ᱛᱳᱣᱟ
ᱛᱳᱣᱟ ᱫᱚ ᱦᱩᱭᱩᱜ ᱠᱟᱱᱟ ᱟᱭᱳ ᱡᱤᱵᱽ ᱡᱤᱭᱟᱹᱞᱤ ᱠᱚᱣᱟᱜ ᱱᱩᱱᱩ ᱠᱷᱚᱱ ᱥᱟᱨᱥᱟᱣᱜ ᱠᱟᱱ ᱯᱩᱸᱰ ᱫᱟᱜ ᱾ ᱮᱴᱟᱜ ᱡᱟᱦᱟᱱᱟᱜ ᱡᱚᱢ ᱪᱮᱫ ᱞᱟᱦᱟᱨᱮ ᱱᱚᱣᱟ ᱜᱮ ᱡᱤᱵᱽ ᱡᱤᱭᱟᱹᱞᱤ ᱠᱚᱣᱟᱜ ᱢᱟᱨᱟᱝ ᱡᱚᱢᱟᱜ ᱠᱟᱱᱟ ᱾ ᱱᱩᱱᱩ ᱠᱷᱚᱱ ᱯᱩᱭᱞᱩ ᱥᱟᱨᱥᱟᱣᱜ ᱛᱳᱣᱟ ᱫᱚ ᱟᱴᱠᱟᱴᱟ ᱛᱳᱣᱟ ᱠᱚ ᱢᱮᱛᱟᱜᱼᱟ ᱡᱟᱦᱟᱸ ᱧᱩ ᱞᱮᱠᱷᱟᱱ ᱡᱤᱵᱽ ᱡᱤᱭᱟᱹᱞᱤ ᱦᱚᱯᱚᱱ ᱨᱩᱣᱟᱹ ᱵᱟᱝ ᱦᱩᱭ ᱨᱮᱱᱟᱜ ᱫᱟᱲᱮ ᱛᱟᱠᱚ ᱰᱷᱮᱨᱚᱜᱼᱟ ᱾
ᱟᱹᱥᱩᱞ ᱡᱤᱭᱟᱹᱞᱤ ᱠᱚᱣᱟᱜ ᱛᱳᱣᱟ ᱫᱚ ᱢᱟᱹᱱᱢᱤ ᱠᱚᱣᱟᱜ ᱢᱤᱫᱴᱟᱹᱝ ᱢᱟᱨᱟᱝ ᱡᱚᱢᱟᱜ ᱠᱟᱱᱟ ᱾ ᱱᱚᱶᱟ ᱫᱷᱟᱹᱨᱛᱤ ᱨᱮ ᱖᱐᱐ ᱠᱳᱴᱤ ᱪᱮᱛᱟᱱ ᱦᱚᱲ ᱛᱳᱣᱟ ᱥᱮ ᱛᱳᱣᱟ ᱛᱮ ᱛᱮᱭᱟᱨ ᱟᱠᱟᱱ ᱡᱚᱢᱟᱜ ᱵᱚᱱ ᱵᱮᱵᱷᱟᱨᱟ ᱾ ᱵᱷᱟᱨᱚᱛ ᱨᱮ ᱡᱚᱛᱚ ᱠᱷᱚᱱ ᱡᱟᱹᱥᱛᱤ ᱛᱳᱣᱟ ᱦᱩᱭᱩᱜ ᱨᱮᱦᱚᱸ ᱵᱟᱨᱦᱮ ᱫᱤᱥᱚᱢ ᱛᱚᱣᱟ ᱠᱷᱚᱱ ᱫᱚ ᱠᱚᱢ ᱜᱮᱠᱚ ᱟᱹᱠᱷᱨᱤᱧᱟ ᱾ ᱱᱤᱭᱩᱡᱤᱞᱮᱱᱰ ᱟᱨ ᱚᱥᱴᱨᱮᱞᱤᱭᱟ ᱡᱚᱛᱚ ᱠᱷᱚᱱ ᱡᱟᱹᱥᱛᱤ ᱛᱳᱣᱟ ᱮᱴᱟᱜ ᱫᱤᱥᱚᱢ ᱨᱮᱠᱚ ᱟᱹᱠᱷᱨᱤᱧᱟ ᱾ ᱤᱱᱟᱹ ᱯᱚᱨᱮ ᱪᱤᱱ, ᱢᱮᱠᱥᱤᱠᱳ ᱟᱨ ᱡᱟᱯᱟᱱ ᱡᱚᱛᱚ ᱠᱷᱚᱱ ᱡᱟᱹᱥᱛᱤ ᱛᱳᱣᱟ ᱵᱟᱦᱨᱮ ᱫᱤᱥᱚᱢ ᱨᱮᱠᱚ ᱟᱹᱠᱷᱨᱤᱧᱟ ᱾
ᱛᱳᱣᱟ ᱦᱟᱛᱟᱣ ᱨᱮᱱᱟᱜ ᱩᱯᱟᱹᱭ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱳᱣᱟ ᱥᱮᱛᱮᱧ ᱥᱮ ᱥᱟᱨᱥᱟᱣ ᱨᱮᱱᱟᱜ ᱵᱟᱨᱭᱟ ᱩᱯᱟᱹᱭ ᱢᱮᱱᱟᱜᱼᱟ ᱾ ᱢᱤᱫᱴᱟᱹᱝ ᱦᱩᱭᱩᱜ ᱠᱟᱱᱟ ᱛᱳᱣᱟ ᱮᱢᱚᱜ ᱡᱟᱱᱣᱟ ᱚᱲᱟᱜ ᱨᱮ ᱦᱟᱨᱟ ᱠᱟᱛᱮ ᱟᱨ ᱢᱤᱫᱴᱟᱹᱝ ᱫᱚ ᱦᱩᱭᱩᱜ ᱠᱟᱱᱟ ᱮᱴᱟᱜ ᱡᱤᱵᱽ ᱠᱷᱚᱱ ᱛᱳᱣᱟ ᱥᱟᱨᱥᱟᱣ ᱥᱮ ᱦᱟᱛᱟᱣ ᱾
ᱡᱚᱛᱚ ᱛᱚᱣᱟ ᱟᱱ ᱡᱤᱵᱽ ᱨᱤᱱ ᱜᱤᱫᱽᱨᱟᱹ ᱜᱮ ᱱᱩᱱᱩᱭᱟᱠᱚ ᱾ ᱞᱟᱹᱴᱩ ᱦᱚᱲ ᱦᱚᱸ ᱛᱳᱣᱟ ᱧᱩ ᱞᱟᱹᱜᱤᱫ ᱛᱮ ᱮᱴᱟᱜ ᱡᱤᱵᱽ ᱴᱷᱮᱱ ᱠᱷᱚᱱ ᱛᱳᱣᱟ ᱠᱚ ᱥᱟᱨᱥᱟᱣ ᱦᱟᱛᱟᱣ ᱜᱮᱭᱟ ᱾
ᱡᱚᱢᱟᱜ ᱦᱤᱥᱟᱹᱵᱽ ᱛᱮ ᱛᱳᱣᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱱᱟᱢ ᱛᱳᱣᱟ ᱢᱟᱹᱱᱢᱤ ᱥᱮ ᱮᱴᱟᱜ ᱛᱳᱣᱟ ᱱᱩᱱᱩᱭ ᱠᱚ ᱡᱤᱵᱽ ᱫᱚ ᱮᱠᱮᱱ ᱛᱳᱣᱟ ᱧᱩ ᱠᱟᱛᱮᱫ ᱜᱮᱠᱚ ᱵᱟᱧᱪᱟᱣ ᱛᱟᱦᱮᱸᱱᱟ ᱾ ᱟᱫᱚ ᱢᱤᱫ ᱚᱠᱛᱚ ᱫᱷᱟᱹᱵᱤᱡ ᱛᱚᱣᱟ ᱠᱚ ᱧᱩᱭᱼᱟ ᱟᱫᱚ ᱚᱱᱟ ᱥᱟᱶ ᱥᱟᱶ ᱮᱴᱟᱜ ᱡᱚᱢᱟᱜ ᱦᱚᱸᱠᱚ ᱪᱮᱫ ᱦᱟᱨᱟᱭᱟ ᱾ ᱜᱟᱹᱭ, ᱵᱤᱛᱠᱤᱞ, ᱢᱮᱨᱚᱢ ᱥᱮ ᱵᱷᱤᱰᱤ ᱛᱳᱣᱟᱜᱮ ᱧᱩ ᱫᱚ ᱜᱟᱱᱚᱜᱼᱟ ᱾ ᱛᱳᱣᱟ ᱧᱩ ᱵᱷᱮᱜᱮᱫ ᱠᱟᱛᱮ ᱦᱚᱸ ᱛᱳᱣᱟ ᱛᱮ ᱟᱭᱢᱟ ᱞᱮᱠᱟᱱ ᱡᱚᱢ ᱡᱤᱱᱤᱥ ᱠᱚ ᱛᱮᱭᱟᱨᱚᱜᱼᱟ ᱾
ᱜᱚᱱᱚᱝ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱤᱱᱟᱹᱜ ᱫᱤᱱ ᱯᱟᱨᱚᱢᱚᱜ ᱠᱟᱱᱟ ᱩᱱᱟᱹᱜ ᱜᱮ ᱛᱳᱣᱟ ᱨᱮᱱᱟᱜ ᱜᱚᱱᱚᱝ ᱵᱟᱡᱟᱨ ᱫᱚ ᱰᱷᱮᱨᱚᱜ ᱨᱮᱜᱮ ᱢᱮᱱᱟᱜᱼᱟ ᱾
ᱵᱟᱨᱦᱮ ᱠᱷᱚᱱ ᱚᱱᱚᱞᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱮᱸᱜᱚᱞᱤ ᱣᱤᱠᱤ
- উন্মুক্ত নির্দেশিকা প্রকল্পে Bengali wiki- দুধ Archived ᱒᱐᱑᱗-᱐᱓-᱐᱙ at the Wayback Machine.