ᱵᱮᱵᱷᱟᱨᱤᱭᱟᱹ:Fagu Baskey/sandbox/ᱪᱟᱸᱫᱚ ᱢᱟᱢᱚ

ᱪᱟᱸᱫᱚ ᱢᱟᱢᱚ

ᱢᱚᱬᱮ ᱜᱚᱴᱟᱝ ᱠᱟᱹᱴᱩᱵ

ᱤᱧᱟᱜ ᱛᱤ ᱡᱚᱡᱚᱢ ᱛᱤ ᱢᱚᱬᱮ ᱜᱚᱴᱟᱝ ᱠᱟᱹᱴᱩᱵ,

ᱤᱧᱟᱜ ᱛᱤ ᱞᱮᱸᱜᱟ ᱛᱤ ᱢᱚᱬᱮ ᱜᱚᱴᱟᱝ ᱠᱟᱹᱴᱩᱵ,

ᱤᱧᱟᱜ ᱠᱟᱴᱟ ᱡᱚᱡᱚᱢ ᱠᱟᱴᱟ ᱢᱚᱬᱮ ᱜᱚᱴᱟᱝ ᱠᱟᱹᱴᱩᱵ,

ᱤᱧᱟᱜ ᱠᱟᱴᱟ ᱞᱮᱸᱜᱟ ᱠᱟᱴᱟ ᱢᱚᱬᱮ ᱜᱚᱴᱟᱝ ᱠᱟᱹᱴᱩᱵ ᱾

ᱢᱮᱱᱮᱜ ᱢᱮᱱᱮᱜ ᱢᱮᱨᱚᱢ

ᱢᱮᱱᱮᱜ ᱢᱮᱱᱮᱜ ᱢᱮᱨᱚᱢ ᱢᱮᱱᱮᱜ ᱢᱮᱨᱚᱢ ᱦᱚᱯᱚᱱ ᱤᱧ ᱥᱩᱨ ᱛᱮ ᱦᱤᱡᱩᱜ ᱵᱤᱱ ᱵᱟᱞᱮ ᱜᱟᱥ ᱤᱧ ᱮᱢᱟ ᱵᱤᱱ ᱾

ᱢᱮᱱᱮᱜ ᱢᱮᱱᱮᱜ ᱢᱮᱨᱚᱢ ᱢᱮᱱᱮᱜ ᱢᱮᱨᱚᱢ ᱦᱚᱯᱚᱱ ᱤᱧ ᱥᱩᱨ ᱛᱮ ᱦᱤᱡᱩᱜ ᱵᱤᱱ ᱢᱟᱺᱰᱤ ᱫᱟᱜ ᱤᱧ ᱮᱢᱟ ᱵᱤᱱ ᱾᱾

ᱤᱧ ᱦᱚᱸᱧ ᱩᱰᱟᱹᱵ

ᱢᱮᱨᱚᱢ ᱮ ᱫᱟᱹᱲᱟ ᱰᱟᱹᱨᱤ ᱫᱟᱹᱲᱟ ᱠᱟᱰᱟ ᱦᱚᱸᱭ ᱫᱟᱹᱲᱟ ᱾

ᱯᱩᱴᱷᱤ ᱯᱟᱭᱨᱟᱜ ᱵᱚᱣᱟᱲ ᱮ ᱯᱟᱭᱨᱟᱜ ᱥᱚᱞᱮ ᱦᱚᱸᱭ ᱯᱟᱭᱨᱟᱜ ᱾

ᱩᱯᱤ ᱩᱰᱟᱹᱵ ᱞᱩᱛᱤ ᱩᱰᱟᱹᱵ ᱪᱮᱬᱮ ᱦᱚᱸᱭ ᱩᱰᱟᱹᱵ ᱾

ᱤᱧᱤᱧ ᱫᱟᱹᱲᱟ ᱤᱧᱤᱧ ᱯᱟᱭᱨᱟᱜ ᱤᱧ ᱦᱚᱸᱧ ᱩᱰᱟᱹᱵ ᱾

ᱞᱤᱞ ᱥᱮᱨᱢᱟ

ᱞᱤᱞ ᱥᱮᱨᱢᱟ ᱞᱤᱞ ᱥᱮᱨᱢᱟ ᱡᱟᱹᱲᱤ ᱢᱮ ᱦᱩᱲᱩ ᱨᱮ ᱞᱤᱞ ᱥᱮᱨᱢᱟ ᱞᱤᱞ ᱥᱮᱨᱢᱟ ᱡᱟᱹᱲᱤ ᱢᱮ ᱤᱲᱤ ᱨᱮ ᱾

ᱞᱤᱞ ᱥᱮᱨᱢᱟ ᱞᱤᱞ ᱥᱮᱨᱢᱟ ᱡᱟᱹᱲᱤ ᱢᱮ ᱥᱟᱹᱲᱤᱢ ᱨᱮ ᱞᱤᱞ ᱥᱮᱨᱢᱟ ᱞᱤᱞ ᱥᱮᱨᱢᱟ ᱡᱟᱹᱲᱤ ᱢᱮ ᱪᱟᱛᱚᱢ ᱨᱮ ᱾

ᱞᱤᱞ ᱥᱮᱨᱢᱟ ᱞᱤᱞ ᱥᱮᱨᱢᱟ ᱡᱟᱹᱲᱤ ᱢᱮ ᱵᱩᱨᱩ ᱨᱮ ᱞᱤᱞ ᱥᱮᱨᱢᱟ ᱞᱤᱞ ᱥᱮᱨᱢᱟ ᱡᱟᱹᱲᱤ ᱢᱮ ᱰᱟᱹᱦᱤ ᱨᱮ ᱾

ᱞᱤᱞ ᱥᱮᱨᱢᱟ ᱞᱤᱞ ᱥᱮᱨᱢᱟ ᱡᱟᱹᱲᱤ ᱢᱮ ᱫᱚᱨᱭᱟ ᱨᱮ ᱞᱤᱞ ᱥᱮᱨᱢᱟ ᱞᱤᱞ ᱥᱮᱨᱢᱟ ᱡᱟᱹᱲᱤ ᱢᱮ ᱜᱟᱰᱟ ᱨᱮ ᱾

ᱞᱤᱞ ᱥᱮᱨᱢᱟ ᱞᱤᱞ ᱥᱮᱨᱢᱟ ᱡᱟᱹᱲᱤ ᱢᱮ ᱜᱚᱴᱟ ᱜᱮ ᱞᱤᱞ ᱥᱮᱨᱢᱟ ᱞᱤᱞ ᱥᱮᱨᱢᱟ ᱟᱞᱚᱢ ᱡᱟᱹᱲᱤ ᱤᱧ ᱪᱮᱛᱟᱱ ᱨᱮ ᱾

ᱛᱷᱟᱭᱚ ᱛᱷᱟᱭᱚ

ᱛᱷᱟᱭᱚ ᱛᱷᱟᱭᱚ ᱥᱮᱛᱟ ᱤᱡ ᱥᱮ ᱯᱩᱥᱤ ᱤᱡ ᱮᱢ ᱛᱷᱟᱭᱚᱭ?

ᱵᱟᱝ ᱟ ᱭᱚ ᱚᱱᱟ ᱠᱚᱫᱚ ᱡᱮᱡᱮᱜ ᱠᱟᱱᱟ ᱤᱧ ᱵᱟᱹᱧ ᱛᱷᱟᱭᱚᱭ ᱾

ᱛᱷᱟᱭᱚ ᱛᱷᱟᱭᱚ ᱢᱮᱨᱚᱢ ᱤᱡ ᱥᱮ ᱰᱟᱹᱨᱤ ᱤᱡ ᱮᱢ ᱛᱷᱟᱭᱚᱭ?

ᱵᱟᱝ ᱟ ᱭᱚ ᱚᱱᱟ ᱠᱚᱫᱚ ᱡᱮᱡᱮᱜ ᱠᱟᱱᱟ ᱤᱧ ᱵᱟᱹᱧ ᱛᱷᱟᱭᱚᱭ ᱾

ᱨᱟᱣᱟᱞ ᱦᱟᱢᱟᱞ

ᱛᱩᱞᱟᱹᱢ ᱨᱟᱣᱟᱞ ᱥᱚᱞ ᱨᱟᱣᱟᱞ ᱠᱟᱴ ᱫᱚ ᱦᱟᱢᱟᱞ,

ᱫᱷᱤᱨᱤ ᱦᱟᱢᱟᱞ ᱢᱮᱬᱦᱮᱫ ᱦᱟᱢᱟᱞ ᱤᱥᱯᱚᱧᱡᱽ ᱫᱚ ᱨᱟᱣᱟᱞ ᱾

ᱨᱟᱣᱟᱞ ᱦᱟᱢᱟᱞ ᱦᱟᱢᱟᱞ ᱨᱟᱣᱟᱞ ᱨᱟᱣᱟᱞᱟᱜ ᱛᱩᱞ ᱟᱞᱜᱟ,

ᱦᱟᱢᱟᱞ ᱨᱟᱣᱟᱞ ᱨᱟᱣᱟᱞ ᱦᱟᱢᱟᱞ ᱦᱟᱢᱟᱞᱟᱜ ᱛᱩᱞ ᱟᱸᱴᱟ ᱾

ᱤᱧ ᱠᱟᱹᱢᱤᱭᱟᱹᱧ

ᱤᱧ ᱧᱮᱞᱟᱹᱧ ᱤᱧ ᱧᱮᱞᱟᱹᱧ ᱢᱮᱫ ᱛᱮ ᱧᱮᱞᱟᱹᱧ ᱾

ᱤᱧ ᱥᱟᱦᱮᱫᱟᱹᱧ ᱤᱧ ᱥᱟᱦᱮᱫᱟᱹᱧ ᱢᱩ ᱛᱮ ᱥᱟᱦᱮᱫᱟᱹᱧ ᱾

ᱤᱧ ᱡᱚᱢᱟᱹᱧ ᱤᱧ ᱡᱚᱢᱟᱹᱧ ᱢᱚᱪᱟ ᱛᱮ ᱡᱚᱢᱟᱹᱧ ᱾

ᱤᱧ ᱟᱧᱡᱚᱢᱟᱹᱧ ᱤᱧ ᱟᱧᱡᱚᱢᱟᱹᱧ ᱞᱩᱛᱩᱨ ᱛᱮ ᱟᱧᱡᱚᱢᱟᱹᱧ ᱾

ᱤᱧ ᱥᱟᱵᱟᱹᱧ ᱤᱧ ᱥᱟᱵᱟᱹᱧ ᱛᱤ ᱛᱮ ᱥᱟᱵᱟᱹᱧ ᱾

ᱤᱧ ᱛᱟᱲᱟᱢᱟᱹᱧ ᱤᱧ ᱛᱟᱲᱟᱢᱟᱹᱧ ᱠᱟᱴᱟ ᱛᱮ ᱛᱟᱲᱟᱢᱟᱹᱧ ᱾

ᱵᱤᱴᱤ ᱵᱤᱴᱤ

ᱵᱤᱴᱤ ᱵᱤᱴᱤ ᱦᱮᱸ ᱭᱳ ᱦᱮᱸ ᱭᱳ ᱢᱟᱥᱮ ᱫᱟᱹᱲ ᱢᱮ ᱧᱮᱞᱤᱧ ᱢᱮᱭᱳ ᱾

ᱵᱤᱴᱤ ᱵᱤᱴᱤ ᱦᱮᱸ ᱭᱳ ᱦᱮᱸ ᱭᱳ ᱢᱟᱥᱮ ᱛᱟᱲᱟᱢ ᱢᱮ ᱧᱮᱞᱤᱧ ᱢᱮᱭᱳ ᱾

ᱵᱤᱴᱤ ᱵᱤᱴᱤ ᱦᱮᱸ ᱭᱳ ᱦᱮᱸ ᱭᱳ ᱢᱟᱥᱮ ᱛᱤᱝᱜᱩᱱ ᱢᱮ ᱧᱮᱞᱤᱧ ᱢᱮᱭᱳ ᱾

ᱵᱤᱴᱤ ᱵᱤᱴᱤ ᱦᱮᱸ ᱭᱳ ᱦᱮᱸ ᱭᱳ ᱢᱟᱥᱮ ᱫᱚᱱ ᱢᱮ ᱧᱮᱞᱤᱧ ᱢᱮᱭᱳ ᱾

ᱵᱤᱴᱤ ᱵᱤᱴᱤ ᱦᱮᱸ ᱭᱳ ᱦᱮᱸ ᱭᱳ ᱢᱟᱥᱮ ᱟᱹᱪᱩᱨᱚᱜ ᱢᱮ ᱧᱮᱞᱤᱧ ᱢᱮᱭᱳ ᱾

ᱵᱤᱴᱤ ᱵᱤᱴᱤ ᱦᱮᱸ ᱭᱳ ᱦᱮᱸ ᱭᱳ ᱢᱟᱥᱮ ᱡᱟᱹᱯᱤᱫᱽ ᱢᱮ ᱧᱮᱞᱤᱧ ᱢᱮᱭᱳ ᱾

ᱵᱤᱴᱤ ᱵᱤᱴᱤ ᱦᱮᱸ ᱭᱳ ᱦᱮᱸ ᱭᱳ ᱢᱟᱥᱮ ᱵᱮᱸᱜᱮᱫᱽ ᱢᱮ ᱧᱮᱞᱤᱧ ᱢᱮᱭᱳ ᱾

ᱵᱤᱴᱤ ᱵᱤᱴᱤ ᱦᱮᱸ ᱭᱳ ᱦᱮᱸ ᱭᱳ ᱢᱟᱥᱮ ᱩᱸᱜᱩᱫᱚᱜ ᱢᱮ ᱧᱮᱞᱤᱧ ᱢᱮᱭᱳ ᱾

ᱵᱤᱴᱤ ᱵᱤᱴᱤ ᱦᱮᱸ ᱭᱳ ᱦᱮᱸ ᱭᱳ ᱢᱟᱥᱮ ᱞᱩᱦᱩᱠ ᱢᱮ ᱧᱮᱞᱤᱧ ᱢᱮᱭᱳ ᱾

ᱵᱤᱴᱤ ᱵᱤᱴᱤ ᱦᱮᱸ ᱭᱳ ᱦᱮᱸ ᱭᱳ ᱢᱟᱥᱮ ᱠᱚᱫᱚᱨ ᱢᱮ ᱧᱮᱞᱤᱧ ᱢᱮᱭᱳ ᱾

ᱥᱮᱨᱮᱧ ᱥᱮᱨᱮᱧ ᱥᱮᱛᱟ ᱫᱮᱨᱮᱧ

ᱥᱮᱨᱮᱧ ᱥᱮᱨᱮᱧ ᱥᱮᱛᱟ ᱫᱮᱨᱮᱧ ᱫᱟᱞ ᱠᱩᱲᱪᱩᱝ ᱯᱩᱥᱤ ᱫᱮᱨᱮᱧ ᱥᱮᱨᱮᱧ ᱥᱮᱨᱮᱧ ᱮᱲᱮ ᱥᱮᱨᱮᱧ ᱵᱟᱹᱱᱩᱜ ᱛᱟᱭᱟ ᱯᱩᱥᱤ ᱫᱮᱨᱮᱧ ᱾

ᱥᱮᱨᱮᱧ ᱥᱮᱨᱮᱧ ᱥᱮᱛᱟ ᱫᱮᱨᱮᱧ ᱫᱟᱞ ᱠᱩᱲᱪᱩᱝ ᱠᱩᱞᱟᱹᱭ ᱫᱮᱨᱮᱧ ᱥᱮᱨᱮᱧ ᱥᱮᱨᱮᱧ ᱮᱲᱮ ᱥᱮᱨᱮᱧ ᱵᱟᱹᱱᱩᱜ ᱛᱟᱭᱟ ᱠᱩᱞᱟᱹᱭ ᱫᱮᱨᱮᱧ ᱾

ᱥᱮᱨᱮᱧ ᱥᱮᱨᱮᱧ ᱥᱮᱛᱟ ᱫᱮᱨᱮᱧ ᱫᱟᱞ ᱠᱩᱲᱪᱩᱝ ᱛᱩᱭᱩ ᱫᱮᱨᱮᱧ ᱥᱮᱨᱮᱧ ᱥᱮᱨᱮᱧ ᱮᱲᱮ ᱥᱮᱨᱮᱧ ᱵᱟᱹᱱᱩᱜ ᱛᱟᱭᱟ ᱛᱩᱭᱩ ᱫᱮᱨᱮᱧ ᱾

ᱥᱮᱨᱮᱧ ᱥᱮᱨᱮᱧ ᱥᱮᱛᱟ ᱫᱮᱨᱮᱧ ᱫᱟᱞ ᱠᱩᱲᱪᱩᱝ ᱵᱟᱱᱟ ᱫᱮᱨᱮᱧ ᱥᱮᱨᱮᱧ ᱥᱮᱨᱮᱧ ᱮᱲᱮ ᱥᱮᱨᱮᱧ ᱵᱟᱹᱱᱩᱜ ᱛᱟᱭᱟ ᱵᱟᱱᱟ ᱫᱮᱨᱮᱧ ᱾

ᱨᱮᱨᱮᱧ ᱨᱮᱬᱮ ᱨᱮᱬᱮ

ᱨᱮᱨᱮᱧ ᱨᱮᱬᱮ ᱨᱮᱬᱮ ᱨᱟᱹᱥᱠᱟᱹ ᱜᱮᱢ ᱥᱮᱨᱮᱧ ᱡᱚᱝ,

ᱥᱤᱛᱩᱝ ᱨᱤᱛᱩ ᱯᱟᱨᱚᱢᱮᱱ ᱟᱫᱚ ᱱᱟᱦᱟᱜ ᱮᱢ ᱚᱠᱟᱜ ᱪᱚᱝ ᱾

ᱟᱹᱛᱤᱧᱤᱧ ᱥᱮᱱᱚᱜ ᱠᱟᱱ

ᱢᱮᱜ ᱢᱮᱜ ᱢᱮᱨᱚᱢ ᱚᱠᱟ ᱛᱮᱢ ᱥᱮᱱᱚᱜ ᱠᱟᱱ? ᱢᱮᱜ ᱢᱮᱜ ᱢᱮᱨᱚᱢ ᱟᱹᱛᱤᱧ ᱤᱧ ᱥᱮᱱᱚᱜ ᱠᱟᱱ ᱾

ᱵᱷᱮᱜ ᱵᱷᱮᱜ ᱵᱷᱤᱰᱤ ᱚᱠᱟ ᱛᱮᱢ ᱥᱮᱱᱚᱜ ᱠᱟᱱ? ᱵᱷᱮᱜ ᱵᱷᱮᱜ ᱵᱷᱤᱰᱤ ᱟᱹᱛᱤᱧ ᱤᱧ ᱥᱮᱱᱚᱜ ᱠᱟᱱ ᱾

ᱦᱚᱢᱵᱟ ᱦᱚᱢᱵᱟ ᱰᱟᱹᱨᱤ ᱚᱠᱟ ᱛᱮᱢ ᱥᱮᱱᱚᱜ ᱠᱟᱱ? ᱦᱚᱢᱵᱟ ᱦᱚᱢᱵᱟ ᱰᱟᱹᱨᱤ ᱟᱹᱛᱤᱧ ᱤᱧ ᱥᱮᱱᱚᱜ ᱠᱟᱱ ᱾

ᱟᱸᱡ ᱟᱸᱡ ᱠᱟᱰᱟ ᱚᱠᱟ ᱛᱮᱢ ᱥᱮᱱᱚᱜ ᱠᱟᱱ? ᱟᱸᱡ ᱟᱸᱡ ᱠᱟᱰᱟ ᱟᱹᱛᱤᱧ ᱤᱧ ᱥᱮᱱᱚᱜ ᱠᱟᱱ ᱾

ᱢᱮᱱᱮᱜ ᱢᱮᱱᱮᱜ ᱢᱮᱨᱚᱢ

ᱢᱮᱱᱮᱜ ᱢᱮᱱᱮᱜ ᱢᱮᱨᱚᱢ ᱢᱮᱱᱮᱜ ᱢᱮᱨᱚᱢ ᱦᱚᱯᱚᱱ ᱤᱧ ᱥᱩᱨ ᱛᱮ ᱦᱤᱡᱩᱜ ᱵᱤᱱ ᱵᱟᱞᱮ ᱜᱟᱥ ᱤᱧ ᱮᱢᱟ ᱵᱤᱱ ᱾

ᱢᱮᱱᱮᱜ ᱢᱮᱱᱮᱜ ᱢᱮᱨᱚᱢ ᱢᱮᱱᱮᱜ ᱢᱮᱨᱚᱢ ᱦᱚᱯᱚᱱ ᱤᱧ ᱥᱩᱨ ᱛᱮ ᱦᱤᱡᱩᱜ ᱵᱤᱱ ᱢᱟᱺᱰᱤ ᱫᱟᱜ ᱤᱧ ᱮᱢᱟ ᱵᱤᱱ ᱾

ᱫᱩ ᱦᱟᱱᱛᱮ ᱥᱮᱱᱚᱜ ᱵᱤᱱ

ᱛᱩᱛᱩᱲ ᱧᱮᱞᱮ ᱛᱩᱛᱩᱲ ᱫᱩᱢᱩᱨ ᱫᱩ ᱦᱟᱱᱛᱮ ᱥᱮᱱᱚᱜ ᱵᱤᱱ ᱾

ᱨᱚᱨᱚᱜ ᱢᱮᱨᱚᱢ ᱨᱚᱨᱚᱜ ᱵᱷᱮᱰᱟ ᱫᱩ ᱦᱟᱱᱛᱮ ᱥᱮᱱᱚᱜ ᱵᱤᱱ ᱾

ᱯᱷᱟᱸᱜᱫᱟ ᱰᱟᱹᱨᱤ ᱯᱷᱟᱸᱜᱫᱟ ᱥᱟᱫᱚᱢ ᱫᱩ ᱦᱟᱱᱛᱮ ᱥᱮᱱᱚᱜ ᱵᱤᱱ ᱾

ᱜᱮᱜᱮᱨ ᱪᱮᱴᱨᱟ ᱜᱮᱜᱮᱨ ᱛᱟᱹᱨᱩᱵ ᱫᱩ ᱦᱟᱱᱛᱮ ᱥᱮᱱᱚᱜ ᱵᱤᱱ ᱾

ᱛᱮᱦᱮᱧ ᱜᱟᱯᱟ

ᱢᱟᱦᱫᱮᱨ, ᱦᱚᱞᱟ, ᱛᱮᱦᱮᱧ ᱛᱮᱦᱮᱧ, ᱜᱟᱯᱟ, ᱢᱮᱭᱟᱝ ᱾

ᱢᱟᱦᱫᱮᱨ, ᱦᱚᱞᱟ ᱯᱟᱨᱚᱢᱮᱱ ᱛᱮᱦᱮᱧ ᱢᱮᱱᱟᱜ ᱜᱮᱭᱟ ᱾

ᱜᱟᱯᱟ, ᱢᱮᱭᱟᱝ ᱦᱟᱹᱡᱩᱜ-ᱟ ᱛᱮᱦᱮᱧ ᱢᱮᱱᱟᱜ ᱜᱮᱭᱟ ᱾

ᱢᱟᱦᱫᱮᱨ, ᱦᱚᱞᱟ, ᱛᱮᱦᱮᱧ ᱛᱮᱦᱮᱧ, ᱜᱟᱯᱟ, ᱢᱮᱭᱟᱝ ᱾

ᱢᱤᱭᱟᱶ ᱢᱤᱭᱟᱶ ᱯᱩᱥᱤ

ᱢᱤᱭᱟᱶ ᱢᱤᱭᱟᱶ ᱯᱩᱥᱤ ᱢᱮᱱᱟᱭ ᱟᱹᱰᱤ ᱠᱩᱥᱤ,

ᱥᱤᱧᱮ ᱡᱟᱹᱯᱤᱫ ᱠᱟᱜ-ᱟ ᱧᱤᱫᱟᱹᱭ ᱛᱟᱬᱟᱜ ᱠᱚᱜ-ᱟ,

ᱜᱩᱰᱩ, ᱥᱟᱨᱜᱟ ᱠᱚ ᱵᱚᱛᱚᱨᱟᱭ ᱠᱚᱪᱟ ᱠᱚᱬ ᱨᱮᱠᱚ ᱩᱠᱩ ᱵᱟᱲᱟᱭ ᱾

ᱢᱤᱴᱤ ᱢᱤᱴᱤ ᱢᱤᱫᱴᱟᱝ ᱤᱯᱤᱞ

ᱢᱤᱴᱤ ᱢᱤᱴᱤ ᱢᱤᱫᱴᱟᱝ ᱤᱯᱤᱞ ᱪᱮᱫ ᱮᱢ ᱪᱮᱠᱟᱭ ᱥᱮᱨᱢᱟ ᱨᱮ?

ᱢᱤᱴᱤ ᱢᱤᱴᱤ ᱵᱟᱨᱭᱟ ᱤᱯᱤᱞ ᱪᱮᱫ ᱵᱤᱱ ᱪᱮᱠᱟᱭ ᱥᱮᱨᱢᱟ ᱨᱮ?

ᱢᱤᱴᱤ ᱢᱤᱴᱤ ᱯᱮᱭᱟ ᱤᱯᱤᱞ ᱪᱮᱫ ᱯᱮ ᱪᱮᱠᱟᱭ ᱥᱮᱨᱢᱟ ᱨᱮ?

ᱢᱤᱴᱤ ᱢᱤᱴᱤ ᱯᱩᱱᱭᱟᱹ ᱤᱯᱤᱞ ᱪᱮᱫ ᱯᱮ ᱪᱮᱠᱟᱭ ᱥᱮᱨᱢᱟ ᱨᱮ?

ᱢᱤᱴᱤ ᱢᱤᱴᱤ ᱢᱚᱬᱮ ᱤᱯᱤᱞ ᱪᱮᱫ ᱯᱮ ᱪᱮᱠᱟᱭ ᱥᱮᱨᱢᱟ ᱨᱮ?

ᱢᱤᱴᱤ ᱢᱤᱴᱤ ᱛᱩᱨᱩᱭ ᱤᱯᱤᱞ ᱪᱮᱫ ᱯᱮ ᱪᱮᱠᱟᱭ ᱥᱮᱨᱢᱟ ᱨᱮ?

ᱢᱤᱴᱤ ᱢᱤᱴᱤ ᱮᱭᱟᱭ ᱤᱯᱤᱞ ᱪᱮᱫ ᱯᱮ ᱪᱮᱠᱟᱭ ᱥᱮᱨᱢᱟ ᱨᱮ?

ᱢᱤᱴᱤ ᱢᱤᱴᱤ ᱤᱨᱟᱹᱞ ᱤᱯᱤᱞ ᱪᱮᱫ ᱯᱮ ᱪᱮᱠᱟᱭ ᱥᱮᱨᱢᱟ ᱨᱮ?

ᱢᱤᱴᱤ ᱢᱤᱴᱤ ᱟᱨᱮ ᱤᱯᱤᱞ ᱪᱮᱫ ᱯᱮ ᱪᱮᱠᱟᱭ ᱥᱮᱨᱢᱟ ᱨᱮ?

ᱠᱚᱜ ᱠᱟᱹᱦᱩ

ᱦᱟᱹᱭ ᱠᱚᱜ ᱜᱟᱹᱭ ᱠᱚᱜ ᱯᱩᱸᱰ ᱯᱚᱲᱚᱭ ᱯᱚᱲᱚᱭ ᱾

ᱦᱟᱹᱭ ᱠᱟᱹᱦᱩ ᱠᱟᱜ ᱠᱟᱹᱦᱩ ᱦᱮᱸᱫᱮ ᱠᱟᱲᱟᱝ ᱠᱟᱲᱟᱝ ᱾

ᱦᱟᱱᱮ ᱧᱮᱞᱚᱜ ᱠᱟᱱ

ᱦᱟᱱᱮ ᱧᱮᱞᱚᱜ ᱠᱟᱱ ᱵᱩᱨᱩ ᱧᱮᱞᱚᱜ ᱠᱟᱱ ᱚᱛ ᱠᱷᱚᱱ ᱩᱥᱩᱞ ᱟᱠᱟᱱ ᱢᱚᱡᱽ ᱜᱮ ᱧᱮᱞᱚᱜ ᱠᱟᱱ ᱾

ᱦᱟᱱᱮ ᱧᱮᱞᱚᱜ ᱠᱟᱱ ᱫᱟᱨᱮ ᱧᱮᱞᱚᱜ ᱠᱟᱱ ᱚᱛ ᱠᱷᱚᱱ ᱩᱥᱩᱞ ᱟᱠᱟᱱ ᱦᱟᱹᱨᱭᱟᱹᱲ ᱜᱮ ᱧᱮᱞᱚᱜ ᱠᱟᱱ ᱾

ᱦᱟᱱᱮ ᱧᱮᱞᱚᱜ ᱠᱟᱱ ᱥᱮᱨᱢᱟ ᱧᱮᱞᱚᱜ ᱠᱟᱱ ᱚᱛ ᱠᱷᱚᱱ ᱩᱥᱩᱞ ᱟᱠᱟᱱ ᱞᱤᱞ ᱜᱮ ᱧᱮᱞᱚᱜ ᱠᱟᱱ ᱾

ᱦᱟᱱᱮ ᱧᱮᱞᱚᱜ ᱠᱟᱱ ᱨᱤᱢᱤᱞ ᱧᱮᱞᱚᱜ ᱠᱟᱱ ᱚᱛ ᱠᱷᱚᱱ ᱩᱥᱩᱞ ᱟᱠᱟᱱ ᱦᱮᱸᱫᱮ ᱜᱮ ᱧᱮᱞᱚᱜ ᱠᱟᱱ ᱾

ᱪᱟᱸᱫᱚ ᱢᱟᱢᱚ

ᱢᱟᱢᱚ ᱢᱟᱢᱚ ᱪᱟᱸᱫᱚ ᱢᱟᱢᱚ ᱪᱟᱜ ᱮᱢ ᱠᱮᱪᱟᱜᱚᱜ ᱪᱟᱸᱫᱚ ᱢᱟᱢᱚ?

ᱢᱟᱢᱚ ᱢᱟᱢᱚ ᱪᱟᱸᱫᱚ ᱢᱟᱢᱚ ᱪᱟᱜ ᱮᱢ ᱥᱮᱬᱟᱜ ᱪᱟᱸᱫᱚ ᱢᱟᱢᱚ?

ᱢᱟᱢᱚ ᱢᱟᱢᱚ ᱪᱟᱸᱫᱚ ᱢᱟᱢᱚ ᱪᱟᱜ ᱮᱢ ᱜᱩᱞᱟᱹᱭᱚᱜ ᱪᱟᱸᱫᱚ ᱢᱟᱢᱚ?

ᱢᱟᱢᱚ ᱢᱟᱢᱚ ᱪᱟᱸᱫᱚ ᱢᱟᱢᱚ ᱪᱟᱜ ᱮᱢ ᱟᱫᱚᱜ ᱪᱟᱸᱫᱚ ᱢᱟᱢᱚ?

ᱥᱟᱢᱟᱝ ᱠᱟᱛᱤᱧ ᱛᱤᱸᱜᱩᱱᱟ

ᱥᱟᱢᱟᱝ ᱠᱟᱛᱤᱧ ᱛᱤᱸᱜᱩᱱᱟ ᱪᱟᱸᱫᱚ ᱨᱟᱠᱟᱵ ᱥᱮᱫ,

ᱛᱤ ᱛᱤᱧᱤᱧ ᱛᱤᱭᱟᱹᱨᱟ ᱞᱮᱝᱜᱟ ᱡᱚᱡᱚᱢ ᱥᱮᱫ ᱾

ᱥᱟᱢᱟᱝ ᱥᱮᱫ ᱫᱚ ᱯᱩᱨᱩᱵᱽ ᱯᱟᱪᱮ ᱯᱟᱹᱪᱷᱤᱢ ᱱᱟᱠᱷᱟ,

ᱞᱮᱝᱜᱟ ᱥᱮᱫ ᱫᱚ ᱠᱚᱧᱮ ᱡᱚᱡᱚᱢ ᱮᱛᱚᱢ ᱱᱟᱠᱷᱟ ᱾

ᱠᱟᱲᱮᱭᱟ ᱥᱮᱛᱟ

ᱞᱮᱱ ᱥᱩᱱᱩᱢ ᱠᱟᱹᱲᱣᱟᱹ ᱥᱩᱱᱩᱢ ᱢᱟᱹᱡᱷᱤ ᱠᱚᱭᱤᱡ ᱠᱟᱲᱮᱭᱟ ᱥᱮᱛᱟ ᱫᱟᱜ ᱢᱟᱺᱰᱤ ᱠᱚ ᱫᱩᱞᱟᱫᱮ ᱵᱟᱭ ᱵᱤ ᱞᱮᱱ,

ᱟᱨᱦᱚᱸ ᱠᱚ ᱡᱩᱴᱤᱡ ᱟᱫᱮ ᱵᱟᱭ ᱵᱤ ᱞᱮᱱ ᱞᱚᱞᱚ ᱢᱟᱛᱠᱚᱢ ᱟᱸᱫᱟᱜ ᱰᱟᱹᱰᱩ ᱛᱮᱠᱚ ᱫᱟᱞ ᱞᱮᱫᱮ ᱠᱟᱸᱭ ᱠᱩᱸᱭ ᱾

ᱟᱞᱮ ᱚᱲᱟᱜ

ᱟᱞᱮ ᱚᱲᱟᱜ ᱟᱹᱰᱤ ᱪᱚᱨᱚᱠ ᱜᱚᱜᱚ ᱵᱟᱵᱟ ᱢᱮᱱᱟᱜ ᱠᱤᱱ ᱾

ᱟᱞᱮ ᱚᱲᱟᱜ ᱟᱹᱰᱤ ᱪᱚᱨᱚᱠ ᱫᱟᱹᱭ ᱫᱟᱫᱟ ᱢᱮᱱᱟᱜ ᱠᱤᱱ ᱾

ᱟᱞᱮ ᱚᱲᱟᱜ ᱟᱹᱰᱤ ᱪᱚᱨᱚᱠ ᱜᱚᱵᱟ ᱜᱚᱭᱳ ᱢᱮᱱᱟᱜ ᱠᱤᱱ ᱾

ᱦᱮᱸᱫᱮ ᱯᱩᱸᱰ

ᱦᱮᱸᱫᱮ ᱦᱮᱸᱫᱮ ᱪᱮᱫ ᱫᱚᱭᱳ ᱦᱮᱸᱫᱮᱭᱟ?

ᱦᱮᱸᱫᱮ ᱦᱮᱸᱫᱮ ᱩᱵ ᱵᱟᱹᱵᱩ ᱦᱮᱸᱫᱮᱭᱟ?

ᱯᱩᱸᱰ ᱯᱩᱸᱰ ᱪᱮᱫ ᱫᱚᱭᱳ ᱯᱩᱸᱰᱟ?

ᱯᱩᱸᱰ ᱯᱩᱸᱰ ᱰᱟᱴᱟ ᱵᱟᱹᱵᱩ ᱯᱩᱸᱰᱟ?

ᱮᱛᱚᱭ ᱞᱟᱝ ᱮᱞ

᱑, ᱒ ᱢᱤᱫ ᱵᱟᱨ ᱛᱮᱨᱟᱝ ᱟᱞᱟᱝ ᱟᱜ ᱛᱮ ᱥᱟᱨ ᱾

᱓, ᱔ ᱯᱮ ᱯᱩᱱ ᱫᱮᱞᱟ ᱢᱮᱛᱚ ᱢᱩᱰᱩ ᱛᱩᱯᱩᱱ ᱾

᱕,᱖ ᱢᱚᱬᱮ ᱛᱩᱨᱩᱭ ᱛᱩᱢᱫᱟᱜ ᱴᱟᱢᱟᱠ ᱞᱟᱝ ᱨᱩᱭ ᱾

᱗,᱘ ᱮᱭᱟᱭ ᱤᱨᱟᱹᱞ ᱡᱚᱢ ᱟᱞᱟᱝ ᱫᱟᱠᱟ ᱥᱟᱶ ᱫᱟᱹᱞ ᱾

᱙, ᱑᱐ ᱟᱨᱮ ᱜᱮᱞ ᱱᱚᱝᱠᱟ ᱮᱛᱚᱭ ᱞᱟᱝ ᱮᱞ ᱾

ᱥᱮᱱᱚᱜ ᱟᱹᱧ ᱢᱟᱢᱚ ᱚᱲᱟᱜ

ᱥᱮᱱᱚᱜ ᱟᱹᱧ ᱢᱟᱢᱚ ᱚᱲᱟᱜ ᱢᱟᱢᱚ ᱢᱟᱹᱢᱤᱧ ᱦᱤᱨᱤ ᱠᱤᱱ ᱾

ᱥᱮᱱᱚᱜ ᱟᱹᱧ ᱢᱟᱢᱚ ᱚᱲᱟᱜ ᱫᱟᱫᱟ ᱵᱤᱴᱤᱧ ᱦᱤᱨᱤ ᱠᱤᱱ ᱾

ᱥᱮᱱᱚᱜ ᱟᱹᱧ ᱢᱟᱢᱚ ᱚᱲᱟᱜ ᱦᱟᱲᱟᱢ ᱵᱩᱰᱷᱤᱧ ᱦᱤᱨᱤ ᱠᱤᱱ ᱾

ᱥᱮᱱᱚᱜ ᱟᱹᱧ ᱢᱟᱢᱚ ᱚᱲᱟᱜ ᱟᱹᱰᱤ ᱨᱟᱹᱥᱠᱟᱹ ᱚᱸᱰᱮ ᱢᱮᱱᱟᱜ ᱾

ᱞᱟᱹᱰᱩ

ᱢᱟᱢᱚᱭ ᱟᱹᱜᱩᱭ ᱢᱟᱞᱯᱟ ᱢᱟᱹᱢᱤ ᱟᱹᱜᱩᱭ ᱡᱷᱤᱞᱯᱤ,

ᱵᱟᱵᱟᱭ ᱟᱹᱜᱩᱭ ᱟᱹᱞᱩᱪᱚᱯ ᱟᱭᱳᱭ ᱟᱹᱜᱩᱭ ᱜᱩᱞᱜᱩᱞᱟᱹ,

ᱫᱟᱫᱟᱭ ᱟᱹᱜᱩᱭ ᱯᱩᱠᱲᱤ ᱫᱟᱹᱭᱮ ᱟᱹᱜᱩᱭ ᱪᱚᱠᱞᱮᱴ,

ᱤᱧ ᱟᱹᱰᱤ ᱠᱚ ᱠᱩᱥᱤᱭᱟᱹᱧ ᱡᱚᱛᱚ ᱜᱮ ᱞᱟᱹᱰᱩ ᱠᱚ ᱟᱹᱜᱩᱣᱟᱹᱧ ᱾

ᱜᱤᱫᱟᱹᱨ ᱜᱤᱫᱟᱹᱨ

ᱜᱤᱫᱟᱹᱨ ᱜᱤᱫᱟᱹᱨ ᱦᱮᱸ ᱟᱭᱳ

ᱫᱟᱠᱟᱢ ᱡᱚᱢᱟ? ᱵᱟᱝ ᱟ ᱭᱳ

ᱠᱟᱹᱠᱟᱹᱭᱮᱢ ᱡᱚᱢᱟ? ᱵᱟᱝ ᱟ ᱭᱳ

ᱛᱟᱵᱮᱱᱮᱢ ᱡᱚᱢᱟ? ᱵᱟᱝ ᱟ ᱭᱳ

ᱞᱟᱹᱰᱩᱢ ᱡᱚᱢᱟ? ᱦᱮᱸ ᱟᱭᱳ ᱾

᱒

ᱜᱤᱫᱟᱹᱨ ᱜᱤᱫᱟᱹᱨ ᱦᱮᱸ ᱟᱭᱳ

ᱫᱟᱜ ᱮᱢ ᱧᱩᱭᱟ? ᱵᱟᱝ ᱟ ᱭᱳ

ᱥᱚᱨᱵᱚᱛ ᱮᱢ ᱧᱩᱭᱟ? ᱵᱟᱝ ᱟ ᱭᱳ

ᱯᱮᱯᱥᱤᱢ ᱧᱩᱭᱟ? ᱵᱟᱝ ᱟ ᱭᱳ

ᱛᱚᱣᱟᱢ ᱧᱩᱭᱟ? ᱦᱮᱸ ᱟᱭᱳ ᱾

ᱯᱚᱛᱮᱡ ᱛᱟᱜ

ᱯᱚᱛᱮᱡ ᱛᱟᱜ ᱯᱚᱛᱮᱡ ᱛᱟᱜ ᱦᱩᱲᱩᱧ ᱜᱩᱢᱟ ᱯᱚᱛᱮᱡ ᱛᱟᱜ ᱾

ᱯᱚᱛᱮᱡ ᱛᱟᱜ ᱯᱚᱛᱮᱡ ᱛᱟᱜ ᱪᱟᱣᱞᱮᱧ ᱜᱩᱢᱟ ᱯᱚᱛᱮᱡ ᱛᱟᱜ ᱾

ᱯᱚᱛᱮᱡ ᱛᱟᱜ ᱯᱚᱛᱮᱡ ᱛᱟᱜ ᱤᱲᱤᱧ ᱜᱩᱢᱟ ᱯᱚᱛᱮᱡ ᱛᱟᱜ ᱾

ᱯᱚᱛᱮᱡ ᱛᱟᱜ ᱯᱚᱛᱮᱡ ᱛᱟᱜ ᱜᱩᱸᱫᱽᱞᱤᱧ ᱜᱩᱢᱟ ᱯᱚᱛᱮᱡ ᱛᱟᱜ ᱾

ᱫᱩ ᱫᱟᱜ

ᱫᱩ ᱫᱟᱜ ᱫᱩ ᱫᱟᱜ ᱞᱩᱜᱩ ᱵᱩᱨᱩ ᱛᱮ ᱟᱞᱮ ᱵᱟᱹᱵᱩᱭ ᱮᱱᱮᱡ ᱡᱚᱝᱟ ᱟᱹᱰᱤ ᱨᱟᱹᱥᱠᱟᱹ ᱛᱮ ᱾

ᱫᱩ ᱫᱟᱜ ᱫᱩ ᱫᱟᱜ ᱞᱩᱜᱩ ᱵᱩᱨᱩ ᱛᱮ ᱟᱞᱮ ᱵᱤᱴᱤ ᱮᱱᱮᱡ ᱡᱚᱝᱟ ᱟᱹᱰᱤ ᱨᱟᱹᱥᱠᱟᱹ ᱛᱮ ᱾

ᱫᱩ ᱫᱟᱜ ᱫᱩ ᱫᱟᱜ ᱞᱩᱜᱩ ᱵᱩᱨᱩ ᱛᱮ ᱟᱞᱮ ᱢᱩᱱᱩᱭ ᱮᱱᱮᱡ ᱡᱚᱝᱟ ᱟᱹᱰᱤ ᱨᱟᱹᱥᱠᱟᱹ ᱛᱮ ᱾

ᱫᱩ ᱫᱟᱜ ᱫᱩ ᱫᱟᱜ ᱞᱩᱜᱩ ᱵᱩᱨᱩ ᱛᱮ ᱟᱞᱮ ᱢᱟᱹᱱᱤ ᱮᱱᱮᱡ ᱡᱚᱝᱟ ᱟᱹᱰᱤ ᱨᱟᱹᱥᱠᱟᱹ ᱛᱮ ᱾

᱒

ᱫᱩ ᱫᱟᱜ ᱫᱩ ᱫᱟᱜ ᱞᱩᱜᱩ ᱵᱩᱨᱩ ᱛᱮ ᱫᱮᱞᱟ ᱥᱤᱛᱩᱝ ᱫᱮᱞᱟ ᱥᱤᱛᱩᱝ ᱟᱞᱮ ᱟᱹᱛᱩ ᱛᱮ ᱾

ᱫᱩ ᱫᱟᱜ ᱫᱩ ᱫᱟᱜ ᱜᱷᱟᱱᱴᱟ ᱵᱟᱹᱲᱤ ᱛᱮ ᱫᱮᱞᱟ ᱥᱤᱛᱩᱝ ᱫᱮᱞᱟ ᱥᱤᱛᱩᱝ ᱟᱞᱮ ᱟᱹᱛᱩ ᱛᱮ ᱾