ᱵᱷᱚᱫᱽᱨᱚᱠ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱵᱷᱚᱫᱽᱨᱚᱠ
ᱵᱟᱡᱟᱨ/ᱢᱩᱱᱥᱤᱯᱟᱞᱴᱤ
ᱵᱷᱚᱫᱽᱨᱚᱠ is located in Odisha
ᱵᱷᱚᱫᱽᱨᱚᱠ
ᱵᱷᱚᱫᱽᱨᱚᱠ
ᱵᱷᱚᱫᱽᱨᱚᱠ is located in ᱥᱤᱧᱚᱛ
ᱵᱷᱚᱫᱽᱨᱚᱠ
ᱵᱷᱚᱫᱽᱨᱚᱠ
Location in Odisha, India
Coordinates: 21°04′N 86°30′E / 21.06°N 86.50°E / 21.06; 86.50Coordinates: 21°04′N 86°30′E / 21.06°N 86.50°E / 21.06; 86.50
ᱫᱤᱥᱚᱢ  ᱥᱤᱧᱚᱛ
ᱯᱚᱱᱚᱛ ᱳᱰᱤᱥᱟ
ᱦᱚᱱᱚᱛ ᱵᱷᱚᱫᱽᱨᱚᱠ
ᱥᱚᱨᱠᱟᱨ
 • ᱞᱮᱠᱟᱱ ᱢᱩᱱᱥᱤᱯᱟᱞᱴᱤ
 • ᱪᱟᱪᱞᱟᱣ ᱵᱷᱚᱫᱽᱨᱚᱠ ᱢᱩᱱᱥᱤᱯᱟᱞᱴᱤ
ᱮᱨᱤᱭᱟ [᱑]
 • ᱞᱮᱠᱷᱟᱜᱩᱴ 78.86 ᱠᱤᱢᱤ (30.45 ᱜᱟᱺᱴ ᱢᱟᱭᱤᱞ)
ᱩᱥᱩᱞ 23 ᱢᱤᱴᱚᱨ (75 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (2011)[᱒]
 • ᱞᱮᱠᱷᱟᱜᱩᱴ ᱑᱐᱗,᱓᱖᱙
 • ᱰᱮᱱᱥᱤᱴᱤ 1400/ᱠᱤᱢᱤ2 (3500/ᱜᱟᱺᱴ ᱢᱟᱹᱭᱤᱞ)
ᱯᱟᱹᱨᱥᱤ
 • ᱟᱹᱢᱟᱹᱞᱮᱛ ᱳᱰᱤᱭᱟᱹ
IST (UTC+5:30)
ᱯᱤᱱ ᱠᱳᱰ 756100
ᱣᱮᱵᱽᱥᱟᱭᱤᱴ bhadrak.nic.in

ᱵᱷᱚᱫᱽᱨᱚᱠ ᱫᱚ ᱥᱤᱧᱚᱛ ᱨᱮᱭᱟᱜ ᱳᱰᱤᱥᱟ ᱨᱮ ᱢᱮᱱᱟᱜ ᱵᱷᱚᱫᱽᱨᱚᱠ ᱯᱚᱱᱚᱛ ᱨᱮᱭᱟᱜ ᱥᱚᱫᱚᱨ ᱢᱚᱦᱚᱠᱩᱢᱟ ᱟᱨ ᱢᱤᱫ ᱢᱩᱠᱷᱤᱭᱟᱹ ᱵᱟᱡᱟᱨ ᱠᱟᱱᱟ ᱾ ᱵᱷᱚᱫᱽᱨᱚᱠ ᱫᱚ ᱵᱷᱚᱫᱽᱨᱚᱠᱟᱲᱤ ᱢᱤᱫᱽᱨᱤ ᱞᱟᱹᱜᱤᱫ ᱵᱷᱟᱹᱜᱤ ᱩᱯᱨᱩᱢ, ᱵᱷᱚᱫᱽᱨᱚᱠᱟᱹᱲᱤ ᱢᱩᱫᱽᱨᱤ ᱨᱮ ᱡᱚᱛᱚ ᱵᱚᱨᱥᱚ ᱜᱮ ᱠᱟᱹᱲᱤᱯᱩᱡᱟᱹ ᱟᱹᱰᱤ ᱨᱟᱹᱥᱠᱟᱹ ᱨᱚᱢᱚᱡᱽ ᱛᱮ ᱢᱟᱱᱟᱣ ᱵᱟᱛᱟᱣ ᱦᱩᱭᱩᱜ-ᱟ ᱡᱟᱦᱟᱸ ᱧᱮᱞ ᱞᱟᱹᱜᱤᱫ ᱫᱚ ᱳᱰᱤᱥᱟ ᱟᱨ ᱵᱟᱦᱨᱮ ᱟᱹᱰᱤᱜᱟᱱ ᱯᱚᱱᱚᱛ ᱠᱷᱚᱱ ᱟᱹᱰᱤ ᱦᱚᱲ ᱠᱚ ᱦᱤᱡᱩᱜ-ᱟ ᱾ ᱱᱚᱰᱮᱱᱟᱜ ᱵᱚᱥᱚᱱᱛᱤᱭᱟᱹ ᱯᱩᱠᱷᱨᱤ ᱨᱮ ᱡᱚᱛᱚ ᱵᱚᱨᱥᱚ ᱜᱮ ᱳᱰᱤᱭᱟᱹ ᱥᱟᱫᱷᱚᱵᱽ ᱠᱚᱣᱟᱜ ᱩᱱᱩᱭᱦᱟᱹᱨ ᱛᱮ ᱠᱟᱨᱛᱤᱠ ᱯᱩᱨᱱᱤᱢᱟ ᱦᱤᱞᱚᱜ ᱢᱤᱫ ᱠᱟᱹᱢᱤᱦᱚᱨᱟ ᱦᱩᱭᱩᱜ-ᱟ ᱡᱟᱦᱟᱸ ᱧᱮᱞ ᱞᱟᱹᱜᱤᱫ ᱟᱹᱰᱤ ᱡᱩᱨ ᱦᱚᱲ ᱵᱷᱤᱲ ᱠᱚ ᱛᱟᱦᱮᱸᱱᱟ ᱾[᱓][᱔]

ᱧᱩᱢ ᱪᱷᱟᱹᱴᱭᱟᱹᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱵᱷᱚᱫᱽᱨᱚᱠ ᱟᱹᱲᱟᱹ ᱫᱚ ᱵᱷᱚᱫᱽᱨᱚᱣᱠᱚᱜ ᱟᱹᱲᱟᱹ ᱨᱮᱭᱟᱜ ᱡᱚᱱᱚᱲᱟᱣ ᱾ ᱵᱷᱚᱫᱽᱨᱚ (ᱱᱟᱯᱟᱭ ᱟᱨᱵᱟᱝ ᱥᱚᱨᱮᱥ) ᱳᱠᱚᱜ (ᱵᱚᱥᱠᱚᱫ ᱴᱚᱴᱷᱟ) ᱱᱚᱣᱟ ᱵᱟᱨᱭᱟ ᱟᱹᱲᱟᱹ ᱨᱮᱭᱟᱜ ᱥᱮᱞᱮᱫ ᱠᱟᱛᱮ ᱵᱮᱱᱟᱣ ᱟᱠᱟᱱ ᱟᱹᱲᱟᱹ ᱫᱚ ᱵᱷᱚᱫᱽᱨᱚᱣᱠᱚᱦᱚ ᱾ ᱱᱚᱣᱟ ᱨᱮᱭᱟᱜ ᱩᱪᱨᱟᱹᱣ ᱥᱩᱜᱩᱲ ᱵᱟᱝ ᱟᱹᱭᱠᱟᱹᱣ ᱞᱮᱱ ᱠᱷᱟᱹᱛᱤᱨ ᱚᱠᱛᱚ ᱡᱟᱹᱱᱤ ᱱᱚᱣᱟ ᱫᱚ ᱵᱷᱚᱫᱽᱨᱚᱠ ᱟᱹᱲᱟᱹ ᱨᱮ ᱟᱹᱨᱩᱯᱷᱮᱨᱟᱣ ᱟᱠᱟᱱᱟ ᱾
  • ᱟᱠᱵᱚᱨ ᱟᱜ ᱥᱟᱥᱚᱱ ᱚᱠᱛᱚ ᱨᱮ ᱳᱰᱤᱥᱟ ᱡᱟᱦᱟᱸ ᱯᱮᱭᱟ ᱰᱤᱵᱷᱤᱡᱚᱱ ᱨᱮ ᱦᱟᱹᱴᱤᱧ ᱞᱮᱱ ᱛᱟᱦᱮᱸᱫ ᱚᱱᱟ ᱠᱚ ᱵᱷᱤᱛᱨᱤ ᱠᱷᱚᱱ ᱵᱽᱨᱩᱫᱚᱨᱚᱠ ᱦᱩᱭᱩᱜ ᱠᱟᱱᱟ ᱢᱤᱫᱴᱟᱹᱝ ᱾ ᱚᱱᱟ ᱵᱽᱨᱩᱫᱚᱠ ᱠᱷᱚᱱ ᱜᱮ ᱱᱤᱛᱚᱜᱟᱜ ᱵᱷᱚᱫᱽᱨᱚᱠ ᱫᱮ ᱢᱮᱱᱛᱮ ᱟᱹᱰᱤ ᱦᱚᱲ ᱢᱚᱱᱚᱛ ᱠᱚ ᱮᱢᱟ ᱾
  • ᱵᱷᱚᱫᱽᱨᱚᱠ ᱨᱮᱭ ᱛᱷᱟᱯᱚᱱ ᱟᱠᱟᱱ ᱫᱮᱵᱤ ᱵᱷᱚᱫᱽᱨᱟᱠᱟᱹᱲᱤᱭᱟᱜ ᱧᱩᱛᱩᱢ ᱞᱮᱠᱟᱛᱮ ᱱᱚᱣᱟ ᱨᱮᱭᱟᱜ ᱪᱷᱟᱹᱴᱭᱟᱹᱨ ᱫᱚ ᱦᱩᱭ ᱟᱠᱟᱱᱟ ᱢᱮᱱᱛᱮ ᱜᱟᱹᱠᱷᱳᱲ ᱥᱟᱶᱦᱮᱫᱤᱭᱟᱹ ᱱᱤᱛᱭᱟᱱᱚᱱᱫᱚ ᱢᱚᱦᱟᱯᱟᱛᱨᱚ ᱟᱡᱟᱜ ᱚᱱᱚᱞ ᱥᱟᱹᱠᱷᱭᱟᱹᱛ 'ᱡᱚᱱᱢᱚ ᱟᱨ ᱡᱚᱱᱢᱚᱵᱷᱩᱢᱤ' ᱨᱮᱭ ᱩᱫᱩᱜ ᱥᱚᱫᱚᱨ ᱟᱠᱟᱫ-ᱟ ᱾
  • ᱵᱷᱚᱫᱽᱨᱚᱠ ᱥᱩᱨ ᱨᱮᱭᱟᱜ ᱪᱚᱨᱚᱢᱯᱟ ᱥᱟᱞ ᱔᱔᱐ ᱨᱮ ᱪᱚᱨᱚᱢᱯᱟ ᱱᱟᱜᱟᱨ ᱧᱩᱛᱩᱢᱟᱱ ᱢᱤᱫ ᱟᱹᱰᱤ ᱠᱮᱴᱮᱡ ᱯᱚᱱᱚᱛ ᱞᱮᱠᱟᱛᱮ ᱩᱯᱨᱩᱢ ᱛᱟᱦᱮᱸ ᱠᱟᱱᱟ ᱾ ᱚᱸᱰᱮᱱᱤᱡ ᱥᱟᱥᱚᱠ ᱫᱚᱭ ᱛᱟᱦᱮᱸ ᱠᱟᱱᱟ ᱡᱮᱭᱱ ᱫᱷᱚᱨᱚᱢ ᱟᱯᱱᱟᱨ ᱟᱠᱟᱫ ᱨᱟᱡᱟ ᱫᱚᱫᱷᱤᱵᱟᱢᱚᱱ ᱾ ᱢᱚᱜᱚᱫᱷ ᱨᱟᱡᱟᱭᱤᱡ ᱥᱳᱱᱟᱯᱚᱛᱤ ᱵᱷᱚᱫᱽᱨᱤᱠ ᱩᱱᱤᱭ ᱦᱟᱨᱟᱣ ᱞᱮᱫᱮ ᱛᱟᱦᱮᱸᱫ ᱾ ᱵᱷᱚᱫᱽᱨᱤᱠᱟᱜ ᱧᱩᱛᱩᱢ ᱞᱮᱠᱟᱛᱮ ᱱᱚᱣᱟ ᱴᱚᱴᱷᱟ ᱨᱮᱭᱟᱜ ᱧᱩᱢ ᱪᱷᱟᱹᱴᱭᱟᱹᱨ ᱫᱚ ᱦᱩᱭ ᱟᱠᱟᱱᱟ ᱢᱮᱱᱛᱮ ᱦᱚᱸ ᱵᱟᱰᱟᱭᱚᱜ-ᱟ ᱾ [᱕]

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱚᱫᱽᱨᱚᱠ ᱫᱚ ᱢᱟᱨᱮ ᱡᱩᱜᱽ ᱨᱮᱭᱟᱜ ᱯᱩᱛᱷᱤ ᱥᱟᱠᱟᱢ ᱨᱮ ᱚᱞ ᱟᱠᱟᱱ ᱢᱤᱫ ᱢᱟᱨᱮ ᱵᱟᱡᱟᱨ ᱠᱟᱱᱟ ᱾ ᱱᱚᱣᱟ ᱨᱮᱭᱟᱜ ᱢᱟᱨᱮᱛᱮᱫ ᱫᱚ ᱫᱷᱟᱢ ᱱᱟᱜᱟᱨ ᱨᱮᱭᱟᱜ ᱠᱩᱨᱩᱭ ᱟᱨ ᱮᱭᱟᱭ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮᱭᱟᱜ ᱵᱚᱣᱫᱷᱚ ᱥᱟᱱᱟᱨᱮᱡ ᱠᱷᱚᱱ ᱵᱟᱰᱟᱭ ᱧᱟᱢᱚᱜ-ᱟ ᱾ ᱚᱱᱟ ᱥᱩᱨ ᱨᱮᱭᱟᱜ ᱥᱟᱨᱚ-ᱢᱤᱨᱩ ᱵᱚᱣᱫᱷᱚ ᱜᱚᱸᱜᱷᱚᱨ, ᱯᱟᱹᱲᱤᱭᱟᱹ ᱨᱮᱭᱟᱜ ᱦᱟᱦᱟᱲᱟ ᱟᱱᱟᱜ ᱵᱤᱨᱚᱧᱪᱤ ᱱᱟᱨᱟᱭᱟᱬ ᱢᱩᱫᱽᱨᱤ, ᱠᱚᱬᱟᱨᱠᱚ ᱨᱮᱭᱟᱜ ᱥᱤᱧ ᱪᱟᱸᱫᱚ ᱢᱩᱫᱽᱨᱤ ᱞᱮᱠᱟ ᱟᱨ ᱢᱤᱫ ᱥᱤᱧ ᱵᱚᱸᱜᱟ ᱵᱚᱸᱜᱟᱛᱷᱟᱱ ᱾ ᱫᱷᱟᱢ ᱱᱟᱜᱟᱨ ᱥᱩᱨ ᱨᱮᱭᱟᱜ ᱜᱮᱝᱜᱩᱴᱤ ᱱᱟᱹᱭ ᱫᱷᱟᱨᱮ ᱨᱮᱭᱟᱜ ᱜᱳᱦᱤᱨᱟᱴᱤᱠᱤᱨᱤ ᱛᱮᱦᱮᱧ ᱫᱷᱟᱹᱵᱤᱡ ᱦᱚᱸ ᱯᱷᱩᱨᱜᱟᱹᱞ ᱞᱟᱹᱜᱤᱫ ᱳᱰᱤᱭᱟᱹ ᱠᱚ ᱞᱟᱹᱜᱤᱫ ᱢᱩᱪᱟᱹᱫ ᱦᱩᱞᱥᱟᱹᱭ ᱨᱮᱭᱟᱜ ᱪᱤᱱᱦᱟᱹᱭ ᱛᱩᱞ ᱟᱠᱟᱫ-ᱟ, ᱡᱟᱦᱟᱸᱨᱮ ᱦᱟᱨᱟᱣ ᱟᱠᱟᱱ ᱨᱟᱡᱟ ᱢᱩᱠᱩᱱᱫᱚ ᱫᱮᱵᱽ ᱥᱮᱨᱢᱟ ᱑᱕᱖᱘ ᱥᱟᱞᱮᱨᱮ ᱜᱩᱨ ᱮ ᱟᱯᱱᱟᱨ ᱞᱮᱫ-ᱟ ᱾

ᱞᱟᱠᱪᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱩᱨᱟᱹ ᱮᱭᱟᱭ ᱢᱟᱦᱟᱸ ᱫᱷᱟᱹᱵᱤᱡ ᱪᱚᱨᱚᱢᱯᱟ ᱨᱮ ᱦᱩᱭᱩᱜ ᱠᱟᱹᱲᱤᱵᱚᱸᱜᱟ ᱞᱟᱹᱜᱤᱫ ᱵᱷᱚᱫᱽᱨᱚᱠ ᱨᱮᱭᱟᱜ ᱫᱚ ᱜᱟᱺᱦᱤᱨ ᱩᱯᱨᱩᱢ ᱢᱮᱱᱟᱜ-ᱟ ᱾ ᱵᱷᱚᱫᱽᱨᱚᱠ ᱨᱮᱭ ᱛᱷᱟᱯᱚᱱ ᱟᱠᱟᱱ ᱫᱮᱵᱤ ᱵᱷᱚᱫᱽᱨᱟᱠᱟᱹᱲᱤᱭᱟᱜ ᱢᱩᱫᱽᱨᱤ ᱫᱚ ᱵᱷᱚᱫᱽᱨᱚᱠ ᱨᱮᱞ ᱥᱴᱮᱥᱚᱱ ᱠᱷᱚᱱ ᱥᱩᱯᱩᱨ ᱑᱐ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱟᱨᱚᱰᱤ ᱨᱮᱭᱟᱜ ᱧᱩᱛᱩᱢᱟᱱ ᱟᱠᱷᱚᱱᱰᱚᱲᱚᱢᱚᱬᱤ ᱢᱩᱫᱽᱨᱤ ᱵᱷᱚᱫᱽᱨᱚᱠ ᱠᱷᱚᱱ ᱔᱐ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱢᱩᱥᱞᱤᱢ ᱥᱩᱯᱷᱤ ᱥᱚᱸᱛᱷ ᱢᱩᱡᱟᱦᱤᱫᱽ-ᱤ-ᱢᱤᱞᱟᱛ ᱟᱜ ᱢᱟᱬᱜᱷᱟᱹᱴᱤ ᱵᱟᱱᱟᱨ ᱵᱷᱚᱫᱽᱨᱚᱠ ᱨᱮᱭᱟᱜ ᱨᱮᱞ ᱥᱴᱮᱥᱚᱱ ᱟᱨ ᱵᱟᱥ ᱟᱰᱟ ᱠᱷᱚᱱ ᱒᱒ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱫᱷᱟᱢᱱᱟᱜᱟᱨ ᱨᱮ ᱢᱮᱱᱟᱜ-ᱟ ᱾ ᱟᱨ ᱢᱤᱫ ᱥᱩᱯᱷᱤ ᱥᱚᱸᱛᱷ, ᱥᱚᱭᱚᱫᱽ ᱱᱟᱥᱤᱢ ᱚᱠᱷᱛᱟᱨ ᱠᱣᱟᱫᱽᱨᱤ ᱳᱨᱯᱷ ᱥᱚᱨᱠᱟᱨ ᱵᱟᱵᱟᱦᱟᱜ ᱢᱚᱥᱡᱤᱫᱽ ᱵᱷᱚᱫᱽᱨᱚᱠ ᱢᱩᱱᱤᱥᱤᱯᱟᱞᱴᱤ ᱮᱞᱟᱠᱟ ᱨᱮ ᱢᱮᱱᱟᱜ ᱡᱟᱦᱟᱸ ᱫᱚ ᱵᱟᱱᱟᱨ ᱨᱮᱞ ᱥᱴᱮᱥᱚᱱ ᱟᱨ ᱵᱟᱥ ᱟᱰᱟ ᱠᱷᱚᱱ ᱓ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱩᱱᱤ ᱫᱚ ᱢᱤᱫ ᱡᱤᱭᱟᱹᱛ ᱵᱤᱨ ᱵᱷᱟᱱᱴᱟ ᱠᱟᱱᱟᱭ ᱟᱨ ᱫᱤᱱᱟᱹᱢ ᱦᱤᱞᱚᱜ ᱜᱮᱥᱟᱭ ᱜᱮᱥᱟᱭ ᱦᱚᱲ ᱠᱚ ᱟᱡᱟᱜ ᱛᱷᱩᱢ ᱧᱟᱢ ᱞᱟᱹᱜᱤᱫ ᱚᱸᱰᱮ ᱠᱚ ᱥᱮᱴᱮᱨᱚᱜ-ᱟ ᱾


ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "About the District". Bhadrak district. 2007. Archived from the original on 21 ᱚᱠᱴᱚᱵᱚᱨ 2017. Retrieved 20 ᱢᱮ 2018. 
  2. ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named 2011CensusBhadrakCity
  3. ᱵᱷᱚᱫᱽᱨᱚᱠ ᱦᱚᱱᱚᱛ, Orissa Diary
  4. ᱵᱷᱚᱫᱽᱨᱚᱠ ᱦᱚᱱᱚᱛ ᱥᱟᱛᱟᱢ ᱨᱮ ᱩᱱᱩᱫᱩᱜ
  5. ᱨᱟᱢᱱᱟᱨᱟᱭᱚᱬ ᱨᱟᱭ - ᱢᱟ ᱵᱷᱚᱫᱽᱨᱟᱠᱟᱹᱲᱤ, ᱥᱟᱦᱴᱟ:᱗᱓

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]