ᱚᱨᱚᱝᱜᱤᱛᱨᱚᱢ (ᱮᱱᱮᱡ)
ᱚᱨᱚᱝᱜᱤᱛᱨᱚᱢ (ᱛᱟᱢᱤᱞ ᱟᱨ ᱢᱟᱞᱟᱭᱟᱞᱟᱢ ᱨᱮ, ᱠᱚᱱᱱᱚᱰᱟ ᱨᱮ "ᱨᱚᱝᱜᱚᱯᱨᱚᱵᱮᱥᱟ" ᱟᱨ ᱛᱮᱞᱩᱜᱩ ᱨᱮ "ᱨᱚᱝᱜᱚᱯᱨᱚᱵᱮᱥᱚᱢ" ᱧᱩᱛᱩᱢ ᱛᱮ ᱵᱟᱰᱟᱭᱚᱜᱼᱟ) ᱫᱚ ᱥᱤᱧᱚᱛᱤᱭᱟᱹ ᱠᱞᱟᱥᱤᱠᱟᱞ ᱮᱱᱮᱡ ᱟᱨ ᱥᱮᱨᱮᱧ ᱨᱤᱱᱤᱡ ᱢᱤᱫ ᱢᱟᱲᱟᱝ ᱛᱤᱨᱞᱟᱹ ᱟᱜ ᱯᱩᱭᱞᱩ ᱛᱷᱚᱠ ᱨᱮᱱ ᱮᱱᱮᱡ ᱠᱟᱱᱟ ᱾ ᱱᱚᱶᱟ ᱫᱚ ᱥᱮᱨᱮᱧ ᱟᱨ ᱥᱮᱨᱮᱧ ᱨᱮ ᱥᱮᱪᱮᱫ ᱨᱮᱱᱟᱜ ᱥᱮᱨᱢᱟ ᱛᱟᱭᱚᱢ ᱦᱩᱭ ᱞᱮᱱᱟ ᱾ ᱰᱤᱜᱟᱱ ᱥᱤᱧᱚᱛᱤᱭᱟᱹ ᱠᱞᱟᱥᱤᱠᱟᱞ ᱮᱱᱮᱡ ᱠᱚᱨᱮ ᱟᱠᱚᱣᱟᱜ ᱯᱟᱥᱱᱟᱣᱤᱭᱟᱹ ᱠᱚ ᱢᱤᱫ ᱚᱨᱚᱝᱜᱤᱛᱨᱚᱢ ᱠᱚ ᱮᱱᱮᱡᱟ ᱾ ᱡᱚᱠᱷᱚᱱ ᱢᱤᱫ ᱥᱮᱪᱮᱫᱤᱭᱟᱹ ᱱᱚᱶᱟ ᱠᱚᱭ ᱯᱟᱲᱦᱟᱣ ᱮᱫᱼᱟ, ᱩᱱᱠᱩ ᱫᱚ ᱛᱟᱭᱚᱢ ᱛᱮ ᱟᱠᱚᱣᱟᱜ ᱮᱱᱮᱡ ᱠᱚ ᱮᱱᱮᱡ ᱫᱟᱲᱮᱭᱟᱜᱼᱟ ᱟᱨ ᱱᱟᱣᱟ ᱮᱱᱮᱡ ᱠᱚ ᱥᱮᱪᱮᱫ ᱫᱟᱲᱮᱭᱟᱜᱼᱟ ᱾
ᱩᱯᱚᱨᱚᱥᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱚᱨᱚᱝᱜᱤᱛᱨᱚᱢ ᱫᱚ ᱛᱟᱢᱤᱞ ᱯᱟᱹᱨᱥᱤ ᱨᱮᱱᱟᱜ ᱛᱷᱚᱠ ("ᱟᱨᱚᱝᱜᱩ") ᱟᱨ ᱩᱛᱟᱹᱨ ("ᱮᱴᱨᱟᱢ") ᱟᱹᱲᱟᱹ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱟᱨ ᱱᱚᱶᱟ ᱨᱮᱱᱟᱜ ᱟᱹᱲᱟᱹ ᱞᱮᱠᱟᱛᱮ ᱩᱪᱷᱟᱹᱱ ᱫᱚ ᱦᱩᱭᱩᱜ ᱠᱟᱱᱟ "ᱛᱷᱚᱠ ᱪᱮᱛᱟᱱ ᱥᱮ ᱩᱛᱟᱹᱨ ᱥᱮᱱᱚᱜ" ᱾ ᱰᱮᱱᱥ ᱨᱮᱭᱟᱜ ᱛᱷᱚᱠ ᱨᱮ, ᱱᱚᱣᱟ ᱟᱹᱲᱟᱹ ᱫᱚ ᱯᱨᱚᱥᱛᱟᱵᱽ ᱢᱮᱱᱛᱮ ᱵᱟᱰᱟᱭᱚᱜᱼᱟ ᱡᱟᱦᱟᱸ ᱨᱮ ᱜᱩᱨᱩ ᱫᱚ ᱟᱡᱟᱜ ᱥᱮᱪᱮᱫᱤᱭᱟᱹ ᱠᱚ ᱢᱟᱹᱱᱢᱤ ᱛᱟᱞᱟ ᱨᱮᱭ ᱵᱷᱮᱡᱟᱭᱟ ᱾ ᱱᱚᱶᱟ ᱨᱮᱱᱟᱜ ᱮᱛᱚᱦᱚᱵ ᱫᱚ ᱫᱮᱣᱫᱟᱥᱤ (ᱫᱷᱚᱨᱚᱢ ᱰᱮᱱᱥᱚᱨ) ᱟᱹᱨᱤᱪᱟᱹᱞᱤ ᱠᱷᱚᱱ ᱧᱟᱢᱚᱜᱼᱟ ᱾[᱑] ᱚᱨᱚᱝᱜᱤᱛᱨᱚᱢ ᱫᱚ ᱮᱴᱟᱜ ᱥᱤᱧᱚᱛᱤᱭᱟᱹ ᱠᱞᱟᱥᱤᱠᱟᱞ ᱰᱮᱱᱥ ᱥᱴᱟᱭᱤᱞ ᱠᱚ ᱞᱟᱹᱜᱤᱫ ᱦᱚᱸ ᱦᱩᱭ ᱫᱟᱲᱮᱭᱟᱜ-ᱟ ᱡᱮᱞᱮᱠᱟ ᱠᱚᱛᱷᱚᱠ, ᱠᱩᱪᱤᱯᱩᱰᱤ, ᱢᱩᱱᱤᱯᱩᱨᱤ, ᱠᱚᱛᱷᱚᱠᱚᱞᱤ, ᱵᱷᱟᱨᱚᱛ ᱱᱟᱴᱭᱚᱢ ᱟᱨ ᱢᱳᱦᱤᱱᱤ ᱟᱴᱴᱭᱚᱢ ᱥᱟᱶᱛᱮ ᱢᱨᱤᱫᱚᱝᱜᱚᱢ, ᱜᱷᱟᱴᱟᱢ ᱟᱨ ᱵᱷᱤᱭᱚᱞᱤᱱ ᱮᱢᱟᱱ ᱠᱚ ᱞᱟᱹᱜᱤᱫ ᱦᱚᱸ ᱦᱩᱭ ᱫᱟᱲᱮᱭᱟᱜ-ᱟ ᱾[᱒]
ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Arangetram". web.archive.org. 2009-05-13. Archived from the original on 2009-05-13. Retrieved 2023-09-02.
- ↑ https://archive.org/details/bharatanatyamfro00gast/page/n411/mode/2up