ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱛᱤᱨᱩᱣᱚᱱᱚᱱᱛᱷᱯᱩᱨᱚᱢ ᱦᱚᱱᱚᱛ
ᱛᱨᱤᱵᱮᱱᱫᱨᱚᱢ ᱦᱚᱱᱚᱛ
ᱠᱮᱨᱚᱞ ᱨᱮᱱᱟᱜ ᱦᱚᱱᱚᱛ
ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱦᱚᱱᱚᱛ ᱨᱮᱱᱟᱜ ᱞᱚᱠᱮᱥᱚᱱ ᱠᱮᱨᱟᱞᱟ ᱨᱮ
ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱦᱚᱱᱚᱛ ᱨᱮᱱᱟᱜ ᱞᱚᱠᱮᱥᱚᱱ ᱠᱮᱨᱟᱞᱟ ᱨᱮ
ᱫᱤᱥᱚᱢ ᱥᱤᱧᱚᱛ
ᱯᱚᱱᱚᱛ ᱠᱮᱨᱟᱞᱟ
ᱦᱮᱰᱠᱩᱣᱟᱴᱚᱨ ᱛᱤᱨᱩᱣᱚᱱᱚᱱᱛᱯᱩᱨᱚᱢ
ᱛᱮᱦᱥᱤᱞ
ᱥᱚᱨᱠᱟᱨ
 • ᱞᱳᱠᱥᱚᱵᱷᱟ ᱵᱟᱪᱷᱱᱟᱣ
 • ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱑᱔
ᱮᱨᱤᱭᱟ
 • ᱜᱩᱴ 2192 ᱠᱤᱢᱤ (846 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (᱒᱐᱑᱑)
 • ᱜᱩᱴ ᱓,᱓᱐᱗,᱒᱘᱔ (ᱠᱚᱲᱟ: ᱑,᱕᱘᱔,᱒᱐᱐; ᱛᱤᱨᱞᱟᱹ: ᱑,᱗᱒᱓,᱐᱘᱔)
 • ᱱᱟᱜᱟᱨ ᱕᱕.᱗᱕%
ᱦᱚᱲ ᱮᱞ
 • ᱥᱮᱪᱮᱫ 99.99
ᱜᱟᱹᱰᱤ ᱨᱤᱡᱤᱥᱴᱨᱤ

KL-01, KL-16, KL-19, KL-20, KL-21, KL-22 KL-74

KL-80
ᱢᱟᱨᱟᱝ ᱰᱟᱦᱟᱨ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱼ ᱖᱖ (NH 66)
Coordinates 8°17′N 76°41′E / 8.28°N 76.68°E / 8.28; 76.68 - 8°54′N 77°17′E / 8.90°N 77.28°E / 8.90; 77.28
Average annual precipitation 1,700 mm

ᱛᱤᱨᱩᱣᱚᱱᱚᱱᱛᱷᱯᱩᱨᱚᱢ ᱦᱚᱱᱚᱛ ᱫᱚᱨᱭᱟ ᱫᱷᱟᱨᱮ ᱨᱮ ᱯᱚᱱᱚᱛ ᱠᱮᱨᱟᱞᱟ ᱨᱮᱱᱟᱜ ᱟᱹᱰᱤ ᱮᱛᱚᱢ ᱦᱚᱱᱚᱛ ᱠᱟᱱᱟ ᱾ ᱦᱚᱱᱚᱛ ᱑᱙᱕᱗ ᱨᱮ ᱵᱮᱱᱟᱣ ᱞᱮᱱᱟ ᱛᱟᱦᱮᱸᱫ, ᱱᱚᱣᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱛᱤᱨᱩᱣᱚᱱᱚᱱᱛᱷᱯᱩᱨᱚᱢ ᱥᱚᱦᱚᱨ ᱨᱮ ᱢᱮᱱᱟᱜᱼᱟ, ᱟᱫᱚ ᱠᱮᱨᱟᱞᱟ ᱨᱮᱱᱟᱜ ᱨᱟᱡᱽᱜᱟᱲ ᱦᱚᱸ ᱠᱟᱱᱟ [᱑]

ᱦᱚᱱᱚᱛ ᱨᱮ ᱒,᱑᱙᱒ ᱵᱚᱨᱜᱚ ᱠᱤᱞᱚᱢᱤᱴᱚᱨ (᱕᱔᱑,᱖᱕᱕ ᱮᱠᱚᱲ) ᱨᱮᱱᱟᱜ ᱴᱚᱴᱷᱟ ᱥᱮᱞᱮᱫ ᱢᱮᱱᱟᱜᱼᱟ ᱾ ᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱛᱮ, ᱱᱚᱶᱟ ᱨᱮᱱᱟᱜ ᱦᱚᱲ ᱮᱞ ᱓,᱓᱐᱖,᱒᱘᱔ ᱛᱟᱦᱮᱸ ᱠᱟᱱᱟ,[᱒]ᱢᱟᱞᱟᱯᱯᱩᱨᱚᱢ ᱦᱚᱱᱚᱛ ᱛᱟᱭᱚᱢ ᱠᱮᱨᱟᱞᱟ ᱨᱮ ᱱᱚᱶᱟ ᱫᱚᱥᱟᱨ ᱟᱹᱰᱤ ᱥᱟᱸᱜᱮ ᱦᱚᱲ ᱮᱞ ᱦᱚᱱᱚᱛ ᱠᱟᱱᱟ[᱓] ᱾ ᱱᱚᱶᱟ ᱦᱚᱱᱚᱛ ᱨᱮᱱᱟᱜ ᱦᱚᱲ ᱮᱞ ᱰᱮᱱᱥᱤᱴᱤ ᱠᱮᱨᱚᱲ ᱨᱮ ᱩᱥᱩᱱᱩᱞ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱑,᱕᱐᱙ ᱛᱟᱦᱮᱸᱱᱟᱠᱚ ᱫᱚᱦᱨᱟ ᱠᱤᱞᱚᱢᱤᱴᱚᱨ (᱓,᱙᱑᱐ ᱫᱚᱦᱨᱟ ᱢᱤᱞ) ᱨᱮ ᱢᱮᱱᱟᱜᱼᱟ [᱔] ᱾ ᱦᱚᱱᱚᱛ ᱫᱚ ᱛᱩᱨᱩᱭ ᱛᱟᱞᱩᱠᱟ ᱨᱮ ᱦᱟᱹᱴᱤᱧ ᱟᱠᱟᱱᱟ: ᱛᱤᱨᱩᱣᱚᱱᱚᱱᱛᱯᱩᱨᱚᱢ, ᱪᱤᱨᱭᱤᱱᱠᱤᱡᱷᱩ, ᱱᱮᱭᱭᱟᱴᱤᱸᱠᱟᱨᱟ,ᱱᱮᱫᱩᱢᱚᱸᱜᱟᱰᱩ, ᱣᱚᱨᱠᱟᱞᱟ ᱟᱨ ᱠᱚᱴᱴᱟᱠᱚᱰᱟ ᱾ ᱦᱚᱱᱚᱛ ᱨᱮ ᱱᱟᱜᱟᱨ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱱᱤᱜᱟᱢ,ᱟᱨ ᱣᱚᱨᱠᱟᱞᱟ ᱱᱮᱭᱭᱟᱴᱤᱱᱠᱟᱨᱟ, ᱟᱴᱤᱝᱜᱟᱞ ᱟᱨ ᱱᱮᱫᱩᱢᱚᱸᱜᱚᱲ ᱱᱟᱜᱟᱨᱯᱟᱞᱤᱠᱟ ᱢᱮᱱᱟᱜᱼᱟ [᱕]

ᱛᱤᱨᱩᱣᱚᱱᱚᱱᱛᱷᱯᱩᱨᱚᱢ ᱦᱚᱱᱚᱛ 8°10′N 76°25′E / 8.17°N 76.41°E / 8.17; 76.41 ᱟᱨ 8°32′N 77°10′E / 8.54°N 77.17°E / 8.54; 77.17 ᱨᱮᱱᱟᱜ ᱛᱟᱞᱟ ᱨᱮ ᱢᱮᱱᱟᱜᱼᱟ ᱾ ᱦᱚᱱᱚᱛ ᱨᱮᱱᱟᱜ ᱟᱹᱰᱤ ᱮᱛᱚᱢ ᱥᱮᱫ ᱨᱮ, ᱠᱟᱱᱭᱟᱠᱩᱢᱟᱨᱤ, ᱢᱩᱬ ᱚᱛ ᱥᱚᱧᱚᱛ ᱨᱮᱱᱟᱜ "ᱞᱮᱸᱰᱥ ᱮᱱᱰ" ᱠᱟᱱᱭᱟᱠᱩᱢᱟᱨᱤ ᱠᱷᱚᱱ ᱕᱖ ᱠᱤᱞᱚᱢᱤᱴᱚᱨ (᱓᱕ ᱢᱤᱞ) ᱥᱟᱸᱜᱤᱧ ᱨᱮ ᱢᱮᱱᱟᱜᱼᱟ[᱖] ᱾ ᱓᱓.᱗᱕% ᱦᱚᱲ ᱮᱞ ᱥᱚᱦᱨᱤ ᱴᱚᱴᱷᱟ ᱨᱮ ᱢᱮᱱᱟᱜ ᱠᱚᱣᱟ [᱗]

ᱦᱚᱱᱚᱛ ᱨᱮ ᱯᱮᱭᱟ ᱢᱩᱬ ᱜᱟᱰᱟ, ᱟᱹᱰᱤ ᱜᱟᱱ ᱦᱮᱲᱮᱢ ᱫᱟᱜ ᱡᱷᱤᱞ ᱟᱨ ᱓᱐᱐ ᱠᱷᱚᱱ ᱰᱮᱦᱮᱨ ᱟᱦᱟᱨ ᱢᱮᱱᱟᱜᱼᱟ ᱾ ᱱᱚᱶᱟ ᱨᱮᱱᱟᱜ ᱥᱟᱢᱟᱝ ᱴᱚᱴᱷᱟ ᱵᱤᱨ ᱢᱮᱱᱟᱜᱼᱟ, ᱠᱚᱧᱮ ᱴᱚᱴᱷᱟ ᱫᱚ ᱰᱮᱦᱮᱫ ᱛᱮᱫ ᱨᱚᱵᱚᱲ ᱪᱟᱥ ᱢᱮᱱᱟᱜᱼᱟ ᱟᱨ ᱛᱟᱨᱟ ᱴᱚᱴᱷᱟ ᱨᱮᱫᱚ ᱱᱟᱠᱚᱲ, ᱠᱟᱭᱨᱟ ᱟᱨ ᱴᱮᱭᱯᱤᱳᱠᱚ ᱨᱮᱱᱟᱜ ᱢᱤᱞᱟᱣᱟᱜ ᱨᱚᱦᱚᱲ ᱦᱟᱥᱟ ᱨᱮ ᱪᱟᱥ ᱫᱟᱲᱮ ᱟ ᱾ ᱵᱮᱱᱟᱣ ᱴᱚᱴᱷᱟ ᱟᱨ ᱪᱟᱣᱞᱮ ᱨᱮᱱᱟᱜ ᱴᱚᱴᱷᱟ ᱦᱟᱥᱟ ᱨᱮ ᱠᱟᱹᱢᱤ ᱯᱮᱭᱴᱨᱱ ᱠᱚ ᱯᱩᱨᱟᱣᱟ [᱘]

ᱧᱩᱛᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱧᱩᱛᱩᱢ, ᱟᱫᱚ ᱦᱚᱱᱚᱛ ᱟᱨ ᱚᱱᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱥᱚᱦᱚᱨ ᱤᱫᱤ ᱛᱮ ᱥᱟᱡᱟᱣ ᱟᱠᱟᱱᱟ, ᱟᱹᱲᱟᱹ "ᱛᱷᱤᱨᱩᱼᱟᱱᱟᱱᱛᱼᱯᱩᱨᱚᱢ" ᱠᱷᱚᱱ ᱦᱮᱡ ᱟᱠᱟᱱᱟ, ᱚᱱᱟ ᱟᱹᱲᱟᱹ ᱨᱮᱱᱟᱜ ᱢᱮᱱᱮᱛ ᱫᱚ " ᱵᱷᱚᱜᱽᱣᱟᱱ ᱟᱱᱟᱱᱛᱟ ᱟᱜ ᱛᱟᱦᱮᱸᱱ"[᱙] ᱾ ᱱᱚᱶᱟ ᱧᱩᱛᱩᱢ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱥᱚᱦᱚᱨ ᱨᱮᱱᱟᱜ ᱛᱟᱞᱢᱟ ᱨᱮ ᱦᱤᱱᱫᱩ ᱢᱚᱱᱫᱤᱨ ᱨᱮᱱᱟᱜ ᱫᱮᱣᱛᱟ ᱠᱷᱚᱱ ᱤᱫᱤ ᱟᱠᱟᱱᱟ ᱾ ᱟᱱᱟᱱᱛᱟ ᱥᱟᱨᱯ, ᱛᱟᱨᱟ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱯᱚᱰᱢᱟᱱᱟᱵᱷᱚᱱ ᱟᱨ ᱵᱤᱥᱬᱩ ᱞᱮᱠᱟᱛᱮ ᱢᱮᱱᱟᱜᱼᱟ ᱾ ᱤᱝᱜᱽᱞᱤᱥ ᱛᱮ ᱦᱚᱱᱚᱛ ᱨᱮᱱᱟᱜ ᱟᱹᱢᱟᱹᱞᱮᱛ ᱧᱩᱛᱩᱢ ᱑᱙᱙᱑ ᱫᱷᱟᱹᱵᱤᱡ ᱛᱨᱤᱵᱮᱱᱫᱨᱚᱢ ᱛᱟᱦᱮᱸ ᱠᱟᱱᱟ, ᱟᱫᱚ ᱥᱚᱨᱠᱟᱨ ᱫᱚ ᱥᱚᱦᱚᱨ ᱨᱮᱱᱟᱜ ᱢᱟᱲᱟᱝ ᱧᱩᱛᱩᱢ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱫᱚ ᱡᱚᱛᱚ ᱯᱟᱹᱨᱥᱤ ᱨᱮ ᱫᱚᱦᱚ ᱠᱮᱜᱼᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱨᱤ ᱯᱚᱰᱢᱟᱱᱟᱵᱷᱟᱥᱣᱚᱢᱤ ᱢᱚᱱᱫᱤᱨ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱨᱮ

ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱥᱚᱦᱚᱨ ᱢᱟᱨᱮ ᱴᱨᱟᱰᱤᱥᱚᱱ, ᱯᱷᱚᱞᱠᱞᱚᱨ ᱟᱨ ᱥᱟᱶᱦᱮᱫ ᱨᱮ ᱢᱩᱬᱩᱫ ᱠᱷᱚᱱ ᱥᱮᱞᱮᱫ ᱢᱮᱱᱟᱜᱼᱟ, ᱡᱮᱞᱮᱠᱟ ᱦᱚᱱᱚᱛ ᱨᱮ ᱟᱹᱰᱤ ᱜᱟᱱ ᱛᱷᱟᱱ ᱨᱮ ᱢᱮᱱᱟᱜᱼᱟ ᱾

᱑᱖᱘᱔ ᱨᱮ, ᱩᱢᱟᱭᱚᱢᱢᱟ ᱨᱟᱱᱤ ᱟᱜ ᱥᱟᱥᱚᱱ ᱡᱩᱜᱽ ᱚᱠᱛᱚ, ᱤᱝᱜᱽᱨᱟᱹᱡᱽ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ ᱫᱚ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱥᱚᱦᱚᱨ ᱨᱮᱱᱟᱜ ᱠᱚᱧᱮ ᱨᱮ ᱓᱒ ᱠᱤᱞᱚᱢᱤᱴᱚᱨ (᱒᱐ ᱢᱤᱞ) ᱠᱚᱧᱮ ᱨᱮ ᱫᱚᱨᱭᱟ ᱫᱷᱟᱨᱮ ᱨᱮ ᱣᱚᱨᱠᱞᱟ ᱥᱩᱨ, ᱮᱸᱪᱩᱛᱷᱮᱸᱜᱩ ᱨᱮ ᱢᱤᱫ ᱜᱤᱛᱤᱞᱟᱱ ᱡᱟᱜᱟ ᱨᱮᱱᱟᱜ ᱫᱚᱠᱷᱚᱞ ᱠᱮᱜᱼᱟ, ᱡᱟᱦᱟᱸ ᱨᱮ ᱢᱤᱫ ᱠᱟᱹᱨᱠᱷᱟᱱᱟ ᱛᱤᱸᱜᱩᱭ ᱞᱟᱹᱜᱤᱫ ᱵᱷᱤᱱᱮ ᱵᱤᱪᱟᱹᱨ ᱛᱟᱦᱮᱸ ᱠᱟᱱᱟ, ᱱᱚᱶᱟ ᱠᱮᱴᱮᱡ ᱞᱟᱹᱜᱤᱫ ᱾ ᱢᱟᱲᱟᱝ ᱱᱚᱶᱟ ᱛᱷᱟᱶ ᱯᱚᱨᱛᱩᱜᱟᱞᱤ ᱤᱫᱤ ᱛᱮ ᱛᱟᱭᱚᱢ ᱥᱟᱥᱟᱱ ᱞᱮᱱ ᱛᱟᱦᱮᱸᱫ, ᱚᱱᱟ ᱛᱟᱭᱚᱢ ᱰᱟᱪ ᱤᱫᱤ ᱛᱮ ᱾ ᱱᱚᱸᱰᱮ ᱤᱝᱜᱽᱨᱮᱡᱽ ᱦᱚᱸ ᱠᱚ ᱛᱟᱦᱮᱸ ᱠᱟᱱᱟ ᱾ ᱤᱝᱜᱽᱨᱟᱹᱡᱽ ᱫᱚ ᱠᱟᱹᱡᱼᱠᱟᱹᱡ ᱛᱮ ᱟᱡᱟᱜ ᱥᱟᱥᱚᱱ ᱫᱚ ᱛᱨᱟᱵᱟᱸᱠᱚᱨ ᱨᱮᱱᱟᱜ ᱮᱢᱟᱱ ᱴᱷᱟᱶ ᱨᱮ ᱵᱟᱲᱦᱟᱣ ᱠᱮᱜᱼᱟ[᱑᱐]

ᱚᱛᱱᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱣᱚᱨᱠᱞᱟ, ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱴᱚᱴᱷᱟ ᱨᱮ ᱪᱟᱹᱴᱟᱹᱱᱤ, ᱮᱛᱚᱢ ᱠᱮᱨᱚᱲ ᱨᱮ ᱢᱤᱫ ᱴᱷᱟᱶ ᱟᱫᱚ ᱟᱨᱚᱵᱽ ᱫᱚᱨᱭᱟ ᱠᱷᱚᱱ ᱵᱷᱤᱨᱮᱣ ᱟᱠᱟᱱᱟ ᱪᱟᱹᱴᱟᱹᱱᱤ ᱥᱟᱞᱟᱜ ᱢᱮᱱᱟᱜᱼᱟ ᱾

ᱦᱚᱱᱚᱛ 8°10′N 76°25′E / 8.17°N 76.41°E / 8.17; 76.41 ᱟᱨ 8°32′N 77°10′E / 8.54°N 77.17°E / 8.54; 77.17 ᱨᱮᱱᱟᱜ ᱛᱟᱞᱟ ᱨᱮ ᱢᱮᱱᱟᱜᱼᱟ ᱾ ᱥᱚᱦᱚᱨ ᱨᱮᱱᱟᱜ ᱟᱹᱰᱤ ᱮᱛᱚᱢ ᱥᱮᱫ, ᱯᱚᱨᱥᱟᱞᱟ, ᱥᱤᱧᱚᱛ ᱨᱮᱱᱟᱜ ᱮᱛᱚᱢ ᱯᱮᱱᱤᱱᱥᱩᱞᱟᱨ ᱴᱤᱯ, ᱠᱮᱯ ᱠᱚᱢᱚᱨᱤᱱ (ᱠᱟᱱᱭᱟ ᱠᱩᱢᱟᱨᱤ) ᱠᱷᱚᱱ ᱕᱔ ᱠᱤᱞᱚᱢᱤᱴᱚᱨ (᱓᱔ ᱢᱤᱞ) ᱥᱟᱸᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱦᱚᱱᱚᱛ ᱯᱟᱪᱮ ᱨᱮ ᱟᱨᱚᱵᱽ ᱫᱚᱨᱭᱟ ᱫᱷᱟᱨᱮ ᱨᱮ ᱗᱘ ᱠᱤᱞᱚᱢᱤᱴᱚᱨ (᱔᱘ ᱢᱤᱞ) ᱫᱷᱟᱹᱵᱤᱡ ᱟᱴᱮᱫ ᱟᱠᱟᱱᱟ ᱾ ᱠᱚᱞᱞᱟᱢ ᱦᱚᱱᱚᱛ ᱠᱚᱧᱮ ᱨᱮ ᱢᱮᱱᱟᱜᱼᱟ ᱾ ᱛᱟᱢᱤᱞᱱᱟᱰᱩ ᱨᱮᱱᱟᱜ ᱛᱤᱨᱩᱱᱮᱞᱵᱮᱞᱤ ᱟᱨ ᱠᱟᱱᱭᱟ ᱠᱩᱢᱟᱨᱤ ᱦᱚᱱᱚᱛ ᱥᱟᱶᱛᱮ ᱥᱟᱢᱟᱝ ᱟᱨ ᱮᱛᱚᱢ ᱨᱮ ᱢᱮᱱᱟᱜᱼᱟ[᱑᱑]

ᱦᱚᱨ ᱰᱟᱦᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱖᱖ (ᱟᱫᱚ ᱢᱟᱲᱟᱝ ᱫᱚ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱔᱗ ᱞᱮᱠᱟᱛᱮ ᱵᱟᱰᱟᱭᱚᱜ ᱠᱟᱱᱟ ᱛᱟᱦᱮᱸᱫ) ᱠᱟᱞᱤᱭᱟᱠᱤᱠᱵᱤᱞᱟ ᱠᱷᱚᱱ ᱱᱚᱣᱟ ᱨᱮᱱᱟᱜ ᱮᱛᱚᱢ ᱥᱮᱫ ᱨᱮ ᱠᱚᱧᱮ ᱨᱮ ᱯᱚᱨᱤᱯᱟᱞᱞᱤ ᱥᱩᱨ ᱱᱟᱣᱵᱤᱠᱩᱞᱚᱢ ᱫᱷᱟᱹᱨᱤᱡ ᱟᱴᱮᱫ ᱟᱠᱟᱱᱟ, ᱟᱫᱚ ᱦᱚᱱᱚᱛ ᱨᱮᱱᱟᱜ ᱵᱷᱤᱛᱟᱹᱨ ᱘᱐ ᱠᱤᱞᱚᱢᱤᱴᱚᱨ (᱕᱐ ᱢᱤᱞ) ᱨᱮᱱᱟᱜ ᱥᱟᱸᱜᱤᱧ ᱥᱮᱱᱚᱜ ᱟ ᱾[᱑᱒] ᱢᱩᱬ ᱛᱟᱞᱢᱟ ᱰᱟᱦᱟᱨ ᱕᱕ ᱠᱤᱞᱚᱢᱤᱴᱚᱨ (᱓᱔ ᱢᱤᱞ) ᱥᱟᱸᱜᱤᱧ ᱥᱮᱱᱚᱜ ᱟ, ᱟᱫᱚ ᱠᱚᱧᱮ ᱨᱮ ᱠᱮᱥᱚᱵᱫᱟᱥᱯᱩᱨᱚᱢ, ᱵᱮᱢᱵᱟᱭᱚᱢ, ᱵᱮᱸᱡᱽᱨᱟᱢᱩᱰᱩ, ᱠᱤᱞᱤᱢᱱᱩᱨ ᱟᱨ ᱱᱤᱞᱢᱮᱞ ᱞᱮᱠᱟᱛᱮ ᱥᱮᱱᱚᱜ ᱟ ᱾ ᱠᱮᱨᱟᱞᱟ ᱞᱳᱠ ᱵᱮᱱᱟᱣ ᱵᱤᱵᱷᱟᱜ ᱦᱚᱱᱚᱛ ᱨᱮ ᱑,᱕᱕᱒ ᱠᱤᱞᱚᱢᱤᱴᱚᱨ (᱙᱖᱔ ᱢᱤᱞ) ᱥᱚᱲᱚᱠ ᱨᱮᱱᱟᱜ ᱫᱚᱦᱚ ᱭᱟ ᱾ ᱞᱚᱠᱟᱞ ᱥᱚᱲᱚᱠ ᱨᱮᱱᱟᱜ ᱙,᱕᱐᱐ ᱠᱤᱞᱚᱢᱤᱴᱚᱨ (᱕,᱙᱐᱐ ᱢᱤᱞ) ᱨᱮᱱᱟᱜ ᱫᱚᱦᱚ ᱞᱟᱹᱜᱤᱫ ᱢᱮᱱᱟᱜᱼᱟ ᱾ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱦᱚᱱᱚᱛ ᱨᱮ ᱑᱑᱖ ᱯᱚᱞ ᱢᱮᱱᱟᱜᱼᱟ ᱾

ᱦᱚᱱᱚᱛ ᱨᱮ ᱨᱮᱞ ᱦᱚᱨ ᱰᱟᱦᱟᱨ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱨᱮᱱᱟᱜ ᱮᱛᱚᱢ ᱨᱮᱞᱣᱮ ᱴᱚᱴᱷᱟ ᱤᱫᱤ ᱪᱟᱪᱞᱟᱣ ᱠᱟᱱᱟ ᱾ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱵᱨᱳᱰ ᱜᱮᱡᱽ ᱨᱮᱞᱣᱮ ᱞᱟᱭᱤᱱ ᱤᱫᱤ ᱫᱤᱥᱚᱢ ᱨᱮᱱᱟᱜ ᱟᱨ ᱛᱟᱨᱟ ᱴᱷᱟᱶ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱦᱚᱱᱚᱛ ᱠᱷᱚᱱ ᱘᱒ ᱠᱤᱞᱚᱢᱤᱴᱚᱨ (᱕᱑ ᱢᱤᱞ) ᱨᱮᱞᱣᱮ ᱞᱟᱭᱤᱱ ᱥᱮᱱᱚᱜ ᱠᱟᱱᱟ ᱾[᱑᱓] ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱦᱚᱱᱚᱛ ᱨᱮ ᱱᱤᱛᱚᱜ ᱛᱟᱦᱮᱸ ᱦᱟᱱᱛᱟᱨᱚ ᱞᱟᱹᱜᱤᱫ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱛᱟᱞᱢᱟ ᱨᱮᱞᱣᱮ ᱥᱴᱮᱥᱚᱱ ᱥᱟᱶᱛᱮ ᱒᱐ ᱥᱴᱮᱥᱚᱱ ᱢᱮᱱᱟᱜᱼᱟ ᱾

ᱛᱨᱤᱵᱮᱱᱫᱨᱚᱢ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱠᱷᱚᱱ ᱰᱚᱢᱮᱥᱴᱤᱠ ᱟᱨ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱜᱟᱰᱤ ᱥᱮᱵᱟ ᱪᱟᱪᱞᱟᱣ ᱦᱩᱭᱩᱜ ᱟ, ᱡᱟᱦᱟᱸ ᱨᱮ ᱠᱩᱵᱮᱛ ᱥᱤᱴᱤ, ᱫᱩᱵᱟᱭ, ᱫᱚᱢᱢᱟᱢ, ᱥᱤᱝᱜᱟᱯᱩᱨ, ᱢᱟᱞᱮ, ᱠᱚᱞᱚᱢᱵᱚ, ᱥᱟᱨᱡᱟᱦ, ᱢᱚᱥᱠᱟᱴ, ᱢᱟᱱᱟᱢᱟ, ᱫᱚᱦᱟ, ᱡᱮᱫᱫᱟ ᱟᱨ ᱟᱵᱩ ᱫᱷᱟᱵᱤ ᱥᱟᱶᱛᱮ ᱟᱹᱰᱤ ᱜᱟᱱ ᱡᱮᱡᱟᱹᱛᱤᱭᱟᱹᱨᱤ ᱥᱚᱦᱚᱨ ᱞᱟᱹᱜᱤᱫ ᱥᱚᱡᱷᱮ ᱩᱰᱟᱹᱜ ᱟ ᱾ ᱰᱚᱢᱮᱥᱴᱤᱠ ᱩᱰᱟᱹᱱ ᱱᱚᱣᱟ ᱪᱮᱱᱱᱟᱭ, ᱫᱤᱞᱞᱤ, ᱢᱩᱢᱵᱟᱭ, ᱦᱟᱭᱫᱨᱟᱵᱟᱫᱽ, ᱵᱟᱸᱜᱽᱞᱳᱨ ᱟᱨ ᱠᱚᱞᱠᱟᱛᱟ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾

ᱦᱚᱲ ᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱮᱨᱚᱞ ᱵᱤᱫᱷᱟᱱ ᱥᱚᱵᱷᱟ ᱵᱷᱚᱵᱚᱱ: ᱱᱟᱣᱟ ᱵᱤᱫᱷᱟᱱ ᱵᱞᱚᱠ ᱨᱮᱱᱟᱜ ᱯᱩᱨᱟᱹᱣ ᱮᱱᱟ ᱒᱒ ᱢᱮᱭ ᱑᱙᱙᱘ ᱨᱮ ᱚᱱᱟ ᱛᱟᱭᱚᱢ ᱨᱟᱥᱴᱨᱟᱯᱚᱛᱤ ᱥᱨᱤ ᱠᱮ.ᱟᱨ. ᱱᱚᱨᱚᱭᱚᱬᱚᱱ ᱾

᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱦᱚᱱᱚᱛ ᱨᱮᱱᱟᱜ ᱦᱚᱲ ᱮᱞ ᱓,᱓᱐᱗,᱒᱘᱔ ᱜᱟᱱ ᱢᱮᱱᱟᱜ ᱠᱚᱣᱟ ᱾ ᱱᱚᱣᱟ ᱥᱤᱧᱚᱛ ᱨᱮ ᱜᱩᱴ ᱖᱔᱐ ᱦᱚᱱᱚᱛ ᱠᱷᱚᱱ ᱫᱚ ᱑᱐᱓ ᱟᱱᱟᱜ ᱛᱷᱟᱱ ᱨᱮ ᱢᱮᱱᱟᱜᱼᱟ ᱾[᱓] ᱦᱚᱱᱚᱛ ᱨᱮᱱᱟᱜ ᱦᱚᱲ ᱮᱞ ᱰᱮᱱᱥᱤᱴᱤ ᱑,᱕᱐᱙ ᱫᱚᱦᱨᱟ ᱠᱤᱞᱚᱢᱤᱴᱚᱨ (᱓,᱙᱑᱐ ᱫᱚᱦᱨᱟ ᱢᱤᱞ) ᱢᱮᱱᱟᱜᱼᱟ ᱾[᱓] ᱒᱐᱐᱑-᱒᱐᱑᱑ ᱨᱮᱱᱟᱜ ᱜᱮᱞ ᱥᱮᱨᱢᱟ ᱨᱮ ᱱᱚᱣᱟ ᱨᱮᱱᱟᱜ ᱦᱚᱲ ᱮᱞ ᱜᱨᱚᱴ ᱫᱚᱨ ᱒,᱒᱕% ᱛᱟᱦᱮᱸ ᱠᱟᱱᱟ ᱾[᱓] ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱨᱮ ᱜᱚᱴᱟ ᱑᱐᱐᱐ ᱠᱚᱲᱟ ᱨᱮ ᱑᱐᱘᱘ ᱛᱤᱨᱞᱟᱹ ᱟᱜ ᱡᱟᱱᱟᱝ ᱢᱮᱱᱟᱜᱼᱟ,[᱓] ᱟᱨ ᱥᱮᱪᱮᱫ ᱫᱚᱨ ᱙᱒.᱖᱖% ᱢᱮᱱᱟᱜᱼᱟ ᱾[᱓]

ᱦᱚᱲ ᱮᱞᱥᱚᱝ ᱱᱟᱜᱟᱢ
YearPop.±% p.a.
᱑᱙᱐᱑᱔᱘᱔,᱔᱙᱓—    
᱑᱙᱑᱑᱕᱖᱙,᱔᱗᱒+1.63%
᱑᱙᱒᱑᱖᱖᱖,᱓᱙᱓+1.58%
᱑᱙᱓᱑᱘᱕᱖,᱘᱕᱑+2.55%
᱑᱙᱔᱑᱑,᱐᱑᱕,᱐᱕᱗+1.71%
᱑᱙᱕᱑᱑,᱓᱒᱗,᱘᱑᱒+2.72%
᱑᱙᱖᱑᱑,᱗᱔᱔,᱕᱓᱑+2.77%
᱑᱙᱗᱑᱒,᱑᱙᱘,᱖᱐᱖+2.34%
᱑᱙᱘᱑᱒,᱕᱙᱖,᱑᱑᱒+1.68%
᱑᱙᱙᱑᱒,᱙᱔᱖,᱖᱕᱐+1.27%
᱒᱐᱐᱑᱓,᱒᱓᱔,᱓᱕᱖+0.94%
᱒᱐᱑᱑᱓,᱓᱐᱑,᱔᱒᱗+0.21%
source:[᱑᱔]

ᱯᱟᱹᱨᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱞᱟᱭᱟᱞᱚᱢ ᱜᱳ ᱯᱟᱹᱨᱥᱤ ᱠᱟᱱᱟ ᱾ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱥᱚᱦᱚᱨ ᱥᱟᱸᱜᱮ ᱢᱟᱦᱟᱱᱟᱜᱟᱨᱤ ᱠᱟᱱᱟ,ᱡᱟᱦᱟᱸ ᱨᱮ ᱢᱚᱞᱟᱭᱟᱞᱚᱢ, ᱤᱝᱜᱽᱞᱤᱥ, ᱛᱟᱢᱤᱞ, ᱦᱤᱱᱫᱤ, ᱛᱩᱞᱩ ᱟᱨ ᱜᱩᱡᱽᱨᱟᱛᱤ ᱨᱮᱱᱟᱜ ᱢᱤᱫ ᱠᱮᱡ ᱯᱨᱟᱥᱮᱸᱴ ᱥᱟᱶᱛᱮ ᱯᱟᱹᱨᱥᱤ ᱨᱮᱱᱟᱜ ᱨᱚᱲ ᱦᱚᱲ ᱢᱮᱱᱟᱜ ᱠᱚᱣᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. [᱑] Archived ᱘ ᱢᱟᱨᱪ ᱒᱐᱑᱐ at the Wayback Machine.
  2. "CENSUS OF INDIA 2011" (PDF). PROVISIONAL POPULATION TOTALS INDIA, KERALA STATE AND DISTRICTS. Government of India. Retrieved 24 ᱮᱯᱨᱤᱞ 2011. 
  3. ᱓.᱐ ᱓.᱑ ᱓.᱒ ᱓.᱓ ᱓.᱔ ᱓.᱕ "District Census 2011". Census2011.co.in. 2011. Retrieved 24 ᱚᱠᱴᱚᱵᱚᱨ 2013. 
  4. "CENSUS OF INDIA 2011" (PDF). Provisional Population Totals Kerala. Government of India. p. 45. Retrieved 24 ᱮᱯᱨᱤᱞ 2011. 
  5. "Districts Thiruvananthapuram". indiastudychannel. Retrieved 21 ᱡᱩᱞᱟᱭ 2010. 
  6. "A Brief History" (PDF). District Handbooks of Kerala: Thiruvananthapuram. Government of Kerala. Retrieved 18 ᱢᱟᱨᱪ 2015. 
  7. "TVM Urbanaisation". censusindia. Archived from the original on 11 ᱡᱟᱱᱩᱣᱟᱨᱤ 2010.  Unknown parameter |url-status= ignored (help)
  8. "Keralapages.org". keralapages.org. Retrieved 19 ᱢᱟᱨᱪ 2018. 
  9. "About Thiruvananthapuram". Thiruvananthapuram Municipal Corporation. Archived from the original on 18 ᱥᱮᱯᱴᱮᱢᱵᱚᱨ 2010. Retrieved 29 ᱚᱠᱴᱚᱵᱚᱨ 2010.  Unknown parameter |url-status= ignored (help)
  10. "TVPM History". Government of Kerala. Archived from the original on 7 ᱯᱷᱮᱵᱽᱨᱩᱣᱟᱨᱤ 2009.  Unknown parameter |url-status= ignored (help)
  11. "Geography". Government of Kerala. Archived from the original on 7 ᱯᱷᱮᱵᱽᱨᱩᱣᱟᱨᱤ 2009.  Unknown parameter |url-status= ignored (help)
  12. Infrastructure Roads Archived ᱑᱖ ᱚᱠᱴᱚᱵᱚᱨ ᱒᱐᱐᱙ at the Wayback Machine.
  13. Rail Transport Archived ᱑᱐ ᱯᱷᱮᱵᱽᱨᱩᱣᱟᱨᱤ ᱒᱐᱑᱒ at the Wayback Machine.
  14. Decadal Variation In Population Since 1901

1city.in

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]