ᱛᱤᱵᱤᱞᱤᱥᱤ

ᱛᱤᱵᱤᱞᱤᱥ Tbilisi თბილისი
Capital city
ᱨᱮᱫ:Tbilisi Kartlis Deda monument IMG 8855 1920.jpg From top: View of Tbilisi, Holy Trinity Cathedral (Sameba), Kartlis Deda, Abanotubani, view from Narikala, Narikala Fortress
Flag ᱥᱤᱞ
ᱛᱤᱵᱤᱞᱤᱥ Tbilisi ᱛᱤᱵᱤᱞᱤᱥ Tbilisi ᱛᱤᱵᱤᱞᱤᱥ Tbilisi ᱛᱤᱵᱤᱞᱤᱥ Tbilisi
Coordinates: 41°43′N 44°47′E
Country	Georgia
Established	c. AD 479
ᱥᱚᱨᱠᱟᱨ
• Mayor	Kakha Kaladze
ᱮᱨᱤᱭᱟ
• Capital city	᱑᱙᱔.᱗ ᱜᱟᱺᱴ ᱢᱟᱭᱤᱞ (᱕᱐᱔.᱒ ᱠᱤᱢᱤ২)
ᱵᱟᱹᱱᱟᱹᱲᱛᱤ ᱩᱥᱩᱞ	770 ᱢᱤᱴᱚᱨ (2530 ᱯᱷᱩᱴ)
ᱦᱩᱱᱩᱰᱤᱧ ᱩᱥᱩᱞ	380 ᱢᱤᱴᱚᱨ (1250 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(2018)
• Capital city	᱑,᱑᱕᱘,᱗᱐᱐
• ᱰᱮᱱᱥᱤᱴᱤ	3194.38/ᱠᱤᱢᱤ2 (8273.4/ᱜᱟᱺᱴ ᱢᱟᱹᱭᱤᱞ)
• ᱢᱟᱦᱟᱱᱟᱜᱟᱨ	᱑,᱔᱘᱕,᱒᱙᱓
Demonym(s)	Tbilisian Tbilisite
Georgian Time (ᱭᱩᱴᱤᱥᱤ+4)
ᱮᱨᱤᱭᱟ ᱠᱳᱰ(ᱠᱚ)	+995 32
GDP	2018
– Total	GEL20.5bil. ($8B)
– Per capita	GEL17,700 ($7052)
HDI (2017)	0.857 – very high
ᱣᱮᱵᱽᱥᱟᱭᱤᱴ	http://www.tbilisi.gov.ge/

ᱛᱤᱵᱤᱞᱤᱥᱤ (English: /təbɪˈliːsi, təˈbɪlɪsi/ tə-bih-LEE-see, tə-BIL-ih-see;[6] Georgian: თბილისი [tʰbilisi] (About this soundlisten)), ᱫᱚ ᱡᱚᱨᱡᱤᱭᱟ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱱᱚᱶᱟ ᱫᱚ ᱠᱩᱨᱟ ᱜᱟᱰᱟ ᱟᱲᱮ ᱨᱮ ᱵᱮᱱᱟᱣ ᱟᱠᱟᱱ ᱢᱤᱫᱴᱮᱱ ᱥᱚᱦᱚᱨ ᱠᱟᱱᱟ ᱾ ᱱᱚᱸᱰᱮ ᱯᱨᱟᱭ ᱑᱕ ᱞᱟᱠᱷ ᱢᱟᱹᱱᱢᱤ ᱢᱮᱱᱟᱜ ᱠᱚᱣᱟ ᱾

ᱮᱥᱤᱭᱟ ᱟᱨ ᱤᱣᱨᱳᱯ ᱨᱮᱱᱟᱜ ᱛᱟᱞᱟ ᱨᱮ ᱜᱷᱟᱸᱡᱮᱲᱛᱮ ᱱᱚᱣᱟ ᱥᱚᱦᱚᱨ ᱢᱮᱱᱟᱜ ᱠᱷᱟᱹᱛᱤᱨ ᱟᱨ ᱥᱤᱞᱠ ᱨᱳᱰ ᱠᱷᱚᱱ ᱥᱩᱨ ᱠᱷᱟᱹᱛᱤᱨ ᱱᱟᱜᱟᱢ ᱨᱮ ᱛᱤᱵᱤᱞᱤᱥ ᱫᱚ ᱮᱴᱟᱜ ᱠᱚ ᱴᱷᱮᱱ ᱟᱹᱰᱤᱜᱮ ᱧᱩᱛᱩᱢᱟᱱ ᱡᱟᱜᱟ ᱠᱟᱱᱟ ᱾ ᱱᱚᱶᱟ ᱥᱚᱦᱚᱨ ᱫᱚ ᱱᱟᱱᱟᱦᱩᱱᱟᱹᱨ ᱵᱟᱹᱱᱤᱡ ᱯᱨᱚᱠᱚᱞᱯᱚ ᱨᱮᱱᱟᱜ ᱤᱫᱤᱟᱹᱜᱩ ᱦᱤᱥᱟᱹᱵᱛᱮ ᱟᱹᱰᱤᱜᱮ ᱡᱟᱹᱨᱩᱲᱟᱱ ᱠᱟᱱᱟ ᱾

ᱱᱟᱜᱟᱢ ᱞᱮᱠᱟᱛᱮ ᱛᱤᱵᱤᱞᱤᱥᱤ ᱨᱮ ᱫᱚ ᱱᱟᱱᱟᱦᱩᱱᱟᱹᱨ ᱟᱹᱨᱤᱪᱟᱹᱞᱤ ᱟᱨ ᱫᱷᱚᱨᱚᱢ ᱨᱮᱱ ᱢᱟᱹᱱᱢᱤ ᱠᱚᱣᱟᱜ ᱵᱟᱥ ᱛᱷᱟᱱ ᱠᱟᱱᱟ ᱾ ᱮᱱᱨᱮᱦᱚᱸ ᱱᱚᱸᱰᱮ ᱫᱚ ᱥᱟᱢᱟᱝ ᱚᱨᱛᱷᱚᱰᱚᱠᱥ ᱤᱥᱟᱹᱭ ᱢᱟᱹᱱᱢᱤ ᱠᱚ ᱡᱟᱹᱥᱛᱤ ᱜᱮᱭᱟ ᱾

ᱧᱩᱛᱩᱢ

ᱛᱤᱵᱤᱞᱤᱥᱤ ᱧᱩᱛᱩᱢ ᱫᱚ ᱢᱟᱨᱮ ᱡᱚᱨᱡᱤᱭᱟ ᱛ'ᱵᱤᱞᱤᱥᱤ (თბილისი), ᱟᱨ ᱛᱟᱭᱚᱢ ᱫᱟᱨᱟᱢ ᱴᱤᱯᱞᱤ (თბილი, "ᱞᱚᱞᱚ") ᱟᱹᱲᱟ ᱠᱷᱚᱱ ᱦᱮᱡ ᱟᱠᱟᱱᱟ ᱾ ᱛᱤᱵᱤᱞᱤ ᱥᱮ ᱛᱤᱵᱤᱞᱤᱥᱤ ᱨᱮᱱᱟᱜ ᱟᱥᱚᱞ ᱢᱟᱱᱮ ᱫᱚ ᱦᱩᱭᱩᱜ ᱠᱟᱱᱟ ᱩᱨᱜᱩᱢ ᱡᱟᱜᱟ ᱾

᱑᱙᱓᱖ ᱥᱮᱨᱢᱟ ᱫᱷᱟᱹᱵᱤᱡ ᱱᱚᱣᱟ ᱡᱟᱜᱟ ᱨᱮᱱᱟᱜ ᱧᱩᱛᱩᱢ ᱫᱚ ᱤᱝᱨᱮᱡᱤ ᱛᱮ ᱛᱟᱸᱦᱮᱸᱠᱟᱱᱟ᱾ ᱮᱴᱟᱜ ᱯᱟᱹᱨᱥᱤ ᱠᱚᱛᱮ ᱫᱚ ᱴᱤᱯᱷᱞᱤᱥ ᱟᱨ ᱡᱚᱨᱡᱤᱭᱟ ᱯᱟᱹᱨᱥᱤ ᱛᱮ ᱴᱤᱯᱞᱤᱥᱤ (ტფილისი) ᱾

ᱱᱟᱜᱟᱢ

ᱯᱟᱹᱦᱤᱞ ᱵᱨᱳᱸᱡᱽ ᱡᱩᱜᱽ ᱟᱨ ᱯᱟᱣᱞᱤᱣᱳᱞᱤᱛᱷᱤᱠᱡᱩᱜᱽ ᱨᱮᱱᱟᱜ ᱫᱷᱤᱨᱤ ᱨᱮᱱᱟᱜ ᱪᱤᱱᱦᱟᱹ ᱠᱩ ᱞᱮᱠᱟᱛᱮ ᱫᱤᱜᱷᱳᱢᱤ ᱥᱚᱦᱚᱨᱛᱚᱞᱤᱨᱮ ᱛᱤᱵᱤᱞᱤᱥᱤ ᱠᱳᱣᱟᱜ ᱵᱟᱥ ᱛᱟᱸᱦᱮᱸᱠᱟᱱᱟ᱾ ᱵᱨᱳᱸᱡᱽ ᱡᱩᱜᱽ ᱨᱮᱱᱟᱜ ᱢᱩᱪᱟᱹᱫ ᱟᱨ ᱢᱮᱬᱦᱮᱫ ᱡᱩᱜᱽ ᱨᱮᱱᱟᱜ ᱮᱛᱦᱚᱵ ᱥᱮᱡ ᱱᱚᱣᱟ ᱫᱚ ᱠᱚᱠᱮᱥᱟᱥ ᱠᱳᱣᱟᱜ ᱡᱚᱛᱚᱠᱷᱚᱱ ᱞᱟᱹᱴᱩ ᱵᱟᱥ ᱛᱟᱸᱦᱮᱸᱠᱟᱱᱟ᱾

ᱮᱥᱤᱭᱟ ᱟᱨ ᱤᱣᱨᱳᱯ ᱨᱮᱱᱟᱜ ᱛᱟᱞᱟ ᱨᱮᱱᱟᱜ ᱡᱟᱜᱟ ᱠᱷᱟᱹᱛᱤᱨ ᱱᱚᱣᱟ ᱫᱚ ᱟᱹᱰᱤ ᱧᱩᱛᱩᱢᱟᱱ ᱡᱟᱜᱟ ᱛᱟᱸᱦᱮᱸᱠᱟᱱᱟ᱾ ᱚᱱᱟ ᱠᱟᱨᱚᱱᱛᱮ ᱨᱳᱢᱟᱱ ᱥᱟᱢᱨᱟᱡᱡᱚ, ᱯᱟᱨᱛᱷᱤᱭᱟ, ᱥᱟᱥᱟᱱᱤᱰ ᱯᱟᱨᱥᱤᱭᱟ, ᱟᱨᱚᱵᱠᱩ, ᱵᱟᱭᱡᱮᱹᱱᱴᱟᱭᱤᱱ ᱥᱟᱢᱨᱟᱡᱡᱚ ᱟᱨ ᱥᱮᱹᱞᱡᱩᱠ ᱛᱩᱨᱠᱤ ᱮᱢᱟᱱ ᱛᱮᱭᱟᱜ ᱠᱩ ᱵᱷᱤᱛᱨᱤᱨᱮ ᱫᱟᱲᱮ ᱩᱫᱩᱜ ᱨᱮᱱᱟᱜ ᱢᱤᱫᱴᱮᱱ ᱡᱟᱜᱟ ᱛᱟᱸᱦᱮᱸᱠᱟᱱᱟ᱾

᱕᱗᱐ ᱥᱟᱭ ᱥᱮᱨᱢᱟ ᱠᱷᱚᱱ ᱖᱒᱗ ᱥᱮᱨᱢᱟ ᱫᱷᱟᱹᱵᱤᱡ ᱯᱟᱨᱥᱤᱭᱟᱱ ᱠᱩ ᱱᱚᱣᱟ ᱡᱟᱜᱟ ᱠᱩ ᱥᱟᱥᱚᱱ ᱟᱠᱟᱫᱟ ᱡᱚᱛᱚᱠᱷᱚᱱ ᱫᱷᱟᱹᱵᱤᱡ ᱵᱟᱭᱡᱮᱹᱱᱴᱟᱭᱤᱱ ᱥᱮᱹᱱᱟ ᱠᱩ ᱱᱚᱣᱟ ᱵᱟᱹᱠᱩ ᱫᱚᱠᱷᱚᱞ ᱟᱠᱟᱫ ᱛᱟᱸᱦᱮᱸᱱᱟ᱾ ᱗᱓᱖-᱗᱓᱘ ᱥᱮᱨᱢᱟ ᱵᱷᱤᱛᱨᱤᱨᱮ ᱟᱨᱚᱵ ᱠᱚ ᱱᱚᱸᱰᱮ ᱠᱩ ᱵᱚᱞᱚᱭᱱᱟ ᱟᱨ ᱠᱩ ᱫᱚᱠᱷᱚᱞ ᱠᱮᱫᱟ᱾ ᱗᱖᱔ ᱥᱮᱨᱢᱟ ᱥᱮᱡ ᱛᱤᱵᱤᱞᱤᱥᱤ ᱡᱚᱠᱷᱚᱱ ᱟᱨᱚᱵ ᱠᱳᱣᱟᱜ ᱫᱚᱠᱷᱚᱞ ᱨᱮᱜᱮ ᱛᱟᱸᱦᱮᱸᱠᱟᱱᱟ ᱩᱱ ᱡᱚᱠᱷᱚᱡ ᱜᱮ ᱵᱟᱭᱡᱮᱹᱱᱴᱟᱭᱤᱱ ᱠᱷᱚᱡᱟ ᱴᱷᱮᱱ ᱠᱩ ᱦᱟᱨᱟᱣ ᱞᱮᱱᱟ᱾ ᱛᱤᱵᱤᱞᱤᱥᱤᱛᱮ ᱟᱨᱚᱵ ᱠᱳᱣᱟ ᱥᱟᱥᱚᱱ ᱑᱐᱕᱐ ᱫᱷᱟᱹᱵᱤᱡ ᱴᱤᱠᱟᱹᱣ ᱛᱟᱸᱦᱮᱸᱠᱟᱱᱟ᱾ ᱑᱐᱖᱘ ᱥᱮᱡ ᱛᱩᱨᱠᱤ ᱥᱟᱥᱚᱱ ᱨᱮ ᱱᱚᱣᱟ ᱥᱚᱦᱚᱨ ᱫᱚᱠᱷᱚᱞ ᱞᱮᱱᱟ᱾

ᱤᱱᱟᱹ ᱛᱟᱭᱚᱢ ᱢᱚᱝᱜᱚᱞ ᱥᱟᱥᱚᱱ, ᱤᱨᱟᱱᱤ ᱥᱟᱥᱚᱱ, ᱨᱟᱥᱤᱭᱟ ᱥᱟᱥᱚᱱ ᱟᱨ ᱢᱩᱪᱟᱹᱫᱨᱮ ᱥᱳᱵᱷᱤᱭᱮᱛ ᱥᱟᱥᱚᱱ ᱛᱟᱸᱦᱮᱸᱠᱟᱱᱟ᱾ ᱥᱳᱵᱷᱤᱭᱮᱛ ᱤᱣᱱᱤᱭᱚᱱ ᱨᱟᱹᱯᱩᱫ ᱛᱟᱭᱚᱢ ᱱᱚᱣᱟ ᱥᱚᱦᱚᱨᱨᱮ ᱟᱨᱦᱚᱸ ᱞᱟᱹᱲᱦᱟᱹᱭ ᱡᱷᱟᱜᱽᱲᱟ ᱰᱷᱤᱨ ᱞᱮᱱᱟ᱾

ᱚᱛᱱᱚ

ᱛᱤᱵᱤᱞᱤᱥᱤ ᱫᱚ ᱠᱚᱧᱮ ᱠᱚᱠᱮᱥᱟᱥ ᱨᱮ ᱔᱑°᱔᱓' ᱮᱛᱚᱢ ᱚᱠᱠᱷᱟᱝᱥᱚ ᱟᱨ ᱔᱔°᱔᱗' ᱥᱟᱢᱟᱝ ᱫᱨᱟᱜᱷᱤᱢᱟᱝᱥᱚ ᱨᱮ ᱢᱮᱱᱟᱜᱼᱟ᱾ ᱱᱚᱣᱟ ᱥᱚᱦᱚᱨ ᱫᱚ ᱢᱟᱛᱠᱳᱣᱟᱨᱤ ᱜᱟᱰᱟ ᱟᱲᱮᱨᱮ ᱥᱟᱢᱟᱝ ᱡᱚᱨᱡᱤᱭᱟ ᱨᱮ ᱢᱮᱱᱟᱜᱼᱟ᱾ ᱫᱚᱨᱮᱭᱟ ᱠᱷᱚᱱ ᱱᱚᱣᱟ ᱥᱚᱦᱚᱨ ᱫᱚ ᱓᱘᱐-᱗᱗᱐ ᱢᱤᱴᱟᱨ ᱪᱮᱛᱟᱱ ᱨᱮ ᱢᱮᱱᱟᱜᱼᱟ᱾

ᱢᱟᱹᱱᱢᱤ ᱟᱨ ᱟᱹᱨᱤᱪᱟᱹᱞᱤ

ᱟᱭᱢᱟ ᱨᱚᱠᱚᱢ ᱟᱹᱨᱤᱪᱟᱹᱞᱤ ᱨᱮᱱ ᱢᱟᱹᱱᱢᱤ ᱱᱚᱣᱟ ᱥᱚᱦᱚᱨ ᱨᱮ ᱢᱮᱱᱟᱜ ᱠᱳᱣᱟ᱾ ᱱᱚᱸᱰᱮ ᱫᱚ ᱘᱙% ᱡᱚᱨᱡᱤᱭᱟᱱ ᱠᱩ ᱥᱟᱶ ᱟᱨᱢᱮᱱᱤᱭᱟᱱ, ᱨᱟᱥᱤᱭᱟᱱ, ᱟᱡᱟᱨᱵᱟᱭᱡᱟᱱᱤᱭᱳ ᱠᱩ ᱦᱚᱸ ᱥᱟᱸᱜᱮ ᱜᱮ ᱢᱮᱱᱟᱜ ᱠᱳᱣᱟ᱾ ᱤᱱᱟᱹ ᱥᱟᱶ ᱥᱟᱶ ᱳᱥᱤᱭᱮᱥᱤᱭᱟᱱ, ᱟᱵᱠᱷᱟᱡᱤᱭᱟᱱ, ᱤᱣᱠᱨᱮᱱᱤᱭᱳ, ᱜᱨᱤᱠ, ᱡᱟᱨᱢᱟᱱ, ᱤᱦᱩᱫᱤ, ᱮᱥᱛᱚᱱᱤᱭᱟᱱ, ᱠᱩᱨᱫᱤ, ᱟᱥᱮᱨᱤᱭᱟᱱ, ᱤᱭᱟᱡᱤᱫᱤᱥ ᱮᱢᱟᱱᱛᱮᱱᱠᱩ ᱟᱭᱢᱟ ᱞᱮᱠᱟᱱ ᱡᱟᱹᱛᱤ ᱠᱩ ᱢᱮᱱᱟᱜ ᱠᱳᱣᱟ᱾

ᱛᱤᱵᱤᱞᱤᱥᱤᱥ ᱨᱮᱱ ᱙᱕% ᱢᱟᱹᱱᱢᱤᱫᱚ ᱡᱚᱨᱡᱤᱭᱟᱱ ᱚᱨᱛᱷᱚᱰᱚᱠᱥ ᱪᱟᱨᱪ ᱨᱮᱱᱟᱜ ᱫᱷᱚᱨᱚᱢ ᱠᱚ ᱯᱟᱸᱡᱟᱭᱟ᱾ ᱤᱱᱟᱹ ᱥᱟᱶ ᱤᱥᱞᱟᱢ, ᱤᱦᱩᱫᱤ ᱟᱨ ᱮᱴᱟᱜ ᱤᱥᱟᱹᱭ ᱫᱷᱚᱨᱚᱢ ᱨᱮᱱ ᱢᱟᱹᱱᱢᱤ ᱠᱚ ᱦᱚᱸ ᱢᱮᱱᱟᱜ ᱠᱳᱣᱟ᱾

ᱠᱟᱹᱣᱰᱤ ᱟᱹᱨᱤ

ᱡᱚᱨᱡᱤᱭᱟ ᱨᱮᱱᱟᱜ ᱢᱳᱴ ᱡᱤᱰᱤᱯᱤ ᱨᱮᱱᱟᱜ ᱘᱘ ᱵᱷᱟᱜᱽ ᱜᱮ ᱱᱚᱣᱟ ᱥᱚᱦᱚᱨ ᱠᱷᱚᱱ ᱡᱳᱜᱟᱱ ᱦᱩᱭᱩᱜᱼᱟ᱾

ᱵᱟᱨᱦᱮ ᱡᱚᱱᱚᱲ

• Official website of the City of Tbilisi