ᱢᱟᱥᱛᱩᱝ ᱦᱚᱱᱚᱛ

ᱢᱟᱥᱛᱩᱝ ᱦᱚᱱᱚᱛ
ضلع مستونگ
ᱢᱟᱥᱛᱩᱝ ᱦᱚᱱᱚᱛ; ضلع مستونگ
ᱦᱚᱱᱚᱛ
	; Map of Balochistan with Mastung District highlighted
	Coordinates: 29°45′N 67°00′E / 29.750°N 67.000°ECoordinates: 29°45′N 67°00′E / 29.750°N 67.000°E
ᱫᱤᱥᱚᱢ	ᱯᱟᱠᱤᱥᱛᱟᱱ
ᱯᱚᱱᱚᱛ	ᱵᱟᱞᱚᱪᱤᱥᱛᱟᱱ
ᱛᱷᱟᱯᱚᱱ	᱑᱙᱙᱑
ᱢᱩᱬᱩᱛ ᱟᱹᱯᱤᱥ	ᱢᱟᱥᱛᱩᱝ
ᱮᱨᱤᱭᱟ
• ᱞᱮᱠᱷᱟᱜᱩᱴ	5896 ᱠᱤᱢᱤ২ (2276 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(2017)
• ᱞᱮᱠᱷᱟᱜᱩᱴ	᱒᱖᱖,᱔᱖᱑
• ᱰᱮᱱᱥᱤᱴᱤ	45/ᱠᱤᱢᱤ2 (120/ᱜᱟᱺᱴ ᱢᱟᱹᱭᱤᱞ)
	PST (ᱭᱩᱴᱤᱥᱤ+5)

ᱢᱟᱥᱛᱩᱝ ᱦᱚᱱᱚᱛ (ᱩᱨᱫᱩ ضلع مستونگ) ᱫᱚ ᱯᱟᱠᱤᱥᱛᱟᱱ ᱫᱤᱥᱚᱢ ᱨᱮᱭᱟᱜ ᱵᱟᱞᱚᱪᱤᱥᱛᱟᱱ ᱯᱚᱱᱚᱛ ᱨᱮᱭᱟᱜ ᱩᱛᱟᱹᱨ ᱯᱩᱨᱩᱵᱽ ᱨᱮ ᱢᱮᱱᱟᱜ ᱢᱩᱫ ᱦᱚᱱᱚᱛ ᱠᱟᱱᱟ ᱾ ᱓᱑ ᱰᱤᱥᱮᱢᱵᱚᱨ ᱑᱙᱙᱑ ᱥᱟᱞ ᱨᱮ ᱱᱚᱣᱟ ᱢᱤᱫ ᱯᱚᱱᱚᱛ ᱵᱮᱱᱟᱣ ᱮᱱ ᱢᱟᱬᱟᱝ ᱫᱚ ᱠᱟᱞᱟᱛ ᱦᱚᱱᱚᱛ ᱨᱮᱭᱟᱜ ᱢᱤᱫ ᱚᱝᱥᱚ ᱛᱟᱦᱮᱸ ᱠᱟᱱᱟ ᱾ ^[᱑]

ᱥᱟᱥᱚᱱ

ᱱᱚᱣᱟ ᱨᱮᱫᱚ ᱓ ᱭᱟ ᱛᱚᱦᱥᱤᱞ ᱢᱮᱱᱟᱜ-ᱟ ᱾ ^[᱓] ᱚᱱᱟ ᱠᱚᱫᱚ-

᱒᱐᱐᱖ ᱥᱟᱞ ᱢᱟᱬᱟᱝ ᱫᱚ ᱑᱒ ᱜᱚᱴᱟᱝ ᱭᱩᱱᱭᱚᱱ ᱠᱟᱣᱩᱱᱥᱤᱞ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱠᱚᱫᱚ- ᱠᱷᱟᱫᱽᱠᱚᱪᱟ, ᱜᱩᱞᱟᱢ ᱯᱟᱨᱮᱧᱡᱽ, ᱠᱟᱨᱮᱡᱽ ᱱᱚᱛᱷ, ᱢᱟᱥᱛᱩᱝ-᱑, ᱢᱟᱥᱛᱩᱝ-᱒, ᱥᱚᱨᱜᱟᱡᱽ, ᱫᱟᱥᱛ,ᱤᱥᱞᱤᱱᱡᱤ, ᱠᱚᱱᱚᱠ, ᱥᱮᱠᱷ ᱣᱟᱥᱤᱞ ᱟᱨ ᱥᱚᱨᱚ ᱾ ᱒᱐᱐᱖ ᱥᱟᱞ ᱛᱟᱭᱚᱢ ᱫᱚ ᱟᱞᱤᱡᱟᱭ ᱧᱩᱛᱩᱢ ᱛᱮ ᱟᱨ ᱢᱤᱫᱴᱟᱝ ᱠᱟᱣᱩᱱᱥᱤᱞ ᱵᱟᱱᱟᱣ ᱮᱱᱟ ᱟᱨ ᱠᱟᱣᱩᱥᱤᱞ ᱨᱮᱭᱟᱜ ᱮᱞ ᱫᱚ ᱡᱚᱛᱳ ᱛᱮ ᱑᱓ ᱜᱚᱴᱟᱝ ᱦᱩᱭ ᱮᱱᱟ ᱾

᱑᱓ ᱡᱩᱞᱟᱭ ᱒᱐᱑᱘ ᱥᱟᱞ ᱨᱮ, ᱵᱟᱞᱚᱪᱤᱥᱛᱟᱱ ᱟᱣᱟᱢᱤ ᱯᱟᱨᱴᱤᱭᱟᱜ ᱨᱟᱡᱽᱱᱤᱛᱤ ᱨᱟᱞᱤ ᱦᱩᱭᱩᱜ ᱠᱟᱱ ᱚᱠᱛᱚ ᱨᱮ ᱢᱤᱫ ᱟᱛᱢᱚᱜᱷᱟᱛᱤ ᱵᱤᱥᱯᱷᱚᱴ ᱦᱩᱭ ᱞᱮᱱᱟ ᱾ ᱱᱚᱣᱟ ᱵᱤᱥᱯᱷᱳᱴ ᱨᱮ ᱱᱚᱣᱟ ᱯᱟᱨᱴᱤ ᱨᱮᱱᱤᱡ ᱠᱮᱱᱰᱤᱰᱮᱴ ᱥᱟᱶ ᱟᱹᱰᱤ ᱦᱚᱲ ᱠᱚ ᱜᱚᱡ ᱞᱮᱱᱟ ᱾ ^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱦᱚᱲ ᱞᱮᱠᱷᱟ

᱒᱐᱐᱕ ᱥᱟᱞ ᱨᱮᱭᱟᱜ ᱦᱚᱲ ᱞᱮᱠᱷᱟ ᱚᱝᱥᱟᱨ ᱢᱟᱥᱛᱩᱝ ᱦᱚᱱᱚᱛ ᱨᱮᱭᱟᱜ ᱦᱚᱲ ᱞᱮᱠᱷᱟ ᱫᱚ ᱦᱩᱭᱩᱜ ᱠᱟᱱᱟ ᱑᱘᱐,᱓᱔᱙ ᱾ ᱱᱚᱰᱮᱱᱟᱜ ᱢᱩᱬ ᱫᱷᱚᱨᱚᱢ ᱫᱚ ᱦᱩᱭᱩᱜ ᱠᱟᱱᱟ ᱤᱥᱞᱟᱢ ᱾ ᱥᱟᱢᱚᱴ ᱦᱚᱲ ᱠᱷᱳᱱᱟᱜ ᱙᱙% ᱦᱚᱲ ᱤᱥᱞᱟᱢ ᱫᱷᱚᱨᱚᱢ ᱨᱮᱱ ᱠᱟᱱᱟ ᱠᱚ ᱾ ^[᱔] ᱑᱙᱙᱙᱘ ᱥᱟᱞ ᱨᱮᱭᱟᱜ ᱦᱚᱲ ᱞᱮᱠᱷᱟ ᱠᱷᱳᱱ ᱵᱟᱰᱟᱭᱚᱜ-ᱟ ᱡᱮ ᱱᱚᱰᱮᱱᱟᱜ ᱢᱩᱬ ᱯᱟᱹᱨᱥᱤ ᱠᱚᱫᱚ ᱦᱩᱭᱩᱜ ᱠᱟᱱᱟ- ᱵᱨᱟᱦᱩᱭ ᱾ ^[᱕] ᱟᱨ ᱢᱤᱫᱴᱟᱝ ᱛᱚᱛᱷᱭᱚ ᱠᱷᱳᱱᱟᱜ ᱵᱟᱰᱟᱭᱚᱜ-ᱟ ᱡᱮ ᱘᱐% ᱦᱚᱲᱟᱜ ᱟᱭᱚ ᱯᱟᱹᱨᱥᱤ ᱫᱚ ᱦᱩᱭᱩᱜ ᱠᱟᱱᱟ ᱵᱟᱞᱚᱪᱤ ᱾ ᱠᱚᱢ ᱫᱷᱟᱨᱟ ᱦᱚᱲ ᱱᱚᱰᱮ ᱯᱟᱥᱛᱷᱚ ᱯᱟᱹᱨᱥᱤ ᱦᱚᱸᱠᱚ ᱨᱚᱲ ᱜᱮᱭᱟ ᱾ (᱖%)

ᱡᱤᱞᱟᱹ ᱨᱮ ᱢᱮᱱᱟᱜ ᱠᱚ ᱢᱩᱬ ᱟᱹᱫᱤᱵᱟᱹᱥᱤ ᱠᱚᱫᱚ ᱠᱚ ᱦᱩᱭᱩᱜ ᱠᱟᱱᱟ- ᱵᱟᱝᱜᱩᱞᱡᱟᱭ, ᱨᱟᱭᱥᱟᱱᱤ, ᱥᱟᱦᱣᱟᱱᱤ, ᱢᱚᱦᱚᱢᱚᱫᱽ ᱥᱟᱦᱤ, ᱥᱟᱨᱯᱟᱨᱟ, ᱠᱩᱨᱫᱽ, ᱞᱟᱝᱜᱚ, ᱫᱮᱦᱣᱟᱨ ᱮᱢᱟᱱ ᱾ ^[᱕] ᱱᱚᱣᱟ ᱮᱨᱤᱭᱟ ᱨᱮ ᱢᱮᱱᱟᱜ ᱠᱚ ᱮᱴᱟᱜ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱧᱩᱛᱩᱢ ᱠᱚᱫᱚ ᱦᱩᱭᱩᱜ ᱠᱟᱱᱟ- ᱟᱵᱷᱤᱡᱟᱭ,ᱥᱮᱫᱥ, ᱨᱚᱫᱮᱱᱤ, ᱟᱞᱤᱡᱟᱭ, ᱢᱮᱝᱜᱟᱞ, ᱥᱟᱛᱟᱠᱡᱟᱭ, ᱢᱟᱥᱣᱟᱱᱤ, ᱥᱩᱢᱟᱞᱞᱟᱱᱤ, ᱥᱟᱨᱟᱝᱡᱟᱭ, ᱞᱮᱦᱨᱤ, ᱵᱟᱨᱚᱡᱟᱭ, ᱛᱟᱨᱤᱱ, ᱨᱤᱱᱫᱽ, ᱵᱟᱵᱽᱨᱤ, ᱠᱷᱤᱞᱡᱤ, ᱠᱷᱩᱨᱥᱟᱱᱤ ᱟᱨ ᱫᱩᱨᱟᱱᱤ ᱮᱢᱟᱱ ᱾ ^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]} ᱘᱐᱐-᱙᱐᱐ ᱥᱮᱨᱢᱟ ᱢᱟᱬᱟᱝ ᱨᱮ ᱢᱟᱥᱛᱩᱝ ᱦᱚᱱᱚᱛ ᱛᱮ ᱫᱚ ᱟᱯᱷᱜᱟᱱᱤᱥᱛᱟᱱ ᱨᱮᱱ ᱦᱚᱲ ᱦᱮᱡ ᱠᱟᱛᱮ ᱱᱚᱰᱮ ᱠᱚ ᱵᱟᱥᱟ ᱮᱱᱟ ᱾ ᱵᱨᱚᱦᱤ ᱟᱹᱫᱤᱵᱟᱹᱥᱤ ᱢᱮᱱᱢᱮ ᱵᱟᱝᱜᱩᱞᱡᱟᱭ, ᱥᱟᱦᱣᱟᱱᱤ ᱮᱢᱟᱱ ᱪᱷᱟᱰᱟ ᱠᱟᱛᱮ ᱮᱴᱟᱜ ᱟᱹᱫᱤᱵᱟᱹᱥᱤ ᱠᱚᱫᱚ ᱟᱯᱦᱜᱟᱱᱤᱥᱛᱟᱱ ᱠᱷᱚᱱ ᱠᱚ ᱦᱮᱡ ᱟᱠᱟᱱᱟ ᱢᱮᱱᱛᱮ ᱵᱟᱰᱟᱭᱚᱜ-ᱟ ᱾ ᱵᱟᱵᱽᱨᱤ ᱵᱚᱝᱥᱚ ᱫᱚ ᱑᱒ ᱥᱟᱭᱟᱝ ᱨᱮ ᱠᱚ ᱦᱮᱡ ᱟᱠᱟᱱ ᱟᱯᱦᱜᱟᱱᱤᱥᱛᱟᱱ ᱨᱮᱱ ᱜᱷᱚᱡᱽᱱᱤ ᱵᱚᱝᱥᱚ ᱠᱟᱱᱟ ᱠᱚ ᱢᱮᱱᱛᱮ ᱵᱟᱰᱟᱭᱚᱜ-ᱟ ᱾ ᱱᱤᱛ ᱫᱚ ᱠᱚᱱᱚᱠ ᱥᱚᱝᱜᱷᱟ ᱨᱮᱭᱟᱜ ᱵᱟᱵᱽᱨᱤ ᱟᱹᱛᱩ ᱨᱮ ᱩᱱᱠᱩ ᱠᱚ ᱛᱷᱟᱢ ᱜᱟᱹᱰᱤ ᱟᱠᱟᱱᱟ ᱾ ᱵᱟᱵᱽᱨᱤ ᱡᱟᱹᱛ ᱫᱚ ᱢᱟᱥᱛᱩᱝ ᱦᱚᱱᱚᱛ ᱨᱮᱱ ᱢᱤᱫ ᱢᱟᱨᱮ ᱡᱟᱹᱛ ᱠᱟᱱᱟ ᱠᱚ ᱾ ᱱᱩᱠᱩ ᱵᱟᱵᱽᱨᱤ ᱡᱟᱹᱛ ᱥᱮᱠᱷᱣᱟᱥᱤᱞ, ᱥᱤᱨᱤᱱ ᱟᱵᱽ, ᱫᱤᱨᱤᱱ ᱜᱚᱰ ᱠᱷᱚᱱ ᱥᱟᱭᱮᱫᱽ ᱟᱞᱤᱢ ᱦᱟᱹᱵᱤᱡ ᱟᱹᱰᱤ ᱢᱟᱨᱟᱝ ᱡᱟᱜᱟ ᱠᱚ ᱦᱟᱛᱟᱣ ᱟᱠᱟᱜ-ᱟ ᱾

ᱥᱮᱪᱮᱫ

ᱧᱩᱛᱩᱢᱟᱱ ᱦᱚᱲ ᱠᱚ

ᱟᱨᱦᱚᱸ ᱧᱮᱞ ᱢᱮ

ᱵᱟᱦᱨᱮ ᱡᱚᱱᱚᱲ

ᱥᱟᱹᱠᱭᱟᱹᱛ

↑ ^᱑.᱐ ^᱑.᱑ PCO 2000, p. 1.
↑ "DISTRICT WISE CENSUS RESULTS CENSUS 2017" (PDF). www.pbscensus.gov.pk. Archived from the original (PDF) on 2017-08-29.
↑ Tehsils & Unions in the District of Mastung - Government of Pakistan Archived ᱒᱐᱑᱒-᱐᱒-᱐᱙ at the Wayback Machine.
↑ PCO 2000, p. 16.
↑ ^᱕.᱐ ^᱕.᱑ PCO 2000, p. 7.

[FOOTNOTEPCO20001-1] ᱑.᱐ ^᱑.᱑ PCO 2000, p. 1.

[DISTRICT_WISE_CENSUS_RESULTS_CENSUS_2017-2] "DISTRICT WISE CENSUS RESULTS CENSUS 2017" (PDF). www.pbscensus.gov.pk. Archived from the original (PDF) on 2017-08-29.

[3] Tehsils & Unions in the District of Mastung - Government of Pakistan Archived ᱒᱐᱑᱒-᱐᱒-᱐᱙ at the Wayback Machine.

[FOOTNOTEPCO200016-4] PCO 2000, p. 16.

[FOOTNOTEPCO20007-5] ᱕.᱐ ^᱕.᱑ PCO 2000, p. 7.

[᱑]

[᱒]

[᱓]

[᱔]

[᱕]