ᱵᱷᱤᱢᱵᱮᱨ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱵᱷᱤᱢᱵᱮᱨ
ضلع بھمبر
ᱦᱚᱱᱚᱛ
ᱟᱡᱟᱫᱽ ᱠᱟᱥᱢᱤᱨ ᱱᱚᱠᱥᱟ ᱨᱮ ᱵᱷᱤᱢᱵᱮᱨ
ᱟᱡᱟᱫᱽ ᱠᱟᱥᱢᱤᱨ ᱱᱚᱠᱥᱟ ᱨᱮ ᱵᱷᱤᱢᱵᱮᱨ
ᱫᱤᱥᱚᱢ ᱯᱟᱠᱤᱥᱛᱟᱱ
ᱯᱨᱚᱵᱷᱤᱱᱥ ᱟᱡᱟᱫᱽ ᱡᱟᱢᱩ ᱠᱟᱥᱢᱤᱨ
ᱛᱷᱟᱯᱚᱱ ᱑᱙᱙᱖
ᱦᱮᱰᱠᱩᱣᱟᱴᱚᱨ ᱵᱷᱤᱢᱵᱮᱨ
ᱮᱨᱤᱭᱟ
 • ᱞᱮᱠᱷᱟᱜᱩᱴ 1516 ᱠᱤᱢᱤ (585 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (2017)
 • ᱞᱮᱠᱷᱟᱜᱩᱴ ᱔᱒᱐,᱖᱒᱔
 • ᱰᱮᱱᱥᱤᱴᱤ 277/ᱠᱤᱢᱤ2 (720/ᱜᱟᱺᱴ ᱢᱟᱹᱭᱤᱞ)
PST (UTC+5)
ᱛᱚᱦᱥᱤᱞ ᱓ ᱜᱚᱴᱟᱝ

ᱵᱷᱤᱢᱵᱮᱨ ᱦᱚᱱᱚᱛ (Urdu:ضلع بھمبر) ᱫᱚ ᱟᱡᱟᱫᱽ ᱠᱟᱥᱢᱤᱨ (ᱯᱟᱠᱤᱥᱛᱟᱱ) ᱨᱮᱱᱟᱜ ᱜᱮᱞ ᱟᱱᱟᱜ ᱦᱚᱱᱚᱛ ᱠᱟᱱᱟ ᱾ ᱱᱚᱶᱟ ᱫᱚ ᱥᱤᱧᱚᱛ ᱪᱟᱪᱞᱟᱣ ᱠᱟᱥᱢᱤᱨ (Indian-administered Kashmir) ᱨᱮᱱᱟᱜ ᱯᱟᱪᱮ ᱥᱮᱦᱮᱫ ᱨᱮ ᱵᱷᱤᱲᱟᱹᱣ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱞᱟᱴᱤᱪᱩᱰ (Latitude): ᱓᱒-᱔᱘ ᱠᱷᱚᱱ ᱓᱓-᱓᱔ ᱟᱨ ᱞᱚᱝᱜᱤᱪᱩᱰ (Longitude): ᱗᱓ᱹ᱕᱕ ᱠᱷᱚᱱ ᱗᱔-᱔᱕ ᱵᱷᱤᱛᱤᱨ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱦᱚᱱᱚᱛ ᱨᱮᱱᱟᱜ ᱮᱨᱤᱭᱟ ᱫᱚ ᱑᱕᱑᱖ ᱜᱟᱺᱴ ᱠᱤᱞᱚᱢᱤᱴᱚᱨ ᱾ ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱵᱟᱝᱢᱟ ᱢᱩᱠᱷᱭᱟᱹ ᱱᱟᱜᱽᱨᱟᱦᱟ (city) ᱫᱚ ᱵᱷᱤᱢᱵᱮᱨ ᱠᱟᱱᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱴᱷᱟᱶ ᱫᱚ ᱟᱨᱠᱤᱭᱚᱞᱚᱡᱤ (archaeology) ᱨᱮ ᱟᱹᱰᱤ ᱛᱮᱫ ᱜᱮ ᱠᱤᱥᱟᱹᱬᱟ ᱾ ᱱᱚᱶᱟ ᱦᱚᱨ ᱫᱚ ᱢᱚᱜᱚᱞ ᱥᱚᱢᱨᱟᱴ ᱠᱟᱥᱢᱤᱨ ᱵᱷᱮᱞᱞᱤ (Kashmir Valley) ᱡᱟᱣ ᱜᱮ ᱦᱤᱡᱩᱜ ᱥᱮᱱᱜ ᱠᱟᱱ ᱛᱟᱦᱮᱸᱫ ᱾ ᱚᱱᱟᱠᱟᱱ ᱦᱚᱨ ᱨᱮ ᱢᱮᱱᱟᱜ ᱠᱷᱟᱹᱛᱤᱨ ᱱᱚᱶᱟ ᱫᱚ ᱠᱟᱥᱢᱤᱨ (Bab-e-Kashmir) ᱨᱮᱱᱟᱜ ᱫᱩᱣᱟᱹᱨ (Gateway) ᱦᱚᱸ ᱠᱚ ᱢᱮᱛᱟᱜ ᱠᱟᱱᱟ ᱾

᱑᱙᱙᱕ ᱦᱟᱹᱵᱤᱡ ᱵᱷᱤᱢᱵᱮᱨ ᱫᱚ ᱢᱤᱨᱯᱩᱨ ᱦᱚᱱᱚᱛ ᱨᱮᱱᱟᱜ ᱛᱚᱦᱥᱤᱞ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱑᱙᱙᱖ ᱥᱟᱹᱦᱤᱛ ᱨᱮ ᱵᱷᱤᱢᱵᱮᱨ ᱫᱚ ᱢᱤᱨᱯᱩᱨ ᱦᱚᱱᱚᱛ ᱠᱷᱚᱱ ᱵᱷᱮᱜᱟᱨ ᱠᱟᱛᱮ ᱢᱤᱫ ᱦᱚᱱᱚᱛ ᱠᱚ ᱵᱮᱱᱟᱣ ᱠᱮᱫᱼᱟ ᱾

ᱫᱚᱬᱚ (location)[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱦᱚᱱᱚᱛ ᱨᱮᱱᱟᱜ ᱮᱛᱚ-ᱯᱟᱪᱮ ᱥᱦᱮᱫ ᱨᱮ ᱢᱤᱨᱯᱩᱨ ᱦᱚᱱᱚᱛ ᱟᱨ ᱯᱟᱪᱮ-ᱠᱚᱧᱮ ᱥᱮᱦᱮᱫ ᱨᱮ ᱯᱚᱧᱡᱟᱵᱽ ᱯᱨᱚᱵᱷᱤᱱᱥ ᱢᱮᱱᱟᱜᱼᱟ ᱾ᱱᱚᱶᱟ ᱫᱚ ᱥᱤᱧᱚᱛ ᱨᱮᱱᱟᱜ ᱠᱟᱥᱢᱤᱨ ᱥᱟᱶ ᱵᱷᱤᱲᱟᱹᱣ ᱟᱠᱟᱱᱟ ᱾

ᱪᱟᱪᱞᱟᱣ ᱠᱷᱚᱸᱰ (Administrative divisions)[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱤᱢᱵᱮᱨ ᱦᱚᱱᱚᱛ ᱨᱮᱱᱟᱜ ᱱᱚᱠᱥᱟ

ᱱᱚᱶᱟ ᱦᱚᱱᱚᱛ ᱨᱮᱱᱟᱜ ᱞᱮᱠᱷᱟᱜᱩᱴ ᱟᱨᱤᱭᱟ ᱫᱚ ᱦᱩᱭᱩᱜ ᱠᱟᱱᱟ ᱑᱕᱑᱖ ᱜᱟᱺᱴ ᱠᱤᱞᱚᱢᱤᱴᱚᱨ ᱾ ᱱᱚᱶᱟ ᱦᱚᱱᱚᱛ ᱫᱚ ᱯᱮᱭᱟ ᱛᱚᱦᱥᱤᱞ ᱨᱮ ᱦᱟᱹᱴᱤᱧ ᱟᱠᱟᱱᱟ[᱑], ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱺ ᱵᱷᱤᱢᱵᱮᱨ (Bhimber), ᱵᱚᱨᱱᱟᱞᱟ (Barnala) ᱟᱨ ᱥᱢᱟᱦᱱᱤ (Samahni) ᱾

ᱰᱮᱢᱚᱜᱽᱨᱟᱯᱷᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱗ ᱥᱟᱹᱦᱤᱛ ᱯᱟᱠᱤᱥᱛᱟᱱ ᱨᱮᱱᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ, ᱱᱚᱶᱟ ᱦᱚᱱᱚᱛ ᱨᱮ ᱔᱒᱐,᱖᱒᱔ ᱜᱚᱴᱟᱝ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾[᱒]

ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱕ ᱟᱞᱤᱯᱷ ᱮᱭᱞᱟᱱ ᱯᱟᱠᱤᱥᱛᱟᱱ ᱦᱚᱱᱚᱛ ᱥᱮᱪᱮᱫ ᱨᱮᱝᱠᱤᱝ ᱞᱮᱠᱟᱛᱮ, ᱵᱷᱤᱢᱵᱮᱨ ᱦᱚᱱᱚᱛ ᱫᱚ ᱥᱮᱪᱮᱫ ᱛᱷᱚᱠ ᱨᱮ ᱯᱟᱠᱤᱥᱛᱟᱱ ᱨᱮᱱᱟᱜ ᱑᱔᱕ ᱦᱚᱱᱚᱛ ᱢᱟᱹᱫᱽ ᱠᱷᱚᱱ ᱑᱐ ᱟᱱᱟᱜ ᱨᱮᱝᱠ (rank) ᱨᱮ ᱢᱮᱱᱟᱜᱼᱟ ᱾ ᱥᱩᱵᱤᱫᱷᱟ (facilities) ᱟᱨ ᱤᱱᱯᱷᱨᱟᱥᱴᱨᱚᱠᱪᱚᱨ (infrastructure) ᱛᱷᱚᱠ ᱨᱮ ᱱᱚᱶᱟ ᱫᱚ ᱑᱔᱕ ᱠᱷᱳᱱ ᱑᱑᱖ ᱟᱱᱟᱜ ᱨᱮᱸᱠ ᱨᱮ ᱢᱮᱱᱟᱜᱼᱟ ᱾[᱓]

ᱦᱚᱭ ᱦᱤᱥᱤᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱤᱨᱯᱩᱨ ᱰᱤᱵᱷᱤᱡᱚᱱ ᱨᱮᱱᱟᱜ ᱠᱚᱧᱮ ᱥᱮᱦᱮᱫ ᱨᱮ ᱫᱚ ᱚᱱ ᱴᱚᱴᱷᱟ ᱥᱩᱨ ᱯᱚᱧᱡᱟᱵᱽ ᱮᱞᱟᱠᱟ ᱨᱮᱱᱟᱜ ᱜᱮ ᱦᱚᱭ ᱦᱤᱥᱫ ᱠᱚᱫᱚ, ᱥᱤᱛᱩᱝ ᱫᱤᱱ ᱫᱚ ᱞᱚᱞᱚ ᱜᱮ ᱟᱹᱭᱠᱟᱹᱣᱜᱼᱟ, ᱞᱚᱞᱚᱥᱚᱝ (temperature) ᱔᱕° ᱥᱮᱞᱥᱤᱭᱚᱥ ᱜᱟᱱ ᱥᱮᱴᱮᱨᱚᱜ ᱠᱟᱱᱟ ᱢᱮ ᱠᱷᱚᱱ ᱥᱮᱯᱴᱮᱢᱵᱚᱨ ᱪᱟᱸᱫᱚ ᱢᱟᱹᱫᱽ ᱨᱮ ᱾ ᱨᱟᱵᱟᱝ ᱟᱨ ᱡᱟᱹᱯᱩᱫ ᱫᱚ ᱡᱩᱱ ᱪᱟᱸᱫᱚ ᱢᱩᱪᱟᱹᱫ ᱥᱮᱫ ᱠᱷᱚᱱ ᱚᱜᱚᱥᱴ ᱦᱟᱹᱵᱤᱡ ᱟᱹᱭᱠᱟᱹᱣᱼᱟ ᱾ ᱚᱸᱰᱮ ᱚᱠᱴᱚᱵᱚᱨ ᱠᱷᱚᱱ ᱡᱟᱱᱩᱣᱟᱨᱤ ᱫᱚ ᱨᱚᱦᱚᱲ ᱜᱮ ᱟᱨ ᱡᱟᱱᱩᱣᱟᱨᱤ ᱠᱷᱚᱱ ᱢᱟᱨᱪ ᱢᱟᱹᱫᱽ ᱨᱮ ᱫᱟᱜ ᱡᱟᱹᱲᱤ ᱨᱮᱱᱟᱜ ᱦᱚᱸ ᱧᱮᱞᱚᱜᱼᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Tehsils of Bhimber District on AJK map". ajk.gov.pk. AJK Official Portal. Retrieved 17 ᱱᱚᱵᱷᱮᱢᱵᱚᱨ 2019. 
  2. "Census 2017: AJK population rises to over 4m". The Nation (in ᱟᱝᱜᱽᱨᱮᱡᱤ). Retrieved 2017-09-01. 
  3. "Individual district profile link, 2015". Alif Ailaan. Archived from the original on 2016-03-04. Retrieved 2015-05-06.  Unknown parameter |url-status= ignored (help)

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]