ᱛᱟᱢᱤᱞ ᱞᱟᱠᱪᱟᱨ

ᱛᱟᱢᱤᱞ ᱞᱟᱠᱪᱟᱨ ᱫᱚ ᱛᱟᱢᱤᱞ ᱦᱚᱲ ᱠᱚᱣᱟᱜ ᱞᱟᱠᱪᱟᱨ ᱠᱟᱱᱟ᱾ ᱛᱟᱢᱤᱞ ᱞᱟᱠᱪᱟᱨ ᱫᱚ ᱥᱤᱧᱚᱛ, ᱥᱨᱤᱞᱚᱝᱠᱟ, ᱢᱟᱞᱮᱥᱤᱭᱟ, ᱥᱤᱝᱜᱟᱯᱩᱨ ᱟᱨ ᱡᱮᱜᱮᱛ ᱡᱟᱠᱟᱛ ᱨᱮᱱ ᱛᱟᱢᱤᱞ ᱦᱚᱲ ᱠᱚᱣᱟᱜ ᱠᱟᱹᱨᱤ ᱟᱨ ᱡᱤᱭᱚᱱ ᱠᱷᱟᱸᱰᱟᱣ ᱥᱟᱶ ᱡᱚᱯᱲᱟᱣ ᱢᱮᱱᱟᱜᱼᱟ᱾ ᱛᱟᱢᱤᱞ ᱞᱟᱠᱪᱟᱨ ᱫᱚ ᱯᱟᱹᱨᱥᱤ, ᱥᱟᱶᱦᱮᱫ, ᱮᱱᱮᱡᱼᱥᱮᱨᱮᱧ, ᱛᱷᱤᱭᱮᱴᱟᱨ, ᱦᱚᱲ ᱥᱮᱨᱮᱧ, ᱠᱟᱹᱨᱤ, ᱪᱤᱛᱟᱹᱨ, ᱢᱮᱰᱤᱭᱟ, ᱠᱷᱮᱞᱚᱸᱰ, ᱨᱚᱲᱼᱞᱟᱸᱫᱟ, ᱦᱚᱨᱚᱜ ᱵᱟᱸᱫᱮ, ᱯᱚᱨᱚᱵᱽ ᱢᱟᱱᱟᱣ, ᱧᱮᱱᱮᱞ, ᱫᱷᱚᱨᱚᱢ, ᱨᱟᱹᱭᱨᱤᱛ, ᱜᱟᱶᱛᱟ, ᱥᱟᱬᱮᱥ ᱟᱨ ᱴᱮᱠᱱᱚᱞᱚᱡᱤ ᱛᱟᱞᱟ ᱛᱮ ᱧᱮᱞᱚᱜᱼᱟ᱾

ᱯᱟᱹᱨᱥᱤ ᱟᱨ ᱥᱟᱶᱦᱮᱫ

ᱛᱟᱢᱤᱞ ᱦᱚᱲ ᱠᱚᱣᱟᱜ ᱫᱚ ᱛᱟᱢᱤᱞ ᱯᱟᱹᱨᱥᱤ ᱥᱟᱶ ᱟᱹᱰᱤ ᱜᱟᱹᱦᱤᱨ ᱥᱟᱹᱜᱟᱹᱭ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱥᱟᱶᱦᱮᱫ ᱨᱮ ᱟᱹᱰᱤ ᱫᱷᱟᱣ "ᱛᱟᱢᱤᱞᱟᱱᱱᱟᱭ" "ᱛᱟᱢᱤᱞ ᱟᱭᱚ" ᱢᱮᱱᱛᱮ ᱢᱟᱱᱚᱛ ᱦᱩᱭᱟᱠᱟᱱᱟ᱾ ᱱᱚᱣᱟ ᱫᱚ ᱱᱟᱜᱟᱢᱤᱭᱟᱹ ᱞᱮᱠᱟᱛᱮ ᱥᱮ ᱱᱤᱛᱚᱜ ᱦᱚᱸ ᱛᱟᱢᱤᱞ ᱳᱯᱨᱳᱢ ᱨᱮᱭᱟᱜ ᱛᱟᱞᱢᱟ ᱠᱟᱱᱟ᱾ ᱮᱛᱚᱢ ᱥᱤᱧᱚᱛ ᱨᱮᱭᱟᱜ ᱮᱴᱟᱜ ᱯᱟᱹᱨᱥᱤ ᱠᱚ ᱞᱮᱠᱟ ᱜᱮ, ᱱᱚᱣᱟ ᱫᱚ ᱠᱚᱧᱮ ᱥᱤᱧᱚᱛ ᱨᱮᱭᱟᱜ ᱤᱱᱫᱳᱼᱤᱣᱨᱳᱯᱤᱭᱟᱱ ᱯᱟᱹᱨᱥᱤᱠᱚ ᱠᱷᱚᱱ ᱡᱩᱫᱟᱹ ᱜᱮᱭᱟ᱾ ᱛᱟᱢᱤᱞ ᱯᱟᱹᱨᱥᱤ ᱨᱮ ᱟᱭᱢᱟ ᱯᱨᱳᱴᱳ-ᱰᱨᱟᱵᱷᱤᱰᱤᱭᱟᱱ ᱯᱟᱹᱨᱥᱤ ᱨᱮᱭᱟᱜ ᱪᱩᱨᱤᱛ ᱢᱮᱱᱟᱜᱼᱟ, ᱛᱚᱵᱮ ᱱᱟᱦᱟᱜ ᱛᱟᱢᱤᱞᱱᱟᱰᱩ ᱨᱮ ᱨᱚᱲᱚᱜᱚᱜ ᱠᱟᱱ ᱛᱟᱢᱤᱞ ᱯᱟᱹᱨᱥᱤ ᱨᱮ ᱞᱮᱛᱟᱲ ᱜᱮ ᱥᱚᱸᱥᱚᱠᱨᱤᱛ ᱟᱨ ᱤᱝᱞᱤᱥ ᱠᱷᱚᱱ ᱩᱫᱷᱟᱹᱲ (ᱫᱷᱟᱨᱟ) ᱦᱟᱛᱟᱣ ᱟᱠᱟᱱ ᱟᱹᱲᱟᱹ ᱠᱚ ᱢᱮᱥᱟᱞ ᱧᱮᱞᱚᱜ ᱠᱟᱱᱟ᱾ ᱛᱟᱢᱤᱞ ᱯᱟᱹᱨᱥᱤ ᱟᱹᱰᱤ ᱢᱟᱨᱮ ᱜᱮᱭᱟ, ᱟᱨ ᱵᱷᱟᱨᱚᱛ ᱥᱚᱨᱠᱟᱨ ᱴᱷᱮᱱᱠᱷᱚᱱ ᱱᱚᱣᱟ ᱫᱚ ᱢᱤᱫ ᱥᱟᱥᱛᱨᱤᱭᱚ ᱯᱟᱹᱨᱥᱤ ᱞᱮᱠᱟᱛᱮ ᱢᱟᱱᱚᱛ ᱮ ᱧᱟᱢ ᱟᱠᱟᱫᱟ᱾

ᱵᱟᱨᱦᱮ ᱡᱚᱱᱚᱲ

• ᱛᱟᱢᱤᱞ ᱞᱟᱠᱪᱟᱨ