ᱵᱷᱟᱰᱚᱦᱤ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱵᱷᱟᱰᱚᱦᱤ ᱦᱚᱱᱚᱛ (ᱤᱝᱨᱟᱹᱡᱤᱺ Bhadohi district) ᱥᱤᱧᱚᱛ ᱫᱤᱥᱚᱢ ᱨᱮ ᱢᱮᱱᱟᱜ ᱩᱛᱛᱟᱹᱨ ᱯᱨᱚᱫᱮᱥ ᱯᱚᱱᱚᱛ ᱨᱮᱭᱟᱜ ᱢᱤᱫᱴᱮᱱ ᱦᱚᱱᱚᱛ ᱠᱟᱱᱟ| ᱱᱤᱭᱟᱹ ᱦᱚᱱᱚᱛ ᱫᱚ ᱥᱟᱢᱟᱝ ᱩᱛᱛᱟᱹᱨ ᱯᱨᱚᱫᱮᱥ ᱢᱤᱨᱡᱟᱯᱩᱨ ᱠᱷᱚᱱᱰ ᱠᱷᱚᱱᱰ ᱨᱮ ᱯᱟᱲᱟᱣ ᱟᱠᱟᱱᱟ| ᱱᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱫᱚᱵᱷᱟᱹᱴᱤᱭᱟᱹ ᱴᱷᱟᱶ ᱫᱚ ᱜᱽᱭᱟᱱᱯᱩᱨ ᱱᱟᱝᱜᱽᱨᱟᱦᱟ ᱠᱟᱱ ᱜᱮᱭᱟ| ᱒᱐᱑᱑ ᱥᱮᱨᱢᱟ ᱨᱮᱭᱟᱦ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱱᱤᱭᱟᱹ ᱦᱚᱱᱚᱛ ᱨᱮ ᱞᱮᱠᱷᱟ ᱜᱩᱴ ᱔᱑,᱕᱗᱘,᱒᱑᱓ ᱡᱚᱱᱟ ᱦᱚᱲ ᱵᱤᱨᱟᱹᱵᱟᱥ ᱟᱠᱟᱱ ᱠᱚ ᱛᱟᱦᱮᱸᱠᱟᱱᱟ| ᱱᱤᱭᱟᱹ ᱦᱚᱱᱚᱛ ᱫᱚ ᱑,᱐᱕᱕ᱹ᱙᱙ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ| ᱵᱷᱟᱰᱚᱦᱤ ᱫᱚ ᱠᱟᱨᱯᱮᱴ ᱵᱤᱨᱤᱛ ᱠᱟᱨᱠᱷᱟᱱᱟ ᱨᱮᱭᱟᱜ ᱢᱟᱨᱟᱝ ᱩᱛᱟᱹᱨ ᱛᱟᱞᱢᱟ ᱠᱟᱱᱟ ᱥᱤᱧᱚᱛ ᱫᱤᱥᱚᱢ ᱨᱮ, ᱚᱱᱟ ᱛᱮ ᱱᱚᱣᱟ ᱦᱚᱱᱚᱛ ᱫᱚ ᱠᱟᱨᱯᱮᱴ ᱱᱟᱝᱜᱽᱨᱟᱦᱟ ᱦᱚᱸ ᱠᱚ ᱢᱮᱛᱟᱣᱟᱜ ᱜᱮᱭᱟ|

ᱦᱚᱲ ᱞᱮᱠᱦᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱵᱷᱟᱰᱚᱦᱤ ᱦᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱫᱚ ᱞᱮᱠᱷᱟ ᱜᱩᱴ ᱑,᱕᱗᱘,᱒᱑᱓ ᱦᱚᱲ ᱞᱮᱠᱷᱟ ᱦᱤᱥᱟᱹᱵᱽ ᱛᱮ ᱱᱤᱭᱟᱹ ᱦᱚᱱᱚᱛ ᱫᱚ ᱜᱟᱵᱚᱱ ᱫᱤᱥᱚᱢ ᱩᱱᱟᱹᱜ ᱢᱟᱨᱟᱝ ᱦᱩᱭᱩᱜ-ᱟ ᱟᱨᱵᱟᱝ ᱟᱢᱮᱨᱤᱠᱟ ᱫᱤᱥᱚᱢ ᱨᱮᱭᱟᱜ ᱦᱟᱣᱟᱭ ᱯᱚᱱᱚᱛ ᱩᱱᱟᱹᱜ ᱢᱟᱨᱟᱝ ᱦᱩᱭᱩᱜ-ᱟ| ᱱᱤᱭᱟ. ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱓᱒᱐ ᱮᱞᱟᱱ ᱦᱚᱱᱚᱛ ᱯᱟᱲᱟᱜ ᱠᱟᱱᱟ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱢᱤᱫ ᱪᱟ.ᱣᱠᱟ. ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱨᱮ ᱑,᱕᱓᱑ ᱡᱚᱱᱟ ᱦᱚᱲ ᱠᱚ ᱜᱤᱨᱟ.ᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ᱾ ᱯᱟᱨᱚᱢᱮᱱ ᱜᱮ-ᱥᱮᱨᱢᱟ ᱒᱐᱐᱑ - ᱒᱐᱑᱑ ᱦᱟ.ᱵᱤᱡ ᱵᱷᱟᱰᱚᱦᱤ ᱦᱚᱱᱚᱛ ᱨᱮᱭᱟᱜ ᱵᱟ.ᱰᱚᱜ ᱦᱟᱨ ᱫᱚ ᱛᱟᱦᱮ ᱠᱟᱱᱟ ᱑᱔ᱹ᱘᱑%᱾ ᱵᱷᱟᱰᱚᱦᱤ ᱦᱚᱱᱚᱛ ᱨᱮ ᱢᱤᱫ ᱜᱮᱞ ᱥᱟᱭ ᱦᱮᱨᱮᱞ ᱵᱚᱫᱚᱞ ᱛᱮ ᱙᱕᱐ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ ᱾ᱟᱨ ᱥᱮᱪᱮᱜ ᱠᱚᱣᱟᱜ ᱦᱟᱨ ᱫᱚ ᱦᱩᱭᱩᱜ ᱠᱟᱱ ᱘᱙ᱹ᱑᱔%᱾

ᱯᱟᱹᱨᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱐᱑ ᱥᱮᱨᱢ ᱟᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱵᱦᱟᱰᱚᱦᱤ ᱦᱚᱱᱚᱛ ᱨᱮᱱ ᱙᱗ᱹ᱗᱖% ᱦᱤᱸᱥ ᱦᱚᱲ ᱜᱮ ᱦᱤᱱᱫᱤ ᱯᱟᱹᱨᱥᱤ ᱠᱚ ᱞᱟᱲᱪᱟᱲᱮᱫ ᱠᱟᱱ ᱛᱟᱦᱮᱸᱠᱟᱱᱟ ᱟᱨ ᱥᱟᱨᱮᱡ ᱒ᱹ᱑᱗% ᱦᱤᱸᱥ ᱦᱚᱲ ᱫᱚ ᱩᱨᱫᱩ ᱯᱟᱹᱨᱥᱤ ᱟᱠᱚᱣᱟᱜ ᱯᱟᱹᱦᱤᱞ ᱯᱟᱹᱨᱥᱤ ᱞᱮᱠᱟ ᱛᱮ ᱠᱚ ᱞᱟᱲᱪᱟᱲᱮᱫ ᱠᱟᱱᱟ|[᱑]

ᱫᱷᱚᱨᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱵᱷᱟᱰᱚᱦᱤ ᱦᱚᱱᱚᱛ ᱨᱮ ᱘᱖ᱹ᱗᱐% ᱦᱤᱸᱥ ᱥᱟᱝᱜᱮ ᱦᱚᱲ ᱜᱮ ᱦᱤᱱᱰᱩ ᱫᱷᱚᱨᱚᱢ ᱠᱚ ᱯᱟᱧᱡᱟᱭᱮᱫᱟ, ᱑᱒ᱹ᱙᱒% ᱦᱤᱸᱥ ᱦᱚᱲ ᱫᱚ ᱢᱩᱥᱞᱤᱢ ᱫᱷᱚᱨᱚᱢ ᱠᱚ ᱯᱟᱧᱡᱟᱭᱮᱫᱟ, ᱟᱨ ᱥᱟᱨᱮᱡ ᱐ᱹ᱓᱘% ᱦᱤᱸᱥ ᱨᱮᱱ ᱦᱚᱲ ᱫᱚ ᱮᱴᱟᱜ ᱮᱴᱟᱜ ᱫᱷᱚᱨᱚᱢ ᱠᱚ ᱯᱟᱧᱡᱟᱭᱮᱫᱟ|

ᱠᱟᱹᱣᱰᱤ ᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱟᱨᱯᱮᱴ ᱵᱤᱨᱤᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱮᱞ ᱛᱩᱨᱩᱭ ᱥᱟᱭᱟᱱᱟᱜ ᱥᱮᱨᱢᱟ ᱢᱟᱲᱟᱝ ᱠᱷᱚᱱ ᱜᱮ ᱵᱷᱟᱰᱚᱦᱤ - ᱢᱤᱨᱡᱟᱯᱩᱨ ᱴᱚᱴᱷᱟ ᱨᱮ ᱫᱚ ᱠᱟᱨᱯᱮᱴ ᱥᱮ ᱟᱴᱮᱫ ᱪᱟᱫᱚᱨ ᱵᱤᱨᱤᱛ ᱫᱚ ᱮᱛᱚᱦᱚᱵ ᱞᱮᱱᱟ, ᱢᱚᱜᱚᱞ ᱥᱚᱢᱨᱟᱴ ᱵᱟᱫᱽᱥᱟ ᱟᱠᱵᱚᱨ ᱟᱜ ᱥᱟᱥᱚᱱ ᱚᱠᱛᱮ ᱠᱷᱚᱱ ᱜᱮ| ᱱᱚᱝᱠᱟ ᱠᱚ ᱢᱮᱱᱟ ᱵᱟᱝᱢᱟ ᱥᱮᱫᱟᱭ ᱢᱟᱲᱟᱝ ᱨᱮ ᱫᱚ ᱤᱨᱟᱱᱤ ᱠᱚ ᱥᱤᱧᱚᱛ ᱥᱟᱝᱜᱷᱟᱨ ᱚᱠᱛᱮ ᱨᱮ ᱵᱷᱟᱰᱚᱦᱤ ᱨᱮᱭᱟᱜ ᱠᱷᱟᱢᱟᱨᱤᱭᱟ ᱥᱩᱨ ᱢᱟᱫᱷᱚᱥᱤᱝ ᱟᱹᱛᱩ ᱨᱮ ᱟᱫᱚᱢ ᱤᱨᱟᱱᱤ ᱠᱚ ᱵᱮᱨᱮᱞ ᱞᱮᱱᱟ ᱟᱨ ᱛᱟᱭᱱᱚᱢ ᱛᱮ ᱠᱤᱪᱨᱤᱡ ᱛᱤᱛᱤᱧ ᱠᱷᱟᱱᱟ ᱠᱚ ᱵᱮᱱᱟᱣ ᱠᱮᱫᱟ|

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]