ᱵᱮᱵᱷᱟᱨᱤᱭᱟᱹ:Fagu Baskey/sandbox/ᱥᱟᱯᱲᱮᱛ

ᱠᱟᱨᱰ ᱵᱚᱨᱰ ᱛᱮ ᱵᱮᱱᱟᱣ ᱟᱠᱟᱱ ᱠᱟᱱᱫᱷᱟᱭ ᱟᱹᱨᱩᱭ ᱡᱷᱚᱜ ᱫᱟᱱᱤᱭᱮᱞ ᱢᱤᱫᱴᱟᱝ ᱪᱮᱨᱪᱮᱴᱮᱡ ᱮ ᱧᱮᱞ ᱠᱮᱫᱮᱭᱟ, ᱠᱟᱸᱛ ᱨᱮ ᱫᱟᱹᱲ ᱵᱟᱲᱟᱭ ᱠᱟᱱ ᱪᱮᱨᱪᱮᱴᱮᱡ ᱫᱚ ᱵᱟᱝ ᱵᱚᱨᱚᱢ ᱡᱤᱥᱩ ᱢᱟᱥᱤ ᱛᱤ ᱡᱟᱝᱜᱟ ᱨᱮᱠᱚ ᱠᱟᱱᱴᱟ ᱟᱠᱟᱫᱮ ᱞᱮᱠᱟ ᱡᱟᱝᱜᱟ ᱨᱮ ᱠᱟᱨᱰ ᱵᱚᱨᱰ ᱥᱟᱞᱟᱜ ᱮ ᱠᱟᱱᱴᱟ ᱢᱮᱥᱟ ᱟᱠᱟᱱ ᱪᱮᱨᱪᱮᱴᱮᱡ ᱾ ᱦᱟᱦᱟᱲᱟ ᱨᱮᱭᱟᱜ ᱠᱟᱛᱷᱟ !! ᱱᱩᱭ ᱪᱮᱨᱪᱮᱴᱮᱡ ᱫᱚ ᱚᱠᱚᱭ ᱪᱮᱫ ᱠᱷᱟᱹᱛᱤᱨ ᱠᱟᱨᱰ ᱵᱚᱨᱰ ᱥᱟᱞᱟᱜ ᱠᱚ ᱠᱟᱱᱴᱟ ᱟᱠᱟᱫᱮᱭᱟ??

ᱫᱟᱱᱤᱭᱮᱞ ᱩᱭᱦᱟᱹᱨ ᱦᱮᱡ ᱟᱫᱮᱭᱟ ᱱᱚᱶᱟ ᱠᱟᱱᱫᱷᱟ ᱢᱟ ᱟᱡ ᱯᱮ ᱥᱮᱨᱢᱟ ᱢᱟᱬᱟᱝ ᱨᱮ ᱵᱮᱱᱟᱣ ᱞᱮᱜ-ᱟ ᱾ ᱛᱚᱵᱮ ᱪᱮᱨᱪᱮᱴᱮᱡ ᱫᱚ ᱪᱮᱫ ᱩᱱᱡᱷᱚᱜ ᱜᱮ ᱟᱡ ᱜᱮ ᱠᱟᱱᱴᱟ ᱟᱠᱟᱫᱮᱭᱟ? ᱡᱚᱛᱚ ᱠᱷᱚᱱ ᱢᱟᱨᱟᱝ ᱟᱨ ᱦᱟᱦᱟᱲᱟ ᱨᱮᱭᱟᱜ ᱠᱟᱛᱷᱟ ᱫᱚ ᱦᱩᱭᱩᱜ ᱠᱟᱱᱟ ᱩᱱᱟᱹᱜ ᱥᱮᱨᱢᱟ ᱱᱩᱭ ᱪᱮᱨᱪᱮᱴᱮᱡ ᱮ ᱵᱟᱧᱪᱟᱣ ᱟᱠᱟᱱᱟ ᱪᱮᱫ ᱞᱮᱠᱟᱛᱮ? ᱪᱮᱫ ᱪᱮᱨᱪᱮᱴᱮᱡ ᱫᱚ ᱨᱮᱝᱜᱮᱡ ᱛᱮ ᱯᱮ ᱥᱮᱨᱢᱟ ᱦᱚᱸᱠᱚ ᱵᱟᱧᱪᱟᱣ ᱫᱟᱲᱮᱭᱟᱜ ᱜᱮᱭᱟ? ᱵᱟᱝ ᱱᱚᱝᱠᱟ ᱫᱚ ᱵᱟᱭ ᱦᱩᱭ ᱠᱮᱭᱟ ᱾ ᱟᱫᱚ ᱟᱹᱰᱤ ᱜᱷᱟᱹᱲᱤᱠ ᱚᱱᱟ ᱠᱟᱛᱷᱟ ᱜᱮ ᱩᱭᱦᱟᱹᱨ ᱮᱫᱟ ᱟᱨ ᱩᱱᱤ ᱪᱮᱨᱪᱮᱴᱮᱡ ᱜᱮ ᱠᱚᱭᱚᱜ ᱮ ᱠᱟᱱᱟ ᱾

ᱤᱠᱷᱟᱹᱱ ᱱᱤᱛ ᱢᱟ ᱫᱟᱱᱤᱭᱮᱞ ᱟᱨᱦᱚᱸ ᱛᱟᱸᱦᱩ ᱦᱟᱦᱟᱲᱟ ᱜᱚᱴᱷᱚᱱ ᱮ ᱧᱮᱞ ᱡᱚᱝ ᱠᱟᱱᱟ ᱟᱨ ᱟᱡᱟᱜ ᱠᱩᱠᱞᱤ ᱨᱮᱭᱟᱜ ᱛᱮᱞᱟ ᱦᱚᱸᱭ ᱧᱟᱢᱮᱜ-ᱟ ᱾ ᱟᱨᱢᱤᱫᱴᱟᱝ ᱪᱮᱨᱪᱮᱴᱮᱡ ᱩᱱᱤ ᱠᱟᱱᱴᱟ ᱟᱠᱟᱱ ᱪᱮᱨᱪᱮᱴᱮᱡ ᱥᱩᱨ ᱛᱮ ᱦᱤᱩᱡᱜ ᱠᱟᱱᱟ ᱟᱨ ᱢᱚᱪᱟ ᱢᱚᱪᱟ ᱠᱤᱱ ᱵᱷᱤᱲᱟᱹᱣᱮᱜ-ᱟ ᱾ ᱟᱨ ᱠᱟᱹᱴᱤᱡ ᱥᱩᱨ ᱠᱷᱚᱱ ᱮ ᱧᱮᱞ ᱠᱤᱱ ᱫᱚ ᱠᱟᱱᱴᱟ ᱟᱠᱟᱱ ᱪᱮᱨᱪᱮᱴᱮᱡ ᱫᱚ ᱡᱚᱢᱟᱜ ᱮ ᱟᱡᱚ ᱚᱪᱚᱜ ᱠᱟᱱᱟ ᱾ ᱫᱟᱱᱤᱭᱮᱞ ᱟᱜ ᱦᱩᱸᱥ ᱢᱟ ᱚᱴᱟᱝ ᱩᱛᱟᱹᱨ ᱮᱱᱟ ᱾ ᱡᱟᱱᱣᱟᱨ ᱴᱷᱮᱱ ᱦᱚᱸ ᱩᱱᱟᱹᱜ ᱫᱟᱭᱟ, ᱫᱩᱞᱟᱹᱲ ᱢᱮᱱᱟᱜ ᱟ ᱢᱮᱱᱛᱮ ᱫᱟᱱᱤᱭᱮᱞ ᱫᱚ ᱯᱩᱭᱞᱩ ᱫᱷᱟᱣᱮ ᱧᱮᱞ ᱡᱚᱝ ᱠᱟᱱᱟ ᱾

ᱱᱚᱶᱟ ᱜᱷᱚᱴᱚᱱ ᱧᱮᱞ ᱛᱮ ᱟᱵᱚ ᱢᱟᱹᱱᱢᱤᱭᱟᱜ ᱠᱟᱛᱷᱟ ᱦᱚᱸ ᱩᱭᱦᱟᱹᱨ ᱞᱟᱹᱜᱤᱫ ᱫᱟᱱᱤᱭᱮᱞ ᱮ ᱵᱚᱲᱦᱮ ᱜᱚᱫ ᱮᱱᱟ ᱾ ᱟᱵᱚ ᱢᱟᱹᱱᱢᱤ ᱴᱷᱮᱱ ᱢᱟ ᱱᱤᱛ ᱫᱟᱭᱟ ᱫᱩᱞᱟᱹᱲ ᱠᱷᱚᱱᱟᱜ ᱦᱤᱥᱟᱹ ᱥᱩᱭᱟᱹ ᱜᱮ ᱵᱟᱹᱲᱛᱤ ᱜᱚᱫᱚᱜ ᱠᱟᱱᱟ ᱾ ᱠᱟᱛᱷᱟ ᱠᱟᱛᱷᱟ ᱛᱮᱜᱮ ᱢᱟᱯᱟᱜ ᱜᱚᱯᱚᱡ ᱪᱟᱹᱞᱩᱜ ᱠᱟᱱᱟ ᱾ ᱡᱩᱨᱤ ᱡᱚᱛᱟ ᱠᱤᱱᱟᱜ ᱥᱟᱠᱟᱢ ᱚᱲᱮᱡ ᱦᱩᱭᱩᱜ ᱠᱟᱱᱟ ᱾ ᱚᱠᱚᱭ ᱫᱚ ᱦᱟᱲᱟᱢ ᱫᱩᱲᱩᱢ ᱟᱠᱟᱱ ᱟᱭᱳ ᱵᱟᱵᱟ ᱫᱩᱲᱩᱢ ᱚᱲᱟᱜ ᱛᱮᱠᱚ ᱤᱫᱤ ᱜᱤᱰᱤ ᱠᱟᱠᱤᱱ ᱠᱟᱱ ᱡᱷᱚᱜ ᱚᱠᱚᱭ ᱫᱚ ᱦᱟᱲᱟᱢ ᱫᱩᱲᱩᱢ ᱟᱠᱟᱱ ᱟᱭᱳ ᱵᱟᱵᱟ ᱚᱲᱟᱜ ᱠᱷᱚᱱ ᱠᱚ ᱞᱟᱜᱟ ᱜᱤᱰᱤ ᱠᱟᱠᱤᱱ ᱠᱟᱱ ᱾ ᱱᱚᱝᱠᱟ ᱠᱷᱚᱵᱚᱨ ᱠᱚᱫᱚ ᱟᱹᱰᱤ ᱟᱞᱜᱟ ᱛᱮᱜᱮ ᱠᱷᱚᱵᱚᱨ ᱠᱟᱜᱚᱡ ᱨᱮᱭᱟᱜ ᱥᱟᱢᱟᱝ ᱥᱟᱦᱴᱟ ᱨᱮᱜᱮ ᱧᱟᱢ ᱜᱚᱫᱚᱜ ᱠᱟᱱᱟ ᱾

ᱩᱱᱤ ᱠᱟᱱᱴᱟ ᱟᱠᱟᱱ ᱪᱮᱨᱪᱮᱡ ᱫᱚ ᱱᱩᱭ ᱪᱮᱨᱪᱮᱴᱮᱡᱤᱡ ᱦᱚᱯᱚᱱ ᱠᱟᱱ ᱪᱚᱭ, ᱡᱤᱣᱤ ᱡᱩᱨᱤ ᱠᱟᱱ ᱪᱚᱭ, ᱟᱭᱳ ᱠᱟᱱ ᱪᱚᱭ, ᱵᱟᱵᱟ ᱠᱟᱱ ᱪᱚᱭ ᱾ ᱱᱚᱜ-ᱚᱭ ᱯᱮ ᱥᱮᱨᱢᱟ ᱦᱟᱹᱵᱤᱡ ᱡᱚᱢᱟᱜ ᱟᱹᱜᱩ ᱠᱟᱛᱮ ᱟᱡᱚ ᱟᱭ ᱠᱟᱱᱟᱭ ᱟᱨ ᱵᱟᱧᱪᱟᱣ ᱮ ᱫᱚᱦᱚ ᱟᱠᱟᱫᱮᱭᱟ ᱾ ᱢᱤᱫᱦᱚᱲ ᱢᱟᱹᱱᱢᱤ ᱠᱟᱱᱟᱭ ᱢᱮᱱᱛᱮ ᱥᱚᱨᱮᱥ ᱡᱟᱱᱣᱟᱨ ᱨᱮᱫᱚ ᱵᱟᱭ ᱞᱮᱠᱷᱟᱜ-ᱟ ᱵᱚᱨᱚᱢ ᱡᱟᱦᱟᱸᱭ ᱟᱜ ᱟᱪᱟᱨ ᱵᱮᱵᱷᱟᱨ ᱥᱚᱨᱮᱥᱟ, ᱱᱟᱯᱟᱭᱟ ᱩᱱᱤ ᱫᱚ ᱥᱚᱨᱮᱥ ᱡᱟᱱᱣᱟᱨ ᱨᱮᱫᱚᱭ ᱞᱮᱠᱷᱟᱜ-ᱟ ᱾ ᱩᱭᱦᱟᱹᱨ ᱛᱩᱞᱩᱡ ᱫᱟᱱᱤᱭᱮᱞ ᱵᱟᱹᱭ ᱵᱟᱹᱭ ᱛᱮ ᱠᱟᱱᱴᱟ ᱟᱠᱟᱱ ᱪᱮᱨᱪᱮᱴᱮᱡ ᱫᱚᱭ ᱚᱪᱚᱜ ᱠᱟᱫᱮᱭᱟ ᱾