ᱥᱚᱱᱵᱷᱚᱫᱽᱨᱚ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱥᱚᱱᱵᱷᱚᱫᱽᱨᱚ ᱦᱚᱱᱚᱛ
ᱦᱚᱱᱚᱛ
Skyline of ᱥᱚᱱᱵᱷᱚᱫᱽᱨᱚ ᱦᱚᱱᱚᱛ
ᱥᱚᱱᱵᱷᱚᱫᱽᱨᱚ ᱦᱚᱱᱚᱛ ᱨᱮᱱᱟᱜ ᱴᱷᱟᱶ ᱩᱛᱚᱨ ᱯᱨᱚᱫᱮᱥ ᱨᱮ
ᱥᱚᱱᱵᱷᱚᱫᱽᱨᱚ ᱦᱚᱱᱚᱛ ᱨᱮᱱᱟᱜ ᱴᱷᱟᱶ ᱩᱛᱚᱨ ᱯᱨᱚᱫᱮᱥ ᱨᱮ
ᱫᱤᱥᱚᱢ ᱥᱤᱧᱚᱛ
ᱯᱚᱱᱚᱛ ᱩᱛᱚᱨ ᱯᱨᱚᱫᱮᱥ
ᱠᱷᱚᱸᱰ ᱢᱤᱨᱡᱟᱯᱩᱨ
Established ᱔ ᱢᱟᱨᱪ ᱑᱙᱘᱙
ᱧᱩᱢ ᱟᱠᱟᱱᱟ ᱥᱚᱱ ᱜᱟᱰᱟ
ᱦᱮᱰᱠᱩᱣᱟᱴᱚᱨ ᱨᱚᱵᱮᱨᱴᱥᱜᱚᱸᱡᱽ
ᱛᱟᱦᱥᱤᱞ ᱨᱚᱵᱮᱨᱴᱥᱜᱚᱸᱡᱽ, ᱜᱷᱚᱨᱟᱣᱟᱞ, ᱫᱩᱫᱷᱤ
ᱥᱚᱨᱠᱟᱨ
 • ᱦᱚᱱᱚᱛ ᱢᱟᱡᱤᱥᱴᱨᱮᱴ ᱮᱥ. ᱨᱟᱡᱟᱞᱤᱧᱜᱟᱢ (IAS)
 • ᱥᱩᱯᱨᱤᱴᱮᱱᱰᱮᱱᱴ ᱯᱩᱞᱤᱥ ᱟᱥᱤᱥ ᱥᱨᱤᱵᱷᱟᱥᱛᱟᱵᱷᱟ (IPS)
 • ᱫᱤᱥᱚᱢ ᱫᱚᱨᱵᱟᱨ ᱵᱟᱪᱷᱱᱟᱣ ᱨᱚᱵᱮᱨᱴᱥᱜᱚᱸᱡᱽ
 • ᱯᱚᱱᱚᱛ ᱫᱚᱨᱵᱟᱨ ᱵᱟᱪᱷᱱᱟᱣ ᱨᱟᱵᱮᱨᱴᱥᱜᱚᱸᱡᱽ, ᱜᱷᱟᱨᱣᱟᱞ, ᱚᱵᱽᱨᱟ, ᱫᱩᱫᱷᱤ
ᱮᱨᱤᱭᱟ
 • Total 6788 ᱠᱤᱢᱤ (2621 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (᱒᱐᱑᱑)
 • Total ᱑,᱘᱖᱒,᱕᱕᱙
 • ᱰᱮᱱᱥᱤᱴᱤ 270/ᱠᱤᱢᱤ2 (710/ᱜᱟᱺᱴ ᱢᱟᱹᱭᱤᱞ)
ᱦᱚᱲ ᱮᱞ
 • ᱥᱮᱪᱮᱫ ᱖᱔ ᱥᱟᱭᱠᱚᱲᱟ
 • ᱡᱟᱱᱟᱝ ᱡᱟᱹᱱᱤ ᱙᱑᱘
IST (UTC+05:30)
ᱜᱟᱹᱰᱤ ᱨᱤᱡᱤᱥᱴᱨᱤ UP 64
ᱢᱩᱬ ᱰᱟᱦᱟᱨ NH 39, SH 5A, SH 5
ᱣᱮᱵᱽᱥᱟᱭᱤᱴ http://sonbhadra.nic.in/

ᱥᱚᱱᱵᱷᱚᱫᱽᱨᱚ ᱥᱤᱧᱚᱛ ᱨᱮᱱᱟᱜ ᱩᱛᱚᱨ ᱯᱨᱚᱫᱮᱥ ᱴᱚᱴᱷᱟ ᱨᱮᱱᱟᱜ ᱫᱚᱥᱟᱨ ᱟᱹᱰᱤ ᱢᱟᱨᱟᱝ ᱦᱚᱱᱚᱛ ᱠᱟᱱᱟ ᱾ ᱥᱤᱧᱚᱛ ᱨᱮ ᱥᱚᱱᱵᱷᱚᱫᱽᱨᱚ ᱢᱤᱫᱴᱟᱝ ᱚᱱᱠᱟᱱ ᱦᱚᱱᱚᱛ ᱠᱟᱱᱟ ᱱᱤᱭᱟᱹ ᱯᱩᱱᱭᱟ ᱯᱚᱱᱚᱛ ᱨᱮ ᱯᱟᱪᱮ ᱨᱮ ᱢᱚᱫᱷᱭᱚ ᱯᱨᱚᱫᱮᱥ, ᱮᱛᱚᱢ ᱨᱮ ᱪᱷᱚᱛᱤᱥᱜᱚᱰ, ᱮᱛᱚᱢ ᱥᱟᱢᱟᱝ ᱨᱮ ᱡᱷᱟᱨᱠᱷᱚᱸᱰ ᱟᱨ ᱠᱚᱧᱮᱼᱥᱟᱢᱟᱝ ᱨᱮ ᱵᱤᱦᱟᱨ ᱥᱤᱢᱟᱹ ᱨᱮ ᱦᱤᱡᱩᱜᱼᱟ ᱾ ᱦᱚᱱᱚᱛ ᱨᱮ ᱖᱗᱘᱘ ᱜᱟᱺᱴ ᱠᱤᱞᱚᱢᱤᱴᱚᱨ ᱴᱚᱴᱷᱟ ᱢᱮᱱᱟᱜᱼᱟ ᱟᱨ ᱑,᱘᱖᱒,᱕᱕᱙ (᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ) ᱦᱚᱲ ᱮᱞ ᱢᱮᱱᱟᱜ ᱠᱚᱣᱟ, ᱚᱠᱚᱭ ᱦᱚᱲ ᱮᱞ ᱰᱮᱱᱥᱤᱴᱤ ᱒᱗᱐ ᱦᱚᱲ ᱜᱚᱴᱟ ᱜᱟᱺᱴ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱾ ᱱᱚᱣᱟ ᱯᱚᱱᱚᱛ ᱨᱮᱱᱟᱜ ᱮᱛᱚᱢ ᱥᱟᱢᱟᱝ ᱨᱮ ᱢᱮᱱᱟᱜᱼᱟ, ᱟᱨ ᱢᱤᱨᱡᱟᱯᱩᱨ ᱦᱚᱱᱚᱛ ᱠᱚᱧᱮ ᱯᱟᱪᱮ ᱨᱮ, ᱠᱚᱧᱮ ᱨᱮ ᱪᱟᱸᱫᱚᱞᱤ ᱦᱚᱱᱚᱛ, ᱵᱤᱦᱟᱨ ᱯᱚᱱᱚᱛ ᱨᱮᱱᱟᱜ ᱠᱚᱧᱮ ᱥᱟᱢᱟᱝ ᱨᱮ ᱠᱟᱭᱢᱩᱨ ᱦᱚᱱᱚᱛ ᱟᱨ ᱨᱚᱦᱛᱚᱠ ᱦᱚᱱᱚᱛ, ᱥᱟᱢᱟᱝ ᱨᱮ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱜᱟᱲᱣᱟ ᱦᱚᱱᱚᱛ, ᱮᱛᱚᱢ ᱨᱮ ᱪᱷᱚᱛᱤᱥᱜᱚᱰ ᱯᱚᱱᱚᱛ ᱨᱮᱱᱟᱜ ᱵᱚᱞᱨᱟᱢᱯᱩᱨ ᱦᱚᱱᱚᱛ, ᱟᱨ ᱯᱟᱪᱮ ᱨᱮ ᱢᱚᱫᱷᱭᱚ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱥᱤᱝᱨᱚᱞᱤ ᱦᱚᱱᱚᱛ ᱞᱮᱠᱟᱛᱮ ᱮᱛᱮᱫ ᱟᱠᱟᱱᱟ ᱾ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱨᱟᱵᱚᱨᱴᱥᱜᱚᱸᱡᱽ ᱥᱚᱦᱚᱨ ᱨᱮ ᱢᱮᱱᱟᱜᱼᱟ ᱾

ᱥᱚᱱᱵᱷᱚᱫᱽᱨᱚ ᱦᱚᱱᱚᱛ ᱢᱤᱫᱴᱟᱝ ᱤᱱᱰᱟᱥᱴᱨᱤᱭᱟᱞ ᱴᱚᱴᱷᱟ ᱠᱟᱱᱟ ᱟᱨ ᱚᱱᱰᱮ ᱟᱹᱰᱤ ᱜᱟᱱ ᱵᱳᱠᱥᱟᱭᱤᱴ, ᱪᱩᱱᱟ ᱫᱷᱤᱨᱤ, ᱠᱚᱭᱞᱟ, ᱥᱚᱱᱟ, ᱮᱢᱟᱱ ᱢᱮᱱᱟᱜᱼᱟ ᱾ ᱥᱚᱱᱵᱷᱚᱫᱽᱨᱚ ᱫᱚ "ᱥᱤᱧᱚᱛ ᱨᱮᱱᱟᱜ ᱮᱱᱟᱨᱡᱤ ᱨᱟᱡᱽᱜᱟᱲ" ᱠᱚ ᱢᱮᱛᱟᱜᱼᱟ ᱪᱮᱫᱟᱜ ᱪᱮ ᱟᱹᱰᱤ ᱞᱮᱠᱟᱱ ᱵᱤᱡᱽᱞᱤ ᱯᱞᱟᱱᱴ ᱢᱮᱱᱟᱜᱼᱟ ᱾[᱑]

ᱚᱛᱱᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱤᱡᱩᱜ ᱥᱮᱱᱚᱜ ᱰᱟᱦᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱤᱞᱞᱤ, ᱢᱩᱢᱵᱟᱭ, ᱠᱚᱞᱠᱟᱛᱟ, ᱞᱚᱠᱱᱚᱣ, ᱟᱜᱽᱨᱟ, ᱵᱟᱸᱜᱽᱞᱳᱨ, ᱪᱮᱱᱱᱟᱭ, ᱯᱟᱴᱱᱟ, ᱠᱷᱚᱡᱩᱨᱟᱦᱚ, ᱦᱟᱭᱫᱨᱟᱵᱟᱫᱽ, ᱜᱟᱭᱟ ᱮᱢᱟᱱ ᱥᱟᱶᱛᱮ ᱡᱚᱛᱚ ᱢᱩᱬ ᱥᱤᱧᱚᱛᱤᱭᱟᱹ ᱥᱚᱦᱚᱨ ᱞᱟᱹᱜᱤᱫ ᱩᱰᱟᱹᱱ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾ ᱡᱮᱡᱟᱹᱛᱤᱭᱟᱹᱨᱤ ᱡᱚᱲᱟᱣ ᱟᱠᱟᱱ ᱵᱮᱝᱠᱚᱠ, ᱠᱚᱞᱚᱢᱵᱚ, ᱦᱚᱝᱠᱚᱝ ᱟᱨ ᱠᱟᱴᱷᱩᱢᱟᱱᱰᱩ

ᱴᱨᱮᱱ ᱛᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱢᱤᱨᱡᱟᱯᱩᱨ ᱨᱮᱞᱣᱮ ᱥᱴᱮᱥᱚᱱ
  • ᱥᱚᱱᱵᱷᱚᱫᱽᱨᱚ ᱨᱮᱞᱣᱮ ᱥᱴᱮᱥᱚᱱ
  • ᱪᱚᱯᱟᱱ ᱨᱮᱞᱣᱮ ᱥᱴᱮᱥᱚᱱ
  • ᱚᱵᱽᱨᱟ ᱨᱮᱞᱣᱮ ᱥᱴᱮᱥᱚᱱ
  • ᱨᱮᱱᱩᱠᱩᱴ ᱨᱮᱞᱣᱮ ᱥᱴᱮᱥᱚᱱ ᱥᱩᱨ RIHAND DAM
  • ᱟᱱᱯᱟᱨᱟ ᱨᱮᱞᱣᱮ ᱥᱴᱮᱥᱚᱱ
  • ᱥᱤᱝᱨᱚᱞᱤ ᱨᱮᱞᱣᱮ ᱥᱴᱮᱥᱚᱱ
  • ᱥᱟᱠᱛᱤᱱᱚᱜᱚᱨ ᱨᱮᱞᱣᱮ ᱥᱴᱮᱥᱚᱱ
  • ᱵᱟᱨᱚᱬᱟᱥᱤ ᱨᱮᱞᱣᱮ ᱥᱴᱮᱥᱚᱱ
  • ᱫᱩᱫᱷᱤ ᱨᱮᱞᱣᱮ ᱥᱴᱮᱥᱚᱱ

ᱥᱚᱦᱚᱨ ᱫᱤᱞᱞᱤ, ᱤᱞᱞᱟᱦᱟᱵᱟᱫᱽ, ᱨᱟᱺᱪᱤ ᱟᱨ ᱯᱟᱴᱱᱟ ᱠᱷᱚᱱ ᱨᱮᱞ ᱡᱚᱲᱟᱣ ᱟᱠᱟᱱᱟ ᱾ ᱦᱚᱱᱚᱛ ᱞᱮᱠᱟᱛᱮ ᱥᱮᱱᱚᱜᱟᱦ ᱴᱨᱮᱱ ᱢᱩᱨᱤ ᱮᱠᱥᱯᱨᱮᱥ (ᱡᱟᱹᱢᱢᱩ ᱛᱟᱵᱤ ᱼ ᱫᱤᱞᱞᱤ ᱼ ᱴᱟᱴᱟᱱᱚᱜᱚᱨ), ᱡᱷᱟᱨᱠᱷᱚᱸᱰ ᱥᱣᱟᱨᱱ ᱡᱚᱭᱚᱱᱛᱤ ᱮᱠᱥᱯᱨᱮᱥ/᱑᱒᱘᱗᱓ (ᱦᱟᱴᱤᱭᱟ ᱼ ᱠᱟᱱᱯᱩᱨ ᱼ ᱫᱤᱞᱞᱤ), ᱛᱨᱤᱵᱮᱬᱤ ᱮᱠᱥᱯᱨᱮᱥ (ᱵᱟᱨᱮᱞᱤ ᱼ ᱞᱚᱠᱱᱚᱣ ᱼ ᱥᱟᱠᱛᱤᱱᱚᱜᱚᱨ/ᱥᱤᱝᱨᱚᱞᱤ/ᱵᱟᱨᱣᱟᱰᱤᱦ) ᱵᱷᱚᱯᱟᱲ ᱮᱠᱥᱯᱨᱮᱥ (ᱵᱷᱚᱯᱟᱲ ᱼ ᱦᱟᱵᱽᱲᱟ) ᱦᱟᱯᱛᱟ ᱨᱮ ᱟᱨ ᱥᱟᱠᱛᱤᱯᱩᱸᱡᱽ ᱮᱠᱥᱯᱨᱮᱥ / ᱑᱑᱔᱔᱘ (ᱦᱟᱵᱽᱲᱟ ᱼᱵᱚᱠᱟᱨᱚ ᱼ ᱪᱚᱯᱟᱱᱼ ᱡᱟᱵᱟᱞᱯᱩᱨ) ᱾ ᱤᱱᱴᱟᱨᱥᱤᱴᱤ ᱮᱠᱥᱯᱨᱮᱥ / ᱐᱓᱓᱔᱖ (ᱥᱤᱝᱨᱚᱞᱤ ᱼᱪᱚᱯᱟᱱᱼᱵᱟᱨᱚᱬᱟᱥᱤ) ᱾

ᱥᱚᱲᱚᱠ ᱛᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱱᱵᱷᱚᱫᱽᱨᱚ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱨᱟᱵᱚᱨᱴᱥᱜᱚᱸᱡᱽ, ᱵᱟᱨᱚᱬᱟᱥᱤ ᱥᱚᱦᱚᱨ ᱠᱷᱚᱱ ᱘᱘ ᱠᱤᱞᱚᱢᱤᱴᱚᱨ ᱥᱟᱸᱜᱤᱧ ᱨᱮ ᱢᱮᱱᱟᱜᱼᱟ, ᱚᱠᱚᱭᱟᱜ ᱥᱩᱨ ᱨᱮᱱᱟᱜ ᱩᱰᱟᱹᱱ ᱰᱟᱹᱦᱤ ᱢᱮᱱᱟᱜᱼᱟ ᱾ ᱨᱟᱵᱚᱨᱴᱥᱜᱚᱸᱡᱽ ᱥᱚᱲᱚᱠ ᱰᱟᱦᱟᱨ ᱠᱷᱚᱱ ᱞᱚᱠᱱᱚᱣ, ᱤᱞᱞᱟᱦᱟᱵᱟᱫᱽ, ᱵᱟᱨᱚᱬᱟᱥᱤ, ᱢᱤᱨᱡᱟᱯᱩᱨ, ᱜᱚᱨᱟᱠᱷᱯᱩᱨ, ᱯᱷᱮᱭᱡᱟᱵᱟᱫᱽ, ᱟᱢᱵᱤᱠᱟᱯᱩᱨ ᱥᱟᱰᱟᱨᱟᱢ ᱟᱨ ᱜᱟᱲᱣᱟ ᱠᱷᱚᱱ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱾

ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱲ ᱮᱞᱥᱚᱝ ᱱᱟᱜᱟᱢ
YearPop.±% p.a.
1901᱒᱔᱑,᱙᱖᱔—    
1911᱒᱓᱙,᱔᱓᱑−0.11%
1921᱒᱓᱙,᱒᱓᱐−0.01%
1931᱒᱖᱐,᱔᱔᱕+0.85%
1941᱒᱙᱗,᱒᱘᱘+1.33%
1951᱓᱓᱖,᱐᱖᱕+1.23%
1961᱔᱔᱓,᱑᱗᱔+2.81%
1971᱕᱘᱐,᱕᱙᱓+2.74%
1981᱘᱐᱐,᱗᱑᱗+3.27%
1991᱑,᱑᱐᱔,᱒᱑᱐+3.27%
2001᱑,᱕᱐᱔,᱘᱕᱒+3.14%
2011᱑,᱘᱖᱒,᱕᱕᱙+2.16%
source:[᱒]

᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱥᱚᱱᱵᱷᱚᱫᱽᱨᱚ ᱦᱚᱱᱚᱛ ᱨᱤᱱ ᱦᱚᱲ ᱮᱞ ᱑,᱘᱖᱒,᱕᱕᱙ ᱦᱚᱲ ᱢᱮᱱᱟᱜ ᱠᱚᱣᱟ, ᱚᱱᱰᱮ ᱠᱷᱚᱱ ᱠᱚᱲᱟ ᱙᱗᱑,᱓᱔᱔ ᱟᱨ ᱛᱤᱨᱞᱟᱹ ᱘᱙᱑,᱒᱑᱕ ᱜᱟᱱ ᱠᱚ ᱛᱟᱦᱮᱸ ᱠᱟᱱᱟ ᱾[᱓] ᱠᱚᱥᱚᱵᱷᱚ ᱫᱤᱥᱚᱢ ᱥᱟᱞᱟᱜ ᱵᱟᱨᱟ ᱵᱟᱨᱤ[᱔] ᱟᱨᱵᱟᱝ ᱟᱢᱮᱨᱤᱠᱟ ᱯᱚᱱᱚᱛ ᱯᱟᱪᱮ ᱵᱷᱟᱨᱡᱤᱱᱤᱭᱟ ᱾[᱕] ᱱᱤᱭᱟᱹ ᱥᱤᱧᱚᱛ ᱨᱮ ᱒᱕᱔ ᱟᱱᱟᱜ (ᱜᱩᱴ ᱖᱔᱐ ᱠᱷᱚᱱ ᱢᱩᱫᱽ ᱨᱮ) ᱨᱮᱸᱠᱤᱝ ᱨᱮ ᱢᱮᱱᱟᱜᱼᱟ ᱾[᱓] ᱦᱚᱱᱚᱛ ᱨᱮᱱᱟᱜ ᱦᱚᱲ ᱮᱞ ᱰᱮᱱᱥᱤᱴᱤ ᱒᱗᱐ ᱛᱟᱦᱮᱸᱱᱟ ᱠᱚ ᱦᱚᱲ ᱜᱚᱴᱟ ᱜᱟᱺᱴ ᱠᱤᱞᱚᱢᱤᱴᱚᱨ (᱗᱐᱐/ᱜᱟᱺᱴ ᱢᱤᱞ) ᱢᱮᱱᱟᱜᱼᱟ ᱾[᱓] ᱒᱐᱐᱑ᱼ᱒᱐᱑᱑ ᱨᱮᱱᱟᱜ ᱜᱮᱞ ᱥᱮᱨᱢᱟ ᱨᱮ ᱱᱩᱠᱩ ᱦᱚᱲ ᱮᱞ ᱜᱨᱚᱴ ᱫᱚᱨ ᱒᱗.᱒᱗% ᱛᱟᱦᱮᱸ ᱠᱟᱱᱟ ᱾ ᱘᱓.᱙᱑% ᱫᱚ ᱦᱤᱱᱫᱤ ᱠᱚ ᱨᱚᱲᱟ, ᱑᱔.᱕᱗% ᱫᱚ ᱵᱷᱚᱡᱽᱯᱩᱨᱤ ᱠᱚ ᱨᱚᱲᱟ ᱾[᱓]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Catch News. "Sonbhadra Singrauli has all the ingredients Energy capital of India". Retrieved 2016-06-07. 
  2. Decadal Variation In Population Since 1901
  3. ᱓.᱐ ᱓.᱑ ᱓.᱒ ᱓.᱓ "District Census 2011". Census2011.co.in. 2011. Retrieved 2011-09-30. 
  4. "Country Comparison: Population". The World Factbook. Central Intelligence Agency. Retrieved 2011-10-01. Kosovo 1,825,632 July 2011 est. 
  5. "2010 Resident Population Data". U. S. Census Bureau. Retrieved 2011-09-30. West Virginia 1,852,994 

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱷᱟᱸᱪ:ᱥᱚᱱᱵᱷᱚᱫᱽᱨᱚ ᱦᱚᱱᱚᱛ