ᱚᱵᱽᱫᱩᱞ ᱠᱚᱞᱟᱢ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱧᱩᱛᱩᱢ ᱚᱵᱽᱫᱩᱞ ᱠᱚᱞᱟᱢ
ᱯᱟᱨᱥᱮᱛ
᱒᱕ ᱡᱩᱞᱟᱭ ᱒᱐᱐᱒

ᱠᱷᱚᱱ ᱒᱕ ᱡᱩᱞᱟᱭ ᱒᱐᱐᱗

ᱡᱤᱭᱚᱱ
ᱡᱟᱱᱟᱢ ᱢᱟᱦᱟᱸ ᱑᱕ ᱚᱠᱴᱚᱵᱚᱨ ᱑᱙᱓᱑

ᱨᱟᱢᱮᱥᱣᱚᱨᱚᱢ

ᱵᱚᱝᱜᱟ ᱛᱟᱞᱟ ᱒᱗ ᱡᱩᱞᱟᱭ ᱒᱐᱑᱕

ᱵᱮᱛᱷᱤᱱ ᱦᱚᱥᱯᱤᱴᱟᱞ, ᱥᱤᱞᱚᱝ

ᱟᱯᱟᱛ ᱡᱮᱭᱱᱩᱞᱟᱵᱽᱫᱤᱱ
ᱮᱸᱜᱟᱛ ᱚᱥᱤᱟᱢᱢᱟ
ᱜᱩᱱ ᱥᱟᱬᱮᱥᱤᱭᱟᱹ
ᱥᱤᱨᱤᱡᱽ
➡ ᱵᱟᱞᱤᱥᱴᱤᱠ ᱢᱤᱥᱟᱭᱤᱞ,

➡ ᱞᱚᱸᱪ ᱵᱮᱦᱠᱤᱞ

ᱢᱟᱺᱱ ᱥᱤᱨᱯᱷᱟᱹ
᱑᱙᱘᱙ ᱯᱚᱫᱽᱢᱚ ᱵᱷᱩᱥᱚᱬ
᱑᱙᱙᱐ ᱯᱚᱫᱽᱢᱚ ᱵᱤᱵᱷᱩᱥᱚᱬ
᱑᱙᱙᱗ ᱵᱷᱟᱨᱚᱛ ᱨᱚᱛᱱᱚ


ᱟᱵᱩᱞ ᱯᱚᱠᱤᱨ ᱡᱮᱣᱱᱩᱞᱚᱵᱫᱤᱱ ᱚᱵᱽᱫᱩᱞ ᱠᱚᱞᱟᱢ ᱵᱟᱹᱲᱛᱤ ᱫᱚ A. P. J. Abdul kalam ᱢᱮᱱᱛᱮ ᱠᱚ ᱵᱟᱰᱟᱭᱮᱭᱟ ᱾ ᱚᱵᱽᱫᱩᱞ ᱠᱚᱞᱟᱢ ᱫᱚ ᱵᱷᱟᱨᱚᱛ ᱫᱤᱥᱚᱢ ᱨᱤᱱᱤᱡ ᱯᱟᱨᱥᱮᱛ ᱜᱚᱢᱠᱮ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱒᱐᱐᱒ ᱠᱷᱚᱱ ᱒᱐᱐᱗ ᱥᱟᱞᱮ ᱫᱷᱟᱹᱵᱤᱡ ᱾ ᱛᱟᱢᱤᱞᱱᱟᱰᱩ ᱯᱚᱱᱚᱛ ᱨᱮᱱᱟᱜ ᱨᱟᱢᱮᱥᱣᱚᱨᱚᱢ ᱨᱮ ᱡᱟᱱᱟᱢ ᱠᱟᱛᱮ ᱦᱟᱨᱟᱵᱩᱨᱩ ᱞᱮᱱᱟ ᱾ ᱩᱱᱩᱤ ᱛᱤᱨᱩᱪᱤᱨᱚᱯᱚᱞᱞᱤ ᱨᱮᱱᱟᱜ ᱥᱮᱱᱴ ᱡᱚᱥᱮᱯᱷ ᱵᱤᱨᱫᱟᱹᱜᱟᱲ ᱠᱷᱚᱱ ᱯᱷᱤᱡᱤᱠᱟᱞ (physical science) ᱟᱨ ᱪᱮᱱᱱᱟᱭ ᱨᱮᱱᱟᱜ ᱢᱟᱫᱽᱨᱟᱥ ᱤᱱᱥᱴᱤᱪᱩᱴ ᱚᱯᱷ ᱴᱮᱠᱱᱚᱞᱚᱡᱤ ᱠᱷᱚᱱ ᱩᱰᱟᱹᱱ ᱤᱧᱡᱤᱱᱤᱭᱟᱹᱨ ᱥᱚᱱᱮᱨ ᱦᱟᱛᱟᱣᱞᱮᱫ ᱛᱟᱦᱮᱸᱫ-ᱮ ᱾ ᱫᱤᱥᱚᱢ ᱨᱤᱱ ᱯᱟᱨᱥᱮᱛ ᱦᱣᱭᱩᱜ ᱢᱟᱬᱟᱝ ᱨᱮ ᱰᱤᱯᱷᱮᱱᱥ ᱨᱤᱥᱚᱨᱪ & ᱰᱮᱵᱷᱞᱚᱯᱢᱮᱱᱴ ᱚᱨᱜᱟᱱᱤᱡᱮᱥᱚᱱ (DRDO) ᱟᱨ ᱤᱥᱨᱚ ᱨᱮ ᱩᱰᱟᱹᱱ ᱤᱧᱡᱤᱱᱤᱭᱟᱹᱨ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾ ᱵᱟᱞᱤᱥᱴᱤᱠ ᱢᱤᱥᱟᱭᱤᱞ ᱟᱨ ᱞᱚᱧᱪ ᱵᱮᱦᱠᱤᱞ ᱨᱮᱱᱟᱜ ᱥᱟᱬᱮᱥ ᱜᱮᱭᱟᱱᱮ ᱥᱮᱸᱫᱽᱨᱟ ᱚᱰᱚᱠ ᱞᱮᱫ ᱠᱷᱟᱹᱛᱤᱨ ᱠᱚᱞᱟᱢ ᱫᱚ ᱵᱷᱟᱨᱚᱛ ᱨᱤᱱᱤᱡ ᱢᱤᱥᱟᱭᱤᱞ ᱢᱮᱱ ᱢᱟᱺᱱ ᱠᱚ ᱮᱢ ᱟᱠᱟᱫᱮᱭᱟ ᱾[1][2][3] ᱥᱟᱺᱜᱤᱧ ᱥᱮᱨᱢᱟ ᱥᱟᱬᱮᱥ ᱟᱨ ᱰᱤᱯᱷᱮᱱᱥ ᱥᱟᱬᱮᱥ ᱨᱮ ᱟᱡᱟᱜ ᱢᱟᱨᱟᱝ ᱮᱱᱮᱢ ᱞᱟᱹᱜᱤᱫ ᱑᱙᱙᱗ ᱥᱟᱞᱮ ᱨᱮ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱤᱨᱯᱷᱟᱹ ᱵᱷᱟᱨᱚᱛ ᱨᱚᱛᱱᱚ ᱢᱟᱺᱱ ᱥᱟᱨᱦᱟᱣ ᱠᱚ ᱮᱢᱟᱫ ᱫᱮ ᱛᱟᱦᱮᱸᱫ ᱾

ᱜᱤᱫᱽᱨᱟᱹ ᱵᱮᱲᱟ ᱟᱨ ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱕ ᱚᱠᱴᱚᱵᱚᱨ ᱑᱙᱓᱑ ᱥᱟᱞᱮᱨᱮ ᱛᱟᱢᱤᱞᱱᱟᱰᱩ ᱨᱮᱱᱟᱜ ᱨᱟᱢᱮᱥᱣᱚᱨᱚᱢ ᱟᱹᱛᱩ ᱨᱮ ᱢᱤᱫ ᱨᱮᱸᱜᱮᱡ ᱢᱩᱥᱞᱟᱹ ᱚᱲᱟᱜ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱜᱤᱫᱽᱨᱟᱹ ᱵᱮᱲᱟ ᱟᱡᱟᱜ ᱧᱩᱛᱩᱢ ᱫᱚ ᱟᱵᱩᱞ ᱯᱚᱠᱤᱨ ᱡᱮᱣᱱᱩᱞᱚᱵᱫᱤᱱ ᱚᱵᱽᱫᱩᱞ ᱠᱚᱞᱟᱞ ᱛᱟᱦᱮᱸ ᱠᱟᱱᱟ ᱟᱨ ᱟᱯᱟᱛ ᱧᱩᱛᱩᱢ ᱫᱚ ᱡᱮᱭᱱᱩᱞᱚᱵᱽᱫᱤᱱ ᱟᱨ ᱮᱸᱜᱟᱛ ᱫᱚ ᱚᱥᱤᱟᱢᱢᱟ ᱧᱩᱛᱩᱢᱟᱭ ᱛᱟᱦᱮᱸᱫ ᱾ ᱚᱵᱫᱩᱞ ᱟᱡ ᱵᱟᱵᱟ ᱫᱚ ᱞᱟᱹᱣᱲᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾[4] ᱚᱲᱟᱜ ᱨᱮᱱᱟᱜ ᱟᱨᱡᱟᱣ ᱨᱮ ᱥᱚᱯᱚᱦᱚᱜ ᱞᱟᱹᱜᱤᱫ ᱚᱵᱽᱫᱩᱞ ᱫᱚ ᱟᱥᱲᱟ ᱪᱟᱞᱟᱜ ᱵᱚᱭᱚᱥ ᱨᱮᱦᱚᱸᱭ ᱠᱟᱹᱢᱤ ᱛᱟᱦᱮᱸᱫ ᱾ ᱩᱱᱤ ᱫᱚ ᱵᱮᱣᱨᱟ ᱥᱟᱠᱟᱢ (newspaper) ᱚᱲᱟᱜ ᱚᱲᱟᱜ ᱪᱟᱞᱟᱣ ᱠᱟᱛᱮ ᱦᱟᱹᱴᱤᱧ ᱛᱟᱦᱮᱸᱫ ᱾ ᱨ ᱢᱱᱟᱛᱷᱯᱩᱨ ᱠᱷᱚᱱ ᱢᱮᱴᱨᱤᱠ ᱵᱤᱱᱤᱰ ᱯᱟᱥ ᱛᱟᱭᱚᱢ ᱛᱩᱨᱩᱪᱤᱨᱟᱯᱚᱞᱞᱤ ᱨᱮᱱᱟᱜ ᱥᱮᱱᱴ ᱡᱚᱥᱮᱯᱷ ᱵᱱᱨᱫᱟᱹᱜᱟᱲ ᱨᱮ ᱧᱩᱛᱩᱢᱮ ᱚᱞ ᱚᱪᱚᱞᱮᱫ ᱛᱟᱦᱮᱸᱫ ᱾ ᱚᱸᱰᱮ ᱠᱷᱚᱱ ᱯᱷᱤᱡᱤᱠᱟᱞ (physical) ᱥᱟᱬᱮᱥ ᱨᱮ ᱥᱚᱱᱮᱨ ᱮ ᱟᱢᱮᱴ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱑᱙᱕᱕ ᱥᱟᱞᱮᱨᱮ ᱢᱟᱰᱨᱟᱥᱮ ᱥᱮᱱᱮᱱᱟ ᱩᱰᱟᱹᱱ ᱤᱧᱡᱤᱱᱤᱭᱟᱹᱨ ᱯᱟᱲᱦᱟᱣᱜ ᱞᱟᱹᱜᱤᱫ ᱾ ᱢᱟᱰᱨᱟᱥ ᱤᱱᱥᱴᱤᱪᱩᱴ ᱚᱯ ᱴᱮᱨᱱᱚᱞᱚᱡᱤ ᱠᱷᱚᱱ ᱢᱟᱨᱟᱝ ᱥᱚᱱᱮᱨ ᱟᱢᱮᱴ ᱛᱟᱭᱚᱢ ᱑᱙᱖᱐ ᱥᱟᱞᱮᱨᱮ DRDO ᱨᱮ ᱢᱤᱫ ᱥᱟᱬᱮᱥᱤᱭᱟᱹ ᱞᱮᱠᱟᱛᱮ ᱥᱮᱞᱮᱜ ᱞᱮᱱ ᱛᱟᱦᱮᱸᱫ ᱾

ᱥᱟᱬᱮᱥᱤᱭᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱟᱨᱚᱛ ᱫᱤᱥᱚᱢ ᱨᱤᱱ ᱯᱷᱟᱹᱫᱽ ᱠᱚ ᱞᱟᱹᱜᱤᱫ ᱢᱤᱫ ᱦᱩᱰᱤᱧ ᱦᱤᱞᱤ ᱠᱟᱯᱴᱟᱨ ᱵᱮᱱᱟᱣ ᱠᱟᱛᱮ ᱟᱡᱟᱜ ᱟᱨᱡᱟᱣ ᱡᱤᱭᱚᱱ ᱫᱚᱭ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱛᱚᱵᱮ ᱟᱡ ᱠᱚ ᱮᱢᱟᱭ ᱠᱟᱱ ᱠᱟᱹᱢᱤ ᱨᱮ ᱫᱚ ᱟᱹᱰᱤ ᱠᱩᱥᱤ ᱵᱟᱭ ᱛᱟᱦᱮᱸ ᱠᱟᱱ ᱛᱟᱦᱸᱫ ᱾ ᱛᱟᱭᱚᱢ ᱛᱮ ᱢᱟᱨᱟᱝ ᱥᱟᱬᱮᱥᱤᱭᱟᱹ ᱵᱤᱠᱨᱚᱢ ᱥᱚᱨᱟᱵᱷᱟᱭᱤ ᱛᱟᱹᱨᱤ ᱨᱮ ᱠᱟᱹᱢᱤ ᱨᱮᱱᱟᱜ ᱫᱟᱣᱮ ᱧᱟᱢ ᱞᱮᱜ ᱛᱟᱦᱮᱸᱫ ᱾ ᱵᱤᱠᱨᱤᱢ ᱥᱚᱨᱟᱵᱷᱟᱭᱤ ᱫᱚ ᱟᱡᱤᱡ ᱟᱹᱭᱩᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱑᱙᱖᱙ ᱥᱟᱞᱮ ᱨᱮ ᱚᱱᱰᱤᱭᱟᱱ ᱥᱯᱮᱥ ᱨᱤᱥᱚᱨᱪ ᱚᱨᱜᱟᱱᱤᱡᱮᱥᱚᱱ (ᱤᱥᱨᱚ) ᱨᱮ ᱩᱪᱟᱹᱲ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱵᱷᱟᱨᱚᱛ ᱨᱮᱱᱟᱝ ᱮᱛᱚᱦᱚᱵ ᱥᱮᱴᱞᱟᱭᱤᱴ ᱞᱚᱧᱪ ᱵᱮᱦᱠᱤᱞ(ᱥᱞᱵ-᱓) ᱯᱨᱚᱡᱮᱠᱴ ᱨᱤᱱᱤᱡ ᱫᱤᱥᱟᱹᱫᱩᱜᱤᱡ ᱛᱟᱦᱮᱸ ᱠᱟᱱᱟᱭ ᱾ ᱵᱟᱞᱤᱥᱴᱤᱠ ᱢᱤᱥᱟᱭᱤᱞ ᱟᱨ ᱞᱚᱧᱪ ᱵᱮᱦᱠᱤᱞ ᱨᱮᱱᱟ ᱢᱟᱨᱟᱝ ᱩᱫᱽᱜᱟᱹᱣ ᱮᱱᱮᱢ ᱞᱟᱹᱜᱤᱫ ᱢᱤᱥᱟᱭᱤᱞ ᱢᱮᱱ ᱢᱮᱱ ᱛᱮ ᱠᱚ ᱢᱮᱛᱟᱭᱟ ᱾

ᱯᱟᱨᱥᱮᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱟᱨᱚᱛ ᱫᱤᱥᱚᱢ ᱨᱤᱱᱤᱡ ᱑᱑ ᱟᱱᱤᱡ ᱯᱨᱥᱮᱛ ᱞᱮᱠᱟᱛᱮ ᱒᱐᱐᱒ ᱡᱩᱞᱟᱭ ᱒᱕ ᱠᱚᱱ ᱒᱐᱑᱗ ᱡᱩᱞᱟᱭ ᱒᱕ ᱫᱷᱟᱹᱵᱤᱡ ᱵᱷᱟᱹᱨᱭᱟᱹᱭ ᱜᱚᱜ ᱞᱮᱫ ᱛᱟᱦᱮᱸᱫ ᱾ ᱫᱤᱥᱚᱢ ᱦᱚᱲ ᱠᱚ ᱛᱟᱞᱮ ᱨᱮ ᱯᱟᱨᱥᱮᱛ ᱞᱮᱠᱟᱛᱮ ᱟᱡᱟᱜ ᱟᱨ ᱢᱤᱫ ᱵᱷᱮᱜᱟᱨ ᱩᱯᱨᱩᱢ ᱛᱟᱦᱮᱸ ᱠᱟᱱ ᱛᱟᱭᱟ ᱾

ᱚᱱᱚᱞ ᱯᱩᱛᱷᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱵᱽᱫᱩᱞ ᱠᱚᱞᱟᱢ ᱫᱚ ᱟᱭᱢᱟ ᱯᱩᱛᱷᱤ ᱠᱚ ᱦᱚᱸᱭ ᱚᱞ ᱞᱮᱫ ᱛᱟᱦᱮᱸᱫ ᱾ ᱟᱡᱟᱜ ᱚᱱᱚᱞ ᱠᱚ ᱢᱩᱸᱫᱽ ᱠᱷᱚᱱ ᱤᱜᱽᱱᱟᱭᱴᱮᱰ ᱢᱟᱭᱤᱸᱰᱥ (᱒᱐᱐᱒) , ᱣᱤᱝᱥ ᱚᱯᱷ ᱯᱷᱟᱭᱟᱨ(᱑᱙᱙᱙) ᱟᱨ ᱤᱱᱰᱤᱭᱟ-᱒᱐᱒᱐ ᱮ ᱵᱷᱤᱡᱚᱱ ᱯᱷᱚᱨ ᱫᱚ ᱱᱭᱩ ᱢᱤᱞᱤᱱᱤᱭᱚᱢ' ᱫᱤᱥᱚᱢ ᱨᱤᱴ ᱠᱚᱴᱤ ᱠᱚᱴᱤ ᱦᱚᱲ ᱞᱟᱹᱜᱤᱫ ᱩᱥᱠᱟᱣ ᱥᱟᱡᱟᱣᱟᱠᱟᱱᱟ ᱾ ᱣᱤᱝᱥ ᱚᱯᱷ ᱯᱷᱟᱭᱟᱨ ᱫᱚ ᱟᱡᱟᱜ ᱡᱤᱵᱚᱱ ᱠᱟᱹᱦᱱᱤ ᱠᱟᱱ ᱛᱟᱭᱟ ᱾ ᱚᱱᱟ ᱠᱚ ᱵᱮᱜᱚᱨ ᱩᱱᱤ ᱢᱤᱥᱚᱱ ᱤᱱᱰᱤᱭᱟ, ᱤᱱᱥᱯᱟᱭᱨᱤᱝ ᱛᱷᱚᱴᱥ ᱮᱢᱟᱱ ᱯᱚᱛᱚᱵ ᱯᱩᱛᱷᱤ ᱠᱚᱭ ᱚᱞ ᱞᱮᱫ ᱛᱟᱦᱮᱸᱫ ᱾

ᱢᱟᱺᱱ ᱟᱨ ᱥᱤᱨᱯᱷᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱑☛ ᱑᱙᱘᱑ ᱥᱟᱞᱮ ᱨᱮ ᱵᱷᱟᱨᱚᱛ ᱥᱚᱨᱠᱟᱨ ᱯᱚᱫᱽᱢᱚ ᱵᱷᱩᱥᱚᱬ ᱥᱤᱨᱯᱷᱟᱹᱭ ᱮᱢᱟᱫ ᱫᱮ ᱛᱟᱦᱮᱫ
  • ᱒☛ ᱑᱙᱙᱐ ᱥᱟᱞᱮ ᱨᱮ ᱯᱚᱫᱽᱢᱚ ᱵᱤᱵᱷᱩᱥᱚᱬ
  • ᱓☛ ᱑᱙᱙᱗ ᱥᱟᱞᱮᱨᱮ ᱵᱷᱟᱨᱚᱛ ᱨᱚᱛᱱᱚ
  • ᱔☛ ᱑᱙᱙᱗ ᱤᱱᱫᱽᱨᱟ ᱜᱟᱱᱫᱷᱤ ᱥᱤᱨᱯᱷᱟᱹ ᱵᱷᱟᱨᱚᱛᱤᱭᱚ ᱡᱟᱛᱤᱭᱚ ᱠᱚᱝᱜᱨᱮᱥ ᱯᱟᱦᱴᱟ ᱠᱷᱚᱱ
  • ᱕☛ ᱑᱙᱙᱘ ᱥᱟᱞᱮ ᱨᱮ ᱵᱤᱨ ᱥᱚᱵᱷᱚᱨᱠᱚᱨ ᱢᱟᱺᱱ

ᱚᱱᱟ ᱥᱟᱶᱛᱮ ᱟᱭᱢᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱰᱤᱠᱴᱚᱨᱮᱴ ᱢᱟᱺᱱ ᱧᱟᱢ ᱟᱠᱟᱫᱟᱭ

ᱵᱚᱝᱜᱟ ᱛᱟᱞᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱵᱫᱩᱞ ᱠᱚᱞᱟᱢ ᱛᱤᱠᱤᱱ ᱫᱚ ᱥᱤᱞᱚᱝ ᱨᱮᱱᱟᱜ ᱵᱮᱛᱷᱤᱱ ᱦᱚᱥᱯᱤᱴᱟᱞ ᱨᱮ ᱟᱹᱠᱤᱱᱟᱜ ᱥᱟᱦᱮᱸᱫ ᱫᱚ ᱛᱚᱯᱟᱜ ᱞᱮᱱ ᱛᱟᱦᱮᱸᱫ ᱾ ᱜᱟᱞᱚᱪ ᱮᱢ ᱚᱠᱛᱚ ᱨᱮ ᱟᱪᱠᱟ ᱜᱮ ᱯᱷᱚᱠᱚᱥ ᱫᱷᱟᱠ (heartfelt) ᱛᱮ ᱠᱤᱱ ᱵᱷᱤᱸᱫᱟᱲᱮᱱᱟ ᱟᱨ ᱚᱱᱟ ᱛᱟᱭᱚᱢ ᱛᱮ ᱜᱮ ᱛᱷᱟᱹᱨᱛᱤ ᱫᱷᱩᱲᱤ ᱫᱚ ᱠᱤᱱ ᱵᱟᱹᱜᱤ ᱥᱟᱹᱨᱤ ᱠᱮᱜ-ᱟ ᱾[5]

ᱵᱟᱹᱲᱛᱤ ᱠᱟᱛᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. cite book|first=R. K.|last=Pruthi |url=https://books.google.com/?id=Ee3PR5HFBCAC%7C title=President A.P.J. Abdul Kalam| publisher=Anmol Publications| date =2005|isbn= 978-81-261-1344-6| chapter= Ch. 4. Missile Man of India| pages=61–76
  2. cite web|url=http://www.torontosun.com/2015/07/29/indias-mr-missile-a-man-of-the-people?token=8bebcb17cfd851eb0bc06642519e8767%7Ctitle=India's 'Mr. Missile': A man of the people|accessdate=30 July 2015|date=30 July 2015|deadurl=no|archiveurl=https://web.archive.org/web/20150925135024/http://www.torontosun.com/2015/07/29/indias-mr-missile-a-man-of-the-people?token=8bebcb17cfd851eb0bc06642519e8767%7Carchivedate=25 September 2015|df=dmy-all
  3. cite web|url=http://timesofindia.indiatimes.com/city/hyderabad/Kalams-unrealised-Nag-missile-dream-to-become-reality-next-year/articleshow/48267342.cms%7Ctitle=Kalam's unrealised 'Nag' missile dream to become reality next year|accessdate=30 July 2015|date=30 July 2015|deadurl=no|archiveurl=https://web.archive.org/web/20170103225412/http://timesofindia.indiatimes.com/city/hyderabad/Kalams-unrealised-Nag-missile-dream-to-become-reality-next-year/articleshow/48267342.cms%7Carchivedate=3 January 2017|df=dmy-all
  4. cite web|title = APJ Abdul Kalam speaks to Editorial Director M.J. Akbar about presidential elections 2012 : INTERVIEW - India Today|url = http://indiatoday.intoday.in/story/abdul-kalam-presidential-elections-2012-new-book-turning-points/1/203064.html%7Cwebsite = indiatoday.intoday.in|accessdate = 2015-08-04|deadurl = no|archiveurl = https://web.archive.org/web/20150731011511/http://indiatoday.intoday.in/story/abdul-kalam-presidential-elections-2012-new-book-turning-points/1/203064.html%7Carchivedate = 31 July 2015|df = dmy-all
  5. cite news|author1=Rishi Iyengar|title=India Pays Tribute to ‘People’s President’ A.P.J. Abdul Kalam|url=http://time.com/3974357/apj-abdul-kalam-death-tributes-condolences/%7Caccessdate=20 August 2015|work=Time Inc.|date=28 July 2015|deadurl=no|archiveurl=https://web.archive.org/web/20150731002329/http://time.com/3974357/apj-abdul-kalam-death-tributes-condolences/%7Carchivedate=31 July 2015|df=dmy-all