ᱜᱟᱛᱮ ᱥᱟᱶᱤᱧ ᱠᱷᱤᱞᱰᱩ ᱮᱱᱮᱡ ᱜᱟᱛᱮ ᱥᱟᱶᱤᱧ ᱯᱟᱭᱨᱟ ᱮᱱᱮᱡ ᱫᱩᱞᱟᱹᱲ ᱫᱚᱨᱭᱟ ᱨᱮ ᱟᱭᱳ ᱵᱟᱵᱟ ᱠᱤᱱ ᱟᱹᱲᱤᱥᱚᱜ ᱟᱹᱠᱤᱱ ᱠᱩᱥᱤᱭᱟᱭ ᱞᱮᱠᱟᱱ ᱜᱟᱛᱮ ᱯᱟᱱᱛᱮᱭᱟᱹᱧ ᱠᱤᱱ ᱮᱦᱚᱵᱽ ᱾

ᱤᱧ ᱫᱚᱸᱧ ᱞᱟᱜᱟᱸ ᱪᱟᱵᱟ ᱟᱠᱟᱱᱟ ᱜᱟᱛᱮ ᱥᱟᱶ ᱠᱷᱤᱞᱰᱩ ᱮᱱᱮᱡ ᱛᱮ ᱯᱚᱨᱫᱟ ᱯᱟᱹᱪᱷᱞᱟᱹ ᱨᱮ ᱛᱟᱦᱮᱸ ᱠᱟᱛᱮ ᱢᱤᱫ ᱰᱚᱸᱰᱮᱠ ᱤᱧ ᱡᱤᱨᱟᱹᱣ ᱞᱮᱱ ᱜᱮ ᱾

ᱡᱟᱶᱟᱭ ᱨᱮᱭᱟᱜ ᱤᱧ ᱠᱷᱮᱞᱚᱸᱰ ᱠᱮᱫᱟ ᱮᱨᱟ ᱛᱤᱧ ᱥᱟᱶᱨᱮ ᱢᱮᱱᱟᱭ ᱛᱟᱺᱜᱤ ᱠᱮᱫᱟᱹᱧ ᱥᱩᱠ ᱥᱤᱝᱜᱟᱹᱲ ᱜᱤᱫᱟᱹᱨ ᱯᱤᱫᱟᱹᱨ ᱠᱚ ᱚᱢᱚᱱᱮᱱ ᱵᱟᱵᱟ ᱨᱮᱭᱟᱜ ᱯᱟᱴ ᱦᱩᱭ ᱟᱹᱫᱤᱧ ᱾

ᱤᱧ ᱞᱟᱹᱜᱤᱫ ᱫᱚ ᱵᱟᱝ ᱜᱤᱫᱟᱹᱨ ᱞᱟᱹᱜᱤᱫ ᱠᱩᱠᱢᱩᱧ ᱧᱮᱞ ᱾

ᱤᱧᱟᱜ ᱠᱷᱮᱞᱚᱸᱰ ᱟᱹᱣᱨᱤ ᱪᱟᱵᱟᱜ ᱨᱮᱜᱮ ᱜᱤᱫᱟᱹᱨ ᱠᱚᱣᱟᱜ ᱠᱷᱮᱞᱚᱸᱰ ᱮᱦᱚᱵ ᱮᱱ ᱾

ᱠᱷᱮᱞᱚᱸᱰ ᱨᱮᱭᱟᱜ ᱟᱹᱰᱤ ᱜᱟᱱ ᱧᱮᱱᱮᱞ ᱯᱟᱨᱟᱢ ᱤᱫᱤᱭᱮᱱ ᱤᱧᱟᱜ ᱯᱟᱴ, ᱢᱚᱦᱚᱨ ᱵᱚᱫᱚᱞ ᱤᱫᱤᱭᱮᱱ ᱾

ᱜᱤᱫᱟᱹᱨ ᱠᱚᱸᱧ ᱡᱩᱨᱤ ᱡᱚᱛᱟ ᱦᱟᱫ ᱠᱚ ᱱᱚᱶᱟ ᱢᱮᱞᱟᱝᱠᱤ ᱛᱮ ᱜᱚᱲᱚᱢ ᱜᱤᱫᱟᱹᱨ ᱠᱚᱠᱚ ᱦᱮᱡ ᱮᱱ ᱟᱠᱚᱣᱟᱜ ᱠᱷᱮᱞᱚᱸᱰ ᱥᱟᱹᱨᱫᱤᱭᱮᱱ ᱤᱧᱟᱜ ᱫᱚ ᱪᱟᱵᱟ ᱤᱫᱤᱭᱮᱱ ᱵᱚᱦᱚᱜ ᱩᱵ ᱯᱟᱺᱰᱩᱭᱮᱱ ᱾

ᱛᱤ ᱦᱤᱞᱟᱹᱣ ᱠᱟᱛᱮᱧ ᱢᱮᱛᱟ ᱯᱮ ᱠᱟᱱ 'ᱴᱟᱴᱟ ᱴᱟᱴᱟ, ᱵᱟᱭ ᱵᱟᱭ' ᱢᱟ ᱱᱚᱶᱟ ᱟᱛᱟᱝ ᱠᱟᱜ ᱯᱮ ᱛᱤ ᱦᱤᱞᱟᱹᱣ ᱠᱟᱛᱮ ᱤᱧ ᱦᱚᱸ ᱚᱱᱟ ᱢᱮᱱ ᱨᱩᱣᱟᱹᱲᱟᱹᱧ ᱯᱮ ᱾

ᱵᱷᱟᱹᱜᱤ ᱜᱮᱧ ᱠᱷᱮᱞᱚᱸᱰ ᱞᱮᱫ ᱠᱷᱟᱱ ᱛᱤ ᱛᱷᱟᱭᱚᱣᱟᱹᱧ ᱯᱮ ᱵᱟᱹᱧ ᱠᱷᱮᱞᱚᱸᱰ ᱜᱟᱱ ᱞᱮᱫ ᱠᱷᱟᱱ ᱤᱱᱠᱟᱹ ᱛᱮᱜᱮ ᱵᱤᱫᱟᱹᱭ ᱠᱟᱹᱧ ᱯᱮ ᱾

ᱢᱟ ᱤᱧ ᱫᱚ ᱯᱚᱨᱫᱟ ᱯᱟᱹᱪᱷᱞᱟᱹ ᱥᱮᱫ ᱤᱧ ᱥᱮᱱᱚᱜ ᱠᱟᱱ ᱤᱧᱟᱜ ᱠᱷᱮᱞᱚᱸᱰ ᱫᱚ ᱪᱟᱵᱟᱭᱮᱱ ᱾ (᱙᱑,᱙᱒)

ᱤᱧ ᱫᱚᱸᱧ ᱞᱤᱸᱡᱤᱜ ᱠᱟᱱ

ᱤᱧ ᱫᱚᱸᱧ ᱞᱤᱸᱡᱤᱜ ᱠᱟᱱ ᱟᱯᱮ ᱚᱲᱟᱜ ᱥᱮᱫ ᱛᱮ ᱟᱯᱮ ᱟᱹᱛᱩ ᱥᱮᱫ ᱛᱮ ᱾

ᱛᱮᱛᱟᱝ ᱟᱠᱟᱫ ᱯᱮ ᱠᱷᱟᱱ ᱢᱟ ᱚᱱᱟ ᱢᱟᱨᱛᱚᱠ ᱯᱮ ᱟᱯᱮ ᱨᱮᱱ ᱫᱟᱨᱮ, ᱱᱟᱹᱬᱤ, ᱠᱤᱨᱥᱤ ᱠᱚᱦᱚᱸ ᱛᱮᱛᱟᱝ ᱟᱠᱟᱫ ᱠᱚ ᱠᱷᱟᱱ ᱤᱧᱟᱜ ᱦᱚᱲᱢᱚ ᱠᱷᱚᱱ ᱢᱟᱭᱟᱢ ᱵᱷᱩᱨᱟᱹᱜ ᱤᱫᱤ ᱠᱟᱛᱮ ᱢᱚᱪᱟ ᱨᱮ ᱫᱩᱞ ᱟᱠᱚ ᱯᱮ ᱾

ᱩᱢ ᱟᱹᱨᱩᱵ, ᱪᱚᱸᱫᱟ ᱵᱟᱥᱟᱝ ᱨᱮᱭᱟᱜ ᱢᱮᱱᱟᱜ ᱠᱷᱟᱱ ᱞᱚᱜᱚᱱ ᱵᱷᱩᱨᱟᱹᱜ ᱤᱫᱤ ᱜᱚᱫᱽ ᱯᱮ ᱤᱧᱟᱜ ᱦᱚᱲᱢᱚ ᱨᱮᱭᱟᱜ ᱢᱟᱭᱟᱢ ᱾

ᱤᱧ ᱫᱚᱸᱧ ᱞᱤᱸᱡᱤᱜ ᱠᱟᱱ ᱞᱤᱸᱡᱤᱜ ᱛᱩᱞᱩᱡ ᱟᱯᱮᱭᱟᱜ ᱛᱮᱛᱟᱝ ᱤᱧ ᱢᱟᱨᱛᱚᱠ ᱞᱮᱠᱷᱟᱱ ᱟᱯᱮᱭᱟᱜ ᱠᱟᱹᱢᱤ ᱨᱮᱧ ᱞᱟᱜᱟᱣ ᱞᱮᱱᱠᱷᱟᱱ ᱤᱧᱟᱜ ᱥᱤᱨᱤᱡᱽ ᱥᱟᱨᱛᱷᱚᱠᱚᱜ-ᱟ ᱾ (᱙᱓)

ᱜᱟᱹᱭ ᱰᱟᱦᱟᱨ

ᱜᱟᱹᱭ ᱰᱟᱦᱟᱨ! ᱪᱤᱞᱤ ᱜᱟᱹᱭ ᱠᱚ ᱛᱟᱲᱟᱢ ᱮᱫᱟ ᱱᱚᱶᱟ ᱰᱟᱦᱟᱨ ᱛᱮᱫᱚ, ᱵᱟᱹᱭᱱᱤ ᱜᱟᱹᱭ ᱪᱮ ᱫᱷᱤᱱᱩ ᱜᱟᱹᱭ?

ᱛᱤᱱᱟᱹᱜ ᱡᱤᱞᱤᱧᱟ ᱱᱚᱶᱟ ᱰᱟᱦᱟᱨ ᱫᱚ ᱜᱟᱹᱭ ᱥᱩᱢᱩᱝ ᱜᱮᱠᱚ ᱛᱟᱲᱟᱢᱟ ᱪᱮ ᱰᱟᱨᱟ, ᱢᱟᱹᱱᱢᱤ ᱠᱚᱦᱚᱸ ᱠᱚ ᱛᱟᱲᱟᱢ ᱜᱮᱭᱟ ᱱᱚᱶᱟ ᱰᱟᱦᱟᱨ ᱛᱮᱫᱚ?

ᱥᱟᱝᱜᱮ ᱜᱟᱹᱭ ᱜᱮᱠᱚ ᱛᱟᱲᱟᱢ ᱟᱠᱟᱫ ᱯᱟᱞᱮ ᱜᱟᱹᱭ ᱰᱟᱦᱟᱨ ᱢᱟ ᱯᱩᱸᱰ ᱜᱮ ᱧᱮᱞᱚᱜ ᱠᱟᱱ ᱾

ᱱᱚᱛᱮ ᱠᱷᱚᱱᱤᱧ ᱠᱚᱭᱚᱜᱟ ᱤᱧ ᱦᱚᱸ ᱛᱟᱲᱟᱢ ᱥᱟᱹᱱᱟᱹᱧ ᱚᱱᱟ ᱰᱟᱦᱟᱨ ᱛᱮ ᱜᱟᱹᱭᱤᱧ ᱜᱩᱯᱤ ᱠᱚᱣᱟ ᱥᱮᱛᱟᱜ ᱵᱮᱲᱟ ᱫᱚᱸᱧ ᱞᱟᱜᱟ ᱤᱫᱤ ᱠᱚᱣᱟ ᱟᱹᱭᱩᱵ ᱫᱚᱸᱧ ᱞᱟᱜᱟ ᱨᱩᱣᱟᱹᱲ ᱠᱚᱣᱟ ᱾

ᱜᱟᱹᱭ ᱠᱚ ᱛᱟᱲᱟᱢ ᱠᱟᱜ-ᱟ ᱫᱷᱩᱲᱤ ᱰᱤᱜᱽᱞᱟᱹᱣ ᱟᱛᱮ ᱾

(ᱥᱮᱨᱢᱟ ᱨᱮᱭᱟᱜ ᱜᱟᱹᱭ ᱰᱟᱦᱟᱨ ᱪᱮᱛᱟᱱ ᱨᱮ ᱚᱞ ᱟᱠᱟᱱᱟ) (᱙᱔)

ᱟᱹᱲᱟᱹ ᱨᱚᱝ

ᱛᱮᱴᱮᱡ ᱞᱮᱫᱟᱹᱧ ᱟᱹᱲᱟᱹ ᱨᱚᱝ ᱛᱮ ᱢᱤᱫ ᱟᱹᱰᱤ ᱪᱚᱨᱚᱠ ᱢᱟᱹᱱᱢᱤ ᱵᱮᱱᱟᱣ ᱾

ᱡᱟᱦᱟᱸᱭᱟᱜ ᱢᱚᱱᱮ ᱨᱮ ᱵᱟᱭ ᱛᱟᱦᱮᱸᱱᱟ ᱦᱤᱥᱟᱹ ᱦᱤᱨᱠᱟᱹ ᱡᱟᱦᱟᱸᱭᱟᱜ ᱢᱚᱪᱟ ᱠᱷᱚᱱ ᱵᱟᱭ ᱚᱰᱚᱠᱚᱜ-ᱟ ᱵᱟᱹᱲᱤᱡ ᱨᱚᱲ ᱡᱟᱦᱟᱸᱭ ᱢᱮᱫᱛᱮ ᱵᱟᱭ ᱧᱮᱞ ᱥᱟᱦᱟᱣ ᱠᱮᱭᱟ ᱵᱟᱹᱲᱤᱡ ᱠᱟᱹᱢᱤ ᱡᱟᱦᱟᱸᱭ ᱞᱩᱛᱩᱨ ᱨᱮ ᱵᱟᱭ ᱨᱮᱵᱮᱫ ᱫᱚᱦᱚᱭᱟ ᱵᱟᱹᱲᱤᱡ ᱠᱟᱛᱷᱟ ᱾

ᱚᱱᱠᱟᱱ ᱢᱟᱹᱱᱢᱤᱧ ᱵᱮᱱᱟᱣ ᱮᱭᱟ ᱟᱹᱲᱟᱹ ᱨᱚᱝ ᱛᱮ ᱡᱟᱦᱟᱸᱭᱟᱜ ᱡᱟᱸᱜᱟ ᱛᱷᱚᱯᱟ ᱵᱟᱭ ᱛᱟᱲᱟᱢ ᱵᱟᱹᱲᱤᱡ ᱠᱟᱹᱢᱤ ᱞᱟᱹᱜᱤᱫ ᱡᱟᱦᱟᱸᱭᱟᱜ ᱵᱟᱱᱟᱨ ᱛᱤ ᱥᱟᱦᱟ ᱨᱮ ᱛᱟᱦᱮᱸᱱ ᱵᱟᱹᱲᱤᱡ ᱠᱟᱹᱢᱤ ᱠᱷᱚᱱᱟᱜ ᱾

ᱟᱹᱲᱟᱹ ᱨᱚᱝ ᱛᱮᱧ ᱵᱮᱱᱟᱣ ᱟᱭᱟ ᱚᱱᱠᱟᱱ ᱦᱟᱛᱟᱝ ᱡᱮᱢᱚᱱ ᱵᱟᱹᱲᱤᱡᱟᱜ ᱜᱮ ᱟᱞᱚᱭ ᱩᱭᱦᱟᱹᱨ ᱢᱟ ᱾

ᱢᱮᱱᱠᱷᱟᱱ ᱤᱧᱟᱜ ᱨᱚᱝ ᱦᱤᱨᱤᱡ ᱯᱟᱹᱥᱤᱨ ᱮᱱᱟ ᱵᱟᱹᱧ ᱞᱟᱜᱟᱣ ᱫᱟᱲᱮᱭᱟᱫ ᱟ ᱴᱷᱟᱹᱣᱠᱟᱹ ᱡᱟᱜᱟ ᱨᱮ ᱴᱷᱟᱹᱣᱠᱟ ᱨᱚᱝ ᱾

ᱤᱧᱟᱜ ᱡᱷᱚᱛᱚ ᱢᱮᱦᱱᱚᱛ ᱵᱮᱨᱛᱷᱟ ᱮᱱᱟ ᱾ (᱙᱕)

ᱜᱟᱵᱽ ᱞᱟᱪᱷᱟ

ᱤᱧᱟᱜ ᱦᱟᱹᱥᱩ ᱦᱟᱨᱠᱮᱛ ᱜᱮ ᱡᱚᱨᱚ ᱟᱬᱜᱚ ᱟᱠᱟᱱ ᱛᱮ ᱱᱚᱶᱟ ᱞᱟᱪᱷᱟ ᱫᱚ ᱜᱟᱵᱽ ᱟᱠᱟᱱᱟ ᱾

ᱤᱧᱟᱜ ᱟᱹᱲᱤᱥ ᱠᱟᱹᱦᱤᱸᱥ ᱜᱮ ᱪᱷᱤᱞᱠᱟᱹᱣ ᱚᱰᱚᱰᱠ ᱟᱠᱟᱱ ᱛᱮ ᱱᱚᱶᱟ ᱞᱟᱪᱷᱟ ᱫᱚ ᱜᱟᱵᱽ ᱟᱠᱟᱱᱟ ᱾

ᱤᱧᱟᱜ ᱦᱮᱸᱠᱚᱜ ᱜᱮ ᱦᱤᱨᱤᱡ ᱟᱠᱟᱱ ᱛᱮ ᱱᱚᱶᱟ ᱞᱟᱪᱷᱟ ᱫᱚ ᱜᱟᱵᱽ ᱟᱠᱟᱱᱟ ᱾ (᱙᱖)

ᱤᱧ ᱫᱚ

ᱤᱧ ᱫᱚ ᱰᱷᱚᱝᱜᱟ ᱴᱷᱟᱹᱠᱩᱨ ᱜᱮ ᱦᱟᱱᱛᱮᱭᱤᱧ ᱠᱟᱱᱟᱭ ᱱᱷᱟᱛᱮᱭᱤᱧ ᱠᱟᱱᱟᱭ, ᱤᱧᱟᱜ ᱫᱮᱭᱟ ᱨᱮ ᱢᱟᱹᱱᱢᱤ ᱞᱟᱫᱮ ᱠᱟᱛᱮ ᱜᱟᱰᱟᱭ ᱯᱟᱨᱚᱢ ᱠᱟᱠᱚ ᱠᱟᱱᱟ ᱾

ᱤᱧ ᱫᱚ ᱡᱚᱱᱚᱜ ᱴᱷᱟᱹᱠᱩᱨ ᱜᱮ ᱥᱟᱵ ᱟᱠᱟᱫᱤᱧᱟᱭ ᱥᱟᱶᱛᱟ ᱨᱮᱭᱟᱜ ᱚᱡᱽᱨᱟ, ᱡᱚᱵᱽᱨᱟ ᱤᱧ ᱟᱛᱮ ᱴᱷᱟᱹᱠᱩᱨ ᱜᱮ ᱡᱚᱜ ᱯᱷᱟᱨᱪᱟ ᱮᱫᱟᱭ ᱾

ᱤᱧ ᱫᱚ ᱯᱮᱱᱥᱤᱞ ᱴᱷᱟᱹᱠᱩᱨ ᱮ ᱥᱟᱵ ᱟᱠᱟᱫᱤᱧᱟ ᱵᱩᱜᱤᱭᱟᱜ, ᱵᱟᱹᱲᱤᱡᱟᱜ, ᱟᱜᱟᱢ, ᱱᱟᱜᱟᱢ ᱤᱧ ᱟᱛᱮ ᱴᱷᱟᱹᱠᱩᱨ ᱮ ᱚᱞ ᱮᱫᱟ ᱾

ᱤᱧ ᱫᱚ ᱟᱹᱠᱷᱟᱹᱭᱱᱤ ᱴᱷᱟᱹᱠᱩᱨ ᱮ ᱥᱟᱵ ᱟᱠᱟᱫᱤᱧᱟ ᱤᱧ ᱟᱛᱮ ᱴᱷᱟᱹᱠᱩᱨ ᱥᱟᱶᱛᱟ ᱨᱮᱭᱟᱜ ᱵᱟᱹᱲᱤᱡᱟᱜ ᱮ ᱦᱚᱴᱟᱜ ᱥᱟᱦᱟ ᱮᱫᱟ ᱩᱠᱩᱣᱟᱜ ᱮ ᱦᱚᱴᱟᱜ ᱥᱚᱫᱚᱨ ᱮᱫᱟ ᱾ (᱙᱗)

ᱵᱩᱰᱷᱤ ᱯᱟᱨᱠᱚᱢ

ᱚᱠᱟ ᱞᱮᱠᱟᱱᱟ ᱵᱩᱰᱷᱤ ᱯᱟᱨᱠᱚᱢ ᱫᱚ ᱞᱩᱜᱩᱵ ᱜᱮᱭᱟ ᱥᱮ ᱨᱩᱠᱩᱲ ᱜᱮᱭᱟ ? ᱚᱠᱚᱭ ᱟᱫᱚᱭ ᱵᱤᱞ ᱟᱠᱟᱫ ᱩᱱᱟᱹᱜ ᱪᱚᱴ ᱨᱮ, ᱚᱠᱚᱭ ᱠᱚᱠᱚ ᱜᱤᱛᱤᱡ ᱠᱟᱱᱟ ᱚᱱᱟ ᱯᱟᱨᱠᱚᱢ ᱨᱮ ?

ᱱᱚᱛᱮ ᱠᱷᱚᱱᱤᱧ ᱠᱚᱭᱚᱜᱟ ᱟᱨ ᱤᱧ ᱩᱭᱦᱟᱹᱨᱟ ᱢᱤᱫ ᱫᱤᱱ ᱵᱟᱝ ᱢᱤᱫ ᱫᱤᱱ ᱤᱧ ᱦᱚᱸ ᱜᱤᱛᱤᱡ ᱦᱩᱭᱟᱹᱧ ᱵᱩᱰᱷᱤ ᱯᱟᱨᱠᱚᱢ ᱨᱮ ᱾ (ᱵᱩᱰᱷᱤ ᱯᱟᱨᱠᱚᱢ ᱤᱯᱤᱞ ᱠᱚᱭᱚᱜ ᱠᱟᱛᱮ ᱚᱞ ᱟᱠᱟᱱᱟ) (᱙᱘)

ᱦᱚᱲᱢᱚ ᱫᱟᱨᱮ

ᱪᱟᱸᱫᱚ ᱵᱚᱸᱜᱟ ᱤᱧᱟᱜ ᱦᱚᱲᱢᱚ-ᱫᱟᱨᱮ ᱨᱮ ᱵᱟᱦᱟ ᱞᱮᱱ ᱫᱩᱠ ᱢᱩᱦᱤᱢ, ᱦᱟᱹᱥᱩ ᱦᱟᱨᱠᱮᱛ ᱠᱚᱫᱚ ᱜᱚᱫ ᱟᱹᱜᱩ ᱠᱟᱛᱮ ᱟᱢᱟᱜ ᱛᱷᱚᱯᱟ ᱞᱟᱛᱟᱨ ᱨᱮᱧ ᱫᱚᱦᱚ ᱠᱟᱜ ᱠᱟᱱᱟ ᱾

ᱥᱤᱨᱡᱤᱱᱩᱭᱟᱹ ᱤᱧᱟᱜ ᱦᱚᱲᱢᱚ-ᱫᱟᱨᱮ ᱨᱮ ᱡᱚ ᱞᱮᱱ ᱦᱤᱥᱟᱹ ᱥᱩᱭᱟᱹ, ᱟᱹᱲᱤᱥ ᱠᱟᱹᱦᱤᱸᱥ ᱠᱚᱫᱚ ᱜᱚᱫ ᱟᱹᱜᱩ ᱠᱟᱛᱮ ᱟᱢᱟᱜ ᱛᱷᱚᱯᱟ ᱞᱟᱛᱟᱨ ᱨᱮᱧ ᱫᱚᱦᱚ ᱠᱟᱜ ᱠᱟᱱᱟ ᱾

ᱥᱤᱨᱡᱚᱱᱤᱭᱟᱹ ᱤᱧᱟᱜ ᱦᱚᱲᱢᱚ ᱫᱟᱨᱮ ᱨᱮᱫᱚ ᱫᱟᱭᱟ ᱫᱩᱞᱟᱹᱲ ᱠᱚᱜᱮ ᱵᱟᱦᱟ ᱚᱪᱚᱭ ᱢᱮ

ᱪᱟᱸᱫᱚ ᱵᱚᱸᱜᱟ ᱤᱧᱟᱜ ᱦᱚᱲᱢᱚ ᱫᱟᱨᱮ ᱨᱮᱫᱚ ᱠᱩᱥᱤ ᱨᱟᱹᱥᱠᱟᱹ ᱠᱚᱜᱮ ᱡᱚ ᱚᱪᱚᱭ ᱢᱮ ᱾ (᱙᱙)

ᱚᱴᱟᱝ ᱤᱫᱤ ᱢᱮ

ᱦᱚᱭ ᱫᱚ ᱨᱟᱹᱥᱠᱟᱹ ᱛᱮ ᱩᱰᱟᱹᱣ ᱡᱚᱝ ᱠᱟᱱᱟᱭ ᱾

ᱮᱛᱮ ᱦᱚᱭ! ᱱᱚᱛᱮ ᱩᱰᱟᱹᱣ ᱦᱤᱡᱩᱜ ᱢᱮ ᱫᱷᱩᱲᱤᱢ ᱚᱴᱟᱝᱮᱫ ᱥᱟᱠᱟᱢᱮᱢ ᱚᱴᱟᱝᱮᱫ ᱨᱤᱢᱤᱞᱮᱢ ᱚᱴᱟᱝᱮᱫ ᱫᱟᱨᱮ ᱰᱟᱹᱨ ᱢᱚᱪᱲᱟᱣ- ᱨᱟᱹᱯᱩᱫ ᱠᱟᱛᱮᱢ ᱚᱴᱟᱝᱮᱫ ᱚᱲᱟᱜ ᱥᱟᱹᱲᱤᱢᱮᱢ ᱚᱴᱟᱝᱮᱫ ᱾

ᱮᱛᱮ ᱦᱚᱭ! ᱫᱮᱞᱟ ᱤᱧ ᱥᱮᱫ ᱩᱰᱟᱹᱣ ᱦᱤᱡᱩᱜ ᱢᱮ ᱤᱧᱟᱜ ᱢᱚᱱᱮ ᱠᱷᱚᱱ ᱫᱩᱠ ᱢᱩᱦᱤᱢ, ᱵᱟᱹᱲᱤᱡ ᱵᱷᱟᱵᱽᱱᱟ ᱢᱚᱪᱲᱟᱣ ᱚᱪᱚᱜ ᱠᱟᱛᱮ ᱚᱴᱟᱝ ᱤᱫᱤ ᱢᱮ ᱾ (᱑᱐᱐)

ᱢᱚᱱᱮ ᱟᱢᱟᱜ ᱧᱩᱛᱩᱢ ᱛᱟᱢ

ᱱᱤᱛᱚᱜ ᱜᱮ ᱱᱚᱱᱰᱮ ᱱᱤᱛᱚᱜ ᱜᱮ ᱦᱟᱱᱰᱮ ᱱᱤᱛᱚᱜ ᱜᱮ ᱵᱩᱜᱤ ᱱᱤᱛᱚᱜ ᱜᱮ ᱵᱟᱹᱲᱤᱡ ᱱᱤᱛᱚᱜ ᱜᱮ ᱥᱩᱠ ᱱᱤᱛᱚᱜ ᱜᱮ ᱚᱥᱩᱠ ᱾

ᱟᱢ ᱫᱚ ᱦᱚᱲ ᱥᱮ ᱵᱚᱲ?

ᱫᱟᱲᱟᱱᱟᱢ ᱪᱮᱫ ᱜᱟᱹᱰᱤ ᱪᱮᱛᱟᱱ ᱛᱮᱪᱚ ᱢᱟᱨᱥᱟᱞ ᱨᱮᱭᱟᱜ ᱵᱮᱜᱽ ᱠᱷᱚᱱ ᱦᱚᱸ ᱵᱤᱥᱛᱤ ᱜᱮᱭᱟ ᱚᱱᱟ ᱨᱮᱭᱟᱜ ᱵᱮᱜᱽ ᱫᱚ ᱾

ᱥᱮᱴᱮᱨ ᱜᱚᱫᱚᱜ ᱟᱢ ᱪᱚᱨᱚᱠ ᱠᱩᱲᱤ ᱴᱷᱮᱱ ᱡᱚᱦᱟ, ᱢᱚᱞᱚᱝ, ᱦᱚᱴᱚᱜ ᱛᱤ ᱛᱟᱞᱠᱷᱟ ᱠᱚᱨᱮᱢ ᱪᱚᱜ ᱵᱟᱲᱟ ᱜᱚᱫ ᱟᱭᱟ ᱟᱡᱟᱜ ᱜᱚᱴᱟ ᱦᱚᱲᱢᱚ ᱡᱚᱴᱮᱫ ᱠᱟᱛᱮᱢ ᱨᱩᱣᱟᱹᱲ ᱦᱮᱡ ᱜᱚᱫᱚᱜ-ᱟ ᱚᱠᱚᱭ ᱦᱚᱸ ᱵᱟᱠᱚ ᱫᱷᱚᱨᱟ ᱢᱮᱭᱟ ᱾

ᱥᱮᱴᱮᱨ ᱜᱚᱫᱚᱜ-ᱟᱢ ᱵᱟᱹᱭᱨᱤ ᱴᱷᱮᱱ ᱞᱟᱥᱮᱨ ᱵᱷᱩᱡᱟᱹᱞᱤ ᱥᱟᱵ ᱠᱟᱛᱮ ᱞᱟᱡ ᱛᱟᱭᱮᱢ ᱵᱷᱩᱥᱟᱹ ᱛᱟᱵᱟ ᱢᱟᱭᱟᱢ ᱞᱤᱧᱡᱤᱱᱟ ᱰᱤᱧ ᱰᱟᱹᱵᱩᱨ ᱵᱟᱹᱭᱨᱤᱢ ᱜᱚᱡ ᱟᱠᱟᱫᱮ ᱛᱮ ᱨᱩᱣᱟᱹᱲ ᱡᱚᱝᱟᱢ ᱨᱟᱹᱥᱠᱟᱹ ᱛᱮ ᱾

ᱩᱰᱟᱹᱣᱜ ᱪᱮᱬᱮ ᱦᱚᱸᱢ ᱥᱟᱵ ᱟᱹᱜᱩ ᱜᱚᱫᱮᱭᱟ ᱠᱚᱨᱦᱟ ᱠᱟᱛᱮᱢ ᱡᱚᱢ ᱜᱚᱫᱮᱭᱟ ᱾

ᱟᱢ ᱪᱮᱫ ᱵᱟᱢ ᱪᱮᱠᱟ ᱠᱮᱛᱮ?

ᱥᱮᱴᱮᱨ ᱜᱚᱫᱚᱜ-ᱟᱢ ᱵᱩᱨᱩ ᱛᱮ ᱛᱟᱯᱟᱢ ᱛᱩᱞᱩᱡ ᱛᱟᱹᱨᱩᱵ ᱥᱟᱶ ᱞᱮᱵᱽᱫᱟ ᱜᱚᱫ ᱠᱟᱭᱟᱢ ᱧᱩᱨᱩᱜ-ᱟᱭ ᱩᱱᱤ ᱥᱟᱭ ᱢᱟᱭᱤᱞ ᱥᱟᱹᱝᱜᱤᱧ ᱨᱮ ᱾

ᱥᱮᱴᱮᱨ ᱜᱚᱫᱚᱜ-ᱟᱢ ᱡᱷᱟᱨᱱᱟ ᱟᱲᱮ ᱨᱮ ᱫᱩᱞᱟᱹᱲ ᱜᱟᱛᱮ ᱥᱟᱶ ᱠᱷᱤᱞᱰᱩ ᱮᱱᱮᱡ ᱟᱢ ᱢᱚᱱ ᱠᱩᱥᱤ ᱚᱠᱷᱚ ᱮᱱᱮᱡ ᱟᱢ ᱾

ᱱᱤᱛᱚᱜ ᱜᱮ ᱚᱣᱟᱥᱤᱝᱴᱚᱱ ᱱᱤᱛᱚᱜ ᱜᱮ ᱵᱮᱡᱤᱝ ᱱᱤᱛᱚᱜ ᱜᱮ ᱢᱩᱢᱵᱟᱹᱭ ᱱᱤᱛᱚᱜ ᱜᱮ ᱫᱩᱵᱟᱹᱭ ᱱᱤᱛᱚᱜ ᱜᱮ ᱵᱷᱩᱲᱟᱹᱜᱟᱹᱰᱤᱭᱟᱹ ᱱᱤᱛᱚᱜ ᱜᱮ ᱵᱷᱩᱵᱽᱱᱮᱥᱚᱨ ᱱᱚᱝᱠᱟᱢ ᱫᱟᱬᱟ ᱠᱮ ᱟᱢ ᱢᱚᱱᱮ ᱟᱢᱟᱜ ᱧᱩᱛᱩᱢ ᱛᱟᱢ ᱾ (᱑᱐᱑,᱑᱐᱒)

ᱟᱹᱭᱩᱨᱤᱭᱟᱹ

ᱛᱚᱠᱟ ᱛᱮ?

ᱮᱱᱮ ᱱᱷᱟᱜ ᱮᱢ ᱯᱩᱪᱩᱡ ᱜᱚᱫ ᱮᱱᱟ ᱱᱟᱥᱮᱱᱟᱜ ᱤᱧ ᱚᱥᱚᱱᱛᱚᱨ ᱜᱚᱫ ᱮᱱ ᱠᱷᱟᱱ ᱜᱮᱢ ᱥᱟᱦᱟ ᱜᱚᱫᱚᱜ ᱠᱟᱱᱟ ᱾

ᱪᱚᱨᱚᱠ ᱠᱩᱲᱤ ᱴᱷᱮᱱ? ᱦᱚᱸ, ᱫᱩ ᱥᱮᱱᱚᱜ ᱢᱮ ᱚᱱᱰᱮ ᱫᱚ ᱪᱮᱫ ᱮᱢ ᱧᱟᱢ ᱛᱮ?

ᱱᱟᱥᱮᱱᱟᱜ ᱟᱢ ᱥᱮᱫ ᱤᱧ ᱫᱮᱭᱟ ᱜᱚᱫ ᱠᱮᱫ ᱠᱷᱟᱱ ᱜᱮ ᱵᱟᱹᱜᱤ ᱚᱴᱚᱣᱟᱹᱧ ᱠᱟᱱᱟᱢ ᱾

ᱫᱟᱹᱲ ᱵᱟᱲᱟᱭ ᱜᱮ ᱟᱢᱟᱜ ᱠᱟᱹᱢᱤ ᱦᱟᱹᱱᱤ ᱱᱷᱟᱹᱭ ᱥᱟᱶ ᱧᱟᱯᱟᱢᱚᱜ, ᱦᱟᱱᱰᱮ ᱱᱷᱟᱱᱰᱮ ᱥᱮᱱᱚᱜ ᱜᱮ ᱟᱢᱟᱜ ᱠᱟᱡᱽ ᱾

ᱟᱢ ᱫᱚᱢ ᱛᱟᱲᱟᱢ ᱠᱟᱜ ᱢᱟᱬᱟᱝ ᱢᱟᱬᱟᱝ ᱛᱮ, ᱢᱩ ᱨᱮᱢ ᱵᱟᱵᱮᱨ ᱟᱠᱟᱣᱟᱫᱤᱧ ᱠᱷᱟᱹᱛᱤᱨ ᱤᱧ ᱦᱚᱸᱧ ᱥᱮᱱᱚᱜ ᱜᱮ ᱟᱢ ᱛᱟᱭᱚᱢ ᱛᱟᱭᱚᱢ ᱛᱮ ᱾

ᱚᱠᱟ ᱛᱮᱢ ᱟᱹᱭᱩᱨ ᱟᱠᱟᱫᱤᱧᱟ?

ᱟᱹᱜᱭᱩᱨ ᱜᱮ ᱟᱢ ᱫᱚᱢ ᱵᱟᱰᱟᱭᱟ ᱵᱷᱟᱹᱭ ᱵᱩᱜᱤ ᱥᱮᱫ ᱜᱮ ᱤᱧ ᱫᱚᱸᱧ ᱥᱮᱱᱚᱜ ᱵᱟᱹᱲᱤᱡ ᱥᱮᱫ ᱫᱚ ᱵᱟᱹᱧ ᱪᱟᱞᱟᱜ ᱾

ᱵᱩᱜᱤ ᱥᱮᱫ ᱮᱢ ᱟᱹᱭᱩᱨᱤᱧ ᱠᱷᱟᱱ ᱫᱚᱸᱧ ᱯᱟᱸᱡᱟ ᱠᱟᱢᱟ ᱵᱟᱹᱲᱤᱡ ᱥᱮᱫ ᱮᱢ ᱟᱹᱭᱩᱨᱤᱧ ᱠᱷᱟᱱ ᱫᱚ ᱵᱟᱹᱧ ᱯᱟᱸᱜᱡᱟ ᱦᱟ ᱾ (᱑᱐᱓)