ᱵᱮᱵᱷᱟᱨᱤᱭᱟᱹ:Fagu Baskey/sandbox/ᱡᱟᱹᱦᱤᱨᱟᱹᱝᱜᱤ
ᱡᱟᱹᱦᱤᱨᱟᱹᱝᱜᱤ
(ᱢᱤᱫ)
ᱚᱞ ᱛᱷᱩᱢ ᱛᱷᱟᱨ ᱨᱮ ᱡᱚᱲᱛᱤ ᱛᱮ ᱡᱚᱦᱟᱨ ᱚᱞ ᱮᱦᱚᱵ ᱛᱚᱨᱟ ᱫᱚᱲᱟ ᱡᱚᱦᱟᱨ ᱛᱷᱩᱢᱟᱹᱧ ᱢᱮᱭᱳ ᱟᱢᱟᱜ ᱪᱩᱨᱤᱛ ᱛᱮᱦᱮᱧ ᱠᱷᱚᱱᱤᱧ ᱚᱞᱟ ᱠᱚᱧᱪᱤᱛ ᱾
ᱜᱟᱞᱟᱝᱟᱹᱧ ᱪᱩᱨᱤᱛ ᱛᱟᱢ ᱵᱟᱹᱧ- ᱜᱟᱱ ᱜᱚᱫᱟ ᱤᱠᱟᱹ ᱠᱷᱚᱡᱚᱜ-ᱟᱹᱧ ᱞᱤᱞ ᱫᱚᱨᱭᱟ ᱥᱤᱱᱟᱹᱢ ᱟᱢᱟᱜ ᱪᱩᱨᱤᱛ ᱞᱟᱪᱷᱟ ᱨᱮ ᱚᱱᱟ ᱪᱮᱠᱟ ᱥᱟᱦᱚᱵ ᱾
ᱟᱢ ᱢᱟ ᱫᱟᱭᱟ ᱫᱩᱞᱟᱹᱲ ᱫᱚᱨᱭᱟ ᱟᱥᱟ ᱠᱟᱱᱟᱢ ᱟᱢ ᱜᱮ ᱱᱤᱨᱟᱥᱟᱭᱤᱡ ᱠᱟᱴᱟ ᱠᱟᱱᱟᱢ ᱪᱷᱚᱴᱟᱭᱤᱡ ᱟᱢ ᱠᱟᱬᱟᱭᱤᱡ ᱢᱟ ᱢᱮᱫ ᱠᱟᱱᱟᱢ ᱾
ᱡᱟᱦᱟᱸᱭ ᱟᱢᱟᱜ ᱪᱩᱨᱤᱛ ᱮ ᱥᱮᱨᱮᱧᱟ ᱡᱟᱦᱟᱸᱭ ᱟᱢᱟᱜ ᱠᱟᱛᱷᱟᱭ ᱟᱧᱚᱢᱟ ᱢᱟᱹᱱᱢᱤ ᱡᱚᱱᱚᱢ ᱥᱟᱨᱛᱷᱚᱠᱮᱱ ᱟᱡᱟᱜ ᱢᱟᱨᱛᱚᱠᱚᱜ ᱨᱮᱝᱜᱮᱡ ᱛᱮᱛᱟᱝ ᱩᱱᱤᱭᱟᱜ ᱾
ᱤᱧ ᱞᱮᱞᱦᱟ ᱟᱜ ᱵᱩᱫᱷᱤ ᱵᱟᱹᱱᱩᱜ ᱤᱠᱷᱟᱹᱱ ᱢᱚᱱᱮ ᱵᱟᱭ ᱛᱷᱤᱨᱩᱜ ᱥᱮᱛᱟᱜ ᱨᱮ ᱫᱤᱱᱟᱹᱢᱮ ᱚᱦᱬᱮ ᱢᱮ ᱡᱟᱦᱟᱸᱭ ᱥᱟᱦᱟᱜ ᱡᱷᱚᱛᱚ ᱫᱩᱠ ᱢᱩᱦᱤᱢ ᱛᱟᱭ ᱾
ᱦᱩᱭ ᱠᱚᱜ ᱮ ᱥᱟᱨᱱᱟ, ᱢᱩᱥᱞᱟᱹ, ᱥᱤᱠᱷ ᱦᱩᱭ ᱠᱚᱜ ᱮ ᱦᱤᱱᱫᱩ ᱵᱟᱝ ᱠᱨᱤᱥᱛᱟᱱ ᱧᱩᱛᱩᱢ ᱟᱢᱟᱜ ᱮ ᱥᱟᱵᱟ ᱡᱟᱦᱟᱸᱭ ᱧᱤᱦᱟᱹᱛ ᱩᱱᱤ ᱟᱥᱨᱟ ᱧᱟᱢᱟᱭ ᱾
ᱨᱚᱲᱟᱭ ᱠᱚᱱᱫᱟ, ᱞᱮᱰᱷᱟ ᱪᱷᱚᱴᱟᱭ- ᱨᱟᱠᱟᱵ ᱟ ᱵᱩᱨᱩ ᱡᱩᱫᱤ ᱟᱢᱮᱢ ᱛᱷᱩᱢᱟᱭ ᱩᱱᱤ ᱟᱢᱮᱢ ᱠᱩᱥᱤᱭᱟᱭ ᱡᱟᱦᱟᱸᱭ ᱩᱠᱩ ᱠᱩᱢᱵᱽᱲᱩ ᱠᱟᱹᱢᱤ ᱵᱟᱝᱟᱜ ᱛᱟᱭ ᱾
ᱪᱤᱠᱚᱱ ᱪᱚᱠᱚᱱ ᱪᱚᱨᱚᱠᱤᱡ ᱫᱚ ᱵᱟᱝ ᱪᱩᱨᱤᱛ ᱡᱟᱦᱟᱸᱭᱟᱜ ᱢᱮᱱᱟᱜ ᱛᱟᱭ ᱫᱩᱞᱟᱹᱲ ᱜᱩᱱ ᱡᱟᱦᱟᱸᱭᱟᱜ ᱢᱮᱱᱟᱜ ᱛᱟᱭ ᱫᱩᱠᱷᱟᱹᱞᱤᱭᱟᱜ ᱫᱩᱠ ᱡᱟᱦᱟᱸᱭ ᱮ ᱥᱟᱦᱟᱭ ᱾
ᱮᱴᱟᱜ ᱦᱚᱲ ᱮ ᱩᱯᱠᱟᱹᱨ ᱠᱚ ᱡᱟᱦᱟᱸᱭ ᱮᱲᱮ ᱮᱯᱲᱮ ᱢᱚᱴᱷᱮ ᱵᱟᱭ ᱵᱟᱰᱟᱭ ᱯᱤᱲᱟᱹ ᱟᱠᱟᱱ ᱦᱚᱲᱮ ᱥᱮᱣᱟ ᱠᱚᱣᱟ ᱯᱮᱲᱟ ᱢᱮᱱᱛᱮ ᱢᱮᱛᱟ ᱠᱚᱣᱟ ᱾
ᱰᱚᱦᱚᱞ ᱵᱤᱠᱚᱞ ᱠᱚᱭ ᱥᱟᱱᱛ ᱠᱚᱣᱟ ᱰᱷᱚᱰᱟ ᱨᱤᱱ ᱮ ᱨᱟᱠᱟᱵ ᱠᱚᱣᱟ ᱱᱚᱝᱠᱟᱱ ᱦᱚᱲ ᱫᱚ ᱠᱷᱩᱵ ᱛᱮᱫ ᱜᱮ ᱱᱟᱭᱳ ᱱᱟᱢᱮᱢ ᱠᱩᱥᱤ ᱟᱠᱚ ᱾
ᱴᱷᱤᱠᱟᱜ ᱜᱮ ᱡᱟᱦᱟᱸᱭ ᱮ ᱠᱟᱹᱢᱤ ᱴᱷᱤᱠᱟᱜ ᱜᱮ ᱡᱟᱦᱟᱸᱭ ᱮ ᱵᱷᱟᱹᱵᱤ ᱵᱷᱟᱹᱞᱟᱹᱭᱟᱜ ᱜᱮ ᱪᱷᱩᱴᱟᱹᱣ ᱠᱚᱜ-ᱟᱭ ᱵᱮᱥᱟᱜ ᱨᱮᱜᱮ ᱛᱟᱦᱮᱸ ᱠᱚᱜ-ᱟᱭ ᱾
ᱚᱱᱠᱟᱱ ᱦᱤᱲ ᱞᱟᱹᱜᱤᱫ ᱡᱟᱹᱦᱤᱨᱟᱹᱝᱜᱤ ᱚᱛ ᱛᱮ ᱥᱮᱨᱢᱟ ᱥᱚᱨᱚᱜᱽ ᱠᱷᱚᱱᱟᱝ ᱛᱚᱲᱮ ᱥᱩᱛᱟᱹᱢ ᱮ ᱟᱬᱜᱚ ᱟᱠᱚ ᱛᱷᱟᱱ ᱠᱚ ᱧᱟᱢᱟ ᱥᱚᱨᱚᱜᱽ ᱨᱮ ᱩᱱᱠᱩ ᱾
ᱜᱚᱨᱚᱡᱽ ᱟᱛᱮ ᱱᱚᱶᱟ ᱟᱛᱮᱱ ᱡᱟᱦᱟᱸᱭ ᱜᱚᱥᱚ ᱢᱚᱱᱮ ᱞᱮᱜᱮᱡ ᱨᱩᱣᱟᱹᱲᱤᱜ ᱛᱟᱭ ᱞᱚᱻ ᱢᱚᱱᱮ ᱥᱟᱜᱮᱱ ᱨᱩᱣᱟᱹᱲᱚᱜ ᱾ ᱢᱚᱱ- ᱞᱟᱜᱟᱣ ᱠᱟᱛᱮ ᱯᱚᱲᱦᱚᱱ ᱞᱮᱠᱷᱟᱱ ᱾
ᱟᱢ ᱚᱲᱟᱜ ᱥᱟᱹᱲᱤᱢ ᱫᱟᱞᱚᱵᱟᱭ ᱡᱟᱦᱟᱸᱭ ᱟᱡᱟᱜ ᱢᱩᱦᱤᱢ ᱡᱷᱚᱛᱚᱢ ᱥᱟᱦᱟᱭ ᱠᱷᱩᱱᱴᱤ ᱟᱢᱟᱜ ᱵᱤᱫᱟᱭ ᱡᱟᱦᱟᱸᱭ ᱠᱷᱟᱴᱚ ᱡᱤᱣᱤ ᱦᱚᱸ ᱡᱷᱟᱹᱞᱩᱜ ᱛᱟᱭ ᱾
ᱡᱚᱜ ᱟᱛᱮ ᱟᱢᱟᱜ ᱛᱷᱟᱱ ᱜᱮᱡ ᱜᱩᱨᱤᱡᱟᱭ ᱡᱤᱭᱚᱱ ᱠᱷᱚᱱ ᱦᱟᱨᱠᱮᱛ ᱦᱟᱹᱥᱩᱨᱚᱜ ᱛᱟᱭ ᱢᱟᱹᱱᱢᱤ ᱛᱟᱞᱟ ᱨᱮ ᱟᱢᱟᱜ ᱪᱩᱨᱤᱛ ᱮ ᱞᱟᱹᱭ ᱢ ᱮᱢ ᱠᱟᱹᱢᱤ ᱟᱡᱟᱜ ᱵᱷᱟᱹᱞᱟᱹᱭ ᱾
ᱤᱫᱩᱪᱚᱝ ᱢᱮᱱ ᱠᱟᱛᱮ ᱚᱢᱟᱱᱛᱤ ᱢᱮᱭᱟ ᱤᱱᱤ ᱫᱚ ᱛᱤᱥ ᱦᱚᱸ ᱵᱟᱭ ᱥᱮᱬᱟ ᱠᱮᱭᱟ ᱥᱮᱣᱟ ᱢᱮᱭᱟᱭ ᱡᱟᱦᱟᱸᱭ ᱟᱢ ᱥᱩᱞᱩᱠ, ᱥᱮᱛᱮᱫ, ᱟᱹᱠᱤᱞ ᱮ ᱧᱟᱢ ᱾
ᱦᱤᱥᱟᱹ ᱦᱤᱨᱠᱟᱹ ᱟᱢᱟᱭ ᱡᱟᱦᱟᱸᱭ ᱦᱤᱱ ᱞᱟᱡ ᱠᱷᱚᱱᱟᱜ ᱡᱟᱱᱟᱢᱚᱜ ᱟᱭ ᱧᱮᱞ ᱥᱟᱶᱛᱮ ᱡᱟᱦᱟᱸᱭ ᱡᱚᱦᱟᱨ ᱟᱢ ᱧᱟᱢᱟᱭ ᱩᱱᱤ ᱵᱩᱫᱷᱤ ᱜᱮᱭᱟᱱ ᱾
ᱨᱚᱦᱚᱭᱟᱭ ᱥᱟᱨᱡᱚᱢ ᱫᱟᱨᱮ ᱡᱟᱦᱟᱸᱭ ᱨᱟᱹᱥᱠᱟᱹ ᱛᱮ ᱩᱱᱤ ᱢᱟ ᱛᱷᱩᱢᱮᱢ ᱪᱟᱞᱟᱭ ᱩᱭᱦᱟᱹᱨ ᱢᱮᱭᱟᱭ ᱠᱟᱹᱢᱤ ᱢᱟᱬᱟᱝ ᱨᱮ ᱩᱱᱤᱭᱟᱜ ᱠᱟᱹᱢᱤ ᱥᱟᱹᱛᱚᱜ ᱱᱟᱯᱟᱭ ᱛᱮ ᱾
ᱪᱟᱨᱟᱭ ᱮᱢᱟ ᱠᱚ ᱢᱟᱨᱟᱜ ᱡᱟᱦᱟᱸᱭ ᱪᱟᱵᱟᱜ ᱱᱟᱬᱟ ᱯᱤᱲᱟᱹ ᱠᱚᱛᱟᱭ ᱫᱩᱨᱫᱚᱥᱟ ᱥᱟᱱᱟᱢ ᱱᱟᱥᱚᱜ ᱛᱟᱭ ᱫᱟᱠᱟ ᱟᱢᱟᱜ ᱡᱟᱦᱟᱸᱭ ᱮ ᱪᱚᱸᱫᱟᱭ ᱾
ᱮᱨᱮ ᱥᱟᱱᱟᱢ ᱮᱨᱮᱲᱚᱜ ᱛᱟᱭ; ᱫᱟᱜ- ᱮ ᱜᱚᱜᱟ ᱟᱢ ᱞᱟᱜᱟᱱ ᱡᱟᱦᱟᱸᱭ ᱯᱟᱛᱲᱟᱭ ᱯᱟᱹᱴᱤ ᱟᱢ ᱞᱟᱜᱟᱱ ᱡᱟᱦᱟᱸᱭ ᱯᱟᱯ ᱥᱟᱱᱟᱢ ᱯᱷᱟᱨᱟᱠᱚᱜ ᱛᱟᱭ ᱾
ᱰᱷᱤᱞᱟᱹᱣ ᱨᱮ ᱢᱚᱴᱷᱮ ᱵᱟᱢ ᱫᱚᱦᱚ ᱠᱚ ᱰᱚᱰᱮ ᱚᱜᱰᱚᱠ ᱜᱚᱰᱮᱛ ᱥᱟᱶ ᱱᱟᱭᱠᱮ, ᱢᱟᱺᱡᱷᱤ, ᱯᱟᱹᱨᱱᱤᱠ ᱠᱚ ᱱᱟᱭ ᱱᱟᱯᱟᱭ ᱨᱮᱢ ᱫᱚᱦᱚ ᱠᱟᱠᱚ ᱾
ᱴᱚᱞᱟ ᱨᱮᱹᱱ ᱢᱟᱺᱡᱷᱤ ᱢᱚᱬᱮ ᱦᱚᱲ ᱥᱟᱶ ᱴᱚᱴᱷᱟ ᱫᱤᱥᱚᱢ ᱨᱮᱹᱱ ᱡᱷᱚᱛᱚ ᱦᱚᱲ ᱵᱟᱨ ᱛᱤ ᱛᱮᱞᱮ ᱜᱚᱰᱟᱢ ᱠᱟᱱ ᱵᱩᱜᱤ ᱨᱮ ᱵᱟᱲᱮ ᱫᱚᱦᱚ ᱠᱟᱞᱮᱢ ᱾
(ᱵᱟᱨ)
ᱚᱛ ᱦᱩᱱᱟᱹᱝ ᱞᱟᱪᱷᱟ ᱦᱩᱭ ᱠᱚᱜ ᱚᱜᱚᱢ ᱫᱚᱨᱭᱟ ᱫᱟᱜ ᱠᱟᱹᱲᱤ ᱦᱩᱭ ᱠᱚᱜ ᱛ ᱨᱮᱱᱟᱜ ᱫᱟᱨᱮ ᱠᱚ ᱱᱚᱱᱚᱞ ᱦᱩᱭ ᱠᱚᱜ (ᱥᱤᱨᱡᱚᱱᱤᱭᱟᱹ ᱚᱱᱚᱞᱤᱭᱟᱹᱭ ᱦᱩᱭ ᱠᱚᱜ) ᱛᱚᱵᱮ ᱨᱮᱦᱚᱸ ᱟᱢᱟᱜ ᱪᱩᱨᱤᱛ ᱵᱟᱭ ᱪᱟᱵᱟᱜ ᱾
ᱜᱟᱹᱦᱤᱸᱨ ᱚᱱᱛᱚᱨ ᱠᱷᱚᱱᱤᱧ ᱜᱚᱰᱟᱢ ᱠᱟᱱ ᱜᱟᱹᱲᱭᱟᱹ ᱜᱩᱱ ᱛᱤᱧ ᱥᱟᱦᱟ ᱠᱟᱜ ᱟᱢ ᱞᱟᱜᱟᱣ ᱠᱚᱜ ᱟᱹᱧ ᱟᱢᱟᱜ ᱥᱮᱵᱟᱨᱮ ᱞᱟᱵᱽ ᱦᱤᱱ ᱵᱟᱹᱧ ᱦᱤᱥᱟᱹᱵᱟᱨᱮ ᱾
ᱟᱢ ᱜᱮ ᱛᱤᱞᱠᱟᱹ ᱛᱷᱩᱢᱮᱢ ᱪᱟᱞ ᱟᱫᱮ ᱟᱭᱱᱚᱢ ᱠᱟᱡᱚᱞ ᱫᱟᱲᱮᱢ ᱱᱮᱢᱟᱫ ᱠᱤᱱ ᱠᱩᱴᱵᱩᱨ ᱮᱱᱟ ᱥᱟᱦᱮᱵᱟᱜ ᱵᱚᱦᱚᱜ ᱠᱚᱭᱚᱜ ᱠᱟᱛᱮ ᱟᱦᱞᱟ ᱟᱢᱟᱜ ᱾
ᱡᱚᱦᱟᱨᱟᱫ ᱢᱮᱭᱟ ᱠᱤᱱ ᱥᱟᱦᱮᱵᱽ ᱦᱚᱱ ᱡᱟᱹᱦᱤᱨᱟᱹᱜᱤ ᱱᱩᱱᱟᱹᱜ ᱮᱢ ᱢᱚᱦᱟᱱ! ᱢ ᱫᱚ ᱫᱷᱤᱨᱤ ᱫᱚᱢ ᱵᱟᱝ ᱠᱟᱱ ᱢᱤᱫ ᱡᱤᱣᱤᱫ ᱴᱷᱟᱹᱠᱨᱟᱹᱱ ᱠᱟᱱᱟᱢ ᱾
ᱤᱠᱟᱹᱧ ᱠᱷᱚᱡᱚᱜ ᱠᱟᱱ ᱚᱯᱟᱹᱛᱭᱟᱹᱣ ᱞᱟᱜᱟᱱ ᱤᱫᱩᱪᱚᱝ ᱢᱮᱱᱛᱮ ᱟᱫᱚ ᱵᱟᱹᱧ ᱢᱮᱛᱟᱢ ᱥᱮᱣᱟ ᱢᱮᱭᱟᱹᱧ ᱤᱧ ᱦᱚᱸ ᱛᱮᱦᱮᱧ ᱠᱷᱚᱱ ᱥᱟᱥᱟᱭ ᱡᱮᱠᱷᱟ ᱫᱚᱦᱲᱟᱹᱧ ᱜᱚᱰᱟᱢ ᱠᱟᱱ ᱾
ᱦᱟᱡᱟᱨ ᱜᱚᱴᱟᱝ ᱛᱟᱹᱨᱩᱵᱟᱜ ᱫᱟᱲᱮ ᱦᱮᱱᱟᱜ ᱟᱢᱟᱜ ᱦᱚᱲᱢᱚ ᱨᱮ ᱾ ᱚᱱᱟᱛᱮ- ᱧᱩᱛᱩᱢ ᱟᱧᱡᱚᱢ ᱛᱚᱨᱟ ᱟᱭᱱᱚᱢ ᱠᱟᱡᱚᱞᱟᱜ ᱧᱤᱨ ᱦᱚᱨ ᱵᱟᱹᱭᱨᱤ ᱠᱚ ᱟᱫᱽ ᱛᱟᱦᱮᱸᱫᱚᱜ ᱾
ᱨᱮᱨᱟᱲ ᱵᱟᱹᱭᱨᱤ ᱵᱟᱠᱚ ᱫᱟᱲᱮ ᱞᱮᱱ ᱛᱮ ᱨᱟᱹᱯᱩᱫ ᱠᱮᱫᱟ ᱠᱚ ᱞᱟᱹᱲᱦᱟᱹᱭ ᱨᱟᱭ ᱩᱢᱩᱜ ᱠᱤᱱ ᱥᱮᱱ ᱡᱷᱚᱜ ᱟᱭᱱᱚᱢ ᱠᱟᱡᱚᱞ ᱩᱱᱠᱤᱱ ᱠᱚ ᱵᱮᱲᱤ ᱠᱮᱫ ᱠᱤᱱ ᱵᱟᱹᱭᱨᱤ ᱫᱚᱞ ᱾