ᱵᱽᱨᱟᱢᱦᱤ ᱪᱤᱠᱤ

ᱵᱽᱨᱟᱢᱦᱤ ᱪᱤᱠᱤ ᱵᱟᱝᱢᱟ ᱵᱽᱨᱟᱢᱦᱤ ᱞᱤᱯᱤ ᱫᱚ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱪᱤᱠᱤ ᱢᱟᱺᱫᱽ ᱨᱮᱱᱟᱜ ᱢᱤᱫ ᱪᱤᱠᱤ ᱠᱟᱱᱟ ᱾ ᱯᱨᱚᱵᱷᱩ ᱥᱨᱤ ᱨᱩᱥᱚᱵᱷᱫᱮᱵᱽ ᱡᱤ ᱟᱡᱤᱡ ᱦᱚᱯᱚᱱᱼᱮᱨᱟ ᱵᱽᱨᱟᱢᱦᱤ ᱪᱤᱠᱤ ᱟᱨ ᱮᱞ ᱠᱚ ᱵᱟᱵᱚᱫᱽ ᱛᱮ ᱥᱮᱪᱮᱫ ᱮ ᱮᱢᱟᱫ ᱫᱮ ᱛᱟᱦᱮᱸᱫ ᱾ ᱥᱮᱫᱟᱭ ᱠᱟᱛᱷᱟ ᱞᱮᱠᱟᱛᱮ ᱩᱱᱚᱠᱛᱚ ᱵᱽᱨᱟᱢᱦᱤ ᱫᱮᱵᱤ ᱟᱡ ᱟᱭᱳ ᱱᱚᱶᱟ ᱪᱤᱠᱤ ᱫᱚᱭ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾ ᱨᱟᱡᱟ ᱚᱥᱚᱠ ᱟᱜ ᱫᱷᱤᱨᱤ ᱚᱞ ᱨᱮ ᱱᱚᱶᱟ ᱚᱞ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱞᱮᱸᱜᱟ ᱠᱷᱚᱱ ᱡᱚᱡᱚᱢ ᱥᱮᱫ ᱠᱚ ᱚᱞᱟ ᱾ ᱱᱤᱛ ᱦᱚᱸ ᱠᱚᱧᱮ (ᱥᱟᱣᱛᱷ) ᱟᱨ ᱠᱚᱧᱮ-ᱥᱟᱢᱟᱝ ᱮᱥᱤᱭᱟ ᱨᱮᱱᱟᱜ ᱟᱭᱢᱟ ᱴᱷᱟᱶ ᱨᱮ ᱵᱮᱵᱷᱟᱨ ᱟᱠᱟᱱᱟ ᱾^[᱑]^[᱒]^[᱓]

ᱥᱤᱨᱡᱚᱱ

ᱵᱽᱨᱟᱢᱦᱤ ᱪᱤᱠᱤ ᱨᱮᱭᱟᱜ ᱥᱤᱨᱡᱚᱱ ᱵᱟᱵᱚᱛ ᱟᱭᱢᱟ ᱛᱮᱛᱮᱫ ᱥᱚᱫᱚᱨ ᱟᱠᱟᱱᱟ ᱾ ᱱᱚᱶᱟ ᱛᱮᱛᱮᱫ ᱠᱚ ᱫᱚ ᱵᱟᱨ ᱢᱩᱬ ᱦᱟᱹᱴᱤᱧ ᱨᱮ ᱦᱟᱹᱴᱤᱧ ᱜᱟᱱᱚᱜᱼᱟ᱾ ᱑)- ᱵᱤᱫᱮᱥ ᱥᱤᱨᱡᱚᱱ ᱨᱮᱭᱟᱜ ᱛᱮᱛᱮᱫ, ᱒)- ᱢᱟᱨᱟᱝ ᱵᱷᱟᱨᱚᱛ ᱨᱮᱭᱟᱜ ᱥᱚᱫᱮᱥᱤ ᱥᱤᱨᱡᱚᱱ ᱨᱮᱭᱟᱜ ᱛᱮᱛᱮᱫ

ᱡᱟᱦᱟᱸᱭ ᱠᱚ ᱵᱤᱫᱮᱥ ᱩᱛᱟᱹᱨ ᱨᱮᱭᱟᱜ ᱛᱷᱤᱭᱚᱨᱤ ᱨᱮ ᱠᱚ ᱯᱟᱹᱛᱭᱟᱹᱣᱟ ᱩᱱᱠᱩ ᱫᱚ ᱵᱟᱨ ᱟᱨ ᱯᱮ ᱦᱟᱹᱴᱤᱧ ᱨᱮ ᱦᱟᱹᱴᱤᱧ ᱫᱟᱲᱮᱭᱟᱜᱼᱟ ᱠᱚ᱾ (ᱚ)- ᱜᱽᱨᱤᱠ ᱥᱤᱨᱡᱚᱱ ᱠᱷᱚᱱ ᱵᱽᱨᱟᱢᱦᱤ ᱪᱤᱠᱤ ᱨᱮᱭᱟᱜ ᱥᱤᱨᱡᱚᱱ - ᱟᱞᱯᱷᱨᱮᱰ ᱢᱩᱞᱞᱟᱨ ᱫᱚ ᱱᱚᱣᱟ ᱛᱮᱛᱮᱫ ᱨᱮᱱ ᱥᱚᱦᱮᱫᱤᱭᱟᱹ ᱠᱟᱱᱟᱭ ᱾ (ᱛ)- ᱵᱽᱨᱟᱢᱦᱤ ᱪᱤᱠᱤ ᱨᱮᱭᱟᱜ ᱥᱮᱢᱤᱴᱤᱠ ᱥᱤᱨᱡᱚᱱ ᱛᱮᱛᱮᱫ - ᱣᱤᱞᱤᱭᱟᱢ ᱡᱚᱱᱥ ᱫᱚ ᱱᱚᱣᱟ ᱛᱮᱛᱮᱫ ᱨᱮᱱ ᱢᱩᱬ ᱥᱚᱫᱚᱨᱤᱭᱟᱹ ᱠᱟᱱᱟᱭ ᱾ ᱱᱚᱣᱟ ᱦᱚᱸ ᱯᱮ ᱦᱟᱹᱴᱤᱧ ᱨᱮ ᱦᱟᱹᱴᱤᱧ ᱟᱠᱟᱱᱟ ᱑-ᱯᱷᱤᱱᱤᱥᱤᱭᱟᱱ ᱥᱤᱨᱡᱚᱱ ᱒-ᱫᱟᱹᱠᱷᱤᱱ ᱥᱮᱢᱤᱴᱤᱠ ᱥᱤᱨᱡᱚᱱ ᱓-ᱠᱚᱧᱮ ᱥᱮᱢᱤᱴᱤᱠ ᱥᱤᱨᱡᱚᱱ

ᱵᱽᱨᱟᱢᱦᱤ ᱪᱤᱠᱤ ᱨᱮᱭᱟᱜ ᱥᱤᱡᱚᱱ ᱨᱮᱭᱟᱜ ᱥᱚᱫᱮᱥᱤ ᱛᱮᱛᱮᱫ ᱦᱚᱸ ᱵᱟᱨ ᱦᱟᱹᱴᱤᱧ ᱨᱮ ᱦᱟᱹᱴᱤᱧ ᱟᱠᱟᱱᱟ- ᱑-ᱥᱟᱣᱛᱷ ᱥᱤᱨᱡᱚᱱ ᱒-ᱟᱨᱭᱟᱱ ᱥᱤᱨᱡᱚᱱ

ᱱᱤᱛ ᱦᱟᱹᱵᱤᱡ ᱠᱚ ᱢᱟᱱᱟᱣ ᱟᱹᱜᱩᱭᱮᱫ ᱛᱟᱦᱮᱸᱫ ᱵᱟᱝᱢᱟ ᱵᱽᱨᱟᱢᱦᱤ ᱪᱤᱠᱤ ᱫᱚ 4 ᱠᱷᱚᱱ 3 ᱥᱟᱭ ᱤᱥᱟᱹ ᱥᱮᱨᱢᱟ ᱢᱟᱲᱟᱝ ᱨᱮ ᱢᱩᱨᱭᱟ ᱠᱚ ᱵᱮᱱᱟᱣ ᱞᱮᱫᱼᱟ, ᱢᱮᱱᱠᱷᱟᱱ ᱱᱤᱛᱚᱜᱟᱜ ᱟᱨᱠᱤᱭᱚᱞᱚᱡᱤᱠᱟᱞ ᱥᱚᱨᱵᱷᱮ ᱚᱯᱷ ᱤᱱᱰᱤᱭᱟ (Archeological Survey of India)ᱟᱜ ᱞᱟᱼᱧᱟᱢ ᱠᱷᱚᱱ ᱵᱟᱰᱟᱭᱚᱜ ᱠᱟᱱᱟ ᱵᱟᱝ ᱢᱟ ᱱᱚᱶᱟ ᱫᱚ ᱖ ᱥᱟᱭ ᱤᱥᱟᱹ ᱥᱮᱨᱢᱟ ᱢᱟᱬᱟᱝ ᱠᱷᱚᱱ ᱛᱟᱢᱤᱞ ᱱᱟᱰᱩ ᱟᱨ ᱥᱨᱤ ᱞᱚᱝᱠᱟ ᱨᱮ ᱢᱮᱱᱟᱜᱼᱟ᱾

ᱧᱩᱛᱩᱢ ᱥᱤᱨᱡᱚᱱ

"ᱵᱽᱨᱟᱢᱦᱤ" ᱧᱩᱛᱩᱢ ᱥᱤᱨᱡᱚᱱ ᱨᱮᱱᱟᱜ ᱟᱭᱢᱟ ᱠᱟᱛᱷᱟ ᱱᱟᱜᱟᱢ ᱨᱮ ᱧᱮᱞᱚᱜᱼᱟ ᱾ ᱵᱽᱨᱟᱢᱦᱤ ᱟᱹᱲᱟᱹ ᱨᱮᱱᱟᱜ ᱚᱞ ᱥᱤᱧᱚᱛᱤᱭᱟᱹ ᱜᱽᱨᱚᱱᱛᱷᱚ ᱨᱮᱱᱟᱜ ᱟᱹᱰᱤᱜᱟᱱ ᱥᱟᱛᱟᱢ ᱨᱮ ᱧᱮᱞᱚᱜᱼᱟ ᱾ ᱥᱚᱸᱥᱠᱨᱩᱛ ᱯᱟᱹᱨᱥᱤ ᱨᱚᱱᱚᱲ ᱨᱮᱱᱟᱜ ᱨᱟᱭ ᱞᱮᱠᱟᱛᱮ, ᱱᱚᱶᱟ ᱫᱚ ᱢᱤᱫ ᱠᱩᱲᱤ ᱡᱟᱱᱟᱝ ᱟᱹᱲᱟᱹ ᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱢᱮᱱᱮᱫ ᱦᱩᱭᱩᱜ ᱠᱟᱱᱟ "ᱵᱽᱨᱚᱢᱦᱟ" ᱵᱟᱝᱢᱟ "ᱵᱽᱨᱟᱢᱦᱚᱬ ᱟᱜ ᱠᱩᱲᱤ ᱫᱟᱲᱮ" ᱾^[᱔] ᱢᱚᱦᱟᱵᱷᱟᱨᱚᱛ ᱞᱮᱠᱟᱱ ᱧᱩᱛᱩᱢᱟᱱ ᱦᱤᱱᱫᱩ ᱜᱽᱨᱚᱱᱛᱷᱚ ᱨᱮ ᱱᱚᱶᱟ ᱫᱚ ᱠᱩᱲᱤ ᱵᱳᱸᱜᱟ ᱞᱟᱹᱜᱤᱫ ᱚᱛᱮᱛ ᱨᱮ ᱟᱨ ᱮᱴᱟᱜ ᱴᱷᱟᱶ ᱨᱮ ᱵᱽᱨᱚᱢᱦᱟ ᱟᱜ ᱫᱟᱲᱮ ᱠᱷᱚᱱ ᱥᱤᱨᱡᱚᱱ ᱟᱠᱟᱱᱟ ᱠᱩᱲᱤ ᱵᱳᱸᱜᱟ ᱢᱮᱱᱮᱛ ᱨᱮ ᱵᱮᱵᱷᱟᱨ ᱟᱠᱟᱱᱟ᱾^[᱕] ᱵᱚᱣᱫᱷᱚ ᱫᱷᱚᱨᱚᱢ ᱨᱮᱱᱟᱜ ᱯᱩᱛᱷᱤ "ᱞᱚᱞᱤᱛᱟ ᱵᱤᱥᱛᱟᱨ" ᱵᱽᱨᱟᱢᱦᱤ ᱟᱨ ᱠᱷᱟᱨᱚᱥᱴᱤ ᱱᱚᱶᱟ ᱵᱟᱨᱭᱟ ᱪᱤᱠᱤ ᱛᱮ ᱚᱞ ᱟᱠᱟᱱᱟ, ᱡᱟᱦᱟᱸ ᱫᱚ ᱵᱩᱫᱷᱚᱭ ᱪᱮᱫ ᱞᱮᱫ ᱖᱔ ᱜᱚᱴᱟᱝ ᱯᱟᱹᱨᱥᱤ ᱢᱟᱹᱫᱽ ᱨᱮ ᱛᱟᱦᱮᱸ ᱠᱟᱱᱟ ᱾ ᱡᱮᱭᱱ ᱫᱷᱚᱨᱚᱢ ᱨᱮᱱᱟᱜ ᱟᱭᱢᱟ ᱯᱩᱛᱷᱤ ᱡᱮᱢᱚᱱ ᱵᱽᱭᱟᱠᱷᱭᱟ ᱯᱨᱚᱜᱽᱭᱚᱯᱛᱤ ᱥᱩᱛᱨᱚ, ᱥᱚᱢᱚᱵᱷᱟᱭᱟᱝ ᱥᱩᱛᱨᱚ ᱟᱨ ᱯᱭᱚᱜᱽᱭᱟᱯᱚᱱ ᱥᱩᱛᱨᱚ, ᱡᱟᱦᱟᱸ ᱫᱚ ᱢᱚᱦᱟᱵᱤᱨ ᱡᱮᱭᱱ ᱟᱜ ᱡᱟᱱᱟᱢ ᱞᱟᱦᱟ ᱨᱮ ᱢᱟᱪᱮᱫ ᱠᱚ ᱵᱟᱰᱟᱭ ᱛᱟᱦᱮᱸᱫ, ᱚᱸᱰᱮ ᱚᱞ ᱞᱮᱱ ᱑᱘ ᱜᱚᱴᱟᱝ ᱪᱤᱠᱤ ᱢᱟᱹᱫᱽ ᱨᱮ ᱯᱨᱟᱠᱨᱩᱛ ᱯᱟᱹᱨᱥᱤ ᱛᱮ ᱵᱟᱢᱵᱤ, ᱡᱟᱦᱟᱸ ᱫᱚ "ᱵᱽᱨᱟᱢᱦᱤ" ᱢᱮᱱᱛᱮ ᱚᱞ ᱟᱠᱟᱱᱟ ᱾

↑ Salomon 1998, pp. 19–30.
↑ ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named Salomon 1995
↑ "Brahmi". Encyclopedia Britannica. 1999. Archived from the original on 2020-07-19. Retrieved 2017-03-21. Among the many descendants of Brāhmī are Devanāgarī (used for Sanskrit, Hindi and other Indian languages), the Bengali and Gujarati scripts and those of the Dravidian languages
↑ Sanskrit-English Dictionary: Being a Practical Handbook with Translation, Accentuation, and Etymological Analysis Throughout (in ᱟᱝᱜᱽᱨᱮᱡᱤ). Asian Educational Services. 2004. ISBN 978-81-206-1779-7.
↑ "Monier-Williams Sanskrit English Dictionary Page 0775". www.ibiblio.org. Retrieved 2024-11-28.

[FOOTNOTESalomon199819–30-1] Salomon 1998, pp. 19–30.

[Salomon_1995-2] ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named Salomon 1995

[3] "Brahmi". Encyclopedia Britannica. 1999. Archived from the original on 2020-07-19. Retrieved 2017-03-21. Among the many descendants of Brāhmī are Devanāgarī (used for Sanskrit, Hindi and other Indian languages), the Bengali and Gujarati scripts and those of the Dravidian languages

[4] Sanskrit-English Dictionary: Being a Practical Handbook with Translation, Accentuation, and Etymological Analysis Throughout (in ᱟᱝᱜᱽᱨᱮᱡᱤ). Asian Educational Services. 2004. ISBN 978-81-206-1779-7.

[5] "Monier-Williams Sanskrit English Dictionary Page 0775". www.ibiblio.org. Retrieved 2024-11-28.

[᱑]

[᱒]

[᱓]

[᱔]

[᱕]