ᱚᱜᱟᱥᱴᱟᱥ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱚᱜᱟᱥᱴᱟᱥ
ᱡᱟᱱᱟᱢ ᱟᱨ ᱡᱟᱱᱟᱢ ᱴᱷᱟᱶ Gaius Octavius Thurinus
23 September 63 BC
Rome, Roman Republic
ᱜᱩᱨ 19 August AD 14 (aged 75)
Nola, Italia, Roman Empire
ᱫᱤᱥᱚᱢᱤᱭᱟᱹ Roman
Statue-ᱚᱜᱟᱥᱴᱟᱥ

ᱚᱜᱟᱥᱴᱟᱥ ᱥᱮ ᱥᱚᱨᱟᱴ ᱚᱜᱟᱥᱴᱟᱥ(᱒᱓ ᱥᱮᱯᱴᱮᱢᱵᱚᱨ ᱡᱤᱥᱩ ᱡᱟᱱᱟᱢ ᱖᱓ ᱥᱮᱨᱢᱟ ᱞᱟᱦᱟ – ᱑᱙ ᱟᱜᱚᱥᱴ ᱡᱤᱥᱩ ᱡᱟᱱᱟᱢ ᱑᱔ ᱥᱮᱨᱢᱟ ᱛᱟᱭᱚᱢ) ᱫᱚ ᱨᱳᱢᱟᱱ ᱥᱟᱢᱨᱟᱡᱡᱚ ᱨᱮᱱ ᱯᱩᱭᱞᱩ ᱥᱚᱢᱨᱟᱴ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤᱭᱟᱜ ᱡᱟᱱᱟᱢ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱ ᱛᱟᱭᱟ ᱚᱠᱛᱟᱵᱷᱤᱣᱥ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱟᱡᱟᱜ ᱧᱩᱛᱩᱢ ᱵᱚᱫᱚᱞ ᱠᱟᱛᱮᱫ ᱜᱟᱣᱥ ᱤᱣᱞᱤᱣᱥ ᱠᱟᱭᱮᱥᱟᱨ ᱚᱠᱛᱟᱵᱷᱤᱭᱟᱱᱩᱥ ᱮ ᱫᱚᱦᱚ ᱠᱮᱫᱼᱟ᱾ ᱥᱚᱢᱨᱟᱴ ᱦᱩᱭᱩᱜ ᱞᱟᱦᱟ ᱨᱮ ᱚᱠᱛᱟᱵᱷᱤᱭᱟᱱ ᱧᱩᱛᱩᱢ ᱛᱮᱦᱚᱸᱭ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱱ᱾ᱚᱜᱟᱥᱴᱟᱥ ᱫᱚ autocracy ᱥᱟᱥᱚᱱᱮ ᱪᱟᱹᱞᱩ ᱞᱮᱫᱼᱟ᱾ ᱚᱠᱟ ᱛ᱔ᱮ ᱯᱨᱤᱝᱠᱤᱯᱟᱛᱮ ᱧᱩᱛᱩᱢ ᱛᱮ ᱠᱚ ᱢᱮᱛᱟᱜ ᱠᱟᱱᱟ᱾ ᱚᱜᱟᱥᱴᱟᱥ ᱫᱚ ᱱᱤᱭᱟᱹ ᱨᱟᱥᱴᱨᱚ ᱨᱮᱱ ᱯᱨᱤᱝᱠᱮᱯᱥ ᱥᱮ ᱯᱩᱭᱞᱩ ᱱᱟᱜᱚᱨᱤᱠᱮ ᱛᱟᱦᱮᱸ ᱠᱟᱱᱟ᱾ ᱱᱤᱭᱟᱹ ᱥᱟᱥᱚᱱ ᱫᱚ ᱵᱟᱨᱦᱮ ᱧᱮᱞᱛᱮ ᱡᱚᱛᱚ ᱦᱚᱲ ᱞᱟᱹᱜᱤᱫ ᱢᱚᱱᱮᱜ ᱠᱟᱱ ᱛᱟᱦᱮᱸᱱ ᱨᱮᱦᱚᱸ ᱱᱤᱭᱟᱹ ᱠᱟᱹᱢᱤ ᱨᱮ ᱞᱟᱜᱟᱣ ᱠᱟᱛᱮᱫ ᱚᱜᱟᱥᱴᱟᱥ ᱫᱚ ᱟᱡ ᱜᱤ ᱡᱚᱛᱚᱭ ᱟᱢᱮᱴᱮᱜ ᱠᱟᱱ ᱛᱟᱦᱮᱱᱟ᱾ ᱜᱨᱤᱠ ᱟᱨ ᱨᱳᱢᱟᱱ ᱫᱤᱥᱟᱹᱢ ᱨᱮ ᱛᱷᱤᱨ ᱟᱨ ᱩᱛᱱᱟᱹᱣ ᱮ ᱟᱹᱜᱩ ᱞᱮᱫᱟ᱾ ᱱᱟᱜᱟᱢ ᱨᱮᱱ ᱛᱩᱠᱷᱟᱹᱲ ᱢᱤᱫ ᱟᱹᱭᱩᱨᱤᱡ ᱢᱮᱱᱛᱮᱭ ᱞᱮᱠᱷᱟᱜᱼᱟ ᱚᱜᱟᱥᱴᱟᱥ ᱫᱚ᱾

ᱡᱤᱭᱳᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱜᱟᱥᱴᱟᱥ ᱫᱚ ᱢᱤᱫ ᱠᱤᱥᱟᱺᱲ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱑᱘ ᱩᱢᱮᱨ ᱨᱮ ᱟᱡ ᱜᱚᱲᱚᱢ ᱦᱟᱲᱟᱢ ᱨᱮᱱ ᱵᱚᱭᱦᱟ ᱡᱩᱞᱤᱭᱟᱥ ᱥᱤᱡᱟᱨ ᱨᱮᱱ ᱟᱹᱥᱩᱞ ᱜᱤᱫᱽᱨᱟᱹ ᱟᱨ ᱵᱚᱸᱥ ᱞᱮᱠᱟᱛᱮᱭ ᱧᱩᱛᱩᱢ ᱮᱱᱟ᱾ ᱥᱤᱡᱟᱨ ᱜᱚᱡ ᱛᱟᱭᱚᱢ ᱨᱳᱢ ᱨᱮ ᱠᱷᱚᱢᱚᱛᱟ ᱨᱮᱱᱟᱜ ᱨᱮᱯᱮᱪᱮᱡ ᱮᱦᱚᱵ ᱮᱱᱟ᱾ ᱢᱟᱨᱠ ᱮᱢᱴᱚᱱᱤ ᱟᱨ ᱞᱮᱯᱤᱫᱩᱥ ᱥᱟᱶ ᱩᱱᱤ ᱫᱚ ᱛᱮᱥᱟᱨ ᱥᱟᱥᱚᱠ ᱞᱮᱠᱟᱛᱮ ᱔᱓ ᱡᱤᱥᱩ ᱡᱟᱱᱟᱢ ᱞᱟᱦᱟ ᱵᱮᱱᱟᱣ ᱨᱩᱣᱟᱹᱲ ᱨᱳᱢᱟᱱ ᱨᱟᱡᱽ ᱥᱟᱥᱚᱱ ᱮ ᱮᱦᱚᱵ ᱮᱱᱟ᱾ ᱡᱤᱥᱩ ᱡᱟᱱᱟᱢ ᱔᱒ ᱥᱮᱨᱢᱟ ᱞᱟᱦᱟ ᱥᱤᱡᱟᱨ ᱨᱮᱱ ᱜᱚᱜᱚᱡᱤᱡ ᱵᱨᱩᱴᱟᱥ ᱟᱨ ᱠᱟᱥᱤᱣᱥ ᱛᱟᱹᱠᱤᱱ ᱯᱷᱤᱞᱤᱯᱯᱤ ᱨᱮ ᱦᱤᱨᱟᱹᱣ ᱠᱟᱛᱮᱜ ᱚᱠᱛᱟᱵᱷᱤᱭᱟᱱ ᱟᱨ ᱢᱟᱨᱠ ᱫᱚ ᱨᱳᱢᱟᱱ ᱥᱟᱢᱨᱟᱡᱡᱚ ᱵᱟᱨ ᱵᱷᱟᱜᱽ ᱛᱮ ᱠᱤᱱ ᱦᱟᱹᱴᱤᱧ ᱡᱚᱝ ᱟᱱᱟ᱾ ᱚᱠᱛᱟᱵᱷᱤᱭᱟᱱ ᱫᱚ ᱥᱚᱢᱨᱟᱡᱡᱚ ᱨᱮᱭᱟᱜ ᱯᱟᱹᱪᱷᱤᱢ ᱥᱮᱫ ᱮ ᱧᱟᱢ ᱠᱮᱫᱟ᱾ ᱚᱱᱟ ᱛᱟᱭᱚᱢ ᱚᱠᱛᱟᱵᱷᱤᱭᱟᱱ ᱫᱚ ᱟᱭᱢᱟ ᱵᱟᱹᱭᱨᱤ ᱠᱚ ᱥᱟᱶ ᱞᱟᱹᱲᱦᱟᱹᱭ ᱠᱟᱛᱮᱫ ᱮ ᱫᱟᱲᱮ ᱤᱫᱤᱭᱮᱱᱟ᱾ ᱡᱤᱥᱩ ᱡᱟᱱᱟᱢ ᱓᱒ ᱥᱮᱨᱢᱟ ᱞᱟᱦᱟᱨᱮ ᱞᱮᱯᱤᱫᱩᱥ ᱟᱨ ᱓᱑ ᱥᱮᱨᱢᱟ ᱨᱮ ᱫᱚ ᱚᱱᱴᱚᱱᱤ ᱟᱨ ᱢᱤᱥᱚᱨ ᱨᱮᱱ ᱨᱟᱱᱤ ᱠᱞᱤᱣᱚᱯᱮᱴᱨᱟ ᱛᱟᱹᱠᱤᱱᱮ ᱦᱤᱨᱟᱹᱣ ᱠᱮᱫ ᱠᱤᱱᱟ᱾ ᱚᱱᱟ ᱥᱟᱶ ᱜᱨᱤᱠ ᱟᱨ ᱨᱳᱢᱟᱱ ᱨᱮᱱᱟᱜ ᱠᱷᱚᱢᱚᱛᱟᱭᱮ ᱟᱢᱮᱴ ᱠᱮᱫᱟ᱾ ᱡᱤᱥᱩ ᱡᱟᱱᱟᱢ ᱞᱟᱦᱟ ᱓᱑ ᱠᱷᱚᱱ ᱒᱓ ᱦᱟᱹᱵᱤᱡ ᱫᱚ ᱨᱳᱢᱟᱱ ᱨᱟᱡᱽ ᱨᱮᱱ ᱠᱚᱱᱥᱟᱞ ᱞᱮᱠᱟᱛᱮᱭ ᱠᱟᱹᱢᱤᱭᱮᱫ ᱠᱟᱱ ᱛᱟᱦᱮᱱᱟ᱾ ᱒᱗ ᱥᱮᱨᱢᱟ ᱚᱜᱟᱥᱴᱟᱥ ᱩᱯᱟᱫᱷᱤᱭᱮ ᱧᱟᱢ ᱠᱮᱫᱟ᱾ ᱒᱓ ᱥᱮᱨᱢᱟ ᱨᱮ ᱫᱚ ᱮᱠᱱᱟᱭᱚᱠ ᱢᱟᱱᱚᱛᱮ ᱧᱟᱢ ᱠᱮᱫᱟ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱨᱳᱢᱟᱱ ᱥᱟᱢᱨᱟᱡᱡᱚ ᱨᱮᱱᱟᱜ ᱥᱟᱥᱚᱱ ᱵᱮᱵᱚᱥᱛᱷᱟ ᱥᱟᱡᱟᱣ ᱨᱟᱠᱟᱵ ᱮ ᱮᱦᱚᱵ ᱮᱱᱟ᱾ ᱤᱣᱨᱳᱯ ᱨᱮᱱᱟᱜ ᱟᱭᱢᱟ ᱱᱟᱣᱟ ᱡᱟᱜᱟᱭ ᱡᱤᱛᱠᱟᱹᱨ ᱠᱮᱫᱟ᱾ ᱜᱚᱡ ᱛᱟᱭᱚᱢ ᱩᱱᱤ ᱫᱚ ᱵᱚᱸᱜᱟ ᱞᱮᱠᱟ ᱠᱚ ᱢᱟᱱᱟᱣ ᱠᱤᱫᱤᱭᱟ᱾ ᱟᱨ ᱩᱱᱤ ᱨᱮᱱ ᱟᱹᱥᱩᱞ ᱜᱤᱫᱽᱨᱟᱹ ᱛᱤᱵᱮᱨᱤᱣᱥ ᱣᱟᱜ ᱛᱤ ᱨᱮ ᱨᱳᱢᱟᱱ ᱨᱟᱡᱽ ᱠᱚ ᱞᱟᱫᱮ ᱠᱮᱫᱟ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱮᱰᱮᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]