ᱟᱵᱽᱫᱩᱞ ᱠᱟᱞᱟᱢ
| |||||||||
| ᱧᱩᱛᱩᱢ | ᱟᱵᱽᱫᱩᱞ ᱠᱟᱞᱟᱢ | ||||||||
|---|---|---|---|---|---|---|---|---|---|
| ᱯᱟᱨᱥᱮᱫ | |||||||||
| ᱒᱕ ᱡᱩᱞᱟᱭ ᱒᱐᱐᱒
ᱠᱷᱚᱱ ᱒᱕ ᱡᱩᱞᱟᱭ ᱒᱐᱐᱗ | |||||||||
| ᱡᱤᱭᱚᱱ | |||||||||
| ᱡᱟᱱᱟᱢ ᱢᱟᱦᱟᱸ | ᱑᱕ ᱚᱠᱴᱚᱵᱚᱨ ᱑᱙᱓᱑
ᱨᱟᱢᱮᱥᱣᱟᱨᱟᱢ | ||||||||
| ᱵᱚᱝᱜᱟ ᱛᱟᱞᱟ | ᱒᱗ ᱡᱩᱞᱟᱭ ᱒᱐᱑᱕
ᱵᱮᱛᱷᱤᱱ ᱦᱚᱥᱯᱤᱴᱟᱞ, ᱥᱤᱞᱚᱝ | ||||||||
| ᱟᱯᱟᱛ | ᱡᱮᱭᱱᱩᱞᱟᱵᱽᱫᱤᱱ | ||||||||
| ᱮᱸᱜᱟᱛ | ᱚᱥᱤᱟᱢᱢᱟ | ||||||||
| ⚛ | |||||||||
| ᱜᱩᱱ | ᱥᱟᱬᱮᱥᱤᱭᱟᱹ | ||||||||
| ⚛ | |||||||||
| ᱥᱤᱨᱤᱡᱽ | |||||||||
| ➡ ᱵᱟᱞᱤᱥᱴᱤᱠ ᱢᱤᱥᱟᱭᱤᱞ,
➡ ᱞᱚᱸᱪ ᱵᱮᱦᱠᱤᱞ | |||||||||
| ᱢᱟᱺᱱ ᱥᱤᱨᱯᱷᱟᱹ | |||||||||
| ᱑᱙᱘᱙ | ᱯᱚᱫᱽᱢᱚ ᱵᱷᱩᱥᱚᱬ | ||||||||
| ᱑᱙᱙᱐ | ᱯᱚᱫᱽᱢᱚ ᱵᱤᱵᱷᱩᱥᱚᱬ | ||||||||
| ᱑᱙᱙᱗ | ᱵᱷᱟᱨᱚᱛ ᱨᱚᱛᱱᱚ | ||||||||
ᱟᱵᱩᱞ ᱯᱚᱠᱤᱨ ᱡᱮᱣᱱᱩᱞᱚᱵᱽᱫᱤᱱ ᱟᱵᱽᱫᱩᱞ ᱠᱟᱞᱟᱢ (ᱡᱟᱱᱟᱢ : ᱑᱕ ᱚᱠᱴᱳᱵᱚᱨ ᱑᱙᱓᱑ - ᱜᱩᱨ : ᱒᱗ ᱡᱩᱞᱟᱭ ᱒᱐᱑᱕) ᱵᱟᱹᱲᱛᱤ ᱫᱚ ᱮ. ᱯᱤ. ᱡᱮ. ᱟᱵᱽᱫᱩᱞ ᱠᱟᱞᱟᱢ ᱢᱮᱱᱛᱮ ᱠᱚ ᱵᱟᱰᱟᱭᱮᱭᱟ ᱾ ᱟᱵᱽᱫᱩᱞ ᱠᱟᱞᱟᱢ ᱫᱚ ᱵᱷᱟᱨᱚᱛ ᱫᱤᱥᱚᱢ ᱨᱤᱱᱤᱡ ᱯᱟᱨᱥᱮᱫ ᱜᱚᱢᱠᱮ ᱞᱮᱠᱟᱛᱮ ᱒᱐᱐᱒ ᱠᱷᱚᱱ ᱒᱐᱐᱗ ᱥᱟᱞᱮ ᱫᱷᱟᱹᱵᱤᱡᱼᱮ ᱛᱟᱦᱮᱸ ᱠᱟᱱᱟ ᱾ ᱛᱟᱢᱤᱞᱱᱟᱰᱩ ᱯᱚᱱᱚᱛ ᱨᱮᱱᱟᱜ ᱨᱟᱢᱮᱥᱣᱟᱨᱟᱢ ᱨᱮ ᱡᱟᱱᱟᱢ ᱠᱟᱛᱮᱼᱮ ᱦᱟᱨᱟᱵᱩᱨᱩ ᱞᱮᱱᱟ ᱾ ᱩᱱᱩᱤ ᱛᱤᱨᱩᱪᱤᱨᱚᱯᱚᱞᱞᱤ ᱨᱮᱱᱟᱜ ᱥᱮᱱᱴ ᱡᱚᱥᱮᱯᱷ ᱵᱤᱨᱫᱟᱹᱜᱟᱲ ᱠᱷᱚᱱ ᱯᱷᱤᱡᱤᱠᱟᱞ (physical science) ᱟᱨ ᱪᱮᱱᱱᱟᱭ ᱨᱮᱱᱟᱜ ᱢᱟᱫᱽᱨᱟᱥ ᱤᱱᱥᱴᱤᱪᱩᱴ ᱚᱯᱷ ᱴᱮᱠᱱᱚᱞᱚᱡᱤ ᱠᱷᱚᱱ ᱩᱰᱟᱹᱱ ᱤᱧᱡᱤᱱᱤᱭᱟᱹᱨ ᱥᱚᱱᱮᱨ ᱦᱟᱛᱟᱣᱞᱮᱫ ᱛᱟᱦᱮᱸᱠᱟᱱᱟ ᱾ ᱫᱤᱥᱚᱢ ᱨᱮᱱ ᱯᱟᱨᱥᱮᱫ ᱦᱣᱭᱩᱜ ᱢᱟᱬᱟᱝ ᱨᱮ ᱰᱤᱯᱷᱮᱱᱥ ᱨᱤᱥᱟᱨᱪ & ᱰᱮᱵᱷᱞᱚᱯᱢᱮᱱᱴ ᱳᱨᱜᱟᱱᱟᱭᱤᱡᱮᱥᱟᱱ (DRDO) ᱟᱨ ᱤᱥᱨᱚ ᱨᱮ ᱩᱰᱟᱹᱱ ᱤᱧᱡᱤᱱᱤᱭᱟᱹᱨ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱵᱟᱞᱤᱥᱴᱤᱠ ᱢᱤᱥᱟᱭᱤᱞ ᱟᱨ ᱞᱚᱧᱪ ᱵᱮᱦᱠᱤᱞ ᱨᱮᱱᱟᱜ ᱥᱟᱬᱮᱥ ᱜᱮᱭᱟᱱ ᱮ ᱥᱮᱸᱫᱽᱨᱟ ᱚᱰᱚᱠ ᱞᱮᱫ ᱠᱷᱟᱹᱛᱤᱨ ᱠᱟᱞᱟᱢ ᱫᱚ ᱵᱷᱟᱨᱚᱛ ᱨᱤᱱᱤᱡ ᱢᱤᱥᱟᱭᱤᱞ ᱢᱮᱱ ᱢᱟᱺᱱ ᱠᱚ ᱮᱢ ᱟᱠᱟᱣᱟᱫᱮᱭᱟ ᱾ ᱥᱟᱺᱜᱤᱧ ᱥᱮᱨᱢᱟ ᱥᱟᱬᱮᱥ ᱟᱨ ᱰᱤᱯᱷᱮᱱᱥ ᱥᱟᱬᱮᱥ ᱨᱮ ᱟᱡᱼᱟᱜ ᱢᱟᱨᱟᱝ ᱮᱱᱮᱢ ᱞᱟᱹᱜᱤᱫ ᱑᱙᱙᱗ ᱥᱟᱞᱮ ᱨᱮ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱤᱨᱯᱷᱟᱹ ᱵᱷᱟᱨᱚᱛ ᱨᱚᱛᱱᱚ ᱢᱟᱺᱱ ᱥᱟᱨᱦᱟᱣ ᱠᱚ ᱮᱢᱟᱣᱟᱫᱮᱭᱟ ᱾
ᱜᱤᱫᱽᱨᱟᱹ ᱵᱮᱲᱟ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱕ ᱚᱠᱴᱚᱵᱚᱨ ᱑᱙᱓᱑ ᱥᱟᱞᱮᱨᱮ ᱛᱟᱢᱤᱞᱱᱟᱰᱩ ᱨᱮᱱᱟᱜ ᱨᱟᱢᱮᱥᱣᱟᱨᱟᱢ ᱟᱹᱛᱩ ᱨᱮ ᱢᱤᱫ ᱨᱮᱸᱜᱮᱡ ᱢᱩᱥᱞᱟᱹ ᱚᱲᱟᱜ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱠᱟᱱᱟ ᱾ ᱜᱤᱫᱽᱨᱟᱹ ᱵᱮᱲᱟ ᱟᱡᱼᱟᱜ ᱧᱩᱛᱩᱢ ᱫᱚ ᱟᱵᱩᱞ ᱯᱚᱠᱤᱨ ᱡᱮᱣᱱᱩᱞᱚᱵᱽᱫᱤᱱ ᱟᱵᱽᱫᱩᱞ ᱠᱚᱞᱟᱞ ᱛᱟᱦᱮᱸ ᱠᱟᱱᱟ ᱟᱨ ᱟᱯᱟᱛ ᱧᱩᱛᱩᱢ ᱫᱚ ᱡᱮᱭᱱᱩᱞᱚᱵᱽᱫᱤᱱ ᱟᱨ ᱮᱸᱜᱟᱛ ᱫᱚ ᱚᱥᱤᱟᱢᱢᱟ ᱧᱩᱛᱩᱢᱟᱭ ᱛᱟᱦᱮᱸᱠᱟᱱᱟ ᱾ ᱟᱵᱽᱫᱩᱞ ᱟᱡ ᱵᱟᱵᱟ ᱫᱚ ᱞᱟᱹᱣᱲᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱚᱲᱟᱜ ᱨᱮᱱᱟᱜ ᱟᱨᱡᱟᱣ ᱨᱮ ᱥᱚᱯᱚᱦᱚᱫ ᱞᱟᱹᱜᱤᱫ ᱟᱵᱽᱫᱩᱞ ᱫᱚ ᱟᱥᱲᱟ ᱪᱟᱞᱟᱜ ᱵᱚᱭᱚᱥ ᱨᱮ ᱦᱚᱸᱭ ᱠᱟᱹᱢᱤ ᱛᱟᱦᱮᱸᱠᱟᱱᱟ ᱾ ᱩᱱᱤ ᱫᱚ ᱵᱮᱣᱨᱟ ᱥᱟᱠᱟᱢ (newspaper) ᱚᱲᱟᱜ ᱚᱲᱟᱜ ᱪᱟᱞᱟᱣ ᱠᱟᱛᱮ ᱦᱟᱹᱴᱤᱧ ᱛᱟᱦᱮᱸᱠᱟᱱᱟ ᱟᱨ ᱨᱚᱢᱟᱱᱟᱛᱷᱯᱩᱨ ᱠᱷᱚᱱ ᱢᱮᱴᱨᱤᱠ ᱵᱤᱱᱤᱰ ᱯᱟᱥ ᱛᱟᱭᱚᱢ ᱛᱤᱨᱩᱪᱤᱨᱟᱯᱚᱞᱞᱤ ᱨᱮᱱᱟᱜ ᱥᱮᱱᱴ ᱡᱚᱥᱮᱯᱷ ᱵᱱᱨᱫᱟᱹᱜᱟᱲ ᱨᱮ ᱧᱩᱛᱩᱢᱮ ᱚᱞ ᱚᱪᱚᱞᱮᱫ ᱛᱟᱦᱮᱸᱠᱟᱱᱟ ᱾ ᱚᱸᱰᱮ ᱠᱷᱚᱱ ᱯᱷᱤᱡᱤᱠᱟᱞ (physical) ᱥᱟᱬᱮᱥ ᱨᱮ ᱥᱚᱱᱮᱨ ᱮ ᱟᱢᱮᱴ ᱞᱮᱫ ᱛᱟᱦᱮᱸᱠᱟᱱᱟ ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱑᱙᱕᱕ ᱥᱟᱞᱮᱨᱮ ᱢᱟᱫᱽᱨᱟᱥᱮ ᱥᱮᱱᱮᱱᱟ ᱩᱰᱟᱹᱱ ᱤᱧᱡᱤᱱᱤᱭᱟᱹᱨ ᱯᱟᱲᱦᱟᱣᱜ ᱞᱟᱹᱜᱤᱫ ᱾ ᱢᱟᱫᱽᱨᱟᱥ ᱤᱱᱥᱴᱤᱪᱩᱴ ᱚᱯ ᱴᱮᱨᱱᱚᱞᱚᱡᱤ ᱠᱷᱚᱱ ᱢᱟᱨᱟᱝ ᱥᱚᱱᱮᱨ ᱟᱢᱮᱴ ᱛᱟᱭᱚᱢ ᱑᱙᱖᱐ ᱥᱟᱞᱮᱨᱮ DRDO ᱨᱮ ᱢᱤᱫ ᱥᱟᱬᱮᱥᱤᱭᱟᱹ ᱞᱮᱠᱟᱛᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱠᱟᱱᱟ ᱾
ᱥᱟᱬᱮᱥᱤᱭᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱟᱨᱚᱛ ᱫᱤᱥᱚᱢ ᱨᱤᱱ ᱯᱷᱟᱹᱫᱽ ᱠᱚ ᱞᱟᱹᱜᱤᱫ ᱢᱤᱫ ᱦᱩᱰᱤᱧ ᱦᱮᱞᱤ ᱠᱟᱯᱴᱟᱨ ᱵᱮᱱᱟᱣ ᱠᱟᱛᱮ ᱟᱡᱼᱟᱜ ᱟᱨᱡᱟᱣ ᱡᱤᱭᱚᱱ ᱫᱚᱭ ᱮᱦᱚᱵ ᱞᱮᱫ ᱛᱟᱦᱮᱸᱠᱟᱱᱟ ᱾ ᱛᱚᱵᱮ ᱟᱡ ᱠᱚ ᱮᱢᱟᱭ ᱠᱟᱱ ᱠᱟᱹᱢᱤ ᱨᱮ ᱫᱚ ᱟᱹᱰᱤ ᱠᱩᱥᱤ ᱵᱟᱭ ᱛᱟᱦᱮᱸ ᱠᱟᱱ ᱛᱟᱦᱮᱸᱠᱟᱱᱟ ᱾ ᱛᱟᱭᱚᱢ ᱛᱮ ᱢᱟᱨᱟᱝ ᱥᱟᱬᱮᱥᱤᱭᱟᱹ ᱵᱤᱠᱨᱚᱢ ᱥᱚᱨᱟᱵᱷᱟᱭᱤ ᱛᱟᱹᱨᱤ ᱨᱮ ᱠᱟᱹᱢᱤ ᱨᱮᱱᱟᱜ ᱫᱟᱣᱼᱮ ᱧᱟᱢ ᱞᱮᱫ ᱛᱟᱦᱮᱸᱠᱟᱱᱟ ᱾ ᱵᱤᱠᱨᱤᱢ ᱥᱚᱨᱟᱵᱷᱟᱭᱤ ᱫᱚ ᱟᱡᱤᱡ ᱟᱹᱭᱩᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱑᱙᱖᱙ ᱥᱟᱞᱮ ᱨᱮ ᱤᱱᱰᱤᱭᱟᱱ ᱥᱯᱮᱥ ᱨᱤᱥᱟᱨᱪ ᱳᱨᱜᱟᱱᱟᱭᱤᱡᱮᱥᱟᱱ (ᱤᱥᱨᱚ) ᱨᱮ ᱩᱪᱟᱹᱲ ᱞᱮᱱ ᱛᱟᱦᱮᱸᱠᱟᱱᱟ ᱾ ᱩᱱᱤ ᱫᱚ ᱵᱷᱟᱨᱚᱛ ᱨᱮᱱᱟᱝ ᱮᱛᱚᱦᱚᱵ ᱥᱮᱴᱞᱟᱭᱤᱴ ᱞᱚᱧᱪ ᱵᱮᱦᱠᱤᱞ(ᱥᱞᱵ-᱓) ᱯᱨᱚᱡᱮᱠᱴ ᱨᱤᱱᱤᱡ ᱫᱤᱥᱟᱹᱫᱩᱜᱤᱡ ᱛᱟᱦᱮᱸ ᱠᱟᱱᱟᱭ ᱾ ᱵᱟᱞᱤᱥᱴᱤᱠ ᱢᱤᱥᱟᱭᱤᱞ ᱟᱨ ᱞᱚᱧᱪ ᱵᱮᱦᱠᱤᱞ ᱨᱮᱱᱟᱜ ᱢᱟᱨᱟᱝ ᱩᱫᱽᱜᱟᱹᱣ ᱮᱱᱮᱢ ᱞᱟᱹᱜᱤᱫ ᱢᱤᱥᱟᱭᱤᱞ ᱢᱮᱱ ᱢᱮᱱ ᱛᱮ ᱠᱚ ᱢᱮᱛᱟᱭᱟ ᱾
ᱯᱟᱨᱥᱮᱫ ᱞᱮᱠᱟᱛᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱟᱨᱚᱛ ᱫᱤᱥᱚᱢ ᱨᱤᱱᱤᱡ ᱑᱑ ᱟᱱᱤᱡ ᱯᱨᱥᱮᱛ ᱞᱮᱠᱟᱛᱮ ᱒᱕ ᱡᱩᱞᱟᱭ ᱒᱐᱐᱒ ᱠᱷᱚᱱ ᱒᱕ ᱡᱩᱞᱟᱭ ᱒᱐᱐᱗ ᱥᱮᱨᱢᱟ ᱫᱷᱟᱹᱵᱤᱡ ᱵᱷᱟᱹᱨᱭᱟᱹᱭ ᱜᱚᱜ ᱞᱮᱫ ᱛᱟᱦᱮᱸᱠᱟᱱᱟ ᱾ ᱫᱤᱥᱚᱢ ᱦᱚᱲ ᱠᱚ ᱛᱟᱞᱟ ᱨᱮ ᱯᱟᱨᱥᱮᱫ ᱞᱮᱠᱟᱛᱮ ᱟᱡᱼᱟᱜ ᱟᱨ ᱢᱤᱫ ᱵᱷᱮᱜᱟᱨ ᱩᱯᱨᱩᱢ ᱛᱟᱦᱮᱸ ᱠᱟᱱ ᱛᱟᱭᱟ ᱾
ᱚᱱᱚᱞ ᱯᱩᱛᱷᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱵᱽᱫᱩᱞ ᱠᱟᱞᱟᱢ ᱫᱚ ᱟᱭᱢᱟ ᱯᱩᱛᱷᱤ ᱠᱚ ᱦᱚᱸᱭ ᱚᱞ ᱞᱮᱫ ᱛᱟᱦᱮᱸᱠᱟᱱᱟ ᱾ ᱟᱡᱼᱟᱜ ᱚᱱᱚᱞ ᱠᱚ ᱢᱩᱸᱫᱽ ᱠᱷᱚᱱ ᱤᱜᱽᱱᱟᱭᱴᱮᱰ ᱢᱟᱭᱤᱸᱰᱥ (᱒᱐᱐᱒), ᱣᱤᱝᱥ ᱚᱯᱷ ᱯᱷᱟᱭᱟᱨ(᱑᱙᱙᱙) ᱟᱨ ᱤᱱᱰᱤᱭᱟ-᱒᱐᱒᱐ ᱮ ᱵᱷᱤᱡᱚᱱ ᱯᱷᱚᱨ ᱫᱚ ᱱᱭᱩ ᱢᱤᱞᱤᱱᱤᱭᱚᱢ' ᱫᱤᱥᱚᱢ ᱨᱤᱴ ᱠᱚᱴᱤ ᱠᱚᱴᱤ ᱦᱚᱲ ᱞᱟᱹᱜᱤᱫ ᱩᱥᱠᱟᱣ ᱥᱟᱡᱟᱣᱟᱠᱟᱱᱟ ᱾ ᱣᱤᱝᱥ ᱚᱯᱷ ᱯᱷᱟᱭᱟᱨ ᱫᱚ ᱟᱡᱼᱟᱜ ᱡᱤᱵᱚᱱ ᱠᱟᱹᱦᱱᱤ ᱠᱟᱱ ᱛᱟᱭᱟ ᱾ ᱚᱱᱟ ᱠᱚ ᱵᱮᱜᱚᱨ ᱩᱱᱤ ᱢᱤᱥᱚᱱ ᱤᱱᱰᱤᱭᱟ, ᱤᱱᱥᱯᱟᱭᱨᱤᱝ ᱛᱷᱚᱴᱥ ᱮᱢᱟᱱ ᱯᱚᱛᱚᱵ ᱯᱩᱛᱷᱤ ᱠᱚᱭ ᱚᱞ ᱞᱮᱫ ᱛᱟᱦᱮᱸᱠᱟᱱᱟ ᱾
ᱢᱟᱺᱱ ᱟᱨ ᱥᱤᱨᱯᱷᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱑☛ ᱑᱙᱘᱑ ᱥᱟᱞᱮ ᱨᱮ ᱵᱷᱟᱨᱚᱛ ᱥᱚᱨᱠᱟᱨ ᱯᱚᱫᱽᱢᱚ ᱵᱷᱩᱥᱚᱬ ᱥᱤᱨᱯᱷᱟᱹᱭ ᱮᱢᱟᱫ ᱫᱮ ᱛᱟᱦᱮᱫ
- ᱒☛ ᱑᱙᱙᱐ ᱥᱟᱞᱮ ᱨᱮ ᱯᱚᱫᱽᱢᱚ ᱵᱤᱵᱷᱩᱥᱚᱬ
- ᱓☛ ᱑᱙᱙᱗ ᱥᱟᱞᱮᱨᱮ ᱵᱷᱟᱨᱚᱛ ᱨᱚᱛᱱᱚ
- ᱔☛ ᱑᱙᱙᱗ ᱤᱱᱫᱽᱨᱟ ᱜᱟᱱᱫᱷᱤ ᱥᱤᱨᱯᱷᱟᱹ ᱵᱷᱟᱨᱚᱛᱤᱭᱚ ᱡᱟᱛᱤᱭᱚ ᱠᱚᱝᱜᱨᱮᱥ ᱯᱟᱦᱴᱟ ᱠᱷᱚᱱ
- ᱕☛ ᱑᱙᱙᱘ ᱥᱟᱞᱮ ᱨᱮ ᱵᱤᱨ ᱥᱚᱵᱷᱚᱨᱠᱚᱨ ᱢᱟᱺᱱ
ᱚᱱᱟ ᱥᱟᱶᱛᱮ ᱟᱭᱢᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱰᱤᱠᱴᱚᱨᱮᱴ ᱢᱟᱺᱱ ᱧᱟᱢ ᱟᱠᱟᱫᱟᱭ
ᱵᱚᱝᱜᱟ ᱛᱟᱞᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱵᱽᱫᱩᱞ ᱠᱟᱞᱟᱢ ᱛᱤᱠᱤᱱ ᱫᱚ ᱥᱤᱞᱚᱝ ᱨᱮᱱᱟᱜ ᱵᱮᱛᱷᱤᱱ ᱦᱚᱥᱯᱤᱴᱟᱞ ᱨᱮ ᱟᱹᱠᱤᱱᱟᱜ ᱥᱟᱦᱮᱫ ᱫᱚ ᱛᱚᱯᱟᱜ ᱞᱮᱱ ᱛᱟᱦᱮᱸᱠᱟᱱᱟ ᱾ ᱜᱟᱞᱚᱪ ᱮᱢ ᱚᱠᱛᱚ ᱨᱮ ᱟᱪᱠᱟ ᱜᱮ ᱯᱷᱚᱠᱚᱥ ᱫᱷᱟᱠ (heartfelt) ᱛᱮ ᱠᱤᱱ ᱵᱷᱤᱸᱫᱟᱲᱮᱱᱟ ᱟᱨ ᱚᱱᱟ ᱛᱟᱭᱚᱢ ᱛᱮ ᱜᱮ ᱛᱷᱟᱹᱨᱛᱤ ᱫᱷᱩᱲᱤ ᱫᱚ ᱠᱤᱱ ᱵᱟᱹᱜᱤ ᱥᱟᱹᱨᱤ ᱠᱮᱫᱼᱟ ᱾
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱳᱯᱷᱤᱥᱤᱭᱟᱞ ᱣᱮᱵᱽᱥᱟᱭᱤᱴ Archived ᱒᱐᱒᱑-᱐᱒-᱒᱗ at the Wayback Machine.
- ᱰᱨ. ᱮ. ᱯᱤ. ᱡᱮ. ᱟᱵᱽᱫᱩᱞ ᱠᱟᱞᱟᱢ: ᱯᱷᱳᱨᱢᱟᱨ ᱯᱨᱮᱥᱤᱰᱮᱱᱴ ᱳᱯᱷ ᱤᱱᱰᱤᱭᱟ
- Archived ᱒᱐᱒᱑-᱐᱒-᱒᱗ at the Wayback Machine.