ᱚᱵᱷᱤᱥᱮᱠ ᱵᱚᱪᱚᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱚᱵᱷᱤᱥᱮᱠ ᱵᱚᱪᱚᱱ
Abhishek Bachchan.jpg
᱒᱐᱑᱕ ᱨᱮ ᱚᱵᱷᱤᱥᱮᱠ ᱵᱚᱪᱚᱱ
ᱡᱟᱱᱟᱢ ᱟᱨ ᱡᱟᱱᱟᱢ ᱴᱷᱟᱶ ᱕ ᱯᱷᱮᱵᱽᱨᱩᱣᱟᱨᱤ ᱑᱙᱗᱖ (1976-02-05) (᱔᱔ ᱥᱮᱨᱢᱟ)
ᱥᱩᱨᱚᱛ, ᱜᱩᱡᱽᱨᱟᱛ, ᱥᱤᱧᱚᱛ (ᱱᱮᱛᱟᱨ ᱫᱚ ᱢᱩᱢᱵᱟᱭ ᱨᱮ)
ᱠᱟᱹᱢᱤ ᱵᱚᱞᱤᱣᱩᱰ ᱟᱠᱴᱚᱨ
ᱠᱟᱹᱢᱤ ᱚᱠᱛᱚ ᱒᱐00 ᱠᱷᱚᱱ
ᱡᱤᱭᱚᱱ ᱥᱚᱦᱮᱫ
ᱚᱭᱥᱣᱚᱨᱭᱟ ᱨᱟᱭ ᱵᱚᱪᱚᱱ (m. ᱦᱩᱲᱟᱹᱜ : ᱚᱢᱟᱱᱚᱛ ᱚᱠᱛᱚ ᱾)
ᱟᱯᱟᱛ ᱮᱸᱜᱟᱛ ᱚᱢᱤᱛᱟᱵᱷ ᱵᱚᱪᱚᱱ
ᱡᱚᱭᱟ ᱵᱚᱪᱚᱱ
ᱜᱷᱟᱨᱚᱸᱡᱽ ᱵᱚᱪᱚᱱ ᱜᱷᱟᱨᱚᱸᱡᱽ ᱧᱮᱞᱢᱮ
ᱥᱩᱦᱤ
Signature of Abhishek Bachchan.svg

ᱚᱵᱷᱤᱥᱮᱠ ᱵᱚᱪᱚᱱ (ᱡᱟᱱᱟᱢ ᱕ ᱯᱷᱮᱵᱽᱨᱩᱭᱟᱨᱤ ᱑᱙᱗᱖) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱯᱷᱤᱞᱢ ᱟᱠᱴᱚᱨ ᱟᱨ ᱯᱨᱚᱰᱭᱩᱥᱚᱨ ᱠᱟᱱᱟᱭ ᱱᱩᱭ ᱫᱚ ᱵᱚᱞᱤᱣᱩᱰ ᱯᱷᱤᱞᱢ ᱠᱚᱨᱮ ᱠᱟ.ᱢᱤᱭᱟ ᱾ ᱱᱩᱭ ᱫᱚ ᱵᱚᱪᱚᱱ ᱜᱷᱟᱨᱚᱸᱡᱽ ᱨᱤᱱᱤᱡ ᱦᱚᱯᱚᱱ ᱞᱮᱠᱟᱛᱮ ᱱᱩᱭ ᱟᱡ ᱵᱟᱵᱟ ᱫᱚ ᱚᱢᱤᱛᱟᱵᱽ ᱵᱚᱪᱚᱱ ᱟᱨ ᱮᱸᱜᱟᱛ ᱫᱚ ᱡᱚᱭᱟ ᱵᱚᱪᱚᱱ ᱠᱟᱱᱟᱭ ᱾

᱒᱐᱐᱐ ᱥᱟ.ᱦᱤᱛ ᱨᱮ ᱚᱵᱷᱤᱥᱮᱠ ᱫᱚ ᱡᱮ.ᱯᱤ. ᱫᱚᱛᱛᱚᱼᱟᱜ ᱣᱟᱨ ᱯᱷᱤᱞᱢ ᱨᱤᱯᱷᱭᱩᱡᱽ ᱠᱷᱚᱱ ᱟᱡᱟᱜ ᱟᱠᱴᱤᱝ ᱡᱤᱭᱚᱱ ᱮ ᱮᱦᱚᱵ ᱞᱮᱫ-ᱟ ᱾ ᱚᱱᱟ ᱛᱟᱭᱚᱢ ᱱᱩᱭ ᱢᱤᱫ ᱰᱚᱡᱚᱱ ᱠᱷᱚᱱ ᱡᱟ.ᱥᱛᱤ ᱯᱷᱤᱞᱢ ᱨᱮ ᱠᱟ.ᱢᱤᱠᱮᱫ ᱨᱮᱦᱚᱸ ᱡᱷᱚᱛᱚ ᱜᱮ ᱠᱚᱢᱚᱨᱥᱤᱭᱟᱞ ᱯᱷᱮᱞᱭᱩᱨ ᱢᱮᱱᱛᱮ ᱥᱟ.ᱵᱤᱛ ᱞᱮᱱᱟ ᱾ ᱛᱚᱵᱮ ᱚᱵᱷᱤᱥᱮᱠ ᱟᱜ ᱯᱩᱭᱞᱩ ᱠᱚᱢᱚᱨᱥᱤᱭᱟᱞ ᱥᱚᱠᱥᱮᱥ ᱯᱷᱤᱞᱢ ᱞᱮᱠᱟᱛᱮ ᱒᱐᱐᱔ ᱨᱮᱭᱟᱜ ᱟᱠᱥᱚᱱ ᱯᱷᱤᱞᱢ ᱫᱷᱳᱢ ᱟᱨ ᱨᱚᱱ ᱮᱢᱟᱱ ᱠᱟᱱ ᱛᱟᱭᱟ ᱾ ᱱᱚᱶᱟ ᱯᱷᱤᱞᱢ ᱠᱚᱨᱮ ᱥᱚᱠᱥᱮᱥ ᱟᱨ ᱯᱷᱮᱞᱭᱩᱨ ᱛᱟᱞᱟ ᱨᱮ ᱱᱩᱭ ᱟᱡᱟᱜ ᱡᱤᱭᱚᱱ ᱰᱟᱦᱟᱨ ᱵᱚᱫᱚᱞ ᱞᱮᱫ ᱛᱟᱭᱟ ᱾ ᱚᱱᱟ ᱛᱟᱭᱚᱢ ᱛᱮ ᱱᱩᱭ ᱰᱨᱟᱢᱟ ᱯᱷᱤᱞᱢ ᱭᱩᱵᱚ (᱒᱐᱐᱔), ᱥᱚᱨᱠᱟᱨ (᱒᱐᱐᱕), ᱟᱨ ᱠᱚᱵᱷᱤ ᱚᱞᱵᱤᱫᱟ ᱱᱟ ᱠᱮᱦᱱᱟ (᱒᱐᱐᱖), ᱠᱚᱨᱮ ᱠᱟ.ᱢᱤ ᱠᱮᱫᱟᱭ ᱾ ᱚᱱᱟ ᱠᱷᱟ.ᱛᱤᱨ ᱱᱩᱭ ᱞᱮᱛᱟᱲ ᱛᱮ ᱯᱮ ᱜᱚᱴᱟᱝ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ ᱯᱷᱚᱨ ᱵᱮᱥᱴ ᱥᱚᱯᱚᱨᱴᱤᱝ ᱟᱠᱴᱚᱨ ᱥᱤᱨᱯᱷᱟ. ᱧᱟᱢ‌ ᱞᱮᱫᱟᱭ ᱾ ᱒᱐᱐᱗ ᱥᱟ.ᱦᱤᱛ ᱨᱮ ᱱᱩᱭ ᱫᱷᱤᱨᱩᱵᱟᱭᱤ ᱚᱢᱵᱟᱱᱤ-ᱟᱜ ᱠᱟ.ᱦᱱᱤ ᱞᱮᱠᱟᱛᱮ ᱜᱚᱲᱦᱚᱱ ᱞᱮᱱ ᱢᱚᱬᱤ ᱨᱚᱛᱱᱚᱢ-ᱟᱜ ᱰᱨᱟᱢᱟ ᱯᱷᱤᱞᱢ ᱜᱩᱨᱩ ᱨᱮ ᱠᱟ.ᱡᱤ ᱞᱮᱫᱟᱭ, ᱡᱟᱦᱟᱸ ᱫᱚ ᱟᱭᱢᱟ ᱦᱤᱴ ᱞᱮᱱ ᱛᱟᱭᱟ ᱟᱨ ᱱᱚᱶᱟ ᱞᱟ.ᱜᱤᱱ ᱱᱤᱭ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ ᱯᱷᱚᱨ ᱵᱮᱥᱴ ᱟᱠᱴᱚᱨ ᱥᱤᱨᱯᱷᱟ. ᱞᱟ.ᱜᱤᱱ ᱮ ᱵᱟᱪᱷᱚᱱ ᱞᱮᱱᱟᱭ ᱾

ᱟᱨ ᱦᱚᱸ ᱚᱵᱷᱤᱥᱮᱠ ᱫᱚ ᱠᱚᱢᱚᱨᱥᱤᱭᱟᱞ ᱥᱚᱠᱥᱮᱥ ᱰᱨᱟᱢᱟ ᱟᱨ ᱠᱚᱢᱮᱰᱤ ᱯᱷᱤᱞᱢ ᱠᱚᱨᱮ ᱞᱤᱰᱤᱝ ᱟᱨ ᱥᱚᱯᱚᱨᱴᱤᱝ ᱨᱳᱞ ᱠᱚᱨᱮ ᱠᱟ.ᱢᱤ ᱟᱠᱟᱫᱟᱭ ᱾ ᱡᱮᱢᱚᱱ, ᱵᱚᱱᱴᱤ ᱚᱨ ᱵᱚᱵᱽᱞᱤ (᱒᱐᱐᱕), ᱥᱚᱨᱠᱟᱨ (᱒᱐᱐᱕), ᱵᱽᱞᱩᱯᱷᱢᱟᱥᱴᱚᱨ! (᱒᱐᱐᱕), ᱠᱚᱵᱷᱤ ᱚᱞᱵᱤᱫᱟ ᱱᱟ ᱠᱮᱦᱱᱟ (᱒᱐᱐᱖), ᱜᱩᱨᱩ (᱒᱐᱐᱗), ᱡᱷᱳᱢ ᱵᱚᱨᱟᱵᱚᱨ ᱡᱷᱳᱢ (᱒᱐᱐᱗), ᱫᱳᱥᱛᱟᱱᱟ (᱒᱐᱐᱘), ᱫᱚᱢ ᱡᱟᱨᱳ ᱫᱚᱢ (᱒᱐᱑᱑), ᱵᱳᱞ ᱵᱚᱪᱚᱱ (᱒᱐᱑᱒), ᱦᱮᱯᱤ‌ᱱᱭᱩ ᱭᱮᱨ (᱒᱐᱑᱔), ᱟᱨ ᱦᱟᱣᱩᱥᱯᱷᱩᱞ 3 (᱒᱐᱑᱖) ᱣᱢᱟᱱ ᱠᱚ ᱾ ᱚᱵᱷᱤᱥᱮᱠ-ᱟᱜ ᱡᱟ.ᱥᱛᱤ ᱠᱟ.ᱣᱰᱤ ᱠᱷᱮᱢᱟᱣ ᱟᱠᱟᱫ ᱯᱷᱤᱞᱢ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱫᱷᱳᱢ (᱒᱐᱐᱔), ᱫᱷᱳᱢ 2 (᱒᱐᱐᱖), ᱟᱨ ᱫᱷᱳᱢ 3 (᱒᱐᱑᱓) ᱮᱢᱟᱱ ᱥᱤᱨᱤᱡᱽ ᱠᱚ ᱾ [᱑]

ᱱᱩᱭ ᱯᱮᱭᱟ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ ᱥᱟᱶᱛᱮ ᱒᱐᱐᱙ ᱥᱟ.ᱦᱤᱛ ᱨᱮ ᱡᱟ.ᱛᱤᱭᱟ.ᱨᱤ ᱯᱷᱤᱞᱢ ᱥᱤᱨᱯᱷᱟ. ᱯᱟ (᱒᱐᱐᱙) ᱯᱷᱤᱞᱢ ᱦᱚᱛᱮᱛᱮ ᱧᱟᱢ ᱞᱮᱫᱟᱭ ᱟᱨ ᱱᱚᱶᱟ ᱫᱚ ᱵᱮᱟᱴ ᱯᱷᱤᱭᱮᱪᱚᱨ ᱯᱷᱤᱯᱢ ᱤᱱ ᱦᱤᱱᱫᱤ ᱟᱫᱷᱟᱨ ᱛᱮ ᱧᱟᱢ ᱞᱮᱫ-ᱟ ᱾ ᱱᱚᱶᱟ ᱫᱚ ᱢᱤᱫ ᱠᱚᱢᱮᱰᱤ ᱰᱨᱟᱢᱟ ᱯᱷᱤᱞᱢ ᱛᱟᱦᱮᱸ ᱠᱟᱱᱟ ᱾ ᱒᱐᱐᱗ ᱥᱟ.ᱦᱤᱛ ᱨᱮ ᱱᱩᱭ ᱫᱚ ᱚᱭᱥᱣᱚᱨᱭᱟ ᱨᱟᱭ‌ᱥᱚᱶ ᱵᱟᱯᱞᱟ ᱞᱮᱱᱟᱭ, ᱱᱤᱛᱚᱜ ᱱᱩᱠᱤᱱ ᱨᱮᱱ ᱢᱤᱫ ᱠᱩᱲᱤ ᱜᱤᱫᱽᱨᱟᱹᱭ ᱦᱩᱭ ᱠᱟᱱ ᱛᱟ.ᱠᱤᱱᱟ ᱾[᱒][᱓]

ᱯᱷᱤᱞᱢᱳᱜᱽᱨᱟᱯᱷᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Abhishek Bachchan". Box Office India. Retrieved 22 ᱥᱮᱯᱴᱮᱢᱵᱚᱨ 2018. 
  2. "Aishwarya Rai Bachchan and Abhishek Bachchan 10th wedding anniversary: A look at their love story". 28 ᱡᱩᱞᱟᱭ 2017. Retrieved 28 ᱡᱩᱞᱟᱭ 2017. 
  3. "Did Aishwarya Rai Bachchan Really Ever Marry A Tree?". HuffPost India (in ᱟᱝᱜᱽᱨᱮᱡᱤ). 7 ᱥᱮᱯᱴᱮᱢᱵᱚᱨ 2016. Retrieved 16 ᱢᱮ 2018. 

ᱵᱟ.ᱲᱛᱤ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Script error: No such module "navboxes". ᱪᱷᱟᱸᱪ:FilmfareAwardBestSupportingActor 2001-2020 ᱪᱷᱟᱸᱪ:IIFAAwardBestSupportingActor

ᱪᱷᱟᱸᱪ:ScreenAwardBestSupportingActor ᱪᱷᱟᱸᱪ:StarGuildAwardBestSupportingActor

ᱪᱷᱟᱸᱪ:ZeeCineAwardBestSupportingActorMaleScript error: No such module "navboxes".